____________________
مسا الخير ,,,
كيفكم وكيفكن ,,,
طبعاً الليلة جا على بالي أحبابنا إللي كانوا معانا في الأيام الغابرة المغبرة
كانوا محليين حياتنا بوجودهم قلنالك ياعمدة ترا ماتلاقي حجر زيي محل ماترميني تلاقيني يعني الفلف وأحوس بس مردي هنا ,,, ياخي جسمي ياكلني غزا مادخلت هنا في رمضان بس وإللي يخليك ياعمدة ياخي خل المنتدى مفتوح , خليني أجي أتلصلص وأشوف مين في واقرا وأخرج بسكوووووووووت يعني إنتا كدا لازم تخليني أسجل دخول وأكتب إسمي والباسوورد غللي كل مرة أنساه بعيد عنك الزهايمر مسوي فيني البدع داك اليوم جي من العمل متأخر ولقيت ولدي فجر صاحي حسبته ولد الجيران سلمت عليه وقلت إش الجيران دول إللي مخلين ولدهم مفلوت دا الوقت وتدخلت أم العيال وصلحت الطعة وقالت سلم على بابا يافجر إحم إحم , عدلنا الموضوع وقلبتها ضحكة غبية ,,, المهم , مالكم في الطويلة
اليوم كنت فاطر عند عمتي أم المدام , إحنا نقولها عمتي في الحجاز , بعض البدو يسمونها خالتي وعععععع إش خالتي دي الآدمية دي الله لايحرمني منها , كنها متآمرة مع بنتها عليا يا خوان بس تزغط فيا أكل على الفطور , والله أقوم من السفرة بدفة من خيلان العيال واحد يمسك دي اليد والتاني يدعي إن القومة تتم تفكرني بحرمة جورج سيدهم لمن تدفس في فمه البيض وتقوله عشان تكبر وتتربرب وهو يقولها ياولية هههههههههههههههه بس ما أقولها ياولية ههههههههههه .
فاكرين حمد ؟؟؟
الواد الصبي إللي كان في المركاز قبل كم سنة ,,,
حمد ياحبايبي اتجوز ماشاء الله , وخلف بنوتة صغيرة سماها لطفية على إسم أمو , وميل بخت البنت من بدري أقوله مين يبغى يتجوز وحدة إسمها لطفية هههههههههههههههههههه يقولي على إسم أمي هههههههههههههههههه
طيب ياروح أمك شفلك عريس من دحين دور قبل البنت لاتعنس وتفضل بين حافز والضمان ههههههههههه
جيعااااااااااااااااان
قاعد دحين في المكتب , ومافي جنبي أي شي , كني في مقطعة
بكرا كمان رايح أفطر عند عمتي , ملزمة ونا ما أحب أرد أحد ههههههههههههه نفسي رتعة وحلوة ما أحب اكسف احد في أحد يحب يجربني
اقووووووووووووولكم , والله أنا احوووووووووووبكم , وعشاااااااااااااان مافي أحد غيري دحين , طفشت واستأزنكم بكرا إن شاء الله لنا لغااااااااااء هنا
تصبحون على ماتحبون ( يعني سندوتش يسلي الصيام ـ كاسة توت أو تانق ـ أي حاجة تسلي بيها صيامك ياعمي الحج )