زواج السعوديين من الأجانب<للنقاش..

[DANiA]

فاكس لفهـــد..

بما انه اليوم سار عمرك 30 سنه فلسسسه انت صغير عالزواج من التانيه ...فكر لا تستعجــل..وانا أنصحك انه لا تتزوج..

[شوق الصبر]

الى الاختCherry Lips

المسألة قناعة

.
.
.
.
.
.
.
.
عندي لك اقتراح واعتبريه طلب اذا امكن بلييييييييز

ممكن تطرحي موضوع التعدد عشان نناقشه ونشوف الصح من الغلط


تحياتي
فهد

[lolo_429]

يشري

يااااااااااااخيي خليها على ربك ..لازم كل واحد يجرب بنفسه عشان يسمع الكلااام
عادي الحياة الزوجيه فن تجريبي ماعجبتك غيرها البناات كتييييييييييييير<<شي ينرفز..

إذا الزواج فن تجريبي والله مصيبه

[DANiA]

فهــــد..

انا ماقلت التعدد غلط بس لها شرووط..
واهم شي من شروط الزواج انه مايكوون للمتعـــــــــــــه..
نفتح موضوع التعدد...مافي اي مانع بس ان شالله في الأخيــر تقتنع ..واهم شي ضغطي مايترفع...

[جف البحر]

الغالية
وأكبر دليل ما قام به المغفور له بإذن الله الملك عبدالعزيز عند توحيده للمملكة حيث كان يتزوج من كل بلد يقوم بافتتاحه حتى يأمن شرهم ويكونون أصهار له .

حلوه يا عمده ..
ولا أحد يقدر يفتح فمه

[جف البحر]

يشري



إذا الزواج فن تجريبي والله مصيبه

علاء انته كده

[همس المشاعر]

فهــــد..

انا ماقلت التعدد غلط بس لها شرووط..
واهم شي من شروط الزواج انه مايكوون للمتعـــــــــــــه..
نفتح موضوع التعدد...مافي اي مانع بس ان شالله في الأخيــر تقتنع ..واهم شي ضغطي مايترفع...

أبشرك من دحين ((( رح يرتفع )))

[ابوفهد]

المفروض يكون رأيك يا أبو فهد سواء للعواجيز أو الشباب.

0

وللى هي الحكاية على حسب الحاجة!!!

0

نبغاهم أخذناهم مانبغاهم رميناهم.

[align=center]
هلا بالغالية ام عبدالله
يسعد الله ايامك بالخيرات

لا ياستي مو القصد كـــذا

ووجهة نظري واحدة مع الكبار والشباب

بس ممكن تسألين اللي تعرفيهن من العوانس او اللي يحبن التعدد

هل يقبلن الزواج برجل كبير مثلي متزوج

اش رايك الآن

دمتِ بحفظ الرحمن [/align]

[zadi]

_______________

أهلين شيري
موضوع فللللللللللللللة ,,,
شوفي ياطويلة العمر ,,, خلنا ناخذ الموضوع جد شوي ,,,
للزوجة الأجنبية محاسن ولها مضار ,,, كيف ؟؟؟
من محاسنها الصبر وتناسب التكلفة في الزواج والقناعة وماإلى ذلك ,,,
ومن مضارها أو مساوئ الزواج من أجنبية مسألة الأولاد وصفرهم كل سنة أو ثنتين مع أمهم وتكاليف السفر ( لأن لها حق واجب إنها تشوف أهلها ) وكمان العيال يطلعوا مالهم خيلان هنا ,,, يعني مالهم عزوة ,,,
طبعاً فيه حالات شاذة كثير ( كيف شاذة وكيف كثير , مدري ؟ ) ينجح فيها الزواج من أجنبية , وطبعاً يرجع الموضوع للتفاهم وحسن العشرة ,,,
وبعدين تعالي هنا ,,, مين إللي حد السعودي على إنه يروح يتزوج من بره ؟؟؟؟؟
مو تحكمات ولاة أمور البنات ,,, نبغى ونبغى ونبغى ,,, يعني كدا أحسبيها صح ,,, تكاليف الزواج من سعودية :
المهر = 20000 ريال
الشقة = 60000 ريال ( 3 غرف وصالة ) في أضيق الحدود
الجواز والشبكة وقراية الفاتحة = 60000 ريال ( في الحد الأدنى )
مصروف جيب وشهر عسل في البداية = 25000 ريال
المجموع 165000 ريال ( بعض عيال القبايل يقولون هذا طيب وغلبان

طيب نشوف تكلفة الزواج من أجنبية
المهر = 10000 ريال ( إن ضربطو الحما
الشقة = 30000 ريال ( غرفتين وصالة بمنافعها وربك بالسر عليم )
الجواز والشبكة والفاتحة = 10000 ريال ( في الحد الأعلى )
مصروف جيب وشهر عسل = 10000 ريال ( لأنه راح يكون في بلدها )
المجموع 60000 ريال وعروصة زي الفل ( على قولة جف البحر )

ها ,,, إيش رايك دحين ؟؟؟؟؟؟؟؟؟؟

ياستي والله العيب مو في حكاية الزوجة الأجنبية ,,, أو في حكاية توجه الشاب للزواج منها ,,,

العيب في :
ـ أبو العروسة
ـ أمها
ـ تقاليد وأعراف المجتمع ( وخاصة القبلي )
مطالب ما أنزل الله بها من سلطان ,,,

نخلص القول في إن الزواج من أجنبية زي مالو من محاسن كمان له مساوئ أو خلينا نسميها سلبيات ,,,
ولكن تسأليني عن رأي بكل أمانة ,, أقولك إن الصناعة الوطنية لايعلى عليها
بس تكون من بيت أدب وتربية وتوجه ديني طيب ,,,
لأنه بكل صراحة إذا الزوجة أو خلينا نقول البنت دينها ( متعتع ـ فينك ياعابدة تشوفي المصطلحات ) ترا تصبح الحياة صعبة والبيت ممكن يتعرض للإنهيار في أي لحظة ,,, وماينطبق على الزوجة أو البنت ينطبق على الزوج أو الشاب خلنا نقول ,,,

تحياتي تشيري

[عمتووووووو]

سلاااااااااااااااام

رجعت العمة تاااني

الموضوع زي ما قال عم شوق الصبر كله قناعة
اللي يبغى يتزوج من اجنبيه وظروفه تسمح وما عندو مشاكل مع اي احد
الله يسهلو ويستر عليه

بس لو سمحتو يعني كده
حكاية التعدد دي اللي بتخششوها في كل هرجه ازا متعبتكم ومرة نفسكم تتكلمو فيها افتحولها موضوع لوحدها
عشان اعرف انا كمان اتكلم براحتي


اختي تشيري
ترى مانسيتها هادي المضروبه (هيفا وهبي)
بس قولت بلاش اجيب سيرتها لا ينسو انا بتكلم في ايش

مع حبي
عمة صغيرة

[همس الشوق]

[align=center]السلام عليكم ورحمة الله وبركاته


"أخيراً فضينا شوي من موضوع عابده حتى نتفرغ للموضوع دا ومواضوع متلتله تانيه "


الأخ غالي قال ببداية الموضوع كلام ذهب ...

هما بإختصار آيتين قال تعالى ( إذا جاءكم من ترضون دينة فزوجوه وإن لم تفعلوا تكن فتنة في الأرض وفساد))

كذلك قولة تعالى ((يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِير)) سورة الحجرات آية 13ٌ

قال صلى الله عليه وسلم { لا فرق بين عربي ولا أعجمي إلا بالتقوى }


أين نحن من هذا ؟

القاعده بسيطه جداً ... ووجهة نظري هي يفترض أن

نفتخر بإسلامنا وليس بعروبتنا فقط فـ نقول

نحن عرب ونترفع بعروبتنا عن الآخرين !

أخوتي نشأة الكثير منا للأسف لديه نظره دونيه للآخرين

لا أعرف لماذا وماسرها ! " بالرغم أن الكثير

من الأشياء تميز الشعبوب الأخرى .. !


فلا ينقصنا عن غيرنا شيئ ولا غيرنا ينقصه شيئ !

* قال البعض نسمح بتزويج بناتنا إن كان بهم نقص , عيب ما أو كباراً في السن وربما فاتهم سن الزواج " أتحفظ على مسمى العنوسه " ... أستعجب هذا الرأي كثيراً وكان منهم الأخ ابو فهد ..


هل ذوي الإحتياجات الخاصه ينقصون عنا في شيئ ؟

لا أنكر نقصهم لبعض الحواس ولكن يعوضهم الله بما لا تعلمون ..

فــ فاقد البصر قد يكون بصيراً و قد لانكون كذلك !


أضف إلى ذلك نفترض أن لديك إبنتان إحداهما من من بها

تلك المواصفات التي ذكرت هل الزوج السعودي أو العربي

كامل المواصفات أو أقرب لذلك !


"بصراحه أخواني أو أخواتك مهما كان فيهم من عيوب هم عينين براس!

بمعنى لايمكن أدورله/ــا إلا شي يستاهلهم لأنهم أغلى ماعندنا "


الحياة الزوجيه ليست تجربه وإنما خبره والفرق بينهما شتان

التجربه تعني أنك تنوي الإنتهاء والخروج منها بنتائج !



ممكن نكون صريحين أكثر؟


كثير من الأزواج العرب المتزوجين من أجنبيات مأثرين على

زوجاتهم بثقافتهم وبتمسكهم بدينهم فتجد الأجنبيه أكثر

تمسكاً للإسلام من تلك العربيه !<< في كثير من الاحيان

هذا صحيح! (مثل ماذكرت الدانه)


،

،


الآن آتي على ملخص رأيي الشخصي :


* لا أرى عيباً ولا ضرراً بالزواج بالأجنبي/ ــه .. المسئله توجه

شخصي بحت قبل أي شيئ آخر !


* ذكرتم بمواقع مختلفه المنتج الوطني / الدلع / الجمال / تحسين النسل !

كلها مصطلحات مرتبطه ولكن , نيتم أهم شيئ وهو الهدف من الزواج ومتطلبات الزوجين والإمكانيات المحيطه لهم وظروفهم !



* كلمات متقاطعه .. السوريه / هيفاء وهبي / نانسي ... الخ

"نحن نتكلم عن الأجانب وإنتوا مش عاجبكم العربيات

إذاً حلوا هالقضيه أولاً بعدين إحكوا عالأجنبيات !"



* أهم من جنسية الزوج/ ــه هي شخيصتهم !


* أخيراً إذا صفت النفوس تم كل شيئ بخير !

أكيد راح تسألوا عن نية الأجنبي وبتقولوا ايش عرفك

نيتوا صافيه ؟ بقول وإنتوا ايش عرفكم بنية إبن بلدكم !



لـــــــــكــــــــم صـــــادق الود من الهمس [/align]

[DANiA]

أهليين زادي..

وبعدين تعالي هنا ,,, مين إللي حد السعودي على إنه يروح يتزوج من بره ؟؟؟؟؟
مو تحكمات ولاة أمور البنات ,,, نبغى ونبغى ونبغى ,,

البنات بيقولو كده عالأقل البنات بكملو دراستهم عندهم طموووحات.. والأولاد طبعا رواتبهم ضعيفه ..فدا من العوامل إلي تساعد الزواج من برا..

وبعديييين شوف يااخي الدنييييا فيها ناااس مخبوووليين تخيل يازادي واحد عمره 20سنه معايا دا واحد...المهم أتقدملي طبعا طبعا لالالا أجلس أربيه ولاأصرف عليه ولا ايه بالضبط...الدنيا فيهاا ناااااااااااااس عجب...

ماعلينا خليها على ربك..

وبعديين مغريات الدنيا تخلي البنت تطلب وتطلب وتطلب.....
والرجال يقولل أنا ماعندي فلووس..< طب ليش يتزوج..

برضو خليها على الله....

المجموع 165000 ريال <<<هادا والمهر 20 أمااااااااال أبو 80 و 100..

..... سمعت عن واحد يبغى يتزوج وحده تانيه بس بشرط... أن ماتخلف منه..و ..ممكن يطلقها في اي وقت..! بالله عليكم دحين دا حلااال؟؟..!!
أخت عمتوو

قلنا نفتح مووضع التعدد الراجل أختفى....<< شكلو قد اتزوج..

الأخت الغاليه همس الشووق..

كلامك جداً رائع سكتينا كلنا بس مش حلو الواحد يغامر ..

أخيراً إذا صفت النفوس تم كل شيئ بخير !

أكيد راح تسألوا عن نية الأجنبي وبتقولوا ايش عرفك

نيتوا صافيه ؟ بقول وإنتوا ايش عرفكم بنية إبن بلدكم

! <<أغلب الأجانب نواياهم تجاريه معررووفه دي...

الله يصلح الجميع..ويتمملهم على خيير..

ودمتي ..

[Nooosa]

تشيري .. أختي الغالية ..
سأحاول العودة بإذن الله .. لرأيي أو النقاش ..
لكن أحببت أن أنوه فقط .. إلى أن ( إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير ).. حديـث شريــف .. ( فيما معنى الحديث )
.
.

[EDrara]

[align=right]هلا بتشيري ليبز

شوفي يا ست

الواحد لما يتزوج من خارج بلاده تتحكم فيه العادات والتقاليد فهنا تكون الحياة صعبة إن لم يتنازل كليهما عن امور معينة في هذا المجال والإطار

لذلك يكون الزواج من داخل البلد أفضل للمتزوجين
أما من الناحية الدينية فهذا ليس عيباً أو محرماً أو مكروهاً بل على العكس تماماً

ولذلك كنت أقول للوالدة حفظها الله أختاري لي من شئت لكن لا تكون احدى قريباتي المقربين بل نبعد قدر الإستطاعة وها قد وصلنا لأم عبدالملك[/align]

[شوق الصبر]

مراحبببببببببببببببببببببب

انا جيت

الأخت Cherry Lips

ما زلت انتظر طرح موضوع التعدد...

وبعدين إيش المشكلة اذا كان المتقدم لك عمره عشرين!!!!!!!!

هل ماهو رجل ، مايقدر يصرف عليك او مو موظف ؟؟؟؟؟؟؟؟؟

للمعلومية انا متزوج وعمري اقل من 21

تحياتي

فهد