مشكلة في مودم D-Link .... وأرجو مساعدتي ..!!!

[nada1]

مرحبا أخت ندى..

أعتقد مشكلتك في خدمة Dsl نفسها

يعني اللمبة لما تغمز معناها إن المودم ما قدر يلاقي خدمة Dsl في الخط..

وهذي لها عدة أسباب أهمها طبعاً هو إن شركة الهاتف ما شغلت الخدمة عندك..
وغير كذا تأكدي من التوصيلات من كبينة الهاتف إلى المودم وتأكدي من استخدام فلتر الدي إس إل عشان ما يكون تشويش على الإشارة..

أخوي محمد أنا دخلت على أعدادات المودم لمن وصلت لنقطه حفظ الأعدادات فصل معايا الخط

كمان لمن دخلت على status وفتحت على الدي أس ال مكتوب أنه مافي اتصال

أتصلت بخدمة العملاء يقولو ما في عندهم مشكله

[nada1]

إتأكدي من الإعدادات وطريقة تنزيل تعريف المودم في البداية

https://dorarr.ws/forum/showthread.php?t=39422


وبعدييين لازم تتصلي على الهاتف تضغطي 1 بعدين 2 بعدين 3 بعدين 5 <<< هذي التحويلات اللي توصلك للدعم الفني حقوون الدي إس إل
وهما يساعدوووكي إن شاء الله

وغير كدا إتأكدي زي مااا قالك الأستاذ محمد من إنك مركبة فلتر الدي إس إل

^
^
^
هذا شكلوو <<<<<<

تسلم أخوي جدة على مداخلتك

وإن شاء الله راح أشتري الفلتر واركبه

تسلم على الصورة التوضيحية

فائق التقدير ك

[محمد المحيا]

هلا أخت ندى

واضح من الصورة إن إشارة الـ DSL ما وصلت للمودم..

ومثل ما قلت لك أهم الأسباب.. جودة الأسلاك والتوصيلات من كبينة الهاتف للمودم.. والمفروض تستخدمي الفلتر لتصفية الإشارة..

المودم لما يغمز يكون في وضع اسمه Training ويفعد يشيك على الإشارة كل شوية والمفروض إذا لفى إشارة تثبت اللمبة على الضوء الأخضر..

تأكدي من الأشياء هذي وإذا استمرت المشكلة فغالباً الشركة ما وصلوا الخدمة..

[محمد المحيا]

إن شاء الله يكون الفلتر وصل

وعموماً جربي اعملي الإعدادات اليدوية حتى بدون الفلتر وإن شاء الله يشبك:

- من المتصفح ادخلي الصفحة 192.168.1.1

- اكتبي المستخدم admin والباسوورد admin

- اضغطي فوق على Setup ورح يدخلك على DSL Setup

- في صفحة الـ Modulation type خليه على MMODE إلا إذا طلبت منك الشركة تختاري نوع غيره

- اضغطي على زر Connection

- في خانة Name اكتبي أي اسم للاتصال

- في خانة Type تحددي نوع الاتصال.. غالباً هو PPPoE إلا إذا طلبت الشركة تغييره لنوع ثاني

- باقي الخيارات والأرقام لا تغيري فيها شي.. بس اكتبي الـ Username والـ Password حسب المعلومات اللي عندك

- اضغطي Apply وانتظري ثواني المفروض بعدها يشبك المودم مع الشركة

- اضغطي فوق على Tools ومنها System Commands واضغطي على Save All


مع تحياتي

[nada1]

الحمدلله أشتغلت الخدمة أخيرا

وكانت المشكله في سرعة الاتصال والحل الوحيد هو رفع السرعة

مودم ال d_link ما أشتغل على سرعة 128 لكن لمن رفعت السعة ل 256 اشتغل

طبعا حبيت أضيف الحل دا حتى يستفيدو الكل لاني بصراحة تعبت وأنا أدور في النت على حل

وكل الشكر موصول للأخوان

على رأسهم أخونا المحيا

وأخونا جدة


مع فائق التقدير