المشاركة الأصلية كتبت بواسطة الأصيـــــــــل
[align=center]ترم ترم ... ترم ترم
ترم ترم .. ترم ترم <====== لحنّوها بمزاجكم
----------------------------------------
أنا جييييييييييييييييييييييييييييي ت
----------------------------------------[/align]
يعني بجد ... أنا الآن آمنت بالمثل اللي يقول
ساعة المزاح تشتفي الأرواح
يعني تحس في كميّة من المشاعر المدفونه في القلوب
ومستنيين موضوع ينتشروا فيه
الله يهديكي يا عابدة .. ما قلنالك بلاشي اللي على اللمبه السهاري دي
عموماً .......
الشبيبة ما شاء الله عليهم وفّوا وكفّوا
لا وماشاء الله الأزواج طاحوا فبعض ..
وناس قاعد تبوح بمشاعرها الخاصة <---- معايه يا ثامر .. يا مجننهم
يعني انا ماني فاهم انتوا ايش تبغوا يا بنات
قلنالكم الحب مو شيك مصرفي قابل للدفع
أخويا المحيا قالكم الحب زي القنوات المشفره
وباك شدو قالكم زي السيارة
والعمده ..... تعاااااااااااااااااال هنا يا عمده ... أجل ماشاء الله تقدر على أربع ها
شوف يا عمده ........ الله ..... يعطيك الصحة
المهم ...
يعني حضراتكن يا حرمه منّك لها لها لها ... حاطّين رجل على رجل .. وتبغوا الحب لكن لوحدكن ...
مو صعبه شويه ... مو كأنّوا في مثل يقول ( أسعى يا عبدي وأنا أسعى معاك)
يعني تأكيداً على كلام الأرسطو السابق ومعلق قناة الرياضيه الحالي ثامر ..
الحب نبع لا ينقطع ولا يتجزأ .. ولا يقاااااااااااااااااااااااااااا اااس
فاهمين النقطة دي وركزّولي عليها بالله ... لا يقااااااااااااااااااااااااااس
يعني ما تقدر الوحد تجي تسأل جوزها كم كيلوا الحب اليوم عندك
ولا تحبّني كم متر ... ولا فللي التانكي حب الله يخليك
وبعدين أنا مؤمن بحاجة مهمه جداً ... البنت لو تبغى شي .. تسويه
أياً كان هذا الشي .. ما حتعجز البنت الشاطره إنها تعلّق قلب زوجها بيها
والكلام اللي حقولوا دا قلتوا لزوجتي وحقولوا لكل بنت بتقرا الموضوع متزوجه او ناوية تتزوج او حتى مراهقة عشان تتعلم الكلام الصح
وان شاء الله الشباب يأكدوا على كلامي دا
( أي وحده في الدنيا .. ممكن تخطف زوجك منك .. إيش ما كان شكلها أو جنسها .. أو حتي دينها ... إذا لقى عندها حاجتين مهمتين جداً ...
الحنان .. والإهتمام ...)
والحاجة دي مو بالكلام عشان ماشاء الله احنا اساتزة في الكلام وكل واحد ماسكله قسم في الدرر وقاعد يرغي فيها .. لكن بالفعل
وخليني أوضّح إيش معنى الحنان والاهتمام .. عشان أنا متأكد انو الدانة ولا همس الشوق حتدخل تقولي وضّح .. فخليني أوفر عليهم
الحنان بإختصار .. خلي زوجك يحس إنو طفل مدلل .. بالضبط بالضبط .. كالطفل .. شاركيه اهتماماته ومشاكله .. دلعيه .. أمّني على كلامه .. ولو كان كلامه خاطيء لا تعارضيه بقوه .. أو تخالفيه بشدّه .. أو تبيني إنو ما هو فاهم أو إنك أذكى منّه ... لأنه أو ما تبينيله إنو غلطان .. حيكش منّك .. وأوّل ما يكش منّك حيدور على غيرك .. عشان يتكلم معاه ...
أما الاهتمام .. فهو قسمين .. قسم اهتمامك بنفسك .. عشانه .. ألبسي إلي يحبه .. حسسيه بقيمته ... وهلم جرّا
واهتمام شخصي بيه .. كاهتمامك بملابسه وأكله .. وهواياته ...
طبعاً كثير حيقول الأصيل شطح عن الموضوع الأساسي .. بس اللي يركز شويه حيعرف إني بتكلم فصلب الموضوع ..
الرجل ما يطالع فمراًه ثانية أو حتى يحاول يطالع فيها أو يعجب بها .. إلا إذا لقى فيها اللي ما لقاه فزوجته الأولى ..
وهنا نخش فنظرية التكامل اللي قالتها صدى .. وحده تكمّل الثانية ...
خليكي كل النساء فعين زوجك .. ولا تحرميه من شي .. وبعدين نشوف إذا حب غيرك ولا لأ
وبعدين مافي رجل في هذا الكون .. يقدر يحب أكثر من وحده بنفس الدرجة .. مستحيييييييييييييل ...
عموماً ممكن يكون ليّه رجعه بعدين ....
تحياتي للجميع