[SIZE=2]في البدايه ماكنت حابه اعرف عن نفسي بالطريقة التقليدية (انا وانا ..)
لأ حبيت اثبت وجودي اول شي ولو باليسير فكان دا كلو عن طريق بعض التعليقات على الموضوعات اللي اطلعت عليها واضافتي لموضوعين لاحظت انو من الممكن الإستفادة منها..[/SIZE]
بعد كدا لقيت انو كدا كفاية وجا وقت التعريف والبطاقة الشخصية و..و.. عشان ماتقولوا اشبها هادي كدا داخله بالعرض من غير لااحم ولادستور..
أنا والعياذ بالله من كلمة انا..
صراحة انا مني حقت منتديات ولاحاجة .. وكانت طريقه تعاملي مع النت او بالأصح الإستفادة منو عن طريق دخول بعض المواقع سحب المواضع اللي احتاجها اشوف الإيميل تبعي وسلملم..
لكن الإنسان بطبيعتو مايسير على وتيرة وحدة .. عشان كدا حبيت اغير الروتين اللي بأتعامل عن طريقو مع النت واول شي لقيتو قدامي منتداكم المتميز..(طبعا اكيد مو صدفه)
ولاشي دخلت درة الشعر والخواط لقراءة موضوع معين بعد كدا شدني الفضول لإكتشاف بقية الدرر سجلت في المنتدى وقررت اكون عضوة في منتداكم فأتمنى القبول من الجميع ولاتنسو مد يد العون .. يعني اذا كانت هناك بعض الأخطاء (لفظية ,مصطلحات ,ذات المواضيع اللي بأقدمها)
ايميلي موجود يتقبل انتقاداتكم ونارشاداتكم فنفس الوقت
معليش عاااارفه اني طولت كأني اول وحدة اسجل لا وكاتبة قصة حياااتي كمان بس حبيت انوه انو من الممكن مشاركاتي تقل اوتنقطع لفترة محددودة ويرجع السبب لمرحلتي الدراسية الحرجة لهذا العااام
خلاص الحمدلله خلاص وآسفه على التطويل مرة تانية ..
لاتنسونا من خالص دعاكم وتأكدوا دعمكم قوتنا..:023: :095:
[/ALIGN]
