[COLOR=darkblue] صباح الطفش والفضاوة والناس اللي ما راحت الجامعة بحجة إن عندها بحث وما سوته

ياسلااااااااااااااااااااام هوايتي المفضلة جمع الأمثال

عندي دفتر ملياااااااااااااان

خذوا عندكم

1 / على وزن مثل الأمل ((اللي ما يكون عالخاطر يمرض الحشا ))

نحن نقول .. اللي مو عالبال حاله صعيب

2 / كثرة الدق تلين الحديد ... وبالكويتي كثرة الطق تفش اللحام

3 / هذي أمثال المفضلة

* جلد مو جلدك جره عالشوك .. يعني مثلا وحد راجل يتعب ويشتغل عشان أولاده وهم ما يقدرون تعبه ويضيعون تعبه بالفاضي ويستغلوه بقوة .. يقوم يقول هالمثل .. زي ما يسوون الدكاترة معانا

* أتلم المتعوس على خايب الرجا .. هذي مثل وافق شن طبقه والطيور على أشكالها تقع

وكمان .. لكل حبة مسوسة كيال أعور
وبالمصري .. أتلم تنتون على تنتن ,, واحد نتن والتاني أنتن

* يوم يجيك واحد سفيه ويشتمك .. تقوم إنت تمشي وتبتسم .. والناس يلوموك ليش ما ترد عليه .. فرد عليهم بهالمثل ..
(( مية سبة ما شقت ثوب ))

* مثل ينقال لحديث النعمة .. اللي مو والف عالبخور ينحرق ثوبه ...

أيضا .. اللي ما يعرف الصقر يشويه ;)
* (( حمارتك العرجة تغنيك عن سؤال اللئيم )) مثال فيه قناعة ورضا بالواقع هذا طال عمرك ينقال مثلا لو عندك سيارة مقربعة وكل شوي تخرب .. تقوم تقوله .. أو ممكن تقول ريحة أبو علي ولا عدمه >> ما كأني قاعدة أكتب طبخة .

* تشوف اثنين كل وحدة فيهم أهبل من الثانية ومالأمها داعي وقال إيش قال !! قال قال ( ما كثرت القلقلة صح ؟ ) إنها تبغا تساعدها وهي ما تفهم شي .. فيضرب هذا المثل

(عمية تحفف مجنونة .. وتقولها عيونك سود وحواجبك مقرونة ) تحفف يعني تزينها

* إذا شبعوا الفقرا يتهادوا .. هذا عاد ما يحتاج لإيضاح

* الجيعان يحلم بسوق العيش هذا زي في رمضان في العصر كل شي تشتهي عليه

* شحات وعينه قوية .. ومثلها

عويل ولسان طويل ..

فقر وعنطزة

وبالسوري .. طزيزة وع اللوج .. يعني فقير ومنتف ويبغا يقعد على اللوج .. اللي هو المقاعد الأمامية في المسرح وبأغلى سعر

واجتماع الفقر مع التعالي والغرور صفة ذميمة .. ذمها الرسول صلى الله عليه وسلم إذ قال : ( ثلاثة لا يكلمهم الله ولا ينظر إليهم ........ وذكر وعائل مستكبر ) أو كما قال عليه الصلاة والسلام .. وهو الرجل الذي يعول وذو حاجة .. ومتكبر .. وشتان بين الكبر وعزة النفس ( محاضرة ماشاء الله مو مثل )


* يجيك واحد يسوي نفسه فهمان وصاحب معرفة .. وهو ما يعرف كوعه من بوعه ( يالله خذ هذا كمان مثل ) تقوم تقول ..

(( من معرفتك بالصحابة تترضى عن عنتر وعبس ))

* مجموعة أمثال ما يبغالها شرح
- اللي يخاف من العفريت يطلع له
- اللي اتلدع من الثعبان يخاف من الحبل
- قليل البخت يلقى العظم في الكرشة
وهذا المثل مرة يعجبني وذا معنى عمييييييييييق .. أسير عليه كثير .. وإن كان مذكور من أول

(( العيار اللي ما يصيب يدوش ))

كفاية كذا صح

مروقة زيادة عن اللزوم .. معليش هذي نتيجة الضغط ..


تحياتي

OR]