بسم الله الرحمن الرحيــــم..والصلاة والسلام علي أشرف الأنبيـــاء والمرسليـــن
السلام عليكم ورحمه الله
_________________
قبل اسبوع قرأة موضوع لاختنا همس الوجود عن غذاء الرسول صلي الله عليه وسلم ...جزاها الله خيرا
وقررت اتباع سنة الرسول عليه الصلاة والسلام
الافطار والعشاء بالضبط ...ماعدا وجبة الغداء ... اضيف برياني (( ..أقرب مايكون للكبسه))
الحاصل ... بدات احس بتغير جسماني وروحاني .. وهناك طاقه علي عكس العاده
يمكن منكم من يتذكر زماااااااااااااااااان ..استطعت تخفيف وزني من 112 كجم الي 64كجم ...وكنت مبسوط أوي
الحين من كثر مااقعد علي الطاوله ...وادماني علي M&Ms بانواعهم وخصوصا باللوز
رجعت ..الي 84 كجم ...
من ثلاثة ايام بدات في نظام رياضي ...هرولة الصباح مدة 25 دقيقه وشوية سويدي
اليوم قررت اروح للنادي واتمرن وأربي عضلات ... ((مبسوط من يوم كفخت هذاك النجس ))
وانا بالنادي ...اطالع يمين يسار .. ياانا دب بشكل ..
ماهي مشكلة ...خففت وزني زمان وصرت اخترع نكت علي الدبب .. اقدر اسويها مره ثانيه
وهذا وانا اهرول علي اللي ماادري ايش يسموها بالعربي
واطالع بالتلفزيون قدامي ... كله دعايات
واسمع هذاك الصوت من السقف ..What's up bro!?
انا طالعت علي السقف ...مافي أحد
اطالع علي يميني واشوف سيقان
ارفع راسي شوية .. شفت يد منفوووووخه
ارفع راسي كمااان واشوف صدر منفوووووووووخ
ارفع راااسي اكثر ..واشوف وجه هناااااااك بعييييييد
اطول انسان اشوفه من هذي المسافه
الشي اللي ماادري ايش اسمه بس نجري عليه ..يصيح
وهو دج دج دج دج دج يجري علي الجهاز
حزنت وربي علي الجهاز
كملت هروله واشرد من جنب هالادمي قبل لاينفجر الجهاز ويلبسوني تهمه
رحت علي قسم الاثقال
وقعدت احسبها ... لو ابدا من حيث انتهت اخر مره ..زماااان
يمكن اطلع من هنا باصابه
بالعقل ...ابدا من جديد
لا خلينا بالنص ..
مسكت اثقال وهذا انا اووووف اوووف واحسب نفسي فتوه الحين ولاعنتر
وشوي الا هذا الادمي يجي يطالع فيني ...وبرضه ..What's up bro
انا تعقدت وانا اجري جنبه ...من نفسي حسيت اني طفل خمس سنين والا اقل
الحين وش جابه هنا
شوي الا هذا يمسك اثقال ...كان علي بالي حاطين هالاثقال زينه
تقريبا ... عشرة مرات الوزن اللي انا فرحان ومسوي عنتر
ويرفع الاثقال ويتمرن بيد وحده ... وباليد الثانيه قاعد يدور بجيوبه علي ماادري ايش
انا وقتها خلااااص ..تعقدت
شوي الا واحد ثاني ...برضه مفتووووول يوقف جمبه ويرفع اثقال
ويمسكوها سواليف
انا قعدت علي كرسي واطالع فيهم
وقعدت اقول لنفسي ...((كلها كم سنه كذا اقضيهم بدون شغل ويومي وليلي بالنادي اتمرن ...واحطه علي الرف
لا صعبه
يبغالي ونيت وشجره .. امسك بالشجره والونيت مربوط برجلي ويسحبني لاجل اوصل ...يمكن لبطنه او كوعه
بس هو منفوخ بزياده والا!!! ...شف صاحبه بعضلات اقل بس شكله احسن
بس نفسي اعرف ليه شعره طويل وحاط كحل ؟؟؟
اووف ..لاتقول صاحبه
لا لا لا ...مو معقول))) <======== هذا انا افكر
شوي الا صاحبه يدخل غرفه الحريم
بل عليهم ...
الا بل عليها
الحين هذي حرمه ؟؟؟؟ بعضلات والا ارنولد بشبابه ؟؟؟
شوي الا الرجال يطالع فيني ويقول ..What's up bro
الحين حزر فزر وش سويت
1) قلت له ..What's up bro
2) ابوشكلك هذي اللي معك بنت اكيد ؟؟
3) اخذت بعضي وطلعت
4) حطيت رجولي
الاجابه ... اخذت بعضي وطلعت
وانا شيال الحين شنطتي وطالع شفتهم واقفين مع بعض زي عواميد جسر ..ويضحكون
يوم شافوني سكتوا
واضحه زي عين الشمس يضحكون علي
بس ...اتحدي اذا فيهم ..لحسه ذكاء
او ... عندهم شهاده
او ..اي حاجه
عندي فكره
ارجع البيت
وادرس زي الدوافير
واجيب شهاده تمام
واسرق كم بنك
وافتح شركه عالميه
واطلع فلوس بالهبل
واشغلهم عندي بودي جارد
هههههههه
اتحداهم يشغلوني بودي جارد