غاليتي ملكة البحار ..
موضوعك عجيب غريب يا ستي ..
صدقيني لمن تتركي المنتدى ما حترتاحي ..
انا اقللك حل ..
خذي فترة راحه ما تزيد عن اسبوع ..
وصدقيني بيتجدد شوقك للمنتدى وللأعضاء ..
انا في بداية الامر والله ما كنت حكمل معاكم ..
بس لفتتني رسالة جف البحر ..
لفتني حرصكم على بعض ..
كنت محتاجه لناس تهتم وتسأل ..
والله رزقني بيكم أسره ثانيه ..
صدقيني لو تركتي المنتدى ما حترتاحي .. بالعكس يمكن تتعبي اكثر
لأنه الانسان لو اتعود على شي صعب انو يتركه بسهوله ..
ف انا اقللك فكري كويس مررررره قبل لا تتصرفي ..
وخذي فترة اجازه من المنتدى (( ما تزيد عن اسبوع )) ..
ولا يكون كل همك وشغلك الشاغل المنتدى لأ عيشي حياتك ..
و وقت فراغك نورينا بتواصلك ..
بس امانه ما تقطعينا وفكري ف كلامي كويس ..
****************************** ***********
وعلى موضوع الحياه صدقيني في جمله دايماً اقولها
(( هيا الدنيا كدا ))
مو دايماً الواحد يحصل عاللي يبغاه ..
ومو دايماً نكون راضيين على أحوالنا ..
بس صبراً جميل وبالله المستعان ..
وصدقيني لازم يجي يوم ونلاقي الفرج .. والفرح
وكل اللي نبغاه .. ومو شرط يكون في الدنيا
يمكن يكون في الآخره ..
أتمنى اني اكون اقنعتك وتفكري كويس قبل لا تاخذي اي قرار ..
دمتِ بخير ..
دمتِ سعيدة ..