بسم الله الرحمن الرحيم
أخواني وأخواتي الأعضاء اولا اقولكم وحشتوني كثير واشتقت لكم وثانيا ابارك لكم ولي وادارة المنتدى على ترقيت نسخة المنتدى من vb2 الى vb3.03 ..
اليوم بعطيكم فكره عن الدرس والدرس هذا جداً سهل ولا ياخذ منك وقت طويل لانه كل شغلاته تعتمد على الفتوشوب ...
الان أفترض انك تبي تعمل لك موقع وبلش بعمرك ما تعرف كيف تتعامل مع برنامج الفرنت بيج مثل ما تتعامل مع برنامج الفتوشوب والمشكله ما تبي تدفع لاحد فلوس علشان يصمم لك موقع على ذوقك بس لقيت لك موقع يعطيك مساحه مدانيه بموقع الرمش ويب او الخيمه العربيه او جيران او اي موقع يعطيك مساحه مجانيه ..
الحين خطرت لك فكره انك ليش ما تشغل مخك شوي وتركز جل ابداعك بالفتوشوب وتصمم لك موقع فيه بس خايف يكون شغلته شغله ولكن مع التفرفر والتفحيط بالفتوشوب لقيت ان عملية التصميم فيه جداً سهله والصفحه فيه ما تأخذ منك وقت كثير ..
قمت وفتحت لك قالب جديد بهذا المقاس 800 بيسكل في 600 بيسكل وبعدها اخترت لك لون خلفيه مناسبه وضغطت على سطل اللون وعبيت اللير بالون اللي انت اخترته وبعدها فتحت لك طبقه جديده وبديت تصمم الاطار الخاص بالصفحة وبعده حطيت لير جديد وبديت تقسم الصفحه على شكل اقسام من الهد والبودي وغيره وبعدها قمت تكتب لك عنوين وروابط لموقعك وبعد ما خلصت رحت وضغطة على سكين التحديد اللي تحت زر تحريك الصور وقمت تحدد كل لنك على حده وبعد ما خلصت من التحديد ذغطن على زر سكين تحديد العناوين وهذا الزر لقيته من ضمن مجموعة زر سكين التحديد ورحت لكل لنك انت محدد تضغط عليه دبل كلك وتحط معلوماته لحد ما خلصة وبعد ما خلصة حفظت العمل بملف مستقل وبعد ما رحت للملف اللي انت حافظه فيه تفاجأة انه موصوره طلع طلع لك صفحة ويب ضغطت عليها دبل كلك تفاجأة ولقيت نفس الصوره اللي انت صممتها بالفتوشوب طارت عيونك من الفرحه وبديت تناقز وتنادي عيال جيرانكم منت مصدق انك سويت لك صفحة ويب ولكن سئلت نفسك وين الصوره اللي انا صممتها وتفاجأت بوجود ملف ثاني تخزن بنفس الملف اللي انت حطيته لعمل الصفحة بإسم ( images ) والله البلشه وبعد ما فتحته لقيت نفس الصوره اللي انت مصممها متقطعه لجزاء كثيره احترت وقلت يا ولد ليش ما احمل هذي الصفحه لموقع مجاني ورحت وبحثت بقوقل ولقيت موقع الرمش ويب واخذت مساحه فيه وقمت وحملت الصفحه ويوم انك فتحتها لقيتها فاضيه وفيها تنصيصات اللنكات ... وبديت تحك راسك وين الصوره ليش ما تحملت وبد تفكير وتمحيص وتسأل فلان وعلنتان عرفت وش هي المشكله ورحت فتحت لك مجلد جديد بداخل موقع بنفس اسم المجلد اللي تخزن عندك وفيه الصوره المقطعه لوصلات وبعدها رحت حملت الصور بداخل المجلد وبعدين حدثت الصفحه وبقدرت قادر ظهرت لك الصوره اللي انت مصممها ..
================
هذا شرح مبسط بطريقه مرحه شوي ..
وهذا مثال للعمل اللي تكلمت عنه آنفاً :
ولرؤية العمل على صفحة ويب أضغط على الرابط آدناه :
http://www.alremshweb.com/fh/remweb/index.html
ولمشاهدة العمل بداخل المجلد حمل الملف المرفق ..
وسوف يكون شرح طريقة التصميم بالصور قريباً أنشاء الله وذلك خلال اليومين القادمين وذلك اود ان اعرف مدى جديتكم وتفاعلكم مع هذا الدرس كما عهدتكم بالدروس التي قدمتها لكم بالسابق ..
أخوكم / الرمش