صباح القاعه الزحمه صباح الملزمه والنور
صباح " الطيف والسرقه" وبـعض أفـكـار مطروحه
صباح الفلسفه واللاشعور .. وشي مو مذكور
صباح "الطـالـب العاشـق" ودفــتـر حـزنه وبـوحـه
صباح الشرح من بدري وصلنا وين يادكتور
هو أصلا" كان به درس(ن) لأجل تسأل عن وضوحه
معك ماني معك حتى ولو بالكشف كنت حضور
أنا عـنـدك جـسـم لـكـن .. بـفـكـري واصـل الدوحـه
مع اللي ولعت قلبي وخلت خاطري مكسور
رحـلـت بـلا وعـي .. أتـبع جـسـد محـتـاجـها روحه
وكالعاده (وصباح الغير) وشي بالحنايا يدور
وطيف ٍ فيه من (نـوره) يـجـي مايـنـوي الروحـه
تعديت الحدود "أفكار" بلا إحم وبلا دستور
على متن الخيال أبحرت و أخذت من العنا شوحه
ومابين الملزمه وعيون قلبي والسهر والجور
ومابين الضحكه و"بدري" و"أنا أسف" و"مسموحه"
أغمض عيني وأقرأ ملامحها .. فكر وسطور
أهـيـم بـعـالـمـي وأرســم (غـلاهـا) داخـلـي لوحــه
وتسأل وأرجع لواقع سؤالك مخطي ومقهور
وتـقـول أرجـع لـها وتلـقى الاجابه فـوق مشروحـه
وأروح وبأول الصفحه يمر من الغصن عصفور
يغـرد فـي سـمـاء سـمـعي .. ويشكي للهوى جروحه
ويأخذني معه ثاني .. ونرجع بالخيال ندور
هـو يـغـني على( ليلاه ) وأنا مسوي لها( أصبوحه)
ويبعد,, وأتبعه (أعمى) يدور بالظلام النور
يحـاول يـلـتـقي ( بـ نوره) ويطفي من العمى نوحه
وعلى كلمة ( صباح الخير) ومعك .. وش قلت يادكتور
تصـحـيـنـي وأفـارقـهـا .. وألَـوح بـاي يالدوحه
أعـد بـالـلـه لـوتـسـمـح .. مـن أول لأخــر المـنـشور
أنـا فـاهـم .. ولـكني ,, أبي أكمل( اللوحه)
-------------------------------------
اتمنى انها اعجبتكم مثل ما اعجبتني
ورودالريــــم
رد مع اقتباس