من المعلوم : أن الإنسان يحب الإطلاع على كل شي ينومس من يطلع علية فما بالك


في الاطلاع على أفعال مثال : أفعال : ألأمير: تركي بن حميد - رحمه الله - وتجاربه الشجاعة


وحمايته لقبيلته وشجاعته الفذة : وكرمه : وتقواه لله سبحانه : انقل الكم بعض من قصائد الأمير الراحل:ألأمير والشيخ : تركي بن حميد : أمير الأمراء وشاعر الشعراء وأديب الأدباء – رحمه الله - : والباقي ذكره : ونوما سه الذي يفخر به كل أديب : راعي : أو مرعي : من مندى الشاعر الناقل : خالد العتيبي

؛




7- دنــــيـــــا هـــيـــــــال :

( على بحر المسحوب )

قصيدة من قصائد الزهــــــد والحكمـــــــة .

فــكّــر وناظر يامحمد ترى الحـــــال ............. نفـــــسي وتــالــــيها مــــع الله خــبـرهــــا

الــعـــين كــاين لها عن النوم عذّال ............. تســهــر وغاد(ن) نومها عن حـــجـرهــــا

والـــكـــــبد ماتقبل من الحلو فنـجال ............. والــمــرّ لــو هو عشرق(ن) مانــقـــرهـــا

دنــــــيا هيال ولا لحقنا لـــها جـــــال ............. وأزريــــــت امــيّــز سهلها من وعـــرهـــا

كــــان اقبلت ياحلو هاك التبـــــهلال ............. وان ادبـرت ســوّ(ن) عـلـى اللي حضـرهـا

مــاظــــنّ فيها واحدن(ن) داله البال ............. إحـــفــظ لــديـنــك وانـتـبــه عن خــطـرهـــا

تــــــراه مثل الفــــيّ لابـــد يــنـــــزال ............. والشــــــمس هـــي ويّــا القمر من فـكرهـا

الحـــــق ينكر والتـــفاخر بالامـــــوال ............. لاهــــــــيـن في غــفـــلاتــهم في دوّرهـــــا

كــــم فرقّت من دولة(ن) حلّ واجــيال ............. والـــــى ومــرهـــا الله عطتهم نــحــرهـــا

فــعـّــال نو الخير لامـــــوه الانـــــــذال ............. كـــثرت تخـــالــيف العرب في صــــورهــا

يالله ياعــــالــــم خفــيـّــات الاحــــــوال............. ياللي ذنــــوب الــعــبـد لا شا غــــفـرهـــــا

كـــــــم واحد(ن) يمشي مع الــــــــناس ............. مـهـــذال يـرعى سواة العاذرة من بقرهـا

لاشـــــاحنه عــلم(ن) ولا وراده حـــــال ............. ولا يمــــيـّــز وردهـــــا من صـــدرهـــــا

ثوب النقا مايرخصه لــبـس الاســـمــال ............. ســــلـم الرجـــــال اللي تلامع شـهـرهـــا

إن كان ما انت بـ في معانيك حـــــمّـــال ............. عــمـل الردى يـهــــويك مظلم حـفـرهــــا

ذا قـــــول مــن عـــدّل غـريـبـات الامثال............. بـيــوت(ن) عســـيرات(ن) لمن لا قدرهـا

أنا احــــمد الله بّـــدل الشمس بظـــــــلال ............. وهــــانــت مصاعبها ونقطف ثمـرهـــــا

مـاهمنـّــي دنــيــــا ولا هــمـنـّـــي مــــال ............. الــــــــرزق ياتي مثل هاتــف مطـرهــــا

شــفـّــي ومــقــصـــودي مــن الــخــــيــل ............. مشوال شقرا نواصيها كثير(ن) شعرها

شفـّــي عليها كـان هــو زعــزع المــــال ............. ومن الهــــــنادي صارم(ن) في ظهرهــا

وبالكفّ من غالي المطارق هوى البـــال ............. يـــروي بحـــــزّات اللــــــقا من حمرهـــا

ونجرٍ توالي الليل تسمع له اعوال ودلال ............. يلــــقـى الكـــــيـف مـن هــو نـحــرهــــا

بـــــريّــةٍ يـــطــرب لــــها كــــلّ شــغـّـــال ............. والــزعــــفـــران مـع العويدي ذعرهـا

تهـــــدى لــــماضــين التـجارب والافـعال ............. زيـــزوم عـــيـرات(ن) تـعايل جررهــــا

وتهــدى لـــمن يـثـنــي نـهـار التـجـــيوال ............. مــــودع جـــــيـاد الخـيل تركب وعـرها

والـــثالـــث الـلــي بالقسا يرخص المــال ............. لــه ربــعــة(ن) دايـم تـنـاطـف سفـرهــا

وصــدّه عن اللي مع دروب الردى عـــال ............. يـمـنـاه عـن طـيـب الـمـعـانـي قصـرهــا

وصلّوا على من صار للحــقّ مــرســــال ............. عـــداد مـــا خـضــرّ ورق في شـجرهــــا



8- أرخصت عمري :

( على بحر المسحوب )

مناسبتها :
وهي عبارة عن رسالة من الامير الراحل تركي بن حميد الى أبناء عمومته وأهـــل زوجته " ذوي هـــنـــدي " , وكــــانـــــوا مايزالون في الــحــــجــــــــاز ويخبرهم من خلالها عن أحـــــــداث معارك نــــــــجـــــــــد وأنتصاراته هناك .



يــا راكــب(ن) مـن عــنـدنـا نابية شطّ ............. تــشـــدي ظــلــيـم(ن) بـالـخـلا صـايعه ذور

وقـــم الــربــاع ونــابــهـا مــابـعـد نـط ............. تـكــسرعــصّــي الــكــور لــو كـان ماسور

تــشـــدي لــكــدريّ الـقـطــا حـين قرّط ............. إنـصـــفّ ريشــه عــقـب ماهو بـمـنـشــور

فــوقــه غــلام(ن) لا اظلم الليل ماغط ............. أدلّ مـن فـــرق الـقـــطـا صــوب خـــــابور

تــلــفــي بــنــي عمي ورا نجد بــهــبـط ............. أهــل بـيــوت(ن) كـنّـــهـا شـمّــخ الـقـــور

أهــل صحون(ن) بالمــــجاعة تـقـــلـط ............. ذبـــاحـــة(ن) مـــازاد نــيّـــه مـن الــخور

إن جيتهم ملــزوم بالــصــوت تصــعـط ............. وعــطـــهــم مـكــاتـيـبـي قبل تجدع الكـور

واخــبـر بني عمي ترى الشيل بي غـط ............. والـنـفــس مـاتـصـبر على الضيم والجور

عـطـّــوا كما عطّت حصان(ن) الى عط ............. خطو الأصيل اللـي من الـــزاد مـــــبـرور

لــعــيـنـيـك يـالـلـي بـالـعــويــدي تمشّط ............. دقــيق رمش العين كـنّه مـن الــحـــــــور

لــيـتــه حـضــرنـا يـوم سـوّ الـبـلا شـط ............. نـــــــار الـذلـيـــل وردّهــا كل مسـطــــور

شـمــالــنـا مــن مـسّ الارســان تـنـفـطّ ............. وايـمـانـنــا تطـلق من الســـوّ مــقــــدور

وارخــصــت عـمري عند جيش المخلّط ............. ماهــمّــني نــاس(ن) يــقــولـون حـاذور

الـــغـــوج ردّيـتــه عـلـى غـيـر يـصـفـط ............. على شنق كــنـّــه من القـين مكـســــور

كم فارس(ن) من راس رمحي تفرشــط ............. مـــدحّ راســــه حـط فالــحــــزم جافـور

عليه خفرات(ن) بالاســــــــلاب تشـــعط ............. خــلّي عشــا لــمرهفـل الذيب وطـــــيور

9- قم يامحمد :

( على بحر المسحوب )

مناسبتها :
قصيدة يبدأها الامير الراحل / تركي بن حميد بأبيات في الزهد بالدنيا والنصيحة لكاتبه محمد ثم ينهيها بالحديث عن أحد امراء قبيلة سبيع مثنياً على أفعاله وشجاعته , ومن المعروف بأن سبيع يطلق عليها لقب " الغلبا " وكذلك قبيلة شمر , وحين ذكر الامير تركي " الغلبا " في القصيدة ظن الكثير من الرواة بأنها موجهة الى بن رشـــــــــيد , وهذا الشي ليس صحيح .



الـــــبـارحة بالـــــنوم كـنـّـي مـــــــورّا ................ جـا حــلـم لـيـل(ن) يوم عــبـّــر ولا شــيف

أونسـت هاجوس(ن) على الصدر مرّا ................ مــنــه الــفــواد مـعــلّـق(ن) بالمخـــاطــيف

وابــــــــدي كنين الروح داخــل وبـــرّا ................ مــــن نـقـض مـايـفـتـل وفـتـل(ن) بـتـكليف

يـارازق اللـــي فـــي رجـــاك يتـــــحرّا ................ من مـــــدّ في جــــودك ياوسـيع المحاريـف

إن جـــــت مــــن الله ماعـدوّ يضـــــرا ................ ولــــيا ادبـــرت قـلـّــت دبور المصـــــاريـف

مـــــادون ربـــك واحـد(ن) لك يســـرّا ................ للـــــربّ حــكــمـه بــالـمـعــانـي وتصـــريف

قــــم يامحـــمـّـــد ســـوّ حلو(ن) ومرا ................ رســــم(ن) إلى جــوك النشاما هل الكـــــيف

مـــع منــسف(ن) حـول المـنارة يجـرّا ................ واشــــناق حيل(ن) صــفـفــوهـا ذواريــــف

واعـــــمل بخير ولاتـــجـازي بشـــــرّا ................ وارج الــفـــرج مـن عـند والي المصاريـــف

واجـــهــد بتــقوى الله لـــدار المتــقرا ................ الـعـبـد طـــرقــيّ مــع ركــابــه مــنـاكـيـــــف

دنــــياك لـــو زانـــت تـــراهــا مغـــرّا ................ دنـــيا خـــــراب ولا عـلــيـهــا تـحــاسيـــــف

فـــــيها لـبـيـب العــــقـل مايـستغـــــرّا ................ لــــو امـهــلــــت لابـــدّ رحــلـــة وتخـفـيـــف

إخــشـــع تواضـع لا تكبـّـــــر تـــــزرّا ................ ماشـــــفـت مـيــــلات اللــــــيالي مـــراديــف

ورفـــيـقـك الــغــالــي مـنـه لا تـبــــرّا ................ إدمــــــح خـطـــــاه إلى تـــعــبـث عــجاريـف

يـشــرب معك صافي وكدر(ن) ومـــرّا ................ ويـــــارد معـــك حــوض المنايا الى عــيــف

نـــــوب(ن) تذرّى به ونوب يـتــــــذرّا ................ عــــديـل عـمـرك بـاللـــــيالي الشــفاشــــيف

جـــــرّ الـقــــلم واكـتـب لنا اللي تــورا ................ ســـــلام(ن) احــــلى من حليب المشاغـــيف

مــنـّـي لـمـن تــابــع هـوى كـل غـــرّا ................ شـــــــيـخ(ن) يـروّي بالملاقى شبا الســيــف

زيــــــزوم غـلــــبا كــل يوم(ن) تجـرّا ................ واطـــــــرافــــهــا تـــاطا الغبا والمشــاريــف

ذولــــي يســـــرّحـهن وذولي تســــرّا ................ وذولــــي مـــغــيـرات(ن) وذولـــي مناكيــف

والـــى عــدا بـاللــي عـدا فــيه غـــرّا ................ بــربـع(ن) على قحص المهار المزاغــــــيف

ســـلاحهم شــغـل الـعـجـم والــمــجرّا ................ ودهـــــــم الــفــــرنج مفـــرّقات المـواليــــف

وصلّـوا على المختار والصــحب طرّا ................ ماهـــــبّــت الانـســــام من رايـــح الصـــــيف




10- جواد ضالع :

( على بحر المسحوب )

مناسبتها :
يتوجد فيها الامير الراحل / تركي بن حميد على فرسه المصابة في ساقها بعد إحدى المعارك , وينهيها يتوجيه النصيحة لابنه عبيد .

مـن يــوم صــنـدوق الحـشا بالخفا بــان ............. والــــعــــين سهرت بين هـمّ وهوجاس

الــبارحة جــفــني عــن الـــنوم سهران ............. كنّي عليل(ن) مسهره بعض الأضراس

عــلى جـواد(ن) ضالع(ن) غبّ الأكوان ............. فــــــــيها اخــــــتــلط حــــبل هو الـيّاس

جــنـدرتها من صوف سالك(ن) وريمان ............. وانـــــا لـــهـا عـــن لذة النوم حـــرّاس

مــانــي مجــنـدرها على زود الاثمــــان ............. إلا لــــيـوم(ن) فيه الاريـــــاق يـبـّـــاس

لا جــا نهــارن(ن) فيه روغات الاذهان ............. بـاغـــي عـلـــيها بــاوّل الخـــيل نوماس

عرج(ن) إلى ما طبـّــحن خلف الاظعان ............. والســـوق مــابـيـــن الأجاويد مقـــياس

ياعـبـيــد قيـّـس ماعلى الروح ضـمـّـان ............. رزقك مع اجلك خط ّ في طلح قرطـــاس

ما خـط ّ لك ما فات شوف(ن) بالاعيان ............. وبـعــض الأوادم مـامــعـــه ميز وقياس

لا حاســــــد(ن) يمـنع ولا يرزق انسان ............. إلا بـتــدبـيـر الصـــمـد والـــي الــنـــاس

ثــم أنصح الــباقي تــرى القصر خربان ............. ما اعتزّ قصر(ن) ما يوثـّـق على ساس




منقول يابو عمر : لاهنت :

وعذراً على كثرة النقل : تقبلوا اعتذاري : يا أخوة: