[ALIGN=CENTER]
مساء الخير ..
الموضوع هو .. كيف تخلي " الرجل " سواء الأب أو الزوج أو الأخ يقولك .. حاضر من عيوني الإثنين
هناك أساليب مكر نسائية ..ودلع وأمور ثانية قد لاتؤدي لنتيجة معهم .
ولكن إليكِ النتيجة الفتاكة .. ممكن تضبط مع الأب والزوج ...
بس الأخ ماأضمن لكم بصراحه
..
أليكِ السياسة الجديدة التي تجهلها الكثير من النساء في معاملة الرجل وهي
( السكووووووت )
..
لقد تعودنا نحن معشر النساء أن نهب في وجه كل من يقول لنا لأ .
فإذا طلبتي منه شيئاً .. ورفض فإنك تبدئين بالزعيق والبربرة وتجعليه يرفض ويتمسك برفضه
مثال :
نفترض أنكِ أردتِ منه " طلبات منزلية " سيقول لكِ : لا .. أنا تعبان ومافيني حيل .
اعتدنا أن نقول : انت بس اللي تتعب .. وأنا تعبانه ومهلوكة مع البيت والأولاد .. على ايش تعبان ياحسرة الخ
سيقول لكِ : انتو ماتخلوا الواحد يرتاح .. وليه ماطلبتي من أول .. بعدين أجيب وذحين ماني طالع .
ستقولين له : خلاص خلاص .. ماأبغى شي .. لاتجيب ولاشي .. وتمدي بوزك شبرين وبرضو مارح يحس لأنك حرقتي أعصابه من البداية .
وفي النهاية زعلتي منه وزعل منك بدون مايحقق لك اللي تبغيه .
هذه الطريقة غير مجدية صدقيني
والطريقة التي ستنجح هي التالي :
انتي : ممكن تجيب لي" .... " ؟ أو .. ممكن تطلعنا نتمشى ؟
هو : نفس الكلام .. " انتو ماتخلوا الواحد يرتاح .. تعبان ودوبني راجع .. ومارح أطلع .. وانتو يالحريم ماتنتهي طلباتكم .. وانتو يالحريم تموتوا على الطلعات .. وبيوتكن خير لكن .. الخ " .
انتي : ....." أسكتي " ........ هدوووووووووء ... لاتردي عليك .. ياويلك لو رديتي .|320|
رح يشوفك ساكته .. وبيزيد انفعاله .. بس برضو خليكي ساكته . وبعد ماينتهي كلامه قومي من غير ماتقولي كلمة .
رح يحس بالندم .. وحيجيب لك اللي تبغيه
أهم شي لاترفعي صوتك ولاتذليه أو تتمنني عليه .. وأنا أطبخ لك وأربي عيالك واسويلك .. هذا الأسلوب وضيع وخاطئ ولايصح في الحياة الزوجية .
إذا حقق لك اللي تبغيه .. أشكريه وتوددي له .. وسوي حركات تدل على أنه محقق لك أغلى حلم .. وكأنه جاب لك كنوز الأرض كلها ...
وسلامتكم
أرجو أن تكون النصيحة مفيدة ومثمرة .. جربوها وبلغوني ..
واللي مانفع معاها .. رح ندور لها على طريقة ثانية تنفع . |210|
.
.
رغـد[/ALIGN]