لازم الكل يدخل .. ضروري

[إسراء]

مساء الأنوار ..

تحياتي للجميع ..

شوفو بصراحة الموضوع هو للعزوبية بس .. أو للي عندو نية تانية ;)

بس الأساس للعزوبية ..

ومدام هيا سيرة و انفتحت .. و بدأها العمدة .. و موضوعه حق

العنوسة .. و ما راعى انو المنتدى ماشاء الله تبارك الله 98% عوانس

على سنة و رمح .. هدا موضوعي .. و اللي بصراحة عاملي أزمة ..

المهم عشان الواحد يكون في Picture ==> يعني في الصورة

لازم المقدمة اللي حقولها دحين .. أنا أول حفيدة في العيلة .. يعني

أكبر البنات من جهة عيلة ماما .. لان عيلة بابا الحمد لله كلها عيال ..

المهم اللي حصل انو في السنوات القليلة اللي راحت .. حصلت انتفضاة

و الكل اتجوز .. كل بنات العيلة من دون استثناء الا ما تحت 10

سنوات .. و اللي لاحظته في حياتي مع أهلي انهم يتجوزو مرة بدي ..

مش عارفه هو بس في المدينة انهم يتجوزو بدري و لا في كل مكان !!!

المهم ..

آخر مرة رحنا فيها المدينة اللي هو في الصيف حصل الكلام دا .. خالتي

انخطبت و طبعا دا كان معجزة .. بس الحمد لله .. فما بقى أحد غير

مين في العيلة ؟؟؟؟ أنا ^-^ و أعوذ بالله من كلمة أنا ..

الواحد سار يسلم على خالتي يقلها مبروك ..

و يسلم عليا يقلي شدي حيلك هدا و أنا لسه ما دخلت

العشرين ..

المهم ..

مرة رحنا جواز ... و أكره اروح جوازات .. الا في وحده حرمة كل سنة

اشوفها .. تسلم على ماما و تسألها مين دي ..؟؟ ماما تقلها دي

بنتي إسراء .. ماشاء الله عندك بنت ؟؟ 19 سنة على دا

الحال كل مرة تسأل نفس السؤال .. بعدين قالت ليش لين دحين ما

جوزتيها ؟؟ و انتي مالك واحد شايل قفة و التاني تعبان بيها ..

الا و قعدت سلمت على بنات العيلة ,, و قعدت جمب وحده و قلتلها

بكل بلاهة .. أمونة حبيبتي ماشاء الله كانو زايد وزنك

الا البنت قلب وجهها ألوان .. قالتلي اسراء انا حامل

:-S:-S:-S:-S:-S

كيف يعني حامل ؟؟ هو انتي متى اتجوزتي ؟؟ يا امي احنا كنا نلعب

سوى في الحارة ... يالله ستي الله يتمم لك بخير ..

و البنت دي أصغر مني بخمس سنوات

فيعني ماسار في سيرة و لا حيرة في العيلة الا اسراء متى ح

تتزوج !!!!!

يا ربي عالم غريب هو انتو مالكم عااااااااااادي جدا

أمس كنت قاعده مع بابا و سألته : بابا يجوز الوحده تخلي العصمة في

ايدها ؟؟

قال ايوة يجوز .. رحت قلتله خلاص انا بخلي العصمة في يدي ..

:rolleyes::rolleyes:

طل فيا بنظرة ما عجبتني أبدا .. و كأنو يقول مش يبقى يجي أول

المهم ==>مو كأني من الصبح قاعده أقول المهم ؟؟؟

رحت مكة أجيب عمرة :p على قولة بعض الناس

الا و يدق جوالي بعد ما صليت خلف مقام ابراهيم ..

علياء : هلا سوسو كيفك ؟؟

أنا : علياء حبيبتي انا في حرم مكة كلميني بعدين ..

علياء : الله يخليكي ادعيلي اني اتزوج

أنا : اوكي

و ما اتزكر اني قلت شيء في السعي غير يا رب تسخر لعليا ابن

الحلال

في عندي سؤالين ..

و اللي خلى دا السؤال يجي في بالي حواري مع هنو ..

هنو : سوسو أبغى اتزوج

أنا : ربك كريم

هنو : ايش رايك تسوي إعلان في مجلة ؟؟

أنا : لا يا أمي عشان بكرة النهار يقلي انا بعلن عن نفسي الله لا يقدر

ان شاء الله عمري ما اتجوزت

هنو : ادعي على نفسك لو سمحتي ..

فالسؤالين هما ..

1_ هل ممكن انك تتزوج عن طريق إعلان في مجلة ؟؟؟

2_ هل ممكن إنك ترضى انك تتزوج زواج جماعي ؟؟


بس

و على قولة العمدة و كل سنة و العانسين و العانسات في انتقاص ..


غالي تحياتي

[ابوفهد]

[ALIGN=CENTER]

اهلين اسراء

كيفك وكيف العرسان معاك ;)

الله يرزقك بابن الحلال اللي يرفض العصمة عندك


بس نفسي اعرف

الزواج الجماعى بنظرك اش هو ؟

هل اني اخذ ثنتين بليله وحدة ؟

او هو المقصود مثل مايصير بالمنطقة الشرقية ؟

يعني فرح واحد والعرسان واجد ؟

اذا كان الاول ماعندى مانع ;)

تحياتي

وكل سنه والعانسين والعانسات بانتقاص ;)

[/ALIGN]

[الغالية]

هذا الحوار دار بيني وبين العانس الوارد ذكرها فوق ....

بعد كتابة الموضوع مباشرةً ....






اسّو : بنت

اسّو : كيف الموضوع ؟ ( صورة ابونظارة شمسية )

غالية : الله يفشلك

غالية : الله لايفضح مسلم

أسّو : ليه ؟؟؟؟

أسّو : عادي جدا

غالية : عارفة لوكنت مااعرفك وقريت الموضوع ؟؟

أسّو : ايوه

غالية: كنت باقول اعوذ بالله .. هذي شكلها اشين من مريم الغضبان

أسّو: هههههههههههههه

أسّو : طيب وهو فعلا كده

غالية : لاياحبيبتي انتي على الاقل احلى منها بشوي ( صورة اللي يغمز ) ...

أسّو : هههههههههههههه

أسّو : مرسي كلك نظر

[إسراء]

مساء الأنوار ..

سلام يا عمدة ..

أعرفك فتك و تفهمها على الطاير ..

و بعدين سألتني عن العرسان ..

شوف ترى بابا بطل يشتغل و فتح مكتب رفض عرسان :cool: ..

انت عارف من كترتهم .. :p

و بعدين لا يا سيدي هيا حجة و بيع مسابح ;) ..

لا أنا قصدي زي اللي يسير في الشرقية يعني كل واحد يا خدلو وحده و

الفرح فيه مية عريس و عروسة و تكون التكاليف مشتركة داقصدي ..

و بعدين يا ابويا سيبك من حكاية التانية ..

على قولة واحد من خوالي هو الواحد وحدة و مهو ناقص :devil:


و كل سنة و الباقي زي دعوتك

سلام

[المتمرد]

يارب ايش النكد هذا

كل اللي أعرفهم عوانس

وين كنت يوم توزيع العرسان شكلك كنت في النت,,,تستاهلي مرة ثانية لايفوتك تنزيلات العرسان

______________
الصراحة بعدك صغيرة على العنوسة لاتستعجلي على نصيبك بكرة بتملي من الزواج بتتمني ايام زماااااااااااااان

اسمعي كلام المتمرد ^-^

[هنو]

ومباركين عرسنا اثنين ليلة ربيع وعيني قمرا

روحي يا ستي اللهي وانت جاهي تستجيب دعوتها

يعني كان لازم نشر الغسيل

على العموم ,, دام السالفة انفضحت اجل خليني أنزل صيغة الإعلان

عشان اذا فيه تغيير ولا تبديل ,,,

" كتكوتة في عمر النعناع

تبحث عن ديك أسمراني حليوة أخرس مايتكلم عشان مني ناقصة وجع

راس

ويستحسن كمان مايعرف للغة الاشارة من أصله ولا قدسمع عنها

الطول ====== ماله داعي منت متزوج قطعة ارض

العيون ====== والله أهم شي اشوف






والله يجمعنا واياكم بالصالح وسلامتكم ,, ومن قال سالم


[ALIGN=CENTER]بيجر لأبو فهد[/ALIGN]

الزواج الجماع هو انه الواحد يقصر المشوار ويصقع ب4 حريم بليلة

[إسراء]

مساء الأنوار ..

هلا بالغالية ..

هلا بحبيبتي ..

هلا و الله ..

==> كيف بس راكب الدور و لا ;)

بعدين تعالي مين تقصدي بالعانس ؟؟؟

مو العانس هيا الأكبر ؟؟؟ :rolleyes:

و لا انتو كل حاجة سرتو تحسبوها بالطول :p


سلام يا عسل ..

[إسراء]

مساء الأنوار ..

أهلين المتمرد ..

و الله أنا كمان بقول كده برضو اني لسه صغيرة ..

بس فين اللي يسمع

مرسي كتير على النصيحة


سلام

[إسراء]

مساء الأنوار ..

هلا هنو ..

ان شاء الله يا امي افرح فيكي و اغنيلك هديك الاغنية الشهيرة ..

اسمعي مطلعها ايش يقول ..

[ALIGN=CENTER]خشب كوسة هناء الليلة عروسة [/ALIGN]



ايش علاقة الخشب بالكوسة مني عارفة و الله بس هما كدا كانو يغنوا

زمان


بعدين هنو مين سالم ؟؟

و بعدين حرام عليكي ليش تبغي ابو فهد يأكل الحريم بليلة ؟؟؟

مو كان ذرة مشوي على الكرنيش أرهب :cool:


سلام

[المتمرد]

ياهنو..الصقع حرام لازم ذبح على الطريقة الأسلامية

والله شكلك داهية ......

عن إذنك أكلم أبو فهد أصقع لتكون عبرة لأعضاء المنتدى...أقصد لتكون قدوة

مع اني متيقن ان الرجل هو اللي بينصقع

[إسراء]

مساء الأنوار ..

اهلين المتمرد ..

هنو داهية !!!!

دي مصيبة من مصايب الزمن الأغبر ..

و الله يكفينا شر الصقيع

[*نجـ سهيل ـم*]

صباح الخير .. الأسطورة ..

من زمان عنك .. وعن مواضيعك ...


الله أكبر . يا زمن ..


أقول يا ريشة

أنا أفضل لزي حالاتك إنهم يعلنوا في جريدة .. وذلك بإرسال الإسم والعمر ..


وينتظر .. وأتمنى ان لا يطول الإنتظار ..

تحياتي ،،

[إسراء]

مساء الأنوار ..

أهلين يا نجم ..

ايوة الله من زمان ..

شوف سيدي لو وصلت لعمرك و ما انخطبت ح اتبع وصفتك


سلام

[هنو]

هااااي يا امامير :cool:

ياربي تسلمي لي يا أكوس صاحبة في الوجود

والله لا يحرمنا من خضارك بس خليكي بعيد عن الغنا







بيجر للمتمرد

ليه كذا بس ,,,

[إسراء]

هنو ..

أنا بقول كده برضو انو انتي أخشب صاحبة في الوجود ..

ما خداها من الأغنية .. مو انتي اخدتي الكوسا




و بعدين انتي مااااااااااااااااااااااااااااا ااااااالك..

خلي الناس تقول اللي تبغى تقوله .