[ALIGN=CENTER][TABLETEXT="width:70%;"][CELL="filter:;"][ALIGN=justify]
______________________
السلام عليكم ورحمة الله وبركاته ,,,
اليوم جمعة ,,, جعلها الله جمعة خير وبركة وعم بنفعها الجميع ( الجمعة نعمة وبركة وحسنات وخير , والمطر نفس الشي نعمة لحد يقولي ماينطبق عليها الدعا ) ,,,
المهم ياشباب الدرر ,,, ( الشياب يوقفوا على جنب ويترصوا جنب بعض عشان راح نبدأ العرضة حقت أهل الجنوب )
أمس الساعة ثنتين وربع أتصلت على الأخ أرسطو , طبعاً وقت غدا ,,, بس أنا ساعتها كنت خارج من مكتب ورايح عندي موعد وبعدين أروح البيت ,,, الأخ مارد على طول , أستغربت , قلت ياولد هذا لايفكر إني ( طلاب ) غدا ,,, وشوي والله رد ,,, حياك الله يا كبتن كيفك وكيف عابد وأخوه , المهم كل شي تمام والحمد لله ,,,
قعدنا نتكلم طبعاً لازم عن الدرر , شيئ أساسي ,,, قلتله شفت الهجائية إللي صكيتك بها في موضوع درري ورا البيبان حق أبو فهد , قال إي , بس أنا أخذتها من قاصرها بعد ماحمر أبو فهد عينو فينا وخرجت ومارديت عليك ,,,
طبعاً أنا عارف ثامر , مالو في الحاجات دي ,,, يعني هو حق ( ولما خرجت جولينا إذ بها تسبق طوني عند باب المصعد لتقول له أنك نسيت مفتاح سيارتك ومن العيب عليك أن تذهب لمشوارك بالتاكسي , فتذكر ذلك طوني وعاد لأخذه المفاتيح ليجد أن جولينا نزلت بالمصعد وعلقته تحت مما أضطره أن ينزل العشرين دوراً على قدميه )
يعني من الآخر , ولد حق درة الأدب , يجبلك الضغط وضغط الضغط لمن يسردلك قصة ,,, والمشكلة إنو بياخد عليها جوائز عالمية , مثلاً قصة ( حبروكة الشنقيطية ) أخذ عليها جائزة السعفة البمبية من منتديات ( إتحاد محلات البنشر بالمدينة ) ,,,
ماعلينا ,,,
القصد ياسادة ياكرام ,,, أنا أبغا أفتح المجال لهذا الثامر عشان يقول كل إللي بقلبوا هنا ,,, لأنه , تصوروا يقولي مستحي !!! ثامر مستحي آي دونت بليف متلكاً
بيقولي عندي طاقة أبي أفجرها في الحش والتقطيع والكبد والكلاوي بس مني داري فين أفكها وفي وجه مين ,,,
قلت تعال ياحبيبي , أصلاً ماتلاقي أحد يتحمل غثاثتك قدي ,,, أبصم وأختم .
عندك كلمة , عندك حشة , عندك لزمة , ترا يااااااااااااااااااااكلك شوك البرشومي
بالمناسبة , ثامر في جدة إتحادي , في المدينة أُحدي مدري أنصاري , يعني عطوه على راسه , كلهم أبو خمس
طبعاً مسموح لأي أحد يبي يدخل في الموضوع يدخل ,,, بس برجله اليمين ,,, وأهم ما في الموضوع لايزعل ,,, الموضوع دا فيه الزعل ممنوع والعتب مرفوع والكلام كله بالشقلوب وسلملي على الشلهوب
أنا راح أغيب الليلة , بس بكرا إن شاء الرحمن وكنا من أهل الدنيا على قولة أمي الله يحفظها , تلاقوني هنا من النجمة ,,, وراح أستغل إنو راح يكون ثامر في العمل حقه ( ماعنده هناك جهاز ) وراح أشرشح على كيف كيفي ,,,
وأهم حاجة إنك تعرف نقطة ضعف غريمك وتمسكو منها مسكة منومة ,,,
تري ماكاسي ( شكراً بالأندونيسي )
[/ALIGN][/CELL][/TABLETEXT][/ALIGN]