ليلة لو باااقي ليلة // حش و تحشيش (!)

[Petals]

سلاام..

قرائي الحبيايب..قارئاتي الغاليات الحبيبات الجميلات...

اللبيب واللبيبة ...


دحين بعد مافار التنور وبالتأكيد بعدما هدأ... وأصبح بالإمكان مطالعة الأمور واسترجاع اللحظات (فلاش باك ) والساعات السابقة بشيء من الحذر والموضوعية والحسابية... نقدر نتكلم على روااااااقة..

ياعم بلا سواقة بلا زفت فيه أشياء أحلى وأطعم وبالطبع زي العلقم لكن برضو ممتعة...(!)

التنور هنا راسي. ياناس ايش الصداع اللي يفجر الراس..أنا متأكدة انو كالإنتقام.. بس يلا..

البارح حضرنا زواج.. شيء مو جديد صح (؟) .. يعني الحلوات حيقولو ( واتس نيو بيتالز(؟) )..

طيب أولا حضوري للزواجات محدود بالأقربون.. لأني مو غاوية شقى...خصوصا انو مشوار مابين البيت وأي مكان في جدة..(!)

تانيا... حبيباتي ليس من سمع كمن رأى... وعارفة اني سمعت ألعن من اللي شفتو...بس برضو..مهما كان يعتبر جديد ( توتاللي -فريكنج- نيو تو مي )...وبالمشاهدة تصبح الصورة أكثر وضوحا بدل ما كانت أوهام وشبه إشاعات ضخّمها النقل من الشفاه على أنواعها الغليظة والرفيعة.. تلك الملونة واللماعة والجافة وتلك التي يتطاير من بينها الرذاذ...(!)

أها من وين أبدأ... خلوني أفضفض براحتي شوية...واللي مو عاجبو يروح موضوع السواقة ويتسلى بشي تاني..أو يكسب ثواب في الندوة الإسلامية <-- دعااااااية..

المهم انتو خذو وبقو..يعني رح أقسم الموضوع حتى ما تطفشو..من أولها...<-- حلوة التقسيمات تحايل مافيه أحلى منو..



نبدأ من العنوان..تعرفو الأغنية.. تأكيد لمسألة الحب الخالد.. صراحة هو يا جبان ما يبغى يكمل للأشياء الأكثر إثارة وهي نقاط الإختلاف.. ويبغى يموت بعدها.. ذكرى جيدة وطيبة...هو انت حتكون فاااضي <--

زي فيلم الشرير والطيب والقبيح لمن كلينت ايستوود أعطى واحد يموت سيجارة (!)...الرجّال يشوف ( الموت ) قدامو ويفكروا انو يبغى سيجارة (!) <-- بس موسيقى راااااائعة..

سبب تاني للعنوان...عبدالرب إدرس صح (؟)..خلاص يمشي الحال تمام..قبل أربعة أيام كان الإحتفال بالوحدة اليمنية..أها ( مبروك )..وبالتأكيد الزواج ما خلا من الحديث عنها وعن المغنى والحفلات في التلفزيون... الصوت عندنا يسمّع الجيران.(!)..


أمي تسأل وحدة: ايش اللي أخرّكم..
قالت: أوه التلفزيون...الليلة ولا كل الليالي...لدرجة ماكنا نبغى نيجي ... <--معقولة..على مين..(!)
أمي مطّمنة وتطمن اللي حواليها: بكرا يعيدونها العصر...
شفتو العنوان كيف مناسب..


وبالتأكيد انفردنا احنا الأصغر سنا بطاولة أخرى... بدل ما ننطرد ( وديا ) من الطاولة اللي استفردوا بيها الأمهات... لدرجة فيه وحدة غريبة ( شابة ) قالتلها خالتي "قومي مع البنات خدو طاولة تانية.."

قالتلها : " لا ما فيها شي بإعود هون " <-- سورية
قالتلها خالتي: " لا لا أحسن روحي معاهم"

يا عيني على الطرد الرسمي لصاحبة الطاولة الأساسية..عارفين ماحياخدو راحتهم غير كدا...


طيب الجزء الأول انتهى..طفشت..وأبغى آخد قيلولة..(!)


مع الجزء التاني قريبا ( جـــــدا )..


بيتالز

[محمد المحيا]

مستعدين يا شباااااااب؟؟؟

كل واحد يثبت في مكانه


خلوها تطلع كل اللي عندها بس..

[بخيت]

اقسم بالله العظيم تعبت وانا احاول افهم اي شيء

هو من جد كان فيه زواج يعني ورحتو .. ولا اش الحكايه
ووحده يمنيه مين وكلنتون مين واش الحكايه بالظبط يعني

انتي اش تبغي ؟؟

[بخيت]

محمد يرحم ابوك فهمني

اتصل فيك وتفهمني ؟

[Petals]

محيــا.. مبسوط..(؟)

يحقلك...


بكرا أروح فيها من الدانة وتقوللي كان على نياتو مغمض قمتي فتحتي عيونو.....ادعيلي بس

طيب اطبع الموضوع أحسن ..



***


بخيت..وأنا في البداية أقول اللبيب واللبيبة... تيجي وتقول مو فاهم(!)..

أقلو تفهّم...


وبعدين بربك فين أنا كتبت كلينتون (؟)...

لايكون تقرا بين السطور (؟)

ياخي خذ وبقي..



*****


برضو راجعة..


بيتالز

[EDrara]

بيتاليز

ايش تبغى انتي بالضبط

هاتي من الآخر

يا باك الله يرضى عليك وقف تنزيل المواضيع بعد الساعة 2 مساءاً

[أسيرة إحساسي]

بيتاليز

ايش تبغى انتي بالضبط

هاتي من الآخر

يا باك الله يرضى عليك وقف تنزيل المواضيع بعد الساعة 2 مساءاً

^

^

^

اشوا يعني مو انا وحدي الي مو فاهمه وش تبي؟؟؟

تحياتي...

[Petals]

لاحول ولا قوة إلا بالله...

يعني الصوحان <-- من توهان ماتيجي إلا في الليل ..

والظهر ايشبو.. (؟)

هو صحيح راحت عليا نومة.....بس أهو... كلو بأجروا أو بذنوبو..( يارب مغفرتك )

إدرارا اصبر شوية...

ياخي خليني أحش .. يعني حتى لو حشيت فيها موووووساااااااااءلة..(!)


وحدة وصلت للتلاتين وماشافت دنيا <-- هنا أقول العمر حتى بس ما تتعبوني وتقولون طفلة


بعدين حتى كل واحد يعرف ايش اللي يصير من ورا ظهرو

بدل ما تدعولي...


****


وأسيرة إحساسي....(!)..

وش أبي (؟)


أبي أحـــش


طيب ممكن .... لحظة....

شكلو راسي بدا يصدع من تاني....


بس راااجعة..


بيتالز

[Petals]

شوفو لاحد يقوللي مو فاهمـ /ـة... لا تردو ... خلوني لحالي..روحو نامو أحسن.. جبتولي العقد..



[align=center]التحطيـــم الـذاتي (!)[/align]


طبعا الزواجات تنقسم إلى 3 أقسام رئيسية..

1- السلامات والتحيات (!) <-- باعتبارها أكتر الأمكنة لاستقطاب المعارف دفعة واحدة (!)..
2- الكوشة وكل مايحصل فيها سواء رقص أم مشاهدة.. <-- لا تفرحوا ما أعرف أرقص بس أحب أراقب وبتمعّن (!)
3- أخيرا الزفة <-- ودي ما حنتكلم عليها..على الرغم من كونها بؤرة للتفنن والحركات الغريبة..


وياحب الحضارم للتريقة (!)... حاشا أمي وشلتها ماخلو وحدة إلا وشبعوا فيها نكت حتى العريس ماسابوه..(!).. والمقارنات بينو وبين عيالهم...لاذعة..

" يا شيخة شكلو أكبر بكتيير "
" لا..مو مرة...هو على قد... ترى لمن جبت ابني الكبير كانت أمو نفاس بيه " (!) <--- يااااااه.. مشوااااار


وشكلو فيه اتفاق غير مكتوب...انهم ما يتريقو ببنات بعض...اللهم إلا بنتك خسّت أو انفجعت (!)..

موقف حكيم من أمي رح أذكروا لأنها ببساطة فطستني من الضحك...العريس أدى العروسة بوسة(ن) على الجبين مرتين

وحدة قالت.. يؤ خلاص يكفي ايش دا (!) <-- أيوا كانت متعجبة..
أمي : يعني نشوف البوسات كل يوم في كل قناة في الدش حبكت على دا اللي عيب ..<-- نااااايس ماكنت أعرف انكِ تعرفي تدقي بالكلام..فعلا معلمة ولا كل المعلمات..


نيجي للعنوان الجانبي....




أول مرة أتحطم فيها كلية(ن) <-- وينك ليجند..



احنا دايما بنسمع فلانـ / ـة يقولوا " يؤ اليوم والله شفنا وحدة سبحان الخالق انتي..تشبهك بس يعني هي سمرا أو بيضا ، دبة أو نحيفة.إلخ..." <-- المهم تشبيهات..مو بيقولو يخلق من الشبه أربعين.. وانو كل شخص لو واحد يشبهو في مكان ما (!)

لكن فيه أحد عمرهـ/ـا شافو أحد يشبهم (؟)...



أنا....(!)

شفت وحدة تشبهني (!)...
كيف..ما أدري...
حسيت..
شكلا.. مو طباعا لأني ما اعرفها نهائيا...
تحطمت..
لاتسألوني ليش ...
غريب...فعلا غريب ..ماتوقعت موقف زي دا ولا جا على بالي أبدا...
فعلا والله تحطمت..لدرجة ما سألت حريم أخواني...خفت يأكدوا المسألة.(!)..
وقررت ما أقص شعري اللي طال..لأنو شعرها قصير...(!).

أحد يريحني ويقول أنو شاف أحد يشبهو...(؟)

حاولت أبعد نظري عنها..بس ماقدرت.. عادة سيئة لمن يجذبني شي ما أقدر...ولو من طرف خفي.(!)..
وهي الله يهديها ما لقت تستعرض مهاراتها إلا قدامي...(!)

طيب أقلوا - بفضلها- اكتشفت شي..

ممكن أرقص..يعني فيه أمل (؟)


--

فلاش باك..


رجعت الصورة...


مو معقول.... برضو . ياناس تشبهني... أنا ايش اللي خلاني أفتح على نفسي دا الباب..


الله يقطع الحش وسنينو..



خلاص..


نكملو بعديييين..


فصباحكم طيب ومبارك

بيتالز

[EDrara]

حشي وخشي ودشي وبشي وكشي
احنا ما حنقول شئ
على فكرة في هدية لك في الطريق جيتك

[ghali]

كملي بيتالز.....
انا جالس في الصف الاول ومتابع ماعليك منهم انا احاول انه افهم .....كملي حش. ذكرتيني باختبارات قياس الذكاء I.Q Test


هو الوحده اليمنيه كانت قبل اربعه ايام فاتت علي مع اني والله مدمن قناة اليمن الفضائيه بس شكلي نسيت ارفع على الصوت.

[رحاب]

مرحبابش بيتالسو...
ياشيخة ربي يسعدك ...
خفت اقوم بنات السكن من ضحكي آخر الليل
والله انك مو هينة طلعتي حشاشة كبيرة يابنت...
خليتيني اتخيل الفرح والبنت اللي تشبهك
ترى عادي موضوع التشبيه لسه اول امس طالعةنجاح المساعيد وبكل بجاحة الكون اقول لوحدة من البنات ياشيخة بس انا اهتم بروحي بأطلع زي الآدمية شوفي عيونها حتى تشبهني...
وماأشوف البنت الا تطالع فيني وفي التلفزيون كده
وتقول لا هذا آثار الامتحانات وش جاب عيون القطط بعين الغزال ...طبعا للان مين اللي عينها غزال انا ولا نجاح
*
*
بس نصيحة حالتك صعبة لا عاد تروحي فرح ثاني أخاف تجي تشرحي في الدرر طريقةالشرح الحضرمي

الله يسعدك يارب ياعسل زي ماضحكتيني الان

[المستشار]

.
.


صباح الورد .. وجمعتكم احلى ..
ياعيني على المواضيع الحلوه ..
من زمان ودنا نعرف ايش يدور في ردهات هالقصور ..
زواج الرجال اشببه كثثيييير بالعزا ..
واحد واقف ..
والباقيين يجوا يسلموا عليه ويجلسوا شويه .. سكوووون
عشاء ..
فمان الله!



بس احلى شيء انك اكتشفتي انو في عندك مواهب مدفونة




الهيييصه عندكم
بانتظارك

[عابده لله]

[align=center]

ههههههههه

صباحك جوري بيتالسو الحبيبة
صج انا الوحيدة اللي فاهمه الموضوع ..
بس للأمانه رغم صداعج بيتي لكنج كنتي تجنني ليلتها ..

ويا حلليج يوم شفتي اللي تشبهج..
كانت صدمه قوووووويه حيل ..
احسن كنت متشمته فيج حييييييل ..
بس شوفي للامانه أنتي كثيييييير أحلى بيتي

عموماً كانت ليلة روعه .. وكنتي رغم الصداع والم الرقبة
حبوبه وخفيفة الظل كـ العادة ..


ياللا يا عسل كملي والإ انا بكمل عشان اللي حاجزين مقاعد
ومتاااااااابعين ...



بيتي ... ربي يحفظج صديقتي الغالية

.
.
العابده[/align]

[عابده لله]

[align=center]

صباحك خير مستشارنا الرائع

وجمعتك جامعة يا رب ...

بس عندي سؤال ؟

الحين صج افراحكم مب زينه ؟ ليش ؟ مع اني اسمع انها
صهلله ووناسه واخر كلام ..

وبعدين وش جاب سكون يمكم .. وحده بتستعبط..

السموحه سكوووووون بـحـش على قولة بيتالسووووووووو

وناسة اخر الليل معليييييش
.
.
عابده[/align]