الرز البخاري ،،،

https://dorarr.ws/forum/mwaextraedit5/extra/02.gif

اليوم بقدم لكم طريقة عمل الرز البخاري ,,,

كنت ناوية انزله بالصور المتسلسلة ..

بس مالي شغل انتو اللي مستعجلين :140:

ترى الطريقة جداً سهلة ،،، ما تتوقعون :)

نبداء ...

1 دجاجة تم تنظيفها و غسلها

تبهر بـ

1\2 ملعقة صغيرة كمون مطحون

1\4 ملعقة صغيرة قرفة مطحونة

1\4 ملعقة صغيرة قرنفل

1\4 ملعقة صغيرة كركم

ملح .

توضع في صينية وتغلف بالألمنيوم وتدخل الفرن180 ْ لمدة ساعة .

"إضافة من عندي ":) ..

احب احط مع الدجاج بطاطا مقطعة بقشرها

يعني حبة البطاطا اقطعها 4 قطع بشكل طولي .

تطلع ما يحتاج وعليها قتاااااااال :251:

https://dorarr.ws/forum/mwaextraedit5/extra/05.gif
نجي لقدر الرز :156:

نحتاج لـ 1 بصلة متوسطة ومفرومة

عود قرفة " كبير "

7 حبات قرنفل <<< يعطيه طعم رهيب :239:

7 حبات هيل

1 ملعقة صغيره " مو مليانة " كمون حب

1 حبة جزر مبشور

3 ملاعق طعام صلصة

2 كاس رز الوليمة او ابو بنتين او ابو سيوف مغسول ومنقوع.
" انا ما استخدم إلا رز الوليمة "

1 حبة طماطم معصوره" وياليت تكون حمراء"

اكيد بتقولون وش هالدقة ... البهارات بالحبات !!!

اقول لكم ايوا بالحبات عشان لمن اجي اغرف اشيلهم كلهم بس اخلي عود القرفة :)

https://dorarr.ws/forum/mwaextraedit5/extra/05.gif

نجي للطريقة ...

اولاً .نحمس البصل في شوية زيت .. الين يلين

ثانياً .. نضع كل البهارات ونقلب كويس

ثالثاً ... نضع الجزر المبشور ونقلب كويس

رابعاً .... نضع الصلصة ونقلب ايش ؟؟؟؟ برافوا عليكم نقلب كويس :209:

خامساً .....نضع الرز ونقلب مضبوط <<< غيرت يعني ،، :drr05_60:

الين نسمع صوت الرز يطقطق

سادساً ...... نضع الطماطم المعصورة و موية كفاية لتغطية الرز " لازم تكون الموية مرتفعة عن

الرز 2 سنتميتر تقريباً + شوية من مرق الدجاج اللي في الصينية او مكعب ماجي ولا تنسون الملح.

نغطي القدر و نترك الرز يغلي على نار عالية الين تقل الموية " يعني يصير الرز فيه تخريم من البخار "

إن شاء الله فهمتوا عليا

عندها نقلب الرز عشان يستوي على البخار و يتفلفل ويترك على نار هاااااااااااادية

تأخذ العملية هذه من 15~20 دقيقة.

.. عند الغرف نشيل البهارات" الهيل و القرنفل " ونزين الرز بالبصل المقلي باللوز البجلي المحمص .

https://dorarr.ws/forum/attachmen...5&d=1304551165

وبالعافية على قلوبكم ..

وإن شاء الله في اقرب وقت اسوية ازودكم بالصور .

أنا احوليت يا رجاله :drr05_78:

كادي الظاهر الحنفيه جاوبت هههههههه

اختلط البخاري مع الصياديه لووووووووووووول

,
,
دونت هري افري بدي

خذي راحتك يا الطيبه

لي رجعه بعون الله يا أفهم يا افهم ما بدهاااااش

دفرنت وي آند فار اوي
,
,

الله يسعدك و عن النار يبعدك يا أم سلطان

تؤ ،،،تؤ ،،، تؤ .... :219:

ما تفرق بين البخاري و الصيادية ..!!

لا تقول لي فين موية الكادي .. هذه خليها للكابلي

هيا اعطيني طريقتك و خليني اشوف .. لا تتطلع زربيان :245:

،
،
،
،

بجد نفسي اعرف ليش قلت كذا وايش تفرق عن طريقتي :)

الغالية أم سلطان
ربي يسعدك يا شيخة على هذه الوصفة الرائعة
فعلاً سعدت بتجربتها عندما طبختها أبنتي الوردية
تدرين بعد ما تسحرنا قلت لبناتي قولوا
أنعم الله عليكِ يا كادي
من جد فنانة طبخ ما شاء الله عليك
عاد بقية الوصفات نطلبها بعد رمضان إن شاء الله
دمتِ بخير

بالعافية على قلوبكم .... :drr05_55:

والله اكثر ما أسعدني انكم جربتوها ... :drr05_44:

وهذا بحد ذاته انتصار على صدق الوفاء:254:

وتسلم الأيادي يا " الوردية " |547|

اطلبوا وتدللوا مين عندي غير الدرر و أهلها |75|

اقتباس:

---

تؤ ،،،تؤ ،،، تؤ .... :219:

ما تفرق بين البخاري و الصيادية ..!!

لا تقول لي فين موية الكادي .. هذه خليها للكابلي

هيا اعطيني طريقتك و خليني اشوف .. لا تتطلع زربيان :245:

---

اولاً كل عام و الجميع بألف خير و صحة و سعاده يا رب


نجي للفروقات و ليس الإختلافات


مو متخيل دخول الدجاجه على الفرن دايركت بدون ما تاخذ حمام تكشينه


ممكن نخرجها بعد 15 إلى 30 دقيقه علشان تعمل برونزاج في الفرن


هذا شي


الشي الثاني طقطقت الرز في الزيت هذي جديده علي في البخاري

رغم اني شفتها في كذا اكله خاصة عند الأتراك


غير كذا كله تمام و 100%
,
,
,
ما عندي ادنى شك في قدراتك و ابداعاتك ربي يحفظك و يسعدك


لكن ردي السابق كان عباره عن فيرست شوك أو الصدمه الأولى

و راح اعمله بعون الله بطريقتك من باب اليقين , و ليس من باب اشوف يزبط او لا .

و كثر الله خيرك مقدماً

لا عدمناك اختنا الغاليه

دمتي بحفظ الرحمن

]مسا الورد والياسمين وكل حاااجه حلوه في الحياة

ايش دا يا كادي !! ترا مرا انا رحت فيها ! ارحمونا يا ناااس !

في اشياء كتيره جديدهة عليا ! اولها الرز لما يطقطق ! يتحمص يعني ؟!
تاني شي الدجاجه اللي دخلت الفرن ! كدا بس دخلت ببهاراتها ولا زيت ولا بصله ولا شي ؟؟!
<< صدق الوفا معليش لو كلامي يشبه كلامك بس انا لما يوقف بحلقي شي اقولو يعني اقولوو مالي فيك !!
تالت شي ! القرنفل هوا نفسو المسمار ؟!


رابع شي يا حبيبتي يا كادي ! ادعيلي بس انا عارفه ما حطبق دي الطبخه او ممكن اطبقّها ! انا صايره عندي كل الاكلات على الكبسات على المكرونات على المحاشي تتوسى بنفس الطريقه خلاص فقدت احاسيسي ومشاعري :253:


على فكره انا مرا جوعانه والطبخه دي تعبتني نفسيآ |238|

صدق الوفا !! منجدك ماتفرق بين الصياديه والبخاري ؟!!!
انتا بس افتكر عبدالحليم وهوا يغني ( اسمر يا اسمراني ) وحتعرف انها الصياديه ,, آآآآآآآآآآه بس
اكتر شي وحشني في السعوديه اهلي والاكل :148:

يسعدك ربي يا ام سلطان ع الطبخه اللزيزه ... دايمآ مميزه ^_^

ايوا صح مايجي اسويها بالربيان ؟ لأنو من يوم جيت امريكا وانا اغلب الوقت ما اطبخ الا الربيان << لأنو يستوي بسرعه :129: ][


راح اخلي اخويا يشوف الموضوع ويمكن يتحمس ويسويه انا مكتئبه حاليآ !!!

وبالنسبه للألوان !! مافيا حيل الون كل الصفحه بنكي , تعبت !! :252:

صدق الوفاء ...

لازم تصدق ان الدجاجة تدخل دايركت على الفرن ...

صدقني تطلع الذ و اطرى من انها تاخذ تحميسة ،،

صاحبتي كانت مصدومة من الحكايه هذه بس لمن جربت عجبتها كثيييييير

وبعدين طقطقت الرز ... هذه اول ما نسمعها نضيف له الطماطم و الموية بعد تقليب الرز مع البهارات و الصلصة .

~*~*~*~*~

ولا احد يفتكر اني زعلت او اتضايقت من رده ،،،

زي ما لي الحق في الطرح ... لكم الحق في الرد و الإستفسار كمان :)

هلا و غلا // امووووله,,,,



شوفي يا ستي .. خليني افسر لك الأشياء الجديدة عليكِ

اولها ... طقطقت الرز ... لا مو يعني نحمصه ،،، يعني ان الرز اختلط كويس بالصلصة و البهارات و أول ما نسمع الطقطقه هذه معناتو وقت اضافة الموية و الطماطم المعصورة

و الدجاجة بسلامتها .. بهريها و غلفي الصينية بالقصدير و دخليها الفرن على طول .. ما تحتاج لا زيت ولا بصل .

و القرنفل هو المسمار وهو العويدي كمان <<< يللا جبتلك كل الأسامي :)

و ماينفع تعمليها بالربيان ... عمرك شفتي بخاري بالربيان ..!!

وبعدين لا تكثري من الربيان ... كله كوليسترول ...

مرا سهل ان شاء الله اذا روقت افكر اسويه نفس طريقتك


تسلميين يا كودو على الطبخة |587|

***************

إلا ياكودو سؤال يراودني ابسألك عنه :130:

القهوة :301:

كيف اضبطه صح وكيف اعرف انه زينه :266:

البعض يقول من اللون يوضح انها زينه !!<< ما اقتنعت :drr05_91:

دائما يسبون قهوتي :249:

ونادرا يمدحونها :drr05_81: لكن تراها تجي فجأة مو شطارة :236:

المشكلة اني ما احبببه يعني نادرا اشرب قهوة

والقهوة مررره ما ادري ايش يفرقون بينهن ؟؟!!

بس على فكرة ترا اعرف انا اطبخ لكن القهوة هي اللي عقدتني !

<< يلا كودو نزلي موضوع عن القهوة لكن مو تكتبين لراجية تفشششلييني :233::130:

... هلا // راجية الجنة،،

روقي ... وفرحي امك

وان شاء الله يعجبكم .:)

~*~*~*~

خلينا نتفاهم على القهوة هنا ..:)

https://dorarr.ws/forum/showthread.php?t=51933&highlig ht=