هالغلا كله و ما عرفتك

السلام عليكم و رحمة الله بركاته


اعتذر عن تواجدي في المنتدى كعضو قديم و بنسبة مشاركات قليلة و لكن هذا كله بسبب مشاغل الدنيا و الحياة ,

حيت اقدم بعض من كتاباتي و بعض من القصائد التي اعجبتني

ارجو ان تنال اعجابكم


أرخو لك عـــــــيد وانتي عيد يمـــه
من لمحت بوجهك الــــــنور وعرفتك

كل نظره منك عيد وكل ضـــــــــــمه
احسبي كم عيد لي من يوم شــــــفتك

في ضلوعي صبر شعب وطيبة امه
لو بغيت اوصفك يمه ماوصفـــــــــتك

يامساء الفردوس ياغلى من تضــمه
في الثرى لحدين والله مانصفتــــــــك

سامحيني يااطهراهل الارض ذمــه
لو قدرت اسابقك للموت طفـــــــــــتك

لو قدرت افديك سقت الروح يمـــــه
لو قدرت اخطفك من كفه خطفـــــــتك

يامسا الرحمات يازكى عطر اشمـه
ياندى زهر الحياه اللي رشفــــــــــتك

طفلك اصبح رجل بين عيال عمــــه
له عيون اشقر ويمنى ذيب تفتــــك

بس باقي طفل قدامك تخـــــــــــــمه
نظرتك ويقول للذنــب اقترفـــــــــــتك

يعترف لك باكبر ذنوبه بفمــــــــــــه
يحسبك تدرين لاقلــت اكتشفتــــــــك

تحت رجلك جنته ورضاك همـــــه
وش علي ان قالوا الجــهال خفـــــتك

خفت فيك الله ولاخفت اهل نمـــــــه
ولو طلبتي عيووني ماكــسفــــــــــتك

صدق ماعرف عنك غير اللي المــه
من هروج ابوي ولكني ولفـــــــــــتك

من خذاك الموت واصخى لي بعـمه
قمت افتش داخلي لين اكتشفــــــــــتك

صرت حافظ كل شي عنك واصـمـه
كم كتبتك كم قريتك كم عزفـــــــــتك

كم حضني ثوبك وعانقت كمــــــــــه
اسهر اسولفلك ولانمت التحفــــــتك

صدقيني شاعرك صرتي بدمـــــــــه
لو جرت اقصى شراييني نزفــــــــتك

هالغلا كله وانا ماعرفتك يمـــــــــه
ياترى وش كان ابكتب لوعرفـــــــتك


اخوكم

محمد