المساعد الشخصي الرقمي

مشاهدة النسخة كاملة : دعوه للتعارف بين الجميـــع قديم و جديــد


الأخيــــــــر
15-04-2002, 02:20 AM
الحقيقه لست بقديم ولابالجديد
ولكن لااعرف الكثير هنا ... ويولد لي احساس بعدم الراحه
فحبيت لو كل شخص كتب عن نفسه كلمتين يعرف عن نفسه فيها
وابدا بنفسي

لقبي الــدائم في كل منتــدي اشارك فيه هو الأخيــــــــــر
مواليد 23/2/1978
دايم احب لقب كتكوت وعبدبد ... واحب اللي ينادوني بالاسمين هذي
أهوي الرحلات .. والسفــر والتصوير والرسم ... والسوالف
احب عزف القيثاره واجيده
بدأت رحلتي مع الانترنت من عام 2000 ...وقبل يوم ميلادي بأسبوع
كان حقيقه يومها ((يوم الحب))
ساكن بامريكا من سنتين وكسور .. ومن لحظه وصولي انقطعت عن قراءة الشعر والادب ...

اممممممممممممم .... طبعي مزاجي غريب
بلحظه فرفوش وتمام .وبلحظه اقلب عفريت
حياتي تقريبا مجدبه من الاصدقاء المتواجديين ...كل ماعرفت انسان وقربت منه .. ابتعد عني بسفر او وفاه

وجودي بامريكا عشان الدراسه ...بتخصص تحليل نظم
والعلاج حاليا ...يعني نص طالب ونص مريض :D


اتمني من الكل يتفاعل ونعرف بعض زين .... وياليت لو يثبت الموضوع عشان قدر اكبر من التعارف والتقارب :)
* الـمـنـتـظـر *
15-04-2002, 10:27 AM
أخوي الأخير ..

في البداية ان فكرت أعطيك نبذه عني ..

وكم كنت سعيد أن اتعرف عليك ..

ولكنني لمحت بين سطورك الأخيرة



كل ماعرفت انسان وقربت منه .. ابتعد عني بسفر او وفاه :eek:


بصراحه النقطة ذي تخوف ..

عشان كذا أنا سعيد جدا بتعارفك من بعيد ..

يعني درر وبس :D

عيوني ترى امزح ..

أنا أسمي أحمد ..

ينادونني المنتظر .. والمنتزر .. والمحتري .. والملطوع .. والمستني ..

وما خفي كان أعظم ..

عموما ينادونني المنتظر ..

عرفت الإنترنت منذ عام 2000 م .. يعني أحنا مو بعيد من بعض ..

سكني في جده ..

أعمل في شركة كمبيوتر ..

من مواليد 12 رمضان 1399 هـ ===> أمي متوهقه فيني برمضان:p

طبعي لا أدري بالفعل ماذا أقول لك ..

فانا بالفعل غريب الأطور ..

أهوى السفر والتعارف والإنترنت ..:)

ما باقي إلا أعطيك الطول والوزن :D

تحياتي لك اخوي الأخير ..

وفمان الله :p
Borrowed Wings
15-04-2002, 11:29 AM
سلااام....

الموضوع حلو ومشوق..

بس عندي سؤال صغيييير....

انتم عيال (أقصد رجال).. وماعندكم أي مشاكل لو كتبتو عن أنفسكم لأنه مافيه أحد بيتفلسف عليكم وينكت ويطلع عليكم كلام....

فيه أحد يضمن اني لو كتبت شي عن نفسي محد يفرشني؟؟؟

وسلامتكم :)
زهرة البساتين
15-04-2002, 08:39 PM
تصدقي عاد الاجنحه

سبقتيني بالكلام


على قولتك هم شبتب وما يهمهم شي


لكن البنات من الصعب انهم يصرحو عن اي شي عنهم ولا مو معانا في هرجنا هادا يا لملطوع


انت واخونا الاخير ولا الاول

;)

يعني حدد الموضوع للشباب بس;)
ناصر الأحمد
16-04-2002, 04:50 AM
اطب معاكم

يالله ابربر عليكم

بس تعال الحين اسمك الاخير وجاي الاول :moh:

وبمرييييييييكا بعد


بسعالك سعوال

يقدر الواحد يروح لها قطوعه :D


يؤ اتسذب امزح


يالله نحتسي زين

صراحه مادري من متى بالضبط ونا اطامر بالنت

الهوووووويات

احب احووس بكل شي
الا الكوره ماحبها ولا اواطنها

هوياتي المحببه
افكك اي شي حولي :D



المعرفات

جعجع

المستكشف

البرمائي

ميكانيك

بندر 200

المستـ جعجع ـكشف
هذه معرفاتي

يسموني

المشعوذ

الفوال

الحوسه

ااايه نسيت العمر

مدري بس الي خابره اني لاحق على خفرع :moh:


مكان الميلاد

اشك اني مولود بتشليح :D

:hap:



المنتظر

عادي قول انك اقزم ودب


لاتخاف ماحنا قايلين تسنك اسطوانه غاز :D




الحين الي يسمعكم يابنات
يقول وخرو عنهم:moh:

<<<<<<<< قبل لايحتسون بدا يعلق ويحش فيهم :D
وهو ماتختلف عن كم وحده

ميك اب <<<<<<<<<مو تسنه اسم ددسن :D


المطامر للعروس

فصفص وكراث وحش :moh:


واسامي اكلات مادري من وين تجبوها



الواحد مايدري هي اسم اكلات ولا قطع غيار سيارت :eek:



<<<<<<<<<<<<<<< يبي يتشووووت

:moh:


الهجيج
* الـمـنـتـظـر *
16-04-2002, 12:28 PM
صباح الورد ..

شخبارك يا جعجع ..

انا أشك فعلا انك مولود في تشليح .. ولا في مزرعه ..

وبعدين يا ليت تهرج عربي ياخي ..

من جد ما أدري انت من وين جاي ..

على فكره تراك في درر .. مو في ديرتك ..

قال نحتسي .. ونطامر .. تسنك ..

يا هوووو .. أنت من وين جااااي ..

من جد .. ما طازج إلا طااااااازج .. والأكلات المشويه ..


ههههههههههه :p


ضحكتني بحكاية إسطوانة غااااز ..

انا بعد العمر ده يتآل لي أسطوانة غاز ..

ربنا يخدك وإنتا شبه الضفدع ..

إلا ما قلت لك .. انا أكبر بكااااااش في الدنيا ..

وهذي أكبر هواية عندي ..

بس واالله ما أضر أحد ..

أبكش أبكش أبكش .. وفي الأخير أعترف :moh:








زهرة الحقول مدري المزارع مدري الجداول ..

المهم إنك زهرة ..

أقول انا مو اللي أحكم في الشئ هذا ..

وانا معاكم أنه صعب ..


تحياتي ..


وعععععععع عليك يا ناصر :D
القلـ الأبيض ـب
16-04-2002, 04:03 PM
مرحبا أخوي الأخير والا أحسن أقول لك كتكوت:D

يا أخي موضوعك هذا بيحطم الرقم القياسي في كمية البكش لأنه

مستحيل أحد يتكلم عن نفسه بحيادية تامة لكن صدقني راح أكون

صريح معاك لأبعد الحدود

معرفاتي يا طويل العمر في المنتديات تقريبا ثلاثة وهي

القلب الأبيض ===> اسم غبي صح لكن أنا أعتز بهالاسم كثير

القلب الأصفر ===> هذا معرفي في منتدى نادي المفضل النصر

الفارس ===> وهذا اسم على غير مسمى لأني بصراحة حتى الحمار أكرمك الله ما أعرف أركبه ==> قال فارس قال :moh:

أنا من مواليد عام 1979 م ==> يعني في نفس مولد توأم روحي صاحب القرد::] في هذي اللحظة أحس برغبة في البكاء مدري ليش:D

هوايتي المحببة هي كرة القدم وعندي موهبة كبيرة فيها ==> ياأخي لو كان عندي موهبة في الكتابة ماكان أحسن كان على الأقل عرفت أرد على مواضيع أرسطو العرب والا مواضيع آخر قطرات المطر:moh:

أما عن مزاجي فأنا غريب الأطوار فعلاً وصعب جداً التعامل معاي ودائما
ما أفاجئ أصدقائي بردة فعل مغايرة لما يتوقعونها مني
انطوائي وأحب الوحدة لكن بعد ما اشتركت في المنتديات أحببت أني
أعوض هذا النقص بتكوين صداقات لكن أبو طبيع مايجوز عن طبعه

يالله أنا ماشي الان لأن صلاة العصر جات وياويلي وياسواد ليلي من الوالد اذا ماشافني في المسجد::]

على العموم أتمنى لك أخوي التوفيق في دراستك وأتمنى لك الشفاء العاجل


تحياتي للجميع[/COLOR]
زهرة البساتين
16-04-2002, 06:34 PM
اقول جعجعووووووه روووق


وسيب البنات في حالهم



:mad:
الأخيــــــــر
16-04-2002, 11:08 PM
المنتظر ...حياك الله اخوي
يامرحبا
تشرفنا اخو قلبي ...و ش دعوه ....شايف شلون احتسي بكم لهجه يابويا ؟؟؟
مو انا بعد خبره في اللهجات ديه ...واخذ بال سعاتك
بس ماقلت وش مجال عملك بالضبط ؟؟؟

البنات
افاااااا
انا قلت الموضوع هذا فرصه ذهبيه البنات يقوم يحتسوون ويبكشون علينا ...أنا امهر طباخه ((وقلي البيض ماتعرفه)) انا ست بيت محترمه((وهي وعزوبي السالميه واحد)) انا احلي وحده ((وهي ...اوبس تعديت الخط ...ارجع ورا ...بس عندك....اطلع من السالفه ))

حيا الله الاجنحه المستعاره وزهره البساتين ...
ابد قولوا اي شي ...عادي جدا ...بنبلع اي شي


:D




جعجع ياجعجع ...كل ذي القاب يااخوي ؟؟؟ وش بقيت لبخيت ؟؟؟

:D
اجل ودك تجي امريكا ؟؟ عادي يااخوك ... طلع ثلاث جوازات ...وقدم بهم كلهم علي السفاره الامريكانيه ... ورح ثلاث مرات للمقابله
وحده فيهم بتفلح ...وجرب حظك

بس لاتتوهق وتجي هنا ...تري بلشه هذولا ... عليهم تفتيش يجيب الهم

القلب الابيض ...متي ترجع من الصلاه ؟؟؟
كل هذي صلاه عصر؟؟
زهرة البساتين
17-04-2002, 12:55 AM
طيب نخرفلكم يعني يالاخير

انت حر انت الي قلت


:rolleyes:


=== زهرة من بستان الجزيره العربيه


العمر في عمر الزهور;)


المهنه انتاج عطور جديده بتركيبات مختلفه من بستانها الخاص


اللقلب=زهر البساتين


هوايتي البحث وسط الزهور

وقطف من كل بستان زهره;)

طبعي بريئه وعفويه لكن احمل الشوك للدفاع عن نفسي


وبس يكفيك تخاريف ولا تبغى كمان اخيرووو
;)
الأخيــــــــر
17-04-2002, 04:33 AM
زهره البسااااتيـن
قولي من اول اسمك نحوله :p :D
اجل من كل بستان زهره ها ؟؟؟:D
Borrowed Wings
17-04-2002, 12:38 PM
بسمالله نبدا...

أدري بنفرش.. بس ودي أشارك... طفشانه...

المهم... أنا في موضوع سابق قلت اني كفر.. مره, مره, مره دبه...

قصييييييره...

وسوووداااااا...

ومسميه نفسي أجنحه على بالي بلقى شي يشيلني... بس ماهقيت.. هذاني رابضه فوق أرضي...

كنت.. أنا أقول كنت.. في يوم ما.. منذ قدييييم الزمان.. أدرس في أمريكا... وكان عندي تخصصين.. علوم سياسيه وعلم نفس وكنت آخذ مواد اقتصاد.. على بالي أبي أدخل قانون لاخلصت الجامعه..

بسسسس... تجري الرياح بما لاتشتهي السفن...

وهذاني بتخصص (باذن الله) هندسة كمبيوتر... وش جاااب لجااااب... عااااديييي...

شو كمان؟؟؟ آآآه... أنا في قرنه والشي اللي اسمه مطبخ في قرنه.. بس الله الله على القهوه.. هذي عاد ماتخلا عنها.. القهوه العربيه حبيبة قلبي.. وكان لازم أتعلمها عشان أشربها في أمريكا... ولا كان انثبرت في بيت أهلي والعالم تصبها لي..

وما أعرف الفرق بين الديتول والتايد.. خليها على ربك...

والكوي... ياااا حلاااااوِه.... كنت أغسل ملابسي ومن الغساله على العلاقه.. هذا طبعاً.. لاغسلتها...

عشقي الأول والأخير سياااارتييي... آآآآه بس... قاعده ألحين أقلب المواجع.. والله مشتاقتلها موووووووت... ولاشفت اختها في الشارع.. أحمد ربي ان الباب مقفول ولاكان قمت أراكض وراها...

وينها؟؟؟؟ الله العالم واحد معفن شراها وهراها وقاعد يطامر فيها في بران أمريكا اللي جنب برانا كنها غابه...

فينيتوووو... سلامتكم....
الأصيـــــــــل
17-04-2002, 01:27 PM
انا اسمي مكتوب ؟؟؟؟؟؟؟؟!!!!!

مرحبا يا جماعة

أولا وقبل كل شي حابب أكلم البنتّه اللي دخلوا واتفلسفوا حبتين

انا ابغى اسأل سؤال بسييييييييييييييييط

لو فرضنا فرضنا يعني انك قلتي عن نفسك أي شي وقلتي اسمك وهواياتك

واتكلمتي ببحبوخة شويتين.. ايش تتوقعي انو الشباب يسووا

حيمسكوا لوحة في الشوارع مكتوب عليها اسم وحدة فيكم ويقول أبحث عن فلانة؟؟

ولا اذا اسمك خديجة ولا زليخة ولا أم أربعة وأربعين

خلاص مسكينة انفضحتي في الأوساط المحلية والعالمية

كبّروا عقولكم شوي
************************
المهم ماعلينا

انا اسمي هائل

من مواليد مكة المكرمة 27/2/1979م

أعمل في الخطوط السعودية في إدارة مشتريات الوقود

منتسب للجامعة في جدة طبعاً كلية الإدارة والإقتصاد

هواياتي الأدب بشتّى أنواعه

والتمثيل وعزف الجيتار

اما إني اتكلم عن نفسي فهذي صعبة شوي

اللي يعرفني يتكلم عنّي

أي خدمات تانية؟؟؟؟:)


تحياتي،،،،
إسراء
18-04-2002, 07:21 PM
مساء الانوار ..

تحياتي للجميع ..

الاصيل و الله انك مرررة رهيب ردك جدا منطقي

الجزء الاول من الرد طبعا ;)

المهم لكل شيء حدود ..
~~~~~

اوكي

اسمي إسراء

مولودة في جده 28/4/1984

طالبة ..

قسم حاسب ===> لحد الان

اكره الريااااااااااااااااااااااض من كل قلبي اكرها

اتمنى اعيش في جده او في اي مكان غير الرياض و جده كويس

اعزف على الاورج

و كمان اعرف اعزف على الكمان ;)

احب المغامارت

و احب اركب او العب اي شيء يخوف في ملاهي او غيره

هادية بطبعي الى حد ما ..

مررررررررررررررررررررة احب اقعد لوحدي لفترات طويلة

لدرجة اني سرت افكر بطريقة جدا غريبة و احيانا جنونية

اكره MAKE UP , و السوق , و الطبخ :hap:

هواياتي النحت ..

وكنت امثل في المدرسة

الادوار اللي مثلتها :

المتنبي

طبيب يهودي

طفلة تحت العشرين

الخنساء

اعشق اخراج الافلام .. خصوصي افلام الرعب ===> بس طبعا كلها

مجرد هوايات مكبوتة

احب التصوير الفوتوجرافي

امممممممممممممممممممم

ايش كمان ؟؟

اخدت جائزة افضل طالبة في المرحلة الثانوية تلقي شعر على مستوى

الرياض

اكره الرياض ::] ::]

ما احب الدراسة :(

توام روحي خالتي .. من دونها مرة ما ا قدر اعيش

اعشق قراءة الروايات


و اعتقد بس كده ...

اكبر امنياتي .. اني اكمل دراستي بتفوق

و اني اطلع من الرياض ..:(


و تحياتي للجميع ..
* الـمـنـتـظـر *
19-04-2002, 12:01 AM
الله .. الله

الله .. الله

المستخبي باااان ..

صار فيها مواهب .. وشغلات كثيره ..

أبرجع لك يا جعجوووووع ..

اوكي حبيبي ..

راح أجيب لك بلاوي أسويها مادام أني لازم أقول كل شئ عني :D

إلا على فكره ..

أنا موظف في مؤسسه حاسب آلي ..

وراجع لك يالطيب
*نجـ سهيل ـم*
19-04-2002, 06:10 PM
مساء الخير أخوي الفاضل الأخير ( كتكوت )

بصراحة موضوعك حلو .. وفيه فائدة كبيره بخصوص التعارف ...

أولا ابدأ باسمي : مطيع

الألقاب التي أحبها : ابو مساعد

العمل : مسئول مبيعات ومراقب مخزون وحسابات

الهوايات : كرة القدم : والإنترنت .

بداياتي في الإنترنت : 2000 م

نقطة ضعفي الماضي وأخاف من المستقبل ..

المواليد : جده 1399