بخيت
08-04-2002, 04:12 AM
منقول
تمهيد :
ارسم لكم صورة بكلمات حية حيث حاولت جهدي ان تكون عاكسه للواقع الفلسطيني الحالي الذي يتعرض للهجمة الاسرائيلية ، دون اضافة أي رتوش بل تسودها البساطه والبداهه وهذا ما يعكسه الحوار المحكي باللهجة الفلسطينية . فان ضمت الصورة بعض الابتسامات فانها ابتسامات حارقه ، لعلها تخدم وتساعد في رسم الصورة لان شر البلية ما يضحك .
أتصلت هاتفيا بجنين للاستعلام عن اوضاع الاهل ولم اتمكن من الاتصال ببيت الوالد او بيت اخي ، لكن تمكنت من التحدث الى حماتي . أرأيتم هذه من فوائد الحموات احتياجها في وقت الازمات . الله يطول بعمر حماتي ، فانا متفق معها أكثر من زوجتي ، وأهم شيء متفقان عليه ، ان كلانا يدرك انها ضحكت علي وزوجتني ابنتها .
وقد جرى الحوار التالي مع حماتي :
أنا : كيف تردين على الهاتف؟
حماتي : الهاتف جنبي وقنينة الميه .
أنا : كيف الوضع عندكم ؟
حماتي : زفت ، 3 دبابات حول البيت تقصف مخيم جنين .
انا : اسمع اصوات في البيت ؟
حماتي : هاي رجاء وجوزها واولادها السته وجمال وجوزته واولاده جايين يحتموا بالبيت لان البيت على جبل وبيوتهم بالسهل واعتقدوا ان الدبابات لن تصل الى الجبل.
أنا : يعني البيت ضيق والحمار رفاص ؟
حماتي : الله يهده شارون ، ييجي يشوف هالنكد الى جابلي اياه .
أنا : شو في اخبار لا تظهر على الفضائيات ؟
حماتي : طخو ابن حسن الطرزي براسه لما طل من الشباك وهو ينزف . كمان ابن الدكتور هشام طخوا ابنه براسه وابوه طبيب ومش عارف يعمل إشي وابوه يتفرج عليه حتى مات . جارتنا ام عادل ولدت قيصري وقبل اوانها واخرجوها من المستشفى وابنتها ماتت من قلة العناية . وجارتنا ام محمد جوزها خلاها تولد في البيت على التلفون وهو يتصل بالدكتور ويقله الدكتور شو يعمل . وباص قاسم عجنته الدبابه .
أنا : في منع تجول عندكم ؟
حماتي : ما في منع تجول ، لكن مين بدو يخرج والجيش في كل مكان .
أنا : شو عاملين الان ؟
حماتي : منبطحين على الارض وبسمعوا الراديو.
أنا : ليش عندكم كهرباء؟
حماتي : لا كهربا ولا ميه ، الراديو بيشتغل على البطاريات .
أنا : شو اخبار ايهاب ؟
حماتي : قائد الشرطه في جنين جمع الشرطه كلهم وقال لهم " انا بريء من دمكم ، اللي بدو يحارب اليهود يحارب ، واللي بدو يستقيل فليستقيل ، والي بدو يشلح بدلة الشرطه ويكون مدني يشلحها .
أنا : كيف اخبار خواتي ؟
حماتي :جالسات في الدور الاول من البيت عند الجيران . وسيارة اختك مثل المنخل من الرصاص . والبيت هَرّ قزازه ، مهو بيتكم حد مستشفى الرازي .
أنا : واخي ؟
حماتي : طلعت الدبابه على سيارته وهو في البيت والخط مقطوع عليه .
أنا : وبيتي؟
بيتك سليم لان الجيش ما طلع على جبل المراح . بس الدبابات في منطقة الجابريات الى فوق بيتك وتقصف المخيم من هناك .
أنا : واقاربنا في المخيم ؟
حماتي : بقولو ابن خال امك قتلوه اليهود .
انا : شو بتاكلوا ؟
حماتي : عدس ومجدره وبيض .
انا : شو بتوصي ؟
حماتي : الله يحفظكم ودير بالك على الولد الصغير وسلم على وفاء .
يوسف فضل
7/4/2002
تمهيد :
ارسم لكم صورة بكلمات حية حيث حاولت جهدي ان تكون عاكسه للواقع الفلسطيني الحالي الذي يتعرض للهجمة الاسرائيلية ، دون اضافة أي رتوش بل تسودها البساطه والبداهه وهذا ما يعكسه الحوار المحكي باللهجة الفلسطينية . فان ضمت الصورة بعض الابتسامات فانها ابتسامات حارقه ، لعلها تخدم وتساعد في رسم الصورة لان شر البلية ما يضحك .
أتصلت هاتفيا بجنين للاستعلام عن اوضاع الاهل ولم اتمكن من الاتصال ببيت الوالد او بيت اخي ، لكن تمكنت من التحدث الى حماتي . أرأيتم هذه من فوائد الحموات احتياجها في وقت الازمات . الله يطول بعمر حماتي ، فانا متفق معها أكثر من زوجتي ، وأهم شيء متفقان عليه ، ان كلانا يدرك انها ضحكت علي وزوجتني ابنتها .
وقد جرى الحوار التالي مع حماتي :
أنا : كيف تردين على الهاتف؟
حماتي : الهاتف جنبي وقنينة الميه .
أنا : كيف الوضع عندكم ؟
حماتي : زفت ، 3 دبابات حول البيت تقصف مخيم جنين .
انا : اسمع اصوات في البيت ؟
حماتي : هاي رجاء وجوزها واولادها السته وجمال وجوزته واولاده جايين يحتموا بالبيت لان البيت على جبل وبيوتهم بالسهل واعتقدوا ان الدبابات لن تصل الى الجبل.
أنا : يعني البيت ضيق والحمار رفاص ؟
حماتي : الله يهده شارون ، ييجي يشوف هالنكد الى جابلي اياه .
أنا : شو في اخبار لا تظهر على الفضائيات ؟
حماتي : طخو ابن حسن الطرزي براسه لما طل من الشباك وهو ينزف . كمان ابن الدكتور هشام طخوا ابنه براسه وابوه طبيب ومش عارف يعمل إشي وابوه يتفرج عليه حتى مات . جارتنا ام عادل ولدت قيصري وقبل اوانها واخرجوها من المستشفى وابنتها ماتت من قلة العناية . وجارتنا ام محمد جوزها خلاها تولد في البيت على التلفون وهو يتصل بالدكتور ويقله الدكتور شو يعمل . وباص قاسم عجنته الدبابه .
أنا : في منع تجول عندكم ؟
حماتي : ما في منع تجول ، لكن مين بدو يخرج والجيش في كل مكان .
أنا : شو عاملين الان ؟
حماتي : منبطحين على الارض وبسمعوا الراديو.
أنا : ليش عندكم كهرباء؟
حماتي : لا كهربا ولا ميه ، الراديو بيشتغل على البطاريات .
أنا : شو اخبار ايهاب ؟
حماتي : قائد الشرطه في جنين جمع الشرطه كلهم وقال لهم " انا بريء من دمكم ، اللي بدو يحارب اليهود يحارب ، واللي بدو يستقيل فليستقيل ، والي بدو يشلح بدلة الشرطه ويكون مدني يشلحها .
أنا : كيف اخبار خواتي ؟
حماتي :جالسات في الدور الاول من البيت عند الجيران . وسيارة اختك مثل المنخل من الرصاص . والبيت هَرّ قزازه ، مهو بيتكم حد مستشفى الرازي .
أنا : واخي ؟
حماتي : طلعت الدبابه على سيارته وهو في البيت والخط مقطوع عليه .
أنا : وبيتي؟
بيتك سليم لان الجيش ما طلع على جبل المراح . بس الدبابات في منطقة الجابريات الى فوق بيتك وتقصف المخيم من هناك .
أنا : واقاربنا في المخيم ؟
حماتي : بقولو ابن خال امك قتلوه اليهود .
انا : شو بتاكلوا ؟
حماتي : عدس ومجدره وبيض .
انا : شو بتوصي ؟
حماتي : الله يحفظكم ودير بالك على الولد الصغير وسلم على وفاء .
يوسف فضل
7/4/2002