المساعد الشخصي الرقمي

مشاهدة النسخة كاملة : ممنوع دخول العزابية


الملقوف
07-04-2002, 12:04 AM
سلام .

قرر أربعة شباب عزابية انهم يسوون رحلة على مصايف السعودية ..

وقالو .بنروح كذا مدينة في السعودية .. كانت جدة هي المحطة الأولى

اللي وصلو لها .. طبعا بعد ما وصلو دورو لهم عن سكن

ومن هنا بدت قصة المأساة ..!!!

بحثو عن سكن في كذا مكان طبعا ما يبون فنادق بحكم انهم شباب

محدودي الدخل (دجة ) ..

بحثو في كذا عمارة شقق وما حصلو شقة .. ومن عمارة لعمارة ومن

شارع لشارع ومع الأسف ما حصلو . ليه ؟؟؟

قالو انتم عزابية !!!!

حتى ليت أحد كان يحسن استقبالهم !!

وبعد ساعات من البحث حصلو خرابة مكتوب عليها يوجد سكن عزاب

يخاف الجن يسكنو فيها فما بالك بالأنس ..

حمدو الله انهم لقو شي ينامو فيه .. في الليل قررو انهم يروحو أي

مدينة العاب ( ملاهي ) .

يوم وصلوالملاهي وطبعا قطعو التذاكر كان الحارس موقف قدامهم .

قال وين ؟؟

قالو بندخل الملاهي ..

قال ممنوع ...

قالو ليه ؟؟

قال انتم عزابية !!!!

راحو وكلهم اسى وحسرة انهم ما دخلو الملاهي ..

فكرو قالو وين بنروح في ها لليل ؟؟

قال واحد منهم ما فيه الا الكورنيش عند البحر وروايح الخيول والدبابات

اللي تفتح النفس ..

جلسو على الكورنيش وهم يفكرون انهم يروحو مدينة ثانية ممكن تكون

افضل من جدة ...

راحو الطايف .. ونفس اللي صار لهم في جده صار في الطايف .

ممنوع دخول العزابية ..

قال واحد منهم وش رايكم في الرياض نشوف الفيصلية والمملكة ويمكن

يكونو متفهمين شوي وحاطين

شي للشباب غير المقاهي .. راحو الرياض ونفس الكلام

ممنوع دخول العزاب ..

اخيرا قالو الشرقية .. قال واحد منهم بيصير نفس الشي ليتنا ما نروح ..

رجعو ديرتهم وصيفو ذيك السنة بين الضبان والجرابيع في البر ...

في الصيفية اللي بعدها قررو انهم يروحو برا السعودية .. طبعا سوو كل

شي ورتبو انهم يروحو

احد الدول العربية القريبة ....

طلعو للخارج وكانت أول سفرة لهم برا السعودية ..

بعد ما وصلو كانو خايفين من كابوس ( ممنوع دخول العزابية ) .

أول ما سألو عن سكن لقو ملايين الشقق بأسعار خيالية حتى ان بعض

المكاتب قدمت عروض تفوق الخيال

زي السواف والشغالة والاقامة المجانية في احد القرى القريبة ..

كان كل شي قدامهم مفتوح عالم عمرهم ما شافوه .. حاجات كانو ما

يشوفوها ولا بالساتيلايت ( الدش )

اشياء تفوق الوصف مع العلم ان الدولة اللي راحو لها مهي دولة غنية

زي السعودية ...

طبعا شباب ومراهقين وعندهم حب الاكتشاف وحب المغامرة برايكم

وش بيسوو في ديرة مسموح فيها بكل

شي ( كلللللللللل شي ) ..

طبعا جرفهم التيار الى كل ماهو محظور وممنوع ... سهرات ليلية ..

مومسات ( والعياذ بالله ) .. مسكرات .. أي ممنوع كان عندهم مرغب

لكن يجي هنا دور السؤال من المسؤول عن اللي صار لهم واللي قاعد

يصير لكثير من شبابنا ..

ليه السياحة عندنا مقصورة على العوايل بس ؟؟

طيب ليه النساء ما ينقال لهم للعوئل فقط يعني البنت ما فيها شر ؟؟؟

كثير نشوف نساء مع محرمهم السواق يدخلو أي مكان ... بأي شرع

ينسمح لهم والشباب لا ؟؟

الكلام يطول في هالخصوص لكن .. يبقى في النفس شي من حتى



....
ناصر الأحمد
07-04-2002, 03:23 AM
جاااااااايك انواع القافه ادور ليه ممنوع دخول العزاب



صباااااااح الخير ملقوف


تسييييف الحال

باالله وش فيه احسن من المطامر بالشعبان والبران:hap:


والنوم على الرصيفات وين مارحنا


صراحه مشكله والاورع اسلوبك في طرحها


وكثير الي بلشو ا بعمارهم

لكن
من المسؤول ؟؟؟؟؟؟
مادري

بس الشباب مسوؤل بعد

اذا كان عناك شباب لايقدرون مايعمل لهم
وتلقاهم تخريب وتكسير


وهذا من الي شفته بعيني

في مهرجان العيد بالرياض بدت المسيره ولا اروع

والنهايه سيارت مكسره وراحيه فيها


في مهرجان كوكا كولا بنادي الشباب



ترجيم بعلب المويه
شوي يهجون الي عارضين

وغيرها الكثير


وهذا كوم وذا فار فريق كوم ثاني

ونت ادرى وش يصير


فكيف نريد ان احد يضع شي للشباب من ترفيه ومن غيرها للشباب ويدفع ملاييين علىشان شباب بعضهم لايقدر مايوضع له

لا نترك الملامه على المسوؤلين وحدهم

فاذا كنا نريد شي علينا ان نحافظ على الشي الموجود قبلا

تحياااااتي
الملقوف
07-04-2002, 12:52 PM
سلام ...

حيا الله المجعجع ...

وشلونك طاب زينك .

من ناحية مطامر الشعبان اسألني عن اي شعيب في المملكة

وانا اقولك. ماهنا شعيب ما انكسر لي فيه مساعد سيارة

ومافية حصاة والا بنشرت بكفراتي ومافية شجرة

الا ونشبت شوكها برجولي .. أسأل عني ضبان الشوكي

وجرابيع رماح تعرفني ...

شف حبيبي انا معك ان الشباب يتحمل جزء من المسؤولية

بس لا تنسى الكبت والتضييق والحجرة اللي صاكة على

هالمساكين .. والله يكسرون الخاطر ..

ياخي طبيعي اذا صار لهم اي فرصة بيطلعو هالكبت وهالقهر

اللي خانقهم .

وما انكر ان فيه شباب من جد ما ينفع فيهم شي بس ما يمثلو

اي نسبة للشباب السعودي ..

يالله .. انشاء الله في الجنة يا شباب السعودية .
الإعـــصــار
07-04-2002, 03:55 PM
الى الاخ العزيز الملقووووف

مسااااااااااااااء الخير

كيفك

بصراحه كلامك ميه ميه تسلم على هذا المقال وين يروح الشباب حتي

بنده ممنوعه للعوايل بالله ليش




ورد بسيط للاخ جعجع اول شي اصابع ايدك ماهي سوا

وعلى كذا انت من الهمجيين الي يخربون على قولتك انا اسف اعذرني

ثاني شي انت يا جعجوعه جيب حل للمشكله ما دام انك حاط اللوم كله على الشباب


ومشكوووور ياملقوووف على المقال الجميل



وسامحوني اذا غلطت


اخوووكم : الاعــــصـــار
الملقوف
07-04-2002, 10:46 PM
سلام .

حياك الله اخوي الاعصار ومشكور على كلامك وشهادتك

اعتبرها حافز لي ..

اتفق معك في كل كلامك ولكن احترم رأي الاخ جعجع

فله رأيه ولي رايي ولك انت رأيك وصدقني كلنا معنا حق من وجهة

نظري الشخصية .. :SMIL:
ناصر الأحمد
08-04-2002, 05:22 AM
هلا والله براعي المطامر بالشعبان والمناقز بالبران


انا اتفق معاك ان فيه تكبت وضيقه على شان مافيه مكان نطامر فييه وكل شي للعوايل


لاكن فيه كم مناسبه جت وصار فيها مهرجانات

بس مو معناتها نحط حرتنا في ذا الوقت ليه مانقدر الي سوه لنا وقتها ونطمع بالمزيد

مو يروح كل شي وطي ونطالب بعد بزود


وطبعا ماقول الكل لاني راح اكون غلطان ميه بالميه



يعني فيه من حاول انه يقدم شي للشباب

بس شاف سلبيات اكثر من اجابيات للي سواه

فيكف موقفه وقتها ؟؟؟


طبعا الملامه على قله الشباب وتصرفاتهم

فزي مايقولوا الردي خرب على الطيب <<<<< هو تسذا ينقال المثل :D


ولا زلت اقول ان ماااافيه شي للشباب وراح نستمر في كل فرصه تقولها ان مافيه شي للعزاب نهائي



تحياتتتتتو

جعجعوه



اهلين الاعصار

طبعا اكيد يدي ماهو سوا

وناا ذكرت بعض ماقلت كل الشباب

وعادي ياخوي لاتتعتذر لاني

قلت الي صار ومعاك حق تتوقع اني منهم

بس لو اني من الهمجين الي يخربون ماحسيت في ذا الشي


ولا قلت السلبيات اذا كنت اسويها

ولا حطيت اللوم على الشباب كله

قلت يتحمل جزء من المسؤليه بعض الشباب

وان لم اذكرها في موجزه في ردي


والحل ماهو بيدي لوحدي وحتى لو جبت حل مراح يتنفذ
لان الحل بايدينا كلنا

فكل مالقينا شي غلط لازم نقول هذا غلط

ولا نقول مالنا دخل

فمن هاولا الشباب مراهقين فلا اضنه انه يبالي بما يسويه

<<<<< مهوب عاقل الشاييب

فالمسؤل عن تصرفات بعض المراقهين المراهقين هو من بيديه الحل



تقبل تحياتي




الملقوف مره اخرى

اكيدبما قلت واحترم وجه ونظر الاعصار ولا اخالفكم فيها
الا انني حبيت اضيف القليل فيها


وانمنى انني استطعت في ذا لك


تحيااااتي


جعجعوه
aljenny
10-04-2002, 10:58 PM
يسعد أيامك يالملقوف ..

موضوعك شائك كما عكرة الضب !

ألحين جاي بعد ماتزوجت وأصبحت من ذوي الألقاب المميزة "عوائل " والمصرح لهم بدخول حتى مغارة علاء الدين فقط لأنه يحمل دفتر عائلة (بطاقة بلاستيكيه مطبوعه تحتوي على بعض الكمات التي تفك السحر)
وتبغى تفزع للعزاب ؟!

يا أخي هذا يومك إللي تتفرح عليهم فيه ..

خلهم يذوقون مرارة ما إقترفوه من ذنب ..

ليش الواحد منهم يوصل الأربعين وهو مازال يؤسس نفسه ويحب يعيش أيامه قبل يدفنها بالزواج !

خله يركض من جحر لحفره يدور سكن ياعساه يسكن **** <-- (تم حذفها من قبل ضميري)

خلهم .. هذي الجنه وهذي جهنم .. وهذا الطريق واضح


بس فيه نقطه ودي أعلق عليها شماغي ..

(((ليه النساء ما ينقال لهم للعوئل فقط )))

يالغالي البنت يقال لها وفي أماكن كثيره "ممنوع دخول النساء بدون محرم"

مع العلم بأن البنت مو زي الولد .. الولد لو ضاقت به أنت قلتها بلسانك "يسافر"

والبنت ياحسره حدها الغرفه .. وتسافر بأحلامها


يخوي موضوعك زين بس يغث .. خلني أقوم أطلع أدور مكان للعوائل أقدر أدخله بإستمارة السيارة

تحياتي لك


على فكره .. لاتتعودها وتحش في عمانك --> ((يخاف الجن يسكنو فيها فما بالك بالأنس))
بسمة الحياة
11-04-2002, 12:48 AM
السلام عليكم...

هلا بك ملقوف..

موضوع حلو..وكنت ناوية اكتب عنه من فترة..يكفي اني اقول لك موقفين

شفتهم واكتشفت اهمية "الانوثة" :):)

مرة كنا رايحين حفلة غنائية واتاخرنا عن موعد البدء..والزحمة كانت

فظيعة..الشباب ملطوعين حالهم يبكي اهئ اهئ ..:) "شمتانة"

والظاهر كانوا منتظرين من فترة طويلة..المهم دخلنا نحن الحريم بكل

تقدير واحترام وحصلنا اماكن , طبعا اماكن خاصة بالحريم بانتظارنا ونحن

زي الاميرات هاهاها..والمساكين يدخلوهم على واحد واحد وعدد

كبييييييييير جدا رجعوابيوتهم..على قولة زهرة البساتين..وجنة الذكور

بيوتهم..:)


موقف ثاني.في دبي..القرية العالمية اذا سمعتوا فيها..

في ايام طبعا للعائلات..وتقدر تشوف الشباب المساكين واقفين يترجوا

البنات عشان يدخلوهم بصفتهم ازواجهم!! وفي كثير بنات يوافقوا ..والله

اعلم ان كانوا يفترقوا بعد كدة في القرية وللا لا..!!


لكن فعلا...مساكين انتوا في اغلب الاحوال..:)
الملقوف
11-04-2002, 01:18 AM
سلام ..

مساكم الله بالخير جميعا ..

اخوي المستكشف جعجع ... زي ما قلت الردي يخرب على الطيب

والله كلامك على العين والراس بس بصير علة شوي واقول

ليت شبابنا ياخذ فرصة شوي بس ...

حيا الله الجني .. اول شي اتحداك اذا كد لمست عكرة الضب

بعدين من قال اني دايم اروح انا وام العيال !!؟؟

انا والشباب على سبيل المثال ما عندنا الا البر والا جوازاتنا الله

يسلمهن يعني وين نبي نروح ؟؟؟ هذا اذا صرحت لنا الوزارة طبعا

بعدين تعال ...

اي محرم واي بطيخ !! الحين المرة تطلع بالطيارة لحالها وتروح

وين ما تبي محد يقولها وين رايحة ..

يمكن شي واحد اللي المرة ما تقدر تدخله (( المقبره ))

الا اذا ماتت .. وفي الفترة الاخيره صايرات الحريم معمرات

ياخي ما يموتن ولا بواسطه ..

اخر حرمة ماتت اللي في الشرقية يقولون عمرها 500 سنة مدري كم

على فكره سامحنا على كلامنا في الجن ما ينقال فيهم شي!!

.
wala2
11-04-2002, 12:20 PM
هاي
كيفك؟
ملقوف؟
_________
احسن تستاهلوا
:P:P:P
الملقوف
11-04-2002, 12:45 PM
سلام .

صباح الخير اختي بسمة الحمد الله اني سبقتك

بس ليه تكتبي في هالموضوع وانتي ما قاسيتي منه شي

المفروض واحد شاب عزابي يكتب عنه .

وانتو يالبنات من قدكم قطيعة تقطعكم .. حتى لو الوحده

عزابية ( عانس ) تدخل مدري ليه .. يمكن مراعاة لمشاعر العنوسة

عندها .. عاد ما يجتمع عانس وممنوع تدخل .. والله يجيها شي

وسلمي لي على زهرة بساتينك وقولي لها الله يستر

هي صادقة انه في السنين الاخيرة صايرة البيوت

بدال مهي جنة النساء صايرة جنة الرجال .. وانا اقول ليه الدنيا

قايمة قاعدة .. حروب ودمار .. اتاريه من قعدة البيت !!!

اهلين ولا كيفك . :SMIL: :SMIL:
بسمة الحياة
11-04-2002, 11:01 PM
::[
عسوله
12-04-2002, 01:34 PM
والله عن نفسي افرح لمن اشوف الاولاد واقفين عند البوابه وحالهم يبكي على قول بسمه يعجبني اتشمت فيهم:moh:
بس برضه حاسه بحالكم مساكين لان اخواني يعانوا نفس المشكله واعتقد انه الشباب اللي بيخربوا هما المسؤولين عن مشكلتكم لانه الخير يخص والشر يعمّ
الشهد
12-04-2002, 02:43 PM
السلام عليكم ورحمة الله وبركاته






أخي الكريم...الملقوف...

موضوع مهم..واسلوب طرحك للبداية وشرحك للواقع...

كان رائعا ومقنعا....

لكن هل من المعقول ان كل الاماكن خصصت للعوائل؟؟؟

هنا تكمن المشكلة...اين يتجه الشباب في مثل هذه الحالة؟؟

الا توجد اندية واماكن مخصصة لهم؟؟؟

وحسب علمي اذا خصصت بعض الاماكن ايام للعائلات...

فانها تخصص بالمقابل يوما للجميع...

فهذا الحال عندنا في دبي...

فمثلا في ايام المهرجانات...

يوم الاثنين مخصص للسيدات...

وهناك ايام للعوائل وايام للجمهور والشباب...

وهذا التخصيص ياتي منظما ودافعا عن اية مضايقات...

والامر في الاخير يعود لبعض الشباب هداهم الله...!!!

لا اقصد بكلامي الكل....

سوء تصرف البعض يدفع المسؤولين لوضع قوانين وتخصيص ايام للعوائل

ومنع الشباب....

ولكن اتفق معك انه يجب توفير اماكن للشباب ... اذا خصصت بعض

الاماكن للعائلات...

حتى لا تتكرر ماساة اللقاءات والمواعيد بين الشباب والفتيات في هذه

الاماكن...ولا احد يدري!!!!


وعذرا على الطالة...


مع احترامي اخي...
الملقوف
13-04-2002, 12:08 PM
سلام .

صباح الخير ....

حياك الله اخت .DeStRuCtIvE_GiRl

ممكن ترجمة للاسم ؟؟ اذا ما عليتس امر ؟

مدري ترجمتي يمكن غلط .. :SMIL:

والله عاد لما تتشمتي وش ممكن احنا نسوي

ما اقول الله يبلاكم باللي بلانا وما تلقو ولا رصيف تمشو عليه

::* ::*

حياك الله اختي الشهد

لا فيه ايام مخصصة للشباب ..

طبعا يوم السبت والاحد والاثنين والثلثاء والاربعاء والخميس

والجمعة هذي عوايل .. باقي الايام شباب !!! :confused: :confused:

فيه اماكن طبعا للشباب زي المقاهي ( شيشة واللزي منه )

طبعا اللي ما يشيش يبي يبلش .. وفيه مراكز رياضية ..

بس على سبيل المثال بعض الاسواق الكبيرة زي المملكة

والفيصلية وبعض الملاهي وان صح التعبير كل الملاهي ..

وايضا المنتزهات العامة كلها عوايل .. والله يستر بعد البر ما يصير عوايل

صدقيني اختي المسألة اكبر من تصويري لها والمعاناة محد

يتصورها والنار ما تكوي الا رجل واطيها ..

انا الحمد الله عوايل بس كنت من الممنوعين من الصرف ..


وارجع اقول للشباب ..

للعوايل الدنيا ولكم الاخرة
نــــــجــــــم
15-04-2002, 01:06 AM
بسم الله الرحمن الرحيم

اولا اشكرك اخي الملقوف على اثارتك هالمعناة الحساسة ...
لكن اقول وبالله التوفيق .. مالاحظتوا معي ان هالمشكلة او المعاناة التي نعاني منها نحن وأمثالنا من بني جنسنا مستمدة او هي امتداد فرعي لمشكلة اساسية الا وهي مشكلة تاخر الزواج . الم يقل رسول الله صلى الله عليه وسلم : ( يامعشر الشباب من استطاع منكم الباءة فليتزوج فإنه اغض للبصر وأحصن للفرج ....) وقال عليه الصلاة والسلام : ( اذا أتاكم من ترضون دينه وخلقه فزوجوه ، إن لم تفعلوا تكن فتنة في الارض وفساد كبير ) او كما قال صلى الله عليه وسلم ...
ومن هذا المنطلق اقول انه لاحل لمشكلتنا الفرعية الا بحل المشكلة الام والرئيسة والتي تكمن في تاخر الزواج او الاعراض عن الزواج لاي سبب كان ...
هذه مجرد وجهة نظر ورأي شخصي وقابل للصحة والخطأ ...
شاكر ومقدر لكم اثارة مثل هذه المواضيع ..

تقبلوا تحيات اخوكم
نـجـم :heart:
الملقوف
16-04-2002, 12:08 PM
سلام

صباح الخير ..

اخوي نجم الكلام عن الزواج وبلاويه يبي له اربع منتديات

يا الله تكفي ..مهو صفحه او صفحتين ..

وكلامك على العين والراس .. بس حتى لو تزوج الواحد

بتنحل المشكلة ؟؟ طبعا لا ...... :SMIL:
ملكة البحار
16-04-2002, 12:41 PM
السلام عليكم ...


كيف الحال؟

الموضوع هذا مدري ليش مزعلكم ...

طيب احنا ماقلنا نبي ندخل الاماكن الي للشباب فقط .. ::[


يعني مالمفروض تدخلو اماكن العوائل ...

كمان الاولاد اشقياء والبنات هادئيين ...


يعني مرره ماينفع يدخلو اماكن العوائل ... صح؟

تحياتي..
الملقوف
17-04-2002, 11:25 AM
سلام

صباح الخير ..

ملكة البحار ... على فكرة حتى البحار بيحطو عليها يافطه

ممنوع دخول العزابية ...

.. :moh: :moh: :moh: :moh: :moh: