بحارة
21-08-2003, 12:28 PM
سلااااااااااام
.
.
أوبس نسيت أسألكم يا جماعة إنتو ما سمعتوا عن مذبحة أمس صارت في السعودية تم فيها ذبح خمسة ؟؟؟؟
إليكم الأنباء بالتفصيل ..
.
.
.
الساعة خمسة العصر قاعدة في أمان الله في غرفتي وآخر روقان :cool: ... في يدي اليمين كوب نسكافيه.. وقاعدة أتصفح مجلة .. وياسلام على الأضواء الخافتة وأجواء التبريد ...
.
.
إلا شوي أمي تدقدق الباب بقوة.. يا بِت أفتحي الباب
قمت فتحت الباب بسرعة ..
أمي : بسرعة تعالي أنا مستعجلة أبغا أخرج هيفاء عملت عمليتها اليوم وأنا رايحة مع سِتك المستشفى نطل عليها ..
أنا : طيب أجي أطل معاكم أكسب أجر ..
أمي : لا إنتي أكسبي أجر فيّا وخشي المطبخ
أنا ::] : أخش إيش ؟؟؟؟؟؟؟؟ أخش المطبخ !!!!!! وليش إن شاء الله ؟
أمي : اليوم أخوانك جايين عندنا وأبغاك تطبخي سليق ::] .. شوفي الخمسة دجاجات عندك في الحوض .. وعندك الهيل والمستكة والملح .. والرز شوفي دا مصري ودا أمريكي .. ودا الحليب وحطي وووووووو......
أنا (واقفة وقفة آخر استهتار ) : أشوفك ياأمي صايرة تنكتي ماشاء الله ودمك خفيف
أمي : خلي المويا تغلي وبعدين أرمي عليها الدجاج بعد ما تنظفيه مزبوط >>>كأني قاعدة أكلم نفسي
أنا .. دحين من جدك تتكلمي .. تبغيني آآآآآآآآنا أنظف دجاج ..
أمي : ولازم تقطعي الدجاجة أرباع ..>> لا لا والله مطنشة من جد يعني !
أنا : يا أمي إشبك ؟؟ أنا عمري ما طبخت تبغي ترميلي خمسة دجاجات في حلقي .. حرام والله حرام.. دا الكلام ما يجوز ياناس ::[::[::[ .. أصلا أنا عمري ما شفت دجاجة تتقطع غير في التلفزيون .. والله يا أمي ما أعرف ..
أمي : تتعلمي زي ما تعلمنا .. بكرة النهار لما تتجوزي تقولي ما أعرف .. والله ولد الناس يرجعك عندنا تاني يوم
أنا : طيب توحشوني ما أقدر على فراقكم :D ..
و تعلميني سليق !.. عشان أقوله سلقلق ويقوللي طلقلق|326| .. طييييب يا أمي قاعدة تنكتي على راسي .. أصلاً أنا ما راح أسوي شي .. إنتي روحي زوري المريضة وسلميلي عليها.. وأولادك مو لازم ياكلوا سليق ... قلك قلك قطعي الدجاج .. هدا اللي بقي والله
أمي : يا بنت لا يكتر هرجك .. أنا عارفة إنك نشمية (تطقطق على راسي ) وعارفة إنك ماراح يهون عليكي .. وإنك قد المسئولية ...(إيوا يختي أضحكي على بالكلمتين دوول ) ...و., و , ومع السلامة .. ومشيت ..|179|
بالله أتخيلوا المشهد معايه ..
وحدة ما تعرف تطبخ .. وتقرف من تنظيف الدجاج والشحوم .. وما تنظف أصلا .. ولا تعرف تسوي غير شاهي وقهوة وبيض وساندوش جبنة وإندومي .. حتى الإندومي تنخبص معاي وتطلع مهرية زيادة ..
وقدامها خمس دجاجات كل وحدة رايحة زي الفحل ..
وقدر كبييييييييييييييييييييييير حق عزايم .. :(
وعالم راح تيجي عشان تلهط ::[::[::[ ::[::[
مسئولية بصراحة أنا ما أقدر أخيب ظن أمي فيني .. وبعدين إنسان اعتمد علي فَراح أعمل ورجلي على رقبتي .. يعني لا أبرطم وخليني أقوم بتنفيذ العملية ..
.
.
نجحت أمي في إنها جعلتني أتخلى عن إنسانيتي ..وأقوم بالذبح والتقطيع ومسكت الدجاج ...وقعدت أقيسها بطرق هندسية من أي زاوية أبدأ الذبح .. وهاتك يا فرفصة .. ويا بنت اقطعي ولا تقطعي ... واشوف أشياء عجيبة وغريبة .. كأني قاعدة في درس تشريح .. يا جماعة في دجاج دهني زيادة عن اللزوم .. وفي دجاج جلده كثير الله يقرف الشيطان ..
.
.
وأنا نفسي تلعب وراح تجيني حالة إغماء ..(لكن قلبي قدها وقدود ) بس خلاص مادام أحد اعتمد علي لازم أكمل ... >> لا خوش مسئولية (حلوة خوش والله )
.
.
.
.
.
طيب الحمد لله خلصنا التقطيع ..
بس باقي التنظيف ::[::[::[
والله حرام يا أمي .. ليش تعملي فيني كذا .. ::[
طبعا نظفتها من قلب قلبي .. وما بقيت فيها شي .. افتكرت دجاج المطاعم المهبب .. يحطوه زي ما هوا بريشه وعراميشه .. تنظيفهم من برا برا لله يقرف الشيطان ...
.
.
استغرقت عملية التقطيع (والشرشحة|315| ) والتنظيف .. مدة ساعة ونص .. أظن محد سواها قبلي أستاهل أخش عليها موسوعة غينيس ..
وجبت قدر العزايم ورميت الدجاج والبهارات والهبابات كلها ..
أوبس أفتركت ,, هوا قد إيش يقعد على النار ..
اتصلت على أمي .. ترد علي بصوت آخر رواقة (ها نظفتي الدجاج؟ ) <<|210| إيوا ماجاكي حاجة إنتي .. قاعدة تزور خلق ربنا وأنا أبتلش بعيالك .. إشلي أنا أكلوا ولا ما أكلو ا ::[
أنا (بملل ) : إييييييييييييييوا نظفته .. ماما قد إيش أخليه ع النار ؟
_ خليه ساعة
_ والله لا أخليه ساعتين .. اللي سواه فيني مو قليل ::[::[
أظني راح اقعد سنة ما أحط في فمي لحمة ..
والحمد لله جات أمي عشان تقلي الدجاج .. ولو سابته لي عشان أقليه كان حرقته |325|
واكتملت العملية بسلام بدون ضحايا ولا إسعافات ..
يالله اتفضلوا معانا .. قصدي اتفضلوا معاهم :005:
.
.
.
بحــــــارة البائسة ::[
.
.
______________
الفوائد من التجربة :
* إني صرت أعرف أشرشح دجاج|321|
* ترى الدجاج لما يتنظف مهو زِِنخ كثير ..
* أمي انبسطت مني .. ودعتلي دعوتين حلوة ..
* المستحيل لا يبدو مستحيلا حينما تحاول ..
* مهما كان لا بد أن تكون سيد موقف ..>> لا يكون أسد ونحن ما ندري
* أثبت للجميع .. إني أبضاية وبنت زقرد .. ويطلع مني أكل لزيـــز |321|
*أتعلمت إني ما أسمح لأحد يبتزني أو يضغط علي .. ولا يستغل نقاط ضعفي (طبعا الوالد والوالدة مستثنيين من دي الفائدة والشغلة مافيها ضغط منهم أساسًا )
* اتقوى عندي مبدأ (تحمل المسئولية )
( حشا عاد ماصار دجاج )
(( هي محاولة لتلطيف الجو كما قال ملك العالم :SMIL: ))
.
.
أوبس نسيت أسألكم يا جماعة إنتو ما سمعتوا عن مذبحة أمس صارت في السعودية تم فيها ذبح خمسة ؟؟؟؟
إليكم الأنباء بالتفصيل ..
.
.
.
الساعة خمسة العصر قاعدة في أمان الله في غرفتي وآخر روقان :cool: ... في يدي اليمين كوب نسكافيه.. وقاعدة أتصفح مجلة .. وياسلام على الأضواء الخافتة وأجواء التبريد ...
.
.
إلا شوي أمي تدقدق الباب بقوة.. يا بِت أفتحي الباب
قمت فتحت الباب بسرعة ..
أمي : بسرعة تعالي أنا مستعجلة أبغا أخرج هيفاء عملت عمليتها اليوم وأنا رايحة مع سِتك المستشفى نطل عليها ..
أنا : طيب أجي أطل معاكم أكسب أجر ..
أمي : لا إنتي أكسبي أجر فيّا وخشي المطبخ
أنا ::] : أخش إيش ؟؟؟؟؟؟؟؟ أخش المطبخ !!!!!! وليش إن شاء الله ؟
أمي : اليوم أخوانك جايين عندنا وأبغاك تطبخي سليق ::] .. شوفي الخمسة دجاجات عندك في الحوض .. وعندك الهيل والمستكة والملح .. والرز شوفي دا مصري ودا أمريكي .. ودا الحليب وحطي وووووووو......
أنا (واقفة وقفة آخر استهتار ) : أشوفك ياأمي صايرة تنكتي ماشاء الله ودمك خفيف
أمي : خلي المويا تغلي وبعدين أرمي عليها الدجاج بعد ما تنظفيه مزبوط >>>كأني قاعدة أكلم نفسي
أنا .. دحين من جدك تتكلمي .. تبغيني آآآآآآآآنا أنظف دجاج ..
أمي : ولازم تقطعي الدجاجة أرباع ..>> لا لا والله مطنشة من جد يعني !
أنا : يا أمي إشبك ؟؟ أنا عمري ما طبخت تبغي ترميلي خمسة دجاجات في حلقي .. حرام والله حرام.. دا الكلام ما يجوز ياناس ::[::[::[ .. أصلا أنا عمري ما شفت دجاجة تتقطع غير في التلفزيون .. والله يا أمي ما أعرف ..
أمي : تتعلمي زي ما تعلمنا .. بكرة النهار لما تتجوزي تقولي ما أعرف .. والله ولد الناس يرجعك عندنا تاني يوم
أنا : طيب توحشوني ما أقدر على فراقكم :D ..
و تعلميني سليق !.. عشان أقوله سلقلق ويقوللي طلقلق|326| .. طييييب يا أمي قاعدة تنكتي على راسي .. أصلاً أنا ما راح أسوي شي .. إنتي روحي زوري المريضة وسلميلي عليها.. وأولادك مو لازم ياكلوا سليق ... قلك قلك قطعي الدجاج .. هدا اللي بقي والله
أمي : يا بنت لا يكتر هرجك .. أنا عارفة إنك نشمية (تطقطق على راسي ) وعارفة إنك ماراح يهون عليكي .. وإنك قد المسئولية ...(إيوا يختي أضحكي على بالكلمتين دوول ) ...و., و , ومع السلامة .. ومشيت ..|179|
بالله أتخيلوا المشهد معايه ..
وحدة ما تعرف تطبخ .. وتقرف من تنظيف الدجاج والشحوم .. وما تنظف أصلا .. ولا تعرف تسوي غير شاهي وقهوة وبيض وساندوش جبنة وإندومي .. حتى الإندومي تنخبص معاي وتطلع مهرية زيادة ..
وقدامها خمس دجاجات كل وحدة رايحة زي الفحل ..
وقدر كبييييييييييييييييييييييير حق عزايم .. :(
وعالم راح تيجي عشان تلهط ::[::[::[ ::[::[
مسئولية بصراحة أنا ما أقدر أخيب ظن أمي فيني .. وبعدين إنسان اعتمد علي فَراح أعمل ورجلي على رقبتي .. يعني لا أبرطم وخليني أقوم بتنفيذ العملية ..
.
.
نجحت أمي في إنها جعلتني أتخلى عن إنسانيتي ..وأقوم بالذبح والتقطيع ومسكت الدجاج ...وقعدت أقيسها بطرق هندسية من أي زاوية أبدأ الذبح .. وهاتك يا فرفصة .. ويا بنت اقطعي ولا تقطعي ... واشوف أشياء عجيبة وغريبة .. كأني قاعدة في درس تشريح .. يا جماعة في دجاج دهني زيادة عن اللزوم .. وفي دجاج جلده كثير الله يقرف الشيطان ..
.
.
وأنا نفسي تلعب وراح تجيني حالة إغماء ..(لكن قلبي قدها وقدود ) بس خلاص مادام أحد اعتمد علي لازم أكمل ... >> لا خوش مسئولية (حلوة خوش والله )
.
.
.
.
.
طيب الحمد لله خلصنا التقطيع ..
بس باقي التنظيف ::[::[::[
والله حرام يا أمي .. ليش تعملي فيني كذا .. ::[
طبعا نظفتها من قلب قلبي .. وما بقيت فيها شي .. افتكرت دجاج المطاعم المهبب .. يحطوه زي ما هوا بريشه وعراميشه .. تنظيفهم من برا برا لله يقرف الشيطان ...
.
.
استغرقت عملية التقطيع (والشرشحة|315| ) والتنظيف .. مدة ساعة ونص .. أظن محد سواها قبلي أستاهل أخش عليها موسوعة غينيس ..
وجبت قدر العزايم ورميت الدجاج والبهارات والهبابات كلها ..
أوبس أفتركت ,, هوا قد إيش يقعد على النار ..
اتصلت على أمي .. ترد علي بصوت آخر رواقة (ها نظفتي الدجاج؟ ) <<|210| إيوا ماجاكي حاجة إنتي .. قاعدة تزور خلق ربنا وأنا أبتلش بعيالك .. إشلي أنا أكلوا ولا ما أكلو ا ::[
أنا (بملل ) : إييييييييييييييوا نظفته .. ماما قد إيش أخليه ع النار ؟
_ خليه ساعة
_ والله لا أخليه ساعتين .. اللي سواه فيني مو قليل ::[::[
أظني راح اقعد سنة ما أحط في فمي لحمة ..
والحمد لله جات أمي عشان تقلي الدجاج .. ولو سابته لي عشان أقليه كان حرقته |325|
واكتملت العملية بسلام بدون ضحايا ولا إسعافات ..
يالله اتفضلوا معانا .. قصدي اتفضلوا معاهم :005:
.
.
.
بحــــــارة البائسة ::[
.
.
______________
الفوائد من التجربة :
* إني صرت أعرف أشرشح دجاج|321|
* ترى الدجاج لما يتنظف مهو زِِنخ كثير ..
* أمي انبسطت مني .. ودعتلي دعوتين حلوة ..
* المستحيل لا يبدو مستحيلا حينما تحاول ..
* مهما كان لا بد أن تكون سيد موقف ..>> لا يكون أسد ونحن ما ندري
* أثبت للجميع .. إني أبضاية وبنت زقرد .. ويطلع مني أكل لزيـــز |321|
*أتعلمت إني ما أسمح لأحد يبتزني أو يضغط علي .. ولا يستغل نقاط ضعفي (طبعا الوالد والوالدة مستثنيين من دي الفائدة والشغلة مافيها ضغط منهم أساسًا )
* اتقوى عندي مبدأ (تحمل المسئولية )
( حشا عاد ماصار دجاج )
(( هي محاولة لتلطيف الجو كما قال ملك العالم :SMIL: ))