رمز
05-08-2003, 06:45 AM
http://www.abunawaf.com/mix/store/aramco.jpg
أيام زمان يعني قبل عشر سنوات تقريبا مو أيام الطفره ...ولا أيام حرب البسوس
... لأ بعدها أو في نهايتها ......كنا مجموعه من الفاشلين ..نلعب سوى ونتهاوش
ونتسلّف من بعض صور السن توب.. المهم كان معنا واحد من المجموعه ..أفشل واحد
فينا ..صحيح كلنا فاشلين بس هو ما شاء الله ..قمه في الفشل ..
كنا ندلعه (علعلول) من جد علّة نحر ذا الآدمي ...الله لا يحوج مسلم له ..
.كان معانا على طول وفجأة اختفى .. أسبوع ..أسبوعين ..::]
وش فيه ذا الآدمي ما صرنا نشوفه الا في المسجد ..(أبوه لاعن سابع جد له عند الصلاه )..
والمصيبه يجي المسجد وحالته الله لا يوريك تقول ثور ملطّشه و طارده ألين وصلّه للمسجد .
إلا في صلاة الفجــــر .. احنا نهوس وبعضنا ينام في السجود وهو ما شاء الله
عيونه بتطلع ..تقول بيض حمام ..وأول واحد يطلع من المسجد علعول وآخر واحد يجي علعول .
وفي يوم من الأيام قلت لازم أشوف ذا الآدمي وش عنده ...وش علّته ..
أنا : علعول تعال استنى أبيك بكلمة..
علعول : يووووووه وش عندك بسرعه أنا مستعجل ماني فاضي لك ( ويحرك سرواله ).
أنا : أفااااا تكبّرت علينا .. عشاان أبوك سوى (سكسوكه )يعني ..
علعول :لا لا مو كذا والله أنا يا خوك شفت عالم ثاني ..
أنا : تبكّش عليّ أنت ووجهك طايح في بيتكم اللي كله أربع غرف
وتقول عالم ثاني ...
علعول :وش عرّفك أنت..؟ بتموت وانت طايح مع العالم المخيسه ...
ياخوي انا جالس على الانترنت فيه حاجات رهييييبه هات أذنك لا احد يسمعنا
(..فيه بنااااااااااات ..).
أنا : لالا.. لا تقول ..::]
علعول : لا تفتّح لي عيونك ..اياني واياك أحد يدري ..
أنا : طيب خلاص بس خلني أجلس معك واللي يرحم والديك أنا نص وانت نص ...
علعول : عساك تجلس على جمره ما تطفي ..وش اللي نص و نص .؟
أنا : أفاااا نسيت يوم أني علّمتك سواقة السيكل .
علعول : خلاص خلاص ... يا شينك اذا لزقت ...الليله مرني بعد العشاء.
*****
ومن أول ما أوعدني علعول وأنا أفكر في الظهـــر متى يجي
وأصلي الظهــــر وأفكر في العصـــر وأصلي العصــر وأفكر في المغرب
وأصلي المغرب وأفكر في العشاء ..وأصلي العشا وأول ما قال الامام
السلام عليكم ورحمة الله (الأولى ) وأنا أطلع من المسجد جري جري
على بيت علعول ...أنا بحياتي ما كلمت بنت ... البنت الوحيده اللي شفتها
هي خدامتنا والمشكله منبهه عليها الوالده الا تتلثم ..والمصيبه ما نشوف فيها الا
أشين ما فيها (عيونها ) ..من جد ما ندري هي صاحيه والا ناميه ..لأول مره
أشوف آنسان يمشي وهو مغمض .
أها وهذا علعول وصل من المسجد ..
علعول : وش عندك واقف عند باب بيتنا ..(معصّب )
أنا : أتبرّك فيه ....ماحنا متواعدين اليوم نتقابل بعد العشا...والا نسيت أنت ووجهك ..
علعول : بعد العشا يعني بعد وجبة العشاء ..أنتم ما تتعشون في بيتكم ..؟
أنا : إلا نتعشى بس بعد المغرب ..
علعول : والله أني عارف أني ورطت نفسي معك أدخل واركد
تريكد ..الركاده زينه ...
جلسنا على الانترنت وسوى لي ايميل في الهوتميل ..وجينا عند التسجيل في المنتدى .
علعول : اسمع الحين باسجلك في المنتدى ..وش اسمك ..؟
أنا : علعول وش فيك.... نسيت اسمي ..؟
علعول : الله من زين ذا الاسم ...اختار لك معرف صاحي اللي يسمع اسمك يقول من جزيرة مردخان ..والا اقول لك باختار لك انا,..ممممـ وش رايك في ( حجي )
أنا : الله يالدنيا الحين (حجي )ازين من اسمي ...؟:MAD2:
علعول : وبانزل موضوع ترحيبي فيك ..( رحبوا بالحجي )
نزل علعول الموضوع وجلسنا خمس دقايق وما صار شي ..
أنا : علعول وين البنات ...؟
علعول : أقول أركداركد ... لا يكون على بالك منثّرين في الشارع ..
ترى البنات يموتون في الثقيل واللي عنده اسلوب مثلي .
وصلت رساله بريديه مكتوب فيها :
العضو دلع قام بالرد على موضوع انتم تشتركون فيه بعنوان ..رحبوا بالحجي ..الخ
علعول : (طالع فيني بنص عين وبابتسامه تسد النفس )
من قدك يا عم أدلع بنت في المنتدى ردت عليك .
ما قلت لك أنا الأسلوب أهم شي ..
أنا : :p
الحين هذي دلع ردت عليّ جايك يا دلع جاي
واسوي حالة استنفار في البيت واشتري جهاز واركب تلفون ووو.
ووينك يادلع ..ما فيه موضوع تطرحه دلع الا وارد عليه مرتين وثلاث واربع
ولا فيه موضوع ترد عليه دلع الا وارد بعدها اشكر دلع لردها على موضوع اخونا ...الخ
الحال ذا ما اعجب علعول
علعول : ياخوي ترفّق على البنت ذبحتها ..كرّهتها في النت ..
أنا : وأنت وش دخّلك ..البنت تحبني ..
علعول : عسى تحبك قرود الطائف كلها ..تحبك عشان ردت عليك ..
شوف :-@أسبوعين لا ترد عليها قسما بالله لو رديت عليها مره ثانيه
والا رديت على موضوع ردت فيه قبلك ..أني لأفصلك من النت ...فاهم ...؟
وبعدين معاه هذا مو مخليني في حالي ...أنا على بالي علعول معه مفاتيح الجنه
يدخّلني النت ويطلعني بكيفه ..المهم ألحين البنت ما برد عليها أسبوعين ..
والله المشكله .. أكيد بتنساني ..:MAD2:مو مشكله خلها تنساني أنا
ما راح أنساها .. والله ومن يومها أنا متسمر في مواضيعها أجلس
بالساعات مقابل موضوعها ...وفجـــأه الا ويطلع علعول من الماسنجر:
عـLooooooooOLــــعــــول says:
أنت ما تبطل استدلاخ اطلع من موضوع البنت
وبعدين معاه هذا كيف عرف أني أقرا موضوعها ..
أنا لازم أعرف ..ومالها الا طريقه وحده أني أرشيه وأعشيه
واتصل عليه وابلّغه ...رحنا لمطعم وتعشينا وخلّصنا ..
أنا : يالله يا علعول شوفني عشيتك علمني كيف تشوف اللي
في المنتدى ..؟
علعول : لا هذي صعبه يبيلها برامج تهكير ووبرامج حمايه
أنت خلك في المنتدى أكتب وبس ..مالك ومال الحاجات الصعبه ..
واطمر في حلقه واخنقه واخنقه والله ما يروح عشايه بلاش
تبي تعلمني والا لا ..؟
علعول : ف..ك يا بن الحـ..لال بمووووت .
أنا : ان ما تكلمت والله ما يستلمك مني الا عزرائيل ..تبي تهرج والا لا ..؟
علعول : أدخل على ...ال.م.تواجدين حاليا
ويجي شايب يفك بيننا على باله متهاوشين عند الحساب .
أنا : بس هذي اللي ذالني فيها من زمان ..هيا خل احد يردك لبيتكم :(
والا ارجع في ليموزين والا انت وجهك وجه ليموزين ارجع في دباب .
علعول : طيب اسمع انا راح اقولك شي بس توصلني ..؟أنا : قول اخلص .
علعول : اذا ما تبي احد يشوفك سوي تخفّي
أنا هاه ::]محــد يشوفني ...؟
علعول : ما يشوفك الا ربك .
اييييييييييييييييييييييييييييي يه
والله أنك جيت على الجــــرح .
ألحين قدرت أعرف كيف أتخفّى عن الخـــــلق .
بس من يعـــرف يتخفّى عن الخـــــالق .
أيام زمان يعني قبل عشر سنوات تقريبا مو أيام الطفره ...ولا أيام حرب البسوس
... لأ بعدها أو في نهايتها ......كنا مجموعه من الفاشلين ..نلعب سوى ونتهاوش
ونتسلّف من بعض صور السن توب.. المهم كان معنا واحد من المجموعه ..أفشل واحد
فينا ..صحيح كلنا فاشلين بس هو ما شاء الله ..قمه في الفشل ..
كنا ندلعه (علعلول) من جد علّة نحر ذا الآدمي ...الله لا يحوج مسلم له ..
.كان معانا على طول وفجأة اختفى .. أسبوع ..أسبوعين ..::]
وش فيه ذا الآدمي ما صرنا نشوفه الا في المسجد ..(أبوه لاعن سابع جد له عند الصلاه )..
والمصيبه يجي المسجد وحالته الله لا يوريك تقول ثور ملطّشه و طارده ألين وصلّه للمسجد .
إلا في صلاة الفجــــر .. احنا نهوس وبعضنا ينام في السجود وهو ما شاء الله
عيونه بتطلع ..تقول بيض حمام ..وأول واحد يطلع من المسجد علعول وآخر واحد يجي علعول .
وفي يوم من الأيام قلت لازم أشوف ذا الآدمي وش عنده ...وش علّته ..
أنا : علعول تعال استنى أبيك بكلمة..
علعول : يووووووه وش عندك بسرعه أنا مستعجل ماني فاضي لك ( ويحرك سرواله ).
أنا : أفااااا تكبّرت علينا .. عشاان أبوك سوى (سكسوكه )يعني ..
علعول :لا لا مو كذا والله أنا يا خوك شفت عالم ثاني ..
أنا : تبكّش عليّ أنت ووجهك طايح في بيتكم اللي كله أربع غرف
وتقول عالم ثاني ...
علعول :وش عرّفك أنت..؟ بتموت وانت طايح مع العالم المخيسه ...
ياخوي انا جالس على الانترنت فيه حاجات رهييييبه هات أذنك لا احد يسمعنا
(..فيه بنااااااااااات ..).
أنا : لالا.. لا تقول ..::]
علعول : لا تفتّح لي عيونك ..اياني واياك أحد يدري ..
أنا : طيب خلاص بس خلني أجلس معك واللي يرحم والديك أنا نص وانت نص ...
علعول : عساك تجلس على جمره ما تطفي ..وش اللي نص و نص .؟
أنا : أفاااا نسيت يوم أني علّمتك سواقة السيكل .
علعول : خلاص خلاص ... يا شينك اذا لزقت ...الليله مرني بعد العشاء.
*****
ومن أول ما أوعدني علعول وأنا أفكر في الظهـــر متى يجي
وأصلي الظهــــر وأفكر في العصـــر وأصلي العصــر وأفكر في المغرب
وأصلي المغرب وأفكر في العشاء ..وأصلي العشا وأول ما قال الامام
السلام عليكم ورحمة الله (الأولى ) وأنا أطلع من المسجد جري جري
على بيت علعول ...أنا بحياتي ما كلمت بنت ... البنت الوحيده اللي شفتها
هي خدامتنا والمشكله منبهه عليها الوالده الا تتلثم ..والمصيبه ما نشوف فيها الا
أشين ما فيها (عيونها ) ..من جد ما ندري هي صاحيه والا ناميه ..لأول مره
أشوف آنسان يمشي وهو مغمض .
أها وهذا علعول وصل من المسجد ..
علعول : وش عندك واقف عند باب بيتنا ..(معصّب )
أنا : أتبرّك فيه ....ماحنا متواعدين اليوم نتقابل بعد العشا...والا نسيت أنت ووجهك ..
علعول : بعد العشا يعني بعد وجبة العشاء ..أنتم ما تتعشون في بيتكم ..؟
أنا : إلا نتعشى بس بعد المغرب ..
علعول : والله أني عارف أني ورطت نفسي معك أدخل واركد
تريكد ..الركاده زينه ...
جلسنا على الانترنت وسوى لي ايميل في الهوتميل ..وجينا عند التسجيل في المنتدى .
علعول : اسمع الحين باسجلك في المنتدى ..وش اسمك ..؟
أنا : علعول وش فيك.... نسيت اسمي ..؟
علعول : الله من زين ذا الاسم ...اختار لك معرف صاحي اللي يسمع اسمك يقول من جزيرة مردخان ..والا اقول لك باختار لك انا,..ممممـ وش رايك في ( حجي )
أنا : الله يالدنيا الحين (حجي )ازين من اسمي ...؟:MAD2:
علعول : وبانزل موضوع ترحيبي فيك ..( رحبوا بالحجي )
نزل علعول الموضوع وجلسنا خمس دقايق وما صار شي ..
أنا : علعول وين البنات ...؟
علعول : أقول أركداركد ... لا يكون على بالك منثّرين في الشارع ..
ترى البنات يموتون في الثقيل واللي عنده اسلوب مثلي .
وصلت رساله بريديه مكتوب فيها :
العضو دلع قام بالرد على موضوع انتم تشتركون فيه بعنوان ..رحبوا بالحجي ..الخ
علعول : (طالع فيني بنص عين وبابتسامه تسد النفس )
من قدك يا عم أدلع بنت في المنتدى ردت عليك .
ما قلت لك أنا الأسلوب أهم شي ..
أنا : :p
الحين هذي دلع ردت عليّ جايك يا دلع جاي
واسوي حالة استنفار في البيت واشتري جهاز واركب تلفون ووو.
ووينك يادلع ..ما فيه موضوع تطرحه دلع الا وارد عليه مرتين وثلاث واربع
ولا فيه موضوع ترد عليه دلع الا وارد بعدها اشكر دلع لردها على موضوع اخونا ...الخ
الحال ذا ما اعجب علعول
علعول : ياخوي ترفّق على البنت ذبحتها ..كرّهتها في النت ..
أنا : وأنت وش دخّلك ..البنت تحبني ..
علعول : عسى تحبك قرود الطائف كلها ..تحبك عشان ردت عليك ..
شوف :-@أسبوعين لا ترد عليها قسما بالله لو رديت عليها مره ثانيه
والا رديت على موضوع ردت فيه قبلك ..أني لأفصلك من النت ...فاهم ...؟
وبعدين معاه هذا مو مخليني في حالي ...أنا على بالي علعول معه مفاتيح الجنه
يدخّلني النت ويطلعني بكيفه ..المهم ألحين البنت ما برد عليها أسبوعين ..
والله المشكله .. أكيد بتنساني ..:MAD2:مو مشكله خلها تنساني أنا
ما راح أنساها .. والله ومن يومها أنا متسمر في مواضيعها أجلس
بالساعات مقابل موضوعها ...وفجـــأه الا ويطلع علعول من الماسنجر:
عـLooooooooOLــــعــــول says:
أنت ما تبطل استدلاخ اطلع من موضوع البنت
وبعدين معاه هذا كيف عرف أني أقرا موضوعها ..
أنا لازم أعرف ..ومالها الا طريقه وحده أني أرشيه وأعشيه
واتصل عليه وابلّغه ...رحنا لمطعم وتعشينا وخلّصنا ..
أنا : يالله يا علعول شوفني عشيتك علمني كيف تشوف اللي
في المنتدى ..؟
علعول : لا هذي صعبه يبيلها برامج تهكير ووبرامج حمايه
أنت خلك في المنتدى أكتب وبس ..مالك ومال الحاجات الصعبه ..
واطمر في حلقه واخنقه واخنقه والله ما يروح عشايه بلاش
تبي تعلمني والا لا ..؟
علعول : ف..ك يا بن الحـ..لال بمووووت .
أنا : ان ما تكلمت والله ما يستلمك مني الا عزرائيل ..تبي تهرج والا لا ..؟
علعول : أدخل على ...ال.م.تواجدين حاليا
ويجي شايب يفك بيننا على باله متهاوشين عند الحساب .
أنا : بس هذي اللي ذالني فيها من زمان ..هيا خل احد يردك لبيتكم :(
والا ارجع في ليموزين والا انت وجهك وجه ليموزين ارجع في دباب .
علعول : طيب اسمع انا راح اقولك شي بس توصلني ..؟أنا : قول اخلص .
علعول : اذا ما تبي احد يشوفك سوي تخفّي
أنا هاه ::]محــد يشوفني ...؟
علعول : ما يشوفك الا ربك .
اييييييييييييييييييييييييييييي يه
والله أنك جيت على الجــــرح .
ألحين قدرت أعرف كيف أتخفّى عن الخـــــلق .
بس من يعـــرف يتخفّى عن الخـــــالق .