حفلة التخرج..لحظات لا تنسى

[الوجه الآخر]

سلااااااااااام

كيفكم ان شالله طيبين |316|


اليوم كان يوم حافل.... شي خيالي |316|


طبعا الصباح كنت في الدوام ..نايمه هناك انتبه على شغلي بعبن وحده :$ ....عين مفتحه والتانيه مغمضه.. كنت مرره نعسانه....وجلست اقول للمسؤله عني ترا اليوم راح امشي بدري ورايا حفله ماني مستعده اجلس لآخر الدوام..
وبعدين حفلة تخرج مو اي كلام ....

المهم جلست تتفلسف على راسي وانا اقلها انهم سمحولنا انو نمشي بدري الين ما اتصلت على المسؤلين واتأكدت بنفسها..ساعتها اقتنعت ويلا رضيت....

الساعه تدق تلاته يلا سلااااام ماني فاضيه اجلس في الشغل اكتر من كدا ..لميت عفشي وجري على البوايه للسياره للبيت.....

ادخل البيت يا الله الساعه 4 ايش يمديني |322|...
اتغدى متى واجهز نفسي للحفله متى وحضراتهم يبغونا نكون موجودين في الحفله الساعه 6 ونص وليييه...

المهم طنشت الموضوع وأخدت راااحتي اتغديت براحتي... وارتحت براحتي بلا هجوله ياهو ولا مو؟؟؟

تجي الساعه سته ..يؤ..مسرع ما جات الساعه سته ..ولسه ما لبست ولا سويت شي في نفسي...ولا اتجهزت:MAD2: |326|

يلا يلا بسرعه::] ...يوووه مو لازم فل ميك اب بلا هم..وحده ما تحب تحط مكياج :$ ...اوقف قدام المرايا اطالع في نفسي..وافكر..يا شيخه حتلاقي الكل متزين ومتأنتك..ليش انا لأ..يلا هاتي وجهك يا الوجه الآخر وخبصي ليسي يطلع كويس :D ...

بس

حوست وما طلع كويس::[

رحت معصبه:-@ عندي اختي الكبيره اقلها يلا يل اسويلي المكياج ما عرفت اسوي ::[..ويلا مسكتني وطلعتني آخر أنتكه :cool: |63| ....

خلصت انا :D صرت اقو للي عندي في البيت يلا يلا بسرعه قوامن ياهووو اتأخرنا الساعه 7 ونص:-@ وما مشينا يلاا واخويا لا استني صوره وحده كمان.. وهاتلك تصوير::] .. اصل اهوا جالس يصور من يوم ما رجعت البيت.. عامل صحفي الولد وخدلك اسئله ايش تتمني وايش شعورك :D... ومن دا الكلام
كان نفسي اقولو روح عني مو وقتو اتأخرنا:005:

المهم الساعه 8 الا ربع حركنا من البيت
وصلنا يوووه زحمه هوا احنا ناقصين
يلا بعد سرا وصلنا لليوايه قاعة المؤتمؤات..
يؤ..::]
ايش دا ..انا فين::]
ايش العسكري دا يسوي هنا مع السياره الكبيره دي...
وياخد شنطنا وهاتلك تفتيش
ليه يا هو احنا فين داخلين
افتكرت المطار على طول|314|


المهم اطلع للبوابه الرئيسيه

ماشالله لا قوة الا بالله |322|... عشرميت الف حواء واقفين قدام بوابه وحده يتضاربو عليها ...يا جماعه مو كدا بشويش بشويش|326| وراح ندخل كلنا..ايش رايكم مو فكره حلوه :D..بس لا من مجيب... ويلا نتدافس وندف في بعض ياهو احنا رايحين نتحارب ولا ايه..وقربت اخيرا من البوابه وايش الاقي
تصورو بس::]

حاطين بوابه زي الي عند المطارات حقت التفتيش..لا والي يفتش الحريم عسكري..يؤ ايشبهم دولا فين عقلهم...

المهم
في النهايه انتصرنا على العسكري دا بلا تفتيش بلا هم ما راح ندخل الا بكره ادا تبغى تفتش كل وحده ..ويلا هيلا هوب دفو العسكري والبوابه وندخل وطووووز في العسكري....
|407|
لو شفتو العسكري خلاص منتهي.... من جد (ان كيدهن عظيم)..من جد قال عسكري ورجال يفتشني هزلت...

ادخل جوا الاقي طوابير بنات ياهو مكاني فين الله اعلم اسأل هنا وهناك الين ما لقيت البنات الي معايا قلت فرجت..وبعدها عرفت موقعي من الاعراب :$ .. واتصفيت في الصف الي حامشي معااه..ياهو بس ليش كدا مو مع صحباتي في الكليه...لا هما مرتبينكم كدا فلازم تلتزمو....

طيب على امركم يا منظمين الحفل...|321|

يلا يا بنات بسرعه ادعسو في المشي عشان المسيره بدأت وراكم غيركم..وندعس ..يؤ يؤ انا حاطيح ادا ما انتبهت... لابسه كعب واجري في الدرج مصيبه :$ ...وندخل القاعه نتزف قدام الاميره ولا ادري اني مريت من قدامها...

ويلا نطلع تاني برا وندخل تاني القاعه من جهه تانيه عشان نجلس |326|...

المهم

يلا كل واحد جلس يلفي كلمته
من كل قسم
الين ما جا وقت القسم

بنات
::]
انا ما ابغى اقسم

البنات : لازم كيف:-@

بنات القسم مسؤليه قدام ربنا ما اقدر:$

يلا لازم
ونوقف نقسم
نص القسم ما قلته
يختي عليا فالحهه مره:D

ويلا بعد كدا كرمو الي محصلين امتياز مع مرتبة الشرف والامتياز...

وفرحنا ببعضنا وبدكاترتنا

وقامت صاحبة سموها الاميره باعلان الفائزين بجائزتها من كل قسم


شي خيالي بالفعل

|316|
المهمم دا كان آخر شي يالحفله..بعدها كلهم بيتك بيتك وسلام وتباريك من هنا وهناك


احلى حاجه صارتلي في الحفله
:SMIL:
شفت صديقه ليا من زمان
اعرفها من ايام الابتدائي والثانوي
وكان عندي احساااااس كبير اني كنت راح اقابلها وبالفعل قابلتها
وكان احلى لقاااء ..لأنو لسه المعزه والمحبه موجوده حتى وان ما كان بيمما اي اتصال...
اتمنى ليها التوفيق..حاليا تحضر ماجستير ادعولها ربها يوفقها ويوفق الجميع

واحلى شي انو اتشاركنا نفس الفرحه ونفس الجائزه

بالفعل شعور ما يتوصف

:SMIL:
كمان موقققف تاني

قد ايش فرحت انو خليت اهلي يفرحو وينبسطو واشوف الفرحه ومن شدة فرحتهم دموعهم تنزل..بالفعل شعور ما يتوصف

بالزات ماما الله يخليها ليا:SMIL:

اسوأ شي صار
اتمنيت اشوف احدى صحباتي من زمان ما شفتها بس ما جات والسبب لأنو وحده من البنات ما راح تيجي..ماني فاهمه يعني احنا محنا صاحباتها ولا كيف:-@

المهم

انتهى الحفل

بس من جد هوا صح ما كان مرتب :$ ومزبط مره بس لحظات التخرج لحظات ما تتوصف

بالزات لمن تحس انك انجزت حاجه مهمه ورفعت راس اهلك:D

رجعت اليبت جلست اتصور مع اهلي بالمناسيه دي

دخلت النت وحبيت اشاركم فرحتي
|49|
احمد الله ان حقق لي ما اريد وامكنني من جعل اهلي يفخرون بي
احمد الله على ما اعطاني ورزقني
واسأل الله ان يبارك لي فيه ويوفقني ويوفق الجميع لما يحب ويرضى
وعقبال البقيه يارب

بالفعل ربنا عظيم

الحمدلك ياالله
الحمدلله

|49| |49|
تحياتي وتقديري للجميع

اختكم

( آسفه على الاطاله بس حبيت اشاركم فرحتي)
وبالتوفيق للجميع يارب

[ابوفهد]

http://a657.g.akamai.net/7/657/2865/v001/www.iflorist.com/en/act/images/items/if_1700l.jpg


مرحبا بالاخت العزيزة الوجه الاخر
يسعد الله اوقاتك ويجعلها افرااااااح

http://a657.g.akamai.net/7/657/2865/v001/www.iflorist.com/en/act/images/items/t42-2l.jpg

من الاعماق اقدم لك احر واصدق التهاني القلبية على التخرج

واتمنى لك التوفيق والنجاح الدائمين في حياتك العملية القادمة

فعلا ان لحظات الفرح بالانتهاء من عمل اي شيء لاتوصف

http://a657.g.akamai.net/7/657/2865/v001/www.iflorist.com/en/act/images/items/if_2500l.jpg

فكيف بها اذا كانت الانتهاء من عناء وهم وغم عاشوا مع الشخص

سنوات وفيها من الذكريات الحلوه والمرة الكثير

اضافة الى انه انتقال من مرحلة دراسية وتعلم نظرى

الى حياة عملية وتعلم عملي

لا واصبح الواحد في نظر نفسه واهله قد الدنيا |316|

اخير

http://a657.g.akamai.net/7/657/2865/v001/www.iflorist.com/en/act/images/items/if_1055al.jpg

شدي حيلك واستعدي لمستقبلك القادم وهو الاهم بنظرى

اتمنى لك دواااااام التوفيق

http://a657.g.akamai.net/7/657/2865/v001/www.iflorist.com/en/act/images/items/t53-1l.jpg

ولك خالص تحياتي

[!!عشق_الخرج!!]

لللللللللللللللللللللولوللوووو ووووووووش


عالبركه التخرج

[BackShadow]

يسعدلي مساك يا الوجة الآخر


مبروك الف الف مبروك |316|

تستاهلي كل خير ...
والله يوفقك في حياتك العملية والاجتماعية يا رب

اشكرك لمشاركتنا افراحك


مع تحياتي

[الوجه الآخر]

سلااااام


هلا عمدتنا


ربنا يسمع منك يارب

تسلم على التهنئه شرفتني بيها من جد لأنك العمده ووجودك وردك شرف ليا :D :cool:

يلا عقبال اولادك وبناتك يارب عقبال ما تفرح بيهم ويرفعو راسك يارب |321|


تحياتي وخالص احترامي لك
:SMIL:

[الوجه الآخر]

سلام

أخي

!!عشق_الخرج!!


الله يبارك فيك

ما ادري ايش اقول|322|

عقبالك انت ولا عقبال اولادك:$

انت اختار:D

والله يوفق الجميع

تسلم على الزغرووطه:D

تحياتي وتقديري لك
:SMIL:

[الوجه الآخر]

اهلين يا انكل


الله يبارك فيك

تسلم مرره كتير:SMIL:

وعقبال ما نفرح بيك وبأحبابك

ويسمع ربنا منك يارب


ومافي داعي للشكر:005:

الدرر بيتي التاني ولا مو؟؟؟:D

تحياتي وتقديري لك يا انكل
:SMIL:

[عسوله]

كاتب الرسالة الأصلية : الوجه الآخر

______________________________ ___________
ويلا بعد كدا كرمو الي محصلين امتياز مع مرتبة الشرف والامتياز...

وفرحنا ببعضنا وبدكاترتنا

وقامت صاحبة سموها الاميره باعلان الفائزين بجائزتها من كل قسم

______________________________ _____________

ألف ألف ألف مبروك عليكي جائزة الملكة ان شالله يارب تتهني فيها وماتنسي صاحبتك عسوله حبيبتك رفيقة دربك حياتك عمرك :D <<<<< مصالح.
:SMIL:


-----------------------------------------------------------

كاتب الرسالة الأصلية : الوجه الآخر
اسوأ شي صار
اتمنيت اشوف احدى صحباتي من زمان ما شفتها بس ما جات والسبب لأنو وحده من البنات ما راح تيجي..ماني فاهمه يعني احنا محنا صاحباتها ولا كيف:-@

---------------------------------------------------------
وبعدين معاكي منتي عارفه البير وغطاه يابنتي مو أنا لو جيت كان اتفوووووووعليا من صاحبه ، كنت حاطلع صاحبه كدابه مو هما يقولوا الصديق يكون في كل وقت في الحلوه والمره ووووبعدين انا كلمتك اليوم وشرحت لك الحكايه عديها بأى
واللي في القلوب مايعلمها الا الله ، وبعدين اتفو عليا من صاحبه لو اني نسيت عشرة 4 سنين ياعسل.
______________________________ _________________

[ملكة البحار]

ألــف ألف مبروك أختي الوجه الآخر ...




تحياتي..

[مرسال]

مساء الخير الوجة الآخر

الف مبروك التخرج

ومن نجاح لآخر ان شاء الله وبالتوفيق

تحياتي

[ROMEO]

مساء الافراح على الناس الحلوة


أختي الصغيرة.....أختي الرائعة

رفعتي الرأس ورب الكعبة


الف مبروك قليلة على الفرحة الكبيرة...هذي

كل التهاني مابتوصف ذرة شعور بداخلي على الانجاز العظيم اللى صار

اتمنى لك من كل قلبي.. التوفيق دائما وابدا فى كل حياتك الخاصة والعامة

وانشالله عقبال مانشوف موضوع زواجك + الدكتوراة+ كل حاجة تسعدك وتفرحنا

الله يطول بعمرك وينولك كل مقاصدك يارب

والف الف الف الف مليون مبروك .. أختي الوجه الأخر


أخوكي

[الوجه الآخر]

هلاااا عسوله


تسلمي مره على التهنئه..... وفداكي الجائزه يختي <<<<==== (وحده بكاشه :005: )


اتصالك عليا فرحني مره:SMIL:

عرفت انو صحبتي لسه فاكرتني وما نسيتني|321|

لو ما اتصلتي كان من جد اتفوو عليكي

بس

ما خيبت ظني فيكي

تحياتي القلبيه لك

وعقبال مممم بزورتك يا دوده

:D

وطبعا الفرحه الكبيره قبلها

:SMIL:

[الوجه الآخر]

سلااام على ملكتنا


تحيه صباحيه اهديها لك من اخت محبه لك


اسعدني تواجدك وتهنئتك :SMIL:

الله يبارك فيكي وعقبالك ادا لسه ما اتخرجتي

تحياتي القلبيه لك عزيزتي

:SMIL:

[الوجه الآخر]

سلام

أخي مرسال

صباح الخيرات عليك

الله يبارك فيك وعقبالالي تحبهم واولادك ومل شخص عزيز عليك

والله يوفق الجميع يارب

تسلم اخي
:SMIL:
تحياتي

[الوجه الآخر]

أخي العزيز روميو

صباح الخيرات يا مستر



:SMIL:



الله يبارك فيك يا مستر روميو



كل التهاني مابتوصف ذرة شعور بداخلي على الانجاز العظيم اللى صار

اتمنى لك من كل قلبي.. التوفيق دائما وابدا فى كل حياتك الخاصة والعامة

وانشالله عقبال مانشوف موضوع زواجك + الدكتوراة+ كل حاجة تسعدك وتفرحنا

الله يطول بعمرك وينورلك كل مقاصدك يارب


مرره شكرا على مشاعرك العظيمه دي...
بجد اسعدتني بوجودك وتهنئتك

تسلمو يا مستر

وربنا يسمع منك يارب آمين

ويوفق الجميع كمان يارب

وان شالله اكون دايما عند حسن ظنك بيا :$

تحياتي لأصلك الطيب

ودمت أخا عزيزا
:SMIL:

أختك

[الأمــل]

ألف ألف مبروك التخرج أختي الغالية الوجه الآخر...

ذكريات حفلة التخرج لا تنسى .... وكان نصيبها عندك وافراً ماشاء الله ...

وفقك أختي الغالية لكل خير... وبارك الله فيكِ وحفظك لأهلك ووطنك وأمتك.

أغلى الأماني

الأمــل