المصطلحات المكاويه.. تعالوا واتفرجوا على الفله..

[جف البحر]

الالفاظ والامثال المكاويه وايش على الفاظ وامثال بعمركم
انشالله يكون الشرح مفهوم واللي مافهم اي (مصطلح) راح افسره له انشالله



*الألفاظ المكاويه
بيت الما: وهو ما يعرف حاليا (بدورة المياه) وقد سماه الجيل الصاعد المكاوي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما.

المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!

الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور.

القرندي: بفتح القاف والراء وتسكين النون وكسر الدال <<<مشوار ها؟
وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)
ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه.

الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه.
حيث تداعب أولادها بـ (تعال الله يفقدك)

توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف).

المغراف:هو نوع من أنواع الكاسات التوتوا ، في حين انه تمت إضافة معلومة من علماء الجن المذكورين سابقا
انه في مرة من المرات قامت أم تداعب ولدها لصغير (الشقي) اللي يلعب يالمغراف وقالتله الله يفقدك بس
وبعدين قالت خلاص يامغراف خده وفي لمح البصر اختفى الولد ، والمغراف هو نوع من أ نواع الجن
وكان بالصدفة متواجد في مكة هذا الجني.

*بعض الأمثال المكاوية:

اذا حلقوا لغيرك بل راسك واستنى



ايش عرف الحمير بأكل الجنزبيل



البيض الفاسد يدحرج على بعضه



بعد ما اكل واتكا قال ريحته مستكا



حاجة ما تهمك وصي عليها جوز امك






اجتمعوا جاريتين على قلي بيضتين



اذا تعاندوا الحمير يا بخت الركاب



أعمى ويلضم خرز



البيضه ما تخابط حجر



حبيبك يمضغ لك الزلط وعدوك يعد لك الغلط



حمارتك العرجة تغنيك عن سؤال اللئيم



داخل لبيت العروسه نادر من بيت العريس



ياريتني بيضه وعرجه اصلوا البياض فرجه(بضم الفا).



يااخد القرد بماله يروح المال ويبقا القرد على حالو



الله من محبته في عبيدو جعل العمر والرزق بيدو.



اللي يشوفني بعين اشوفوا باتنين.



اللي ماله ام حاله يغم.



كنس بيتك ورشه ماتدري مين يخشوا.



كل حبه مسوسه لها كيال اعور



مين يشوفك يالي في الضلام تغمز



على قد زيتوا سرجلوا



ماتعرف خيري لين ماتجرب غيري



طاعة النسوان ندامة



عقربة في الغار ولا ضُرة في الدار



فقير اتجوز فقيرة خلفوا وجع القلب



كبيرهم فلفل وصغيرهم زنجبيل واللي في الكوفلة يقول من العايدين



خاتم بفصو وكل شيء ترصوا



خشوني لاتنسوني ولعوا الشمعة وشوفوني



عمية تحفف مجنونة وتقولها حواجبك سودا ومقرونة



الصرمة والقبقاب صاروا أصحاب



يا داق الموية في المهراس يا مربي وليد الناس



كل عيش البخيل ولا تأكل عيش المنان



أدب ولدك وان زعلت امه



يابخت من بكاني وبكى الناس عليه ولا من ضحكني وضحك الناس عليه.




رضينا بالهم والهم ما رضي بينا




ستي شوفيني من عينك لا ترميني



اتملت العدوة وقلت المروه




أكلوا الملوخية وصاروا أفندية



لمن كنا ما كانوا ولمن رقدنا قاموا



قالوا متى طلعت القصر قالوا أمس العصر




العروسه للعريس والجري للمتاعيس





سلامتك والهيل والقرنفل قمامتك




اللي يشيل قربه مخروقه تنقط على راسه




الحجر من الارض والدم من راسك


مع حبي،،

[الأصيـــــــــل]

صباح الليلك والنرجس للجميع
.
.
.


يمين بالله انته وااااحد فاااااااااااااااضي

بس للأمانه العلمية المفروض تكمّل المصطلحات الباقية

خليني أساعد بما اني ولد مكة




الكرته : بضم الكاف وتسكين الراء وفتح التاء<---- اتحداكم تنطقوها

وهو ما يلبسه بنات مكه الله يحفظهم، وبالطبع فإن بنات خالة معتوقه لمّا دخلوا الجامعة عرفوا إن الكرته هي نفسها الفستان|316|


دحديرة : بضم الدال الأولى وتسكين الحاء وكسر الدال الثانية

وهي الشارع المنبسط المائل للأسفل أو ما يسمّى عند بعض الشعوب بالنزلة، ويفسرها المثل المكاوي المعروف( من حفرة لدحديرة ياقلبي لا تحزن):D


دندورمة: تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم:D


الزقاق: ونصيحة أخووية لحد يجزيء الكلمة دي عشان الريحة بس

وأعتقد أنها أصبحت كلمة معروفة بفعل النزح المكاوي على المدن الأخرى، وهو المعروف عند أهل نجد بالدعتسوس<---- زقاق أهون وربي

باختصار هو الشارع الضيق



مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون

حتى أن أحدهن قالت : وي يا فايقة يا أختي .. والله جوزي صدقة جابلي مضليون من عند عبدالغني البارح

وطبعاً عبدالغني شيخ الدهب في مكة،والمضليون هو البروش الذهب|314|




الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر


المرمشة: يمين بالله علينا كلمات فلّه

المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء|324|


الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام


العكننه : وهي التنكيد على شخص معين، والنساء ستات عكننه :p

يكفّي كدا نخش على الأمثال


الحر من غمزة والحمار من رفزه
يضرب هذا المثل لايضاح الفرق بين النبيه والبليد.

حمار الحكومة حكومة
يضرب هذا المثل للموظف الصغير المتسلط على الناس


خطبوها اتعززت تركوها اتندمت
يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان



دلع الكبار زي الشقدف على الحمار
يضرب هذا المثل لخروج العجوز عن وقاره وجديته

والشقدف عشان الاسئلة بس:ما كان يوضع على الجمل ليجلس فيه المسافرون


كل حبه مسوسه لها كيال اعور

قلبي على ولدي انفطر وقلب ولدي عليا حجر.

روح ياناكر خيري بكرة تشوف زماني من زمن غيري





أف والله تعبت|326|


تحياتي،،،،،،

[رمز]

فيه امثال اعجبتني بس اللي عندنا احلى زي ذا مثلا

دلع الكبار زي الشقدف على الحمار


عندنا نقول

يا شين دلع البعارين


بس بصراحه روعه الامثال يعطيكم العافيه يا واد انته وهو ;)

[جف البحر]

استنو استنو استنو
فيه شي نسيييييييييييييييييييييييييته

بعض اهل مكه واصيل يعرفهم اكيد

احيانا والله اعلم يقولو السمك عرّق!!!!!!!!!!!!!!!!!!!!!!!!!! !!!!!!!!!
يعني نزله عرق
ليه ياربي؟؟
وهذا يدل على سوء القلي

ومن هذا الباب اناشد كل الشركات المصنعه للديودرانت تصنيع ديودرانت خاص بالسمك!!!

مدري فين يحطوه في الخياشيم ولا المخ ولا تحت الزعانف؟؟؟؟؟ الله اعلم


اصيل يسلمو على اضافاتك الحلوه
رمز تسلم على ردك

مع حبي،،

[ابوفهد]

الأخ العزيز دفء القلب
السلام عليكم ورحمة الله وبركاته …

لك جزيل الشكر على هذا الموضوع الرائع والذي يوضح عدداً من المصطلحات المتداولة في مكة المكرمة .

وان كان ما أشرت إليه من مصطلحات حقيقة هي مصطلحات سعودية في أغلبها حيث كثير منها يتداول في نجد أيضا إلا أن الاختلاف أحياناً بالاسم إنما المعنى واحد .

أما الأمثال المكاوية فهي جميلة وبرضه هناك البعض منها يستخدم في المناطق الأخرى .

لكني اعتقد لو انك عملت كما عمل الأصيل ووضحت لنا متى ولماذا يقال هذا المثل لكان ذلك أفضل لتعم الفائدة .

لك خالص تحياتي


امل المعذرة لاني نزلت موضوعك من الدور الرابع بس علشان ارد عليه :005:




أخي الحبيب الأصيل
يسعد الله مساك بالخيرات

ياولد مكة مصطلحاتك حلوه مثلك واهل مكة ادرى بشعابها بس احب اقولك ياجنط
انه ليس هناك مصطلح في نجد باسم الدعنسوس!!!

هو على كيفك تجيب مصطلح من عندك؟

الزقاق في نجد يسمى الداعوس .. والداعوس أهون وربي من الزقاق على الأقل إنه لايحمل جزء من اسم خبيث قال زقاق قال !!!

تحياتي

[lo0ody]

هاهاهاهاهاهاهااااااااااااااااا ااااااااااااي...


روووووووووووووووعة من جد من جد
عندي اولاد خاله تحف ...


ولاتنسو دا كمان ...
ارضى بقردك لايجيك اقرد منه..:005:

ودمتم..

[قمـ اربعطعشر ـر ..]

:D

بصراحة .... الموضوع جا على طبطابي :cool:


اسمحلي يااخ دفء القلب ... اضيف كم شي من عندي ... :SMIL:


اول شي .....


على طبطابي .. : يعني على مزاجي :cool:

مِرَسْتَكَه ..: يعني متأنتكه >>> لاياشيخة :D...

يعني مرة شياكة .. ومرتبّة ...:cool:

وايق : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي .. :-@

تزل ... : يعني تمر ... :cool:

مرحبمبك ... : يعني مرحبا بك .. بس باختصار شوية :D

باطِرمَة ... : يعني جلسة ... كنب حاجة زي كده ...

كَرَاوِيتَه : ... حاجة خشب كده ... يحطوا عليها الباطرمة ... :p

مَدَارِيْه : ...... مراجيح ... :D

ندرت عينك من حُقّها ... : يعني خرجت عينك من محلها .... كده ::]

شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) .. ::]

قيّسْتَك : ... يعني حسّبتك .... توقعتك .... هقيتك

يعني مثلاً .. ( قيستك ياواد حتزل على عمتك فتّو ) ... وه ياستيته .. :D

بُخْنُق ... : اللي يتلبس في الراس ويكون مخيّط على قده .... :SMIL:

مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟ :-@

دهليز : يعني سيب (... سيب وانا اسيب :D )..... يعني محل كده زي اللي يكون قدام ابواب العماير

من جوّه .... :SMIL:

زنبيل : ... يعني كيس ... :cool:

زلطة : .... سَلطة بعد التعديل ... |324|

يدعك : ... يعني يفرك ... يعني مثلا .. ( ايش بتسوي يابت :-@ ... بادعك الاسورة :D .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله ولا مشغله
... :-@ )

.......


الامثال اللي دحين فاكراها ... :

احنا فزمن ابوعلي ... من عايب بلي .... :cool:

ويقولوه للي يترّيق على الناس وربنا يبليه بالشي اللي اتتريق عليه ... :cool:


وعلى فكرة يااخ الاصيل ... عفوا يعني :$

بس انا سمعت المثل يقول : ( من عتبة لدحديرة ياقلبي لا تحزن ) ... بلاش تحريف لوسمحت :-@ ..

:SMIL:

هذا نقوله لما نكون طول ايام الاجازة من بيت اصقع لبيت ارقع .... :D

وفيه مثل ( مطبّق العادة .. ومعصوب كل يوم ) ...

هذا ينقال على اي شي يتكرر كل يوم ... :D

وفيه ... ( في كل محضر بالتوب الاخضر ) ...

يعني مثلا تكون وحدة ماعندها الا فستان واحد تروح به كل المناسبات ...

يقوموا يقولولها .... : ( بس ياستي هو انتي فكل محضر بالتوب الاخضر ؟؟ ) ... :D <<< ادّيلو:cool:

وفي مثل يقول ...

باب المجلس يقول باب السطوح .. اللي يجي يجي .. واللي يروح يروح ... :D .. ياهو ياحركة .. :cool:



بس كفاية كده .....


:D من جد الموضوع مرة فظيع ....


وترى يمكن ارجع :$ ... <<<< ماتندل على شي :D

[رحاب]

مرحبا باهل مكة الكرام

والله حركااااااات الموضوع هذا مرجع مهم لاي واحد يبغى يتعرف على اللهجة المكاوية

لا وشرح الاصيل ولا أحلى وقمر ماقصرت

مالي شغل راح ادور على اللهجة الحضرمية ومفرداتها وانزل شرح مفصل عنها بالدرر:p

تحياتي لك يا دفء القلب وللاصيل ولقمر|316|

[هنو]

أهل مكة حمام وأهل المدينة قماري :D
وأهل جدة غزال والطايف أهلو كناري ;) ==== اتحمست البنت :D

لالالالالالالالا .. من جد من جد أبدعتوا |179|

ايش الفتاكة هاذي ؟!!

حلو الواحد يحفظ له كم مثل يتفشخر فيه :D

بيجر لأبو فهد ======= ':

عسى ما شر يا عمدة ؟!!

وش دواعيسه ؟

يعني كان ضروري التفسيرات الي مدري من وين جاية ؟!! |344|

[واحد فاهم غلط]

السلام عليكم

وخذ عندك نكته كمان

يقول لك مره واحد قال لستو يا تيتة تاكلي زبدية رز بلحليب ولا تتجوزي
قالتلو يا ابني ما عاد في سنان للرز بلحليب نتجوز احسن |295|

تم تري ري رم تم تم


ً

[جف البحر]

ياهلا ياهلا

ابو فهد نورتلي موضوعي ويسلمو على مرورك الكريم

لودي .. الله يشفيكي

قمر 14 ياعييني ياعيني
ايوه كدا
هادا هوه البلوت المزبوط
كدا يصير الكلام
بس حركات والله
ميه ميه
يجي منك ترى

يسلمو على اضافتك الحلوه وفي انتظار الاحلى دائما


صدى الحرمان
لاتتعبي نفسك
هيه شمه وقات وهبلي وتمباك وانتهينا
خخخخخخخخخخخخ
مشكوره على مرورك


هنو ... تصدقي ناقصك السمسميه بس وزي الفل تصيري

مشكوره على مرورك



واحد فاهم غلط
ياخي نصيحه اخويه
اصحى تفكر
يعني المعلومه لاتوصلها لفوق ، مشيها سهاله ، لانك لو فكرت تجيب العيد
عموما يسلمو على النكته

الى الجميع..

مشكورين على مروركم وعلى شرطتكم وعلى مطافيكم ههههههه <<اخس من واحد فاهم غلط

بكل الحب
ومع كل الحب،،

[DANiA]

أهل مكة حمام وأهل المدينة قماري
وأهل جدة غزال والطايف أهلو كناري


أييييييييييييش داه سرنا طقاقااات..!!:D


يسلمو جفو على الموضوووع .:SMIL:.. فينك يا تووتي..:SMIL:

[عابده لله]

:D

تسلم أخي جف البحر والله إتعبت شكلك لين
جمعت البلاوي ذي كلها ..

|326|

ألف شكر ..

[جف البحر]

مرحبا تشيري ..

ورا ورا :D

ايش كلكم تهددوني بتوتتي :266:


مع حووووووووووبي،،

[جف البحر]

مرحباعابده ..

لا والله هذا الكلام هو الدارج بيننا في البيت والشارع مع اغلب زملائي ..:D

عموما انتي مدام في جده راح تشوفي :D


مع حوووووووووبي،،

[جف البحر]

على فكره ..

قعدت اليوم اتجولت في ابحروا في ذكرياتي (http://www.dorarr.ws/forum/showthread.php?s=&threadid=9805) ..

واشتقت للموضوع هذا ..

فشفت عابده وتشيري رادين ..

فقلت ارد عليهم لا يزعلوا |273|

مع حووووووووووبي،،

[EDrara]

ياواد من أية دقيسي جبت القرندي هذا غرفت لنا بأية مغراف
وعلى بالكم انو الموضوع مرستك دا موضوع مدمهل
لا تبحلقوا فيّ تراني اليوم عامل زلطة في البدنجان
الله يخلي أم عبدالملك اللي نضفت الدهليز ودعكتها باشامبو الصابون علشان تخرّج منها ريحة الحوت
وي يا ندامة نسيت أقول لكم انو ستى بتسلم عليكم وتقولكم بلا شلمه في المواضيع هادي
:181:
:181:
:181:
:181:

[جف البحر]

مرحبتين ابو عبد الملك..

حسيتك طقاقة بتردح لوحده من البنات اللي شغالين عندها :220:

الله يسعدك

شكريا مرور هيه..

مع حووووووووووووبي،،

[zadi]

____________

هيمو ,,, كلك على بعضك تحف ياواد :D

تعرفني أموت في الأشياء هادي ,,,

تسلم حبيبي ,,,

[جف البحر]

مرحبتين يا خااااااااااااال..

هدا تخصصك يا عووومري..:D

اهم شي انك انبسطت ;)


يسلمو ياخال عالمرور..

مع حوووووووووووووووبي،،

[amr14]

يا عيال حارتنا .. تكفا ... جيتكم و ابغا الفزعا .... اللي يعرف اسم اللي يغني اغنية (اهل مكة حمام و اهل المدينه قماري) او يعرف فين مكانها او فين الاقيها يردلي جواب .... لاني حايس ادور عليها من 30 سنه و ما حصلتها :(

[EDrara]

لفوزي محسون يا أخي
وموجودة على طرب

[جف البحر]

يالله على الموضوع

طيبين

زماااااااااااااان


يسعد عمركم.. فوزي محسون باشا ياغالي


مع حوووووووووووبي،

[واحد فاهم غلط]

السلام عليكم




ويا ليلادان لالدان دانه

يا ليلادان لالدان دانه

يا ليلادان لالدان دانه

ماله المليح ما يكلمني



:159:

[جف البحر]

يا ديني النيله

ايه رجعك يا منيل

[نبض العلم]

بدي لأصنفكم..


جف البحر







من المسفلة









وأصييييييييييييييييييييييل











ولد حارة الباب

أما لودي





من قوز النكاسة

وقمر 14







































من المنصور:165:




كخكخكخكخكخ

:268: :268:





عارفة ليييييييه

:156:





لأنك انت اللي حرفتي في الكلمات

أولا المرجيحة اسمها مدريهة مش مدراية!!


وبعدين مثل أصيل هو الصح وما يصح الا الصحيح ولا تنسوا دا المثل





(الحب عياقة ...توب بلا ياقة )


والعياقة يعني بدون داعي


والياقة طبعا اللي بيسموها أهل نجد القلاب

والقلاب في مصطلحنا تراكتور يشيل البطحا

والبطحا الرمل المستخدم في البنى بضم الباااااااء

والبنى عاد معروفة باللاوندي كمان.

:264:

[اخت ( بعض الناس )]

هههههههههههههههههههههههههههههه هه
الله يرج ابليسك ياجف ..
بس كويس والله عرفتني على اشياء جديده .. علشان لما ارجع السعوديه ان شاء الله ما اتفشل

[جف البحر]

هلا فيك نبض العلم

والله ميه ميه

بس على فكره ..

مين رفع الموضوع دا :333:

كل ما أقراه أقول ايش النيلة اللي دخلتني المنتدى داك اليوم..

عموما ياستي تسلمي لمرورك

بس والله أنا مو من المسفلة :148:


مع حوووووووووووووبي،،

[جف البحر]

هلا اخت بعض الناس

ورجك الله رجا مبرحا :181:


عشان تعرفي انه انا تربية وتعليم


ههاااااااع

نورتي يا بنتي


مع حووووووووووووووبي،،

[رأي مختلف]

روح يا شيخ ... الله يوديك الجنة ... ويفرحك ... بشوفة النبي صلوات ربي وسلامه عليه ...

ياليتك تكمل يا جف البحر ( دفء القلوب ) سابقاًَ ... ترى والله شوقتني ... لــ عم سعيد الخضري ... الله يرحمه

أكيد تعرفه ... إلا إذا كنت ما تحب السوبيا ... عاد هذا مو شغلي ...

لو جلست معاه يوم واحد بس ... تنسى اسمك ... من هرجه ( يعني مسوي نفسي ماني مكاوي )

:201:

المهم ... ورينا كمان ... شطارة أهل مكة ... يا عسل ... :212: كمل . . . !

الموضوع حلو ...

[جف البحر]

يسعد أيامك اخوويه رأي مختلف

كيف ما أحب السوبيا

http://www.dorarr.ws/forum/showthread.php?s=&threadid=8913


شوف الرابط دا وراح تعرف

بحول الله اقعد على الموضوع قعده تانيه


يسلمو على المرور يا غالي


مع حوووووووووبي،،

[عمتووووووو]

سلااااااااااااااام

جف ايش الكلام الكتير دا

يللا خليني احشر نفسي هنا<<<خشوني لا تنسوني :221:

اعطيك شويه من عندي:

وقت الملوخيه نادوا المدهيه وقت الكباب سكو الباب




اللي يدق الباب يلقى الجواب




خلصت عازتنا طز في جارتنا




اللي يبغى الدحه مايقول أحه


مع حبي
ولي عودااااااااااات

[أحمد السعيد]

مرحبا باهل مكة الكرام

والله حركااااااات الموضوع هذا مرجع مهم لاي واحد يبغى يتعرف على اللهجة المكاوية

لا وشرح الاصيل ولا أحلى وقمر ماقصرت

مالي شغل راح ادور على اللهجة الحضرمية ومفرداتها وانزل شرح مفصل عنها بالدرر:p

تحياتي لك يا دفء القلب وللاصيل ولقمر|316|
*
*

بعد اذنك أخي جف

والله اللهجه الحضرميه كل شي فيها واضح

بانروح

بانجي

باناكل

بانشرب

باناجه

باموكره

باشنينه

بافيل :D

نورتي رحاب


احمد

[جف البحر]

هلا عمتوووو


والله فله الكلام دا

من جد كملي

لا تخليها هرجتين وخلاص..

يالله انتظرك ترجعي ياستي

شووووووووووكرا لك


مع حوووووووووووووووبي،،

[جف البحر]

هلا ابو حميد

ياخي لا تجيب الهرج لنفسك

لا تخليني أفك موضوع عن اللهجة الحضرمية ..

طيب..

قال لهجتنا سهلة قال :212:


مع حوووووووووووووووووووووبي،،

[عمتووووووو]

هلا عمتوووو


والله فله الكلام دا

من جد كملي

لا تخليها هرجتين وخلاص..

يالله انتظرك ترجعي ياستي

شووووووووووكرا لك


سلاااااااااااام

اهلين جف

والله حممممممممممستني :132:

يلاا افرح دورتلك في قريحتي وخرجت بالآتي:


يا قلبي ياكُتْكُتْ ياما تشوف وتسكت

ودي تنقال بصيغة اخرى:
ياقلبي ياكتاكت ياماانت شايف وساكت


لَبِّس البُوصه تطلع عروسه
ولها مرادف:
لبِّس الخشبه تصير عَجَبَه


الشاطره تغزِل برجل حمار


حُب اللي ما يحُبك ...يا تَعَبْ قلبك


ما تطيح السَّقِيفَه إلا على الضعيفه


كَبْكِبْ وليِّس يطلع كويِّس


ما يعرف رَطْني الا ولد بطني



يخطف الكبابه من فم القِدِر



لاقِينِي ولا تِغَدِّينِي



مايستَحِي إلا المُلتَحي والأَمْرَِد يفعل ما يشتهي



Hint:
الله يرحمك ياستي



مع حبي

ولسه كمان حرجع :268:

[To0ofy]

الله يرج بليسكم على هرجكم هادا.........

من جد فطستوني من كتر الضحك.......

هيه جفوووووووو ........

الله يصلحك بس .........

عمتووووووووووو

صحيح انك فللللللللة........

مالي دخل إلا ألاقي مصطلحات وأجي ليه رجعه.......

أحشروني مع عمتووووووو.......

تحياتي:
تيــــــــما..

[EDrara]

حالتكم تتصور في الدهاليز

[LoVe RoSe]

سلاااااااااااااااااام
كيف الشعب اللي هنا؟

ياسلااااااام على اهل مكة وكلامهم


تحسو لمن الواحد يتكلم بيضارب دبان وجهه
{ذباب وجهه}
يعني واحد يجر شكل =واحد يبغى يتمشكل

نسيت اقولكم لمن مثلا واحد يقربلنا من بعييييييييييييد مرة يعني تتعب وانت تقول
النسب هديك الساعة تقول
يقربلنا بحطبة



شكرا جفجفوف على موضوعك الحليوة دا



مع محبتي
رئيسة حزب الصبايا
LoVe RoSe

[جف البحر]

اهليين عمتووووووو


والله ام الفلة الي انتي عايشه فيها

ايوه كده اثري المنتدى بالثقافه المكاوية


يعطيكي العافية.

وبمناسبة ستك..

افتكر ستي لمن تبغى تهزئ البزورة الصغار عشان يمزحوا كتير ..

تقلهم : اتمجغوا باحترام :268:

نورتي عمتووو

وكيب قونج


مع حووووووووووووووووبي،،

[جف البحر]

هلا تيما

الله يسعدك دايما يا تيما

ويالله محشورة محشورة

استناكي تجي بالمعلووووم


مع حوووووووووبي،،

[جف البحر]

هلا ستّي ادرارا

دهاليز مين يبو دهاليز

في الازقة وانته الصادق

نورت ياحلوووو


مع حووووووووووووبي،،

[جف البحر]

اهلين لوف

نورتي ياستي


ايش الكلام الحلو دا..

من فين تعرفي اللهجة المتقونه دي ..

يجي منك يا بت


نورتينا

وشكرا لك لمرورك


مع حووووووووووووووبي،،

[To0ofy]

هلا جيت.........:254:

معايه مصطلح هادا أختو من جدتي لما راحت مكة سنتين ورجعت.......

في مرة من المرات وأنا ورعه كنت با أتخبى من جدتي عاد فجأة ومن
فين طلعة لقيتها ورايه وتقولي يابت انكسي يابت انكسي.......:301:

<<<<<<<<<<

ورعة أو ورع = بكسر الواو وتسكين الراء , يعني ورع \ ولد, ورعة\ بنت.....عليهم فللللة:268:

أما انكسي= بفتح الألف وكسر الكاف والسين معناتها تعالي هنا يابت........

وتجي كمان انكس بفتح الألف وضم الكاف معناتها تعال هنا ياولد...

أما دي الكلمة فلللللللللللة :268:


تحياتي:
تيــــــــما..

[نبض العلم]

ياعمتووووووووووو


المثل


طبطب وليسّ يبقى كويّس


<<<<<<<<<>>>>>>>>>>>


كمان خدوا دي





واحد يحلق دقنه والتاني تعبان



يقال لما صاحب الموضوع مو مهتم وملقوف يكبر الموضوع

<<<<<<<<>>>>>>>>>>



اذا كان رب البيت راضي ...اش دخّل القاضي



برضوا لما يتملقف أحد في خصوصيات غيره

<<<>>>>





ريّح القرعة من كد الأمشاط



يقال لما تتخذ قرار يخليك تبعد عن الشر وتغنيله


يعني يبعدك عن مسائلة... عن تعب.... الخ

[الحـــ الخالد ـــب]

لا يسمعك واحد مكاوي !!!!

الله وأعلم ايش راح يسوي ؟؟؟؟

ابغى أعرف من فين جبت هذا كله ؟؟؟

[عمتووووووو]

سلاااااااااااااااااااااااام

في شي ضروري احب انبه عليه

الأمثال دي اخدتها من لسان ستي (الله يرحمها)مباشره

وستي (الله يرحمها ويحسن اليها)كانت عايشه مابين جده والمدينه

عشان كدا ممكن يكون في اختلاف في كلمه او حرف

لكن كل كلمه كتبتها هنا عليها ضمان (الصحيفه)<<<ديرتنا :268:




ياعمتووووووووووو

المثل

طبطب وليسّ يبقى كويّس

اختي نبض العلم اقولك شي:

كبكب وليس يطلع كويس : تنقال للست اللي ماتعرف تطبخ<<عويله
وتحط كل المقادير على بعض وتخبص ويطلع تمام


اما طبطب وليس يبقى كويس
اظنها تنقال للبنَّا<<<<الرجال اللي يبني المباني(الباش مهندس يعني)الفاشل

تسلمي ياعسل

مع حبي

[جف البحر]

هلا تيما

هيا انكسي انتي ومصطلحاتك الطفشانه دي !!

جايبتها من ستك ولا من أبو الهول دي !! :266:

عسى نكسو دماغك :268:


لا بجد يسلمو تيما على الرد

واستنى رجعتك انتي وكلماتك الفرعونيه


مع حوووووووووووبي،،

[جف البحر]

هلا نبض

يا أم الفلسفة

لا عمتووو قالتها صح

طبطب في عينك ..

نلعب برجون احنا :005:

كبكب اسمها..

أما الباقي فمبه مبه وزي الفلة :181:


يسلمو علمرور

وننتظر الباقي


مع حوووووووووووبي،،

[جف البحر]

هلا فيكي اختي الحب الخالد

من فين يعني!!

هادي المصطلحات اللي اتربينا على كتير منها

وولفنا عليها خلاص

صارت طبيعيه بالنسبه لنا

نورتي ياستي

والي خدعه :150:


مع حووووووووووووووبي،،

[جف البحر]

الله يرحمها برحمتو يا عمتوو

طب كويس اهوه نشرتي ثقافات فارسيه عندنا << لووووول

وكويس انك فهمتي الاخت نبض الهرجة حقت طبطب


يسلمو عالمرور


مع حووووووووووووبي،،

[EDrara]

هلا ستّي ادرارا

دهاليز مين يبو دهاليز

في الازقة وانته الصادق

نورت ياحلوووو


مع حووووووووووووبي،،

ستك؟!!
يبو :259:
انته :174:

الحين انا ستك وإلا أبوك؟

[جف البحر]

ستي :268:


ههااااااع

[EDrara]

معروف عنك انك مرفع
فلا عجب

[Nooosa]

لوووول .. والله إدرارا ممتاز ..
طيب ياجفوو .. ممكن أرجع بكره
كمان ( أدلو بدلوي )؟
.
.

مكاااوية:p
( تحية للحبيبة مكة .. ولأهلها الأطهار )

[جف البحر]

شكرا ادرارا :181:

[جف البحر]

هلا نوسا

تنوري في اي وقت

وننتظر دلوك ..

<<< مدري ليه مع هرجة الدلو ومكة حسيت انك من هدوله اللي يبيعو ليفة عند دوّار الدوارق


مع حووووووووووووووووووبي،،

[عمتووووووو]

سلاااااااااااااااااااام


برِّحلوووو :143:

العمه رجعت تاني :206:

يللا حكمل معاكم هروج أهل أول

(الله يرحمك ياستي)

وابغاكم كمان تفكروني أصلي جلست أعصر مخي إلين طلعت بالشويتين دولا
وفي غيرها كتييييير مررره بس ناسيه :174:



صَنْعَة أبوك الناس لا يغلِبوك



صفَّق صفَّق جمَّع و وفَّق




اللي في بطنو لحمة نَيَّه تمغصو



لا تعايرني ولا أعايرك الهم طايلني وطايلك




صاحب صنعتين كدَّاب والتالته حرااااامي






أرضى بالمَنفُوشَه إِلين تِجيك المَنقوشه




سبعه صنايع والبخت ضايع




خليك في عُشَّك ماأحد ينُشَّك




بيت قد المرايه ولا كل يوم كرايه



راحو رجال العِز والهِيبه و جو رجال ما يستحو من العِيبه



يللا وحجلس افتكر كمان :174:

Have fun

مع حبي

[نبض العلم]

يامخ انت وهيّ



..كبكب لعمل يحقق الكبكبة



أما طبطب فكناية لأعمال كتيرة مش بس للبنّى





وحقيقي حقيقي...







أهل مكة أدرى بشعابها





وعلى فكرة أنا مكاوية أصلا وفصلا ..

بس عدلي جابني جدة أم الرخى والشدة.

[موج البحر]

ياهو ايش هدا كله ههههههه|521|



الكلام الحلو ده ابغ احشر نفسي معكم بس خايفه



ينطبق عليا



ياداخل بين القشره وبصلتها....مينوبك الا ريحتها|527|



بس على فكره انا واعوذبالله من كلمة انا



من اهل مكة الله يعمرها



تحياتي





الهــ موج البحر ــادئ|238|

[lolo_429]

(الله يرحمك ياستي فتوووو ) ويغفرلك

برحلوووووووووو :143: أنا وصل

تسلم أيام العمارية والصحيفة ديرتنا على قول عمتووووووو :221: والباكستاني الي ماشي بالبسكليتة وشايل انبوبة غاز
ومن الصباح تسمع تن تن تن تن تن غااااااااااااااز :259:

يا واااد نشف حط ادنك معاياااااااا

يقولك نبطل الهدارة >>>>> يعني نبطل البياخة

خد كمان
انا استناك عند الدكة في الزقاق >>>>>>> فسرهه انتا استناك

أكري سيارة تودينا عند استيتا >>>>> أكري بمعنى استأجر
واستيتا هي في النسب و تصريف القرابة الاخت الكبيرة واطلق عليها استيتا للاحترام

اذا نسيت الباب مفتوح تخاصمني ستي (الله يرحمك ياستي)
وتقول ياواااااد علاء اقول نعم تقول نعامة ( اختصار لنعامة ترفسك ) قوم اطبع الباب طبعتين >>>>>> يعني اقفلة بالمفتاح قفلتين (الله يرحمك ياستي)

[نبض العلم]

جات الحزينة تفرح ...مالقيتلهاش مطرح

:298:

رحت وطي يأبوفهد

فاتح موقع من الرياض وأعضاءك كلهم مكاوية وجداوية

:165: :275: :239: :206: :230: :288: ....

**

فين أهل الرياض من المنتدى ؟؟

فين أهل نجد كلهم؟؟:134:

[lolo_429]

برحلووووووووووو :143: مرة تانية

امسك يا وااااااد نشف

يقولك عبيلي البالدي موية

البالدي في تعريفنا هو السطل بكل سهولة اذا أعرب التالي :220:

عبيلي السطل موية :268:

الحوتة هي السمكة يا كبتن وفي حوت ناشف اموت فية وخصوصاً الي من ينبع سامع يا نشف انت واصيل

العتبة
يا سيدي ترى احنا جالسين اسفل على العتبة

خدالمثل داااااااا


كل واحد في سوقو يبيع خروقو ( من خرقة وهي ما يمسح به )

[عمتووووووو]

سلاااااااااااااااااام


رجعت العمه تكمل فتاويها :206:




>عقله زي الكيلون كلمة توديه وكلمة تجيبه
>
>
>
>القدر قال للمغرفة ياسودة يا معجرفة قالت كلنا اولاد مطبخ :245:
>
>
>
>
>
>سوي طيب وارميه في بحر جاري ان ضاع عند العبد مايضيع عند الباري
>
>
>
>لا من خيره اعطاني و لا من شره كفاني
>
>
>
>
>
>
>قبل ماخطب عبى الحطب وقال احط الكوانين فين؟ :275:
>
>
>
>
>
> لا قدرك يغلي ولا مقلاتك تقلي وانا زليت (مريت) عليك من قلة عقلي
>
>
>
>
> قال يا حلاق شعري ابيض ولا اسود؟ قال دحين ينزل قدامك و تشوفه
>
>
>
>
> قالوا لفرعون ايش فرعنك قال ما لقيت احد يردني
>
>
>
>
> خنفسانة شافت بزورتها ع الحيط قالت ياعمري لولو في خيط رد أبو وردان هو اللي زي وزيك يجيبوا وحشين؟
>
>
>
>
> بده يعرف القار و القرير والبيضة كيف تصير
>
>
>
>
> مكسحة وتقول للصايغ تقل الخلخال
>
>
>
>
>
>
> تفلوا في وجه الرزيل قال دي مطرة :289:
>
>
>
>
> زي يوم الشتا قصير و نكد
>
>
>
>
>
>
>
>الباب مفتوح و الصدر مشروح و اللي يجي يجي واللي يروح يروح
>
>
>
>
>اللي ما عنده شي يشغله يفتح الباب و يقفله
>
>
>
>
>زي الشيال ما يذكر ربه الا في الحملة الثقيلة
>
>
>
>زي القنفذ لاينحضن ولاينباس
>
>
>
>زي أباريق المسجد كل واحد شكل
>
>
>
>
>
>زي قراية اليهود ثلثينها كذب
>
>
>
>زي كلاب الازقة يعضوا ع الماشي
>
>
>
>زي مزح الحمير كله عض و رفس
>
>
>
>زيطة و عيطة على مخيطة


هههههههههههههههههههههه

انشالله تعجبكم

مع حبي

[جف البحر]

هلا فيكي عمتو

والله الموضوع صار ذهبي

من جد

يعني ماشاء الله كملتي عليه وماكامل الا وجه الله

تسلمي على مرورك واضافتك

والله يرحم ستك

الي على قول علاء ماتت مدري اتولدت في الخط بين مكه والمدينه :333:


مع حووووووووووووووووبي،،

[جف البحر]

هلا نبض العلم

اذا انتي مكاوية الاصل

فأنا مكاوي الأصل والفصل والتربية

حتى النخاع :181:

المثل كبكب ..

طبطب دي تقوليها في المخفر الله يسلمك :005:

شكرا يا مخيخ


مع حووووووووووووووبي،،

[جف البحر]

حياك الله موج البحر

شفتي كيف احنا نحيي الثقافه اللي اتربينا عليها

نورتي ياستي

ويالله نشوف اللي عندك


مع حووووووووووووووووووبي،،

[جف البحر]

ايه ده ياعلاء

ايه دا يا ابني

من كتر ماكتبت كلمة "الله يرحمك ياستي" حسيت نفسي باتفرج على اصابع الزمن !! :266:

المهم

نجي للهرجة حقتنا

انا استناك عند الدكة في الزقاق

استناك يعني استناك :181:

والله استناك معناها نفس الشي سهله الكلمه يعني waiting 4 u

عند: مفعول عشانه <<طيب يا لغة عربية

الدكة: يعني الجلسة أو المتكه

في : حرف جر <<الشي الوحيد اللي افتكره من القواعد قبل 18 سنة :287:

الزقاق: يعني بين بيتين او عمارتين يجيك كده شويرع (تصغير شارع) صغير

مايكفي يمشي فيه الا نفرين من كتر صغره

هدا طبعا بالمكاوي

أما لو فسرناها غير كده أنصحك تروح تراجع المصلحة حقت ال (أوفووووووه) :333:



مع حووووووووووووووووبي،،

[جف البحر]

نبض العلم

بلا مكاوية بلا برجون

جات الحزينة تفرح ...مالقيتلهاش مطرح

من فين لأمه مكاويه هادا

أقريه تاني كده

حتحسي انك قاعده عالترعة :219:

هدا مصري الله يسلمك

لااااااه

انتي مره في الطراوه :212:

خليكي في جده احسلك والله :181:


مع حووووووووووبي،،

[جف البحر]

علاء

خير يا ابني ؟؟

شكلك امس شديت على نفسك في سباق الهجن :268:

ايش هرجتك ..

يبويه فسر في ناس هنا ماتفهم اللهجه

اهوه نبض العلم تقلك من مكه وجيه تلطم بالصعيدي :152:

تقوم انته تنفلتلي زقاق وخروقو ومدري ايش !!

على فكره

خدلك شَـربة .. |141|

تمشيلك الشغل تمام :181:


مع وووووووووووووووبي،،

[جف البحر]

ولكم باك

والله يا عمتو كده اقدر اقول صار ماسي

من جد قمة الفللان

يعطيكي العافيه

الله يرحمك يا ستها :180:


مع حووووووووببي،،

[EDrara]

عمتو يا ليت توثقيه في هذا الموضوع

http://www.dorarr.ws/forum/showthread.php?t=8641&goto=newpost

[قمر طيبة]

مساء الخير..



ياااااااا فله..:212: :275:



طيب عمركم سمعتو عن القبقاب..



القبقاب:هي الجزمه الي فيها كعب..



تلبسها العروسه..



وتسللللم..

















قموره طيبه..|467|

[جف البحر]

ادرارا

اش تبغى انته


قمر طيبة

كويس انك القبقاب طلعتي تعرفيه

اكرم الله القارئين

شكرا لك على التوضيح


مع حوووووووووووبي،،

[نبض العلم]

جف البحر ياطرمبة:147: <== وحدة داااااااااعسة :245:

أقرى كتابتي مرة تانية

تلاقيني بأتخاطب مع أبو فهد ...|467|

يعني دا

جات الحزينة تفرح ....الخ

مو مقصود بيه طرمبة آآآآ مثل ...آسفة:212:

وعلى بالك هبلة ما أنتبه لللهجة ؟!:174:

هي اجلس انت في الطراوة يامخ المخيخ .:216:

[جف البحر]

لا حول ولا قوة الا بالله

انا طرمبة على آخر عمري

يالله مهي مشكلة

نمشيلكم دحين عشان تمشولنا بعدين :129:

بس خلي بالك يا اخت صاج الكبده انتي

ردك ما خصصتي فيه الحديث

انا ما دخلت صدرك عشان اعرف نيتك

كلامك اول حاجه اتوجه بشكل عام وبعدين خصصتي لابو فهد

يالله ربي يسترك نفرين كدبه وواح ملوّح (رشوش) :268:



مع حوووووووووووووووبي،،

[lolo_429]

:268: :268: :268:

[جف البحر]

علاء

خير :287: