تكلم عن نفسك

[الأخيــــــــر]

بسم الله الرحمن الرحيم وبه نستعين


بدون لفلفه ولادورره
الحين وانت جالس
اوصف لنا لو تكرمت المركز اللي انت فيه
طالع قدامك ..وحواليك
وش تشرب او تاكل او تفكر فيه
خل كتابتك عشوائيه
خلنا نشوف الفضائح

[الأخيــــــــر]

اول من يبدا
انا الحين بالشغل
طاوله بسيطه علي يساري ...هي المكتب
والشاشه طبعا لما اشتغل تكون علي يميني ...الحين قدامي
فهمت علي والا لا ؟؟؟|321|
زين
المكتب وش شكله
كل ابوه كراتين وملفاااات في كل مكان
الجدران عباره عن دواليب ... وش داخل الدواليب ؟؟؟
برضه ملفات
والكراتين مليانه ملفاااات
حتي الطاوله وتحت الطاوله ملفات
,,,ههههههههههههههههه الغريب ان نصهم لشركه وحده بس
قاعد اشرب سبرايت ...الحين اشرب سبرايت
والا بالعاده اشرب قهوه
علي يميني بالطاوله..امممممممممم الاله الحاسبه ..والتليفون والطابعه
فوق الشاشه ..لوووح كبير ..ماخذ ثلث الجدر
كله من اللصقات الصفرا ...بكل لصقه نوته لشغله اسويها
الحين وانا اكتب وصلني كرتون اضافي ...ماشاءالله ...ملفات واوراق شركه اسوي حساباتهم مستعجل
للي مايعرف ...انا اشتغل مكتب محاسبه ودخل ضريبي ...ومافيه يوم اجازه او راحه
:)

[الشهد]

السلام عليكم ورحمة الله وبركاته

.
.

مساء الخير ..

أخي الطيب .. الأخير ..

عساك بخير يارب .. والله يعطيك العافية ..

ما عندك ولا يوم إجازة .. ربنا يبارك فيك وفي رزقك يارب ..



.
.

أنا جالسة بصراحة أتصفح منتدانا وهذا ومنتدى الموانيء ..أحب مكانين إلى قلبي حيث كل من أحبهم ..


وجالسة استمع أناشيد شريط إليك ..ومنها هذا النشيد


إليك (http://www.enshad.net/audio/Elaika/Elaika_-_08_-_Elaika.ram)

وعلى مكتبي ...

مجلة الشقائق .. ومجلة الانترنت .. وكتاب..احفظ الله يحفظك لعائض القرني ..وورقة فيها مواعيد الصلاة لكل أشهر السنة ..

حتى انتبه وخاصة صلاة الفجر ...

.. وبس ..هذا اهم شي..



في حفظ الله يا أخوي..



وعلى فكرة ... جزاك الله خيرا على توقيعك ..فيه تذكير وتفع كثير ماشاء الله عليك


ودمت بخير وطاعة ..

[ملكة البحار]

مساء الورد

السلام عليكم
|21|
مشاء الله عليك الاخير ... موظف مجتهد ...

ممممم نشوف اش عندي|322|...
قدامي كمبيوتر خلفه ملفات كبيره كلها كتب
وجنبي لبن وكاسه مويه وكريم كاميل للايادي
وعلى الجهة التانيه سكنر وطابعه ...ودفتر أجنده ...
وعلبتين مدوره فيها بكلات شعر
وسبراي شعر هربل ... وبخاخ معطر جو خوخ "ريحته تغيظني"..
ومزيل مناكير بالفرواله ...
فوق راسي يعني في المكتب من فوق صور مرصوصه وافلام منوعه
ورك اوت لـ سندي كرفرد
وكمان فوقها من فووق كتب تفسير القراءن ...وحاجات مافيا اقولها...
تحت المكتب في قمامه -الله يكرم القارئ-نظيفه ومافيها ولاورقه
وبـس:)

[الأمــل]

مساء المكاتب والملفات والأوراق والمحاسبة ...وووووو

تعجبني مواضيع التنفيس النفسي (مصطلح خاص) ... مساء الخير أخي الأخير

مساء الخير شوشو

مساء الخير ملكة

مساء الخير الأمل..... قولي الي عندك؟؟؟!!!

أمامي شاشة الكمبيوتر وعليها فلتر واقي وعلى يميني الماوس تحته ماو س باد لونها اخضر... وقريب منهم لاب توب أسود... وعلى يمينه ماوس ابيض .... وتحتهم سي دي رايتر محطوط فوق كرتونته ,,,وفوقه كتب ومذكرات ودفاتر وسي دي ... يعني نفسه مكتوم .. ولا نفس.|321|

على يساري السي بي يو وفوقة الاسكنر وجنبهم الستارة .... او نسيت الكرسي الي انا جالسة فوقه.... حاطة فوقه وسادة للشعور بالراحة التامة لتصفح النت|314|

الطابعة في الرف السفلي لطاولة الكمبيوتر ، وتحتها .....كراتييييييييييييين متروسة دسكات وسيديهات وبلاوي العنكبوتر.... بس كله كوم( والمفك) الموجود كوم ثاني .... أحس انه لا ينتمي لهذ المجموعة.

أقول اذا قلت كل الي عندي ما بخلص....

THE END


Good night shabab

[مرسال]

مساء الخير الأخير

عن نفسي

قدامي الشاشة والكيبورد(سامعك ياللي تقول أحلف على بالك جايب شئ جديد)|322|

وعلى اليسار صحنين جبنة بيضاء كل واحدة طعم وصحن فول جايبينة من برا

وعلى اليمين كيس فية ربع خبزة

وقدام على اليمين كتاب قوة عقلك الباطن للدكنور جوزيف ميرفي

وعلى اليمين الهارد ديسك وفوقةكتاب ادارة الجودة

وجالس على كرسي نص عمر وعلية قميص النوم حقي

ووراي على الأرض المنشفة مرمية وفية السرير البطانية نص عليها

والنص الثاني على الأرض

ووراها المراية

وورا على اليسار شماعة الملابس كل ملابسي عليها مافيني حيل لترتيب ملابسي

وقبلها دولاب الملابس فاضي مافية شئ

وبس وسلامتكم

[mjnon]

سلام


اهلين اخير بيك


اسمك يذكرني بسرا مخبز بعد الظهر ( سرا ولا خمسين ) <<<<<<تأثير البلوت


قلتلي يا سيدي اوصف موقعك


الشاشة وراي على طول و الكيبورد محذوف على الارض جنبة (واحد مخة في رجولى )


لا من جد



قدامي طاولة عليها شاشة و كيبورد مليان زيت عشان وجبة فريسكو من هارديز

في فمي لقمة همبرقر يحبها قلبك:D:D


احب اقولكم المطاعم سكرت:D:D


وعلى الطاولة


ساعة و فانوس داخلة شمعة و سماعات كمبيوتر ابو ريالين جوال اريكسون و محفظة

و كريم حب شباب و رواية مرتفعات وذرينق ما قريت منها و لا صفحة

بالاضافة لكم رواية ما وراء الطبيعة

و دفتر 102 قصد

الطاولة يسارها باب و يمينها شماعة

جالس على كرسي متحرك حاط عليه فروة

خلفي دولاب ملابس

و فراش عشان انا ما انام الا على الارض


الغرفة ابيض بازرق

ماني هلالي بس احب الوان البحرية


و اهم شيء في الغرفة سجادة صلاة اذا تاخرت على الصلاة


و قران كريم


خير مافي الغرفة كلها



تحياتي لمواضيعك الحلوة

[الشمس]

مراحب ..

غرفتي بيت كامل |321|
مع العلم إن مساحة الغرفة 4*7
المكتب عليه أغراض الكمبيوتر كاملة .. بداية بالماوس ونهاية بالـ case واللي موجود عليها السي دي رايتر ..
على المكتب علبة دسكات ومعجم مختار الصحاح .. ومجلة الجزيرة على الطاولة المساندة للمكتب ..
جنب المكتب على اليسار طاولة مخصصة للهدايا اللي جتني مرتبة بطريقة فنية وفوقها مباشرة أبجورة تخلي منظرهم أحلى ':
قدام المكتب وفوقه بشوي الشباك يطل على جزء من حديقة البيت ..
خلفي بشوي السرير منثرة عليه كتب الدراسة ومذكرات وآلة حاسبة وقلم رصاص ونوتة كبيرة ..

على يمين المكتب تسريحة .. عليها أشياء مهولة |326|
من عطورات إلى علب مكياج إلى سبري شعر وكريم ترطيب بشرة من بودي شوب ..

كمان في الجهة الثانية فيه مكتبة كتب سبعة أرفف خمسة منها مليانة كتب واثنين مليانة إطارات صور ..
الجدار على اليمين كله مشغول بخزانات الملابس من السقف حتى الأرض .. باستثناء مساحة فيها باب الغرفة ..
خلف السرير طاولة تلفزيون عليها كمان تحف وشموع وقدامها كرسي استرخاء ..
وفي الزاوية على اليمين فيه خزانة مليانة صناديق مليانة أغراض أحتاجها .. أغراض رسم أغراض كمبيوتر إلى آخره ..
وجنب الخزانة هذي باب دورة المياه وانتم بكرامة ..

أنا وش أسوي الحين .. جالسة أتصفح الدرر بس وشكلي تعبت من الجلسة :o

طولت عليكم ..
موضوع فكرته حلوة يا الأخير ':

[BackShadow]

يسعدلي مساكم جميعاً


انا عن نفسي سلمكم الله جالس في المقهى كالعادة
اجلس في وقت الظهيرة الين العصر او اكثر احياناً

ما احب اني ادخل النت من البيت علشان افرق بين وقت الشغل ووقت النت ووقت الراحة
البيت يعني الراحة والاسترخااااء |485|

اجلس في جهاز رقم 8 على يميني جدار ووراي جدار |314|
قدامي طاولة الكمبيوتر وفوقها الماوس بدون فرشه
وعليها مفتاح سياراتي ونظارتي الشمسية والجوال وورقة كاتب عليها ملاحظات على المنتدى
وتوه يجي سمير ويحط كاسة القهوة على الطاولة
السماعات فوق الرف اللي على الطاولة
والملف الخاص اللي فيه اوراقي واشيائي برضه فوق الرف هذا

لون المحل ازرق كحلي وفضي
الجو ينوم بصراحة ... بس انا مرتاح

ملك العالم قدامي <-- مين قدي
وجالس على جهاز رقم 1
وجالس بجمبه يزيد ( ولد المطوع اللي ساكن في نفس العمارة )

بس .. كفاية عليكم كذا


مع تحياتي

[الوجه الآخر]

سلاااام


الأخير كيف ك ان شالله طيب؟؟

المهم

بلنسيه ليا حاليا الأيام دي ادخل من الجهاز الي موجود بغرفة اخويا

قدامي مرايا..الجهاز حطينو على التسريحه
احد بالله يتبرعلنا بمكتب :$ ::[
على يميني الفاره محطوطه على كتاب لانتصار العقيل ما اعرف مين هيا:$ مشي حالي
المهم
برضو تلاقو في نفس المكان فوق الكتاب بطاريات مخلصه..ما اعرف محتفظين بيها ليش ما ترموها|326|

على يساري تلاقو قاموس واوراق ودفاتر جنبهم كرتون فيلو ديسكات وسيديات وكمان لو تطالعو شويه حتلاقو كريمات للوجه وكليبسات الورق وكليبسات الشعر.... طبعا مدام محطوط على التسريحه لازم تلاقو الأشياء دي :D...

جنبي كرسي اللــــــــــــه يرحمو مكسر وحالتو حاله:$ يلا اتبرعولي كمان يكرسي..على الكرسي تلاقو الوان وكراسة الرسم حقتي ودفاتر ومجلات واكياس فاضيه...
ورايا على الكرسي الي انا جالسه عليه ملابس اخويا ...
وتحت على الأرض تلاقي البرنتر مسكين آخرتها مصيره يكون في الأرض:D بالله كمان طاوله عشان البرنتر... مممممم والمودم كمان على الأرض يلا لازم تشترولي مكتب كامل للأشياء دي:D :$ ...
ورايا كمان تلاقو السرير حق اخويا وعلى اليمين واليسار دواليب الملايس.. ومستخدمينها شماعات:D ....

يلا حاشتغل شحاته اليوم:$ |315|
بالله جيبولي شماعه بدل ما اعلق على الدولاب:D

فوق الدولاب الي على اليمين تلاقو العاب من زمن ابو اهل جدي من واحنا صغار محتفظين بيها |321|...
ورا على الجدار تلاقو الساعه وصور

على يميني باب الغرفه وجنب الباب رف برضه فيلو عرايس

ورا الباب شنطة السفر وملابس اخويا
على يساري باب يودي على غرفتي
جنب الباب دا تلاقو طاوله مليان قرمبعات من اوراق واكياس واشرطه والله اعلم بالباقي:$

بس بالله احد يحبلي الأشياء الي طلبتها:D

مسكينه انا والله:005:
تحياتي وتقديري للجميع

[الملقوف]

سلام ...

الحين انا جالس ميت من الحر ..

ريحة البصل اللي في فمي مغطية الغرفة .

متعشي مطبق واحس انه طبق على قلبي ..

جالس على مكتبي كله دبّاسات ودسكات ..

كل شوي اهرش في خدودي لاني ما حلقت ..

الكيبورد والشاشة والارض كلها قشور حب والعصير قرب يخلص .

طبعا افكر في ابو نجيب ( المقاول ) له يومين ما جاء يشتغل طبعا اعمر بيت مهو بس

ابو فهد اللي يعمر لحاله ..

غاثني ابو طالب كل شوي ناط في الجوال يسأل عن نتيجة امتحان فلذة :005: كبده

بس هذا كل شي