فتحية و فراخ الجميعة

[إسراء]

مساء الأنوار

هاي يا حلوين :cool: ==> مريتي يا مريتي في حد بحلوتي :070:
طبعا لا :$

المهم

نجي للموضوع

الموضوع ترى مرة يهمني .. خصوصا انو لمن أحد بيتكلم مرة أحب انتبه

هو ايش بيقول و لا الطريقة اللي هو بيتكلم فيها .. بس كده طبع يعني

مش أكتر ..

المهم تاني الموضوع هو ==> للمرة الألف في حياتي أحس اني مابعرف أشرح :MAD2:

يعني الواحد فينا لمن يتكلم في كلمة دايما يعلق عليها أو متعود انو

يقولها .. زي أنا مثلا لمن اتكلم ممكن أقول مرة مية مرة :hap: عادي

جدا

مرة تعبانة
مرة طفشانة
مرة جيعانة
مرة شكرأ
مرة آسفة

كل شيء عندي مرة :hap: و هنو كل شيء عندها وجع

وجع طيبة ==> ما أدري كيف :confused:
وجع بطني يعورني ===> مع اني دايما اقلها تعورني :rolleyes:

وصلت فكرة الموضوع ؟؟؟ ::]

كده بس بدي أعرف ايش الكلمة اللي دايما ترددوها (F)


و ترى لحد يقلي انو الموضوع مالو أي علاقة أعرف بس انا حاطاه كده

تمويه :cool:



و مرة أحبكم :$


تحياتي

[wala2]

كيفك أسسو ...
فهمت عليكي...

شوفي ياستي مررة دي اعتقد انه اغلب اهل المدينة يقولها مرة كتير
على الأقل اللي اعرفهم :)


اما انا كل فترة اعلق على كلمة وماأنتبه الا وصاحبتي تقولي :ولاء انت ايشبك معلقة على الكلمة دي ؟؟؟!!!

آخر كلمة علقت عليها وامس لسا صاحبتي قالتلي عليها (النقطة انو)
يعني كل مااتكلم شي اقولها النقطه انو كزا وكزا ...

**وعالتلفون كل شوية اقول (ايش كمان ) بعد كل كلمتين اقول (ايش كمااان؟؟)


كدا كويس ولا في شي كمان؟؟:D:D

[هنو]

مسااااء الفل يا معلمة :cool:

ترى ماكان له داعي تطلعي فضايح الناس عشان الناس تتحمس معاه :(

من جد من جد .. موضوعك خلاني اوقف مع نفسي شوي

إكتشفت إنه ماعندي ولا كلمة عدلة أعلق عليها ::]

وأولها كلمة "وجع":confused:

كل شي وجع ,, حتى لو عجبني الشي مررررة

أقول وجع يجنن :hap:

[رحاب]

مساء الأنوار والحب
أسطورة مرة عجبني الموضوع :SMIL:
وعلى فكرة مو كل واحد ينتبه انه عنده كلمة يكون مركز عليها
انا مثلا من النوع اللي يحب التغيير كل شهر لي كلمة اعلق عليها
مع المحافظة على أهم كلمة وهي ( من جد )
الشهر هذا معلقة على كلمة اها (متابعة جيدة لأغاني كاظم ):hap:



ملاحظة غالبية اللي ردوا على موضوعك بنات ياترى ليه ؟

[BackShadow]

يسعدلي مساكم جميعاً


ما شاء الله ... اما حكاية " مره " ذي اللي طالعتلنا فيها

ما تقدري تبطليها ... انس الموضوع

والا اختنا الثاني اللي تقول " وجع " للرايح والجاي


بالنسبة لي والله ما فيه شي محدد انا اركز فيه

بس خليني امخمخ واتزكر .. واذا لقيت شي رجعت



فاكس مستعجل لصدى الحرمان

الخير جاي في الطريق :hap:



مع تحياتي

[إسراء]

مساء الأنوار

أهلين لولو

انا الحمد لله تمام .. و مرة كويس انك فهمتيني ..

بعدين ايوة صح انا كمان أعرف كم أحد يقول مرة كتير :hap:

بس تصدقي شلكو عرق في العيلة عندكم لان ميري كل ما أكلمها

تقلي ايش كمان :hap:

تسلميلي يا عسل

[إسراء]

مساء الأنوار

هلا هنو هلا حبيبة قلبي :$

وجع هنو ترى مرة وحشتيني :hap:


الله يفشلك فشلتينا ما عندك كلمة أعدل شوية ؟؟؟

[إسراء]

مساء الأنوار

أهلين صدى منورة .. و مرة الحمد لله انو عجبك الموضوع :SMIL:

انتي عارفه انا من زمان كنت دايما أقول من جد بعدين خالي مرة كان

يعصب عليا خصوصي لمن يكون متحمس في حكاية و أجي أنا و أقله

من جد يقلي ليش انا بكزب عليكي :-@ فبطلت منها




تحياتي

[إسراء]

مساء الأنوار

أهلين يا انكل ..

ايوة من جد ترى مرة انسى الموضوع اني أبطل من حكاية مرة دي ..

و لا هنو تتعدل و تبطل تقول وجع ..



طيب خالي ما تتاخرش راح استنى طلعتك البهية مرة تانية :hap:




تحياتي

[الغالية]

اهلين سوسو ...

كيفش ؟؟؟ :p

تصدقين عاد ؟؟

شكل الجميعة وهي مكتوبة عالباب كذا بالخط العريض ... يهبّل .. :p

المهم ...

بالنسبة لي عندي كلمات كثيرة دايم اكررها ...

مثل .... ( المهم ) ... بعد كل نص كلمة اقولها ...


و ..... ( انتي عارفة ؟؟ ) .. طبعا الكلمة هذي وباء منتشر بالعيله .. :rolleyes:

هذا اللي يحضرني الحين ...

واذا لقيت غيرها .... بارجع ان شاء الله ...


:SMIL:

[My-Spirit]

يسعد لي صباحكم جميعاً

غاليتي كيفك ...

أنا مرة عجبني الموضوع :hap:

وجع حلو كثير .. :hap:

طيب عني أنا

لما أكون متعجبة من حاجة أو مستنكرة يعني ما ني مصدقة مثلا وأحس أن اللي يكلمني يبكش علي

اقوله .. لا لا

وكمان .. يوووووه .. اذا عملت حاجة غلطت فيها وانا اعرف انها غلط

ومن جد ... المن جد دي تعلمتها منكم صارت على طول على لساني بداعي ومن غير داعي


يا سااااتر

[هنو]

صباح الفل ع الفل :cool:

وجع و حشتيني :hap:

خلاااااااص قفلوا السيرة ترى تعلق فيني اكثر وأتوهق :mad:

وبالنسبة لمرة هاذي أنا اعتبرها فايروس تلزق في الواحد وماتتركه

====== زيك تمام :hap:

[BackShadow]

يسعدلي مساكم جميعاً


افتكرت وجيت ...


انا الايام ذي طالع فيني شي

اي واحد يقول كلام ما يعجبني ارد عليه واقول له


ليتهم رقدوا


بس هذا اللي طلع في بالي ... يمكن ارجع :005:


مع تحياتي