المساعد الشخصي الرقمي

مشاهدة النسخة كاملة : ][ بيـ‘ّــت الشعـــ‘ّــر .. فنجــ‘ّــال .. وعلــ‘ّــوم رجــ‘ّـــال][



SOUTHSTAR
08-04-2009, 01:00 AM
http://www.dorarr.ws/forum/uploaded/53213/sha3ar.jpg

بسم الله الرحمن الرحيم ..

يا وجيه الخير .. يالدريين .. حياكم الله من ملفاكم الى ملقاكم .. في بيتي وبيت الجميع .. بيت الشعر ..

في هالبيت .. راح اضيف بين وقت والثاني .. شي عجبني .. من مقاطع فديو .. الى اشعار و ابيات .. الى حكم .. يكون فيها الفائده والمتعه ان شاء الله للجميع ..

فحياكم الله وبياكم في هالبيت .. اللي اذا ما شالكم .. تشيلكم عيوننا وصدورنا بداله ..

القهوووووووووه يا ولد ..

*amula_beauty*
08-04-2009, 01:07 AM
صباح الورد يا ســُهيل

بصراحه بصراحه

خطوه حلوه منك

بس والله وانا اقرأ كأني اسمعك تزعق بصوووت عالي

وربي خفت :228:

الكلمات الترحيبيه حقتك تخوووف


ربي يسعدك


تقبل مروري

ويارب يكون بيتك عامر
|238|
^_^

SOUTHSTAR
08-04-2009, 01:36 AM
أولى الاضافات ..

برنامج وثائقي جميل حملته على اليوتيوب .. يكشف زيف وكذب الحكومة الأمريكيه في ما يتعلق بأحداث الحادي عشر من سبتمبر ..

اتمنى لكم الاستمتاع ..

الجزء الأول (http://www.youtube.com/watch?v=7U9My36B4Ps)

الجزء الثاني (http://www.youtube.com/watch?v=kJtP6s4so74)

الجزء الثالث (http://www.youtube.com/watch?v=c1760nSW-28)

الجزء الرابع (http://www.youtube.com/watch?v=6ZW9oKWNYts)

الجزء الخامس (http://www.youtube.com/watch?v=rEP6RwqzWME)

الجزء السادس (http://www.youtube.com/watch?v=kM3g_aSvSTY)

الجزء السابع (http://www.youtube.com/watch?v=anhT4YD7wwc)

الجزء الثامن (http://www.youtube.com/watch?v=YPqAKwUBspk)

الجزء التاسع (http://www.youtube.com/watch?v=L56No-i9eN4)


.....

SOUTHSTAR
08-04-2009, 01:38 AM
صباح الورد يا ســُهيل

بصراحه بصراحه

خطوه حلوه منك

بس والله وانا اقرأ كأني اسمعك تزعق بصوووت عالي

وربي خفت :228:

الكلمات الترحيبيه حقتك تخوووف


ربي يسعدك


تقبل مروري

ويارب يكون بيتك عامر
|238|
^_^

الله حي الست أموله الثرثاره ..

نورتي بيت الشعر يا وضحى ..

زمان أول يا اموله .. يقولون .. لا علي الصوت بالترحيب .. يدل على علو مكانة الضيف ..

فعلشان كذا يمكن كان الصوت عالي ..

نورتي يالغاليه ..

SOUTHSTAR
08-04-2009, 11:56 AM
صبحكم الله بالخير ،،

اليوم بحكي لكم قصة محسن الهزاني .. وهيا .. وهم من سكان قرية الحريق ..

في هالقريه الصغيره .. كان يسكن رجال معروف بغناه وكثرة امواله .. وكان لهالرجال بنت مزيونه .. وزينها تكلم فيه القاصي والداني .. والبنت هذي اسمها هيا ..

المهم .. البنت هذي ابوها كان حريص عليها أشد الحرص .. ويخاف عليها كثير .. علشان كذا أسكنها بركن في البيت ينقال له (الروشن) .. وهو قسم منعزل يكون في سطح البيت .. وكان المقصد الاساسي إنها ما تشوف الشاعر محسن (اللي كان معروف بالوسامه والشجاعه بين اوساط اهل القريه) .. وبنفس الوقت هو ما يشوفها .. لأن محسن متولع بشي اسمه زين << مين ما يعشق الزين ؟؟!! :drr05_19:

والبنت هيا .. ابوها جاب لها خدامه دايم تجيها .. تخدمها وتمشط لها شعرها .. وتعتني فيها .. وتجيب لها طلباتها اذا بغت شي ..

المهم يا طويلين العمر .. شاعرنا محسن درى عن جمال وزين هالبنت .. فقرر إنه يروح ويطلع لها في الروشن اللي ساكنه فيه ويشوفها .. فقعد يراقب ويتشاوف البيت فتره عله يلاقي منفذ او مدخل لهالروشن ..

شاعرنا محسن ولشدة ذكائه .. لقى منفذ لهالروشن عن طريق بئر الما اللي كان موجود حول القصر .. حيث ان هالبئر له منفذ صغيييييير بالحيل لساقية القصر اللي كان يستمد الماء من البير عن طريق هالساقيه .. فنزل محسن الى البئر وصار يتعلق بحبال الغروب ودخل القصر بهالطريقه ..

جلس شاعرنا في القصر مندس لمدة ثلاث ايام .. وهو ولا احد يدري عنه .. وفي اليوم الرابع ..سمع صوت الخدامه وهي جايه تبي تمشط شعر المزيونه هيا .. او ينقال عنها ذوايب هيا .. وهيا فرحانه ومستانسه بزينها وجمالها .. قالت المشاطه هالبيت وهي قاعده تمشط شعره هيا .. حيث غنت ..


أصفر مع اصفر ليت محسن يشوفه
توّه على حد الغرض ما بعد لمس


سمع محسن هالبيت وتحمس .. وطلع من مخباه وقال ..


أربع ليالي مرقدي وسط جوفه
البارحه واليوم وامس وقبل امس


وحط رجله وهرب .. وين راح ..؟؟ راح عند خوياه اللي مفتقدينه لهم فتره ما يجيهم .. وهم جالسين مع بعض .. كانت السماء تمطر .. وكان يصاحبها بروق ورعود .. فنط واحد من خوياه وقال .. هذا البرق يشبه مبسم هيا .. عندها تهيض شاعرنا محسن الهزاني وجادت قريحته بهذي الأبيات ..



قالوا كذا مبسم هيا .. قلت لا لا
بين البروق وبين مبسم هيا .. فرق

ويالله .. بنوٍ مدلهم الخيالا
طافح ربابه .. مثل شرد المها الزرق

لا جا على البكرين بنا الحلالا
ولاعاد لا يفصل .. رعدها عن البرق

يسقي غروسٍ .. عقب ماهي همالا
وحط الحريق ديار الاجواد .. له طرق

يسقي نعامٍ .. ثم يملا الهيالا
ويصبح حمامه ساجعٍ .. يلعب الورق

جريت انا صوت الهوى .. باحتمالا
في وسط بستانٍ .. سقاه اربعٍ فرق

طبّيت مع فرعٍ .. جديد الحبالا
وظهرت مع فرعٍ .. تناوح به الورق

روشن هيا .. له فرجتينٍ شمالا
وبابٍ على القبله .. وبابٍ على الشرق

مبسم هيا .. له بالظلام اشتعالا
بين البروق .. وبين مبسم هيا فرق

برقٍ تلالا .. بأمر عز الجلالا
واثره جبين صويحبي .. واحسبه برق

يا شبه صفرا .. طار عنها الجلالا
طويلة السمحوق .. تنزح عن الدرق

له ريق .. احلى من حليب الجزالا
واحلى من السكر .. الى جاء من الشرق

حنيت انا .. حنة هزيل الجمالا
ينقض ردي الخيل .. قد حسة الفرق

ويا قلتةٍ .. في عاليات الجبالا
ماها قراح .. مير من دونها غرق

ماعاد للصبيان .. فيها احتمالا
من كود مرقاها يديهم .. غدن طرق

قالوا تتوب من الهوى .. قلت لا لا
الا ان تتوب .. ارماح علوى عن الزرق

قالوا تتوب من الهوى .. قلت لا لا
الا ان يتوبون .. الحناشل عن السرق

قالوا تتوب من الهوى .. قلت لا لا
الا ان تتوب الشمس .. عن مطلع الشرق



دمتم بخير ،،

سارونه
08-04-2009, 01:39 PM
http://up1.m5zn.com/photo/2009/2/11/06/vkm05e9bw.gif/gif


دخلت ع بالي جد مجلس وقصيد |238|

وفجأتني امريكا ومقاطعهااا هع




أصفر مع اصفر ليت محسن يشوفه
توّه على حد الغرض ما بعد لمس

قالت لي امي هالقصة هههههههه



يعطيك العافية
حلو هالموضوع

SOUTHSTAR
08-04-2009, 03:34 PM
انتشر بوسط الناس مقطع بلوتوث لعدة أبيات يقول فيها

يا ذيب ياللي تالي الليل جريت
ثلاث عويات على ساق وصلاب

حبيت أذكر لكم سالفة هالابيات للمتعه ..

يا طويلين العمر .. من قديم الزمن .. كان فيه رجال بدوي عايش هو وزوجته احلى عيشه .. راحة وطمأنينه وسعة صدر .. زوجة هالرجال كانت من قبيله مجاوره .. وكان بينهم شوية خلافات لكن ما كانت متطوره وواصله لحد القطيعه ..

فجأه تطور هالخلاف بين القبيلتين .. وتدخل فيها هالرجل .. واخوان الزوجة .. وبعز الليل .. تسللوا اخوان الزوجة لبيت الرجل .. و خلوا زوجته تجمع اغراضها واخذوها معهم << مثل حركات هاليومين يوم تصير خلافات بين المتزوجين ..

المهم الرجال رجع للبيت مالقا زوجته .. ولا لقا اغراضها .. قام زعل وتنكد المسكين وقال ماله الا الصبر ..

صبر شهر شهرين .. لكن الشوق والوله تملكه .. وصار يهذي باسمها طول الوقت ..

المهم يا وجيه الخير .. ومالكم بالطويله .. الرجال يبي القرب .. وزوجته بنفس الوقت متولهه عليه وما تبي تتركه .. فخطرت فكره براس الرجال .. وقام ونادى عجوز من عجز القبيله وقالها ابيتس تروحين عند فلانه وتقولين لها زوجتس مشتاق لتس ويبيتس .. وحط خطه براسه وقال للعجوز انها تروح تقول لزوجته عن هالخطه وطريقة اللقاء ..

اخذت العجوز اغراضها وراحت عند الزوجة .. وقالت لها .. يا بنيتي زوجتس يبلغك السلام ويقول ان الشوق تملكه ويبي قربتس .. فاذا انتي موافقه تراه بيجي آخر الليل ويعوي مثل عوي الذيب ثلاث مرات .. فاذا سمعتي عواه .. اطلعي له وقابليه ..

وافقت الزوجه على هالاقتراح .. وبالفعل صارت كل ما جا وعوى ثلاث عويات .. طلعت له وقابلته ..

وتمر الأيام والشهور .. وقدر الله ونتيجة لهاللقاءات ان الزوجه تحمل .. قاموا عليها اخوانها .. وارعدوا وابرقوا .. وقاموا يشكوا بشرفها وعفتها .. فماكان من الزوجة الا انها تقول لهم السالفه بالضبط .. وتعلمهم بطريقة اللقاء ..

فقرر واحد من الإخوان انه يتاكد من السالفه .. فأخذ ربابته وقشه .. وراح لم ديرة الزوج .. وكانوا متجمعين الربع هناك .. فجلس بوسطهم .. واخذ ربابته .. طبعا بعد السواليف والقهوه وعلوم الرجال .. وشال هالبيتين .. حيث قال ..

يا ذيـب يللـي تالـي الليـل جريت

ثلاث عوياتـ(ن) على سـاق وصـلاب

سايلـك بالله عقبـها ويـش سويـت

يوم الثـريا راوسـت و القمـر غـاب

البدو أول كانوا اذكياء .. وسريعين البديهه .. الزوج بذكائه فهم ان هالرجال هو اخو الزوجة .. وعرف انه هو المقصود بهالبيتين .. فقام وانشد هالبيتين رد على اخو الزوجه .. حيث قال ..

أنا أشهـد إني من قراكــــــم تعشيـت

وأخـذت شاة الذيب من بين الاطنـاب

على النقـا وإلا الـردى ما تهقويـت

ردوا نسبنا يـا عريبيـن الأنسـاب

فارتاح خاطر اخو الزوجة يوم سمع رد الزوج .. فقام من المجلس .. وراح لدياره .. ومن ثاني يوم رجع البنت لزوجها .. وتصافت الامور بين رجال القبيلتين ..

وتوته توته خلصت الحتوته ..

وهذي الأبيات صوتيه شايلها واحد بصوت حلو وشجي ..

http://www.qassimy.com/up/users/star/ayatheeb.rm


دمتم بخير ،،


..

SOUTHSTAR
08-04-2009, 03:37 PM
http://up1.m5zn.com/photo/2009/2/11/06/vkm05e9bw.gif/gif


دخلت ع بالي جد مجلس وقصيد |238|

وفجأتني امريكا ومقاطعهااا هع




أصفر مع اصفر ليت محسن يشوفه
توّه على حد الغرض ما بعد لمس

قالت لي امي هالقصة هههههههه



يعطيك العافية
حلو هالموضوع





ههههههههههههههههه

يا طويلة العمر الحين مايخلو مجلس من ذكر سوالف امريكا والسب فيها ..

يعني حنا مو انقص منهم ههههههه ..

وامك ماشاء الله شكلها مرجع للتاريخ .. يعني لاتحرمينا من سوالفها ..

مشكوره يا سارونه ..

حياكي باي وقت .. القهووووه ..

*amula_beauty*
08-04-2009, 06:27 PM
يا ووووووووووووووووووووووووووووو يـــــــــــــــلي

والله اتحرق دمي لما سمعت صوت الرجال :249:

الله يسامحك يا ســـُهيل

بجد فنااااااااااان برفع ضغطي :139:


ربي يسعدك

ويارب يجعلووو عامر


وبعدين تعال ...:218:

وضحى مين اللي بتقول عنها


لايكون انا بس ؟

وضحى ستايل

يا نمر

^_^

SOUTHSTAR
08-04-2009, 11:02 PM
مساكم الله بالخير ..

اليوم راح أنقل لكم قصيدة مليئة بالنصح والحكم .. بصراحه أعتبرها من أجمل القصائد التي سمعتها ..

قائلها الشاعر المعروف ابراهيم بن زيد المزيد .. صراحه كل بيت من أبيات القصيدة عن قصيدة كامله ..

اتمنى أن تستمعوا لها .. وتستفيدوا منها .. والأبيات اللي أشرت لها بالأحمر من أجمل الأبيات اللي سمعتها .. وأرددها دايم على لساني ..حيث يقول الشاعر ..

لقيت الناس مامنهـم سلامـه
لـزومٍ يلحقـك منهـم ملامـه

ولاتحسب حلالـك ؛ لوتبيـده
يبي يحماك من هرج الفدامـه

بذرت الجود في من لاجزانـي
سوى ذمٍ إلـى هبـت ولامـه

حقود القلـب نقـال الوشايـا
هذور سهمتـه نقـل النمامـه

إلى منه طرى له ماطـرى لـه
تكلـم مايثمـن وش كـلامـه

يقوله يزعم إنـه مـازحٍ بـه
وهو ينقض ويفتل في عدامـه

دخيل الله من خطـو السملـق
إلى بالهيذوان أطلـق لجامـه

ألا ياليت ربـي يـوم سـوى
عبيده حـط بالطيِّـب علامـه

على شان الذي بالناس جاهـل
يعرف الحر من برق الجهامـه

لجل بالنـاس شيطـانٍ ملبَّـس
ولو يلوي على راسه عمامـه

يغـرك بالسـلام وبالتحـفـي
وهو شيحٍ وجثجـاثٍ طمامـه

مثل هـذا: تحـذر منـه جـدا
ولا تدني منامـك مـن منامـه

وبعض الناس في ممشاه رافض
يختل الناس في قـل اهتمامـه

يحنـي لحيتـه كنـه مطـوع
ولايفرق حلالـه مـن حرامـه

حـذارك لاتحطـه لـه ظنينـه
ترى ذاك الطمع منه السلامـه

وبعض الناس يبدي لك نصيحه
ولكـن ماتعرفـه وش مرامـه

وهو ما مقصده نصحٍ ؛ ولكـن
يبي يلبسـك للحاجـة خطامـه

وإلى منه قضى بـك مايريـده
أخذ سدك وضربـك المهامـه

وبعض الناس يوريك المحبـه
وارق من البريسم في تمامـه

إلـى قـام يتمسكـن بالتلفـظ
تقول أطهر وأصح من الحمامه

وهو بولة حمارٍ -عـزك الله-
ينجس من مشى حوله رشامـه

وبعض الناس محمود السجايـا
رقى العليـا بعزمـه والتزامـه

إلى منه بـدى لـك فيـه لازم
قضى لازمك ماثمـن حطامـه

كما إنه وافيٍ في كـل خصلـه
عريب الجـد خيلانـه عمامـه

أسـال الله يرفـع كـل خيِّـر
عن الخذلان لايهفـي مقامـه

قضا نحبي ومالاق بضميـري
حلات القيـل مبداتـه ختامـه

أقول الناس مشكاهم علـى الله
لـزومٍ يلحقـك منهـم ملامـه

وهذي القصيده بصوت الشرهان ..

http://www.kuwait80.com/voices/q99-9wtya/26.rm


دمتم بخير ،،

SOUTHSTAR
08-04-2009, 11:07 PM
يا ووووووووووووووووووووووووووووو يـــــــــــــــلي

والله اتحرق دمي لما سمعت صوت الرجال :249:

الله يسامحك يا ســـُهيل

بجد فنااااااااااان برفع ضغطي :139:


ربي يسعدك

ويارب يجعلووو عامر


وبعدين تعال ...:218:

وضحى مين اللي بتقول عنها


لايكون انا بس ؟

وضحى ستايل

يا نمر

^_^

ههههههههههههههههههه

امل والله دخلاتك تنعش القلب .. بطبعك الثرثار .. الحين متحمس وقاعد أسولف لك واقول لك قصص وبالأخير يرتفع ضغطك .. خلاص بكره اجيب لك مقدمه بوليانا علشان تفرحي ..

وبعدين يلبق لك ستايل وضحى .. بس يبيلك تزودين الكحل شوي ..

نورتي يالغاليه بيت الشعر ..

SOUTHSTAR
09-04-2009, 11:04 AM
صبحكم الله بالخير والسرور ..

اليوم راح انقل لكم رائعه من روائع الشعر الشعبي .. للشاعر الكبير بركات الشريف .. وفيها ينصح ابنه مالك .. القصيده رائعه بكل معنى الكلمه ..

http://www.qassimy.com/up/users/star/abrkaaat.rm




يالله ياللي كل الأماة ترجيك
يا واحد ماخاب حي ترجـــــــاك
يارب عبد ما مشى في معاصيك
وما يمشي الا في محبتك ورضاك
يا مرقب بالصبـح نطيـت عاليـك
مـا واحـد قلبـي خبرتـه تعـلاك
وليت ياذا الدهـر ماكثـر بلاويـك
الله يزودنـا السلامـة مـن اتـلاك
ياللي على العربان عمت شكاويـك
وليت يا دهـر الشقـا ول مقـواك
واليـوم هالكانـون غـاد شبابيـك
تلعب به الارياح مـن كـل شبـاك
يا مالك اسمع جابتي يـوم اوصيـك
وأعرف ترى يابوك بآمرك وانهـاك
وصيـة مـن والـد طامـع فيـك
تسبق على الساقه لسانـه العليـاك
أوصيك بالتقوى عسى الله يهديـك
لهـا وتدركهـا بتوفيـق مــولاك
الله بـرب أجـدادك الغـر يعطيـك
مرضاته مع ما تمنـى مـن إمنـاك
إحفظ دبشك اللي عن الناس مغنيـك
اللي ليا بـأن الخلـل فيـك يرفـاك
وإعرف ترى مكة ولاهـا بناخيـك
لو تشحذه خمسة ملا ليـم معطـاك
إجعل دروب المرجله مـن معانيـك
وإحذر تميل عن درجهـا بمرقـاك
لا تنسدح عنها وتبغانـي اعطيـك
جميع ما يكفيـك مـا حاصـل ذاك
أدب ولدك إن كـان تبغـاه يشفيـك
لو ضاقـت إمـة لا تخليـه يـالاك
إما سمج واستسمجك عنـد شانيـك
ويفر من فعله صديقـك وشـرواك
والا بعد جهلـه تـرا هـو بياذيـك
لو زعلت أمـة لا تخليـه يـا لاك
وإحذر تضيع كل من هو ذخر فيـك
معروف لا تسـاه واوفـه بعرفـاك
ترى الصنايع بين الاجواد تشريـك
إليـا طمعـت بغرسهـا لا تعـداك
واحذر سرور بغبة البحـر يرميـك
ولا عنده افلس من تشكيك وبكـاك
وأوف الرجال حقوقها قبـل تاتيـك
لا توفيـه بالهـرج فالحـق يقفـاك
وهرج النميمة والقفا لا يجـي فيـك
وأياك عرض الغافل أيـاي وأيـاك
تبدي حديـث للمـلا فيـه تشكيـك
وتهيم عند الناس بالكذب واشـراك
واليا نويت إحـذر تعلـم بطاريـك
كم واحد تبغي منه عرف وأغـواك
وأحذر شماتت صاحب لك مصافيـك
وليا جرالك جـاري قـال لـو لاك
ولا تحسب أن الله قطـوع يخليـك
ولا تفرح إن الله على الناس بـداك
الضيف قدم له هـلا حيـن يلفيـك
ومما تطوله يافتـى الجـود يمنـاك
إحذر تلقي الضيق مقـرن علابيـك
خليه محب لك صديـق ليـا جـاك
ووصيك زلات الرفيق أن عثا فيـك
ما زال يغطاها الشعـر فاحتمـل ذاك
راعه ولو ما شفت إنـه مراعيـك
عساك تكسر نيتـه عـن معـاداك
وإحذر عدوك لو ظهر لك مصافيـك
خلك نبيه وراقبه ويـن مـا جـاك
لا تامنه واطلـب مـن الله ينجيـك
ويكفيـك ربـك شـر ذو لا وذولاك
شفني أنا يا بوك بآمـرك وانهيـك
عن التعرض بين الاثنيـن حـذراك
إذا حضرت اطلابـه بـه شرابيـك
اسع لهم بالصلح والـلاش يفـداك
ابذل لهـم بالطيـب ربـك ينجيـك
ولا تجضع الميزان مـع ذا ولا ذاك
أما الشهاده فادهـا إن دعـوا فيـك
بين عمود الدين لا عميـت أريـاك
بالك تماشـي واحـد لـك يرديـك
طالع بني جنسـك وفكـر بممشـاك
رافق أصيل فـي زمانـك يشاكيـك
لا شاف خلاتك عن النـاس غطـاك
وحذراك عن طرد المقفي حذاريـك
عليك بالمقبل واترك اللـي تعـداك
ثم إلعن الشيطـان حـذراك يغويـك
تـرى أن تبعتـه لشرابـيـك وداك
وأوصل لا تشكـي علينـا بلاويـك
انت السبب اطرفت عينـك بيمنـاك
وإعرف ترى اللي واطا الفعرو اطيك
ولا أنته أعز من الجماعة هـذولاك
ألمسك يا راسي من الذل وأخطيـك
وأحـذر تكلـم يالسانـي وحـذراك
وألطف بجارك قوم من دون عانيـك
وافطن لما يعنيك عن ربعة اخـواك
ياذيب وإن جتك الغنم فـي مفاليـك
فاكمـن لهـا ياذيـب لامـا تعـداك
فيما مضى يا ذيب تفـرس بياديـك
واليوم جاء ذيب عن الفرس عـداك
ياذيب عاهدني وعاهـدك مارميـك
مرميك أنا ياذيب لـو زان مرمـاك
والنفس خالف رايها قبـل ترميـك
ترى لها الشيطان يرمـي بالاهـلاك
ومن بعد ذا لا تصاحب النذل يعديك
عن صحبة الانذال يابـوك حـذراك
والهقوة انك ما تجـي دون أهاليـك
ولا ظن عود الورد يثمـر بتمبـاك
الحر مثلك يستحي يصحـب الديـك
وإن صاحبه عاعا مععـات الاديـاك
لا تستمع قول الطرف يـوم يلقيـك
بالكذب يقضي حاجته كـل ماجـاك
من نم لك نم بك ولا فيـه تشكيـك
وأليـاه قـد زرى رفيـقـك وزراك
عندك حكا فينا وعندي حكـا فيـك
وأصبحت كارهنـا وحنـا كرهنـاك
ما خطاك ما صابك ولو كان راميـك
واللي مصيبك لو تتقيـت مخطـاك
مير استمع مني عسى الله يهديـك
أنصحك يا ما لـك لـك الله مـولاك
عنـدي مظنـه مـا تمثلثهـا فيـك
واطلب لك التوفيق من عند مـولاك


وترقبوا قصة المثل المعروف .. وعند جهينه الخبر اليقين ..

دمتم بخير ،،

SOUTHSTAR
09-04-2009, 04:05 PM
http://www.watein.com/ksaimg/albums/userpics/sd19.jpg




مساكم الله بالخير ..

وعند جهينه الخبر اليقين ..

هذا المثل دايم نقوله ونسمعه .. وينقال اذا مانعرف صحة خبر او معلومة معينه .. فنستعين بشخص خبير او ثقه للتأكد من هذه المعلومه .. طيب وشهي قصة هالمثل ..

هذولا يا طويلن العمر اثنين مسويين طعه بدريتهم وفاركين من رجال قبيلتهم .. واحد ينقال له الأخنس بن كعب وهو من قبيلة جهينه وهو طبعا بطل هالقصه .. والثاني ينقال له حصين بن عمرو بن معاويه ابن كلاب .. تقابلوا صدفه في البر وهم ماشيين .. حصين على طول قب بوجه الأخنس وقال له : من انت ووشهو انت من لحيه يا أخ العرب .. رد عليه الأخنس وعرفه بنفسه وقال له : طيب انت قل لي من أنت ووش تبي ..؟؟ .. رد عليه الحصين وقال له .. انا الحصين بن عمرو .. وطالع ياللحيه الغانمه مثل غيري ادور الصيد وسعة الصدر لاني فارك من ديرتي ومنحاش منها .. قاله الأخنس : وانا والله مثلك ..

واتفقوا الاثنين انهم اذا شافوا اي احد من القبيلتين .. يخلونه يلبق على جنب ويسرقون حلاله واغراضه .. وتعاهدوا على هالشي .. لكن بنفس الوقت .. كل واحد ماخذ حذره من خويه الثاني ومتحرص منه .. يعني الرجال لابد يكون حذر وحريص ولا تروح عليه ..

المهم .. وهم ماشيين بعز النهار .. لقوا رجال معاه حلال وغنم .. فانقضوا عليه انقضاض الاسد على عدوه .. واخذوا كل اللي معه من حلال ومال .. ارتعد راعي الحلال وخاف .. وقال لهم : يا جماعة الخير .. وش رايكم لو تعطوني جزء من حلالي ومالي .. وانا براس الخدمه ادلكم على رجال كان يمشي وراي معه حلال واموال أكثر مني أضعاف مضاعفه .. قالوا خلاص تم .. وبالفعل اعطوه جزء من الأموال ودلهم على درب الرجال وكيف يوصلون له ..

الرجال الثاني اصله من ديره ينقال لها لخم .. وكان توه جاي من عند واحد من هالملوك ومعاه خير واموال كثيره .. المهم .. دلوا طريق الرجال ووصلوا له .. ويوم وصلوا له .. لقوه جالس تحت شجره كبيره وحوله الاكل والشرب والخير .. يوم شافهم الرجال اللخمي .. حياهم وقلطهم على اللي عنده من اكل وشراب .. وانبسطوا ووسعوا صدورهم ..

المهم .. الأخنس .. راح يبي يقضي حاجته الظاهر ولا راح يغسل .. المهم غاب لبعض الوقت .. يوم رجع .. لقى الحصين بن عمرو ذابح الرجال .. والرجال يتلوى بدمه ويحتضر ..فسل سيفه الأخنس لانه شاف الحصين سيفه مسلول .. وقال : علامك يا سويد الوجه ..؟؟ كذا تسوي بالرجال وحنا ماكلين وشاربين من طعامه وشرابه ..؟؟ قاله الحصين : اهجد بس يالجهني .. حنا ما طلعنا وعنينا انفسنا الا لسرقة الاموال والحلال ..

هجد الأخنس وروق دمه .. وجلسوا يسولفون ويوسعون صدورهم شوي .. ثم نط الحصين وسال الأخنس الجهني : يالجهني .. تدري وشهو صعلة وا صعل؟ .. قاله الجهني : ايه هذا شي معروفه .. هذا يوم أكل وشرب عند العرب .. سكت الحصين شوي .. وحسب ان الجهني نسي وغفل .. قام سأله مره ثانيه ..: يالجهني .. انت طراد للطيور ..؟؟ رد عليه الجهني وقال : أي طير بالضبط ؟؟ قاله الحصين : وش رايك بالعقاب اللي نشوفه هناك ..؟؟ رد عليه الجهني وقال : وين تشوفه انت .. ماني شايف شي ..؟؟ قاله الحصين : شوفه هذاك هو الطير .. ورفع راسه علشان يشوف الطير الزين ..

في هاللحظه .. استل الجهني سيفه ونحر الحصين وقال له .. انا طراد الطير ومناصره يالخايس .. واخذ اغراضه واغراض الباقيين والاموال كلها .. ورجع دربه ..

وهو راجع بالطريق .. مر على فخذ من فخوذ قبيلة قيس .. ينقال لهم مراح وأنمار .. ولقى بينهم حرمه تبكي وتولول وتقول .. : يا ويلي .. وينك يالحصين .. وينك يالغالي ؟؟ .. فقرب منها الأخنس وقال لها : من انتي يا وخيتي ..؟؟ قالت له انا حليلة الحصين بن عمرو .. وابي درب يوصلني له .. فحك الجهني ذقنه ونفخ صدره وقال : انا قتلته يا وخيتي .. فاستغربت الحرمه من وقاحه هالادمي وقالت له : تخسى والله ، مو مثلك اللي يوصل للحصين ويقتله .. فطنشها الأخنس ورجع لقومه ..

يوم رجع لدياره .. راح وسلم على اهله وتطمن على اخبارهم .. ثم طلع بوسط الديره .. وقام يقول هالابيات ..

وكم من ضيغم ورد هموس
أبي شبلين مسكنه العريـن

علوت بياض مفرقه بعضب
فأضحى في الفلاة له سكون

وأضحت عرسه ولها عليه
بعيد هـدوء ليلتهـا رنيـن

وكم من فارس لا تزدريـه
إذا شخصت لموقعه العيون

كصخرة إذ تسائل فيمـراح
وإنمـار وعلمهمـا ظنـون

تسائل عن حصين كل ركب
وعند جهينة الخبر اليقيـن

فمن يكسائلاً عنـه فعنـدي
لصاحبه البيـان المستبيـن

جهينة معشري وهم ملـوك
إذا طلبوا المعالي لم يهونوا



ومن يومها صارت تضرب مثل على كل خبر لم يتأكد صحته .. وصحة الخبر مايعرفها الا ناس معينين ..

دمتم بخير ،،

*amula_beauty*
09-04-2009, 11:17 PM
ربي يسعدك يا سهيل


ايوا دي القصص الحلوووه


عجبتني القصه بجد


يعني فهمت الهرجه

بس قولي يعني ينقال للخبر اللي بنعرف صحتو؟؟؟

ولا ينقال لما نسمع شي وشاكيين انو صح




ربي يسعدك


بجد عجبني مرررررررررررررررره

^_^


بس انقهرت انو دا الجهني طلع حرامي الله يرحموو

تتوقع مسلم؟؟؟؟ ,<< اش دراااااااااااه:218:

SOUTHSTAR
10-04-2009, 12:29 AM
ربي يسعدك يا سهيل


ايوا دي القصص الحلوووه


عجبتني القصه بجد


يعني فهمت الهرجه

بس قولي يعني ينقال للخبر اللي بنعرف صحتو؟؟؟

ولا ينقال لما نسمع شي وشاكيين انو صح




ربي يسعدك


بجد عجبني مرررررررررررررررره

^_^


بس انقهرت انو دا الجهني طلع حرامي الله يرحموو

تتوقع مسلم؟؟؟؟ ,<< اش دراااااااااااه:218:



اهلا اهلا بالغاليه الثرثاره الست اموووله ..

شوفي يا امل .. هالمثل متى ينقال ..؟؟

اذا جيتيني بيوم من الايام وقلتي : يا سهيل تعالا هنا ابغا اقولك على شي مررررررره يجنن .. وتجي وتقولي لي انه اخويا جاله ولد مثلا .. لكن انتي مو متاكده من الخير ميه بالميه .. فاقوم انا واقولك وعند جهينه الخبر اليقين .. الحين اقوم اتصل على اخويه واتاكد !! .. الحين جهينه بسالفتنا انا وانتي صار اخوي .. عرفتي يا الثرثاره ..؟؟

والجهني هذا الظاهر انه في زمن الجاهليه الاولى .. يعني مرفوع عنه القلم لاتشرهي عليه ..

نورتي بيت الشعر يا علياااا .. ولعيوووونش يا عليااا ..

((كــــــــادي))
11-04-2009, 02:22 AM
هلا // southstar


خلاص انا بسميك من اليوم و طالع ..


~ الـراوي ~


بس حرام تحط الموضوع دا هنا !!

يحتاج منك جهد و وقت وفي الآخر ما تطلع بولا مشاركة محسوبة <<< شكلك مافهمت

طيب افهمك ..

في قسم التجارب و قسم الترفيه المشاركات ما تتحسب ... العداد معطل:255:

ايش رايك ننقل لك موضوعك في قسم الأدب العربي ..

و امريكا و بلاويها تفتح لها موضوع تاني وننقلك المشاركة الخاصة بها فيه .!؟

~*~*~*~*~

دمت بخير

SOUTHSTAR
11-04-2009, 03:29 AM
http://www.al-riyadh.org/Gallery/albums/Bedu/normal_Beduin_d6.jpg




صبحكم الله بالخير والمسرات ..

اليوم باذكر لكم قصه فيها شيء من الطرافه والحكمه .. صارت للشيخ راكان بن حثلين العجمي .. وهو شيخ وشاعر معروف .. ولد في عام 1814 م .. وتوفي عام 1892 م .. الشيخ راكان أشهر من نار على علم .. ومعروف بالشجاعه والحكمه والفروسيه .. والشعر أيضا ..

هالسالفه صارت للشيخ راكان .. في آخر أيامه .. يوم بلغ فيه العمر مابلغ .. والشيب تمكن منه ومن معالم شكله ..

المهم يا طويلين العمر .. الشيخ طلع لطلعه من طلعاته للصيد والقنص الظاهر .. وكان مخاويه بهالرحله رجل في ريعان شبابه .. مفتول العضلات .. حسن المظهر .. واثنينهم من قبيلة العجمان .. المهم يا طويلين العمر .. بطريقهم حسوا بالتعب والجوع .. وتمكن منهم الجهد .. فقالوا لبعض خلنا نشوف أقرب بيت موجوده .. ونقيل عندهم ونرتاح .. ثم بعدين نكمل طريقنا ..

وبالفعل بدأوا يتشاوفوا عل وعسى يلاقون أحد بطريقهم .. وهم بهالحاله .. يلمحون بيت بعيد شوي .. فاتفقوا وقرروا انهم يروحون له يرتاحون عنده .. يوم قربوا من البيت .. مالقوا رجال حوله .. وقربوا أكثر عسى يطلع لهم احد من راعيين البيت يستقبلهم ويستضيفهم .. لكن ماش ماطلع لهم احد ..!!

وهم بهالحاله تطلع لهم راعية البيت .. حرمة راعية واجب ونشميه وتفهم بالسلوم والعادات والتقاليد .. وكانوا البدو أول اذا جا الضيف وما كان فيه رجال بالبيت .. تقوم راعية البيت وتستضيفهم وتقدم لهم المقسوم من الاكل والشرب .. وتقول لهم حياكم باسم راعي البيت فلان ابن فلان .. ومثل كذا ..،،

المهم طلعت لهم راعية البيت .. لكن قبل لا تكلمهم وتحييهم .. التفت الشاب المرافق للشيخ .. وقال له .. : يالشيخ .. وش رايك باللي يقول لك ان هالحرمة بتحسبني الحين الشيخ وانت المرافق لي وخادمي .. وراح تقول لك انت سوي القهوة وقدم القدوع؟؟ .. رد عليه الشيخ وقال : والله اذا البنت فاهمه وراعية نظر .. فراح تميز بيننا وراح تعرف منهو الشيخ ومنهو المرافق .. !! واتفقوا انهم مايعلمون راعية البنت منهو الشيخ .. ومنهو المرافق ..،،

المهم .. حيتهم راعية البيت .. وضيفتهم .. ورحبت وهللت .. وقالت من العبارات الترحيبيه الكثير والكثير .. وفرشت لهم فرش الضيوف وقلطتهم .. وقامت تمقل بوجيه الضيوف .. وتدقق فيهم .. وتسال نفسها وتفكر وتقول ..: منهو الشيخ من هالضيوف الاثنين ..؟؟ .. ثم توكلت على الله وجابت الفأس ودلة القهوة .. ورمتها على الشيخ راكان بن حثلين .. وقالت له ..: قم احطب لمعزبك وشب النار وسنع القهوه .. ناظر الشيخ للشاب المرافق له .. و اشر له بان يسكت ولا يتكلم .. وبالفعل قام الشيخ بنفسه .. واحتطب .. وشب النار .. وصلح القهوه .. والشاب متكي وجالس .. وكانه هو الشيخ وكبير القدر .. واستانسوا وارتاحوا وانبسطوا .. واخذهم الحتسي والسواليف مع بعض .. والحرمه جالسه تناظرهم وتراقبهم .. بعد ما تقهووا الضيوف وعينوا من الله خير .. ناظر الشيخ راكان بن حثلين للمرأه وقال لها هالابيات..

يا زيـن يللـي في ذراعـك نقاريـش

الحكم حكم الله وحكمـك على الـراس

إن شيتني حشـاش سيـد الحواشيـش

وإن شيتني حطـاب قـرب لي الفـاس

وإن شيتني خيـال أروي المعاطيـش

واثني وراهم يـوم الأريـاق يبـاس

الفرخ لا يغـويك في صفـة الريـش

طير الحبارى يا اريش العين قرنـاس


انصدمت راعية البيت من كلام الشيخ راكان .. وتفاجأت .. وقامت تفكر وتحوس وتلوس .. فالتفتت للشيخ راكان وقالت له ..: داخله على الله ثم عليك يا وجه الخير .. أبيك تعلمني .. انت الشيخ راكان بن حثلين ..؟؟ .. رد عليها الشيخ وقال ..: اي بالله انه انا .. فقامت الدنيا تسود بوجه راعية البنت .. وخجلت .. وقامت تأسف للشيخ وتعذٌر .. وانها ماتقصد شي باللي سوته .. فضحك الشيخ راكان .. وهداها وخفف من روعتها .. وعلمها انه هو ومرافقه الشاب متفقين على هالشي بالأصل ..،،

نستفيد من هالقصه يا طويلين العمر .. اننا لانحكم على الشخص من منظره وملبسه ومظهره .. صحيح لنا الظاهر في بعض الأحوال .. لكن لانحكم عليهم ونسيء فهمهم على اساس هالشي ..

دمتم بخير وعزه ،،

SOUTHSTAR
11-04-2009, 03:37 AM
هلا // southstar


خلاص انا بسميك من اليوم و طالع ..


~ الـراوي ~


بس حرام تحط الموضوع دا هنا !!

يحتاج منك جهد و وقت وفي الآخر ما تطلع بولا مشاركة محسوبة <<< شكلك مافهمت

طيب افهمك ..

في قسم التجارب و قسم الترفيه المشاركات ما تتحسب ... العداد معطل:255:

ايش رايك ننقل لك موضوعك في قسم الأدب العربي ..

و امريكا و بلاويها تفتح لها موضوع تاني وننقلك المشاركة الخاصة بها فيه .!؟

~*~*~*~*~

دمت بخير

حيا الله مديرتنا كادي ..

يا طويلة العمر .. شرف لي اللقب اللي لقبتيني فيه .. القصد يا طويلة العمر اعادة صياغة بعض القصص ليسهل فهمها وتكون مستساغه .. والاستفاده منها بعد ..

وبيني وبينك .. ما فرقت ان المشاركات تنحسب ولا لا .. اهم شي الواحد يكون له مرجع يعني بهالمنتدى .. وهالبيت مو دايم يكون فيه قصص .. ابيه مثل المجلس .. تكون فيه سوالف عن كل شي .. وابي اضيف فيه اي شي خاص من افلام انزلها فديو .. او مقاطع .. او مشاركاتي في المنتدى .. او حتى بيت واحد عجبني .. يعني تقدري تقولي .. مجلس سهيل .. وانتم ضيوفه وحياكم باي وقت ..

القهووووووووووه ..

((كــــــــادي))
11-04-2009, 03:44 AM
As u like…

It's up to u

It's your decision.

لست بكاتبة
11-04-2009, 05:18 AM
برغم من أني عارفه أن رؤوس البدو ما :drr05_89:
بس حقول لك دا الكلام ...بصراحة كادي
صادقة موبس من ناحية المجهود كمان الفائدة تعم الجميع فمن تقديري الشخصي أنه موكثير على مستوى اليوم بيدخلوا درة التجارب يعني عندك الساحة ودرة الأداب أكثر
ععععارفه أنك حترفض بس حبيت أرسل لك نصيحة أمام المجهود المتميز الذي تبذله هنا
وهناك تنبيه!!!!!!
البدو زمان مايرد طلب الضيف فكيف تبغاها تشرب قهوتك؟؟
ومع أصدق التمنيات بمزيد من الزوار إلى بيتك الكريم
عفـــــواً
ماأشرب القهوة عندك موكاهـاااااااااااااات

SOUTHSTAR
11-04-2009, 08:18 PM
برغم من أني عارفه أن رؤوس البدو ما :drr05_89:
بس حقول لك دا الكلام ...بصراحة كادي
صادقة موبس من ناحية المجهود كمان الفائدة تعم الجميع فمن تقديري الشخصي أنه موكثير على مستوى اليوم بيدخلوا درة التجارب يعني عندك الساحة ودرة الأداب أكثر
ععععارفه أنك حترفض بس حبيت أرسل لك نصيحة أمام المجهود المتميز الذي تبذله هنا
وهناك تنبيه!!!!!!
البدو زمان مايرد طلب الضيف فكيف تبغاها تشرب قهوتك؟؟
ومع أصدق التمنيات بمزيد من الزوار إلى بيتك الكريم
عفـــــواً
ماأشرب القهوة عندك موكاهـاااااااااااااات

الله حي بنت ديرتي ..

والله بيني وبينك .. عندي تحفظ على كلمة بدو .. لان عندي قناعه ان هالزمن مافيه من ينقال لهم بدو .. او كل واحد ينتسب لقبيله صار ينقال له بدوي ..؟؟ ..

ثانيا .. فكرت والله اني احط هالموضوع بدرة الأدب .. واقتراح كادي والله على عيني وراسي .. تامر امر.. واشكرها على اهتمامها .. لكن مثل ماقلت لك .. لو حطيته بدرة الادب .. راح يخلي الموضوع يسلك مسار معين بس .. ويهتم بامور معينه .. وانا ابيه شامل لاي سالفه ممكن تنقال في المجالس ..

ولاجل اهل المدينه .. نكسر المعتاد ونجيب بدل القهوه العربيه موكاهات .. بس شلون تنشرب ذي ؟؟

حياكي ونورتي بيت الشعر ..

((كــــــــادي))
12-04-2009, 03:19 PM
يعطيك العافية ..

SOUTHSTAR
12-04-2009, 06:58 PM
http://farm3.static.flickr.com/2017/2043774580_3593979435.jpg





السلام عليكم ..

مساكم الله بالخير والسرور .. حبيت اسرد لكم هالسالفه .. قبل مباراة الهلال والاتحاد .. عسى الله يكتب الفوز للهلال اليوم .. ويزيد افراحه افراح ..

المهتمين بالشعر الشعبي .. لابد وان سمعوا القصيدة المعروفه .. لي بنت عم ماوطت درب الادناس .. وان لم يسمعوها كقصيده .. فأكيد سمعوها كاغنيه من راشد الماجد غناها منذوو مبطي ..

هالقصيده ابطالها الشاعر .. شرعان بن رمال الشمري .. وبنت عمه .. والقصيده تحمل الكثير من كلمات الحب والوله والشوق .. وسرد القصه له فايده وحكمه ..

السالفه ياطويلين العمر .. ان بنت عم شرعان .. بنت جميله ومزيونه .. ويضرب بها المثل في زينها بين ابناء القبيله .. و ولد عمها شرعان .. مجنون بحبها لدرجة كبيره .. ويبيها حليلة له وام لعياله .. وهي بنفس الوقت تبيه .. وتحبه .. وتبادله نفس الشعور والحب ..

بالفعل تقدم شرعان لعمه طالب يد بنته .. ووافق عم شرعان على الزواج .. طبعا بعد ما اخذ راي البنت .. لان الامر يرجع لها اولا واخيرا .. وبيدها هي لوحدها الحل والربط .. وتم الزواج بين شرعان وبنت عمه .. وعاشوا فتره مبسوطين سعيدين .. هو يشيلها بعيونه .. وهي ماترفض له طلب .. وتصونه وتصون حبه لها ..

المهم يا وجيه الخير .. اتفقت زوجة شرعان انها تورد هي وخمس من بنات للبير .. يجيبون الماء لبيوتهم .. لان البدو اول كان ما يجيب الماء الا بناتهم .. ويستخدمون هالماء في الطبخ والغسيل والشرب واحتياجاتهم اليومية .. وصلوا البنات للبير.. وكل وحده حامله معها قربتها .. وقعدوا يسولفون ويضحكون .. ويحشون (البنات هذا طبعهم من يوم يومهم) ..

وفجأه طب عليهم قاطع طريق وهم عند البير .. رجال أقشر شايل معه بندقيته .. وحزامه متوسط بها شبريه .. و قام يهددهم ويتوعدهم .. البنات ارتعبوا وخافوا .. وكل وحده قامت تولول وتعلي صوتها .. يمكن احد يسمعهم .. اللي تقول يا زوجي .. واللي تقول يابووي .. والللي تنادي يا فلان .. المهم .. ما طلع في المحاولات فايده .. وسكتوا وهديوا بعد ما هددهم قاطع الطريق بالقتل ..

يوم سكتوا البنات .. قرب لهم قاطع الطريق الخايس .. وقال لهم : يالبنات .. والله ثم والله .. اللي ما تخليني الحين ابوسها .. قسم بالله غير اقطع قربتها .. اول البدو كانوا في فقر شديد .. والقربه كانت تسوى لها ثمن مو هين .. قاموا اتفقوا البنات بين بعضهم انهم يسمحون له يبوسهم .. علشان يفتكون من شره .. ويضمنون قربهم ..

وبالفعل .. جا قاطع الطريق وقبل كل بنت من البنات الخمسه .. الا زوجة شرعان الشمري .. رفضت انها تسمح له يقبلها .. وتمنعت شديد التمنع .. فقام الخايس وشق قربتها .. وترك البنات وراح ..

المهم .. يوم رجعوا لديارهم .. بقية البنات خافوا من الفضيحه .. وقالوا الحين زوجة شرعان تروح تعلمه .. ويقوم هو ويفضحنا بين ازواجنا وابائنا .. فاتفقوا بين بعض .. انهم ينشرون شائعه يقولون فيها ان زوجة شرعان خلت قاطع الطريق الخايس يتمكن منها .. وينول منها اللي يبيه .. وانتشرت هالشائعه بين ابناء القبيله .. وصارت هالسيره على كل لسان ..

شرعان بدوره .. انصدم يوم سمع الخبر .. وراح وكلم زوجته يستفسر منها عن الصحيح والصدق .. وقالت له وش صار بالضبط .. لكن كثرة الكلام من ابناء القبيله .. ونظرتهم له .. ما ريحته ابدا .. وخلته ما يصدق كلام زوجته .. ونتيجة هالحاله .. والوسواس .. قام وطلقها طلقه صغرى .. ووداها لبيت اهلها ..

المهم يا طويلين العمر .. مرت على هالحاله ثلاث شهور .. الا ان جا يوم .. وجا للقبيله رجال غريب .. ودخل بيت عم شرعان .. وقاله له : يا شيخ .. انا فلان ابن فلان وجايكم لاجل اعترف بغلطتي بحق بناتكم ذاك اليوم .. وابين لكم القصه الصحيحه .. لاني والله حاس بالذنب وابي منكم العفو والسموحه ..
وقال لهم السالفه من طق طق .. للسلام عليكم .. وانصدم شرعان مره ثانيه .. وندم اشد الندم انه ما صدق زوجته يوم قالت له السالفه .. وعزٌم اليوم الثاني انه يروح لعمه علشان يرد زوجته وتتصافى النفوس ..

اليوم الثاني راح لعمه .. ودخل عليه .. وطلب منه انه يرد له زوجته .. وتأسف شديد الاسف على موقفه المتسرع .. وظلمه لبنت عمه وزوجته .. لكن عمه صعب عليه انه يردها بعد ما سوى فيها هالسوايا .. وجارى كلام الناس .. و باع سمعة عمه وبنت عمه بوسط القبيله .. قام طلع شاعرنا مقهور ومتنكد ..
وقال هالقصيده يبين حالته .. والبيتين اللي بالاحمر .. هي اشهر بيتين بهالقصيده ..


ياراكب ثنتين يشدن الاقواس **** من دار ريضان الحجر حركني

مافوقهن كود الدويرع وجلاس **** وسفايف بين اربع يلعبني

تحركنا من عندنا حين الامراس **** ومضى سواد الليل مابركني

حكن علم عذفا يسارن من الرأس **** والظهر مع ورد الحفر يشربني

وحطو لهم مع هقلة الحضر بلاس **** عن الحضر واللي بالخلا يسرحني

وليا لفيتوا عند مدقوق الالعاس **** الجادل اللي بالمحبه محني

قولوا على حبل الرجا نطوي الياس **** ولبيض غيره كلهن يحرمني

ولو يندوي جرحي دويته بزفواس **** ولا بني رفاف البيت منكم ومني

والله يعلم بالخفايا والآجاس ***حيث مضى من صغر سنك وسني

وياعم اللي طعت بي هرج الانجاس *** طاوعت هرج الناس واخلفت ظني

طعت بي ياعم دايس ودرباس *** وعوارض صدقتها وابعدني

ومن لااخذ من درس الاسلاف نبراس **** تمضي حياته بالرجا والتمني

واقفيت ادير بظامري كل هوجاس *** على وليف بالحشا غاب عني

تكبي خواطرهم ليا جيت عساس **** ولاتقل انا منهم ولاهمب مني

ومريت دار ماتقل جنة الاوناس **** وونيت ودموع العيون ذرفني

جيت المراح اللي بالعشب محتاس **** العشب في مضرب وسادة معني

محذا شبة الناس ومشتاقة الراس *** وثلاث لايبكن ولاينبكني

لي بنت عم ماوطت درب الادناس **** ولادنست يوم النساء يدنسني

ضربتها وانا احسب الضرب نوماس **** طلقتها يوم افخت العقل مني

ياناس كيف العين تبكي على ناس *** وكيف العيون بلا رمد يسهرني

لو ينشكي حبي على ذيب لاخماس *** يسرح مع الطليان مايجفلني

ولو ينشكي حبي على طير قرناس *** اضحى الضحى بمويكره مستكني

ولو ينشكي حبي على قب الافراس **** عين نهار الكون لايفزعني

ولو ينشكي حبي على الميت ماناس **** يثور من بين النصايب يوني

ولو البيوت مشددينه بالامراس **** عين مع الخفرات لاينبنني

وحتى النجوم اللي مع الليل غلاس **** لو ينشكي حبه لهن وقفني

ولو ان غوطة (دم سلمان ) واضراس **** يدرن بماقلبي لقلبه يكني

تلقى سهل جبة هضاب ومنحاس **** وحتى الجبل بالقاع صار متثني

اشرفت رأس ضراس من فوق الاطعاس **** ولالوم طراد الهوى لو يجني

هليت دمع العين واوميت بالراس **** ورافقت كور العيس ياما ابعدني

ورفعت نفسي عن شبا كل وسواس **** البعد احلى من حياة التمني

انا زبون الحرد للخيل مدباس **** ياكلشن شهب الشوارب نخني

نفسي تشوم عن التدلبح مع الساس **** ولاعاش من هو عن رفيقه يكني

من شيدوا (زينة ) على غيد واغراس **** ليا نسيت رسومهم ذكرني

ياعم انا لي طلبة الراس بالراس *** ياعم شوف رسومهم ماانمحني

ولو صرت ان القلاع ماشلت الاضراس ***** والموس مايقطع بليا مسني

ياصار ماربعن على الرائ جلاس **** وجنحان طير السعد يلفحني

نصير دوم للصقاقير مدواس ***** مثل اللي يسمع صفير المغني

والله يلولا بكرة يبووناس **** حبه سكن باقصى الضماير محني

والله لو هي ماتبيني فلا باس **** لاشك خبثان النفوس طردني

وانا احمد اللي خالق كل الانفاس **** وجعل وساع القاع مافيه مني

دار بدار ولامناخات الانجاس **** ياصار مايمناك عينك تزني

في بلدة الغراف من جملة الناس ***** ولا نيب من يرجي الخلايق تحني

دار به الاكرام والطيب به ساس **** دايم تذكرني ليال مضني



وبعد ما سمع عمه هالقصيدة .. عطف عليه وحزن .. وحاس بألمه وندمه على اللي سواه .. فقرر انه يرجع له زوجته .. وبالفعل رجعت له زوجته .. وعاشوا بعدها في صفاء وحب طول عمرهم ..


اللي نستفيده يا طويلين العمر من هالسالفه .. اننا لانتسرع باتخاذ القرارات على اي خبر يجينا من مصادر غير موثوقه .. ولابد نتثبت من هالخبر ونستعلم .. علشان لانبني قرارات مغلوطه .. وينتج عن هالقرارات ظلم لاناس نحبهم ونغليهم ..

دمتم بخير ،، ويارب الفوز اليوم للهلال ..



..

SOUTHSTAR
12-04-2009, 11:12 PM
آآآآآآآآآآآخ يالقهر .. مشكله لا كان عندك عقول مثل عقلية عزيز في الفريق بعض الاحيان ..

مبروك للاتحاديه .. وان شاء الله نعوضها بالاسيويه ..

*amula_beauty*
12-04-2009, 11:28 PM
ههههههههههههههههه


مشي حالك يا سُهيل


خيرها بغيرها


بس دا هزازي خطير

((كــــــــادي))
13-04-2009, 02:10 AM
قصة معبرة و جميلة ...

حسيت يدي اتعبتني وانا اقرا:drr05_19:

الله يكون في عونك

~*~*~*~*~*~




وقعدوا يسولفون ويضحكون .. ويحشون (البنات هذا طبعهم من يوم يومهم) ..




لا إله ألا الله ...

انتو ما تتركوا خلق الله في حالهم :drr05_89:



بصراحة القصيدة " احس انها حلوة " لولا بعض المطبات اللغوية اللي ما فهمتها..




ياراكب ثنتين يشدن الاقواس **** من دار ريضان الحجر حركني

مافوقهن كود الدويرع وجلاس **** وسفايف بين اربع يلعبني

تحركنا من عندنا حين الامراس **** ومضى سواد الليل مابركني

حكن علم عذفا يسارن من الرأس **** والظهر مع ورد الحفر يشربني

وحطو لهم مع هقلة الحضر بلاس **** عن الحضر واللي بالخلا يسرحني

وليا لفيتوا عند مدقوق الالعاس **** الجادل اللي بالمحبه محني

لي بنت عم ماوطت درب الادناس **** ولادنست يوم النساء يدنسني

ضربتها وانا احسب الضرب نوماس **** طلقتها يوم افخت العقل مني
..[/align]

بجد .. مجهود تشكر عليه[/align][/color]

SOUTHSTAR
13-04-2009, 12:00 PM
حيا الله مشرفتنا كادي ..

سعيد اشد السعاده باعجابك بالقصه .. ولانه خوياي من اهل حايل .. كثير من هالالفاظ متعود عليها .. ودايم اسمعها .. فعلشان كذا راح اقول لك اللي اعرفه من معاني كلماتها .. واللي ما اعرفه .. اعذرينا طال عمرك ..

اولا سالتي وش يعني الدويرع .. الدويرع يا طويلة العمر شي كانوا يزينون فيه الابل اول .. كان اللي يركب فوق الابل يعتمد برجله على هالدويرع .. وكان منظرها حلو وجميل ..

الشي الثاني كلمة الامراس .. الامراس معناها حبال .. لكن حبال خفيفه الله العالم .. لكن بهالقصيده يقصد فيها ان حبال اختلاط الليل مع النهار .. يعني حول وقت المغرب .. لانه يختلط حابل الليل والنهار ..
والله اعلم ..

عذفا هذي يا طويلة العمر ديرة حول حايل .. من ديار شمر .. وكانوا اول يروحون لعذفا لانه فيه الابار والماء ..

الكلمتين هقلة وبلاس .. والله للاسف ما مرت علي قبل ..

كلمة مدقوق الالعاس .. تنقسم لقسمين .. مدقوق يعني نحيف .. وتلاحظين انه دايم نقولها هالايام .. مدقوق القوام .. مدقوق الخصر .. ومن هالاشياء .. اما كلمة الالعاس فمعناها الخدود .. والخدود النحيفه كانت من علامات جمال المراه .. يعني باختصار مدقوق الالعاس يعني المراه الجميله ..

كلمة افخت .. مقرونه غالبا مع الطير .. يقول افخت الطير .. يعني طار .. وتجي بمعنى هرب او فرك .. وجابها بالبيت يوم شبه عقله بالطير ..وانه طار من راسه ومشبكه ..

واعذريني على الكلمات اللي ما اعرفها ..

شاكر لك اهتمامك يا مشرفتنا .. والف الف مبروك وسام التميز اللي تستاهلينه ..

دمتم بخير ،،

((كــــــــادي))
13-04-2009, 02:11 PM
شكراً على الترجمة :)

لو دريت انك بتترجم .. كان كملت على الباقي الكلمات المبهمة بالنسبة لي

~*~*~*~

الله يعطيك العافية .. وشكراً ع التهنئة :)

بس ودي اعرف ...


مين اقنعك تجيب موضوعك هنا !!!

سارونه
13-04-2009, 02:41 PM
http://www.te3p.com/vb/uploaded3/30893_01180144472.gif



متابعهـ ـ ـ :130:

SOUTHSTAR
13-04-2009, 09:13 PM
http://i39.tinypic.com/racfvp.jpg





السلام عليكم .. ومساكم الله بالخير ،،

عاد اليوم راسي مليان بالارقام والمعادلات .. توني مخلص مذاكره مادة Management Decesion Science.. وهالماده انواع التحليل والحوسه .. ادعولي باختبار باتسر الله لايهينكم ..

اليوم قصتي بها ثلاث أبطال .. واحد منهم يصير من عمامي .. وهو العم الشيخ عباس العلي .. رحمه الله .. وقصتي هذي باقولها على حسب رواية الوالد الله يحفظه .. ورواية الراوي الغسلان ..

السالفه يا طويلين العمر .. ان العم عباس رحمه الله كان امين مديرية مدينة تسمى الدويد .. وهي ماكانت مدينة بالمسمى الحقيقي .. لكن هي مجرد قريه صغيره .. تضم الدوائر الحكوميه الخاصه بمنطقة الشمال .. قبل لا ينقلون الدوائر هذي كلها لمدينة عرعر .. وانتقلنا حنا معها .. ومن بعدها صارت عرعر عاصمة الحدود الشمالية ..

المهم يا وجيه الخير .. هالسالفه صارت تقريبا عام 1365 هــ .. يعني تقريبا قبل 55 سنة .. وكان فيه قرية جنب قرية الدويد .. اسم هالقرية لينا .. تسكنها بنت اسمها العنود .. و ينقال انها بنت حطاب النصافي .. لكن هالمعلومه مو متاكدين منها بالميه بالميه .. المهم .. العنود كانت تتصف بالجمال الباهر .. مزيونه بالحيل .. وكان العم عباس قلبه خضر بالحيل .. وكان معجب بها .. وساحره زينها ..

المهم وهو في الدوام ذاك اليوم .. يتقهوى ويرتاح بعد ما استقبل المراجعين وخلص جميع المعاملات .. الا ويدخل عليه خويه محمد الخميس البقعاوي .. وكانوا الاثنين خويان بالحيل .. وكل واحد يحب جلسة الثاني ويحب مقابلته .. يوم دخل عليه البقعاوي .. سأله العم عباس : وين كنت يا محمد ..؟؟ فرد عليه محمد الخميس وقال له : والله يا عباس كنت عند العنود .. رحت ابي شوفتها .. فحزت بخاطر العم عباس .. وزعل شوي .. وقال هالابيات ..

لا تجي بيت العنـود ولاتمـره
والحذر ياللي على عمرك تداري

فر قلبي يوم شاف الزيـن فـره
فر طيرن شايفن جول الحباري

قلت عطني من ثمانك بس مـره
قال مايكسى العرا ثوب العواري

العنود سهيل والبيـض المجـره
فرقهن فرق الفتيل عن السواري

بالحال .. وبنفس الجلسه .. رد عليه محمد البقعاوي .. وقال له هالابيات ..

ليه يا عبـاس بيتـه مـا نمـره
كيف تنحى واحدن للزين سـاري

كنت اظن انك صديق وبك مبـره
ما دريت انك عدوا لـي مبـاري

الحيـا لـو انتحـا لازم نمـره
وما قسم الله على المخلوق جاري

العنود سهيل والبيـض المجـره
بس يفرقها الزميـم والخـزاري

يوم لبست ثوبها الاحمـر ومـره
يا شبيهت مهرتن للشيخ ضـاري

مع سواد عيونهـا محـلاه غـره
مثل لون البدر بايـام الغـداري

كم قلـب موجـل قامـت تجـره
عرضتها الجال ودروب الخطاري

المهم يا طويلين العمر .. اشتهرت هالابيات بين الناس .. وصار الكل يرددها .. ووصلت هالابيات لواحد ينقال له ..محمد الديري العتيبي .. يوم سمع الابيات .. ابرق وارعد .. وزعل بالحيل .. وقال شلون عباس يفضل هالبنت دون عن كل البنات .. فرد على العم عباس بهذي الأبيات ..وقال

العنود سهيل والبيـض المجـره
اخس ياعباس ماتدرى المـداري

انت يا عباس غادي فـي مغـره
قلت قولن مانت عن قصياه داري

تحسب الدعوى على قانون حره
وانت معك الفين ورادن مبـاري

يمكن انك ذايقـن منهـم مبـره
من طرف لازمك تمدحها جهاري

حالفن ما اتركك يا عباس مـره
لين تابس مثل دغلوب الخبـاري

ما ظلمتك بس انا جيتـك بجـره
والعرب بسلومها تتلي الأثـاري

سمع العم عباس رد العتيبي على ابياته .. ففز يبي يرد عليه بابيات .. لكن خويه محمد البقعاوي وقفه وقال له : وش رايك يا عباس .. خلي الرد علي .. لكن ابيك تعطيني اجازه لمدة شهرين ..لاني بروح لاهلي بقريه بقعاء .. فوافق العم عباس على طلب البقعاوي .. فتهيض محمد الخميس ورد بهالابيات ..

تو ماهب الهـوى والعيـن قـره
واستراح القلب من كثر الهـذاري

يـوم بـان الهـرج للفـزاع ذره
تو هذي به يـدور لـه مبـاري

فزعة الديري مثل غزو الصفـره
تو يكرب محزمه عقب القطـاري

يذكر انه موقفـن بالشعـر مـره
والرخم سلطان في وسط الصباري

جنب الديبان واترك عنـك شـره
ياردي الفود وش لك بالخطـاري

لو تحصل مثلها ما صمت غـره
كان تسري بالظـلام وبالقمـاري


وانتشرت هذي السالفه والابيات قديمها بشكل كبير .. خاصه بيت العنود سهيل والبيض المسره .. ويقال ان العنود الى الان موجوده ..

دمتم بخير ،،

SOUTHSTAR
13-04-2009, 09:26 PM
شكراً على الترجمة :)

لو دريت انك بتترجم .. كان كملت على الباقي الكلمات المبهمة بالنسبة لي

~*~*~*~

الله يعطيك العافية .. وشكراً ع التهنئة :)

بس ودي اعرف ...


مين اقنعك تجيب موضوعك هنا !!!



حيا الله ام سلطان .. اذا كان هذا اسم الولد الله يحفظه ..

انتي اي شي مو عارفه معناها علميني بس .. واذا ماخدمتك وعرفت الكلمات .. استشيري عمنا وعم الكل السيد جوجل الكريم ..

واللي اقنعني صراحة استاذي ابو فهد .. طبعا بعد ماسمعت ملاحظتك الكريمة .. واقتنعت فيها ..

نورتي يا مشرفتنا ..





http://www.te3p.com/vb/uploaded3/30893_01180144472.gif



متابعهـ ـ ـ :130:


حياكي الله ..

SOUTHSTAR
14-04-2009, 01:10 PM
http://www.mekshat.com/pix/upload/images8/mk8178_sss-001ff.jpg




مساكم الله بالخير ،،

اليوم يا طويلين العمر .. باعطيكم نبذه مختصره عن شاعر فحل .. يعتبر من اصحاب المدارس الشعريه في الشعر النبطي .. وباخر هالنبذه .. بعطيكم سالفه حصلت له .. والابيات اللي انقالت بهالسالفه ..

شاعرنا اليوم يالغاليين هو .. محمد بن حمد بن محمد بن لعبون الوائلي العنزي .. او ابن لعبون كما هو مشهور عنه ..المولود عام 1205 في قرية حرمه .. هالشاعر مبدع بكل معنى الكلمه .. مولع بالشعر والادب من وهو صغير .. اشتهر الله يرحمه بالغزل .. ويعتبر قائد هالمجال ..

ابوه .. الشيخ حمد .. كان اديب ومؤرخ .. فنشأ شاعرنا في بيئة مولعه بالشعر والثقافه .. واختص ابن لعبون باشعار الهوى والشباب .. والتغزل والحب .. و ابتكر اوزان جديده في السامري .. وصارت تسمى باللعبونيات ..

بعد ولادة ابن لعبون في قرية حرمه .. انتقل هو وابوه لبلدة ثادق .. وهناك اخذ من الشعر والادب الشي الكثير .. وكانت ثادق في ذاك الوقت على بداية دعوة الشيخ محمد بن عبدالوهاب .. حيث التشدد الديني كان مسيطر على كل اهالي قرية ثادق .. وكان طبع ابن لعبون هواوي .. يحب الغزل والبنات .. فكان هالشي ما يعجب اهالي ثادق .. علشان كذا كان يتسبب بمشاكل كثيره معهم .. ومن هالروايات .. انه في يوم خروجه من ثادق .. نتيجة مضايقات اهالي القريه له .. شافته بنت ماشي بهالطريق .. فأشرت عليه وقالت : هذا أبو قذيله ..!! فارتجل هالبيتين في الحال ..

ابو قذيله ما وقف عند بابك
ولاهوب فصـّـخ واحد من ثيابك
انتي حصاة الدرب كلن وطابك
حتى الاجانب جو يدلون بابك

المهم يا وجيه الخير .. طلع ابن لعبون من ثادق .. وراح لمدينة الزبير في المنطقه الشرقيه .. وهالكلام كان وعمره تقريبا 17 سنة .. حول سنة 1222 هــ .. وهناك بدات مرحلة العشق والهوى .. حيث بدات حكايته مع محبوبته مي (ومي هذا اسم مستعار دايم يقوله بقصايده) .. ومي هذي كانت متزوج من احد المشايخ .. لكن ابو طبيع ما يجوز عن طبعه .. لان ابن لعبون كان عنده امل في وصالها .. وكان يذكرها في كثير من قصايده .. حتى انه في احدى قصايده صرح باسمها الصريح يوم قال ..:

والله لولا الحيا واللوم
لا صيح واقول يا هيـــله

وفي بداية سكنه بالزبير .. كان يواجه ضيقه في الحال .. وغربه بين اهالي هالمدينه .. ووصف حالته اللي يمر فيها بهالبيت .. حيث يقول ..:

البارحه بالدار صارت ضغاين
بيني وبين الدار ومكالمن شين

بعد هالمرحله العصيبه .. صدف واتطلقت معشوقة ابن لعبون من زوجها .. ففرح اشد الفرح .. وتقدم لخطبتها بعد ما انتهت فترة عدتها .. الا انه انصدم من رفض اهلها له .. لانه كان انسان هواوي ولعاب .. وما ينضمن .. وانصدم اكثر وانقهر .. يوم تزوجت مي من الديلمي .. فزاد جفوة مشايخ الزبير له .. وعداوتهم .. فصار يستغل اي مناسبه لشتمهم والتقليل من قيمتهم في قصائده .. ومنها هذه القصيده ..

رجالهم ما يسفه الا اليا شاب
مثل القرع يفسد اليا كثر لبـّـه
صدوقهم عندي خنوبن وكذاب
والبحر مثل الليل ما ينشرب به
ضراغمن عند الخوندات واطواب
واليا طلع للدو تلقاه دبـّـه
اهل العمايم والنمايم والاصحاب
مد الحبل في ذمـّـهم واحتطب به
خف القطين وحين قوضن الاحباب
هبت لنا من نسمة الشرق هبه
حامل هواها القلب في ليل الاتعاب
حمل ثقيل ما ادري وين ابى اذبه
لو صار في قبرن ومستور بتراب
كان الحقه يا بن حمد واصطحب به

بعدها قرروا اهالي الزبير انه يطردونه من الديره .. واتولى هالامر شيخهم ابن زهير .. فزاد ابن لعبون في عدائه .. وصار يخص ابن زهير في السب والشتم .. حيث يقول وهو يخاطب ابن ربيعه :

ذا حس طار او ضميرك خفوقه
يدق به من نازح الفكر دقاق
الحي هو حيـّـك وطابت وفوقه
والدار هي دارك وهذيك الاسواق
ياعبيد خل اللي تشكل بسوقه
شيخ وهو عبد يذكــّـر بالاعماق
العبد عبد هافيات عموقه
ان جاع باق عمومته وان شبع ماق
والحر حر ينهضنه سبوقه
والبوم يلعي في الخرابات خفاق
قم لا رعاك الله وقرب سبوقه
ثم ارفعه عن دار غاقه وغرناق
بع بالهجر وصال حي تشوقه
دار عساها للزرايا بتيفاق
دار الشنا للي بها والمعوقه
ما تنبغي لو هي على سبع الاطباق
دار بها الوالد كثير عقوقه
واللي يعقونه مصلين الاشراق
تلقى بها هذا على ذا يسوقه
الله يعزك والخوندات بسحاق
راعي الوفا منهم عميله يبوقه
وتلقاه حلاف مهين وملاق

بعدها انتقل ابن لعبون للكويت .. وهناك توفى الله يرحمه سنة 1247 هــ نتيجة انتشار مرض الطاعون الله يكفينا ويكفيكم شره ..

المهم يا طويلين العمر .. انتهت النبذه وابجيكم لذكر سالفة قصيدته المشهور .. اللي تغنى بها الفنانين .. واللي يقول في مطلعها .. يا علي صحت بالصوت الرفيع ..

السالفه يا طويلين العمر .. ان ابن لعبون راح للبحرين ( مثل شباب هالايام يروحون يدورون الوناسه والدشاره ) << كادي بس علشان ماتقولين اني متحيز للشباب دون البنات .. وكان ابن لعبون في جلسة رقص بوجود بنات مدري من وين طابين عليهم بذاك الوقت .. ومعه مجموعه من اهل الفن والطرب .. فقامت بنت من البنات تبي تقوم ترقص .. و يوم قامت .. شالت برقعها من على وجهها .. وانبهر ابن لعبون من زين البنت .. فقال يكلم خوييه علي .. يبيه يوصل كلامه للبنت .. حيث قال :

يا علي صحت بالصوت الرفيع
يا مره لاتذبين القنـــــــــــاع
يا علي عندكم صفراً صنيـــــع
سنها يا علي وقم الربــــــــاع
نشتري ياعلي كانك تبيـع
با لعمر مير ما ظني تبــــــــــاع
شاقني يا علي قمرا وربيــــع
يوم انا آمر وكل أمري مطــــــاع
يوم أهلنا وأهل مي ٍ جميــــــع
نازلين ٍ على جال الرفـــــــــــاع
ضحكتي بينهم و انا رضيـــــع
ما سوت دمعتي يوم الــــــــوداع
هم بروني وانا عودي رفيـــــع
يا علي مثل ماتبرى اليــــــــراع
طوعوني وانا ماكنت اطيـــــع
و غلبوني وانا قرم ٍ شجــــــــــاع
دون مي الظبي و ام الوضيـــع
و الثعالب و تربيع الشــــــــــــراع
راس ريع ٍ دخل في راس ريــــع
مستطيل ٍ و وديان ٍ وســــــــــاع


وهذي القصيده منشده بصوت المنشد المعروف حامد الضبعان ..

http://www.qassimy.com/w7a/new/newqassimy1).rm

دمتم بخير ،،

((كــــــــادي))
14-04-2009, 04:27 PM
حيا الله ام سلطان .. اذا كان هذا اسم الولد الله يحفظه ..





ــــــــــــــــــ |467| ــــــــــــــــــ



مشاركة اكثر من رائعة ...

سمعنا من ابن لعبون احلى و اجمل القصائد

عند الوالد كتاب قديم .. مليان من القصص و القصائد لأكثر من شاعر

من بينهم .. بن لعبون ، نمر بن عدوان و بديوي الوقداني :)

والقصيدة المغناه من اجمل ما سمعت ــــــــــــ " تم حفظها ":181:

الله يرحمه و يغفر له سلامة العبد الله ... غناها قبل ما يعتزل وكانت من اجمل ما قدم .

فلاش :

العدالة اعجبتني :drr05_19:

لست بكاتبة
15-04-2009, 01:57 AM
حللت أهـــــــــــــــــــــــلا ونزلت سهــــــــــــــــــــــــلا

نتظر منك المزيد
فقد أستمتعنا بهذا المجلس العامر بالمعلومات والأحاديث المفيدة
لك جزيل الشكر

SOUTHSTAR
15-04-2009, 01:45 PM
ــــــــــــــــــ |467| ــــــــــــــــــ



مشاركة اكثر من رائعة ...

سمعنا من ابن لعبون احلى و اجمل القصائد

عند الوالد كتاب قديم .. مليان من القصص و القصائد لأكثر من شاعر

من بينهم .. بن لعبون ، نمر بن عدوان و بديوي الوقداني :)

والقصيدة المغناه من اجمل ما سمعت ــــــــــــ " تم حفظها ":181:

الله يرحمه و يغفر له سلامة العبد الله ... غناها قبل ما يعتزل وكانت من اجمل ما قدم .

فلاش :

العدالة اعجبتني :drr05_19:



حيا الله ام سلطان ..

وشكلك الله العالم سولفجيه .. وعندك قصص واجد ..

ترا بهالمجلس الدعوه مفتوحه ..

يعني اذا كان عندك قصه او سالفه تقدرين تسدحينها هنا .. مع الشكر والتقدير ..




حللت أهـــــــــــــــــــــــلا ونزلت سهــــــــــــــــــــــــلا

نتظر منك المزيد
فقد أستمتعنا بهذا المجلس العامر بالمعلومات والأحاديث المفيدة
لك جزيل الشكر

يا هلا ببنت ديرتي .. سعادتي لا توصف باستمتاعك بالموضوع ..

حياكي .. وترا الموكا زاهبه ..

الماسي
15-04-2009, 04:03 PM
متابع في صمت :drr05_19:


ومستمتع جدا :drr05_22:


يسلموا اخي سهيل ع المجلس الرائع ،،،


تقبل تحياتي ،،،

SOUTHSTAR
15-04-2009, 04:42 PM
http://www.lakii.net/users/maha/c11.JPG





مساكم الله بالخير والسرور ..

والله صرت لا حاس راسي من كثر المذاكره .. ادخل هالموضوع اطلع اللي براسي شوي ..

اليوم يا الحبايب قصتنا عن ابيات مشهوره .. دايم نرددها .. اللي تبدا مطلعها .. لا صرت بالصمان والقيظ حاديك ..

هالسالفه صارت يا طويلي العمر من قديم الزمن .. لرجال وولده .. هالولد ماشاء الله عليه يوم كبر .. وصار رجال يعتمد عليه .. قررت امه انها تزوجه .. وادوخت ابوه .. الا نبي نزوج هالولد .. قال الاب خلاص .. شوفي له بنت الحلال .. نادت الام ولدها .. وقالت له نبي نخطب لك بنت فلان الفلاني .. ها .. وش رايك يا ولدي ..؟؟ .. رفض الابن انه يتزوج البنت اللي اختارتها له امه .. وقال لها : تدرين يا يمه انه مالي خاطر الا بالبنت اللي قلت لكم عليها .. وكان فيه بنت تسكن قريب من عندهم .. مزيونه وبها كل المواصفات اللي يتمناها الشاب ..

بعد اخذ ورد بين الولد وامه .. وبين مناحل ومحاولة اقناع .. وافقوا الاب والام انهم يخطبون له البنت اللي يبيها ولدهم .. وبالفعل من ثاني يوم .. جهزوا الجاهه وجمعوا اهلهم .. واتجهوا لبيت ابو البنت .. وبعد السوالف والترحيب والذي منه .. طلبوا يد البنت لولدهم على سنة الله ورسوله .. وعلموهم انهم مستعدين يقدمون للبنت اللي تبيه .. وافق ابو البنت على الخطبه .. طبعا بعد ماشاور البنت واعطتهم موافقتها .. لكن ابو البنت اشترط على ابو الشاب شرط واحد بس .. قال ابو الشاب ابشروا باللي تبونه .. ردوا عليه وقالوا نبي ناقتك (النجيبه) .. وكان عند الاب ناقه يعزها بالحيل .. ما يستغنى عنها بأي ثمن .. يوم سمع الاب شرط ابو البنت .. رفض هالخطبه .. واستاذنوا من راعي البيت وتسهلوا ..

يوم رجعوا البيت .. تنكد خاطر الولد .. وصار كل شوي يدوخ راس ابوه .. الا انه يقدم هالناقه مهر للبنت .. وابوه رافض هالشي .. يوم شاف الاب انه مافيه فايده مع هالولد .. قاله خلاص .. نروح انا و انت للقنص بالصحراء .. وهناك نفكر ونشوف وش الحل .. وافق الولد .. وقرروا انهم يروحون للقنص من باتسر ..

من باتسر .. جهزوا الاب والولد اغراضهم وعدتهم .. وتسهلوا للصمان .. والصمان صحراء معروفه في حدود المنطقة الشرقيه .. وكان وقتها الجو بعز الحر .. والشمس ملتهبه .. المهم وهم بالطريق .. قرروا انهم ينفصلون بالدرب .. الاب يروح للجهه الجنوبيه .. والابن للجهه الشماليه .. لكن قبل ما ينفصلون .. كان معهم قربة مليانه ماء .. وهم بالطريق استغفل الاب ولده .. وشق القربه بابره كانت معه .. فصار الماء يتسرب من القربه بدون ما ينتبه الولد .. وكان اقرب مورد ماء لهم يبعد حوالي ثلاث ايام ..

المهم وهم يبون ينفصلون .. قال الاب لولده .. عطني قربة الماء .. فطلع الولد القربه يبي يعطيها لابوه .. الا مالقى فيها ولا قطرة ماء .. فهنا انصدم الولد .. وشال هم شلون يجيب الماء لابوه .. وقال لنفسه الحين بيموتون بهالخلا من شدة الحر والقيظ .. شاف الاب حيره ولده .. وهمه .. فقال له : يا ولدي لا تشيل هم .. اطلع فوق هالناقه .. وان شاء الله هي بتوصلنا لاقرب مورد ماء .. سمع الابن كلام ابوه وبالفعل انطلقت الناقه ..

مشيت الناقه بذيك الليله بس مسيرة ثلاث ايام .. بقدرة الله ولطفه .. ووصلت الاب وولده لمورد الماء قبل لا يهلكهم العطش والحر .. فرحوا اثنينهم يوم شافوا مورد الماء .. وشكروا الله وتحمدوه .. و بعد ماشربوا من الماء .. التفت الاب لولده وقال له هالابيات ..


لا صرت بالصمان و القيظ حاديك
ايا حسين الدل و ايا المطية

اياهـ و ايـــا كــــور وجــنا توديــك
عن السمايم قــرية قرفــفيه


فصار الاب يردد هالابيات طول طريق رجعتهم لديارهم .. ففهم الولد مغزى ابوه من اعاده ترديدها .. وبكل ادب رد عليه بهالابيات ..

الله كريم و لا ومر بالتــــــــــــــهاليك
و لا ومر بفراق صافي الثنية

لا صرت بالصمان و القيظ حـاديك
اترك حسين الدل و اخذ المطية

و لا صرت بأيام الرخاء عند اهاليك
حبة حسين الدل تسوى المطية


وقتها عرف الاب ان الولد مافيه بباله الا هالبنت .. وانه صعب يتخلى عنها .. ولشدة غلاة هالولد عند ابوه .. قرر انه يتخلى عن الناقه لعيون ولده .. وبالفعل راح وقدم الناقه لابو البنت .. ويوم سمع ابو البنت بسالفة الابيات .. قرر انه يتنازل عن شرطه .. واعطى بنته للشاب تقديرا له .. ولوفائه للبنات ..

وهذا تسجيل صوتي للابيات .. بصوت منشد ما ادري وش اسمه بصراحه ..

http://www.qassimy.com/up/users/star/soot5.rm


دمتم بخير ،،

SOUTHSTAR
15-04-2009, 04:48 PM
متابع في صمت :drr05_19:


ومستمتع جدا :drr05_22:


يسلموا اخي سهيل ع المجلس الرائع ،،،


تقبل تحياتي ،،،

حياك الله وبياك اخوي الماسي ..

سعيد بتشريفك يالغالي لبيت الشعر ..

وسعيد اكثر باستمتاعك واعجابك ..

سم القهووووه ..

((كــــــــادي))
15-04-2009, 06:10 PM
سم القهووووه ..



و انا طول الوقت رايحة جاية على بيت الشعر و محد قال لي سم القهوووووة:249:

لا تقول:قهوتك داخل... ادخلي بالشق :drr05_19:

صدق الوفاء
15-04-2009, 08:06 PM
مجهود رااائع

واجواء خاصه ربما لا يشعر بها إلا من يعرف مايعنيه بيت الشعر

المتابعه حاصله منذ مبطي

http://www.alruthieaa.com/upload/upload/bsatan4.jpg

والطلي مسدوح تستاهل من يدسم شاربك يامال الغنيمه

قسم با الله اسفهليت هنا وارتاح خاطري

السعه لا بارك الله في الضيق السعه

SOUTHSTAR
16-04-2009, 04:32 PM
و انا طول الوقت رايحة جاية على بيت الشعر و محد قال لي سم القهوووووة:249:

لا تقول:قهوتك داخل... ادخلي بالشق :drr05_19:

ام سلطان .. البنات اتفقنا نقدم لهم موكا على قولة لست بكاتبه .. واذا خربناها قدمنا عصيرات ..

لكن شكلك اجوديه والقهوه عندتس مثل كيف الراس .. اصبري بس خلها تجي راعية البيت وبيجيتس احسن فنجال قهوه مبهر بالهيل ومزعفر حتى ريحة الهيل تاصل للمخيخ اللي عجزت القى محله بالمخ ..

ولا اقول .. بنخربها لاجل ام سلطان .. سمي القهوه يا وجه الخير ،،



مجهود رااائع

واجواء خاصه ربما لا يشعر بها إلا من يعرف مايعنيه بيت الشعر

المتابعه حاصله منذ مبطي

http://www.alruthieaa.com/upload/upload/bsatan4.jpg

والطلي مسدوح تستاهل من يدسم شاربك يامال الغنيمه

قسم با الله اسفهليت هنا وارتاح خاطري

السعه لا بارك الله في الضيق السعه




الله يبيض وجهك يا صدق الوفا .. قسم بالله اسم على مسمى .. صادق وفا والوفا منك وفيك طال عمرك ..

يا بعدي راحه خاطرك .. هذا رجاي وقصدي بهالموضوع ..

وابشر باللي يوسع صدرك .. ويطيب خاطرك ..

على راسي والله يا ابيض الوجه ..

SOUTHSTAR
16-04-2009, 09:18 PM
http://www.david-guerrero.com/viajes/orientemedio2003/midres/IMG_5371.jpg





مساكم الله بالخير ،،

اليوم يا وجيه الخير .. قصتي حول شاعر اشتهر بحياته بالشغب والعناد مع الحكومه .. شاعر فحل .. و شعره عميق ومو بسيط .. قصتنا اليوم عن الشاعر بندر بن سرور بن خضير القسامي العتيبي .. مواليد قرية القراره سنة 1360 هــ ( هالسنه معروف ان اسمها سنة ربيع ربلان).. وهالقريه كانت تابعه لمدينه الدوادمي المعروفه ..

عاش بندر بن سرور خلال فتره حكم الملك فيصل الله يرحمه .. وكان في هالفتره مشهور عنه التجاره بالبضائع المهربه .. حيث كان يهرب بضائعه من الكويت .. ويبيعها باضعاف سعرها في السعوديه .. حاولت الحكومه انها تقبض عليها مرات كثيره .. مرات يقدروا عليه .. ومرات ما يقدرون .. وبالمرات اللي يقدرون فيها انهم يقبضون عليه .. كان يلاقي له واسطه من امير الفوج التاسع في الحرس الوطني .. وهو الشيخ تركي بن ربيعان العتيبي .. وكان وقتها من شيوخ عتيبه المعروفين .. وكان هالشيخ الله يرحمه كلمته مسموعه عند الملك .. وعند باقي الشيوخ .. فكان نتيجة لهالواسطات .. انه يطلع بندر بن سرور من مشاكله .. وكانوا ياخذون عليه تعهد انه مايكرر عمليات التهريب .. لكن هو الله يهديه عنيد .. فكان مطنشهم ولا يسمع كلامهم ..

نتيجة تكرار فعايل بندر بن سرور .. عصب الامير بن جلوي .. اللي كان حاكم الشرقيه وقتها .. وقار انه لو انمسك بندر بن سرور .. فماراح راح يعفي عنه لو ايش ماصار .. وراح يقتله ويقيم عليه الحد .. وابن جلوي معروف بذاك الوقت بشدته وسطوته .. وقوة باسه .. ومعروف انه مايرحم المجرم ..

المهم يا طويلين العمر .. وصل هالكلام لابن سرور .. وان الامير متوعده وناويه بشر .. لكن ابن سرور مالتفت لهالتهديد .. وصار يكرر عمليات التهريب دايم ..

وبيوم من الايام .. وبندر بن سرور يقوم بعمليه من عمليت التهريب بالنفوذ .. وهم راكب سيارته الوانيت .. نزل من طعس من طعوس النفوذ .. وفجاه .. يلاقي مخيم لحرس الحدود اسفل هالطعس .. وعرف انه لو كمل مسيره ونزل هالطعس فانه ممسوك بدون شك .. فماكان منه الا انه وقف سيارته .. وطلع النفوذ مشي .. وكمل مشي لاقرب طريق مزفلت .. وهناك لقى سياره من هالسيارات الماره بالطريق .. واتفق معاه انه يوصله لبيت الشيخ ابن ربيعان باسرع وقت ..

بالفعل طلع مع الرجال .. ووصل لبيت الشيخ ابن ربيعان الساعه 1 بالليل تقريبا .. وبهالوقت الناس بعز نومها .. لانهم كانوا ينامون بدري .. طق الباب مره .. مرتين .. ثلاث مرات .. ما احد رد عليه .. فصار يضرب بالباب ضرب .. حتى صحي الشيخ وبنته .. نزلت بنت الشيخ تشوف من ع الباب .. ويوم فتحت الباب الا بندر بن سرور بوجهها .. فصرخ عليها ابوها من الدور الثاني وقال لها : من عالباب يا بنيتي .. فردت عليه وقال : يبه هذا بندر المرجوج .. فسمعها بندر بن سرور وهي توصفه بالمرجوج .. فارتجل هالابيات في الحال وقال :

يـا سخيّـف الذرعـان مانيـب مـرجـوج
رجّـتـنــي الدنــــيا بغدر وحـيـلـه

يا بنت لـولا اللـي علـى تاسـع الفـوج
تـركــت نــجــد وعــــزوةٍ بالقـبـيـلـه

لاشــك حاديـنـي عـلـى نـجـد هـيــدوج
مسقـي الفيافـي ليـن يـدرج مسيـلـه

تركـي ليـامـن الـبلاوي غــدن عــوج
حـمــل عتـيـبـة كـلـهـا مـــا تـشـيـلـه

يرسي كما مينا البواخر علـى المـوج
ومنـيـن مــا صــك البـحـر يرتكيـلـه

مـــادام تـركــي حـــيٍ مـــا ودي أدوج
وإن غاب غبت من الرجوم الطويله

يوم سمع الشيخ هالابيات .. عرف وتوكد ان بندر ما جاله الا بمشكله كبيره .. فابتسم وقال للبنت ادخلي داخل .. ودخل ابن سرور للمجلس .. وهداه وقاله وش فيك .. فشرح له بندر السالفه كلها من اولها .. فقال له الشيخ : لاتخاف يا بندر .. واطلع معي الحين نبي نروح للأمير ابن جلوي للدمام ..

وبالفعل ركبوا الاثنين بسيارة الشيخ .. وراحوا للدمام .. ووصلوا تقريبا بعد صلاة الفجر بشوي لقصر الامير .. ووقفوا قريب من بوابة القصر .. وكان ابن جلوي متعود انه كله يوم يقوم لصلاة الفجر .. ويجلس بمجلسه يتقهوى .. وواحد من المشايخ يقرا له كل يوم صفحتين من كتاب الحديث .. المهم دخل الشيخ لقصر الأمير .. وحياه وسلم عليه .. وجلس بمكانه المعروف بين شيوخ القبايل .. وصب له القهوجي فنجال قهوه .. لكن الشيخ بدل مايشرب الفنجال حطه على الارض .. فعرف ابن جلوي ان الشيخ جايه بطلابه .. فقال له : وش عندك يابن ربيعان .. قاله الشيخ : عندي طلب يا طويل العمر وارجاك ما تخيب طلبي .. فقال له الامير اشرب وطلبك جاي ان شاء الله .. فشرب الشيخ فنجال القهوه .. وقاله انه يبيه يعفو عن ابن سرور .. فزعل الامير اشد الزعل .. وقال : والله لو ادري ان طلبك بخصوص ابن سرور ماكان عطيتك طلبك .. لكن دام انك شربت الفنجال فطلبك جاي ومقبول ..

استانس الشيخ وفرح يوم قبل الامير طلبه .. وبلغ ابن سرور بالخبر .. ويقولون من بعدها ان ابن سرور اخذ قشه وراح للامارات .. وله قصايد كثيره بمدح شيوخ الامارات والشيخ زايد بالتحديد ..

وهذي ابيات قصيدة سخيف الذرعان بصوت جميل وشجي ..

WIDTH=425 HEIGHT=344

دمتم بخير ،،

SOUTHSTAR
18-04-2009, 12:50 AM
ابيات .. عشقتها لانها تعكس خبايا حالتي ..

اتمنى لكم الاستمتاع ..

ياخاطري مايفيد الضيق والحسرة ..

والحزن قتال لاهبت اعاصيره ..

لاتحسب الي جراالي بالهوى كسرة ..

الغصن عايش ولو طارت عصافيرة ..

ياصاحبي من سوايا القلب لا تشره ..

القلب باقي على ذكرى مسااييره ..

من قسوة البرد عندي للدفا جمرة ..

جمرة غضى تشتعل بالهم والحيرة..

احيان اشوف الخفوق يحب مايكره ..

واجيب لجله عذر واقبل معاذيره ..

واحيان اشوف الجفا يطغى علا صبره ..

يهز عرش الضلوع ومالقا ديرة ..

ياويل قلبي بترحل كمل السهرة ..

ماراح تلقى من الاحزان تاشيرة


والقصيده بصوت الشاعر فهد الشهراني ..

width=425 height=344

دمتم بخير ،،

لست بكاتبة
18-04-2009, 02:01 AM
صح لسانك
.
.
.
قصة بندر بن سرور _شدني لها ولقرأتها_اشتهر بالعناد للحكومة _ بس بصراحة استمتعت فيها مره _وفي نهاية جعلتني في حيره !! ولكن يظل مكمن الجواب في البداية
لا تخاف وتقوم تناظر حولين البيت الجيب الأسود أبو خط أزرق ماهو فيه
لأني وبساطة مع الحكومة ماني ضدها
جميلة هي القصص...
الجميل ايضاً شهامت ذلك الذي يعطيك معنى شيخ القبيلة
وهل اليوم يوجد مثله أم أنا شيخ القبيلة يات محصور على صندوق القبيلة والذي بكل بساطة يعبر عن شيء واحده (اللي يروح مايرجع)
أسف أخوي اسرسلت مادري فين روحت وفين جيت
على العموم موكا مره مزبوطه تسلم وتسلم صاحبة البيت اللي سوتها..وجعله بيت عامر

*amula_beauty*
18-04-2009, 05:39 PM
بجد مررررررررره حلووو

اخر قصيده حلوه


عجبتني وحزنتني


يعطيك الف عافيه يا غالي


ربي يسعدك


ماشاء الله بيتك صار عامر

^_^

ان شاء الله دايمآ يا ســُهيل

SOUTHSTAR
19-04-2009, 02:36 AM
صح لسانك
.
.
.
قصة بندر بن سرور _شدني لها ولقرأتها_اشتهر بالعناد للحكومة _ بس بصراحة استمتعت فيها مره _وفي نهاية جعلتني في حيره !! ولكن يظل مكمن الجواب في البداية
لا تخاف وتقوم تناظر حولين البيت الجيب الأسود أبو خط أزرق ماهو فيه
لأني وبساطة مع الحكومة ماني ضدها
جميلة هي القصص...
الجميل ايضاً شهامت ذلك الذي يعطيك معنى شيخ القبيلة
وهل اليوم يوجد مثله أم أنا شيخ القبيلة يات محصور على صندوق القبيلة والذي بكل بساطة يعبر عن شيء واحده (اللي يروح مايرجع)
أسف أخوي اسرسلت مادري فين روحت وفين جيت
على العموم موكا مره مزبوطه تسلم وتسلم صاحبة البيت اللي سوتها..وجعله بيت عامر

حيا الله ببنت ديرتي ..

اجل بنكثر لك القصص اللي تكون الحكومه طرف فيها علشان تشرفينا بقراءة قصصها ..

بصراحه انا من مؤيدين تقليص دور شيخ القبيله .. علشان ما تستخدم لاغراض تعصبيه وهالاشياء .. يعني يكون دور الشيخ احصائي فقط .. واجتماعي .. وصندوق القبيله هو اللي كبر كروشهم ..

شرفتينا يا لست بكاتبه .. وشرفتي صاحبة البيت ..


بجد مررررررررره حلووو

اخر قصيده حلوه


عجبتني وحزنتني


يعطيك الف عافيه يا غالي


ربي يسعدك


ماشاء الله بيتك صار عامر

^_^

ان شاء الله دايمآ يا ســُهيل

هلا والله بالغاليه اموله ..

اموله بطلبك طلب .. اذا دخلتي بيت الشعر ابيكي تعيشي جوه .. وبدل ماتكتبين مررره حلو .. تكتبين بالحيل حلو .. علشان يضبط الوضع ..

و بعض القصايد تكون نتيجة موقف معين .. نسمعها بوقتها وتأثر فينا .. وتلاقينا ثاني يوم ضحكتنا تشق وجيهنا مثل كذا :drr05_32: ..

الله يعافيكي يالغاليه .. والبيت عامر باصحابه والموجودين .. وانتي من اصحابه الاوائل ..

سعدت بتنويرك لبيت الشعر ..

SOUTHSTAR
19-04-2009, 02:49 AM
فلم وثائقي جميل جدا .. عن الحياه البحريه والكائنات الحيه في داخل المحيطات ..

راح تشوفون مخلوقات غريبه في اعماق المحيطات .. لدرجة ان الكاميرا المستخدمه وصلت لعمق لا يصل اليه النور ..

الفلم من تحميلي وترجمتي (يعني لا تشرهون عليها) .. وتقدر تتابع الفلم بعد بجوده اعلى عن طريق خاصية الــ HD الموجوده بجنب ايقونة تكبير الشاشه .. علشان تستمع بالفلم اكثر ..

الجزء الأول (http://www.youtube.com/watch?v=JLsZBXktrN4)

الجزء الثاني (http://www.youtube.com/watch?v=6P9UyluXSXw)

الجزء الثالث (http://www.youtube.com/watch?v=Ma0y3hOVhCc)

الجزء الرابع (http://www.youtube.com/watch?v=maPSaiZixOY)

الجزء الخامس (http://www.youtube.com/watch?v=Ha-xEQ47hb8)


نشوفكم على خير ،،

((كــــــــادي))
22-04-2009, 09:17 AM
الله يعطيك الف عافيه ..

مجهود رائع :)

فيلم ممتع حقاً،،و اختيار موفق جداً.

...عالم غريب و مخيف ،، لا يختلف عن عالمنا !

شكراً كثيراً لمنحنا هذه المتعة .

ميرآإآز
21-05-2009, 12:46 PM
..

تسسلم يمينك اخوي southstar

متصفح يعبق بالروعة من قديم وجديد ..

روعة الشعر لاتضاهيه روعه ..

لي عودة بإذن المولى لمتابعة جديدك ..

طبت بخير يامبدع ..

لاهنت

غ ـآنيهـ

..

*amula_beauty*
08-09-2009, 07:25 AM
ياخاطري مايفيد الضيق والحسرة ..

والحزن قتال لاهبت اعاصيره ..

لاتحسب الي جراالي بالهوى كسرة ..

الغصن عايش ولو طارت عصافيرة ..

ياصاحبي من سوايا القلب لا تشره ..

القلب باقي على ذكرى مسااييره ..

من قسوة البرد عندي للدفا جمرة ..

جمرة غضى تشتعل بالهم والحيرة..

احيان اشوف الخفوق يحب مايكره ..

واجيب لجله عذر واقبل معاذيره ..

واحيان اشوف الجفا يطغى علا صبره ..

يهز عرش الضلوع ومالقا ديرة ..

ياويل قلبي بترحل كمل السهرة ..

ماراح تلقى من الاحزان تاشيرة




اول مره احس بدي القصيده


****************************** *

وحشنا دا البيت وصاحبه


ربي يسعدك

SOUTHSTAR
09-09-2009, 12:27 PM
استميحكم عذرا جميعا على هجري لهالبيت .. لكن ظروفي الحاليه ماتسمح ابدا .. ومافيه وقت لاستخدام النت ..

ومضه ..

قراراتنا اللحظيه .. تدمر كل ما بنيناه ..
أرى شبحا للماضي الجميل .. مشوه .. ولا يلائمني .. رغم الوعود والعهود ..
فألوح لهذا الجمال المشوه وأقول .. كفاك تقلبا .. فلأول مره أضيق ذرعا بها .. دمت كما أنت ..


شكرا جزيلا لكم ..

SOUTHSTAR
14-09-2009, 02:17 AM
تقرير من قناه المانيه عن الخطه والنيه التنصيريه لحرب العراق ..

حقيقه تقرير تكلم عن اللي ماقدروا يتكلموا فيه ربعنا واعلامنا الفاشل ..

تابعوا التقرير وتمتعوا ..او بالاصح .. اشمئزوا من بعض الاوضاع الحاليه ..

اضغط هنا (http://www.youtube.com/watch?v=c5dt-WREldg&eurl=http%3A%2F%2Fquietube.com %2Fv.php%2Fhttp%3A%2Fwww.youtu be.com%2Fwatch%3Fv%3Dc5dt-WREldg%26feature%3Drelated&feature=player_embedded)

دمتم بخير ،،

zadi
14-09-2009, 03:01 AM
____________________


ويمكرون ويمكر الله والله خير الماكرين ,,,

سيتم الله نوره ولو كره الكافرون ,,,

__________

هذه ردة فعل غلاتهم , وهي طبيعية إذا ما تفهمنا الأعداد الكبيرة التي تدخل في الإسلام يومياً في أمريكا والغرب بصفة عامة ,,, وإسألوا الدعاة ,,, وهذا من فضل الله عز وجل ,,,

_________________

أشكرك أخي الكريم ساوث ستار ,,, خالص تقديري ,,,

محمد بن الحسين
14-09-2009, 03:13 AM
مرحبا اخي سهيل ان شاء الله كل تمام تقبل الله من الجميع


الشهر الماضي فقط وقعت على شيء مشابه

كتاب "الحملة الصليبية على العالم الاسلامي والعالم


للكاتب الفلسطينى يوسف العاصى الطويل (5 اجزاء)

ليس فقط العراق بل العالم الاسلامي ..


http://www.amin.org/Print.php?t=BkReleases&id=53 (http://www.amin.org/Print.php?t=BkReleases&id=53)

ولكن من الصعب جدا ان يعتنقوا المسلمون الصليبية

1/1000000 صدقني في اشياء عشتها بنفسي .


مشكور اخي سهيل نصر الله الاسلام والمسلميين في جميع

اقطار العالم

حياك الله

SOUTHSTAR
08-10-2009, 08:11 PM
شكرا لمروركم الجميل يا طويلين العمر ..

واخوي محمد مشكور على الاضافه الجميله ..

SOUTHSTAR
10-08-2010, 12:02 PM
كل عام وانتم بخير وعساكم تكونون من صوامين هالشهر الكريم وقوامينه يارب