اي عيد !!

[الملقوف]

سلام


طبعا زي كل سنة !!!!!

قبل العيد بيومين تعال ياولد . رح لسوق الغنم دور لنا ضحايا

ورد الضحايا جب الضحايا ...

وبعد عناء شديد ودوران بين طيور الحب النجدية والنعيمية

تحصل الضحايا ...

ويجي دور الخبرة !!!

دخل يدك في اقرف مكان في الضحية علشان تشوف

هي ضحية فل انجكشن والا سيكل ..

وبعد ما تحصل الضحية فل انجكشن مراتب جلد

وانوار زينون ميد باي نجر بن فجل .. حملها في

السيارة اللي راح تخيس شهرين من الريحة ..

ولما توديها البيت يالله يا ولد رح جب لها توفي

وتبن بالكراميل ( كرمكم الله )

ولما يجي يوم العيد تصيح صفارات الانذار ...

يالله يا ولد وين السكاكين والسواطير والمدافع ..

وركب الونش ورد الونش ولا يطيح الونش

ويجي دور الضحية الاولى تحلف بالله انها اعقل

من عشرين رجال تقل تدري انها بتنذبح ؟؟ راسها

ومليون سيف ما تمشي حتى تكسر اصابيع رجولك

كلها من التسحيب . وبعد ما تجيبها يجي دور الشايب

وين القبلة؟#$ خلها تشرب موية!! ريحها!!

سن السكين زين !!

نيمها على جنبها المدري ايه انتبه!!! لا تقطع ايدك

لا ولا ولا ..

مدري ليه كل هالراحة لها وهي بترتاح للابد!!

بعد ما يملي البابا كل تعليماته بدقه ويروح .

من القهر ودي اذبحها من براطمها .

المهم بعد الذبح يرجع الشايب بتعليماته !!!!!!!!!!

!!!!!!!!!!!!!!!!!!!!!!!!!!!!!! !!!!!!!!

انتبه للجلد لا تشيل معه لحم !!!!

لا تفتح البطن وانت تسلخ يخيس الضحية

انتبه للمرارة لا تفقعها مع ان مرارتي

منفقعه من يومين ..

ما ادري القاها من الشايب الله يخليه لي يا رب

والا من الضحية ..

والا من اصابع رجولي ..

والا من اصابع يديني اللي قطعتها السكين .

والا من الريحة اللي تجيب الغامت ..

وبعد ما يخلص مشوار سفك الدماء

تعال يا ولد ود هذولي لعموتك !!!

وهذولي لخوالك !!!!

وهذي لللللللللل ..........

يعني الحكاية يا دوب تخلص على الساعة 12 ..

ويقابلك واحد في الشارع ويقولك

عيدك مبارك ..

وانا اقول في نفسي ليتك مع الضحايا

اللي اليوم ...

المهم كل عام وانتم بخير والله يعيده

علينا وعلى المسلمين بكل خير يا رب

الا الدجاج ما تصلح ضحية ؟؟ والله تنتيفها شغلة بعد






...

[سحاب]

:hap: :hap::hap::hap::hap::hap::hap:

كل عام وانت بخير

(F)

[tofi]

كل عام وانت بخير ....... ملقوف


الله يعطيك العافية أخوي .... الحمد لله ان ربي رحمنا من هذا كله

لكن ودي أحكيلك ايش يصير في يومنا .... بالنسبة لي لأن بيتنا هو البيت الكبير فالأسرة بجميغ تفرعاتها تتمركز عندنا من يوم عرفة ،،، وطبعا
لازم فطور ... كل واحد فيهم يشرط صنف ... ودلع وأشياء غريبة ... المهم الوحدة تخلص من حوسة الطبخ وتنظيف البيت .... يجي دور شباب البيت ... من أكبر راس لأصغر راس ... ملابس وثياب وأشمغة وياويلنا لو ما تكوت الكسرة زين ....

نخلص قبل صلاة الفجر بساعة .... نرتاح شوي ... وعلى فكرة الأسرة خلال هذي الأيام تسكن عندنا ...

صلاة الفجر ثم صلاة العيد وبعدها ... السكاكين يا بنت ... الصحون .... سووا لنا قهوة و شاهي ... نبي الفطور ...

نخلص من مشروع الفطور ..... نروح للغدا .... وتستمر المعمعة الى المساء .....

وبعدها ..... نقول أشهد أن لا اله الا الله ...



ملاحظة : أنا ما كنت أدري انكم تأكلون الضحية توفي قبل ما تذبحونها :confused: :confused:

تحياتي وتقديري

[BackShadow]

يسعدلي مساكم جميعاً


هلا وغلا والله بالحبيب حمد :hap:

يا اخي اما انا ضحكت الين بغيت افطس ...


والله يا اخوك شغله الذبايح شغله

وعلى قولتك نخلص الظهر وفي الاخير يقولون هذا عيد

والمشكلة ان الجيران احيانأً يشوفونك تذبح

يقومون يجيبون ضحيتهم ...

عادي ... انت تقدر وهم يستاهلون



مع تحياتي

[ابوفهد]

حيا الله من جانا

كل عام وانتم من الله اقرب

حمدوووه لا تشكيلي ابكيلك عن الذبح وسنينه

فعلا الواحد وده يضحى كل سنة

بس اذا تذكر السكاكين والسواطير ::]

لكن الحمد لله على كل حال خلصنا قبل الظهر

والعيال الله يخليهم ماقصروا

المهم بالعيد هذا اكتشفنا بالعيله مبدع

سلخ وتقطيع ... الكبتن فهــد

الله يخليه الواحد مايخاف اذا مات

ماحد يضحى له :hap:

تحياتي

[الملقوف]

سلام ..

مساكم الله بالخير جميعا ...

الحمد الله اني لقيتكم بدون اصابات ..

حياالله سحاب وانت بألف صحة وعافية وينعاد

علينا وعليكم بالصحة والعافية ..

حيالله الاخت توفي ...

ترا فيه تفاصيل كثيرة انا ما قلتها بس كنت

البارح مقهور وش بسوي فقلت اشكي عليكم

شوي ..

فيه تنضيف كرشة ومصارين ..

فيه حسحسة روس وكراعين .. عاد ما ادري

تعرفي معنى حسحسة والا لا ..

حنا ما نرمي من الضحية شي .. حتى القرون

نطحنها !!!!

وفيه تفاصيل كثيرة .. انا في ذاك اليوم ما احسد

الا البنات ..

اما بالنسبة للتوفي اللي تاكله الضحية !!

تخيلي عاد ضحية بنتذبح وجالسة تحلي بتوفي !!

حياك الله اخوي محمد .. وكل عام وانت بخير

اسكت يا رجل . انا حمدت ربي للصبح انها جت

على خرفان والا البابا كان وده يضحي بجمل

ومعتمد على الله ثم على محاكيك ما يدري اني

بهاجر لو هو مسويها ..

وعلى قولتك بعض الجيران ما ينعطون وجه تلقاهم

ستمية رجال على عنز ويقولو ما نستغني عن خدماتك !!!

هلا والله بأبو فهد ..

فيه كهربائي سيارات في طريق الملك عبدالعزيز

قريب من بنده فنان في ذبح الضحايا .. انت بس لا تجلس

عنده وهو يذبح وشف وشلون يخلي الضحية !!!!

يذبحها بأبو جلمبو واذا صرت عنده ذبحها بمفك عادي!!

والا فيه مبلط بشارع نكاس يذبح الضحية بكسرة سيراميك

يديه تتلف بحرير ...

واذا مستعجل فيه واحد يشتغل في مغسلة ثياب

ود الضحية عنده وانت واقف يدخلها في النشاف بس اهم

شي عنده ان الضحية مالها قرون !!!

وسلم لي على فهد بس ما يكون خلص لصاق الجروح

اللي عندكم ؟!؟!؟!..

[شذا]

كل عام وأنتم بخير
الا أحمد ربك يا ملقوف:rolleyes:
تخيل لو كانت الأضحيه ضب.!!!
كان ما زلت ورها من يمين لشمال,ومن شمال ليمين.
طاش ما طاش.:hap::hap::hap:

[مرسال]

حيا الله حمد:(

كل عام وانت بخير عاش من شافك حبيبي او سمع عنك خبر

صاير انت سندباد كل ايامك سفر(بديت احس اني خالد الملا)

وين هالغيبة ولا تدري غيب احسن لك بدينا نتعود على غيبتك:)

تحياتي

[الملقوف]

سلام

حيالله شذا ..

ابشرك حتى الضب ذابحه بجميع وسائل ذبح

الضبان والشاهد ابو فهد ..

الغريب في الضب انه اذا انذبح مات !!!

حيالله الرقيب اللغوي السيد مرسال ..

وكل عام وانت بالف خير يا رب ..

اول حاجة خل ابو حنان على جنب وسم بالله لا يطلع لك الحين


ثانيا من قال اني رجعت !!!

عاد اذا غبت انا مشكلة !!!

وين راح الملقوف وين جا .. وش يسوي وين ايامه

فيه مثل قصيمي بحت يمكن يمكن ابو فهد

يعرف معناه يقول ( يا بقة بالدعيسه )

وانا بقة الدرر !!!

...

[ROMEO]

مساء الورد على احلىحمد

روح ياشيخ ورب البيت موتني ضحك

حسبي الله عليك قل امين

اتصدق عاد .. اشوفك وانت ماخذ موقف من الضحية

وودك تزنطها مو تذبحها


يلا يارجال تهون( على اللى قشر الطليان ليما الحين)

الا ماقلتلي حمد كيف الكشتة انشالله الجو ميه ميه

على بالي اعزم سويحري الغالي ومجنون افندي يجون

من شعيب الابالسه عشـــــــــان::*::*(اونكل زهب الساطور)




رح ياحمد الله يضحك سنك والله الله بناصر حوسه

[الشمس]

الملقوف :)

كل عام والجميع بخير أول ...


ايه يا الملقوف ألحين ما تقول لي أهلك ما عندهم غيرك؟
كل هذا تسويه انت لحالك؟

أجل عماني بنعمة :rolleyes:
موزعين المهام بينهم من سحبة الخروف وملاحقته إذا هرب حتــــــــــــــى توزيع اللحم على الجيران
وبعدين تلاقيهم موسعين صدورهم ضحك وتعليق وسوالف, ولا يفوتك التعليق هذا دور واحد منهم وهو اللي طالع في مكان عالي ماسك لي الموية ويرفع وينزل في الونش <=== أحس أنه لاعب عليهم :p

إيه عاد هذا كان أول ... أما الحين ومن كم سنة واحنا ما نشوف ذبايح كلها برا.. مريحين ومرتاحين ....

أما عني أكثر شي يتعبني في العيد هي المشاوير :(

[شذا]

الغريب في الضب انه اذا انذبح مات !!!
::[:hap:
ملقوف ليه الخروف بعد ما ينذبح يتراقص.‍‍‍‍‍‍!!!!!:hap::hap:
العيد أثر عليك.
سلامات.:hap::hap:

[رحاب]

:hap::hap::hap::hap::hap::hap:

[رحاب]

ههههههههه
كويس أني بنوتة مالي شغل في وظيفة الذبايح هذه والحمدالله وخاصة بعد اللي قلته اخوي الملقوف وبعد اللي شوفته من شباب العيلة
الحمدالله يارب لك النعمة والحمد قاموا ماشاء الله ستة من خيرة شبابنا
ناويين يذبحوا خروف العيد وطبعا قسمو الموضوع بينهم
اللي جاب سكاكين المطبخ كلها وقام يسنها قدام الخروف المسكين:MAD2:
واللي حاول يمدد الخروف فقام الخروف وبطحه على الارض ( والله على منظر لايوري حبيب ):hap:
وصاروا يلحقوا وراه ياخروف تعال لاتخاف والله لو انا مكان الخروف مو أخاف وبس
الا أموت من الرعب وفي الاخير اعترفوا بفشلهم وراحو عند الذباح
اللي قام بالمهمة على أكمل وجه
يعني أعترفوا بفشل مهمة الذبح فشل ذريع وماستفادوا غير ريحة وش تجي قربها عطور إيف سان لوران:cool:
وتريقة المجالس الرجالية والنسائية في العيلة
وصرف بنات العيلة عن فكرة الزواج من أي واحد فيهم ::]
وأولهم أنا :rolleyes: