تقرير كامل عن مطعم Crunchy Square بجدة

[أبودجانه]

بسم الله الرحمن الرحيم

حياالله شعب الدرر .. أضع بين يديكم تقرير متواضع عن زيارتي لمطعم Crunchy Square (كرنشي سكوير) بمدينة جدة, حي الروضة.
فكرة المطعم هي تقديم أكلات شعبية نعرفها كلنا ( فول, معصوب, مطبق, تميس) ولكن بطريقة عصرية, يعني مثلا معصوب بالآيسكريم :D اللي مو مصدق يشوف الصور.
الزيارة كانت سحور, يوم 7 رمضان 1431هـ

أترككم مع الصور, بعض الصور عليها تعليق فوقها |467|

نبدأ بقائمة الطعام (المنيو):

http://www.dorarr.ws/forum/uploaded/72538/1.jpg

http://www.dorarr.ws/forum/uploaded/72538/2.jpg

http://www.dorarr.ws/forum/uploaded/72538/3.jpg

هذه طال عمركم كاسة سوبيا يقدومها لك قبل ماتطلب كضيافة من المحل:

http://www.dorarr.ws/forum/uploaded/72538/7.jpg

هنا صورتين توضح الجو العام للمطعم, ومنطقة الكاشير:

http://www.dorarr.ws/forum/uploaded/72538/9.jpg

http://www.dorarr.ws/forum/uploaded/72538/10.jpg

وهذه صورة إحترافية لعيونكم :drr05_12:

http://www.dorarr.ws/forum/uploaded/72538/12.jpg

نبدأ بصور الأطباق اللي طلبناها .. وهي:

1) إكستريم فول مع توابعه .. عادي فول تعرفوه:287: , واللي في الصحن الصوغنن "دقة"

http://www.dorarr.ws/forum/uploaded/72538/16.jpg

2) مطبق أولد تايمر .. المطبق التقليدي باللحم المفروم والبيض

http://www.dorarr.ws/forum/uploaded/72538/17.jpg

3) مطبق تانجي شرمب .. إختراع جديد .. مطبق بالجمبري :134:

http://www.dorarr.ws/forum/uploaded/72538/18.jpg

http://www.dorarr.ws/forum/uploaded/72538/20.jpg

5) شاي مغربي تقليدي .. ولكن في براد (ابريق) مختلف:

http://www.dorarr.ws/forum/uploaded/72538/23.jpg

6) صورة تجمع شيئين أحبهم مرره .. تميس ودقة :)

http://www.dorarr.ws/forum/uploaded/72538/22.jpg

7) أخيراً .. الطبق المعجزة .. معصوب بآيسكريم الفانيلا :D .. صراحه ماعجبني أبدا :drr05_28:


http://www.dorarr.ws/forum/uploaded/72538/24.jpg

http://www.dorarr.ws/forum/uploaded/72538/26.jpg


هذه صوره للمطعم من برّا:

http://www.dorarr.ws/forum/uploaded/72538/28.jpg


وأخيراً .. تقيمي للمطعم على مقياس 10 .. يستاهل 7 من 10 |467|
أتمنى أنو يكون التقرير عجبكم .. وأكون أفدتكم .. ولا أحد يجرب المعصوب بالآيسكريم :262:

تحياتي .. أبودجانه

[الجوري]

تقرير خطير

بس ما اتخيل معصوب باسكريم بلمره

وشكل باقي الاكل حلو

يعطيك الف عافيه

[مريوم }..]

أبوو دجــانه ,,
لالالا ايش هذا التقرير ,, تسلم أيدك أخوي |467|
عجبني شكل إعلانهم اللي ع الباب << شوفي شكلك ما عجبك شيء إلا الإعلان :drr05_19:
لا صدق شيء حلوو مرة ,,, عجبني ديزاينه من دآأخل |467|
والأكل شهاني :drr05_60: كنت ناسية أني جوعانه بروح آكل أحسن لي :262:

ما بعلق ع الاكل لآني ما عرررف عنه شيء ,, :)



http://www.dorarr.ws/forum/uploaded/72538/12.jpg


شوووف اللي ورى قاعدين يطالعونك :268: :268: ,,
الله يعلم شو يقولون في قلوبهم :drr05_19: يا خوفي بس قطعوك :drr05_22:

حلووو أبو دجـــــانه تسلم ع التقرير الجميـــل ,,
وكل يومم زور مكان وأكتب لنا تقرير :134: << ما شيء شغله يعني :drr05_22:

وبحرارة شكرا لتقريرك

[عمر باعقيل]

ابودجانة
:drr05_43:

ليش ماعزمتني باولد العم :220::245:

احسب عندك عليك عزومه وحده مستنية ماراح انسى :139:

تقرير حلو زي روحك الحلوه

[أبودجانه]

الجوري .. أشكر لك مرورك الجميل :)

-----

مريوم .. دحين من سبعطتشر الف صورة ماعجبتك الا صورة المدخل :262: .. فعلاً تصميم رايق|467|
وبالنسبة للشباب اللي يطالعوا في الصورة .. أديناهم كاسة سوبيا مخمجة :D زبطت الأمور
أشكر لك مرورك وتقييمك اختي مريوم .. وإن شاء الله اذا كان في تفاعل مع الموضوع .. عندي صور لمطاعم كثير زرتها .. أنزلها على صورة تقارير انشاء الله :)

-----

عمر بيك
ياسيدي ولا يهمك .. أنا عازمك على حسابك :drr05_60:
مرورك الأحلى إبن عمييييي (بالسوري) :262:

[mouffaq]

مشكوووووووور أخي أبو دجانة

يبغالها تقرير من دمشق على شي مطعم وأعتقد أن هذه مسؤليتي :)

أخوك موفق

[أبودجانه]

هلا والله موفق باشا .. يلا شد حيلك .. وجبلنا مطعم ممتاز

شكرا على مرورك

[نبض العلم]

يااللااااااااااااااااااااااااا ااااه

دا المطعم كيف فاتني :drr05_16:

لا تسأل عن أي مطعم فجدة نبض العلم توصفلك

فين مكانو بالضبط أخي أبو دجانة ؟

:169:

تلاقيني شفتو وافكروا مطعم صيني وللا تايلندي



لأني مرررررررررة ما أحبهم
:223:


كل الشكر عل التقرير ولا تنسى ترد

[*amula_beauty*]

مسا الورد مسيو / أبو دجانه

ماشاء الله التقرير ممتاز

اكتر شي افكر اجربو ( مطبق بالجمبري ) :236:

اما المعصوب بالآيس كريم ماراح اجربو ,, منجد احس لو اكلتو راح اعتزل الآيس كريم بعدها

تقريرك يفتح النفس وانا جوعانه دحين :165:

شوف ايش فكرت بينما انا انتظر الصفحه تتحمل ...

خطرت ببالي دي الحسبه الصغيره ... بعد التدقيق على طلباتك واسعارها لقيتها كلفتك انتا لوحدك بس تقريبآ 60 ريال ....

وشفت مسيو عمر ورطك بعزيمه فقلت انقذك :262:
طييييب .. لو جبت فول بريال من الاكــتع ,, ومعاه مطبق بحوالي 7 ريال ... ومعصوب ب 5 ريال

وتميسه بريال . ما حتكلفك الشغله 15 ريال ....


وسيييييييده على بيت عمر .... بكدا انتا كفيت ووفيت :212:

ايش رايك فيا وانا انقذك من الافلاس؟

بمزح ترا ... :130: بالعافيه على قلبك اخويا ....

منجد عجبني التقرير ...

ربي يسعدك ^_^

[أبودجانه]

هلا والله بنبض العلم .. شوفي عارفه الشارع اللي فيه مستشفى الملك فيصل التخصصي (الروضة) .. في الشارع المقابل للمستشفى .. في مجمع صوغنن جاي على حرف U على راس المجمع كوفي شوب بيرتس المعروف .. بس ادخلي المجمع وامشي شوية حتشوفي المطعم على اليمين قبل مطعم (سوشي يوشي) :)

-----
الاخت أموله .. شكرا على المرور
وبالنسبة لتانجي شرمب .. فعلا يستحق التجربة .. ممتاااز |467|
أما معصوب بالآيسكريم .. أنا اصلا من يوم ماشفت شكلوا .. غسلت يدي :287:
تخيلوا ياجماعة ايش مستخدمين في المعصوب دا؟ دحين كل المعاصيب :262: اللي في العالم يستخدموا فيها فطيرة .. إلا هادول يستخدموا مربعات العيش المقلي اللي تتحط فوق الفتوش :134:
بعدين على سيرة الحسبة .. انتي عندك عرق حضرمي :drr05_60: ماشاء الله .. لا عمر امره محلول زي ماقلتي فول وتميس بــ3 ريال ومعصوب (سادة بدون قشطة ولا اي حاجة) واللبن على حسابه :262: .. وبعدين مين دا الأكتع :225: بنشري :drr05_19:

مرورك الاجمل .. وان شاء الله تزوري المطعم وتعطينا رأيك :)

[همس الورد]

شفت المطعم هذا ودخلته
زوج اختي جرب المعصوب الي با الإسكريم
صراحه اشياء عجيبه لا اعيب ولا شيء لكن اشياء مره عجيبه

شكرا لك اخوي ابو دجانه ماقصرت
شكلك تعبت في التصوير يكفي المخ يتعب من العجب

[» رَحيْـقّ "]

تقرير جميييل |467|
باين عليه كويّس ومرتب حتى أسعاره حلوه ,
أما المعصوب شي ثااني أساساً ما آكله بعد بالآيسكريم تكرم النعمه !



وننتظر بقيّة التقارير اللي مخبيها :d
شـــكراً ..

[أبودجانه]

همس الورد .. أشكر لك مرورك ..

-----

رحيق .. شكرا على المرور .. وان شاء الله قريباً انزل تقرير ثاني