» لقاء مع الصائمه " أموله "

[» رَحيْـقّ "]

السلام عليكم ورحمة الله وبركاته ؛
|




لقائنا اليوم مع الطيبه أموله فأهلاً بوجودها :)
/


وعليكم السلام ورحمة الله وبركاته ...
صباحكم سكر ..^_^
نبدأ بسم الله بحل الأسئله


1- متى بدأت الصيام ؟
بصراحه مو فاكرة بالزبط متى بدأت الصيام ...
بس افتكر اول ما صمت كانت ماما تخليني اصوم الين الظهر او بعد الظهر بشويه ..
وكانت تخليني اصوم عن اي شي الا ( عصير التوت ) .. لما كنت صغيره كان دا العصير يعنيلي كتير
يعني حتى بأيام المدارس ومافيه رمضان كنت اشيل الزمزمية ... بس مو معبيتها مويا ... معبيتها عصير توت :161:


2- كيف كان صيام طفولتك ؟
مدري ... بس ماعندي اي انطباع عنو ... بعيد عنك ذاكرتي مو قويه للأسف ...
بس افتكر كنت من وانا طفلة وعمري 4 سنين وانا احب احضّر السفرة ...
وتلاقيني واقفه وحاطه يدي على خصري ,, استناهم يخلصوا اكل عشان اشيل السفره ...
ما ابغى الشغاله تسبقني وتشيلها ... << غاويه تعب وكرف ...
... كنت احب اسمع صوت المدفع... بس دحين ما اسمعو :(
*^**^
.... كنت احب اتفرج على ( بابا فرحان ) ... ( بابا فرحاااان استنى شويا ... رايحين نتقابل .في الحلقة الجيه ...
خلينا نعرف متى موعدنا ,,, نفس الموعد يا حبايبنا ... رايح اجمعكم ,, واسمعكم ,, حكايه جديده ومسلية ..
لا تنسوا تستنوا ميعادي .. راح نستنى ... )
( اسمع يا جدو يا جد الخير ,, ايه الحكايه ان شا الله خير ... يا جدي هدي ام الخير ,و اكلت حلاوة عيد وسعيد ..
ايييييييييييه .؟؟؟ مالك ومالي يا سموووره ,, خليني بعيده عن الصورة ,, انا شفت الحلاوه قدااااامي اكلتها حسبتها علشاااااااااااني )
هههههههههه مرررررررره وحشوني :drr05_12: ....
افتكر عيد كان اكبر من سعيد بتلات دقايق او شي زي كدا


http://www.hdrmut.net/vb/imgcache/2/44643alsh3er.jpg


3- موقف طريف حدث لك في رمضان ؟
طريف؟؟؟ ما ادري اذا كان الموقف طريف .. بس مره برمضان قبل سنيتن .. كنت قاعده اطبخ ...
ونسيت اني صااااااايمه وقاعده اكل .. طايحه في التبوله ... دخلوا عليا اخواتي وانا آكل ...
لما شفت الفجعه والصاعقه على وجيههم ... انتبهت اني فطرت :333:
مررررررره حسيت نفسي غبيه .... ومره حرقت يدي وانا قاعده اقلي ...:178:


4- أذكر لنا نظامك مبسطاً في رمضان ؟
بالعاده اقوم الساعه 3 الظهر .... ادخل المطبخ .. لأني انا وماما متفقين انو الفطور كل يوم
على وحده مره عليا مره على ماما ومره على ظل القمر ... وعندنا اخت اكبر من ظل القمر .. ما تعرف طريق المطبخ بالمررره :drr05_54:
واطبخ شويتين الين العصر ... بعد العصر اقرأ قرآن ... لازم باليوم اختم جزئين .. وبعدين يجي وقت المغرب ..
قبل المغرب بشويه اخويا يجيب الفول والتميس والسوبيا .. عشان بابا وعشانو طبعآ ... ما يستغنوا عن دي الاشياء التلاته :178:
ونحضّر السفرة ... بعد الفطور والصلاه ... نجلس قدام التلفزيون .. الين صلاة العشا ...
اصلي العشا والتراويح وع الساعه 10 ونص او 11 ادخل النت الين 12 ... ومن الساعه 1 الا ربع تقريبآ اقوم اصلي القيام ...
بعد صلاة القيام .. نجهز السحور ... نتسحّر .., وننام .. هدا النظام ببساطه
طبعآ .. انا طول عمري مقاطعه السوق .... واكيد برمضان كمان .. ... اكره السووووووق زيك يا رحيق :171:


5- مخططاتك في الشهر الفضيل ؟
كالعادة مخططه اختم القرآن مرتين واختمه مره بالتهجد ومره بالتراويح
رمضان دا غير كل الرمضانات بحياتي ....
ان شاء الله استثمروا الاستثمار الامثل


6- هل تحافظ على صلاة التراويح والقيام ؟
الحمدلله ما افوّتها ابداً


7- هل أنت من متابعين التلفاز برمضان بشغف ؟
لا مو مرة ... عمومآ التلفزيون ما يشدني الا بأفلام الكرتون
بصراحه بالعاده اتفرج على ( طاش ما طاش ) .... واي مسلسل تاني بشرط يكون المسلسل دا بوقت مو وقت التراويح ولا التهجد
يا الله زمان كان كل شي له طعم خاص ... حتى القناة السعودية الاولى ... كنت احب اتفرج على
الشيخ الطنطاوي الله يرحمه ويذكرة بالخير والله كل ما اتذكره تخنقني العبرة


http://up.arab-x.com/Oct09/tOb02610.jpg
-


8- برأيك كيف نستطيع أن نستثمر وقتنا في رمضان مع كثرة مغريات الحياة ؟
مغريات الحياة ؟؟؟
وهيا الحياة دي فيها مغريات ؟..
المغريات ما يشوفها الا اللي يبغى يشوفها .. اما اللي مو ناوي يشوف مغريات برمضان ما حيشوف ..


9- أكلتك المفضلة في رمضان ؟ " مع وصفها بشكل مبسّط "
جينا للهرجه اللي تطيح الجمل مدري الناقه ... :271:
اول شي انا من عشّاق الطبخ ... الطبخ دا عندي هواية ... استمتع بممارستها ... تلاقيني أنوّع بالوصفات والاكلات ..
اكلتي المفضلة برمضان ( الشوربه ) .. مرررررره احبها ...
والتبّوله .. والمسقعه ... و السمبوسه << ما خليت شي :174:
والكناااااااااافه


10- فطورك كيف تفضله ؟
هههههههههه .. كيف يعني كيف افضّله . ؟ افضله بعد المغرب
عادي ما اتشرط ... اي شي متوفر يمشي حالو .. انا الحمدلله ماعندي مشكله مع اي صنف في الحياة :drr05_09:
ايوا صح ... احيانآ ع الساعه 10 نحط سفره .. من الاشياء اللي بقيت من الفطور ... يا شيخه رمضان حماس منجد
احس الاسره تتجمع فيه تجمع مو صاحي ماشاء الله |17|


11- عادات لا تتخلون عنها في رمضان ؟
حضور الختمه في الحرم ... ما استغني عنو ابدآ بتاتآ البته :219:
زي ما قلت بالسؤال اللي قبل دا ( العشا ع الساعه 10 )
و زيارة ( جدتي ) حبيبتي لااااااازم ... اصلآ كل بعد يومين نآخد فطورنا ونفطر عندها ...
وكمان ( الطراطيع ) .... اخويا الصغير لازم يشتري طراطيع وحماس :245:
زمان ايّام ما كنّا ساكنين بالحارة القديمه ... كانوا اخواني وخيلاني مع شباب الحارة ... يلعبوا فرفيرة عند باب العمارة :135:
دا غير كشك البليلة اللي يسويه ولد الجيران ...:drr05_68:
رمضان بالحارة طعموا غير ... بس من يوم نقلنا لبيتنا الجديد ... واحنا في معزل عن الناس ...
ما نشوف الفعاليات هدي الا لما نروح لجدتي :301:



12 - أخيراً .. نصيحة تقدمها لكل صائم :SMIL:
انصح نفسي قبل ما انصح اي احد ...
يا نفسي رمضان بالسنه مره .... اكسبيه قد ما تقدري ....
دا مو طلب يا نفسي .. دا امر .... كسبنا انا وانتي يا نفسي كتير من الخطايا ورمضان فرصــة ...
يا نفسي اخشعي واخضعي وانتظري ليلة القدر .. وادعي والجأي لحبيبك اللي خلقك ...
يارب ارزقني الخشوع .. يارب ارزقني خشيتك سرآ وعلانية ...
والشي اللي نصحتو لنفسي ... انصحوا للكل
يسعدكم ربي ويارب يكون رمضان خير وبركة ع الجميع
كل سنه وانتوا اخوة وطيبين واحباب
/



وكل سنه وأنتِ لدرر حبيبه :)
شكراً لتجاوبك الجميل ..




.

[عمر باعقيل]

ست البنات
امولة خانوم
يومك جميل كجمال اخلاقك
http://www.hdrmut.net/vb/imgcache/2/44643alsh3er.jpg

كنت مدمن عليه ولمن ارجع من المدرسة متاخر كنت ابكي عشان بابا فرحان خلص
يااااااااااااااه ياموله فين رمضان زمان والله له طعم كل شيء كان احلى الفرفيرة الطراطيع الكوره وزي ماقلتي رمضان بالحواري احلى كنت العب دروي كورة قدم كنا نلعب وقت العصر شيء مرررررره حماس معليش طولت بس انتي السبب لانك فكرتيني بالزمن الجميل

[سارونه]

http://img165.imageshack.us/img165/7448/14215cx7.gif




الله يقبل منا ومنك ياأمل

يوم خفيف وممتع

[mouffaq]

لي عووودة إن شاء الله

موفق

[To0ofy]

اهلا بأموووله

نصيحتك لنفسك مره أثرت بنفسي

يارب ..

بالنسبة لبابا فرحان

كان حبي وعشقي

كنت ابكي بكا لما ما اشوفه

وكان في بنت صغيره تجي بأول اجزاءه كان خالاتي يشبهوني فيها

لما كنت صغيره 4 سنوات <<<<كنت انشكح

يااااه ايام

من جد على سيرة الطنطاوي الله يرحمه كان له طعم خاص

حتى أغنية طاش ماطش زمان كنت احبها

لماا كنا صغار انا واخويا على طاش 2 كان دايما يترقص عالاغنية

مدري احس 3 ارباع وراعين جيل طاش اللي نولدو بسنتها يترقصوا ويتعلموا الرقص على طاش ماطاش

يومك حلو وبسيط زيك يا اموووره

عقبال ماتعلميني الطبخ :)

[الفقيره الى ربها]

امولة لقائك مررررة حلووو

بابا فرحان رهيييب خاص لو تتذكري حلقة سندرلا روووعة وكانت الجزمة لــ ام الخير:262:

وتسلمين على النصائح الحلوة ياحلوه|238|

[مريوم }..]

أموولة روووووووعه يا بنت
استمتعت جداً جداً وجدن الجد كمان :drr05_19: << كيف ما بدك تفهميها افهميهــا :drr05_19:


يعني حتى بأيام المدارس ومافيه رمضان كنت اشيل الزمزمية ... بس مو معبيتها مويا ... معبيتها عصير توت :161::drr05_22: ويوم الأبلة تسألك يا أمل ايش تشربي وسط الدررس
تقولي أشرب مويه وإنتي من الصوب الثاني تقرقرين عصير توت هــا :287: :287: :287:

وشسمه الطراطيع هو الشلللق <<الالعاب النارية هــأ |411|
زينا يا بنت |391|
تصدقين أول ما قريت طراطيع جا ع بالي طيطااار :005: " زهيوي " " بريعصي " مدري ايش تسمونه اختاري واحد من الثلاثة .,,
قلت أخوها ايش بيسوي في الطيطار |408| بعدين استوعبت حضرتي ,,
شوفي :)




http://fc03.deviantart.net/fs70/f/2010/238/f/e/SHLG_SHAHR_AL5ER_by_MariOmz.pn g

\\

http://fc04.deviantart.net/fs71/f/2010/235/e/7/shlg____Fireworks____by_MariOm z.png





والمدفع المدفع نسمع صوته من بيتنــا :mo13: ,,
والله يخبببل أحبببه أحس صدق في محافظة على العادات والتقاليد وأيام الأجداد |467| ,,

وكذه يا أمولة شكراً ع النصيحه ربي يطول بعمررك
ولا خلينـــا منك يا أموووله
|238| |238|

[نوفل87]

وعليكم السلام ورحمة الله وبركاته
بسم الله الرحمن الرحيم
شكرا اختي اموله على مشاركتنا افكارك ونصائحك

[يحي]

ربي يسعدك في الدنيا والاخرة ؟؟؟ كتب الله اجـــــــــــرك ورفع قدرك:265:

[نبض العلم]

ياسلاااااااااام على الروقان واقتناص الفرص فرضا الرحمن

أغبطك ياأمولة على حرصك الشديد


الله يجعلنا واياكم من المقبولين والمقبولات يارب وعتقاءه هذا الشهر

مرة أسعدني أقرأ كلامك حاسة إني جالسة قدامك وانت عمالة تتكلمي

تقبلي تحياتي أمولة

[صدق الوفاء]

شفت التحويلة برا >> زقاق الأشرار :drr05_81:
دخلت ابغى :drr05_43:

لكن شفت صورة الجواز
طلع دبلوماسي يحمل اعلى مراتب الحصانة
7
7
http://up.arab-x.com/Oct09/tOb02610.jpg

لا إله إلا الله

اللهم اغفر له و ارحمة و اجزء عنا خير الجزاء

لا زلت إلى الأن استمتع بالإستماع اليه و لا امل حديثه
,
الله يذكرك بالشهادة يا شيخه

اتاريك طلعتي من ايام الصيدليات المناوبة هذا المساء :drr05_17:
ترا ما حشيت ولا علقت علشان الصورة :236:
اعرفك شريرة اخاف تحطيها توقيع بعدين

:216:
من يومك كبيرة يا اموله

الله يحفظك و يبارك فيك وفي علمك و عملك
صدق الوفاء

[همس الورد]

قرئت الموضوع ودوبي جايه ارد
معليش

طراطيع بصراحه اخاف منها مرررررررررره
ولا بابا فرحان اخر مره شفته فيها كنت 3 او 4 ابتدائي كنت صغنونه حق الجزيره تتذكريها ؟؟
والبليله والحاره انت وزادي شكله كانت ايامكم حلوه نفسي اسكن في حاره واشوف الناس كيف تتزاور وكيف رمضانها وعيدها

الله يعينك اموله ويوفقك يارب
ليا طلب
لمن ازورك في املج سوي لي مسقعه ترى احبها ومشكلتي مازبطها

استمتعت والله بس معليش تاخرت كل مره اقول حارد ويجي شي ينسيني

[طائر الدرر]

وتلاقيني واقفه وحاطه يدي على خصري ,, استناهم يخلصوا اكل عشان اشيل السفره ...



ههههههههههههههههه

اتخيلت شكلك وانتي كذا .. تووووحفه

يوم جميل أختي اموول يعطيك العافية

[نسمة رضا]

صفحــآت ممتعــة مع اموله ربي يحفظها

[zadi]

_____________________


مدري ... بس ماعندي اي انطباع عنو ... بعيد عنك ذاكرتي مو قويه للأسف ...
بس افتكر كنت من وانا طفلة وعمري 4 سنين وانا احب احضّر السفرة ...
وتلاقيني واقفه وحاطه يدي على خصري ,, استناهم يخلصوا اكل عشان اشيل السفره ...
ما ابغى الشغاله تسبقني وتشيلها ... << غاويه تعب وكرف ...
... كنت احب اسمع صوت المدفع... بس دحين ما اسمعو :(

س 1 : أذكر كم مرة تكررت كلمة بس في القطعة أعلاه ؟



- موقف طريف حدث لك في رمضان ؟
طريف؟؟؟ ما ادري اذا كان الموقف طريف .. بس مره برمضان قبل سنيتن .. كنت قاعده اطبخ ...
ونسيت اني صااااااايمه وقاعده اكل .. طايحه في التبوله ... دخلوا عليا اخواتي وانا آكل ...
لما شفت الفجعه والصاعقه على وجيههم ... انتبهت اني فطرت :333:

( كثري منها هههههههههههههه نسيتي إيييييييييييييه بسيطة أتمضمضي وأصطغفري وكملي :245:


- برأيك كيف نستطيع أن نستثمر وقتنا في رمضان مع كثرة مغريات الحياة ؟
مغريات الحياة ؟؟؟
وهيا الحياة دي فيها مغريات ؟..


هههههههههههههههه أرفعي الطرحة شوية عشان تشوفي وماطيحي :245:


10- فطورك كيف تفضله ؟
هههههههههه .. كيف يعني كيف افضّله . ؟ افضله بعد المغرب
عادي ما اتشرط ... اي شي متوفر يمشي حالو .. انا الحمدلله ماعندي مشكله مع اي صنف في الحياة :drr05_09:
ايوا صح ... احيانآ ع الساعه 10 نحط سفره .. من الاشياء اللي بقيت من الفطور ... يا شيخه رمضان حماس منجد
احس الاسره تتجمع فيه تجمع مو صاحي ماشاء الله |17|


هههههههههههههههههههه خليتيني أحس إن حياتك كلها سفرة في سفرة هههههههههه سفرة فطور وسفرة بعد الفطور وسفرة على الساعة عشرة للتشطيب على بقايا الفطور وسفرة ماقبل السحور وسفرة السحور ههههههههههههههههههه مدري إحس إنكم فاهمين رمضان غلط :233:



زمان ايّام ما كنّا ساكنين بالحارة القديمه ... كانوا اخواني وخيلاني مع شباب الحارة ... يلعبوا فرفيرة عند باب العمارة :135:
دا غير كشك البليلة اللي يسويه ولد الجيران ...:drr05_68:
رمضان بالحارة طعموا غير ... بس من يوم نقلنا لبيتنا الجديد ... واحنا في معزل عن الناس ...
ما نشوف الفعاليات هدي الا لما نروح لجدتي :301:


الله على الكلام الحلو ,,, إي والله صادقة , من يوم سبنا الحارات وحنا في علب أو براميل مسكرة علينا والواحد كأنه آلة ,,, حالة تقهر |119|

_____________________


إستمتعنا يا كوتشة :245:

( كوتشة تأنيث كوتش إللي هو معناها مدرب كورة :131: لاتفهميها غلط ونروح وطي معاك :134: )

[يحيى الفقير]

**



يا الله زمان كان كل شي له طعم خاص ... حتى القناة السعودية الاولى ... كنت احب اتفرج على
الشيخ الطنطاوي الله يرحمه ويذكرة بالخير والله كل ما اتذكره تخنقني العبرة


"ايام زمان كانت ايام فقر وقلة لكنها كانت مغمورة بالبساطة والسعادة"...

**

مغريات الحياة ؟؟؟ وهيا الحياة دي فيها مغريات ؟..
المغريات ما يشوفها الا اللي يبغى يشوفها ..

(كلام كلو حكم )



**

افضله بعد المغرب
عادي ما اتشرط ... اي شي متوفر يمشي حالو .. انا الحمدلله ماعندي مشكله مع اي صنف في الحياة :drr05_09:
ايوا صح ... احيانآ ع الساعه 10 نحط سفره .. من الاشياء اللي بقيت من الفطور ... يا شيخه رمضان حماس منجد
احس الاسره تتجمع فيه تجمع مو صاحي ماشاء الله |17|

( وزمان كمان كنا نجتمع اكثر ما كان في تكنلوجيا )


**
حضور الختمه في الحرم ... ما استغني عنو ابدآ بتاتآ البته :219:
زي ما قلت بالسؤال اللي قبل دا ( العشا ع الساعه 10 )
و زيارة ( جدتي ) حبيبتي لااااااازم ... اصلآ كل بعد يومين نآخد فطورنا ونفطر عندها ...
وكمان ( الطراطيع ) .... اخويا الصغير لازم يشتري طراطيع وحماس :245:
زمان ايّام ما كنّا ساكنين بالحارة القديمه ... كانوا اخواني وخيلاني مع شباب الحارة ... يلعبوا فرفيرة عند باب العمارة :135:
دا غير كشك البليلة اللي يسويه ولد الجيران ...:drr05_68:
رمضان بالحارة طعموا غير ... بس من يوم نقلنا لبيتنا الجديد ... واحنا في معزل عن الناس ...
ما نشوف الفعاليات هدي الا لما نروح لجدتي :301:

( بنلف وبندور ونرجع لايام زمان .....والله احلى )



**
انصح نفسي قبل ما انصح اي احد ...
يا نفسي رمضان بالسنه مره .... اكسبيه قد ما تقدري ....
دا مو طلب يا نفسي .. دا امر .... كسبنا انا وانتي يا نفسي كتير من الخطايا ورمضان فرصــة ...
يا نفسي اخشعي واخضعي وانتظري ليلة القدر .. وادعي والجأي لحبيبك اللي خلقك ...
يارب ارزقني الخشوع .. يارب ارزقني خشيتك سرآ وعلانية ...
والشي اللي نصحتو لنفسي ... انصحوا للكل
يسعدكم ربي ويارب يكون رمضان خير وبركة ع الجميع
كل سنه وانتوا اخوة وطيبين واحباب


امين



.



يوم جميل وبالتوفيق

[حبيبة ابوها]

ماشاء اللـه عليك أموله .. أهنيك واللـه
صدق جو رمضاااني ()

مررررررره حسيت نفسي غبيه .... ومره حرقت يدي وانا قاعده اقلي ...:178:
عاد أناا أكررره الزييت .. يوم أقلى أحس إني بطله :drr05_19:
وو سلامة يدك ..
بس من زمااان ما سمعت وحده تقول أحب الطبخ ذذ
الله يثبتك ويزيدك حب :005:

أما " بابا فرحان " صدق ذكريااات
أتذكر وحده نسميها أم الخير وتعصصب عليناا :drr05_19:
..
ربي يحفظك ويعيده عليك وأنتِ بصحة وسلامـه ..
وشكراً رحيق =)