To0ofy
17-08-2010, 02:04 AM
السلام عليكم ورحمة الله وبركاته
رمضان كريم علينا وعليكم
لقاء اليوم مع الغالية الأمورة مريوم
http://www.dorarr.ws/forum/image.php?u=65367&dateline=1281209745
...
السلام عليــكم ورحمة الله وبركاته
مبارك عليك الشهر ؛ يسعدنا تشريفك في مقابلتنا الرمضانيه البسيطه ..
وأتمنى السرعه في الرد ^^
وعليكم السلام ورحمة الله وبركاته
علينا وعليكم عزيزتي رحيق اسأل الله أن يجعلنا من صوامه وقوامه
رحيييييق :178: ما أحب المقابلات
بسم الله
1- متى بدأت الصيام ؟
بدأت الصيام ولله الحمد يوم كان عمري 10 أو 11 سنه تقريباً
2- كيف كان صيام طفولتك ؟
كان ملخبط تقريباً كنا نقوم نتسحر مع الأهل ونصوم لين الغدى ونتغدى وبعدها نصوم
لين العصر وناكل شيء خفيف وأخيراً نصوم لين الأذان :201: << جمعت لأنا كنا مجموعه أطفال ويا بعض
وبعد 11 بديت أصوم صيام والحمدلله
3- موقف طريف حدث لك في رمضان ؟
هذا الموقف صار معاي يوم كنت صف رابع ابتدائي :150: كنت اتضارب مع أختي وأقولها أنا أقدر أصوم اليوم كامل , وتحدينا بعض وهي متأكدة إني ما أقدر أصومه وهذا الشيء نرفزني فقررت أصوم وأراويها كيف بصومه , رحت المدرسة وطبعاً جا وقت الفسحة والبنات بدؤوا ياكلون وأنا أشوفهم وميته من الجوع أبي آكل شيء
وحدة من البنات قالت لي يلا نروح نشتري ، طبعا ما قدرت استحمل رحت أشتريت وقلت في نفسي إني بقول حق أختي إني ما فطرت .. كلت نص السندويشة وخليت نصها في الشنطة
ورجعنا البيت ونمنا وصار العصر وبعدين أذن المغرب وأنا أوني صايمه يمدحوني وأنا مستانسة لا ضمير يأنبني ولا شيء
وبعد الصلاه جيت بفتح الشنطة وأختي جالسة عندي شفت الشنطة كلها نمل :209: على كتبي وعلى أقلامي وفي مقلمتي
استغربت من وين جا النمل !! وأنا اطلع كتبي شفت السندويشة اللي كلتها كلها نمل هههه طبعاً عشان اختي ما تعرف إني فطرت ركضت برع البيت وفي ايدي الحقيبة ورحت لأبعد زباله - أكرمكم الله - ورميتها فيها ,, الله ما يضرب بعصى فطرت وكذبت وشوفوا شو صار فيني وفي شنطتي
4- أذكر لنا نظامك مبسطاً في رمضان ؟
نقوم ان شاء الله للسحور وبعد السحور أقرأ جزء أو جزئين أو أكثر من القرآن
لأني أبي أختم أكثر عن ختمة برقد لين صلاه الظهر وبعد الظهر بشوف التلفزيون اذا في برامج حلوة وبعد صلاة العصر بقرأ قرآن ، ان شاء الله بعد كل فرض بقرأ ولو كان شيء بسيط وبعدين العصر نتجمع نحن البنات في المطبخ ونساعد الأم :drr05_32: ونقعد فترة تقريباً لين قبل أذان المغرب بشويه , وبعد الفطور العائلة تتجمع ونقعد سوالف وبقعد معاهم أكيد وبعدين نروح نصلي التراويييح وبعد التراويح بيتنا يصير فندق من كل صوب يتجمعون عندنا ولله الحمد وكذا خلص اليوم
5- مخططاتك في الشهر الفضيل ؟
أخطط أن جعله بفضل الله أفضل من رمضان الماضي
6- هل تحافظ على صلاة التراويح والقيام ؟
نعم والحمدلله
7- هل أنت من متابعين التلفاز برمضان بشغف ؟
لا، ولكن أتابع البرامج الدينية والمحاضرات ونادرا ما أتابع المسلسلات
8- برأيك كيف نستطيع أن نستثمر وقتنا في رمضان مع كثرة مغريات الحياة ؟
أولاً لا نسهر الليل ولا نرقد النهار
وبعدين ما نضيع كل الوقت على مسلسلات التلفاز والبرامج اللي ما منها فايدة
ننظم الوقت وقت لقراءة القران والأفضل أن تكون بعد صلاة الفجر يكون هدوء ونقدر نخلص أكثر من جزء ووقت للطبخ ووقت للجلسة مع العائلة مثلاً ووقت للنوم والراحه ..
يعني كل شيء بيجي بالتنظيم ان شاء الله
9- أكلتك المفضلة في رمضان ؟ " مع وصفها بشكل مبسّط "
ممم عاد يوم تجلسين ع السفرة ما تعرفين شو تاكلين :150:
أحب كل شيء بس أفضل اللقيمات
كيف اوصفها الحين " كور كور من العجيين عليها دبس أو شيرا أو كيف ما تبونه :SMIL: "
10- فطورك كيف تفضله ؟
أفضل الفطور الخفيف عشان اقدر اتحرك بعدين :287:
11- عادات لا تتخلون عنها في رمضان ؟
الجلسة مع العائلة بعد صلاة المغرب
12 - أخيراً .. نصيحة تقدمها لكل صائم :SMIL:
جعل رمضان شهر للطاعه يقربنا لله تعالى لا للمعصية..
وعدم تضييع الوقت على التلفاز وأشياء ما تنفعنـأا
والحفاظ على الصلوات وصلاة التراويح
وختم القرآن ولو ختمة واحدة
وعند الافطار اتبعوا السنة وفطروا ع التمر والرطب
وكثروا من الدعــآأء واجتهدوا في الطاعات
والله يتقبل
***
شكرا ياعسل عالمشاركة الحلوة :)
رمضان كريم علينا وعليكم
لقاء اليوم مع الغالية الأمورة مريوم
http://www.dorarr.ws/forum/image.php?u=65367&dateline=1281209745
...
السلام عليــكم ورحمة الله وبركاته
مبارك عليك الشهر ؛ يسعدنا تشريفك في مقابلتنا الرمضانيه البسيطه ..
وأتمنى السرعه في الرد ^^
وعليكم السلام ورحمة الله وبركاته
علينا وعليكم عزيزتي رحيق اسأل الله أن يجعلنا من صوامه وقوامه
رحيييييق :178: ما أحب المقابلات
بسم الله
1- متى بدأت الصيام ؟
بدأت الصيام ولله الحمد يوم كان عمري 10 أو 11 سنه تقريباً
2- كيف كان صيام طفولتك ؟
كان ملخبط تقريباً كنا نقوم نتسحر مع الأهل ونصوم لين الغدى ونتغدى وبعدها نصوم
لين العصر وناكل شيء خفيف وأخيراً نصوم لين الأذان :201: << جمعت لأنا كنا مجموعه أطفال ويا بعض
وبعد 11 بديت أصوم صيام والحمدلله
3- موقف طريف حدث لك في رمضان ؟
هذا الموقف صار معاي يوم كنت صف رابع ابتدائي :150: كنت اتضارب مع أختي وأقولها أنا أقدر أصوم اليوم كامل , وتحدينا بعض وهي متأكدة إني ما أقدر أصومه وهذا الشيء نرفزني فقررت أصوم وأراويها كيف بصومه , رحت المدرسة وطبعاً جا وقت الفسحة والبنات بدؤوا ياكلون وأنا أشوفهم وميته من الجوع أبي آكل شيء
وحدة من البنات قالت لي يلا نروح نشتري ، طبعا ما قدرت استحمل رحت أشتريت وقلت في نفسي إني بقول حق أختي إني ما فطرت .. كلت نص السندويشة وخليت نصها في الشنطة
ورجعنا البيت ونمنا وصار العصر وبعدين أذن المغرب وأنا أوني صايمه يمدحوني وأنا مستانسة لا ضمير يأنبني ولا شيء
وبعد الصلاه جيت بفتح الشنطة وأختي جالسة عندي شفت الشنطة كلها نمل :209: على كتبي وعلى أقلامي وفي مقلمتي
استغربت من وين جا النمل !! وأنا اطلع كتبي شفت السندويشة اللي كلتها كلها نمل هههه طبعاً عشان اختي ما تعرف إني فطرت ركضت برع البيت وفي ايدي الحقيبة ورحت لأبعد زباله - أكرمكم الله - ورميتها فيها ,, الله ما يضرب بعصى فطرت وكذبت وشوفوا شو صار فيني وفي شنطتي
4- أذكر لنا نظامك مبسطاً في رمضان ؟
نقوم ان شاء الله للسحور وبعد السحور أقرأ جزء أو جزئين أو أكثر من القرآن
لأني أبي أختم أكثر عن ختمة برقد لين صلاه الظهر وبعد الظهر بشوف التلفزيون اذا في برامج حلوة وبعد صلاة العصر بقرأ قرآن ، ان شاء الله بعد كل فرض بقرأ ولو كان شيء بسيط وبعدين العصر نتجمع نحن البنات في المطبخ ونساعد الأم :drr05_32: ونقعد فترة تقريباً لين قبل أذان المغرب بشويه , وبعد الفطور العائلة تتجمع ونقعد سوالف وبقعد معاهم أكيد وبعدين نروح نصلي التراويييح وبعد التراويح بيتنا يصير فندق من كل صوب يتجمعون عندنا ولله الحمد وكذا خلص اليوم
5- مخططاتك في الشهر الفضيل ؟
أخطط أن جعله بفضل الله أفضل من رمضان الماضي
6- هل تحافظ على صلاة التراويح والقيام ؟
نعم والحمدلله
7- هل أنت من متابعين التلفاز برمضان بشغف ؟
لا، ولكن أتابع البرامج الدينية والمحاضرات ونادرا ما أتابع المسلسلات
8- برأيك كيف نستطيع أن نستثمر وقتنا في رمضان مع كثرة مغريات الحياة ؟
أولاً لا نسهر الليل ولا نرقد النهار
وبعدين ما نضيع كل الوقت على مسلسلات التلفاز والبرامج اللي ما منها فايدة
ننظم الوقت وقت لقراءة القران والأفضل أن تكون بعد صلاة الفجر يكون هدوء ونقدر نخلص أكثر من جزء ووقت للطبخ ووقت للجلسة مع العائلة مثلاً ووقت للنوم والراحه ..
يعني كل شيء بيجي بالتنظيم ان شاء الله
9- أكلتك المفضلة في رمضان ؟ " مع وصفها بشكل مبسّط "
ممم عاد يوم تجلسين ع السفرة ما تعرفين شو تاكلين :150:
أحب كل شيء بس أفضل اللقيمات
كيف اوصفها الحين " كور كور من العجيين عليها دبس أو شيرا أو كيف ما تبونه :SMIL: "
10- فطورك كيف تفضله ؟
أفضل الفطور الخفيف عشان اقدر اتحرك بعدين :287:
11- عادات لا تتخلون عنها في رمضان ؟
الجلسة مع العائلة بعد صلاة المغرب
12 - أخيراً .. نصيحة تقدمها لكل صائم :SMIL:
جعل رمضان شهر للطاعه يقربنا لله تعالى لا للمعصية..
وعدم تضييع الوقت على التلفاز وأشياء ما تنفعنـأا
والحفاظ على الصلوات وصلاة التراويح
وختم القرآن ولو ختمة واحدة
وعند الافطار اتبعوا السنة وفطروا ع التمر والرطب
وكثروا من الدعــآأء واجتهدوا في الطاعات
والله يتقبل
***
شكرا ياعسل عالمشاركة الحلوة :)