مشاهدة النسخة كاملة : __ (( هام ـ عتب من قلب محب )) __
___________________________
السلام عليكم ورحمة الله وبركاته ,,,
أعذروني أحبائي مقدماً إن كان في كلامي الآتي بعض الحدة ,,,
الحقيقة فاض بي الوضع ,,,
خلوني أتكلم بلهجة عامية ,,,
ياجماعة , إيش صاير فيكم ؟
وين الناس ؟
المنتدى بصفة عامة نايم ,,, ليه ؟
راح تقولون إجازة وما إجازة , أقولكم خلو عنكم هالكلام لأنه قديم وممل وشماعة عفى عليها الزمن ,,,
خلونا نحسبها , مين من الأعضاء المعروفين بتواجدهم الدائم في إجازة الآن ؟ صدقوني ينعدون على أصابع اليد الواحدة , وماودي أثبتلكم كلامي وراح أتركلكم الحساب والعد .
ياجماعة بغض النظر عن مجموعة ( فشيخة البرامج ) على قولة توفي , فهذولي خلاص يئسنا منهم , وكان فيه حل أجبرهم على المشاركات , لكن ويش نسوي في قلب عمدتنا الرهيف , رجع الوضع لما كان عليه وهم أستفادوا ولكن المنتدى ما أستفاد منهم ,,,
عموماً , خلوني أتكلم عن بعض النقاط , وأولها الإدارة ,,,
يا أخوانا , يا إدارة ,,, ياجماعة والله مايصير , شوفولكم حل أو شوفولنا حل في أنفسنا وأنفسكم ,,,
أبا أسألكم سؤال محدد : بالله عليكم ويش هو دوركم بالضبط ؟ :233:
إن كان على مابأشوف من ناحية المخالفات وأشياء بسيطة جداً لايمكن إنها تكون مهمة أو من مهمات عضو إدارة , فأسمحولي أقولكم : جهدكم مشكور , ودمتم .
ويش عندكم شي ثاني ؟
ياجماعة مايصير , إن تحركتوا إنتم تحرك المنتدى , وإن زي ماهو وضعكم الآن , قل على الدنيا السلام ,,,
يا أخوان , ويا أخوات , ترا خلني أقولها بصراحة شديدة ويزعل من يزعل ويرضى من يرضى ,,, المنتدى داخل على مرحلة إحتضاااااااااااار , تفهمون ويش يعني إحتضار ؟؟؟
لامواضيع عليها الكلام , لامناقشات , لا أفكار , لاجهد واضح , ولاشي ,,,
أنا قلت من البداية لحد يزعل مني , وإني والله العظيم الكريم في سماه , مالي غرض ولافي قلبي شي أخفيه غير الكلام إللي هنا ,,, لكن الوضع أصبح غير قابل للتحمل ,,,
وين التحفيز للأعضاء يا إدارة ؟؟؟
يا أخوانا بالله عليكم فكروا في أمور أكبر من حكاية 50 و 100 ريال بطاقة شحن وكلام فاضي ,,, خلاص , كبرنا على هالأمور ,,,
مشرفاتنا الكريمات الحبيبات رحيق وتوفي ,,, وأسمحولي أقولكم حبيبات لأن الله وحده يعلم ويشهد بحبكم في قلبي , حب أخوة , حب في الله ,,, وين نشاطكم عن الإستراحة ؟
ويش عملتوا شيئ مميز في الإستراحة ؟
الإستراحة روح وقلب المنتدى , لو تحركت أتحرك المنتدى ,,, لو نامت مثل ماهي الآن , أقري على بقية الأقسام السلام ,,,
ياجماعة , خلاص من حكاية المسابقات !!! هو مافي في فكر أي أحد غير مسابقة ؟؟؟ المسابقات أصبحت بعد قوقل مالها أي طعم ولافيها أي جهد ولاتدل على ثقافة الفرد أو فكره أو توجهه ,,, أي شي أجيبه من قوقل بطرف الأصباع ,,,
فكروا في شي جديد ,,, شيئ مفيد ويحفز الفكر على المشاركة والمناقشات ,,, أعطوني آخر 3 مواضيع لكل وحدة فيكم تكون فعلاً من العيار الثقيل أو على الأقل كان لها صدى واضح !!!
المسابقات إللى عملتوها ok بس إلى جانب هالمسابقات لازم يظهر نشاطكم في المنتدى ,,,
طيف , درة الخواطر في كثير من المنتديات عادة تكون شعلة ,,, الناس كلها صاروا حبيبة وعندهم مشاكل عاطفية ينفسوا عنها بالخواطر ,,, وين درتنا من بقية المواقع ؟؟؟ no thing آسف إني أقول هذا الكلام , لكن هذي الحقيقة ,,, ممكن تقولي إنه مافي مشاركات من الأعضاء , صح , أنا معاك , لكن إنتي وين نشاطك ؟ وين أفكارك ؟ وين خطتك لبدء الألف ميل بخطوة ؟
الله يحفظكم ياطيف ورحيق وتوفي لاتزعلوا مني , أقسم بالله إن كلامي هذا من عتب لا أقل ولا أكثر ,,, وإن شي في نفسكم من ناحيتي , أستحلفكم بالله العظيم إنكم تسامحوني وأنا أقدم اسفي وإعتذاري لكم وحدة وحدة ,,, يمكن قاعد أكتب في وقت ضاقت فيها نفسي من الوضع , ويمكن تكون هي هذي الحقيقة ,,,
أبو فهد , ياسيدي , للحين أنا ماني شايفلك دور ظاهر ,,, خلنا من الأدوارالمخفية , بس وينك إنت ؟؟؟
قبل فترة كانت في مشادة مع الأخ الكاسر ,,, صح هو تجاوز بعض الأحيان الحد , لكن قال كلمة مسكت معاي , قال ( يا أبو فهد إنت محتاج للناس ) في أول مداخلاته ,,, صح ,,, إنت وأنا والكل محتاج للكل ,,, لانتعالى ونترفع عن هذي الحقيقة ,,,
من الجيل القديم , فيه ناس يجوا ويروحو بهدوء , بس دا دليل على إن العشرة ماهانت عليهم ,,, إدرارا ,,, جف البحر , أرسطو , عابدة لله , دولي ,,, تصور دولي جات في الإهداءآت قالت السلام عليكم مالقيت أحد رد عليها !!!
أبو فهد , حنا اليوم بنقفل شهر 7 ميلادي , وموضوع المتميزون في شهر مايو لازال مثبت في التواصل !!! طب وين المتميزون في شهر 6 ؟؟؟ ويش ذا الملل ؟؟؟
أبو فهد , في موضوع الإقتراحات وتغيير الستايل , لو إنه قنبلة هيدروجينية كان مدانا صنعناها ورميناها على إسرائيل وأرتحنا !!! يارجل ,,, أصلاً موضوع الستايل والألوان ماهو بذاك الموضوع إللي يستحق إقتراحات ومشاورات وأخذ وعطا وكلام لايودي ولايجيب ,,, هل يوم بدأنا في المنتدى أخذت رأي أي عضو في الستايل والألوان ؟؟؟ لأ طبعاً , طب إيش المانع إنه يصير بنفس الشكل وتمشي العملية ,,, لأنها مو بذات أهمية , أنا ويش يهمني إن اللون أحمر أو أخضر أو حتى برتكاني ,,, المهم الجوهر ,,,, المفترض إنه يكون فيه تحديث كل فترة في الميزات , في المشرفين , في الأقسام , في الأمور الرئيسية بشكل عام ,,,
ياخي من كام سنة , والوضع مثل ماهو عليه ,,, مامن جديد ؟ وإذا فيه جديد ياريت أعرفه أو تذكرني بيه ,,,
لاتزعل مني يا أبو فهد , والله ومن رفعها سبع وحطها سبع إني أقول هالكلام من قلب محب وغيور , إللي يصدق يصدق وإللي مايصدق يضرب راصه في أقرب حيطة ,,, أنا تاريخي وعلاقتي بالمكان وأهله تعطيني الحق الكامل إني أعبر عن رأي , أنا ماجت أول أمس وسجلت وقاعد أتفلسلف , لأ ,,, أرجوك , لأني أحبك وأعزك وأقدرك , حاول تفهمني ,,,
نجي لحضرات الأعضاء ,,,
وأولهم وعلى رأسهم أنا ,,, قسم بالله مقصرين ,,,
وين نشاطكم ؟
خلاص ياجماعة , شبعنا من الكلمتين السمجة إللي تقول مشكور أو تعليقات تفضح فكر صاحبها , وماودي أدخل في الموضوع الكلمات إللي تقول جزاك الله خير أو بارك الله فيك ,,, أوكي قول جزاك الله خير , بس بعد ماتشارك في صلب الموضوع ,,, ياخي أكتب , تعلم , مو عيب , ماحد ولد متعلم , ولا إنشتاين ولد من بطن أمه إنشتاين , ولاحتى ولد عمه أديسون ولد وهو أديسون ,,,
إما مواضيع مكررة , عفى عليها الزمن , أو مواضيع قص ولصق ,,, لكن أحد يشغل فكره ويطلع مجهوده , مافي للأسف الشديد ,,, وهذا والله مو تقليل منكم , لكن هذي حقيقة تنطبق على الكثير ,,, ومثل ماقلت في الأول , حتى أنا نفسي تنطبق علي ,,, ولذلك هذا هو حال المنتدى ,,, وبالذات الإستراحة , تلاقي آخر مواضيعها له حول الشهر !!!
ياريت ياجماعة , نبدأ من جديد , نفكر في أفكار عملية جديدة خاصة بينا , بالدرر, نحاول نطبق , نبذل جهد ,,, المطلوب هو بس إن الواحد يعصر شوي في مخه ويطلع لو ربع كيلو إبداع , يكفي !!! خل الباقي له ولمستقبله ,,,
ما أدري , أنا قلت ماعندي , ما أشعر به , وماحسيت به في لحظة , بس بعد مافااااااض بي ,,, وأعتذر مرة ثانية , وثالثة كمان ,,, لكل من كلمته هنا , وأكرر إني والله لو ما أحب هالمكان وأهل هالمكان , كان قسم بالله ماهمني ولاكتبت كلمة وحدة .
_________________
والكلمة لكم ,,,
ابوفهد
23-07-2010, 12:35 AM
الغالي أبا عبدالله
وعليكم السلام ورحمة الله وبركاته
قبل كل شيء الحمد لله على سلامة عودتكم من الإجازة
أرجو أن أنها كانت إجازة سعيدة مع العائلة الكريمة
أبا عبدالله الحبيب
لافض فوك ورحم الله أمك وأبوك اللذين ربوك وحفظكم الله لي وللدرر
ورب البيت ما قلته هو الدرر ومعكم كل الحق وليس هناك داع للإعتذار من أحد
فالحق أحق أن يقال لأي كائن كان وأنا أولكم
لي عودة إن شاء الرحمن للتفصيل فالأمر يحتاج لمخمخة
دمتم بخير
*amula_beauty*
23-07-2010, 03:16 AM
صباحك سكر يا خالي العزيز
الله يعطيك العافية ...
انا ماراح اتكلم عن النشاط في المنتدى ولا عن المواضيع
راح اتكلم عن النقطه اللي تهمني وبس
ايش هيا ؟؟؟
( العــشرة كيف تهون ) !!!
يعني منجد أنا شفت اهداء ( دوللي ) والله قاعدة انتظر اي احد يرد !!
يعلّق , يقول اي شي ....
ولا حياة لمن تنادي !!!!
يعني حطيت نفسي مكانها ... حاجه تحزن وتخلي الواحد يندم على كل لحظه قضاها هنا ..!
وشي تاني ...
جف البحر !!!
يعني ما ادري ايش اقولكم .. قد ايه دا الانسان طيب وقلبو كبير
دخل الدرر ... بعد غياب ..
ونزّل خاطرتين ...
ما احد رحّب فيه الا ( انا وتوفي ) قولوا توفي من اهل البيت ...
انا لا تحسبوني ... صحيح احب الدرر ... لكن بقرارة نفسي عارفه انو هنا ( مافي عشرة تتقدّر)
ابوفهد انا احترمك والله واعزّك ...
ولا تشوف انو كلامي هجوم لا والله مو هجوم
ايش فيها لو رحبت بجف البحر ترحيب يليق فيه كأحد أعلام الدرر ؟
مو بس حضرتك ,, انتا وافراد الادراه ... وباك شدو والمحيا
ليه دا الانسان ما احد مقدّره وما احد معطيه حقه ؟؟ :301:
ليه دايمآ مُهاجم ؟
انا قاعده اقيس على هذا الموضوع
خسارتهم والله خساره كبيره ...
وبس
يسعدكم ربي ... والله المنتدى دا حلو وكبير وما احد يختلف على قيمته ...
وانا اوّل وحده انقهرت وزعلت لما المنتدى اتهكّر امس
وصحيح احنا بشر نخطئ ونسوي اشياء تكون غير اللي نفسنا نسويه وتنفهم احيايانآ غلط
بس منجد ... لازم تكسبوهم من جديد
<< احس ابو فهد بيقتلني ... :243:
مشي حالك يا ابو فهد ... اتحملني وسامحني
يسعدك ربي
وسامحني يا خالي لأني دايمآ اجيب العيد ... بس ما اقدر ... اللي بقلبي لازم ينقال
:174:
» رَحيْـقّ "
23-07-2010, 03:20 AM
زادي /
والله كلامك صحيييح وبالعكس لا زعل ولا غيره حتى أنا حاسه بالخمول اللي يعيشه الدرر ,
بس ايش نسوي إذا مالقينا تشجيع ؟ صحيح أنا مشرفه والمفروض أتحمل بس برضو أنا إنسان وأحس بإحباط إذا مالقيت تفاعل !!
يعلم الله إني أحاول قد ماأقدر أرد على المواضيع حتى أحرك الجو بس الموضوع نفسه ألاقيه فمكانه مايتحرك !
غصب الواحد يحبط إذا كان الناس من حوله نايمه حتى في مشكله اجتماعيه كتبت عن الإحباط و مالقيت منه إلا الإحبااط
على عيني وراسي إللي ردوا بس مو معقول منتدى كبير مثل الدرر ومايرد إلا 4 !
زادي المشكله إللي تشوفها حاسين فيها بس مافيه نشاط من الأعضاء يخليك تبدع
فكرت في مسابقه عن الحوار تقريباً شبيهه بفكرتك بس للأسف مالقيت تجاوب كبير مع المشكله إجتماعيه يعني طبيعي راح أحبّط , إذا ماتفاعلوا معاك بيتفاعلون معاي مثلاً ؟
أما حكاية المسابقات شوفة عينك حاولنا نغير في صيغة السؤال حتى مايصير كل الإعتماد على قوقل وجانا إعتراض !
أنا أشوف إن المسابقات ضروريه وماشيه بس عندنا مافيه تفاعل ..
برضو الدرر تفتقر الشباب "سواء بنات أو أولاد " أنا بوجهة نظري إن الشباب يعملوا جو بالمنتدى
وهنا أغلب المواضيع جديّه والمواضيع اللي تناسب الشباب والترفيهيه ماتعطوها إهتمام مثل درّة الترفيه بالله وين الاهتمام فيها ؟
مايمنع تعملوا مسابقات ومواضيع ممتعه بالترفيه مو ضروري الواحد يحصل على مشاركات الأهم يستمتع ويسوي جوّ !
الدرر تحتاج ترفيه ومواضيع فرفشيّه هي اللي تجذب الناس أكثر من الجديه لأنه الواحد يتفلسف وهو أصلاً مايطبق " طبعاً ماأعمم "
وأخيراً لا تنسى إن الناس بطلت حكاية المنتديات أغلبها فيس بوك و المواقع التعارفيه هذي ..
خلاص تعبت وأنا أهرج , بكرا يمكن أرجع لكم :)
ابو تركي 1976
23-07-2010, 07:01 AM
زادي الله يوفقك وتعجبني فيك الصراحة و الصدق
وما اقول غير
http://files02.arb-up.com/i/00134/dpaumrr3aeps.gif
ابوفهد
23-07-2010, 02:23 PM
السلام عليكم ورحمة الله وبركاته
معليش عدنا من جديد فقط لطلب التكرم من الجميع بالتفاعل مع الموضوع
عودتي التي أشرت إليها في الرد الأول قد تطول فأتمنى إستمرار التفاعل لحين عودتي
ما تفضلت به الغالية أمل ورحيق لا غبار عليه وفي الصميم
سوف أعود بعد ترتيب أوراقي إن شاء الله برد قوي وصريح بمعنى الكلمة
فإما أنه سيكون بداية عودة الدرر لإفضل مما كانت عليه سابقاً
أو أنه سيكون نهاية الدرر بلا رجعة
سيكون رداً هنا أو موضوع منفصل سيحتوى على كل ما كبته في صدري
وأتمنى أن يكون فيه خير لنا جميعاً
وأرجو الله عز وجل أن يكون عوناً لي على كتابته
كما أرجو الله جل جلاله أن لا يكون سبباً في زعل أحد صغيركم وكبيركم
ويعلم الله أنكم جميعاً كبار عندي في المقام والمقال
دمتم بخير
محمد المحيا
23-07-2010, 06:16 PM
هلا حبيبي ابو عبدالله
واحنا عاجزين عن شكرك على اقتراحاتك
كل سنة تنزل موضوع وتعصب لنا العمدة وترفعله السكر والضغط :)
شوف خليته اليوم يتكلم عن نهاية الدرر!!
من سنين واحنا نسمع كلمة "المنتدى يحتضر" لكن الحمد لله المنتدى عايش وروحه ماهي راضية تطلع :)
المنتدى يحتضر ويموت إذا ما كان يستفيد منه أحد.. لكن الحمد لله الدرر مازال يقدم أشياء مفيدة للأعضاء
ومعدل تسجيل الأعضاء الجدد عندنا جيد ومثل ما انت شايف تجاوز عدد الأعضاء 70 ألف عضو والحمد الله
وأكيد مافي شي يجبر الناس على التسجيل بالدرر لوما إنهم وجدوا فيه شيء يفيدهم
عندنا أشياء ما تلاقيها عند غيرنا بس يمكن لأنها خارج اهتماماتك عشان كذا ما تلاحظها لكن غيرك آلاف من الأعضاء يستفيد منها كل يوم
المشكلة أحياناً إنك تقارن بين الدرر اليوم والدرر قبل 5 سنوات أو أكثر وتبغانا نرجع للماضي
كل شي يتغير واحنا سواء إدارة أو أعضاء نتغير مع الدنيا
يعني لا تقلي فيه أحد من خمس سنين إلى اليوم وهو بنفس النشاط في المشاركات سواء في الدرر أو في غيرها
أعطيني منتدى واحد غير الدرر نشيط في كل أقسامه
قبل 10 سنوات كانت المنتديات على النت تعد على الأصابع وكان صعب على أي شخص افتتاح منتدى جديد
عشان كذا كنت تشوف الناس زحمة في المنتديات والأعضاء نشيطين في المشاركات
لكن بعدها تغيرت الأمور وصار أي واحد يقدر يفتح منتدى عشان كذا تفرقت الناس في المنتديات وصار عندنا آلاف المنتديات مع أعضاء أقل في كل منتدى
حالياً إذا دخلت أي منتدى تلاقي فيه كل الأقسام اللي ممكن تتخيلها لكن لو دققت أكثر حتكتشف إن النشاط مركز في قسم أو أقسام معينة فقط
طيب انت شفت الإهداء لما دولي قالت السلام عليكم ليه ما رديت السلام؟ والا حتى رد السلام مسؤولية الإدارة؟
أي واحد شاف الإهداء ويقدر يرد وما رد يتحمل جزء من الخطأ
احنا ما قلنا إننا أحسن منتدى ومافي زينا.. لكن قاعدين نحاول ونوفق بين ارتبطاتنا في العمل والبيت عشان نعطي الدرر وأعضاء الدرر
والمشرفين والمشرفات نفس الشي كل واحد له ارتباطات وجزاهم الله خير كل واحد قاعد يجتهد ويفكر كيف يقدم شي مفيد للأعضاء
وأعتقد يتوقعوا منا التشجيع والتقدير والمشاركة مو التحطيم والانتقاص
يعني انت تبغانا يا نوصل المريخ والا نقعد في الأرض.. ما ينفع نوصل للقمر على الأقل؟ :)
رغم هذا كله مستحيل ترضي الكل مهما سويت.. وأي قرار أو نظام نطبقه يرضي ناس ويزعل ناس
وبعض الأعضاء يزعل ويفكر لو ترك الدرر راح يضغط على الإدارة عشان تغير قراراتها
الكلام كثير وما يخلص
جمعتكم مباركة
الكونكورد
23-07-2010, 06:42 PM
انا جيت غازي والناس راجعه ههههههههه
تروا الشغله بسيطه جداً لاعادة النشاط وتتركز في 4 نقاط
1/ وضع بنرات لأهم المواضيع ( حتى لو كانت مواضيع نقاشيه وينعمل البنر خلال ساعات ويتركب كم يوم )
2 / ارسال رسائل يوميه للأعضاء لموضوع او موضوعين ممكن تهم اكبر عدد من الاعضاء .
3 / اي عضو يدخل موضوع عليه الرد مباشرة ولا يأجل الرد << يسويها دايماً :drr05_19:
4 / الاهتمام بتغطية أهم الاحداث ( مثل احداث زلزال العيص او تسلل الحوثيين او سيول جدة والرياض وغيرها من ألاحداث المهمه )
نسيت اقولكم .. قسم تغطية كأس العالم ماله داعي الحين !!!
الكونكورد
23-07-2010, 06:47 PM
حبيت اضيف شئ
هاك عدم مشاهدة المرفقات الا بعد الرد
هذا يجبر الاعضاء على الرد والفائدة منه رفع الموضوع وتنشيطه وبكذا يساعد على رفع الموضوع على محركات البحث
المشكله ان الادارة ترفض مشاركات الشكر :134:
وانا اشوف انها مفيده في اقسام البرامج والالعاب
ياليت نطبقها ولو لفترة حتى تشوفوا الفرق
الفقيره الى ربها
23-07-2010, 10:23 PM
أخي المبارك:زادي
انا اضم صوتي مع الاخ محمد المحيا وهو معقول جدا
لابد من التوازن في اعمالنا واعطا كل واحد حقه
البعض يصلح الاخرين ويجتهد في ذالك وينسى نفسه
اخي زادي ارجوك ان تتقبل مني ولست ضدك ابدا
بوركتم اينما كنتم
همس الورد
23-07-2010, 10:36 PM
السلام عليكم ورحمة الله وبركاته
كيف حالك زادي أو اذا تسمح لي إحتراما لك أفضل إني اقولك أبو عبدالله
مدري يحق لي أعلق ولا لاء ؟
ادري انه مالي فتره طويله في الدرر وعشرتي فيكم مهي عشرة عمر ولا يحق لي اتكلم كثير لكن حاقول الي عندي
بداية أبدء بنفسي عشان لا اغلط على احد انا مقصرة جدا جدا جدا وأعترف بنقطة اني أدخل الموضوع وممكن وما أرد عليه لأنه ما الاقي إجابه غير الشكر أو التقييم وإن كان موضوع نقاش فبصراحه أحب أشارك فيه لأنه مواضيع النقاش سبب للحماس والنشاط وفي خصلة معروفه فيني وذكرتها مليون مره ( خير الكلام ماقل ودل ) ما أحب الهرج الزايد رغم انه في بعض الأمور لازم أرد وأقول كلمة هل تعلم وفي بعض المواضيع أضيف مداخلات إن توفرت لدي معلومة
وثاني شي أنا أول المعتذرين عن تقصيري لكن يشهد الله عندي ضغط في معامله برا جده وجالسه أمشي في إجرائات كفالة شخص وعندي دوامين صيفي لدرجة إني في بعض الأحيان أدخل من المعهد ولمن ما أكون في جده أدخل من جوال أي احد بس اشيك عالدرر وأسجل دخولي وأمشي واعترف انه في مني تقصير
كان في مشروع مع توفي حبيبتي بس للآن ماقدرت انفذه لكن اعطيتها كلمه بتنفيذه ولا حاتراجع عن كلمتي بإذن الله لكن زي ماقلت لك الضغط الخارجي هذا امر مو بيدنا لكن صدقني إن كان في مواضيع حماسيه زي موضوعك مشكله إجتماعيه أكيد حأكون اول المشاركين وأتمنى تعذرني إنت وغيرك لكن من جد زي ماقال المحيا وبصراحه كلامه منطقي وعين العقل
أنا ماأتحيز لأراء المحيا لكن في الحقيقه المحيا إنسان واقعي وتكلم بنطق لأنه كل شخص له امور غير المنتدى ومستحيل نحقق توازن في كلا الأمرين
وإني ما أتحيزت لك في بعض الامور فهذا مو معناه اني ضدك بالعكس أنا معاك وأتفق معاك 100% بس برضو تحقيق التوازن صعب يا أبيض أو أسود مافي رمادي
بعد كذا نجي للإهداء والاعضاء إلي رجعو لاتزعل مني بس برضو كان المفروض إنك ترحب فيها وكل من شافها لازم يرحب بعودتها هذا الشي يولد روح المحبه بين الأعضاء أنا ما أعرفها غير با الإسم لكن والله العظيم تمنيت أقولها حياك الله والحمدلله على رجعتك بس قلت هي ماتعرفني ولا حتاخذها مني لكن ان جات من أشخاص هي تعرفهم أكيد حتكون أحلى ومع مرور الوقت حأعرفها أكثر وأكثر ولمن تغيب ثاني حاكون بإذن الله أول المرحبين
في نقطه رغم صغرها لكنها مهمه
بدء نشاطي في الدرر الصيف الماضي وكان قمة في النشاط لكن هذا الصيف في خمول مو طبيعي
اتمنى إنه كلامي يكون متقبل من الكل
تقبلو فائق إحترامي لكم
همس الورد
أمولة شوفي تقيمي
To0ofy
24-07-2010, 02:45 AM
جا دوري
بسم الله الرحمن الرحيم<<<راح أبدأ مرسوم ملكي:drr05_52:
بس قبل لا أهرج لحد يزعل ولاحد ياخد على خاطره مني و أعتذر عالجميع اذا غلطت على أحد
أو إذا كنت صريحه زيادة عن اللزوم
مـــقدما
***********
دحين بقتبس من كلام خالي الله يحفظه اللي خلاني أنام وما أنـام وسبب لي إحباط
فوق الإحباط اللي فيني
وين نشاطكم عن الإستراحة ؟
مافي نشاط..مانقدر نسوي حاجه لا ينشطنا ولا ينشط الأعضاء
ويش عملتوا شيئ مميز في الإستراحة ؟
ولا شي غير المسابقه دي اللي تعبت فيها أنا ورحيق قبل ما ننزلها
بتقول ليه أنا أقولك ياخال
تفتكر ياخالي لما اول ما استلمت إشراف الاستراحه وقلتلك ابغى أترك بصمة ليا في الاستراحه
بفكره من بنات أفكــــــــــــــــــــــاري تفتكر ياخالي ولا ماتفتكر
ومن يومها وانا كل ماطلعت براسي فكيره (تصغير فكره) أواجه الرفض
انه ما راح يتقبلها ,ما راح أحد يتجاوب معاها, محى تمشي تمام حتواجه الفكره الخمول
مره على مره.. مره على مره.. صابني إحباط والمخ تنك
معليش هذي قدرتي عالأفكار وآسفه اذا ما وصلت أفكاري لمستوى أفكاركم
شوف دي المسابقه ياخالي طلعت فيها من شهر
وانا أقلب فيها وأعصرها من مخي و أكلم رحيق لغاية ماطلعت وماشاورت فيها أحد غير رحيق
لأنها الوحيده اللي عجبتها الفكره لما طرحتها والوحيده اللي ما راح تحبطني
وبالرغم انه العمده طلب اننا نزلها من أسبوعين لكن مانزلتها الا دحين
والسبب اني لما ابغى انزل شي يكون شي عليه القيمه متعوب عليه
وشي جديد يختلف عن باقي المسابقات
بتقولي 100 و50 بطايق شحن بقولك مو بيدي أحط الجوائز و لا أغيرها اللي
أقدر أفكر فيه المسابقه
أما اذا مافي أحد تجاوب طيب انا ايش بيدي!!!
شي تاني كمان عشان أضيف بصمه إني سويت شي بالمكان
اللي كلنا نحبه شوف البنر الكاشخ فوق دا أنـا سويته وماطلبته من الغالي كونـ
عشان بأثبت كمان وجودي وأبغى أعطي دا المكان شي من اللي قدم لي اياه
طيب بتقولي وين المواضيع يابنت أختي
بقولك تفتكر موقلت لك حنزل موضوع مشكله اجتماعيه
بالفعل كتبتها لكن تراجعت اني انزلها وفكرت مليون مره كيف الموضوع يكون كامل
ويكون واصل مو مجرد صف جمل وقلنا موضوع
برضو أعتذر
عقلية الناس اللي متواجدين بالمنتدى عقلية ناس كبيرة وفاهمه الحياة ناس
فاهمين عن ايش يتكلموا
أنا كبنت 20 سنة لازم أقولب نفسي لبنت في 30 سنة عشان أواكب مجتمع المنتدى
ومو أي أحد يقدر يسوي دا الشي فلم أكتب موضوع لازم يكون موضوع من العيار
الثقيل موجه لعقلية في الثلاثين وانت طالع
وانا مـا أقدر أكتب دا الموضوع لأنه أساسا مالي كم شهر داخله العشرين...
لما نجي لحكاية الركود والجمود
صحباتي كتير سجلوا بالمنتدى يوم واحد وماعد دخلوا
تتوقعوا ليه؟؟؟
وحده قالت لي مايحمس كله ناس كبــآر
ودا أكتر سبب مافي شباب بالمنتدى أعمار 15 والعشرين مفقوده وان وجدت فهم اتقولبوا وساروا بعمر الثلاثين
وأكبر دليل عضوه من احلى العضوات محى اقول اسمها الكل يحسبها متزوجه وعمرها يجي 25
لكنها لسه زغنونه طالعه أولى ثانوي
مافي مواضيع تجذب الشباب ومشاكلهم ولا أقدر أنا كمشرفه اني أكتب مواضيع شبابيه بعمري
لأني حواجه رفض كبير..
..........
حكاية التحبيط اللي اتكلمة عنها رحيق
في مشكله اجتماعية ايوا كتبة رد لأني كنت من جد محبطه
ياهووو
أقول رد ..فكره..رأي أبغى أحد يرد يقول كلمه وحده يا ايوا يا لا ألاقي تطنيش
يوم تزعلوا وتقولوا ليه ماقلتوا رأيكم
طيب سؤال أنا لما أقول رأيي إنت حتسمعه ولا حتهمشه
اذا عرفت ردك أكتر من مره هوا نفسه انك تطنشه أو ترفضه أنا محى أقول رأيي
واذا قلت رأيك بأقولك عين الصواب وبرافو لأني لو عارضتك بتحط مليون عيب وعيب
************
بالنسبة للحاجات اللي قالها أستاذ محمد المحيا ربي يسعده
قال اللي ابغى أقوله
و أوافقه مليون بالمية
كل ما بقول ياتووفي يلا فضيتي ابدأي سوا حاجه تطلع لي مليون حاجه وحاجه وتسبب غيابي
عن المنتدى وكدكوده حبيبة قلبي عارفه قد ايه بغيب
************
بالنسبة للحاجات اللي قالها كونـ باشا
حكاية ارسال رساله للعضو..انا زعلانه وضايق خلقي بسبب حاجه طلبتها ومحد عبرني
ايش أسوي اللي أقدر عليه بحاول أسويه
انا مقصره واللي ذكرته فوق ممكن مايكون مبرر لكن شي أحسه كل مادخلت المنتدى
وانت ياخالي فتحت موضوع النقاش وجيت عالجرح وتبغى الإجابة وهادي إجابتي
لاحد يزعل مني ولاحد ياخد على خاطروا مني
وسوو نفسكم ماقريتو الرد أنا وحده لما أنفلت أنفلت:148:
هيا سلام عندي اختبار الأحد ولسه مازاكرت :245:
طائر الدرر
24-07-2010, 03:45 AM
أسمي مكتوووووب ؟؟ لا . طاااايب
صدق الوفاء
24-07-2010, 03:58 AM
السلام عليكم ورحمة الله وبركاته
اكون صادق معك يا أبو عبد الله
اقسم با الله كنت ناوي انزل موضوع مشابه
و كان قريب الطرح
و في الأخير هونت لأنه وصلت لمرحلة يقين تامه
أن الردود تعتمد في المقام الأول والأخير على اسم المعرف
وليس لها اي دخل لا من قريب ولا من بعيد بمضمون الموضوع .
النقطه الثانيه
سوء إدارة الأزمات افقدنا الكثير من الدرر الغاليه واللي لها ثقل ثقافي و معرفي كبير .
مما لا يخفى على الجميع ان الدرر محاربة و هناك حروب خفية يمكن اخرها محاولة الإختراق
و أحد أهم وسايل هذه الحروب هي تطفيش وإبعاد النخبة , يعني يجي واحد نكره سبب تسجيله هو محاربة (س ) من الناس و إبعاده لأنه شعله تضي
و للأسف الشديد بين عشية وضحاها لا يجد ذاك (س ) من قبل الإداره الرد الشافي
و لا الحماية و لا التقدير لعمله ولا لتاريخه ..
بل الطامة الكبرى إن إلتزمت الصمت حيال الهجوم و تدخلت حين الدفاع !!
النقطة الثالثة .
من الأسرار النووية التي لا نعلمها نحن
الا و هو ( اختفاء المشرفين )
اعضاء كانو قمة في كل شي و شعله من النشاط
و بدون اي مقدمات يختفون يغيبون أو يغيبون
كل ما اختفى مشرف أتذكر نيلسون ما نديلا >> مدري ليه عاد انت فسرها براحتك
النقطة الأخيره و خارج النص كمخرج
في واحد هنا ما اشوفه إلا في فرح أو في عزاء أو في مشروع طعه
برغم انه حبيب و غالي و ماله في الهظرة ,, و الشاطر يرفع ايده :drr05_17:
و الله واحشني و أتمنى اشوفه صدفه لو في الشراع خخخ
ربي يسعد الجميع حتى الأشرار بدون ذكر اسماء خخخخخ
و أتمنى ما احد يفسر غيابي على كيفه
كل مافي الأمر ظروف عمليه و ضغوط خارجية
و اخاف ادخل و انا خارج التغطيه
أو اوفر لود و أجيب العيد في اقرب شخص:drr05_42:
علشان كذا بعدت شوي مع دخول من الأطراف لتفادي الإصابة
دمتم و دامت الدرر عامره و راقيه معطرة برجوع كل حبيب و غالي
صدق الوفاء
و عليكم السلام ورحمة الله و بركاته
أخي الكريم // زادي
شاكرة لك حرصك و غيرتك
ان اتينا لملاحظتكـ للطيف
,,
طيف , درة الخواطر في كثير من المنتديات عادة تكون شعلة ,,, الناس كلها صاروا حبيبة وعندهم مشاكل عاطفية ينفسوا عنها بالخواطر ,,, وين درتنا من بقية المواقع ؟؟؟ no thing آسف إني أقول هذا الكلام , لكن هذي الحقيقة ,,, ممكن تقولي إنه مافي مشاركات من الأعضاء , صح , أنا معاك , لكن إنتي وين نشاطك ؟ وين أفكارك ؟ وين خطتك لبدء الألف ميل بخطوة ؟
,,
أخي الطيف طلبت اجازة مؤقتة من الادارة
لانشغالها بأمر خاص و متى ما استطاعت دخلت
و دخلتي هذي و أنا بسفر :143:
وبعد عودتي بإذن ربي كـذلــكـ سأكون بانشغال أشهرا ان أحياني ربي
وبتوقيعي تاركة اعتذاري للجميع
وما كل ما يدور في الكواليس يعلم !
ومن زاويتكـ الي تراه ادارة الدرر أنسب في اشراف الخواطر له ذلك بـ :)
,,,,
المنتدى ,,,,
الردود صارت ,,,, ردود لأشخاص ماهي لفكر " اسم المعرف ,,, للكريم ,,,*صدق الوفاء* "
وشخصك الكريم سبق و ذكرها في طيف تربيع لو تذكر :drr05_60:
ما ادري من سبب هالتحول لكن الله يسامحه على ما فعل " شرير:172: "
يعني اغلبنا ان لم نكن كلنا مقرين بهذي الحقيقة :206:
يا اخي حتى الشكر صار بفلوس :drr05_89: و الازمة عاملة عمايلها " الله المستعان "
و الله نسأله الثبات " إنما نطعمكم لوجه الله " :)
,,,
من قلبي
صراحة
اتمنى فقط ان تقدر جهود الكريم // عمر باعقيل
على نشاطه ابعد انقطاعه
وهذا ما عهدناه منه بل اكثر وربي
,,,,,
فاكس للنقي // صدق الوفاء
الحمد لله اننا ما نملك عقول البشر و تفسيراتهم ,,,, ما كنا نمنا ،،،، دع اجرام المافيا لأصحابه :209:
,,,,
الكريم // زادي
و جزيت خير الجزاء لصراحتك ,,,, التي تنم عن طهر روحكـ
ليت كل منا يفضي بما في جوفه ليتحقق ما نصح به سيد الخلق صلوات ربي وسلامه عليه
" لو تكاشفتم لما تدافنتم "
حـــفـــظكـ ربي
و متصفحيكـ
،،،،،
عاشق البيت
28-07-2010, 06:28 AM
هذا الموضوع يا عم زادى باشا اعتقد
بل اجزم انه راود افكار كل النشطاء الفاعلين هنا
لانهم يعشقون بيتهم ويغارون على واحتهم ويهيمون
جنونا بها . فهى جنتنا الصغيرة التى جمعتنا من كل
صوب لتتلاقى افئدتنا وارواحنا بالحب والاحترام
لكن لا يسبقك احد ابدا اليه لسبب معروف
انك انت الدينامو الذى سميته انا .
وانت الملح والسكر والفلفل
الذين سبقونى بالرد لم يتركوا لى مساحة صغيرة
فقد كبلوا حروفى برائع كلماتهم وفكرهم الراقى
وصدقهم واخلاصهم للدرر فهم من صفوة الرائعين
--
لى عودة فى موضوع ابى فهد باذن الله
__________________
السلام عليكم ورحمة الله وبركاته
أعتذار للجميع بسبب ظرف طارئ مفاجئ ,,,
سيكون لي عودة قريبة بإذن المولى القدير ,,,
عاشق البيت
29-07-2010, 02:20 AM
زادى باشا
خير ان شاء الله
ترجع سالم غانم مطمئن
ربنا معاك
اللهم يسر له كل امره
وارضه بما يامل ويحب
______________
السلام عليكم ورحمة الله وبركاته ,,,
أعتذر مرة أخرى عن التأخير في الرد بسبب ظرف خاص , والآن عدت بحمد الله ,,,
_____________
أبو فهد ,,, أشكر لك حسن ظنك في شخصي المتواضع ,,, وإللي بينا والله يا أبو فهد أكبر من شكر وتقدير , لأن إللي بينا أخوة وعشرة ومحبة من الله وفي الله ,,,
سيدي ,,, أنا رايح آخذ نقاطك إللي وردت في الموضوع الثاني إللي إنت نزلته وذلك إختصاراً للوقت والجهد و ( الشعترة ـ مدري تفهم مصطلح الشعترة ؟ إذا الجواب لا , أسأل أي حجازي يقولك معناه , بس تراه مو سبة : ) :245:
________
من بداية ردك هناك وفي إتفاق على إن المنتدى ( نائم ) ويحتاج إلى تنشيط ,,, تمام ,,,
بالنسبة لتساؤلي عن نشاط الإدارة , فما كان من باب التحقيق أو المسائلة أو التصيد بقدر ماكان عتب لمن بيدهم شيئ وفي نظري الخاص بأنهم لم يقدموه , أو بمعنى آخر أنهم قليلوا التفاعل ,,, والمطلوب منهم هم بالذات أكبر , بحكم موقعهم ,,, هذا كل مافي الأمر ,,, كادي ماشاء الله عليها ,,, متفاعلة , لكن بالنسبة لك إنت والمحيا والظل , أعتقد إن المأمول منكم يظل أكبر ,,, وهذا مو معناه تقصير أو عيب , بل وأكرر أن الموضوع برمته عشم من قلب محب ,,,
وعلى فكرة , بالنسبة لمحمد المحيا الآن غير محمد المحيا زمان ,,, زمان كان له مشاركات وتواجد في العديد من الأقسام وبالذات الإستراحة , لكن الآن إقتصر وجوده في دررالتكنولوجيا تقريباً بنسبة 99, 99% والبركة في هذا الموضوع إللي خلانا نشوف المحيا ويطل علينا ( المحيا راح يحط رسوم لمشاركته في مواضيع الأعضاء ـ بزنس إز بزنس :233: )
أما باك , فهو بالفعل صاير باك , ياخوي ترانا كلنا تزوجنا وأنشغلنا وعندنا مقاضي بقالة وروح شوف السباك يصلح البوتقاز وجيب لمبة ونت جاي معاك |119| بس برضو ماقطعنا لدي الدرجة ,,, نتمنى بس تعطينا خمسة كدا من وقت سعادتكم التمين عشان نبص ونقول أللللللله على زمان ,,, ( هذا عضو متحف مو عضو إدارة ههههههههههه )
قلت هنا بارك الله فيك ( فالإدارة قدمت الكثير منذ تأسيس الدرر وقد حان الوقت لها أن ترتاح من التفاعل مع المواضيع وتتفرغ لتقديم ما يخدم الأعضاء . )
بصراحة , أنا عن نفسي ( وركز في قولي عن نفسي ) ما أقبل هالكلام أبد , إذا الإدارة تقول ذا الكلام , معناها إنه حق لكل عضو إنه ينزل موضوع أو إثنين وياخذ راحة بعدها , ويصير مقتدي بالقدوة !!!
زمان كان شعار صحيفة الشرق الأوسط ( الصحيفة الناجحة , لاتتثائب أبداً ) وأعتقد إن قصدي واضح الآن ,,,
بالنسبة لموضوع المقترحات حول التصميم الجديد ,,, يعني ياعمدة , هل يمكن أعطل التجديد إللي أنا أقريته وبدأت أشتغل عليه لسبب إن الأعضاء ماتفاعلوا ؟؟؟ أنا من رأي الخاص ( وركزلي على الخاص ) أشوف إن الموضوع مو ذات أهمية لهذيك الدرجة ,,, إنت فتحت الموضوع وطلبت المقترحات , فيه أعضا تفاعلوا وأعضاء زي حكايتي مالهم غير بالشكل النهائي مايفهمون كوعهم من بوعهم !!! معقولة يتأخر التطوير عشان هذا السبب ؟ أتوكل على الله ياعمدة وسوي إللي إنت شايفه متماشي مع المنتديات الأخرى وأنتهينا ,,,
وقلت هنا : ( مسألة المسابقات وشحن البطاقات هذه منتشرة في جميع المنتديات وإذا أنا وأنت كبرنا عليها فهناك من هم لم يكبروا عليها ثم ماذا تريدنا أن نقدم غيرها؟ )
قولي إننا كبرنا عليها يعلم الله إنه مو بمعنى الكبر أعوذ بالله ,,, لكن قصدي إن الموضوع صاير ممل وماهو بذات جاذبية أو إغراء ,,, حتى لو كان منتشر في المواقع الأخرى ,,, ليه مانكون حنا متفردين بأفكار جديدة ؟؟؟ هذا هو القصد .
بالنسبة لأخواننا المشرفين وأخواتنا المشرفات , أنا قصدي كان واضح , وهو إن هم حضروا , حضر الأعضاء وأتحرك المنتدى ,,, وسنة الحياة إن مافي شي يمشي بمستوى واحد على طول , تلاقي مواضيع بمستوى عال وأخرى متوسط وبعضها ودك تفك عليه ( السيفون ) أكرمك الله والسامعين :134: ومن هالنوعية فيه مواضيع لمحسوبكم :273:
بالنسبة لموضوع تذكيري لملاحظة الكاسر , أعتقد إنك فهمت قصدي خطأ ,,, ياعمدة أنا عممت وماخصصت , أنا عممت بأننا في حاجة للناس , لكن بالتأكيد ما أقصد العضو السلبي أو السيئ ,,, وإذا إنك حكمت على الأعضاء من واقع معنى أو إيحاء معرفاتهم , أسمحلي أقولك ياعمدة إن هذا خطأ ,,, مانقدر نعرف مستوى العضو إلا بعد مشاركات في عدة مواضيع تبين وش توجهاته ومدى ثقافته وفكره ,,, وبمقارنة بسيطة أو للتوضيح بس ,,, كلنا نعرف ( الجاحظ ) والسبب أنه كان جاحظ العينين , لكن ويش موقع الجاحظ في الأدب العربي ؟
بالنسبة لموضوع دولي , أعتقد كمان إن تمثيلي لموقف حضورها وطرحها السلام قد فهم خطأ ,,, أنا أوردت هذا المثل لأبين أن القدماء لم يغادرونا , بل يأتون بين الحين والآخر ,,, والحقيقة أنني سعدت بحضورها , وتألمت لأنه لا أحد من الأعضاء يعرفها وإلا لردوا عليها السلام ,,, هذا كل مافي الأمر ,,,
موضوع المتميزون ,,, من غير المعقول أن لايكون هناك عضو متميز كي نمنحه الوسام ,,, لو كنت مكانك , حتى لو لم أجد من يستحق التميز من خلال معايير الخاصة وإشتراطاتي , فسأبحث عن الأقل ثم الأقل ,,, لأن الأمر ليس بجائزة مالية ستهز عرش الموازنة العامة , وليس بحفل تكريم ,,, الأمر لايزيد عن كونه تمييز معنوي لا أقل ولا أكثر ,,, فلماذا لا أتعامل مع هذا الأمر على قاعدة ( فخر الموجود ) ؟؟؟
( ثم ألستم أول واحد انتقدني بعدم مشاورة الأعضاء؟!!
وسبق أن اخبرتكم بما أعانيه عند طلب المساعدة في اتخاذ القرار من الجميع دون استثناء لا إدارة ولا مشرفين ولا أعضاء فماذا أفعل أعيط؟!! :148:
الشكل الحالي للدرر من أجمل الأشكال بالنسبة لي ولعدد من الأعضاء لكن لا يتناسب مع ترقية برنامج المنتدى فهناك مميزات لا يمكن تركيبها عليه والتحديثات لا يمكن تطبيقها عليه ثم كم مرة طلبت من الجميع طرح مقترحاتهم بدقة عما يرغبون به ولا حياة لمن تنادي!!
صحيح ليس هناك تجديد من فترة طويلة إلا أنكم تعيدون هذا الموال كل فترة تطرحون هذا الموضوع ولا يوجد تفاعل جاد مع ما تطرحونه حتى نصل لحل يرضي الجميع .)
نعم , أنا أنتقد سعادتكم حينما تكون الخطوة فردية من قبلكم لكنها تمس مساً مباشراً العضو , وليس من الجميل أن تكون الإدارة ديكتاتورية في إتخاذ القرار ,,, أنتم عملتم ماعليكم , أنزلتم موضوع بطلب المقترحات , فمن تجاوب نشكره ومن لم يتجاوب يعني هذا أنه موافق ضمنياً ,,, لذا , أنتهت القصة ويجب البدء في التطبيق , والنصر بمن حضر |119|
وصلنا للأخير ؟ أوووووووووه , ياخي قطعت نفسي , هذا وأنا أختصر :245:
مشكور ياعمدة على تعاونك وتعاملك ورقي أدبك وخلقك الجميل ,,, وموفق إن شاء الله ,,,
:drr05_33:
_________
صباحك سكر يا خالي العزيز
الله يعطيك العافية ...
انا ماراح اتكلم عن النشاط في المنتدى ولا عن المواضيع
راح اتكلم عن النقطه اللي تهمني وبس
ايش هيا ؟؟؟
( العــشرة كيف تهون ) !!!
يعني منجد أنا شفت اهداء ( دوللي ) والله قاعدة انتظر اي احد يرد !!
يعلّق , يقول اي شي ....
ولا حياة لمن تنادي !!!!
يعني حطيت نفسي مكانها ... حاجه تحزن وتخلي الواحد يندم على كل لحظه قضاها هنا ..!
وشي تاني ...
جف البحر !!!
يعني ما ادري ايش اقولكم .. قد ايه دا الانسان طيب وقلبو كبير
دخل الدرر ... بعد غياب ..
ونزّل خاطرتين ...
ما احد رحّب فيه الا ( انا وتوفي ) قولوا توفي من اهل البيت ...
انا لا تحسبوني ... صحيح احب الدرر ... لكن بقرارة نفسي عارفه انو هنا ( مافي عشرة تتقدّر)
ابوفهد انا احترمك والله واعزّك ...
ولا تشوف انو كلامي هجوم لا والله مو هجوم
ايش فيها لو رحبت بجف البحر ترحيب يليق فيه كأحد أعلام الدرر ؟
مو بس حضرتك ,, انتا وافراد الادراه ... وباك شدو والمحيا
ليه دا الانسان ما احد مقدّره وما احد معطيه حقه ؟؟ :301:
ليه دايمآ مُهاجم ؟
انا قاعده اقيس على هذا الموضوع
خسارتهم والله خساره كبيره ...
وبس
يسعدكم ربي ... والله المنتدى دا حلو وكبير وما احد يختلف على قيمته ...
وانا اوّل وحده انقهرت وزعلت لما المنتدى اتهكّر امس
وصحيح احنا بشر نخطئ ونسوي اشياء تكون غير اللي نفسنا نسويه وتنفهم احيايانآ غلط
بس منجد ... لازم تكسبوهم من جديد
<< احس ابو فهد بيقتلني ... :243:
مشي حالك يا ابو فهد ... اتحملني وسامحني
يسعدك ربي
وسامحني يا خالي لأني دايمآ اجيب العيد ... بس ما اقدر ... اللي بقلبي لازم ينقال
:174:
______________
مسا الخيرات أمولة خانوم ,,,
بالنسبة لموضوع العشرة , فهي مسألة قياسية ,,, بمعنى لو طبقنا المثل إللي يقول ( إللي بعيد عن العين بعيد عن الخاطر ) إن شاء الله يكون المثل صحيح :134: المهم , يعني يمكن لأن جف إبتعد فترة مو قصيرة , وكمان يمكن قليل من الأعضاء إللي عارفينه , يمكن دا يفسر السبب ,,, وبعدين بصفة عامة هالوقت يشهد قلة المشاركات والتواجد , وهذا هو لب موضوعنا ,,, فا يمكن لكل هالأسباب مجتمعة ماحد عطا لجف ( وش ) ههههههههههه ولو كنت أنا موجود وقتها كان رحبتبوا بطريقيتي إللي هو يعرفها ( تلطيش بـ ........... ) أكملي الفراغ إلين آخر الصطر :245:
امولة ,,, إنتي بالذات أنا لي عشم كبير فيك ,,, إنتي مايختلف عليك إثنين ,,, أتمنى إنك ترجعي مثل أول وأكثر ,,, وأقولك هيه بالبنجلاديشي الفصيح ( إنتي مافي هنا , مافي زنزان , إنتي فيه هنا , فيه زنزان كتيييييييييير ) بس زنزان عن زنزان يفرق ,,, وبالفرنسي الملفوف بالسوليفان ( كومتوا ) :233:
أنا محضرلك موضوعين تلاتة ترفع ضغطك ستمية ههههههههههه بس صبرك خلي المجاز يروق |547|
وسلامتك الف سلامة ,,, ماقدامك إلا العافية ,,,
في أمان الله ,,,
_________________
زادي /
والله كلامك صحيييح وبالعكس لا زعل ولا غيره حتى أنا حاسه بالخمول اللي يعيشه الدرر ,
بس ايش نسوي إذا مالقينا تشجيع ؟ صحيح أنا مشرفه والمفروض أتحمل بس برضو أنا إنسان وأحس بإحباط إذا مالقيت تفاعل !!
يعلم الله إني أحاول قد ماأقدر أرد على المواضيع حتى أحرك الجو بس الموضوع نفسه ألاقيه فمكانه مايتحرك !
غصب الواحد يحبط إذا كان الناس من حوله نايمه حتى في مشكله اجتماعيه كتبت عن الإحباط و مالقيت منه إلا الإحبااط
على عيني وراسي إللي ردوا بس مو معقول منتدى كبير مثل الدرر ومايرد إلا 4 !
زادي المشكله إللي تشوفها حاسين فيها بس مافيه نشاط من الأعضاء يخليك تبدع
فكرت في مسابقه عن الحوار تقريباً شبيهه بفكرتك بس للأسف مالقيت تجاوب كبير مع المشكله إجتماعيه يعني طبيعي راح أحبّط , إذا ماتفاعلوا معاك بيتفاعلون معاي مثلاً ؟
أما حكاية المسابقات شوفة عينك حاولنا نغير في صيغة السؤال حتى مايصير كل الإعتماد على قوقل وجانا إعتراض !
أنا أشوف إن المسابقات ضروريه وماشيه بس عندنا مافيه تفاعل ..
برضو الدرر تفتقر الشباب "سواء بنات أو أولاد " أنا بوجهة نظري إن الشباب يعملوا جو بالمنتدى
وهنا أغلب المواضيع جديّه والمواضيع اللي تناسب الشباب والترفيهيه ماتعطوها إهتمام مثل درّة الترفيه بالله وين الاهتمام فيها ؟
مايمنع تعملوا مسابقات ومواضيع ممتعه بالترفيه مو ضروري الواحد يحصل على مشاركات الأهم يستمتع ويسوي جوّ !
الدرر تحتاج ترفيه ومواضيع فرفشيّه هي اللي تجذب الناس أكثر من الجديه لأنه الواحد يتفلسف وهو أصلاً مايطبق " طبعاً ماأعمم "
وأخيراً لا تنسى إن الناس بطلت حكاية المنتديات أغلبها فيس بوك و المواقع التعارفيه هذي ..
خلاص تعبت وأنا أهرج , بكرا يمكن أرجع لكم
______________
أهلين رحيق ,,,
مسا الورد ,,,
خليني أبدأ معاك من آخر مداخلتك ,,, صدقتي يارحيق ,,, فيه فئة عمرية تعتبر محركة ونشيطة بس إحنا هنا مفتقدينها ,,, وهي فئة مادون العشرين وكمان فئة مافوق 25 إلى 35 تقريباً ,,,
والله يارحيق أنا مقدر جهدك , وعارف إن لو في يدك شي ماراح أبدأ تقصري فيه ,,, لكن يا ست الناس , الإنسان لازم يزرع ويصبر ويجني في آخر الأمر ,,, بمعنى , معليش الطريق طويل , لكن لازم نبدأ ,,, لاتخلي الإحباط يحبطك , لاتخليه يهز ثقتك في نفسك وفكرك ,,, أنا والله ماعندي أي مشكلة مع المسابقات , بس ما أميل لها لأني أعرف طريقة الأجوبة وسهولتها مع عم قوقل , وعشان كدا ( طاحت ) من عيني ,,, بالعكس أنا أحب أسئلة الثقافة العامة بشكل خاص وأحب المشاركة فيها , لكن يوم أعتمد أنا على نفسي وتفكيري وذاكرتي وثقافتي وأجي ألاقي غيري بضغطة إزرار يجيب الجواب بدون اي تعب ولا حتى إضافة لمعلوماته الشخصية و بس لمجرد تسجيل حضور بالمركز الأول , أحس بغثيان أكرمك الله ,,,
وأعيد وأكرر أسفي وإعتذاري على رؤوس الأشهاد إن في قلبك شي مني بسبب إني أتناولتك بالإسم , فا , أرجوك السماح من قلبك وأكون لك من الشاكرين ,,, يعلم الله إنك أخت عزيزة على قلبي لك مكانة مو بس عندي , بل عند الكل ,,,
الله يحفظك يالخير ,,,
______________
الله يسلم عمرك ويرفع مقدارك يا أبو تركي ,,, مشكور يالحبيب ,,,
في حفظ المولى ,,,
________________
هلا حبيبي ابو عبدالله
واحنا عاجزين عن شكرك على اقتراحاتك
كل سنة تنزل موضوع وتعصب لنا العمدة وترفعله السكر والضغط :smil:
شوف خليته اليوم يتكلم عن نهاية الدرر!!
من سنين واحنا نسمع كلمة "المنتدى يحتضر" لكن الحمد لله المنتدى عايش وروحه ماهي راضية تطلع :smil:
المنتدى يحتضر ويموت إذا ما كان يستفيد منه أحد.. لكن الحمد لله الدرر مازال يقدم أشياء مفيدة للأعضاء
ومعدل تسجيل الأعضاء الجدد عندنا جيد ومثل ما انت شايف تجاوز عدد الأعضاء 70 ألف عضو والحمد الله
وأكيد مافي شي يجبر الناس على التسجيل بالدرر لوما إنهم وجدوا فيه شيء يفيدهم
عندنا أشياء ما تلاقيها عند غيرنا بس يمكن لأنها خارج اهتماماتك عشان كذا ما تلاحظها لكن غيرك آلاف من الأعضاء يستفيد منها كل يوم
المشكلة أحياناً إنك تقارن بين الدرر اليوم والدرر قبل 5 سنوات أو أكثر وتبغانا نرجع للماضي
كل شي يتغير واحنا سواء إدارة أو أعضاء نتغير مع الدنيا
يعني لا تقلي فيه أحد من خمس سنين إلى اليوم وهو بنفس النشاط في المشاركات سواء في الدرر أو في غيرها
أعطيني منتدى واحد غير الدرر نشيط في كل أقسامه
قبل 10 سنوات كانت المنتديات على النت تعد على الأصابع وكان صعب على أي شخص افتتاح منتدى جديد
عشان كذا كنت تشوف الناس زحمة في المنتديات والأعضاء نشيطين في المشاركات
لكن بعدها تغيرت الأمور وصار أي واحد يقدر يفتح منتدى عشان كذا تفرقت الناس في المنتديات وصار عندنا آلاف المنتديات مع أعضاء أقل في كل منتدى
حالياً إذا دخلت أي منتدى تلاقي فيه كل الأقسام اللي ممكن تتخيلها لكن لو دققت أكثر حتكتشف إن النشاط مركز في قسم أو أقسام معينة فقط
طيب انت شفت الإهداء لما دولي قالت السلام عليكم ليه ما رديت السلام؟ والا حتى رد السلام مسؤولية الإدارة؟
أي واحد شاف الإهداء ويقدر يرد وما رد يتحمل جزء من الخطأ
احنا ما قلنا إننا أحسن منتدى ومافي زينا.. لكن قاعدين نحاول ونوفق بين ارتبطاتنا في العمل والبيت عشان نعطي الدرر وأعضاء الدرر
والمشرفين والمشرفات نفس الشي كل واحد له ارتباطات وجزاهم الله خير كل واحد قاعد يجتهد ويفكر كيف يقدم شي مفيد للأعضاء
وأعتقد يتوقعوا منا التشجيع والتقدير والمشاركة مو التحطيم والانتقاص
يعني انت تبغانا يا نوصل المريخ والا نقعد في الأرض.. ما ينفع نوصل للقمر على الأقل؟ :smil:
رغم هذا كله مستحيل ترضي الكل مهما سويت.. وأي قرار أو نظام نطبقه يرضي ناس ويزعل ناس
وبعض الأعضاء يزعل ويفكر لو ترك الدرر راح يضغط على الإدارة عشان تغير قراراتها
الكلام كثير وما يخلص
جمعتكم مباركة
__________________
هلاوين مستر موهامد موحيا :245:
يقولك من له عادة سموه أبو العوايد , وهذي صارت عيدية سنوية , بس ويش نسوي ,,, ياخي نحبكم ولازم نعكنن عليكم ,,,
ياطويل العمر ,,,
أنا ماقلت إن المنتدى يحتضر !!! أنا قلت الله يسلمك إن المنتدى في طريقه ,,, وركز معاي على كلمة ( في طريقه ) للإحتضار !!! تمام ,,, إنزين يايبا ,,, يعني أنا بآخذ بالأسباب ياكوتش ,,,
وبعدين ياعم أبو عبد الله , إنت والشباب حقينك في كوم وحنا وشبابنا في كوم تاني ,,, يعني إنتوا كدا كأنكم في منتدى ثاني ماله علاقة بالدرر ,,, ولا بالله قوللي ويش علاقة العضو ( فشيخ ) البرامج بالدرر غير إنه يدخل عندك ويعب ويتوكل على الله ؟؟؟ وين هي إستفادة الدررمنه ؟؟؟
وبعدين ياكبتن , يعني معدل التسجيل ماهو مقياس ينفع في عملية التفاعل ,,, من هالسبعين ألف عطني إذا عندك عدد لو تقريبي للناس إللي يشاركوا ومتفاعلين مع البقية ؟؟؟
المسألة الله يسلمك بالكيف مو بالكم ,,, إن على الكم , فهذا العدد إللي تقول عليه , هذا من يوم بدأت الدرر , يعني معناها إن أكثر من ثلاث أرباعهم نسيوا إنهم مسجلين في الدرر أصلاً ,,,
وبالنسبة لموضوع إن فيه غيري يستفيد من أشياء خارج إهتمامي , صح ,,, مضبوط ,,, ماكو إعتراض , لكن ( وركزلي على كلمة لكن :233: ) من أبسط حقوق الدرر عليهم إن مثل مايستفيدوا كمان يفيدونا |579| يعني لمتى راح تبقى الدرر ( سبيل ) لكل من يبغى شي ؟؟؟ ماعلينا , أنا ماني ضد الناس تستفيد , وإنت جزاك الله خيراً يافتى , لكن ( وكمان مرة ثانية ركزلي على كلمة لكن ) مو معقول إنك تاخذ تاخذ تاخذ تاخذ وماتعطي لو لمرة وحدة ,,,
عموماً , أنا عارف إن عندك شوية حساسية من هالموضوع , و والله ماهمني إنهم يتواجدون أو لا , طالما الشغلة ماجت من أنفسهم , وطالما إنكم راضيين عن الوضع ,,, فهذا شي ثاني ,,,
أنا أتكلم عن الصلاة على ........ الحاضر :245: يعني ياطويل العمر لو بس ميتين تلاتمية واحد من السبعين ألف يشاركوا معانا , إحنا بخير ولاكان فكينا هالموضوع الطويل العريض :131:
بالفعل يا أبو عبد الله ,,, أنا أقارن بين الماضي والحاضر , وهذا شي طبيعي , حتى إنت في بيتك تفكر وتقارن بين بيتك يوم كانوا العيال صغار واليوم بعد ماكبوا ماشاء الله عليهم ,,, تقارن في كل شي , وتفتقد أشايء وأشياء , وهذا شي طبيعي , لأن الزمن مايوقف على حال ,,,
لكن ( وركزلي الله يرضى عليك على كلمة لكن لأنها متعبتني شوي ) نظرة المقارنة هنا في الدرر المفترض تكون للأفضل ,,, التغيير يامحيا من المفترض يكون للأفضل , لأنه إكتسبنا الخبرة ( أخص الإدارة ) يعني ممكن ننقل خبراتنا للي بعدنا ,,, ونحاول قدر الإمكان إن مانوقف في نفس المكان ,,, لأني لو باخذ كلامك وأمشي عليه , معناها إني خلاص أوقف هنا وأتغنى بالماضي كيف كنا وكيف صرنا ,,,
نظرتك بالنسبة لزحمة المنتديات وإنه لهذا السبب أصبح عدد الأعضاء قليل , صحيح من الناحية النظرية ,,, لكن من الناحية العملية , فيه منتديات دخلتها أقسم بالله عدد الأعضاء أكثر من ميتين ألف , وكل الأقسام تقريباً مشعللة ,,,
بالنسبة لموضوع دولي , يامحيا باشا أنا شفت سلامها وزعلت إن ماحد رد عليه , لكن حقيقي ليه أنا مارديت في ساعتها , ما أعرف ؟ ومع هذا , أنا ما أتهمت الإدارة ولا حطيت إن من مسئوليتها إنها ترد السلام على الأعضاء ,,, أنا قلت بالضبط ( تصور دولي جات في الإهداءآت قالت السلام عليكم مالقيت أحد رد عليها !!! ) و واضح تماماً إني ماقصدت الإدارة لا من قبل ولا من بعد ,,, الموضوع ومافيه إن الأعضاء القدامى موجودين ويطلوا علينا كل فترة , ويش ساوينا عشان نردهم لبيتهم ؟؟؟ هذا التساؤل الأخير يخص الإدارة بالمقام الأول ويخص الأعضاء ,,,
وقولك هنا ( والمشرفين والمشرفات نفس الشي كل واحد له ارتباطات وجزاهم الله خير كل واحد قاعد يجتهد ويفكر كيف يقدم شي مفيد للأعضاء
وأعتقد يتوقعوا منا التشجيع والتقدير والمشاركة مو التحطيم والانتقاص
يعني انت تبغانا يا نوصل المريخ والا نقعد في الأرض.. ما ينفع نوصل للقمر على الأقل؟ )
خلني آخذ جزئية هي لب الموضوع وهي ما أقصده بالتحديد ( ويفكر كيف يقدم شي مفيد للأعضاء ) وهذا كل مادار في الموضوع يامحيا ,,, لاتخرجني عن قصدي بكلام أنا ماقلته ولاقصدته ولافكرت فيه ,,, أنا ما أنتقصت من أحد , ولاحطمت أحد ولاطلبت من أحد يوصل المريخ أو حتى قويزة ,,, كل قصدي واضح , إنه فيه تقصير من الجميع , مشرفين وأعضاء وقبل كدا إدارة ,,, خلني أرجع لتساؤلي الأول لكم يا إدارة :
( بالله عليكم ويش هو دوركم بالضبط ؟ )
والثاني : ( وين التحفيز للأعضاء يا إدارة ؟؟؟ )
والثالث : ( ياخي من كام سنة , والوضع مثل ماهو عليه ,,, مامن جديد ؟ وإذا فيه جديد ياريت أعرفه أو تذكرني بيه ,,, )
أرجوك يا محيا , جاوبني جواب مقنع بدون النظر لشخص العضو , يعني أعتبرني واحد من ( برا ) خواجة جايكم ويسأل !!! حق عليكم الجواب بدون حذف ( إجابتين ) :245:
ورمضانكم كريم ياحج محمد |547|
محمد المحيا
31-07-2010, 10:23 PM
هلا أبو عبدالله حبيب أبو عبدالله
حياك الله انت وعيدياتك
أنا ماقلت إن المنتدى يحتضر !!! أنا قلت الله يسلمك إن المنتدى في طريقه ,,, وركز معاي على كلمة ( في طريقه ) للإحتضار !!! تمام ,,, إنزين يايبا ,,, يعني أنا بآخذ بالأسباب ياكوتش ,,,
طيب انت ما قلت ان المنتدى يحتضر.. وأنا ما قلت إنك انت اللي قلت :)
وبعدين ياعم أبو عبد الله , إنت والشباب حقينك في كوم وحنا وشبابنا في كوم تاني ,,, يعني إنتوا كدا كأنكم في منتدى ثاني ماله علاقة بالدرر ,,, ولا بالله قوللي ويش علاقة العضو ( فشيخ ) البرامج بالدرر غير إنه يدخل عندك ويعب ويتوكل على الله ؟؟؟ وين هي إستفادة الدررمنه ؟؟؟
الدرر تفيد وتستفيد لكن مو بالغصب.. يعني الخيار للعضو نفسه.. اللي يبغى يستفيد حياه الله واللي يبغى يفيد غيره حياه الله لكن هذا مو مقابل هذا.. والا تبغى تسوي زي النيجيريين اللي شغالين ايميلات انت ربحت 100 مليون دولار بس قبل ما نحول المبلغ لحسابك لازم ترسل لنا 50 الف دولار عشان نخلص الإجراءات؟ :)
لما العضو يستفيد من الدرر بدون ما نجبره على شي.. نكسب سمعة جيدة وبالتالي شعبية وانتشار أكثر وعندنا أعضاء كثير كان تسجيلهم بالدرر بسبب نصيحة من عضو آخر.. انت بنفسك لو دخلت أي منتدى عشان تشوف موضوع أو تنزل ملف وطلب منك المنتدى تسجل أول بالموقع أو ترد على الموضوع قبل ما تشوف الموضوع راح تقفل الصفحة وتدور في القوقل عن نفس الموضوع في أي منتدى غيره.. منت لحالك على النت..
وبعدين ياكبتن , يعني معدل التسجيل ماهو مقياس ينفع في عملية التفاعل ,,, من هالسبعين ألف عطني إذا عندك عدد لو تقريبي للناس إللي يشاركوا ومتفاعلين مع البقية ؟؟؟
المسألة الله يسلمك بالكيف مو بالكم ,,, إن على الكم , فهذا العدد إللي تقول عليه , هذا من يوم بدأت الدرر , يعني معناها إن أكثر من ثلاث أرباعهم نسيوا إنهم مسجلين في الدرر أصلاً ,,,
المسألة كم وكيف وما يغني واحد عن الثاني
بعدين معلوماتك غلط عن عدد الأعضاء.. من قاللك إن الدرر من يوم بدأت وعدد أعضاءها 70 ألف؟!!
الدرر بعد 4 سنوات تقريباً من تأسيسها ما كان يتجاوز عدد أعضاءها 4 أو 5 آلاف عضو
لكن من بعد (تنشيط) أقسام التكنولوجيا تضاعف العدد بشكل كبير جدا والحمد لله وتجاوز 70 ألف عضو في حوالي 4 سنوات فقط وانت احسبها..
مجرد دخول العضو للدرر باستمرار (حتى من غير ما يرد) هذا نوع من التفاعل.. صحيح نطمح لأكثر من كذا بس يظل دخول الأعضاء شيء إيجابي عندنا وما نقدر نجبر العضو على المشاركة..
وبالنسبة لموضوع إن فيه غيري يستفيد من أشياء خارج إهتمامي , صح ,,, مضبوط ,,, ماكو إعتراض , لكن ( وركزلي على كلمة لكن ) من أبسط حقوق الدرر عليهم إن مثل مايستفيدوا كمان يفيدونا يعني لمتى راح تبقى الدرر ( سبيل ) لكل من يبغى شي ؟؟؟ ماعلينا , أنا ماني ضد الناس تستفيد , وإنت جزاك الله خيراً يافتى , لكن ( وكمان مرة ثانية ركزلي على كلمة لكن ) مو معقول إنك تاخذ تاخذ تاخذ تاخذ وماتعطي لو لمرة وحدة ,,,
عموماً , أنا عارف إن عندك شوية حساسية من هالموضوع , و والله ماهمني إنهم يتواجدون أو لا , طالما الشغلة ماجت من أنفسهم , وطالما إنكم راضيين عن الوضع ,,, فهذا شي ثاني ,,,
خليها تكون (سبيل) أقلها نكسب أجر :)
وأنا ما عندي والله أي حساسية.. كلها شوية زكام وراحت الحمد لله
بالفعل يا أبو عبد الله ,,, أنا أقارن بين الماضي والحاضر , وهذا شي طبيعي , حتى إنت في بيتك تفكر وتقارن بين بيتك يوم كانوا العيال صغار واليوم بعد ماكبوا ماشاء الله عليهم ,,, تقارن في كل شي , وتفتقد أشايء وأشياء , وهذا شي طبيعي , لأن الزمن مايوقف على حال ,,,
لكن ( وركزلي الله يرضى عليك على كلمة لكن لأنها متعبتني شوي ) نظرة المقارنة هنا في الدرر المفترض تكون للأفضل ,,, التغيير يامحيا من المفترض يكون للأفضل , لأنه إكتسبنا الخبرة ( أخص الإدارة ) يعني ممكن ننقل خبراتنا للي بعدنا ,,, ونحاول قدر الإمكان إن مانوقف في نفس المكان ,,, لأني لو باخذ كلامك وأمشي عليه , معناها إني خلاص أوقف هنا وأتغنى بالماضي كيف كنا وكيف صرنا ,,,
طيب (وركز لي الله يرضى عليك على كلمة طيب) :) أعتقد في هذي متفقين.. يعني ما يقعد كل شوي يطلع لنا واحد ويقول نبغى الدرر ترجع مثل أول.. لأن مافي شي بالدنيا يرجع مثل أول.. اللي عنده اقتراح للتطوير أهلاً وسهلاً أما اقتراح يرجعنا ورا خليه في جهازك أحسن..
نظرتك بالنسبة لزحمة المنتديات وإنه لهذا السبب أصبح عدد الأعضاء قليل , صحيح من الناحية النظرية ,,, لكن من الناحية العملية , فيه منتديات دخلتها أقسم بالله عدد الأعضاء أكثر من ميتين ألف , وكل الأقسام تقريباً مشعللة ,,,
كويس إنك قلت (تقريباً) عشان لو طلع مافي غير قسم أو اثنين هم اللي شغالين تقول أنا قلت تقريباً :)
ايش قصدك بـ(مشعللة)؟؟ يعني ردود (شكراً وتسلم ويعطيك العافية وموضوع حلو) أكثر من اللي عندنا؟
الحمد لله عندنا أعضاء يشهدوا لنا بأنهم استفادوا من الدرر أكثر من المنتديات الأقدم والأشهر منا على النت.. لكن انت لأنك تشوف الدرر من بعيد أكيد ما راح تلاحظ هذي الأمور.. لكن قرب شويه وشيك على أقسام الدرر كلها وبتعرف إننا نتفوق على غيرنا في جوانب هم سبقونا لها.. بس احنا ما نحب نتكلم عن نفسنا كثير..
بالنسبة لموضوع دولي , يامحيا باشا أنا شفت سلامها وزعلت إن ماحد رد عليه , لكن حقيقي ليه أنا مارديت في ساعتها , ما أعرف ؟ ومع هذا , أنا ما أتهمت الإدارة ولا حطيت إن من مسئوليتها إنها ترد السلام على الأعضاء ,,, أنا قلت بالضبط ( تصور دولي جات في الإهداءآت قالت السلام عليكم مالقيت أحد رد عليها !!! ) و واضح تماماً إني ماقصدت الإدارة لا من قبل ولا من بعد ,,, الموضوع ومافيه إن الأعضاء القدامى موجودين ويطلوا علينا كل فترة , ويش ساوينا عشان نردهم لبيتهم ؟؟؟ هذا التساؤل الأخير يخص الإدارة بالمقام الأول ويخص الأعضاء ,,,
وهذي كمان متفقين فيها.. يعني الخطأ كان مشترك ويتحمله الكل إدارة وأعضاء خصوصاً اللي كانوا متواجدين وقتها..
وقولك هنا ( والمشرفين والمشرفات نفس الشي كل واحد له ارتباطات وجزاهم الله خير كل واحد قاعد يجتهد ويفكر كيف يقدم شي مفيد للأعضاء
وأعتقد يتوقعوا منا التشجيع والتقدير والمشاركة مو التحطيم والانتقاص
يعني انت تبغانا يا نوصل المريخ والا نقعد في الأرض.. ما ينفع نوصل للقمر على الأقل؟ )
خلني آخذ جزئية هي لب الموضوع وهي ما أقصده بالتحديد ( ويفكر كيف يقدم شي مفيد للأعضاء ) وهذا كل مادار في الموضوع يامحيا ,,, لاتخرجني عن قصدي بكلام أنا ماقلته ولاقصدته ولافكرت فيه ,,, أنا ما أنتقصت من أحد , ولاحطمت أحد ولاطلبت من أحد يوصل المريخ أو حتى قويزة ,,, كل قصدي واضح , إنه فيه تقصير من الجميع , مشرفين وأعضاء وقبل كدا إدارة ,,,
انت ما قصدت التحطيم هذا شي أنا واثق منه
لكنك ما اخترت العبارات المناسبة وبالتالي صار كلامك له معنى ثاني وهذي مسؤوليتك
ما حنقعد ندقق على كل كلمة قلتها.. خلاص مشيناها :)
خلني أرجع لتساؤلي الأول لكم يا إدارة :
( بالله عليكم ويش هو دوركم بالضبط ؟ )
والثاني : ( وين التحفيز للأعضاء يا إدارة ؟؟؟ )
والثالث : ( ياخي من كام سنة , والوضع مثل ماهو عليه ,,, مامن جديد ؟ وإذا فيه جديد ياريت أعرفه أو تذكرني بيه ,,, )
طيب هل المطلوب من رئيس وإدارة الفيفا ينزلوا الملعب ويلعبوا كورة عشان يستمتع الجمهور؟
وهل مطلوب من حكام المباريات تسجيل الأهداف؟
الإدارة دورها هو الإدارة والتخطيط
والمشرفين تنظيم وإشراف
والأعضاء مشاركة وتسجيل (أقوان)
رمضان كريم مستر فوجي :)
________________________
أهلين محيا باشا ,,,
شوف ياطويل العمر ,,, أنا راح أسوي زي إتحاد الكورة عندنا , أقبل ردك شكلاً وأرفضه مضموناً :233: وذا من أبسط حقوق الديموقراطية في الصومال ,,,
وبرضك مارديت على سؤالين من الثلاث أسئلة إللى في آخر الموضوع ,,, عموماً , ماعلينا , يقولك السياسة هي فن الممكن ,,,
إنت قلت هنا ( كويس إنك قلت (تقريباً) عشان لو طلع مافي غير قسم أو اثنين هم اللي شغالين تقول أنا قلت تقريباً :SMIL:
ايش قصدك بـ(مشعللة)؟؟ يعني ردود (شكراً وتسلم ويعطيك العافية وموضوع حلو) أكثر من اللي عندنا؟ )
أولاً يا كابتن أنا مو محتاج إنى ألاقي لنفسي مخرج أو خط رجعة , لأني كل كلمة أقولها متأكد منها ومسئول عنها ,,, واثبتلك كلامي إللي قلته بخصوص بعض المنتديات إللي تزيد عن 200000 عضو , شوف هذا الرابط :
http://forums.fatakat.com/
هذا منتدى نسائي مصري رائع بمعنى الكلمة , شوف ولاحظ :
ـ عدد الأعضاء أكثر من ثلاثمية ألف عضوة , لاحظ عضوة , يعني لو كان كمان فيه أعضاء كان ممكن يتضاعف العدد .
ـ لاحظ من الوجه العام للمنتدى حركة المواضيع وعددها وآخر مشاركات , راح تلاقي إن جميع الأقسام والمواضيع تتحرك في وقت واحد ( تقريباً ) والوقت الفاصل بينها دقائق .
ـ المواضيع: 585,653, المشاركات: 16,298,793, العضوات: 312,471 ( أرقام مخيفة , صح ؟ )
ههههههههههههههه وين تروح بالسبعين ألف معاهم ؟؟؟
ياعم محمد , خلينا نتكلم على قدنا ,,,
وأخيراً , قلت ( انت ما قصدت التحطيم هذا شي أنا واثق منه
لكنك ما اخترت العبارات المناسبة وبالتالي صار كلامك له معنى ثاني وهذي مسؤوليتك )
أشكرك على حسن ظنك , لكن كمان المفترض من حسن ظنك في شخصي المتواضع البسيط إنك ماتشك إن لكلامي معنى ثاني أو قصد ثاني وتعطي إيحاء للقارئ بكدا ,,, هذا أنا عتبان عليك فيها , لأنك تعرفني مو أنا إللي أعمل كدا , عندي الشجاعة والمسئولية إن أقول الكلمة الحق بكل بساطة .
أخيراً بعد أخيراً يامحمد باشا , بعد مانزل الموضوع مباشرةً تلقيت إتصال بدأ معي بكلمة ( إنت بتنفخ في قربة مخروقة ) وجاني ترشيح هذا نصه ( عجزتْ ,,, ضاعت مني كل الكلمات ,, أتدري لماذا ..؟ لأنـــــي بكيــت هنا كثيراً وتذكرت الدرر ,, أيــام كانـــت درر )
والكلام هنا لايحتاج إلى تعليق كثير ,,, فا الألم واضح ,,, فهل نضرب عرض الحائط بما ظهر لنا وماخفي كان أعظم , أم على الأقل نحاول جهدنا ( نحن وأنتم يا إدارة ) ؟؟؟
تحياتي وتقديري ,,,
______________________
انا جيت غازي والناس راجعه ههههههههه
تروا الشغله بسيطه جداً لاعادة النشاط وتتركز في 4 نقاط
1/ وضع بنرات لأهم المواضيع ( حتى لو كانت مواضيع نقاشيه وينعمل البنر خلال ساعات ويتركب كم يوم )
2 / ارسال رسائل يوميه للأعضاء لموضوع او موضوعين ممكن تهم اكبر عدد من الاعضاء .
3 / اي عضو يدخل موضوع عليه الرد مباشرة ولا يأجل الرد << يسويها دايماً :drr05_19:
4 / الاهتمام بتغطية أهم الاحداث ( مثل احداث زلزال العيص او تسلل الحوثيين او سيول جدة والرياض وغيرها من ألاحداث المهمه )
نسيت اقولكم .. قسم تغطية كأس العالم ماله داعي الحين !!!
_______________
أهلين كونك ,,, إقتراحاتك جميلة وأتمنى إن الإدارة هي إللي ترد عليها بحكم التخصص ,,,
مشكور ياحبيب القلب ,,,
_________________
أخي المبارك:زادي
انا اضم صوتي مع الاخ محمد المحيا وهو معقول جدا
لابد من التوازن في اعمالنا واعطا كل واحد حقه
البعض يصلح الاخرين ويجتهد في ذالك وينسى نفسه
اخي زادي ارجوك ان تتقبل مني ولست ضدك ابدا
بوركتم اينما كنتم
أهلين أختي الفاضلة الفقيرة إلى ربها ,,,
البعض يصلح الاخرين ويجتهد في ذالك وينسى نفسه
الحقيقة هذي الجملة مافهمتها , ومحتاجة توضيح إذا ممكن .
مع جزيل شكري وتقديري لك .
الفقيره الى ربها
02-08-2010, 02:22 PM
اهلين اخي زادي
ان شاء الله تقبلت مني
قصدي في هذه العباره البعض يقضي كل وقته في كتابة المواضيع ويجتهد في البحث
ولكن يتأثر به الغير ولا يتأثر قد تقول له اجر نعم ان شاء الله له اجر لكن ابدا انت بإصلاح نفسك
ثم فكر بالاخرين لان الجلوس على النت مضيعة للوقت -طبعا اولا الكلام لي ثم لكم- اضع مشاركتي ثم
اخرج مو لازم أقابل الدرر 24ساعة ولا تفهموا كلامي خطأ والله انا حريصه على الدرر احب كل يوم
ادخل وهذا كلامي انا وكيف الي وراه بيت وعيال وانا ما وراي شيء
اخيرا كرروا دائما هذه الكلمات
***تبا لي إن نجحوا وخسرت انا (طبعا النجاح الاكبر)***
هذي مشاركة أختنا همس الورد ,,,
راح أعلق عليها سطر بسطر , بس المشكلة إني نسيت كيف أغير الألوان في الخط , أستحملونا من فضلكم ,,,
_____________________
السلام عليكم ورحمة الله وبركاته
زادي ـ وعليكم السلام والرحمة والإكرام من رب الأنام ,,,
كيف حالك زادي أو اذا تسمح لي إحتراما لك أفضل إني اقولك أبو عبدالله
زادي ـ أكيد , أبو عبد الله من أحب الأسماء عندي وكنيتي إللي أنعرفت فيها من وأنا صغير .
مدري يحق لي أعلق ولا لاء ؟
زادي ـ طبعاً أكيد , حق الرد محفوظ ومكفول بموجب قوانين أممية من سنة 1919 م :245:
ادري انه مالي فتره طويله في الدرر وعشرتي فيكم مهي عشرة عمر ولا يحق لي اتكلم كثير لكن حاقول الي عندي
زادي ـ بالعكس ياهمس , إنتي من العضوات النشيطين ووجودك له مكانة ومرحب به في كل مكان .
بداية أبدء بنفسي عشان لا اغلط على احد انا مقصرة جدا جدا جدا وأعترف بنقطة اني أدخل الموضوع وممكن وما أرد عليه لأنه ما الاقي إجابه غير الشكر أو التقييم وإن كان موضوع نقاش فبصراحه أحب أشارك فيه لأنه مواضيع النقاش سبب للحماس والنشاط وفي خصلة معروفه فيني وذكرتها مليون مره ( خير الكلام ماقل ودل ) ما أحب الهرج الزايد رغم انه في بعض الأمور لازم أرد وأقول كلمة هل تعلم وفي بعض المواضيع أضيف مداخلات إن توفرت لدي معلومة
زادي ـ كلام جميل , يعني بتركزي على المواضيع الحوارية والنقاشية , هو هذا لب الموضوع ياطويلة العمر .
وثاني شي أنا أول المعتذرين عن تقصيري لكن يشهد الله عندي ضغط في معامله برا جده وجالسه أمشي في إجرائات كفالة شخص وعندي دوامين صيفي لدرجة إني في بعض الأحيان أدخل من المعهد ولمن ما أكون في جده أدخل من جوال أي احد بس اشيك عالدرر وأسجل دخولي وأمشي واعترف انه في مني تقصير
زادي ـ الله يكون في عونك , ونحن مقدرين تواجدك , بالعكس إنتي ماشاء الله من الأعضاء النشطاء بشهادة الكل .
كان في مشروع مع توفي حبيبتي بس للآن ماقدرت انفذه لكن اعطيتها كلمه بتنفيذه ولا حاتراجع عن كلمتي بإذن الله لكن زي ماقلت لك الضغط الخارجي هذا امر مو بيدنا لكن صدقني إن كان في مواضيع حماسيه زي موضوعك مشكله إجتماعيه أكيد حأكون اول المشاركين
زادي ـ الله يوفقك إنتي وتوفي ونشوف منكم شيئ جميل وإضافة رائعة للمنتدى , ولا أشك أبداً في مقدرتكم , بس إنتوا قولوا يالله .
وأتمنى تعذرني إنت وغيرك لكن من جد زي ماقال المحيا وبصراحه كلامه منطقي وعين العقل
أنا ماأتحيز لأراء المحيا لكن في الحقيقه المحيا إنسان واقعي وتكلم بنطق لأنه كل شخص له امور غير المنتدى ومستحيل نحقق توازن في كلا الأمرين
وإني ما أتحيزت لك في بعض الامور فهذا مو معناه اني ضدك بالعكس أنا معاك وأتفق معاك 100% بس برضو تحقيق التوازن صعب يا أبيض أو أسود مافي رمادي
زادي ـ على كل حال هذا رأيك وله عندي الإحترام والتقدير ,,, أنا كان ولازال قصدي واضح وكلامي كان عام للعموم .
بعد كذا نجي للإهداء والاعضاء إلي رجعو لاتزعل مني بس برضو كان المفروض إنك ترحب فيها وكل من شافها لازم يرحب بعودتها هذا الشي يولد روح المحبه بين الأعضاء أنا ما أعرفها غير با الإسم لكن والله العظيم تمنيت أقولها حياك الله والحمدلله على رجعتك بس قلت هي ماتعرفني ولا حتاخذها مني لكن ان جات من أشخاص هي تعرفهم أكيد حتكون أحلى ومع مرور الوقت حأعرفها أكثر وأكثر ولمن تغيب ثاني حاكون بإذن الله أول المرحبين
زادي ـ أنا وضحت قصدي من إني ضربت مثل بسلام دولي , ومالمت الإدارة في هذي الشغلة زي ماهم متصورين , أنا كان قصدي بأن الأعضاء القدامى لازالوا يحملون لهذا المكان الولاء والمحبة , ولازم نعمل شي في مقابل ذلك . بس , هذا كل مافي الموضوع .
في نقطه رغم صغرها لكنها مهمه
زادي ـ هاتيها !
بدء نشاطي في الدرر الصيف الماضي وكان قمة في النشاط لكن هذا الصيف في خمول مو طبيعي
زادي ـ ها , ليه ؟ هنا لازم نوقف ونسأل ونفكر ونبحس ونمحص :134: حاجة من إتنين , يامنك إنتي بسبب إنك مشغولة أو من المنتدى إنه مافي شيئ يغري بالمشاركة , صح ؟
يبقى من هنا نبدأ نعالج المسألة ,,, وهذا القصد من الموضوع بالكامل .
اتمنى إنه كلامي يكون متقبل من الكل
زادي ـ على الأقل من ناحيتي مية مية ولافراخ الجمعية , مافي خلاف , وعلى العين وعلى الراص .
تقبلو فائق إحترامي لكم
زادي ـ ولك كل إحترامي
همس الورد
زادي ـ |547|
الأمــل
02-08-2010, 03:22 PM
دخلت أذكّر بنفسي... وما أبرِّي نفسي..
.
.
الأمــل
________________________
هذا رد توفي , وراح أعلق عليه بنفس الطريقة للي سبق مع همس , ألبسوا نظارات :245:
_______________________
توفي , يحرئ حريش أوباما على هيك رد :233: إيييييييييشبك إنتي ههههههههههه
_____________________
جا دوري
زادي ـ يالله حيهم
بسم الله الرحمن الرحيم<<<راح أبدأ مرسوم ملكي:drr05_52:
بس قبل لا أهرج لحد يزعل ولاحد ياخد على خاطره مني و أعتذر عالجميع اذا غلطت على أحد
أو إذا كنت صريحه زيادة عن اللزوم
مـــقدما
زادي ـ هاتي الهرجة وكلنا أذانا صاغية يافتاة :134:
***********
دحين بقتبس من كلام خالي الله يحفظه اللي خلاني أنام وما أنـام وسبب لي إحباط
فوق الإحباط اللي فيني
زادي ـ طب ليه أخذتيه على إنه سبب إحباط ياتوفي ؟ إنتي في مكان مسئولية والموضوع مناقشة وحوار ماهي هجوم ودفاع .
وين نشاطكم عن الإستراحة ؟
زادي ـ صح أنا سألت كدا .
مافي نشاط..مانقدر نسوي حاجه لا ينشطنا ولا ينشط الأعضاء
زادي ـ مني فاهم ؟
ويش عملتوا شيئ مميز في الإستراحة ؟
زادي ـ صح كمان , أنا سألت كدا .
ولا شي غير المسابقه دي اللي تعبت فيها أنا ورحيق قبل ما ننزلها
زادي ـ طيب !
بتقول ليه أنا أقولك ياخال
زادي ـ قولي يابنت أختي قولي أطربيني وأشجيني :245:
تفتكر ياخالي لما اول ما استلمت إشراف الاستراحه وقلتلك ابغى أترك بصمة ليا في الاستراحه
بفكره من بنات أفكــــــــــــــــــــــاري تفتكر ياخالي ولا ماتفتكر
زادي ـ فاكر فاكر تمام .
ومن يومها وانا كل ماطلعت براسي فكيره (تصغير فكره) أواجه الرفض
انه ما راح يتقبلها ,ما راح أحد يتجاوب معاها, محى تمشي تمام حتواجه الفكره الخمول
زادي ـ طب ليه تحبطي نفسك بنفسك ؟ يعني ليه تفترضي الإفتراضات السلبية قبل ماتعملي الفكرة وتطبقيها ؟ وبعدين المحاولة تبقى شي كويس والنتائج أكيد راح تكون كويسة إذا الواحد أجتهد .
مره على مره.. مره على مره.. صابني إحباط والمخ تنك
زادي ـ لأ , لأ ياتوفي , إنتي ماشاء الله عليك يجي منك , بس مشكلتك إنك ماحاولتي .
معليش هذي قدرتي عالأفكار وآسفه اذا ما وصلت أفكاري لمستوى أفكاركم
زادي ـ بالعكس ياتوفي , والله كلامك عن نفسك دا هو التحبيط بعينه وخشمه وإدنه , ليه ؟ الموضوع بسيط , إنتي لو نزلتي مواضيع عامة حوارية أو فيها نقاش أو حتى ترفيهية بقالبك المعروف عنك , يبقى شي كويس , وشوي شوي تجي الأفكار . وبعدين ياتوفي يا أختي الكريمة ياست المنتدى , والله كلنا عيال تسعة وكلنا واحد , بس فيه شخص عن شخص يفرق في بعض الأمور , وأعتقد إنك تمتلكي موهبة جميلة في أمور النقاش والحوار وروحك حلوة ومقبولة ومميزة .
شوف دي المسابقه ياخالي طلعت فيها من شهر
وانا أقلب فيها وأعصرها من مخي و أكلم رحيق لغاية ماطلعت وماشاورت فيها أحد غير رحيق
لأنها الوحيده اللي عجبتها الفكره لما طرحتها والوحيده اللي ما راح تحبطني
وبالرغم انه العمده طلب اننا نزلها من أسبوعين لكن مانزلتها الا دحين
والسبب اني لما ابغى انزل شي يكون شي عليه القيمه متعوب عليه
وشي جديد يختلف عن باقي المسابقات
زادي ـ ياتوفي أنا والله ما لي إعتراض على المسابقة حقتك بشكل خاص , لأني ما أطلعت عليها , أنا كان ولازال قصدي إن نكون مختلفين شوية , يعني مسابقات من هذا النوع ويش أستفيد منها إذا كانت أجوبتها على الجاهز عند قوقل ؟ أعيد وأكرر والله مالي إعتراض على المسابقة كونها من توفي أو من رحيق , قصدي كان على الفكرة بصفة عامة .
بتقولي 100 و50 بطايق شحن بقولك مو بيدي أحط الجوائز و لا أغيرها اللي
أقدر أفكر فيه المسابقه
أما اذا مافي أحد تجاوب طيب انا ايش بيدي!!!
شي تاني كمان عشان أضيف بصمه إني سويت شي بالمكان
اللي كلنا نحبه شوف البنر الكاشخ فوق دا أنـا سويته وماطلبته من الغالي كونـ
عشان بأثبت كمان وجودي وأبغى أعطي دا المكان شي من اللي قدم لي اياه
زادي ـ عشان كدا أنا أقول إن عندك مواهب وممكن يجي منك أكثر وأحسن , وهذا قسم بالله مو نفاق أو مزايدة , لأ , والله حقيقة , لأني أعرفك من أيام تيما ضي القمر :245:
طيب بتقولي وين المواضيع يابنت أختي
بقولك تفتكر موقلت لك حنزل موضوع مشكله اجتماعيه
بالفعل كتبتها لكن تراجعت اني انزلها وفكرت مليون مره كيف الموضوع يكون كامل
ويكون واصل مو مجرد صف جمل وقلنا موضوع
برضو أعتذر
عقلية الناس اللي متواجدين بالمنتدى عقلية ناس كبيرة وفاهمه الحياة ناس
فاهمين عن ايش يتكلموا
أنا كبنت 20 سنة لازم أقولب نفسي لبنت في 30 سنة عشان أواكب مجتمع المنتدى
ومو أي أحد يقدر يسوي دا الشي فلم أكتب موضوع لازم يكون موضوع من العيار
الثقيل موجه لعقلية في الثلاثين وانت طالع
وانا مـا أقدر أكتب دا الموضوع لأنه أساسا مالي كم شهر داخله العشرين...
زادي ـ ياتوفي , الله يحفظك ويطول في عمرك , مو مطلوب منك إللي إنتي قاعدة تفكري فيه دا ,,, ياتوفي ياست الناس , أكتبي عن هموم إللي في سنك , عن مشاكلهم , عن أمانيهم , عن تطلعاتهم , عن تجاربهم , أكيد حاتلاقي مجال كبير جداً ,,, يابنتي إنتي منتي قاعدة مع عجايز :233: هههههههههههه الله يقطع إبليسك قولي آمين .
لما نجي لحكاية الركود والجمود
صحباتي كتير سجلوا بالمنتدى يوم واحد وماعد دخلوا
تتوقعوا ليه؟؟؟
زادي ـ ليه ؟
وحده قالت لي مايحمس كله ناس كبــآر
زايد ـ بسيطة , نجيبلها صورة كرت العايلة :245:
ودا أكتر سبب مافي شباب بالمنتدى أعمار 15 والعشرين مفقوده وان وجدت فهم اتقولبوا وساروا بعمر الثلاثين
زادي ـ ههههههههههههههه صدقيني أنا قلبت معايا العكس : ) حقيقي في هذي معاكي حق , ونفس الكلام دا قلته لرحيق , أنا بناتي نفس الشي بيشتكوا منه , وطفشوا من هنا .
وأكبر دليل عضوه من احلى العضوات محى اقول اسمها الكل يحسبها متزوجه وعمرها يجي 25
لكنها لسه زغنونه طالعه أولى ثانوي
زادي ـ طب كويس , يعني أخذت خبرة مجاناً , هذي من فضايل المنتدى ههههههههه
مافي مواضيع تجذب الشباب ومشاكلهم ولا أقدر أنا كمشرفه اني أكتب مواضيع شبابيه بعمري
لأني حواجه رفض كبير..
زادي ـ ليه راح تواجهي رفض ؟ إذا كان موضوع فعلي و واقعي , ليه تلاقي رفض ؟ بالعكس راح يكون شيئ كويس . جربي .
..........
حكاية التحبيط اللي اتكلمة عنها رحيق
في مشكله اجتماعية ايوا كتبة رد لأني كنت من جد محبطه
ياهووو
أقول رد ..فكره..رأي أبغى أحد يرد يقول كلمه وحده يا ايوا يا لا ألاقي تطنيش
يوم تزعلوا وتقولوا ليه ماقلتوا رأيكم
زادي ـ المسألة مافيها زعل , وإللي يزعل يشرب من موية البحر .
طيب سؤال أنا لما أقول رأيي إنت حتسمعه ولا حتهمشه
اذا عرفت ردك أكتر من مره هوا نفسه انك تطنشه أو ترفضه أنا محى أقول رأيي
واذا قلت رأيك بأقولك عين الصواب وبرافو لأني لو عارضتك بتحط مليون عيب وعيب
زادي ـ ما أدري , بس بصراحة مافهمت !!!
************
بالنسبة للحاجات اللي قالها أستاذ محمد المحيا ربي يسعده
قال اللي ابغى أقوله
و أوافقه مليون بالمية
كل ما بقول ياتووفي يلا فضيتي ابدأي سوا حاجه تطلع لي مليون حاجه وحاجه وتسبب غيابي
عن المنتدى وكدكوده حبيبة قلبي عارفه قد ايه بغيب
زادي ـ مسألة الغياب كلنا معرضين لها , كان الله بالعون .
************
بالنسبة للحاجات اللي قالها كونـ باشا
حكاية ارسال رساله للعضو..انا زعلانه وضايق خلقي بسبب حاجه طلبتها ومحد عبرني
ايش أسوي اللي أقدر عليه بحاول أسويه
انا مقصره واللي ذكرته فوق ممكن مايكون مبرر لكن شي أحسه كل مادخلت المنتدى
وانت ياخالي فتحت موضوع النقاش وجيت عالجرح وتبغى الإجابة وهادي إجابتي
لاحد يزعل مني ولاحد ياخد على خاطروا مني
وسوو نفسكم ماقريتو الرد أنا وحده لما أنفلت أنفلت:148:
هيا سلام عندي اختبار الأحد ولسه مازاكرت :245:
__________________
زادي ـ أول حاجة , أبغى علبة مناديل عشان راح أبكي من دحين لبعد العصر ,,, ياتوفي إيشبك قلبتيها دراما ؟ واله لحد زعلان منك ولا فيه أصلاً أحد زعلان من أحد .
عموماً ياستي , الله يوفقك في إختبراتك أول شي ,,, وتاني شي الله يكون في عونك لمن ترجعي , وثالث شي أشكرك جزيل الشكر على هذي المشاركة والمصارحة الجميلة جداً ,,, ورابع شي وأهم شي , لاتزعلي مني , والله كان قصدي واضح , مو تجريح ولا تحبيط ولاخرابيط ,,, الموضوع ومافيه بأكلمك لأنك في مكان مسؤولية , فقط لاغير ,,, وشهادتي فيك وفي أخلاقك ونجاحك ونشاطك مجرحة , لأني أعرف مين هيه توفي .
الله يسعدك ويبارك في عمرك يارب .
محمد المحيا
02-08-2010, 04:05 PM
هلا زبادي حبيب الشعب
شوف ياطويل العمر ,,, أنا راح أسوي زي إتحاد الكورة عندنا , أقبل ردك شكلاً وأرفضه مضموناً :233: وذا من أبسط حقوق الديموقراطية في الصومال ,,,
أكيد من حقك.. وهذا اللي مضيع الصومال :)
وبرضك مارديت على سؤالين من الثلاث أسئلة إللى في آخر الموضوع ,,, عموماً , ماعلينا , يقولك السياسة هي فن الممكن ,,,
يعني لازم أكتب ج1 ج2 ج3؟؟؟ :)
أنا جاوبت ضمن الرد على تساؤلاتك.. عموماً نرد ثاني ايش خسرانين احنا..
والثاني : ( وين التحفيز للأعضاء يا إدارة ؟؟؟ )
التحفيز موجود من خلال مشاركاتنا في المواضيع اللي يطرحها الأعضاء يعني كل مشرف ومشرفة من مهامه تشجيع الأعضاء والرد والاهتمام بمشاركاتهم حتى الترشيح لمواضيع الأعضاء الجد من باب التشجيع هذي كلها متحققة والحمد لله غير المسابقات والجوائز اللي ماهي عاجبتك..
والثالث : ( ياخي من كام سنة , والوضع مثل ماهو عليه ,,, مامن جديد ؟ وإذا فيه جديد ياريت أعرفه أو تذكرني بيه ,,, )
من كام سنة والوضع مثل ماهو عليه؟!!!
حرام عليك ياشيخ
ترى آخر موضوع جديد نزل قبل 5 دقايق
وفي الوقت اللي انت قاعد تقرا فيه ردي حيكون سجل 5 أعضاء جدد على الأقل :)
فيه أعضاء موجودين معانا ومشاركين حالياً وما كان لهم أي وجود في الدرر قبل (كام سنة)
الناس اللي بتزور وتستفيد من الدرر اليوم أضعاف اللي كانوا يزوروها ويستفيدوا منها قبل (كام سنة)
العوايل اللي عندنا بالدرر اليوم أكثر بكثير من اللي كانوا قبل (كام سنة)
وكل يوم ينزل عندنا شي جديد ومفيد أحسن من قبل (كام سنة)
وأكرر كلامي أنا ما أقول اننا أفضل منتدى على النت لكن أؤكد لك بأننا من أفضلها وأميزها.. يكفينا وجودك :)
لكن مهما سوينا رضا الناس غاية لاتدرك لأن الكمال لله وحده..
أولاً يا كابتن أنا مو محتاج إنى ألاقي لنفسي مخرج أو خط رجعة , لأني كل كلمة أقولها متأكد منها ومسئول عنها ,,, واثبتلك كلامي إللي قلته بخصوص بعض المنتديات إللي تزيد عن 200000 عضو , شوف هذا الرابط :
http://forums.fatakat.com/
هذا منتدى نسائي مصري رائع بمعنى الكلمة , شوف ولاحظ :
ـ عدد الأعضاء أكثر من ثلاثمية ألف عضوة , لاحظ عضوة , يعني لو كان كمان فيه أعضاء كان ممكن يتضاعف العدد .
ـ لاحظ من الوجه العام للمنتدى حركة المواضيع وعددها وآخر مشاركات , راح تلاقي إن جميع الأقسام والمواضيع تتحرك في وقت واحد ( تقريباً ) والوقت الفاصل بينها دقائق .
ـ المواضيع: 585,653, المشاركات: 16,298,793, العضوات: 312,471 ( أرقام مخيفة , صح ؟ )
طيب انت أمس قلت (المسألة بالكيف مو بالكم)
واليوم جاينا بالكم الطويل :)
لكن مسألة (رائع بمعنى الكلمة) هذي ممكن نختلف فيها
الأرقام (المخيفة) اللي تقول عليها بالعكس ما تخوف لو انك دققت فيها شويه
لو بحثت عن حقيقة الـ 16 مليون مشاركة هذي ومن فين جات حيطمن قلبك ويروح الخوف
شوف حبيبي.. المنتدى هذاك فيه 47 قسم (رئيسي) لو رتبتها حسب أكثر المشاركات عشان تعرف النشاط في المنتدى متركز فين حتطلع بالنتيجة التالية:
أكثر 7 أقسام نشاطاً هي:
1- شات فتكات (3,094,399 مشاركة)
2- مول فتكات (1,791,942 مشاركة)
3- فضفضة وتجارب (1,251,457 مشاركة)
4- قسم المواضيع المكررة (1,070,894 مشاركة)
5- دردشة ومواضيع عامة (924,543 مشاركة)
6- الترحيب والاجتماعيات (799,809 مشاركة)
7- منتدى الرشاقة (565,513 مشاركة)
أما أقل 7 أقسام نشاطا فهي:
1- مسابقات فتكات (1,342 مشاركة)
2- دورات فتكات (1,512 مشاركة)
3- مواضيع فتكات المميزة (4,456 مشاركة)
4- تسجيلات صوتية (7,834 مشاركة)
5- موبايلات (23,207 مشاركة)
6- فيديو (26,288 مشاركة)
7- تعليم اللغات (27,297 مشاركة)
لاحظت الفرق؟
شفت ايش هي الأقسام النشيطة؟
الشات لحاله 3 مليون مشاركة!!!
والفضفة مليون والمواضيع المكررة مليون وووو :)
هذا منتدى تقول عليه (رائع بمعنى الكلمة) ؟!!!
لكن الأقسام اللي المفروض تكون مفيدة للعضوات شوفها في أقل الأقسام نشاطاً والحركة فيها ما تتناسب مع منتدى عدد أعضاؤه يتجاوز 300 ألف.. معايا والا مش معايا يامعلم؟
ولو دخلت على كم موضوع حتضحك من الردود اللي عندهم.. ملايين الردود من نوع (موفقه حبيبتى) و (ربنا يكرمك ياعسل) و (يا مسهل يارب) و (فووووووووووووووق) عشان ترفع الموضوع وهلم جرا..
هذا هو المنتدى الـ (رائع بمعنى الكلمة) !!
ههههههههههههههه وين تروح بالسبعين ألف معاهم ؟؟؟
ياعم محمد , خلينا نتكلم على قدنا ,,,
طيب احنا من الأول قاعدين نتكلم على قدنا
انت اللي قاعد تقارن بيننا وبين الناس
تسلم لي الضحكة :)
أشكرك على حسن ظنك , لكن كمان المفترض من حسن ظنك في شخصي المتواضع البسيط إنك ماتشك إن لكلامي معنى ثاني أو قصد ثاني وتعطي إيحاء للقارئ بكدا ,,, هذا أنا عتبان عليك فيها , لأنك تعرفني مو أنا إللي أعمل كدا , عندي الشجاعة والمسئولية إن أقول الكلمة الحق بكل بساطة.
والله أنا ما شكيت في كلامك بالعكس أنا عارف نيتك وهذا اللي أنا قلته ووضحته
كل اللي قلته ان كلامك ينفهم منه غير المعنى اللي تقصده.. وهذا واضح لأي واحد يقرا كلامك
طيب حتى مشرفتنا الغالية توفي شعرت بالإحباط بسبب كلامك... ليه ما قلت انها تشكك في كلامك وتعطي إيحاء؟؟؟ والا المحيا بس هو اللي يتحمل المصايب لحاله؟ :)
وعلى العموم عتبك عالعين والراس وما عاش اللي يزعلك
أخيراً بعد أخيراً يامحمد باشا , بعد مانزل الموضوع مباشرةً تلقيت إتصال بدأ معي بكلمة ( إنت بتنفخ في قربة مخروقة ) وجاني ترشيح هذا نصه ( عجزتْ ,,, ضاعت مني كل الكلمات ,, أتدري لماذا ..؟ لأنـــــي بكيــت هنا كثيراً وتذكرت الدرر ,, أيــام كانـــت درر )
والكلام هنا لايحتاج إلى تعليق كثير ,,, فا الألم واضح ,,, فهل نضرب عرض الحائط بما ظهر لنا وماخفي كان أعظم , أم على الأقل نحاول جهدنا ( نحن وأنتم يا إدارة ) ؟؟؟
والله يا زادي اللي عنده شي يقوله هنا ويكون صريح مثلك
مو معقولة نقعد نرد ونعلق على المكالمات والترشيحات وكلام الأعضاء خارج المنتدى
أكيد فيه مؤيدين لكلامك وأكيد فيه معارضين
وإذا لازم ناخذ بكلام المؤيدين لازم ناخذ بكلام المعارضين ونوصل لنفس النتيجة (رضا الناس غاية لا تدرك)
تحياتي وتقديري ,,,
ولك أطيب تحية.. لحظة أحولك على تقييم مستوى الخدمة :262:
__________________
وهنا رد الحبيب صدق الوفا ,,, راح يكون الرد بنفس الطريقة السابقة , الله يعينكم بس :134:
________________
السلام عليكم ورحمة الله وبركاته
زادي ـ وعليكم السلام ورحمة الله وبركاته
اكون صادق معك يا أبو عبد الله
زادي ـ طول عمرك صادق إسم على مسمى
اقسم با الله كنت ناوي انزل موضوع مشابه
و كان قريب الطرح
زادي ـ ياريتك سويتها وفكيتني :233:
و في الأخير هونت لأنه وصلت لمرحلة يقين تامه
أن الردود تعتمد في المقام الأول والأخير على اسم المعرف
وليس لها اي دخل لا من قريب ولا من بعيد بمضمون الموضوع .
زادي ـ صدقت ياصدق , أنا أشهد وأبصم .
النقطه الثانيه
زادي ـ يابعد حي , هات
سوء إدارة الأزمات افقدنا الكثير من الدرر الغاليه واللي لها ثقل ثقافي و معرفي كبير .
زادي ـ أعتقد إن الدرر ماتهتم بهالأمور كثير , وشعارهم هنا من زمان إللي يبغى يقعد يقعد وإللي يبغى يمشي في أمان الله , يعني مافي ياشيخ أقعد أو روق حتى لو بالكذب :245:
مما لا يخفى على الجميع ان الدرر محاربة و هناك حروب خفية يمكن اخرها محاولة الإختراق
و أحد أهم وسايل هذه الحروب هي تطفيش وإبعاد النخبة , يعني يجي واحد نكره سبب تسجيله هو محاربة (س ) من الناس و إبعاده لأنه شعله تضي
و للأسف الشديد بين عشية وضحاها لا يجد ذاك (س ) من قبل الإداره الرد الشافي
و لا الحماية و لا التقدير لعمله ولا لتاريخه ..
بل الطامة الكبرى إن إلتزمت الصمت حيال الهجوم و تدخلت حين الدفاع !!
زادي ـ هذي نظرتك ورؤيتك وإنت مسئول عنها , وللإدارة حق الرد .
النقطة الثالثة .
زادي ـ هات ياولد العم .
من الأسرار النووية التي لا نعلمها نحن
الا و هو ( اختفاء المشرفين )
زادي ـ المشكلة إذا أتكلمنا زعلوا علينا , فا , بلاش أنا بالذات أتكلم لأني صاير أسبب سوء فهم .
اعضاء كانو قمة في كل شي و شعله من النشاط
و بدون اي مقدمات يختفون يغيبون أو يغيبون
كل ما اختفى مشرف أتذكر نيلسون ما نديلا >> مدري ليه عاد انت فسرها براحتك
زادي ـ المشكلة فعلاً هنا , مثل ما أتفضلت , بعض المشرفين كانوا قمة قبل الإشراف وبعد الإشراف أصبحوا محدودي النشاط , شيئ غريب وكم مرة أتكلمت مع أبو فهد في هذا الموضوع .
النقطة الأخيره و خارج النص كمخرج
زادي ـ هات ياشيخ و هي خاربة خاربة : )
في واحد هنا ما اشوفه إلا في فرح أو في عزاء أو في مشروع طعه
برغم انه حبيب و غالي و ماله في الهظرة ,, و الشاطر يرفع ايده :drr05_17:
و الله واحشني و أتمنى اشوفه صدفه لو في الشراع خخخ
زادي ـ ترم ترم ترم ترم ترم ترم تررررررررم تتتتتترم :drr05_17:
ربي يسعد الجميع حتى الأشرار بدون ذكر اسماء خخخخخ
زادي ـ ياخوي هم وينهم الأشرار ؟ ماعاد بقى في المنتدى غير الملايكة , عطني ثلاث أشرار وخذ عشرة ملايكة ونا أولعلك في ذا المنتدى :233:
و أتمنى ما احد يفسر غيابي على كيفه
كل مافي الأمر ظروف عمليه و ضغوط خارجية
و اخاف ادخل و انا خارج التغطيه
زادي ـ والله لك وحشة , بس لاتطول ياكوتش |547|
أو اوفر لود و أجيب العيد في اقرب شخص:drr05_42:
زادي ـ ماعندك مشكلة و أبو فهد حلال المشاكل وراعي الأولة حاضر وزاهب يفكك من أي طقاق :245:
علشان كذا بعدت شوي مع دخول من الأطراف لتفادي الإصابة
زادي ـ ههههههه ماقلنالك هنا ماعاد فيه غير ملايكة , مايفهمون الطلاسم إللي قاعد تقولها هههههههه أراهن إذا أي وحدة فهمت الجملة إللي فوق : )
دمتم و دامت الدرر عامره و راقيه معطرة برجوع كل حبيب و غالي
زادي ـ وإنتم أولهم وعلى راسهم يالغالي .
صدق الوفاء
زادي ـ |547|
الكونكورد
03-08-2010, 01:25 PM
( عجزتْ ,,, ضاعت مني كل الكلمات ,, أتدري لماذا ..؟ لأنـــــي بكيــت هنا كثيراً وتذكرت الدرر ,, أيــام كانـــت درر )
زين انك ما كتبت اسمه
لان الشخص هذا ممكن يكون من الغايبين وما حط ايده بايدنا لتغيير الوضع :134:
زادي ـ المشكلة فعلاً هنا , مثل ما أتفضلت , بعض المشرفين كانوا قمة قبل الإشراف وبعد الإشراف أصبحوا محدودي النشاط , شيئ غريب وكم مرة أتكلمت مع أبو فهد في هذا الموضوع .
السبب عندي
<< خبرة هههههههههههههه
_______________
وهنا رد الأخت الكريمة طيف , حناخذه سطر بسطر , ودي المرة أربطوا الحزام :245:
_______________
و عليكم السلام ورحمة الله و بركاته
أخي الكريم // زادي
زادي ـ ياهلا ومرحبا و100 سهلين : )
شاكرة لك حرصك و غيرتك
زادي ـ وأشكرك لحسن ظنك |547|
ان اتينا لملاحظتكـ للطيف
زادي ـ أتفضلي كلي سمع .
أخي الطيف طلبت اجازة مؤقتة من الادارة
لانشغالها بأمر خاص و متى ما استطاعت دخلت
و دخلتي هذي و أنا بسفر :143:
وبعد عودتي بإذن ربي كـذلــكـ سأكون بانشغال أشهرا ان أحياني ربي
وبتوقيعي تاركة اعتذاري للجميع
زادي ـ حق مشروع على العين والراس تروحي وتردي بالسلامة إن شاء الله .
وما كل ما يدور في الكواليس يعلم !
زادي ـ أكيد , ولا ماكان إسمه كواليس !!!
ومن زاويتكـ الي تراه ادارة الدرر أنسب في اشراف الخواطر له ذلك بـ :SMIL:
,,,,
زادي ـ ؟؟؟؟ وبعدين !!!! بس برضو ؟؟؟؟
المنتدى ,,,,
الردود صارت ,,,, ردود لأشخاص ماهي لفكر " اسم المعرف ,,, للكريم ,,,*صدق الوفاء* "
وشخصك الكريم سبق و ذكرها في طيف تربيع لو تذكر :drr05_60:
زادي ـ أكيد أذكر , فعلاً , وهذي كارثة للأسف .
ما ادري من سبب هالتحول لكن الله يسامحه على ما فعل " شرير:172: "
يعني اغلبنا ان لم نكن كلنا مقرين بهذي الحقيقة :206:
زادي ـ أكيد مو أنا !!!! صح ؟ |119|
يا اخي حتى الشكر صار بفلوس :drr05_89: و الازمة عاملة عمايلها " الله المستعان "
زادي ـ يعني على كدا أقدر أحسب نفسي مليونير ؟؟؟
و الله نسأله الثبات " إنما نطعمكم لوجه الله " :SMIL:
زادي ـ لاتنسي ( لانريد منكم ) !!!
,,,
من قلبي
صراحة
اتمنى فقط ان تقدر جهود الكريم // عمر باعقيل
على نشاطه ابعد انقطاعه
وهذا ما عهدناه منه بل اكثر وربي
زادي ـ يستاهل الشكر والتقدير حبيبنا عمر . ولو إنه برضو مش عمر بتاع زمان !!! ( لايجيني دحين المحيا ويقولي ـ وعايزنا نرجع زي زمان , قول للزمان إرجع يازمان ) :245:
,,,,,
الكريم // زادي
و جزيت خير الجزاء لصراحتك ,,,, التي تنم عن طهر روحكـ
ليت كل منا يفضي بما في جوفه ليتحقق ما نصح به سيد الخلق صلوات ربي وسلامه عليه
" لو تكاشفتم لما تدافنتم "
حـــفـــظكـ ربي
و متصفحيكـ
زادي ـ الحقيقة الشكر كل الشكر لك , فمثلك ياطيف ليست إلا نبراساً يقتدى في حسن الخلق والأدب والفكر الراقي الجميل , وهذا ليس مجاملةً والله .
إذا , أستطيع أن ألخص الفكرة في :
ـ عدم التفاعل بين الأعضاء يعود إلى أن المشاركة في الرد تتبع أولاً إسم صاحب الموضوع .
ـ إنشغالك بالإجازة أو أمور خاصة قللت من تواجدك .
أشكرك ياطيف على التوضيح وتقبل الموضوع ,,, مع إعتذاري مقدماً وآخراً إن أسأت فهمي ومقصدي كما يقول بذلك أخي الكريم محمد المحيا .
مع دعائي لك بالتوفيق ,,,
_________________
وهنا رد الباشا إبن الباشا عمنا وحبيبنا عاشق البيت :
_________________
هذا الموضوع يا عم زادى باشا اعتقد
بل اجزم انه راود افكار كل النشطاء الفاعلين هنا
لانهم يعشقون بيتهم ويغارون على واحتهم ويهيمون
جنونا بها . فهى جنتنا الصغيرة التى جمعتنا من كل
صوب لتتلاقى افئدتنا وارواحنا بالحب والاحترام
لكن لا يسبقك احد ابدا اليه لسبب معروف
انك انت الدينامو الذى سميته انا .
وانت الملح والسكر والفلفل
الذين سبقونى بالرد لم يتركوا لى مساحة صغيرة
فقد كبلوا حروفى برائع كلماتهم وفكرهم الراقى
وصدقهم واخلاصهم للدرر فهم من صفوة الرائعين
--
لى عودة فى موضوع ابى فهد باذن الله
_________________
ياعمي ياعشاق إنتا كدا خلتني آخد في نفسي زمبة كبيرة أوي أوي :233:
ياسيدي الموضوع بس بمقارنة بسيطة حتشوف إن فيه فرق كبير في الدرر قبل فترة واليوم ,,, بس هيه كدا ببساطة أوي ,,,
أتمنى إن الموضوع يحرك التفكير في المنتدى ويرجعنا نشتاق للدرر تاني ونقعد في إنتظار الجديد المفيد الجميل ,,, ودا شيئ مش صعب على الناس إللي هنا ,,,
أشكرك يا أبو محمد ,,, الله يحفظك ويكرمك بزيارة وعمرة وحج لبيت الله الحرام . وأكيد حأكون في إنتظارك , إنت بس أنوي وربنا يسهلها .
في أمان الله .
_______________
هنا رد ثاني الفقيرة إلى ربها :
اهلين اخي زادي
ان شاء الله تقبلت مني
قصدي في هذه العباره البعض يقضي كل وقته في كتابة المواضيع ويجتهد في البحث
ولكن يتأثر به الغير ولا يتأثر قد تقول له اجر نعم ان شاء الله له اجر لكن ابدا انت بإصلاح نفسك
ثم فكر بالاخرين لان الجلوس على النت مضيعة للوقت -طبعا اولا الكلام لي ثم لكم- اضع مشاركتي ثم
اخرج مو لازم أقابل الدرر 24ساعة ولا تفهموا كلامي خطأ والله انا حريصه على الدرر احب كل يوم
ادخل وهذا كلامي انا وكيف الي وراه بيت وعيال وانا ما وراي شيء
________________
أختي الكريمة , أشكر لك عودتك مرة أخرى ,,,
أنا لم أطلب من أي شخص الجلوس مقابل الدرر 24 ساعة ,,, كذلك فإن مقابلة النت ليست في كل الأحوال مضيعة للوقت , بل حسب ماتكون توجهات الشخص في النت يكون مستوى تقييم الوقت أمام النت وهل هو مفيد أم ضار أو مضيعة ,,,
أشكرك للتوضيح , ودمتي بحفظ الله ورعايته ,,,
في أمان الله .
____________
أهلين بالأمل ,,, حياك الله ياطيبة ,,,
هذا بيتك ومحلك وأهلك هنا ,,,
أتمنى إستمرار تواجدك أختي الفاضلة , فمثلك يظل تاجاً على رؤوس أخوانها وأخواتها وأهلها هنا ,,,
لك خالص شكري وتقديري ,,,
في حفظ الله .
نبض العلم
04-08-2010, 03:12 PM
حموووووووت
نفسي أرد
شوفولي حل في الكيبورد
أبو الشباب في دورة 10 أيام خارج جدة والسواق ياعيني عليه فإجازة
أنا طفشت
________________
جينا للمناحل المحيا ,,, فكوني عليه :233: إذا شفتوني أنضربت وطحت الأرض جيبوا الحكومة :134:
_______________
قال المحيا رضي الله عنه : ( التحفيز موجود من خلال مشاركاتنا في المواضيع اللي يطرحها الأعضاء يعني كل مشرف ومشرفة من مهامه تشجيع الأعضاء والرد والاهتمام بمشاركاتهم حتى الترشيح لمواضيع الأعضاء الجد من باب التشجيع هذي كلها متحققة والحمد لله غير المسابقات والجوائز اللي ماهي عاجبتك.. )
قال زادي غفر الله له : ( بصراحة نشكر حضراتكم على قمة التحفيز ونحن ترا أعضاء مايثمر فينا المعروف ودايماً نطلب ونطلب ولانستحي ولانختشي ولانقدر جهد ولاتعب الإدارة ونعيش النرجسية ونمارس معهم السادية وآخرتها نلعبهم نطيطة ـ ناس مفترين ويش تقول عنهم , معليش سامحهم :245: )
قال المحيا رضي الله عنه : ( من كام سنة والوضع مثل ماهو عليه؟!!!
حرام عليك ياشيخ
ترى آخر موضوع جديد نزل قبل 5 دقايق
وفي الوقت اللي انت قاعد تقرا فيه ردي حيكون سجل 5 أعضاء جدد على الأقل :SMIL:
فيه أعضاء موجودين معانا ومشاركين حالياً وما كان لهم أي وجود في الدرر قبل (كام سنة)
الناس اللي بتزور وتستفيد من الدرر اليوم أضعاف اللي كانوا يزوروها ويستفيدوا منها قبل (كام سنة)
العوايل اللي عندنا بالدرر اليوم أكثر بكثير من اللي كانوا قبل (كام سنة)
وكل يوم ينزل عندنا شي جديد ومفيد أحسن من قبل (كام سنة)
قال زادي غفر الله له : ( بصراحة الحق علينا يا أستاذ محمد و شكلنا لابسين نظارات سودا ومانشوف إللي بتشوفه الإدارة , معليش حقك علينا , إحنا غلطانين ومتأسفين ونحلف ماعاد نكررها :134: )
بس آخر سطرين يا إدارة , مرررررررا ماهي راضية تنزلي من بلعوم ولا ضور |579| حاسس إننا أعضاء أفترينا عليكم كثير , معليش أجركم على الله أستحملونا |119| عاد هذي بالزات حقت كل يوم جديد !!! تصدق إني مادريت عنها ؟ معليش إعتزارنا لحضراتكم وحضراتكم أكرم يامحمد باشا |547|
قال المحيا رضي الله عنه : ( وأكرر كلامي أنا ما أقول اننا أفضل منتدى على النت لكن أؤكد لك بأننا من أفضلها وأميزها.. يكفينا وجودك :SMIL:
قال زادي غفر الله له : ( بصراحة الإدارة قتلتني بالكلمة دي :233: يعني خلاص راح أنكتم وأقفل وأسكت وأغني ساااااااااااارعي :drr05_33: )
قال المحيا رضي الله عنه : ( هذا هو المنتدى الـ (رائع بمعنى الكلمة) !! )
قال زادي غفر الله له : ( ياعمي فتكات مين وغيره مين ؟ مييييييين دي فتكات :233: مين دي إللي لساها ماطلعتش من البيضة |579| روق ياعم , متزعلش نفسك ولاتشغل بالك , وربنا يسهلك ويكرمك ياعسل وفووووووووووووووووق هام السحب ياباشا :245: )
_______________
خلاص يامحيا , والله أتوب ,,, ماعاش إللي يزعلك ياباشا , وماعتتش أعمل كدا تاني :134: أنا كان مالي ماكنت في حالي متهني برأي لحالي ههههههههههههه
سلام ياقمر |547|
الفقيره الى ربها
04-08-2010, 04:07 PM
الحمدللـــــــــــــــــــــــ ــــــــــــــه
استسلمت يا زادي:drr05_22:
بصراااااااااااااااااااااحه انــــــــــــــــــــــــــــ ــــــا
يعجبني الاخ محمـــــــــــــــــــــد
___________________
أهلين نبض ,,, حياك الله يالطيبة ,,, وين الناس ؟؟؟
كيبوردك شكلوا جاته فهيقة من العصير :134: دواه غطسيه في طشت موية دافية مع التدليك الخفيف لكل زر لحاله :131: ثلاث أيامن بلياليهن وبعد كدا راح يصير زي الحصان |119|
سواق وفي إجازة !!! حئة , بطلوا دا واسمعو ده |579| لايكون بس راح شرم الشيخ :134: ههههههههههههههه
أقول ياطويلة العمر , يمدحون في برامج التلفزيون وبالزات كلام نواعم :245:
حياك الله يانبض ,,,
تحياتو |547|
____________________
يافقيرة ,,, حتى أنا والله يعجبني :245:
____________________
كونك و طيب ويش السبب ياصاحب الخبرة :233: ؟؟؟
من جد هذا الشي غريب ,,, :134:
تووووووووووووووشكر مقدماً |547|
صدق الوفاء
06-08-2010, 03:16 AM
أسعد الله مساء الجميع بكل خير ومحبة
منورين الجميع لا عدمناكم
يا حبيب قلبي يا خالي الله لا يحرمنا منك .
نفووووت بالموضوع
كنت ابغى أرد و أعلق لكن في واحد ابلشني
قاعد يزن و يوز فيه و يترجاني قبل لا يتقيد أعطيه فرصه
و بيني وبينك لقيت عنده حق في تساؤله
ما هي معايير تثبيت المواضيع ؟
إذا كان موضوع كهذا يمس الجميع و يهم الجميع
و من بنات بنات أفكار الخال يبقى قابع بين المنقول و عديم الفائده دون تعميم
بينما يثبت رد مخصص لهذا الموضوع و كان الأجدى أن يكون على صفحاته
ليكون دعم إداري و تحفيز إداري للأعضاء من خلال مواضيعهم .
يعني لازم يكون عندك حصانه أو حقيبة دبلوماسيه علشان يتبث موضوعك .
وإلا يرضيكم اقطع هدومي أو اتشعثر هنا وهناك
هو الواحد بيطلع بقطره من الحنفيه بالسهل و إلا بعد عصر و سحب أنفاس .
,
,
,
فاكس للحبيب الغالي العمده
و ربي أحبك يا أبو فهد و ما قصدت جرحك ولا زعلك
لكن ويش أسوي اقلقني و الحمد لله إنها جات على سؤال بس :drr05_62:خخخ
مخرج ؛
أعوذ با الله من الشيطان الرجيم .:drr05_89:
و كل عام والجميع بألف خير و أعاننا الله و إياكم على صيامه وقيامه
ما عندي تقييم يا خال ( لدواعي أمنيه بلاش فضائح ) خخخ
لكن لك عندي جيك سوبيا من عند الوحداوي |179|
و رمضان كريم
,
,
,
على الخااااص و بنسخه لأبو فهد والجميع
لو لم اخرج من الدرر إلا بمعرفتكم و محبتكم لكفاني فخراً وشرفاً
صدق الوفاء
لكل من مر من هنا
كنك ما قريت شي وإعتبره واحد عذره انه حاول يفرمل قدر الإمكان
علشان ما يجي مدحدر و يسبق همس هههه
أو واحد حب يشعبن بعد ما راحت عليه بطريقته الخاصه خخخخ
ابوفهد
06-08-2010, 01:48 PM
السلام عليكم ورحمة الله وبركاته
أسعد الله أوقات الجميع بكل خير ومبارك عليكم حلول الشهر الكريم
كل الشكر والتقدير لكل من تفاعل مع هذا الموضوع وطرح وجهة نظره
وكل الشكر للغالي زادي والأخ محمد المحيا على حسن أخلاقهما في الحوار
فلقد أثراء الموضوع مع تمسكهما بأدب الحوار وهم أهلاً لذلك وفقكهما الله
واتمنى ان لا يفسد للود إختلاف وجهات نظر في قضية
وأشكر كل من رد على موضوعي هنا
http://www.dorarr.ws/forum/showthread.php?t=53681 (http://www.dorarr.ws/forum/showthread.php?t=53681)
وجزاء الله الجميع خير الجزاء
وهنا أتقدم إلي حبيبي الغالي أبو عبدالله ( زادي )
بشديد الأسف والإعتذار على طرح ردي عليه بموضوع منفصل
فقد كان السبب أن الرد طويل جداً وكنت أتوقع أنه سيكون هناك ردود للشكر والثناء فقط
فلم أرغب أن أفسد جمال الطرح والنقاش هنا مع يقيني بأن أبو عبدالله سيضع رده هنا
والحمد لله أنه لم يخيب ضني وتوقعاتي فجزاه الله كل خير
وعلى كل حال إن كنتم تعتبرون أنني غلطان بإفراد ردي بموضوع مستقل
فإنني أعتذر من الجميع وعلى رأسهم أبو عبدالله وأرجو السموحه منكم عامة وأبو عبدالله خاصة
مسألة التثبيت يا متصيد الهفوات أقول لكم
أنا من قام بالتثبيت دون تدخل من المشرفات وأتحمل المسؤلية
وكان الهدف منه هو إطلاع الأغلبية عليه ثم فك تثبيته
والحمد لله أنني فكيت التثبيت قبل أن ترد هنا وتصيد الهفوه
كم وكم كررت هنا وفي كل مناسبة
أن من عنده إنتقاد حاد لشخصي أو للدرر أو الإدارة
ولا يريد طرحه على العام مخافة أن يجرح مشاعرنا
أن يتكرم بإرساله برسالة خاصة وعندها سوف أرى إن كان ممكناً طرحه على الجميع أم لا
عندها سوف أقوم أنا بطرحه بنفسي ولن يؤثر ذلك في نفسي على مرسله إن شاء الله
وأخيراً
أكرر شكري وتقديري للجميع والشكر موصولاً مع الإعتذار للغالي أبو عبدالله
وأعتذر عن إغلاق موضوعي هناك ومن أراد المداخلة عليه فيطرحها هنا
دمتم بخير وجمعتكم وشهركم مباركين
صدق الوفاء
08-08-2010, 12:05 AM
متصيد الهفوات مره وحده :drr05_62:
هذا وانا ما قربت من الملف النووي و لا جاوبتك على تساؤلك ,,,
ولا يهمك يا الحبيب اطلق المارد على قولة رشاد فقيه
فقدرك و محبتك في القلب اكبر من كل شي
أهم شي أنا في عرضك لا تقول علي إرهابي علشان ما اكون أثر بعد عين خخخخخخ .
الله يغفر لك يا حبيب قلبي
لم اقصد نقد شخصك الغالي و لا نقد اشخاص بعينهم ,, ما عاذ الله
إنما انتقد الأشياء التي ارى انها يجب أن تنتقد و آليه التثبيت احدى هذه الأشياء
يا سيدي العزيز والغالي
الهفوات إذا كثرت صارت أخطاء
و الأخطاء إذا كثرت صارت عوائق
و العوائق إذا كثرت صارت حاجز وسد منيع دون الإستمرار
علشان كذا و من منطلق الصراحة والشفافية
شفت من الأفضل أن ننقد و نصحح الأشياء مهما صغرت لكي لا نصل إلى النتيجه النهائيه .
عموماً
أعتذر من شخصك الذي لا يعلم من يكون بالنسبة للعبد الفقير إلى ربه والغلباااان .
ما عندي صلاحية تقفيل الردود لكن إن شاء بحاول أقفل فمي
إني صائم :236:
عطونا الكفارة على قولة أرسطو بيك ربي يسعده
دمتم كما تحبون في حفظ مالك الكون
و مبارك عليكم الشهر
صدق الوفاء
نبض العلم
08-08-2010, 05:34 AM
دحين محروقين ودمكم فاير وكل مين يرفس اللا جمبو :145:ووالله شايفة ان الدرر تسحبني سحب من المعمعة اللا أنا فيها , أنا لي فترة طويلة عن المنتدى ولما رجعت رجعت بشوق كل موضوع يتكلم يقول أنا هنا الود ودي فإيدي مايك:147: وأعلق على كل موضوع لأن الهرج يدّحدر مني دحدرة :drr05_42:وأصابعي نملت من الضغط بقوة عالكيبورد أبو عصير:273: ، ياجماعة أنا اللا شايفتو العكس تماماً ..شايفة إن الأعضاء بسم الله ماشاء الله فإزدياد
أخ زادي :
أحياناً يجيني عالإيميل مواضيع تشد من منتديات غريبة ولما أفتح (لايمكنك رؤية الموضوع لأنك غير مسجل ) على طول أتوجه للإشارة الحمرا وأعمل x ماني فاضية أسجل عشان أقرأ موضوع لا يقدم ولا يأخر :drr05_74: أما هنا العكس المادة مفتوحة ماتشترط التسجيل ومع ذلك الناس بتسجل , انتو منتو حاسين بقيمة المواضيع المطروحة لأنكم عايشين الجو لكن اللا برا يشوف العكس والمسألة ماهي مسألة فوازير ومسابقات عشان تشدني بقدرما إنها مواضيع هادفة ومناقشات بناءة ترضي رغبتي ومش كون الدنيا إجازة تعني إني أقابل النت بالعكس الآن فترة ركود أعتقد في أغلب المنتديات لأن الناس تبغى تطلع وتتمشى ويتسامروا الأقارب أقول أصبر وماصبرك إلا بالله تروا الدرر بخير ورجااااااااااااااءا لا للرسايل السلبية المحبطة ونعم للرسايل الإيجابية وبإذن الله نحتضر وتبقى الدرر شامخة بأبناءنا وأجيالهم ومن بعدهم :135:
,
,
نبض العلم
08-08-2010, 05:44 AM
أقرأ الألفية دي ؟ http://www.dorarr.ws/forum/showthread.php?t=53681 (http://www.dorarr.ws/forum/showthread.php?t=53681)
(ألفية أبو فهد ) !!!
المعذررة جاتني فهيقة بروح أصلي ،،،،،
نبض العلم
08-08-2010, 06:01 AM
___________________
أهلين نبض ,,, حياك الله يالطيبة ,,, وين الناس ؟؟؟
كيبوردك شكلوا جاته فهيقة من العصير :134: دواه غطسيه في طشت موية دافية مع التدليك الخفيف لكل زر لحاله :131: ثلاث أيامن بلياليهن وبعد كدا راح يصير زي الحصان |119|
سواق وفي إجازة !!! حئة , بطلوا دا واسمعو ده |579| لايكون بس راح شرم الشيخ :134: ههههههههههههههه
أقول ياطويلة العمر , يمدحون في برامج التلفزيون وبالزات كلام نواعم :245:
حياك الله يانبض ,,,
تحياتو |547|
وحياك زادي
لا حقيقي أحتاج مختص يشوف لي حل وولدي المشاكس زاد الطين بلة وقلع أزرة كتير وخلّى الكيبورد أعور صح ؛؛ أما بالنسبة للسواق طلب إجازة آخر الشهر وأخد الراتب وطااااااااااااااااااار
Powered by vBulletin® Version 4.2.2 Copyright © 2024 vBulletin Solutions, Inc. All rights reserved, TranZ by Almuhajir