__ (( توميار ساديكو , توميار ساديكي : ) )) __

[zadi]

__________________


حياكم الله , بعد السلام عليكم ورحمة الله وبركاته ,,,

يقولك الطفش أم الإلهام :134: وهذا الكلام أنا اشهد سراتوس بيرسنت صحيح :233: ( السراتوس يعني مية بالأندونيسي :245: )

فأ , تفتق ( حلوة دي تفتق , فلتحيا الأمة العربية ) ذهني ومخيخي على هالموضوع ,,,

هنا راح نهرج الهروج إللي مال أهلها داعي في أي مكان في الدرر |119| بس الله يستر لاتجينا حكومة الدرر بالـ |579| وتشيل الحابل عالنابل ,,, ( متعودة |547| داااااايماً :131: )

كيفكم مع الإختبارات ياطلاب وطالبات ؟؟؟

ويش شعوركم وإنتوا ماسكين الكتب وقاعدين تذاكرو والواحد فيكم ينعل المدرسة والكلية والجامعة من صماصيم قلبو ؟؟؟

ويش مرتبين عليه بعد حوسة الإختبارات ؟؟؟

يالله و أنفكو وهاتو إللي عندكم من شحنة قهر !!!

:drr05_33: وااااااااااصلي ياجدة >>>> لوين ؟؟؟ ما أدري !!!

[همس الورد]

اهلا زادي
يعني قصدك موضوع للشماته بطلاب وطالبات الجامعه
عن نفسي مافي ابرد من اعصابي بكره اول اختبار ليا ان شالله عندي ماده اسمها إدارة أعمال رمزها bus 103 الماده با الإنجليزي يعطيني هيا محاضر صغير عمره 29 سنه ماشالله عليه آخذ ماستر في إدارة الأعمال طول وقت المحاضره يجلس يعدل في الشماغ حقه ويحلق ذقنه و ماشالله ذقنه نظيف كل يوم يحلق عارف انه حيطلع لنا في الشاشه بس احنا كنا نطلب بس شاشة العرض حقت المحاضره تنفتح يعني هو ماله داعي :SMIL:
تقدر تقول خلصت الماده بس ملخبطه شوية بين الدايركتينج والبلاننج يعني مافيها لاقهر ولا شي :drr05_54:
وهذا أنا اشد حيلي ابغا احافظ على معدلي ان شالله استمر بس أدري على الأيام الأخير حأكسل هذي بصمة الجوده لكل طالب

حأخلي موضوعك لمذكراتي :SMIL: حا أقول كل يوم اش سويت او اش بأسوي

وشكرا لك على فتح نافذه للتسليه خلينا شويه نطلع من همومنا

[طيف]

,,,,,


أخي الكريم // زادي


ساديكو و ساديكي ,,,,, بلغة البروفيسور :drr05_09:

و


ساديكااااااا ,,,,,,, " مرحبا "

بلغة التايلند و الماليز ^_^

,,,,

مطلوب في الإنتربول ,,,, لتقديم دورات سديكو و سديكي ,,,, :drr05_32:


علنا نفك الشفرااات :174:

,,,,


دمتم بخير

,,,,

لا اله الا الله

[To0ofy]

أنا بكره اختباري :236: الساعه وحده ونص أم الروقان

امس كدا من ربنا عصبت على كل مخلوق حي يتنفس في البت حتى البكتيريا والجراثيم

والكومادينو حقتي هزأتهم ماخليت شي الا وأكلته آفه

احلى شي اني كل ما ازاكر شبتر افتح حلقه من حلقات جريس اناتومي اتفرجها

مجرد تخلص الحلقه اقول ايش يرجعني تاني امسك كتابي لا لا لا ياتووفي اصحك ترجعي تاني

للبوك مررره مايجي اعطي نفسك فرصه روحي اتمشي بالبيت:220:

لا وما خلصت السيزن والرابيد شير يسمحل أحمل اكتر من حلقتين كان مازاكرت ولا اي حاجه

حتى دوب بس متفرجه حلقه من جريس اناتومي ادور الحلقه الخامسه مالقيتها الله يعينني ويصبرني لغاية بكره الساعه وحده ونص

حاسه باحساس لا والله كدابه ولا اي احساس ولا شي تبلد حسي مدري ليه

يلا دي كلها اربعه ايام حتعدي

صراحه طموحاتي بالاجازه كثيره أكتب عندك نمبر ون

بقدم للترم الصيفي<<<طالب العلم لايشبع ((انظر صفحة.....((موضوع الخال))..:245:))

نمبر تو احتمال كبير اسجل بناي يوقا

الواحد محتاج صفاء ذهن

اكتب عندك نمبر 3 و4 و5 و6 بس خليني ارتبهم وهيا بتطلع مع الوقت

خالي عدد أربعه مواقف حصلت لك أيام الدراسه مع ذكر السنة والموقع:245:؟؟

[To0ofy]

هموسه هذا استاذكم ماله داعي صراحه

في الاخير مو هوا اللي حيحط الأسئله مديرة القسم

عشان كذا كل يوم كان يحلق ويتزبط ماوراه شي

بس برضو ياحظكم مو احنا على نهاية الترم جابولنا استاذه تبع بع انا دارسه

مدري كم سنة في بريطانيا ولا تعرف اي شي في الحياة غرور مدري على ايه

ولا حقت الماده 312 استغفر الله العلي العظيم منها

مصيبه سوسه ياحبها ياطبيتها

اعطيها الورقه النموذجيه لحل أسئلة الاختبار بتعطيك 5 من 15

ما اعرف ليه الناس ذول عقلهم بالشقلوب مدري كيف راكب

كيد مرتين درسوني أساتذه ياسلام عليهم

كانوا يخلونا نول ول ايام الدراسه لكن الاختبارات ياسلام عالدرجات تفرح

من جد كرهت الدكتورات عقوله تراللي...!!!!!!!!!!

[*amula_beauty*]

مسا الورد يا احلى واطيب والزز خال بالدووونيا


كيفك ؟ اخبارك يا طيب ؟

والله يا خالي ما احد مروووق بالدونيا دي قدي << قولوا ماشاء الله

:drr05_23:
يعني الحمدلله اجازتي بدأت يوم الاربعاء ... :163:

اعطيت المحاضرات ... واختبرت طالباتي بالكلية ورصدت الدرجات واخدت الاجازه :212:


متوووونســـــــــه مع نفســـي :drr05_66:


لا ساديكو لا ساديكي

ما اقول غير ( ابا كاباااار ) :134:

عشان اجس نبض اللي قدامــــــــــــــــــــــــــ ي



وسلامين وبتناجنتين وحتت :177: << منتحله لشخصيتك

[همس الورد]

توفي لدو لبنيه
هذي رئيسة القسم ماتستحي اسمها غادة نعمة الله تخوف شكلها بسم الله يخوف اخاف اتكلم معاها وهو يقلنا حنعمل لجنه مع الأستاذه غاده ونشوف كيف طبيعة الأسئله قالنا وبكل جرئه حتجيب لنا سلم الإحتياجات والسلم الإداري بكره لمن اشوفك اوريكي السلم الإداري صعب وطويل قلنا له مانبغا قالنا ما اقدر هي رئيسة مادة إدارة أعمال عند البنات ما اقدر اسوي شي
تصدقي أول يوم جاتنا فيه كانت بتعرفنا على الماده جلست تسبنا وقالت عن الشعب السعودي غبي مايعرف انجليزي كلنا فاهمين بس نفس الماده صعبه وهي تحسبنا اغبياء في الإنجليزي تتكلم عن الشعب السعودي بطريقه مره وسخه الله يرفع من قدرنا نفسي اعرف بس مين الغبي ومين الذكي فينا ونص الكلمات خطاء في السلايد حقها
بس اشوفك بكره اوريكي هيا

[هدهد6666]

وانا استمتع بزخات المطر والهواء العليل في جزيرة شعب الفاينكنج

بالتوفيق لابنائنا الطلاب <<<< ياكبير انت

[To0ofy]

والله ياهمووس

انه دكاترتنا على استازاتنا كلهم غباء في غباء

تخيلي نسوي التجربة وتطلع خطأ نقولها المحلول الأساسي مويه مافي ريحة لاكلوريد ولا يحزنون تقول برضو عيدو ونعيد ونفس الشي

قالت طيب طيب انا اجرب وجربت وماحصل التفاعل

لما راحت شافت المحلول لقيته مويه وقعدت تبع بع محضرت المعمل تقول انا حضرته فرش

قالت خلاص راح ازبط لكم المحلول وعيدوه<<<<<<<<<<<<<<مع نفسسسسسسك

ليييييه الغباء دا

تخيلي ياهمووس انه دكتورة مصريه تقولنا مش لازم تعرفي اصله العلم في البادنجان

عمى في عينها تتفقعن انها دكتورة وتدرس وماعرفت تجاوب على سؤالنا وتقول العلم في الطماط

العينه دي ترفع ضغطي على بالهم انهم فاهمين كل شي وهم مايعرفوا التمويتو من البوتيتو

[طيف]

,,,


توفي

خذي عندك استكانة تهية لكورس اليوغا


هـــــنــــا (http://www.youtube.com/watch?v=VL4an7UC3wA&feature=related)


و أحلى ما فيه آخر تمرين :206:


يا بنت كل شيء اون لاين ,,,,

واجب لكل اب

و اولهم

استاذنا زادي :129:

يقوم بالتمارين الي سبقت بالرابط

مع هذا النشاط (http://www.youtube.com/watch?v=ibqhcczAUjI&feature=related) مع اطفاله كل يوم

يشوف بعده كيف :drr05_06:



,,,,


همس


كيف تحضرون و هي تفعل ؟!



ثم ضربة على راسها ان الغباء ليس عدم اتقان اللغة :drr05_28:


,,,,


اخي الكريم // زادي

http://img46.imageshack.us/img46/1875/a252520gracias7knet3.gif


لا إله الا الله

[To0ofy]

أهلن بأموووله جيتي أخيرا

أموووووله انتي اي عينه من المحاضرات:266:

الشديد والمتفقعن:drr05_52: ولا الطيوب اللي يحط اسئله خفيفة:181:

اذا كان من النوع الثاني تعالي عندنا <<<نسويلك استقدام:drr05_19:

اذا من النوع الاول :drr05_41:

[*amula_beauty*]

هههههههههههههههههههههههههههه


تجنني يا توفي


انا استازه من النوع الطيوب بس اعطي المنهج من الجلده للجلدة ...

البنات يحبوني ويحترموتي

واسئلتي من الشي اللي قلتو ( ههههههههههههه) :236:



بس اساعدهم وقت الامتحان قد ما اقدر :drr05_16: ...


....


توفي ... ما ابغى اجي جده ... لا تتعبي نفسك وتستقدميني :138:


مرتاحة بجامعتنا ;)

تخيلي يا توفي .... لأنو باين عليا صغيره اول ما صرت معيده البنات يحسبوني طالبه

وشوفي الصدفه الفزززيعه ... بنت تقولي ( يا مزززه )


بعدها بكم يوم .... اكتشفت البنت اني استاذتها


:150:


هههههههههه موقفها كان زباااااااااله

[zadi]

__________________


ساديك , ساديكة , منك ليهو :134: ليها :245:

أهلين وميت سهلين ومرحبتين ,,,

أثاري الشعب مليان قهر هههههههههههههههههه

ذوقوا ماذقنا ههههههههههههههههههه

زمان كان كل دكتور وله ( ثمن ) !!!!!!!!! يعني كان بعضهم يمشي الحال بتذكرة جدة القاهرة درجة أولى للمدام ( والمصيبة لمن يكون معاه عيال إتنين أو تلاتة ) تطلع الحسبة طلطعشر ألف وخمسمية ريال , ريال ينطح ريال , نتوازعها قطة على إتنين أو تلاتة بحسب الحالة , ويمشي الحااااااااااااااااال :134:

بعضهم مسكين ماعنده وقت يجدد الرخصة والإستمارة ويفحص السيارة ,,, نقوم بالواجب ونغسل السيارة ونلمعها بعد :131: ويمشي الحاااااااااااااااااال :134:

بعضهم نروحلو في المسا يساعدنا في المذاكرة ( لله في لله أبد مافي شي إسمو فلوس أو ,,, ) وبعد مايخلص الترم نمر على عمنا القزاز وناخد كم عطر حريمي على ساعة حلوة ومحفظة جنتل ونلفها بلفة قزاز الحلوة وناخد المفتاح حق السيارة ونحطها في المقعدة الورانية عشان لاحد يكسر القزاز ويصرقها ,,, ويمشي الحاااااااااااااااااااااال :134:

إنتو ماتعرفوا كيف تمشو الحااااااااااااااااااااااااااا اال :245:

_____________________

راجعلكم بس خليني أفضى شوي ,,, قاعد أعلم الشباب عندي فنون ومهارات تمشية الحاااااااااااااااااااال |547| كل واحد فيهم مسويلي مستحي :233: هههههههههههههههههه

[همس الورد]

السلام عليكم
بعد مارضيت وهدئت دخلت على الدرر

حاقول الحكاية من اولها حضرة جنابي صحيت من النوم الساعه 9 كنت نايمه في الصاله بعدين دخلت نمت في الغرفه وصحيت 9 وربع وعيني تعورني ابغا انام قلت مافي وقت لازم اراجع واخلص سويت لنفسي قهوة فرنسيه عندي مخزن منها مشتريهتها من بارنيز وجلست اشربها بس اهم شي افوق والحمدلله شويتين صحصحت وكملت مذاكره للساعه 11 تجهزت وانا جالسه ارتب غرفتي جاتني ماما تقولي اطلعي بدري ماتدري كيف الدنيا زحمه من حي المحمديه للجامع مره مشوار بعيد طلعت على 11 ونص و5 وانا في السياره بالتحديد الساعه 12 و 14 دقيقه توفي دقت عليا وانا كنت عند كبري فلسطين وهي عند مستشفى الجامعه مادخلت الجامعه غير الساعه 12 و 55 دقيقه من الزحمه الي كنت فيها والإختبار يبدء الساعه 1 ونص رحت جلست مع توفي قبل الإختبار بخمسة دقائق بدئت امشي عشان اروح للمبنى والسيارات كلها ماترضى توقف عشان توديني المبنى الي ابغاه مشيت برجلي بسرعه في عز الحر وصلت 2 الا ربع دخلت المبنى ادور على الكلاس فينه مالقيت رحت عند وحده مراقبه اسئلها جالسة تكلم البنات وانا استنى مادخلت الإختبار غير الساعه 2 كان اول سؤال جايبته لنا رئيسة الماده هرمين وأنواع balance sheet رسم بياني باليد وحاطها في الصفحة الأولى فرحانه بنفسها استاذه غاده وجابت لنا 60 اختيار و15 فراغ و10 على الهرم من كثر فرحتها بنفسها حاطة التوزيع وانا جالسه احسب جيت على الفراغات حطيت نص الإجابات شختك بختك من كثر اللخبطه الإملائيه في ورقة الإختبار والأخطاء الي في عرض الشرائح طبعا الكلمه غير والمعنى غير والي تبغاه غير
واللي يقهر انهاتقول على الشعب السعودي غبي ومع احترامي للشعب المصري لكنها ساكنه في بلد مهي بلدها وجايه تقول علينا اغبياء اذا احنا في نظرها اغبياء وشعب بدائي وهمجي ووو ليش تسكن في بلدنا وليش راميه نفسها في بلد غريبه عنها
ماشالله عليها جابت لنا عالم وهذا العالم هو الي دخل نظام الثمانيه ساعات في العمل ماحطت اسمه في الإختيارات وفي سؤال ثاني وحده نبهتها قالت لها انت حاطه اجابتين صح حاطة عالمين نختار منهم ايش على طول قالت لها انت اجابتك غلط انا عندي مشاكل فوق مني فاضية لك والمشكله انه احنا يعطينا الماده استاذ يعني لازم تكون معانا وحده لمن طلبنا انه يفتح الشاشه عشان نسئله قالت لاء انا رئيسة القسم انا اساعدكم ولمن اكتشفت انها غلطانه جات وصلحت الخطاء وحذفت العالم المكرر وخلت لنا واحد جايه تحسبنا ميتين عليها نبغاها واحنا نبغا غيرها طلعت من الإختبار الساعه 3 ونص وجلسنا احنا وبنات شعبتي يسئلو بعض الساعه 4 دقيت على توفي قالت لي انها رجعت البيت بعد كذا طلت مارجعت البيت غير 5 ومدري كم وكنت مقهوره مره من الإختبار نمت ولمن صحيت قلت يابنت استمتعي وعيشي حياتك مافي شي يقهر اذا شلت الماده عادي اشيلها مره واثنين وثلاثه وعشرة ليش ازعل نفسي على وحده ماتستاهل
والي يقهر اش لزمة السب الي ماله داعي يعني السعوديين اقل منك ولا ايش ؟
والله حاقده بس ما ابغا اجيب سيرتها من القهر لكن ان شالله انجح انا راضيه با 60

[zadi]

__________________


والله تأثير كاس العالم فتااااااااااااااااك |119| مافي وقت , من مباراة لمباراة :233:

ولسا مالعبت البرازيل ولا أسبانيا والأرجنتين مادخلت الفورمة والليلة أول مباراةن لإيطاليا ,,,

بصراحة أحلى مناسبة كروية , والجزيرة ماقصرت في نقل المباريات مجاناً مو زي إي آر تي المعفنين |579|

___________________


همس , ماعليك منها , دايماً إللي مايطول العنب حامضٍ عنه يقول ,,, ياكلو من خير البلد ويسبون أهلها , معليش إحنا أكبر من تصرفات الحاقدين ,,,

[Oscar]

http://www.dorarr.ws/forum/uploaded/4335/Lee's.jpg
..


الأربعاء الماضي بدأت أول اختبار نهائي .. أقدر أقول انه السنة هادي من أظرف السنوات
الدراسية الي مرت عليا "لطيفة/مرنة" وإن شاء الله تكمل في نفس السكة :) .. الحاجة
الي لاحظت انه كل زميلاتي مجمعين عليها هي انه السنة دي بدأت "أول أمس" !! - عدت
بسرعة مش طبيعية، وحتى بعد ما صرنا سهرانيين مع نظام ساهر في شوارعنا فضلت
السنة ماشية عـ 180 وما عليها فأحد ! ..


أمس واليوم - وبكرة كمان - بأختبر "نساء وولادة" .. دي المادة عجب!!- أفتكر أول محاضرة
أخدناها أول السنة وأقول يا دي التناحة .. نشفنا ريق الدكتورة عشان نفهم شوية مصطلحات
دحين نعتبرها كلام فاضي :) .. ولا طريقة أخد " الحالة المرضية/history " - كنت
أشوفها أطول من برج الصين العظيم، ومكلكعة عالآخر .. المهم، ما قدرت أستظرف
المادة إلا بعد الإختبار الشفوي الأول "long case " كان أول اختبار شفوي ليا
في الجامعة .. والدكاترة الي أمتحنوني كانوا ظراف جدًا، أو "Benign/ حميدين"،
ورغم انه الإختبار النظري خبص الدنيا لكن دايمًا في شي يحسسنا
بإننا "متدفورين" بس نعمل كويس في الشفوي ..


المهم .. في غلطة شنيعة بأكررها من يوم ما دخلت الجامعة .. يعني ليا خمسة سنين
ولسا ما أقتنعت انه مش لازم المنهج الي في يدي يخلص عشان أذاكر "Common"!
طيب خليني أقولكم تعريف الـ COMMON :


هو رزمة أوراق تتجاوز المئة عادةً وتتكون من عصارة مخ دفعتك، ودفع من سبقوك
أو : هو أسئلة امتحان السنوات السابقة لأي مادة ..


كل سنة يحصل فيا نفس المنكح دا فمادة، وأعصب من نفسي .. نفس الشي حصل
في امتحان السبت دا .. ذاكرت، وخلصت ومسكت رزمة الورق في يدي - من هنا نفسي
أرجع الشريط على ورا - طالعت فيها، وقلت تمسيكها ولا تراجعي - مخي كرر الجملة
بصدى صوت حكيم - بعدين عقلي الله يصلحوا قرر يراجع .. وجا الإختبار ... " عيشوا
الحالة معايا " - كنت وافقة أتكلم مع زميلاتي ..


- ايش سويتي اليوم ..
- الحمدلله، بس في ستيشن ما كفاني
فيها الوقت ..
- حتى أنا، بس اليوم أحسن من أمس، ايش
سويتي فاختبار أمس؟
- الأسئلة المقالية عجبتني، والصور مش بطالة،
بس الإختياري ما عجبني أبدًا ..
- حتى انتِ، لا تكوني عملتي زيي بس وما
ذاكرتي الكومن ..
- لا تقوليلي انه الإختبار جا كومن!
- ايوة تخيلي ..



لما عرفت ما كان في مجال أعصب .. في حاجة غريبة تحصل للجهاز العصبي مع
الإرهاق والسهر .. حاجة تمتص الصدمة! - نفس الحالة ممكن تجي قبل الإمتحان ..
اليوم في الصباح كنت جالسا أستنى دوري وفيدي ورقة ستكرات فيها اسمي
ورقمي .. مر واحد من الدكاترة وطمنا انه درجات أمس كانت كويسة .. فجأة
لقيته بيسألني:


- خايفا ..
- لأ
- طيب الورقة أتفعصت
- أية ورقة؟ .. اهـ قصدك هادي، طيب
- الاختبار بالمرة سهل


طيب.. حقيقي ما كنت خايفا/ عادة في الإمتحانات الي فيها ساعة وجرس ووقت
أتوتر لكن اليوم قلبت المحطات قبل ما أطلع من البيت، شيكت على ايميلي وشربت
شاهي، أتونست مع أخويا وخرجت قبل موعد الإمتحان بساعة وربع - دا فقاموسي
إنجاز خرافي- بس أصابعي فضلت خايفة على ما يبدو .. واحد من أساتذة طب الأطفال
قلنا مرة: وانتوا داخلين على الإمتحان لا تخافوا أبدًا .. انتوا داخلين "جهنم الدنيا" تخيل
نفسك موكوس، وكمان خايف .. يا دي النيلة!، ورغم انه الفكرة ظريفة جدًا لكن تنفيذها
صعب خصوصًا وأجواء غوانتنامو -توزيع الطلبة- الي قبل الإختبار ما تساعد أبدًا :182:


الـ OSCE هو اختصار لـ Objective structural clinical Examination/أو الإختبار
السريري العيّني الموجه .. وما أعرف مدى صحة الترجمة هادي أبدًا ! - فدا الإختبار من
المفترض اننا ندخل على حالات مش حقيقية ونسألها أو نفحصها ونتقيم .. الدكتور الي
بيقيمنا يكون جالس ومعاه ورقة فيها الأشياء الي نتحاسب عليها .. ومن المفترض انه
يكون Masked face يعني " عامل لا أرى لا أسمع لا أتكلم :262: " ..


كعادة هادا النوع من الإختبارات، نختبر ونخلص وننحبس لما كل زميلاتنا يخلصوا، ويتجمعوا
الأولاد بسلامتهم عشان ما تتسرب الأسئلة "مفترض" !! .. والعكس حيحصل بكرة: هما
ينحبسوا في الصبحية واحنا نختبر بعد الظهر ..


**
مخي دي الأيام يبغالوا ترتيب وتنظيف زي إيميلي في أحد وصل للرقم
الخرااااااافي دا :212:- قال كنت بأشيك عليه !


http://www.dorarr.ws/forum/uploaded/4335/inbox2.png


..


بالمناسبة " عن إيميلي/عن إعلانوزيز جروب "، حيكون في لقاء دا الأربعاء مع د. حياة (http://ar.wikipedia.org/wiki/%D8%AD%D9%8A%D8%A7%D8%A9_%D8%B 3%D9%86%D8%AF%D9%8A)
سندي (http://ar.wikipedia.org/wiki/%D8%AD%D9%8A%D8%A7%D8%A9_%D8%B 3%D9%86%D8%AF%D9%8A) في الغرفة التجارية - قاعة بن داوود - الساعة 7:30 .. "الدعوة عامة"


**
زادي ..
الألمان أكتر من جيدين .. الفرنسيس يستريحوا "ما في مهاجمين" ..
تخابيص ماردونا مع الأرجنتين ما طلعت سيئة .. " فينسنت إنييما "
حارس نيجيريا جدع .. أما عن ART sport فالميت ما تجوز
عليه إلا الرحمة :)


* شكرًا عالمساحة

[همس الورد]

اليوم سار شي يضحك ويحزن
استنو اضحك
هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه ههههه

































فاصل
















هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه ههههه




رحت كان الإختبار امس يعني اليوم ثلاثاء مو اثنين
مضيعه في الأيام وراح عليا الإختبار صحباتي قالو انه الإختباار كان صعب يعني جات من ربنا اني ماجيت ولمن رحت على كلية الآداب سئلت مسؤلة المواد العامه قالت السنه الجاية حنحذف اشياء

من جد جات من ربنا امكن اذا رحت كان حيسير لي شي

الشي الي يحزن كان عند الكبري الي على طريق المطار حادث شنيع واتحرقت السيارة يالطيف بس ان إن شالله الي فيها ماسار لهم شي

[zadi]

___________________


أهلين وميت سهلين بأوسكار ,,, نورتينا يالطيبة ,,, الله يوفقك ويوفق كل طالب وطالبة تلميذ وتلميذة بيبول وبيبولة ههههههههههههههه دوقوا مادقنا :245:

_________________

أحلى حاجة أستنيها من السنة للسنة ايام الإختبارات ,,, لييييييييييييييييش ؟ سؤال يطمطع ويسدح نفسو :233:

الشوارع في الصباح بعد 7 ونص فاضية ترمي الإبرة تسمع صوتها , مافي رجة الزحام وكترة السيارات عند الإشارات , الشوارع تحسها فاضية , وكأنك ماشي في مدينةالملايكة مو ماشي في جدة إللي كلها حفر وبيارات أكرمكم الله ,,,

السوبر ماركت فاضي

المولات فاضية ماتشوف ترقيم غير على خفييييييييييييييييييييييف :245:

وهذا الوضع يستمر لحد الساعة 11 وبعدين ينفلتوا دشير التفحيط , ويقلبوا أم الشوارع الداخلية وكأنها تصير ساحة فورمولا 1 |119|

بس بيني وبينكم , احلى أيام اتذكرها هي أيام الثانوية وبالذات أيام الإختبارات ,,, والله أحلى من أيام الجامعة :134:

و توميار ساديكو :245:

[zadi]

__________________


في حاجة نسيتها ,,, تلاقي المساجد ماشاء الله مليااااااااااااااااااااااااااا نة من كل الأعمار |547| إللي ماشفته من السنة إللي فاتت ممكن تشوفوا اليومين دول وهو لاصق في محراب المسجد ماشاء الله عليه وطالعتلو سجدة قد النص ريال ههههههههههههههههههه

[*amula_beauty*]

منجد يا خالي


افتكرت اختي ... ما تفتكر ( مسجد الاجابه ) الا بأيام الامتحانات



:289:

[همس الورد]

سلااااااااااااام
جيتكم
ورجعت لكم فرحانه ومبسوطه
الفرحه ثلاثة فرحات
الأولى لأني خلصت اختبارات والثانيه اختبار الرياضيات كان حلو وعسل ياريت كل المواد رياضيات والثالثه كان اختبار ادارة اعمال حلو ويجنن
بس سويت فيلم يضحك اليوم اول مادخلت الجامعه بسبب مسافة الطريق والشمس اول ماوصلت عند البوبابه دخت جاتني ضربة شمس وقمت عاديه ما كانه فيا شي وكانو حيأجلو لي اختباري قلت مني ناقصه ولا شي خلاص فاتني اختبار واجل واحد ثاني خلاص ما ابغا عندي شغلات ثانيه افكر فيها ...
ودخلت اختبار الرياضيات وانا ادعي من كل قلبي للأستاذه تجنن جابت اسئله حلوه وكانت كثيره عشان ماننقص كثير ولمن خلصت كان عندي بريك ساعة ونص رحت على اختباري الثاني وجلست في قاعة الإختبار اراجع وكنت شايله هم الماده طلعت الأسئله تافهه مره وانا احل اقول الله يرزقك يادكتورتنا كل خير على الأسئله الحلوه والواضحه ودوبني المغرب رجعت البيت قلت خليني ادخل الدرر بعدين اخرج مع اخويا انبسط واتمشى وافلها شوية خلاص تعبت من المذاكره

امولة اش كنت حتعلقي على العربي
ماقلت لي على الجوال ضاع الكلام من كثرة المواضيع

[Oscar]

نمستي يا باشا ،،
حضرتك أول واحد يتفق معايا في حكاية أيام الثانوي .. من جد حلوة
وصحبة ما في منها .. بس أنا نسيت أحطلك ملاحظة في الهامش " شماته
نهي " - أنا مبسوطة بدي الأيام :) >> على الأقل بعدها إجازة كم شهر
ولو أقصر من كل سنة! .. السنة الجية ما عندي غير أسبوعين ما أدري تكفي
أعمل فيها ايش :158: .. المهم بعد أسبوع حيرجع الكتان زي ما كان إذا مش
أسوء، وقتها لا ضحوية ولا غيره، وتوميار ساديكي :drr05_13: ..

[zadi]

______________________


سلام هي كي هال هيه كلو نفر |547|

أمولة , يامفترين يا أهل المدينة , يعني عشان الإجابة مضمونة تقوموا تزحمو الخلق في مسجد الإجابة ؟؟؟ عموماً عندنا الكعبة ,,, بعينكم ماعندكم زيها ,,, الدعوة عند الملتزم تاخد الخط العامودي وتطلع عدل مابينها وبين الله حجاب , وترجع مقبولة ومنصورة بإذن الله ,,,
الله ينجح كل الطلاب والطالبات ولايضيع لأحد تعب سنة ياااااااااااااااارب , قولي آمين .

_____________________


همس , مبروك نهاية الإختبارات , ومبروك النجاح مقدماً ,,, بس من جد نبغى طورتة هنا في الدرر حق كل البنات إللي نجحوا ,,, كيف توصولوها لنا ما أدري , المهم نحلي بمناسبة النجاح ,,, أبو فهد جاي بعد أسبوع يعني بعد نهاية الإختبارات تقريباً وطلوع النتائج ,,, خلي عندكم ديك الهرجة لايقول الراجل أهل الغربية بخلاء وجلدة :233: أرسلوا الحلويات ديلفري على العنوان إللي راح نعرفو بعدين من أبو فهد ,,, ولاتنسوا القهوة الحلوة ( الملوزة ) تراها تعويذة النجاح في كل البيوت |547|

موفقين إن شاء الله .

________________________

أوسكار خانوم ,,,

أيام الثانوي أحلى أيام , حتى اصحابها أحلى أصحاب ,,, ما أنساهم ,,, وذكريات الثانوي ذكريات خاصة ,,, سبحان الله لها طابع خاص ,,,

الإجازات في السنين الأخيرة صارت ( مجغة ) ههههههههههههه يعني يادوب الواحد يجهز للإجازة ويبدأ التصييف إلا ويلاقي عمنا رمضان داق الباب ,,, وطبعاً لو بملك الدنيا ما أسيب رمضان في بلدنا وبالذات في جدة ومكة ,,, طعم تاااااااااااااااااااني غير من جد ,,,

الله يعطيك العافية يا ست أوسكار ,,, موفقة يارب ,,,

توميار ساديكو :245:

[همس الورد]

تعوذية نجاح ورسوب مين
خليها على ربك
المعدل نزل كنت 3.51 سرت 3.47 نزلت 4 زعلانه بس الحمدلله غيري مالقاها
زادي ترى محد يقول للحضارم شي خليني استلم فلوس التأمين واوصي على احسن حلو في جده بس حددو المكان ويوصلكم قولي من فين تبغوه ؟
كرسبي كريم ولا دكتليفيرا ولا ايش بالتحديد ؟؟؟؟؟؟؟؟

[Oscar]

الأماكن الي تتحمل غلبتنا وقت الزنقة ضروري تشاركنا أخبارنا الطيبة
كمان .. قبل أمس انتهت امتحاناتي أخيرًا - أظن احنا آخر طلاب في الجامعة
فضلو يمتحنوا - ، واليوم طلعت النتايج ونجحنا والحمدلله :) .. مبروك لكل
طلبة الدرر - همس، توفي، رحيق - والبقية الباقية إجازة سعيدة، وعقبال كل سنة ..

[الأمــل]

الله يذكرك بالخير أخي زادي، الله يحفظك ويبارك فيك..

أنا في حياتي ذاكرت مذاكرة بعدها تبت:drr05_28:، كنت أحد الدافورات على قولتكم، هذه الكلمة تعلمتها من الدرر، الله يذكرك بالخير يا بحارة كانت دافورة مثلي..:222:

ذاكرت عن (الأولي والتالي) :drr05_93:


وكل التوفيق للدوافير بس..:129:

.

الأمــل