ساكم الله بالخير

[الملقوف]

سلام

ما تقولون ما عمري بلشت بروحي مثل اليوم ..

ض ظ ــــاقت بي الوسيعة ..

ملل منقطع النظير .

طفش غير طبيعي ..

قلت ياولد مالك الا البر . طلعت للبر وغرزت ولولا الاجاويد

تسان للحين منسدح تحت هذيك الفضاة ..

المهم جلست افكر وافكر وش اسوي ..

حتى صديق اللي يرعى الغنم لما قلت له تعال تقهو معي ابيه يوسع

صدري ما عطاني وجه تحلف انه يوري مرقدي الهنود !!!!

طقت تسبدي قلت يا ولد رح للديرة بس شف اي شغلة ..

طبعا كان الوقت العصر دخلت للديرة طبعا الشباشب قصدي

الشباب مطايرين ورا الربيع رايحين للشمال ( مسافرين )..

جلست ادور في الشوارع تقل دورية ما صدقت يأذن المغرب

طبعا رحت اصلي وبعد ما صليت قلت يا ولد الحين مالك

الا تعشى لعل الاكل يطير الملل ..

تعشيت سندوتشات الله يكرم النعمة ما تاكلها ولا البساسة

مدري وش وداني ذاك البوفيه في الصناعية ...

رحت البيت وفتحت الدش وجلست اقلب في القنوات اللي صايرة

هاليومين زي غصب واحد وغصب 2 .. وكل شوي زايد عندي الملل

دخلت المطبخ وسويت لي شكشوكة متبعا قولهم الاكل

يطير الملل . يومن صارت هالشكشوكة تقل جمر في تسبدي

طلعت مرة ثانية وجلست ادور في الشوارع . ابي اي شي يشغلني

ما لقيت . المشكله اشغالي ما فيه اكثر منها وسبحان الله

ابي اي شغل مالقيت ..

رجعت البيت ودي بس القى احد اروح عنده ..

رن التليفون وانا اقوم تقل مقروص من الفرحة ان احد اتصل علي

اتاريها الوالدة تعزمني على العشاء .. قلت يا ولد مالك الا تاكل

رحت للوالده وكان العشاء اسكالوب مع نقانق المطازيز بصلصة الكاري

الشهية .. اكلت وقلت يمه اذا صار العشاء مطازيز تكفين انسي ان

لك ولد اسمه حمد ..الله يكرم النعمة ..

طلعت من عند الوالدة مصطل من المطازيز .. والحمد الله ماشافتني

الدورية لاني فعلا كنت مصطل ..

رحت البيت وجلست افكر وش اسوي ..

قلت يا ولد لا يأس مع الحياة لازم اكسر هالروتين ..

بحثت ودورت وما دريت بحالي الا قدام الكمبيوتر ..

قلت يا ولد زمان عن اللقافة شف وش صاير بالنت

حست لي شوي بالنت وخبصت في الجهاز حتى دخت ..

المهم بعد ما سكرت الجهاز ما رضى يتسكر ..

والكلام هذا جد والله .. انفتح معي الجهاز تلقائي ..

قلت هذا اللي ناقص خربنا الجهاز ..

حاولت ازينه بس ما عرفت ..

قلت ياولد مالك الا الدرر تروح تسلم عليهم و تشكي عليهم حالك ..

لعلي اخفف من هالملل ..

مليت من الكتابة ..

سلام ... .....

[ابوفهد]

هلا بالحبيب ملالالالاقيفوووووووو

هلا حميدان الى من الليالي صارت شاهي بخيار:hap:


اجل الطاسة ضايعة

وعلى قولتهم

المخبات فاضية والمره عند اهلها ;)

وش اللي سويته بنفسك ؟

يارجل فيه احد يتعش عشر طعش مره ؟

لا وبعد من زين هالعشيات يالله لك الحمد

مطاااااااااااريس

الا اقووول وين انتبه؟

شف عاد ترى مالك الا منتزهات المصفـــــر

توكل على الله يمكن تلقى احد الشباب هناك :SMIL:

ياحضها بنت الاجاويد مرتاحة من خشتك الليلة :hap:

حياك ياقطوع ولا عاد تعودها ::*

تحياتي

[الملقوف]

سلام

قبل ارد انا منيتي اقابل هالبسة اللي مرتزة في توقيعك

مادريت اني تجيني حساسة من البساسة ؟؟

الله يستر عسى ماني .......

تعرف المحكر يابوفهد ..

هذا المحكر عبارة عن صندوق صغير يحطو فيه ذكر الحمام والانثى

علشان يصيرو اجواز . طبعا المحكر هذا شبك متر × متر .

كان عندنا مره قي الاستراحة كلب حطيناه في المحكر

ودخلنا عليه بسه . زي بسك هذي ..

وجلسنا نراقب ...

تصدق عاد يا بو فهد اول مرة يمر علي يوم خميس

بهالشكل بس اوعدك وعد انشاء الله ما تكرر

لو اطلع ارعى بط في البر . ولا اجلس في البيت

بعدين وش فيها اذا تعشيت عشرين الف طعش مرة

بطني والا بطنك .. والا امي اخذه مطازيز ام فهد وحنا ما ندري !!



...

[ROMEO]

مين حمـــــــــد

ياهلا وغلا والف مسهــــلا بالقاطع

مرحبا فيك حبيب البي

واثره النور نورك والحساس احساسك:D



الله يكون بعونك وانا اخوك ...سالفة الملل شي ماينطاق

خصوصا بالشتاء... مالك غير تنثبر بغرفتك وتلحف بمية بطانية ويالله الخراج



عيوني ... اثرك تسوي شكشوكة .. وانا صاج الظل كل يوم واقوله مزينها بالصوص والبطاطا...



=======

ابعد ياحمد عن قطوة ابو فهد تراها رابية على الدلال والغالي

كل يوم ينقز بنــــــــــدة العزيزية ويشريلها حب مقشر ماركة وسككس



----

افرحتني اخوي حمد بجيتك ورب البيت

[BackShadow]

يسعدلي مساكم جميعاً


اهلييييين والله بحبيب الشعب :hap:


اجل ما جيتنا الا من الطفش يا الشين هاااه :devil:


عموماً لك وحشة والله يا الملقوف ... وحشة كبيرة

يهزني الشوق ادعي عليك ان الطفش ما يفارقك

علشان نشوفك عندنا كثير :hap:


عموماً اسمع كلامي اذا نويت البر لا تطلع الا مع جعجع

تراه مرشد سياحي محترف في البر


ونصيحة لك ... لا تقرب من بسة ابو فهد ;-(

تراها ما تاكل الا الاكل اللي قال عليه روميو <--- حسيت انها سبه



مع تحياتي

[الملقوف]

سلام .


حياك الله ياروميو وكيف حالك عساك بالف خير يا رب ..

والله يالغالي مهي عادة يجيني ملل خصوصا يوم الخميس

لانه يوم اعتبره احسن ايام الاسبوع . بس قلت هالمرة بسوي

فيها بيتوتي وماني رايح لشي . ما اقول الا الله يصبر الحريم

على جلسة البيوت .. ويستر علينا اذا طلعو للسوق ..

شف حبيبي الشكشوكة هذي اعبرها اسهل طبق عندي

وتراني شيف من الدرجة الاولى واتحدا في الطبخ بعد

وياليت تاكل من ايدي كان تقول ليتك تصير امي .

ومن جد وش سالفة بسة ابو فهد هذي ؟؟

الرجال بدا يحضّر ..؟؟ والا يقرا كف والا يطلع جن .؟؟

محبا بالظل وياهلابك والله ..

والله انك جبتها جابني الملل بس يالله استر ما واجهت

والله يالحبيب انكم على البال بس مدري متى تجي الفرصة

ويعلم الله اني اذا فتحت نت لازم اجي للدرر على الاقل

نعرف وش اخباركم ..

وعن طلعت البر الحين طلع القارمن لا جعجع ولا ابو سعود .

ابو سعود هذا من الربع مولود فوق رقبة ناقة !!

وبسة ابو فهد هذي عندي شي ابيها تاكله بس مدري

يدخل مع فمها والا لا .؟؟ لان المقاس 44 .. نجيب

39 اذا لزم الامر ..

سلام .....

[ملكة البحار]

ملقوف يمرحبا

فينك ياراجل ؟

على العموم شكل اليوم هذا كان ممل لك ..:confused:

لكن لو انا خرجت كل هالخرجات كان انبسطت:D

.
.
.
الله وياك

.
.
ولا تقطعنا
.
.
.
تحياتي

[رمز]

مساء النــــــور والسرور


هلا والله وغلا بالملقوف

بما انك قلت لنا قصة حياتك خلني اقول لك

قصة ذا الرد بس :)


سلمك الله قبل فتره قريت موضوعك ذا

قلت يالله يستاهل الواحد يتليقف ويرد عليه

بلاك هذا الايام حتى الردود يبيلها واسطات ::]

المهم اني سويت اضافة رد ...

واحتري _ حلوة احتري من زمان ما قلتها _

الحين شوي بعد شوي الا والنت فاصل

وش ذا البلشه .... طلع بسبة الحد الائتماني


نكبونا بالحد الائتماني للتلفون ...

قلت مو مشكله بعد ين نرد

شف توها جات بعدين ...:hap:

عموما

مراحب اخوي الملقوف اول ما شفتك اتذكرت

الايام الاولى لي بالمنتدى عاد شوف كيييييف لفت الدنيا

ودارت صرنا نرحب الحين :hap:

تحيـــــاتي وحيـــاتي

[الملقوف]

سلام .

حيالله ملكة البحار السبعة ..

الا وش قصة البحار السبعة في شئ بهلاسم .. لا .. عارف منتي رادة

المهم .

فيني ؟؟ انا ابرشرك مشتري كم معزاية وحاطهم في

البر وكل يوم اروح اصبح وامسي عندم اقول في

نفسي ليت هايدي تسير هي وبيتر نقهويهم ...

حيالله الرمز ومشكور على الرد ..

تصدق بالله ومهو غرور ودي انزل موضوع ولا ابي احد

يرد علشان ما ابلش بالردود لاني كم مرة نزلت مواضيع

وبلشت لازم ارد وانا يادوب بالسنة حسنة ادخل النت

مرة ثانية الله يحييك اخوي وما قصرت ..