Sami96SA
02-01-2003, 06:33 PM
مساء الخير
رسالة جوال بالإنجليزي وصلتني من صديق في آخر يوم في ديسمبر.
وطبعا مثل منتو عارفين الرساله لمن تجيك بتعرف مين اللي راسلها إذا كان اسمه محفوظ بجوالك .. وللتأكيد يطلع مكتوب في آخر الرساله
المرسل:
فلان بن فلان
05xxxxxxx
وإذا الرساله بالإنجليزي يجيك مكتوب في آخر الرساله :
Sender
Mr. X
05xxxxxxx
الرساله اللي جتني كانت من صديق عزيز جدا حصل بيني وبينه موقف بسيط انتهى على خير والحمد لله .. لكن الرساله حيرتني وخلتني مو على بعضي .. الرساله تقول :
I think everything between you and me will end very soon
So let me say this now : Good luck in your life without me
أعتقد ان اللي بيني وبينك بينتهي عن قريب, لذلك اسمح لي أقول : الله يوفقك في حياتك بدوني
طبعا أنا قريتها لغاية ما انتهت عند sender:
وما اهتميت وش في بعد كلمة sender أو المرسل (بالعربي) لأني أعرف مين هو المرسل لأني قبل ما أفتح الرساله عرفت مين اللي باعثها .. والبركه في جوالي المصنوع في النرويج.
طبعا أنا استغربت الرساله واللي جا فيها .. وقلت في خاطري الناس صدورها ضيقه واجد هاليومين عمال على بطال .. وصرت أعيد واقراها مره ثانيه وثالثه لين ما وصلت للمفاجأه.
المرسل أو ال sender ما غير year 2002
العام 2002 هي اللي أرسلت لي الرساله القاسيه هذي من خلال جوال صديقي العزيز.
وصرت أضحك وكركر من الضحك .. هههههههه لين ما فطست... الناس اللي حولي صاروا يطالعوني ويفكرون اني مخترش ان واحد أرسل لي رساله ... عبالهم ما شفت خير.
عجبتني الرسال بصراحه ويوم ثاني أرسلتها للحبايب كلهم ومن ضمنهم أبو رهف وثامر وتركي ونايف وبسام .. هذا غير الشباب والأصدقاء هنا.
اليوم ونا في البيت اتصل علي واحد من اللي أرسلت لهم الرساله وكان زعلان ويعاتبني:
هو : السلام عليكم أبو احمد.
أنا : علـــيكم السلام حبيبي .. وش أخبارك؟
هو : أنا بخير بس انت علامك زعلان .. وش سويت لك؟ عسى بس ما سمعت مني أو عني حاجه تزعلك؟
أنا : لا .. ليش تقول هالكلام؟
هو : لأنك أرسلت لي رساله عالجوال تقول ان اللي بينا انتهى ومدري ايش.
أنا (ناسي اني أرسلت شي) : أنا أرسلت لك رساله بهالكلام هذا؟
هو : يا أبو احمد الرساله جت من جوالك بالإنجليزي.
أنا (تذكرت وصرت أضحك) : ايــــه صح .. أنا اللي أرسلتها .. بس يخوي انت قريتها للآخر .. روح اقراها مره ثاني لآخر شي وبعدين اتصل علي.
هو : طيب.
دقيقه والا الرجال متصل علي مره ثانيه ويضحك .. ويضحك .. ما بطل ضحك.
طلبت منه يسكت خلاص .. أخيرا سكت وقال علي واحد صفر .. وبعدين صرنا احنا نضحك على اللي صار وعلمته سالفتي ووش صار معي يوم قريت الرساله أول مره.
أنا نزلت هالموضوع عشان أقول لحبايبي اللي وصلتهم نفس الرساله من عندي يفهموا ان الكلام من العام 2002 مو مني أنا .. لأني بصراحة ربنا خايف انكم فهمتوها غلط مثلي ومثل صاحبنا وتصيرا تأولوا الأمور لشي ثاني.
تحياتي وكل عام واالجميع بخير.
-----------
سامي
رسالة جوال بالإنجليزي وصلتني من صديق في آخر يوم في ديسمبر.
وطبعا مثل منتو عارفين الرساله لمن تجيك بتعرف مين اللي راسلها إذا كان اسمه محفوظ بجوالك .. وللتأكيد يطلع مكتوب في آخر الرساله
المرسل:
فلان بن فلان
05xxxxxxx
وإذا الرساله بالإنجليزي يجيك مكتوب في آخر الرساله :
Sender
Mr. X
05xxxxxxx
الرساله اللي جتني كانت من صديق عزيز جدا حصل بيني وبينه موقف بسيط انتهى على خير والحمد لله .. لكن الرساله حيرتني وخلتني مو على بعضي .. الرساله تقول :
I think everything between you and me will end very soon
So let me say this now : Good luck in your life without me
أعتقد ان اللي بيني وبينك بينتهي عن قريب, لذلك اسمح لي أقول : الله يوفقك في حياتك بدوني
طبعا أنا قريتها لغاية ما انتهت عند sender:
وما اهتميت وش في بعد كلمة sender أو المرسل (بالعربي) لأني أعرف مين هو المرسل لأني قبل ما أفتح الرساله عرفت مين اللي باعثها .. والبركه في جوالي المصنوع في النرويج.
طبعا أنا استغربت الرساله واللي جا فيها .. وقلت في خاطري الناس صدورها ضيقه واجد هاليومين عمال على بطال .. وصرت أعيد واقراها مره ثانيه وثالثه لين ما وصلت للمفاجأه.
المرسل أو ال sender ما غير year 2002
العام 2002 هي اللي أرسلت لي الرساله القاسيه هذي من خلال جوال صديقي العزيز.
وصرت أضحك وكركر من الضحك .. هههههههه لين ما فطست... الناس اللي حولي صاروا يطالعوني ويفكرون اني مخترش ان واحد أرسل لي رساله ... عبالهم ما شفت خير.
عجبتني الرسال بصراحه ويوم ثاني أرسلتها للحبايب كلهم ومن ضمنهم أبو رهف وثامر وتركي ونايف وبسام .. هذا غير الشباب والأصدقاء هنا.
اليوم ونا في البيت اتصل علي واحد من اللي أرسلت لهم الرساله وكان زعلان ويعاتبني:
هو : السلام عليكم أبو احمد.
أنا : علـــيكم السلام حبيبي .. وش أخبارك؟
هو : أنا بخير بس انت علامك زعلان .. وش سويت لك؟ عسى بس ما سمعت مني أو عني حاجه تزعلك؟
أنا : لا .. ليش تقول هالكلام؟
هو : لأنك أرسلت لي رساله عالجوال تقول ان اللي بينا انتهى ومدري ايش.
أنا (ناسي اني أرسلت شي) : أنا أرسلت لك رساله بهالكلام هذا؟
هو : يا أبو احمد الرساله جت من جوالك بالإنجليزي.
أنا (تذكرت وصرت أضحك) : ايــــه صح .. أنا اللي أرسلتها .. بس يخوي انت قريتها للآخر .. روح اقراها مره ثاني لآخر شي وبعدين اتصل علي.
هو : طيب.
دقيقه والا الرجال متصل علي مره ثانيه ويضحك .. ويضحك .. ما بطل ضحك.
طلبت منه يسكت خلاص .. أخيرا سكت وقال علي واحد صفر .. وبعدين صرنا احنا نضحك على اللي صار وعلمته سالفتي ووش صار معي يوم قريت الرساله أول مره.
أنا نزلت هالموضوع عشان أقول لحبايبي اللي وصلتهم نفس الرساله من عندي يفهموا ان الكلام من العام 2002 مو مني أنا .. لأني بصراحة ربنا خايف انكم فهمتوها غلط مثلي ومثل صاحبنا وتصيرا تأولوا الأمور لشي ثاني.
تحياتي وكل عام واالجميع بخير.
-----------
سامي