قصة حب واقعية بين سعودي وامريكية ..

[فهد الاحمد]

الســـــــــــــلام عليـــــــــــــــــكم ...

انا بقول زبدة القصه ...
__________________

هذي قصة حب واقعية بين طالب سعودي في الجامعة الامريكية وطالبة امريكية .........
____

تعرف السعودي على البنت الامريكيه في الجامعه .. وصار بينهم تليفونات .. والدراسة مع بعضهم ..

تعلقت البنت في السعودي ... وهم السعودي تعلق بها ..

وصار يعيش معاها حياة الامريكان ... يعني بوي فرند وقيرل فرند .. لدرجة ان صار يسكن معها في شقة في آخر الايام ...

وفي يوم من الايام .... الرجال مرض ... حس انه مريض .. وكانت حالته غير طبيعيه ... صداع على تعب على استفراغ .. يعني كانت حالته صعبة ..

المهـــــــم .. قال خلني اشوف وش فيني ... وراح عند الطبيب ...

كشف عليه الطبيب ..



لا لا لا لا .. موب ايدز .. وانا عارف ان هذا توقعاتكم ... لكن المرض اللي فيه موب ايدز وماله علاقة بهالامراض ....

____

المهم وين وصلنا ..

ايوه ... كشف عليه الطبيب ....

وقاله .. ان انت مريض مرض خطير وماله علاج ... يعني نهايتك قريبة ..

ما اتذكر وش هو المرض بالضبط ... لكن على ما اظن مرض السرطان .. ومثل ما تعرفون ان هذا المرض خبيث .. ومن الممكن اي شخص يصاب بهذا المرض حتى لو كان في عز شبابه مثل الرجال ...

شي اكيد ان الرجال بيتفاجأ بهذا الشي .. لأن نهايته قريبة .. وماله مفر من الموت ...
_____________

المهم .. رجع .. عند الامريكيه... وقالها كل شي عن المرض اللي بيقضي عليه ...
_____________

تعرفون وش كان ردة فعلها يا شباب ... حتى انا ما توقعت ردة الفعل هذي من الامريكية ...
-
-
-
-
-
تزوجت الرجال ..

صدقتوا ولا ما صدقتوا .. لكنها تزوجت السعودي .. وهي عارفه انه مريض .. وموته قريب ...

واللي عرفته .. انها تزوجت الرجال وأهلها كانوا رافضين هذا الزواج اللي ممكن يقضي على البنت ...

لكن .. تزوجت الرجال ..
بس والله ما ادري .. يعني معقوله هي تحبه لهالدرجه وانها بتضحي بنفسها علشانه ؟؟

وفعلا تزوجوا .. وقرر الرجال انه يرجع السعوديه معاها ... لكن قبل ما يروحون السعودية راحوا البحرين اجلسوا فتره هناك ... لأن في قانون سعودي يرفض زواج السعودي من اجنبية ... الا بالواسطه ..

وجابوا الواسطه .. وراحوا السعودية هو معاها ..
______________________________ ____________

لكن .. السؤال هو .. وش تعليقكم بهذي القصة ؟

وهل موقف الامريكية كان موقف يستحق كل تقدير او ؟؟؟؟؟

وتحياتي لكم .............................. ........... فهــــــــــــد الاحمد

[سحاب]

هلا فهــــــــــــــد ....

(F)

(F)

(F)


موضوع حلـــــــو ...

لنفترض انك تسألني ... سحــــــــاب لو انت مكانها وش بيكون تصرفك ؟

اقــــــــــــولك ..

قبل الجواب لازم تعرف انو اي وحده تحب حب صادق كانت بتسوي نفس

اللموقف ..

اكييد راح اتخذ نفس الموقف اللي اتخذته ... لاني احبه يهمني اكون

قريبه منه دائما فما بالك في ايامه الاخيره

وبعدين ياخي ماتدري عن رب العالمين يمكن الله يشفيه .. ويمكن اخذ

لي واحد صاحي ومتعافي ويموت بعد يومين (الاعمار بيد الله )....

انا في كل الحالات تزوجته او لا بتألم لفقده ... فـ ليش مااسعده

واسعد بقربه في نهاية حياته ..

ويمكن اكون سبب عشان يصير له امتداد في الحياه بعد موته ...

موقف مؤلم ... الله لايقدره لا علينا ولاعليكم

تحيــــــــــــــــــــــاتي ...

سحــــــــاب :)

[ابو فراس]

ممكن سؤال ؟

هل (( السعودي )) ثري ...؟

:)

لا ...... يقولن انه الحب للمجانين .

نعم .... انتهت القصه .:)

[فارس بلا جواد]

:heart:

مين قال بس ان زواج السعودي من غير السعودية يحتاج واسطة ؟!

المهم القصة مهما كانت أبعادها فهي عادية وطبيعية وتحدث في أحسن الزيجات

المهم هو : هل جابو اولاد والا لسه ؟؟!!

:heart:

[lo0ody]

أهلين من جديد اخوي فهد الأحمد ..
بالنسبااالي انا اشوف انه الإنسان اذا حب شخص مايكتشف مقدار وكمية حبه للطرف التاني الا اذا اتعرض لحادث او مشكله اوشي من هذا القبيل ..
يعني انا مثلا لاسمح الله اذا اتعرضت لهذا الموقف .. حتكون ردة فعلي على طول ومن غير نقاااش استمراري مع الشخص اللي انا احبه لأن المرض والصحة ابدا ماراح تعيق الحياة اذا كانت مليئة بالحب والأمان.

[فهد الاحمد]

يا هلا ويا غلا بسحاب ... ومنورتنا في كل مكان ...

هو دا الحب اللي بيتكلموا عنه ؟

بصراحه هذا موقف انساني بشكل .. وانا اقدر هالمواقف ..

وتحياتي لك سحاب .......... بس اقول .. متى بتمطرين .. ؟ ;)
_____________________________

ويا هلا بــ™®Sir_Auron®™... واشكرك على المشاركه ..

وبالنسبه للسؤال .. ولو .. نجاوبك على هالسؤال .. ليه لأ ...

الرجال حالته المادية متوسطه .. موب غني .. لكنه مقتدر .. وهو راح امريكا عن طريق ارامكو ...;)

وتحياتي لك ..

____________________________

ويا هلا ويا غلا بفارس بلا جواد .....

وبالنسبه لهذي (مين قال بس ان زواج السعودي من غير السعودية يحتاج واسطة ؟! )

ما اقول الا في هالزمن نشوف عجايب .. ;)

وياما ناس تزوجوا من غير سعودية او خليجيه بواسطه الله يحييك ..

آلو ايه ؟؟؟ آآآآآلو بدهم يحلون مشكلة العزوبية والعوانس ...;)

بالنسبه للعيال .. واللهي ماجاني خبر عن هالشي .. وهم ماصارلهم سنة من تزوجوا ..

وتحياتي لك ...
_______________________

يا هلا ويا غلا بلووووووووووووووودي .. ومنورة الموضوع كالعاده .;)

وكلامك جميل ....

وتحياتي لك .................... فهد الاحمد

[يقبلك]

.........السلام على من اتبع الهدى ورحمة الله ........


اولاً اسئل الله العلى القدير ان يغفر لصاحبك هذا لانه ارتكب عدة امور غير شرعيه وللاسف انت تقولها بكل فم مليان
وصار يعيش معاها حياة الامريكان ... يعني بوي فرند وقيرل فرند .. لدرجة ان صار يسكن معها في شقة في آخر الايام ...
وانت ليش تقول عشان تزيد سيئاته والا عشان تشجع - لا سمح الله - للدنائه وعمل الزنا .
كان الاولى بك ان ترى جوانب موضوعك وابعاده بشكل ادق حتى لا يقولون الناس - لا سمح الله - انك تدس السممم في العسل .;)

كان الاولى بصاحبك ان يعتبر هذا انذار رباني له والاحراء به ان يتقي الله وان يبحث عن ما يزيد حسناته وما يقطعه عن عالمه السابق المليان بالمعاصي .

والقصه اراها عايديه ولو حصلت في مجتمعنا كان تجد ردود الفعل متقاربه والشاهد كلام نواعم سحاب ولودي .... :p:p





ويحلى الكلام ........

[فهد الاحمد]

يا هلاااااااااااااااااااااااااااا ا ويا مرحبااااااااااااااااااااااااا .. ووالله هذا يوم مبارك يا اخوي يبلقك .. بالنسبه لي .. تسير علينا وتكتب رايك .. وشي جميل جدا جدا جدا .. التعبير عن الراي .. ;)

وبالنسبه لتعليقك هذا (اولاً اسئل الله العلى القدير ان يغفر لصاحبك هذا لانه ارتكب عدة امور غير شرعيه وللاسف انت تقولها بكل فم مليان)

-الله يغفر للجميع .. وصحيح انه ارتكب امور غير شرعية واقولها بفم اكبر من مليان على قولتك .. انا انقل الصورة الصحيحه وما يصح الا الصحيح ..

اهم شي الواحد يكون صادق في جميع الامور .. يا اخ يقبلك .;)
ولا تبيني أألف بالقصه واكتب اشياء من عندي ؟؟
ولا تنسى ان هذا الشخص او الشاب .. عايش في غربة .. بعيد عن اهله وناسه .. ومايعرف صعوبة هالبعد عن الاهل غير الناس المجربين .
_____________________

وبالنسبه لهذه ( وانت ليش تقول عشان تزيد سيئاته والا عشان تشجع - لا سمح الله - للدنائه وعمل الزنا )

-ابد الله يحييك .. وهو كل من قام بطرح قصه واقعيه يشجع على الدنانه على قولتك والزنا ؟؟؟
هذي قصه تحدث لأي كان .. مهما كان فيها اخطاء من قبل الشخص .. فهذا انسان في اي وقت ممكن انه يخطي ..
وبعدين تعال .. بس اني طرحت قصته .. زدت سيئاته يا شيخ بقبلك ؟
انا اقول لا تتكلم في امور مالك فهم فيها ............ ;)
_______________________
وبالنسبه لهذه (كان الاولى بك ان ترى جوانب موضوعك وابعاده بشكل ادق حتى لا يقولون الناس - لا سمح الله - انك تدس السممم في العسل .)

- ما يحتاج انك تقولي او تعلمني وش المطلوب مني .. لاني مقتنع بكل كلمة قلتها .. وعارف ان كلامي مافيه اي خطأ ..

لكن .. من حقك انك تنتقد .. بالعكس .. هذا شي طيب .. ممكن يكون انتقادك للمصلحه .. لكن اهم شي يكون انتقادك مبني على الحوار السليم .. ;)
___________________

وبالنسبه لهذي(كان الاولى بصاحبك ان يعتبر هذا انذار رباني له والاحراء به ان يتقي الله وان يبحث عن ما يزيد حسناته وما يقطعه عن عالمه السابق المليان بالمعاصي .)

-الرجال هذا بيفارق الحياه اقريب .. ومن كلامك هذا .. تبين لنا .. ان الرجال .. ما اتقى الله ؟؟ وهذا انت ما تعرفه اصلا !!!!!!!! ؟
وشلون تقول هذا الكلام وانت ما تعرف الرجال ؟؟ هل هذا منطق ؟؟

رجاء يا احبيبي .. لا تتكلم عن شي انت ما تعرفه .. ;)

وتحياتي ...

[عذاب]

الــــــــــــــــــلـــــــــ ــــــــــه
فهد الأحمد طلعت بفايدة لموضوعك
إن تضحية الحب كانت كافية إنها تغطي جريمة يعاقب عليها قانون الله مو قانون الإمريكان
يعني بصراحة أنا معجبة بقصصك، مررررررررررة كتيرة وغريبة
ومستحية أقولك يا خوفي يكون خيالك واسع زيادة عن اللزوم وبعدين يقل الحب
وإنت عارف إيش يسير إذا قل الحب،يعني حنتعاقب

^عذاب^ ( عسل يقبلك طيب طعم السم، وباقي الريحة ويش يطيبها)

[Sami96SA]

مساء الخير

يسعد مساك خوي فهد

قصه واقعيه ولا غرابه من أمريكيه أنها فعلت ما ذكرت.

أنا استوعبت تساؤلك عن آراء القراء بنفس الطريقه التي سبقني بها الأصدقاء وهو :

"هل لو كانت عربيه مسلمه قبلت أن تتزوجه وهو موعود بالموت القريب؟"


أعتقد إجابة الأخت سحاب ستكون الرائده من معظم النساء مسلمات أو غير مسلمات ردا على هذا التساؤل خاصة وبينهما حب كبير وعشره "خبز وملح .. وريوق".

أما رأيي أنا فأعتقد ما قامت به هذه الأمريكيه عمل إنساني وعاطفي كبير وليست هي الوحيده أو الأولى من الأمريكيات والأوروبيات اللاتي قمن بتضحيات من أجل أصدقائهن أو أزواجهن العرب.


أذهلتني جمله قالها أحد الزملاء :

"عندنا الإسلام وأخلاقياته تطبق من غير المسلمين في بلاد غير إسلاميه".


تعرف يا فهد

أنا أتفق معه إذا افترضنا أنه يقصد السلوكيات من قبل الأفراد في التعاملات الإنسانيه.



تحياتي واحتراماتي.


-------------------

سامي

[فهد الاحمد]

اخي العزيز .. سامي .. يسعدني مرورك هنا .. وانا معك في كل كلمة ... ;)

تحياتي ..

[BackShadow]

يسعدلي مساكم جميعاً


قصة رائع اخوي فهد الله يعطيك العافية

والشي الجميل هو التضحية التي كانت فيها

بغض النظر عن المحاذير الشرعية والتي واضحة تماماً


اعتقد انها تستحق التقدير وهي بالطبع اقدمت على شي غريب

والدليل على ذلك انك قمت بانزال هذا الموضوع

فلو كان شي عادي لما حرر هذا الموضوع اساساً :SMIL:


عموماً الله يطول في عمره يا رب

وطالما هو عايش سنة من يوم اتزوج فيمكن يعمر الرجال :SMIL:



مع تحياتي

[فهد الاحمد]

شكرا يا الظل على مرورك .. وعن جد اسعدني .. ومن جد نورتنا .. ;)

تحياتي..