البطالة يا وطن ...

[فهد الاحمد]

السلام عليــــــكم ..
______

موضوع البطاله موضوع مهم جدا ..

شبابنا اليوم تايهيين في الشوارع .. كل واحد ماسك ملفه الأخضر ومن شركة الى شركه ... ومافي فايده ..

الواحد كيف يعيش ؟ بدون لاشغل ولا مشغله .. الى متى الاب يجلس يصرف على اولده اللي تايه في الشوارع لا شغل ولا مشغله ..

الوضع عندنا في ازمه كبيره .. وبسبب هالبطاله .. كثير من الشباب اسلكوا طريق الانحراف .. والله يا كافي ..

وبعدين .. هالمسكين .. اللي يبي يتزوج .. يبني مستقبله بنفسه .. وكل هذي الطموحات .. تروح هدر ؟؟

صحيح .. ان الأمل موجود .... لكن .. هذي مشكله ولازم تنحل .. ولو ان هذي المشكله حلها ماهو سهل ..

طيب .. والرواتب ؟؟؟؟؟

واحد متخرج من الثانويه ولظروفه ما كمل الباكالوريوس ...

ولقاله شغله .. كم راتبه؟؟ 3000 او 4000 بالكثير .. لا وفي ناس راتبهم 2000 ريال ...

بذبة الجميع ... بهالراتب .. الواحد وشلون يعيش والديره غاليه حتى على ابناءها ... فواتير تلفونات .. كهربا .. ملابس .. سياره . بنزين . اكل .

تهون .. معليه .. شاب ماهو متزوج .. ممكن يدبر نفسه بهالراتب .. بس اذا كان متزوج .. الله يعينه على هالحال ..

واصلا وشلون الواحد يفكر انه يتزوج وراتبه ما يسمح ؟؟ عيييييييييييييب اصلا تبي تتزوج .. وهذا راتبك .. ;)

شوفوا الوضع وشلون عندنا ... اللي انحرف وصار بياع خمر ومخدرات ..
واللي صار يشتغل :cool:
واللي واللي واللي واللي واللي واللي واللي .. خلينا ساكتين احسن .
____

وحنا ارضنا فيها خير .. الله انعم علينا بخير .. وهو الذهب الاسود .. يعني بترول ..
اككككككككككككككككككككككككككككك كبر حقل نفط في العالم عندنا ... اللي اسمه غوار ... حقل لعن ابوه اكبر من دولة قطر .. لا هذا غير الحقول الثانيه ... :confused:

وين هالثروات تروح ؟؟؟؟؟ الا ويييييييييييييييين الشعب بيذلفون ؟؟؟

ما ادري مدى صداقية هالخبر اللي بقوله الحين ... قريت يوم من الايام في جريده موب سعوديه ... عن علماء اجروا احصائيات عن البترول المتواجد في العالم ... وهذي الاحصائيات تقول عمر البترول في بعض الدول .. يالله نشوف ...

امريكا ... وطبعا النفط اللي عندها متواجد في ولاية تاكساس .. تقول الاحصائيه .. ان البترول اللي في تاكساس بيخلص في عام 2012 او 2013 ... شي كذا ماني متأكد .. لكن طبعا .. غير الاحتياط النفطي .

واروبا ... او الاتحاد الاوروبي بالتحديد .... بترولها بيخلص عام 2035 .. غير الاحتياط طبعا ... وهذي انا متأكد منها ...

والسعوديه .. موب دول الخليج .. لا .. السعودية بسسسسسسس ..
بترولها بيخلص عام 2077 .. يعني في السبعينات ... غير الاحتياط ..

.. ما ادري .. بس لو كان هذا الخبر صحيح ؟؟؟؟ ما اقول الا حسبي الله ونعم الوكيل ....

وتحياتي ...................

[ابوفهد]

أخي العزيز فهد
عليكم السلام ورحمة الله وبركاته

البطالة على البطالة وما أدراك ما البطالة!!!

حكايتها حكاية هذه البطالة والله المستعان

إنه والله لمؤسف هذا الوضع المزري في أرجاء البلاد

وإلى متى تكون هذه المهنة محور حديث المجالس الشبابية ؟

إنه لشيء مؤسف أن تكون نسبة البطالة في اغنى دول العالم بهذا الحجم المخيف!!

هل من المنطق أن تنتشر هذه البطالة بشكل مخيف ومزعج ؟!!
أين واردات النفط ؟

وهل هو صحيح أن كل الواردات تذهب للمشاريع والصرف على صيانتها ؟

وهل هو صحيح ومنطقي أن تذهب هذه الواردات للصرف على اللي يسوى واللي ما يسوى؟!!

ثم هل الدولة عاجزة فعلاً عن تأمين وظائف لهذا الكم الهائل من الخريجين والخريجات ؟

وهل يعقل أن الدولة ليست بحاجة لموظفين يتم تعيينهم ؟

سوف أتحدث عن جهة حكومية واحدة اعرف خفاياها وحاجتها الماسة لموظفين .

هل تصدق أن إدارة واحدة تتابع مشاريع حكومية في قطاعها بجميع أنحاء المملكة ليس فيها إلا ثلاث مهندسين فقط وكل مهندس يتابع ما لا يقل عن مائة مشروع ؟!!

والمصيبة العظمى أن كل معاملة تأتي من كبار المسئولين مستعجلة!!
بالله عليكم أيعقل هذا ؟

والله لا تعلمون ما يعانه هؤلاء المهندسين من اجهاد بدني ونفسي رغم تكليفهم بالعمل خارج أوقات الدوام الرسمية .

فالمنطق يقول أن هذه الإدارة يجب أن لايقل عدد المهندسين فيها عن عشرة مهندسين حتى يستطيعون انجاز العمل بالسرعة المطلوبة .

ثم اليس هذا الاهمال والنقص في الجهاز العامل بالإدارة سبباً في :

1- زيادة الضغط النفسي على موظفيها
2- تأخير انجاز الأعمال الموكله للادارة
3- ضعف المراقبة لكثرة المشاريع وقلة الجهاز المشرف
4- تعطيل مستحقات المقاولين
5- زيادة نسبة البطالة بالبلاد

طبعاً هذا بالنسبة لإدارة واحدة فقط فما بالكم بالإدارات الأخرى ؟

والأدهى والأمر والذي اعتبره سبباً رئيسياً في كثرة البطالة هو أن أي موظف يحال إلى التقاعد ويكون محبوباً للمسئول الذي يعمل عنده هذا الموظف يقوم المسئول بالتعاقد معه للاستمرار بالعمل معه على نظام البند أو الساعات وبذلك يحتل مكان موظف جديد .

عزيزي فهد
الله يخليك خفف علينا من هذه المواضيع التي تدمي القلب وتكدر الخاطر وترفع الضغط .:hap:

فمهما تحدثنا عنها واكثرنا من النقاش فيها فلن يغير من الأمر شيئاً مادام عندنا عقول مغلقة ومصالح شخصية .

لك خالص تحياتي

[فهد الاحمد]

يا هلا ويا غلا بأبو فهد ... واشكرك على ردك لهذا الموضوع ........

ياخي الوضع عندنا ماهو سهل .... والقهر اللي في قلوب الناس هم ماهو سهل ... والتسيب اللي عندنا هم ماهو سهل ... اوضاعنا كلها ماهي سهلة ..

يعني يا ابو فهد .. موب قهر .. تعيش في ديرة تعتبر اغنى دول العالم نفطيا ؟؟؟
ويكون الوضع كذا ؟؟؟

ولو تلاحظ .. كل يوم ويصير الوضع عندنا اصعب .. هذا لو هالجيل موب لاقين لهم شغله .. اجل وشلون الاجيال اللي جايه ؟؟

الطمع الله يلعن ابو الطمع والجشع اللي بيشرد شعب كامل ..

وانا ليه هذاك اليوم يا ابو فهد كتبت موضوع عن اطروحات طلال بن عبد العزيز والديمقراطيه .. وتأييدي لهذا النظام ...

لأن بهذا النظام .. ممكن نكون رقابة على جميع الجهات الاداريه وغيرها ..
واذا صار اي تسيب .. او اي شبوهات على اي شخص مد يده او اختلس .. ممكن فضحه عن طريق الجرايد ومن هذا الكلام ..

وما اقول الا .... باي باي يا وطن ... باي باي يا وطن ومافي بأرضك امااااااان .. اذا ماتغير الوضع ..
ويوم من الايام ... بنشوف اعيالنا واحفادنا يروحون الهند ولا باكستان يدورون شغل ... :D

وتحياتي لك اخوي ابو فهد ....