تقرير عن حملة Rescue Jeddah R.J إنـــقـــاذ جــــدة

[همسة عاشق]

بسم الله الرحمن الرحيم


الحمدلله والصلاة والسلام على سيدنا محمد وعلى آله وصحبه أجمعين

حبيت أطرح مشاركة اليوم << زمااان ما نزلت في القسم دا

وأبغى يكون بمجهودي الخاص يعني مو ناقلو ولا شي << بس الصور طبعا راح أكون ماخذها من كذا مكان علشان ما قدرت أوثق الموضوع بتصويري انا


أول شي موضوعي اليوم عن تجربتي في حملة : Rescue Jeddah R.J إنـــقـــاذ جــــدة

شرح هذه الحملة ببساطة :: مجموعة مكونة من اتحاد العديد من المجموعات التطوعية

هدفها واحد
توحيد الجهودالتي تسعى لانقاذ مدينة جدة
من خلال التعاون مع جميع الجهات الرسمية
ونوفير الموارد البشرية لهم
لكي تكون مساعداتنا بانتاجية ومن دون هدر للطاقات البشرية

لنخدم اخواننا واهالينا المتضررين في العديد من المجالات
سكن..ملبس..غذاء..صحة
والعديد من المجالات التي نسعى من خلالها الى النهوض بجدة الى ماكانت عليه
لتعود كما كانت
عروس البحر الاحمر


لنوحد جهودنا سويالنساهم جميعا في انقاذ عروس البحر
جدة الحبيبة


الحملة عبارة عن قسمين إما في المعرض أو ميداني .

أنا عن نفسي كان عملي في الفترة الماضية في المعرض :drr05_32:
http://photos-e.ak.fbcdn.net/hphotos-ak-snc3/hs060.snc3/14732_191261453533_708533533_2 924594_250503_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

خلوني أشرح لكم ببساطة
المعرض مقسم إلى عدة أقسام
قسم المواد الغدائية - قسم الملابس - قسم النظافة - قسم الأواني المنزليه - قسم المواد الصحية - ....... << ماحفظتها كلها بس بأفهمكم شغلنا :214:
http://photos-a.ak.fbcdn.net/hphotos-ak-snc3/hs096.snc3/16344_194820342219_503597219_2 909202_3362493_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

بتوصل التبرعات من الجمعيات الخيريه ومن المتبرعين جزاهم خير جميعا
ونبدأ بفرز التبرعات وتوزعيها على الأقسام
http://photos-c.ak.fbcdn.net/hphotos-ak-snc3/hs096.snc3/16344_194639317219_503597219_2 908917_6031089_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

وبعدها نرتبها في كراتين << طبعا الكراتين إحنا نعملها ونلصقها
http://photos-h.ak.fbcdn.net/hphotos-ak-snc3/hs061.snc3/12859_362426645353_713715353_1 0208347_3165608_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

http://photos-h.ak.fbcdn.net/hphotos-ak-snc3/hs116.snc3/16344_194631977219_503597219_2 908894_3297646_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

http://photos-c.ak.fbcdn.net/hphotos-ak-snc3/hs094.snc3/16157_1266837823503_1006501185 _790117_5611716_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

وحتى ما شاء الله جوو من ذوي الإحتياجات الخاصة وإشتغلو معانا قبل فترة

http://photos-c.ak.fbcdn.net/hphotos-ak-snc3/hs096.snc3/16362_196285233910_538698910_2 939094_5655822_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

وما شاء الله شاركوو عالم كثير
من جامعة عفت ومن ابن سينا ومن البترجي
ومن البنك الأهلي وجمعيات الكشاافة ....... الخ :236:

وكل يوم بنسجل الطلبات الناقصة من كل قسم علشان نطلبها
ومافي كرتون يطلع من عندنا ناقص أي شغله لازم كلها تكون زي بعض ونفس الكميات علشان ما نظلم أحد من الناس
http://photos-g.ak.fbcdn.net/hphotos-ak-snc3/hs019.snc3/12642_224465810574_617765574_4 817566_7077769_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)


وبعدها تجينا طلبيات محتاجين كم كرتون ويحملوها في الشاحنه ويوزعوها على المحتاجين

عندنا كذا منطقة بيروحو يوزعو فيها المعونات إما على بيوت المحتاجين أو في الشقق المفروشه إللي وفرتها الحكومة لهم

http://photos-a.ak.fbcdn.net/hphotos-ak-snc3/hs046.snc3/13337_1200107801114_1181102657 _2180172_7991693_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

http://photos-e.ak.fbcdn.net/hphotos-ak-snc3/hs011.snc3/11838_192853038118_785113118_2 825818_2756040_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

http://photos-a.ak.fbcdn.net/hphotos-ak-snc3/hs096.snc3/16362_194353653910_538698910_2 922909_3455018_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

وأمس الخميس 10/12/2009 كملنا الحمدلله إخراااج 44 ألف كرتون للمحتاجين
http://photos-a.ak.fbcdn.net/hphotos-ak-snc3/hs095.snc3/16262_356712985520_654795520_9 925421_4600388_n.jpg (http://www.facebook.com/photo.php?pid=827820&id=1071371481&op=1&view=all&subj=371911245416&aid=-1&oid=371911245416)

وهذا تقرير باللي يصير عندنا في المعرض

http://www.youtube.com/watch?v=nQzoZHLdFEU&feature=player_embedded (http://www.youtube.com/watch?v=nQzoZHLdFEU&feature=player_embedded)


ودا طريقة شغلنا في المعرض

http://www.youtube.com/watch?v=Fy8bYorvAO8 (http://www.youtube.com/watch?v=Fy8bYorvAO8)


إن شاء الله ربي يتقبل عمل الجميع
ويجازييهم خير على جهوودهم وتعبهم
وربي يعطي كل واحد على قد نيتوو يارب

وإن شاء الله ربي يقدرنا وننهي إحتياج كل المتضررين

ويرحم اللي ماتو ويتغمد روحهم الجنه

واللي حابب يتبرع ولا يتطوع ويساعد يجي على معرض الحارثي دوامنا يبدأ من 10 الصباح لـ 10 المساء

إن شاء الله يعجبكم التقرير :228:

[DANiA]

أخ ياحسن


ابغا أروح نفسي والله كل يوم اكلم ماما ابغا أروح اتطوع في المركز
صحباتي هناك وأولاد خالتي وقرايبي مرة الموضوع حلو بس لازم يفصلو عمل البنات عن الاولاد

ماما مارضيتلي بسببين:
تقولي اتطوعي في البيت :d و الدنيا اختلاط..
انت بشر كيف بعد ماجات الهيئة ينفع أروح اشتغل الأيام الجاية؟!

وكيف نظام البنات نشيل ونحط كراتين!
و متى حينتهي العمل دا بالضبط بعد كم يوم؟!

بالله جاوبني انا مرة نفسي اكون معاكم..
كمان في جمعيه زمزم عاملة فريق طبي في كيلو14 تعالج الناس..
طلاب الطب والأقسام التانية هناك شغالين كويس ماشالله

الله يوفق الجميع
برافو عليك حسن كويس الي بتعملو الله يوفقك يارب

[همسة عاشق]

أهلين دانيا

شووفي صح العمل إختلاط
بس كل واحد في عملو وله شغلانتوو

دحين إنتي خلي أبوكي ولا أمك يجو يوم واحد ويشوفو
ما شاء الله الكل بيشتغل والكل بيتحرك وبصراحة بصراحة الحق ينقال الإدارة والمشرفين ما بيقصرو
أي ولد أو بنت بيشوفو منهم حركات مالها داعي علطوول يطردوهم من عندنا

وبعدين بالنسبة للإختلاط ::
http://www.alwatan.com.kw/Default.aspx?tabid=227&article_id=559676 (http://www.alwatan.com.kw/Default.aspx?tabid=227&article_id=559676)

وتاني شي عمل الشباب والبنات معليش نسيت أفصل فيهم :)
بس راح أديكي إياه بالتفصيل دحين

مثلا دحين أنا في قسم النظافة

أولا ::
تجينا كراتين لأدوات النظافة واللي يشيلوها الشباب


ثانيا ::
النظافة المكونات اللي فيها (( ديتول - دايت - فام - معجوم أسنان - فرش أسنان - مكانس صغيره - فيري - إسفنجات وسلك نحاس - بيف باف - أكياس زباله ))
كل بنتين أو ثلاثه يمسكو واحد من المكونات دي ويكون لهم مساحة معينه للمكونات حقتهم هما يرتبوها ويرصوها عندهم .

ثالثا ::
عندنا الكراتين تكون تكون مطبقه كلها على بعض يجو مجموعة من البنات والشباب يلصقوها ويرصوها ورى بعض .

رابعا::
يجو الشباب صف كل واحد يمسك كرتون ويمر على المكونات والبنات يحطو في كل كرتون من المكونات اللي معاهم لحد ما يكملوو كل كرتون.

خامسا::
تلاقي صفين من البنات بينهم مساحة متر تقريبا ويكون في النص شخصين هما يستقبلوو الكراتين من الشباب ويوزعوها على البنات والبنات يقفلو الكراتين ويلصقوها والشخصين نفسهم يستلموها منهم.

سادسا ::
الشخصين دول يدفو الكراتين لمجموعة شباب وراهم والمجموعة دول يرصوها فوق بعض .

سابعا ::
أول ما تجي طلبيه أو شحنة كل الشباب يوفقو صف ويبدأو يشيلوو الكراتين كرتون كرتون للشاحنه .


وبس سلامتك دي الشغلانه من وإلى :)

يعني البنات شغلتهم كلها بسيطة وما يحتاجوو شيل وحط ومو قاعدين وسط الشباب

ممكن بس وقت النقطة الثالثة بس قلت لك الشغل والحوصة هيا اللي تشغلهم .

[همسة عاشق]

أما موضوع الهيئة دا

قروشنا كلنا

شوووفي ايش صاار :::

“الهيئة” تنفي تواجدها بساحة المتبرعين
http://al-madina.com/node/204899 (http://al-madina.com/node/204899)

نفى رئيس فرع هيئة الامر بالمعروف والنهي عن المنكر بمنطقة مكة المكرمة الشيخ الدكتور احمد بن قاسم الغامدي ان يكون افراد الهيئة
قد توجهوا امس بمقر جمع التبرعات لمنكوبي السيول في مركز جدة الدولي للمعارض والمؤتمرات.
وبين الغامدي انه اذا ثبت انتحال بعض الاشخاص بصفة مباشرة او غير مباشرة لشخصيات رجال الهيئة فان الهيئة سوف تتخذ
الاجراءات اللازمة التي قد تصل الى مقاضاة هؤلاء المنتحلين.
واردف الغامدي انه اذا كان هناك اشخاص قد توجهوا من تلقاء أنفسهم بشكل طبيعي للقيام بهذا العمل فللجهات المختصة هي التي من شأنها ايقاف ذلك.
وأكد الغامدي ان الهيئة ترى ان ما يقوم به هؤلاء الشباب والفتيات المتطوعين عمل يدل على نضج المجتمع وتماسكه، واضاف بان
الرسول صلى الله عليه وسلم كان يحث الصحابيات على الخروج للغزوات لتضميد الجرحى وتقديم الماء للمجاهدين.
واختتم الغامدي حديثه بان العمل الذي يقوم به المتطوعون في مكان واسع ومفتوح ولا شبهة فيه.
وكان شهود عيان قد اشاروا لـ“المدينة” الى تواجد 3 اشخاص وصفوا انفسهم بالمحتسبين دخلوا المجمع وحاولوا التفريق بين الشباب والفتيات في
مقر جمع التبرعات وتوقف خلالها العمل لمدة تزيد عن نصف ساعة قبل ان يتم اخراج الـ 3 اشخاص خارج المقر، ويواصل المتطوعون عملهم.

[DANiA]

مرة شكرا حسن

ان شالله أقنع ماما .. ويارب ترضى

انا حايسة من اول بأتصالي البطئ قاعدة اتفرج تاني مقطع..
:)
شكرا لك وعلى جهود كل الشباب والبنات

عن جد جدة أم الرخا والشدة :)
ويحيا أهل جدة :d

[((كــــــــادي))]

من جد حاجة حلوة و تشرف ..

الله يعطيكم الصحة و العافية ..

ومشكووور على اللقرير :)

[Oscar]

مرحبا حسن،،
جزآك الله خير عالمشاركة، والتقرير – الله يجعله في ميزان
حسناتك.


* أسمحلي أضيف كم نقطة لـدانيا والكل
..
دنو،،
أنصحك تقنعي مامتك، وتجي- ترا مرره شي يحمس ويحسسك
بآدميتك ويخليكِ تكتشفي نفسك على مستويات كتيرة. أنا اشتغلت فأعمال
تانيا بس دا العمل بالذات في قيمة نجدة "الملهوف" خصوصـًا أول كم يوم
لما كان المتطوعين ينزلوا ميداني ويرجعوا مصدومين من الي شافوا، ويقولوا
الحمدلله إننا جينا وساعدنا ووصلنا مونه قد ما نقدر. ما راح أزيد كتيير عـ
الي قاله حسن غير انه فيه أقسام ما فيها أولاد نهائي وتطلبيهم وقت ما تحتاجهيم
يشلوا الكراتين بس زي قسم "المواد المدرسية" تعالي انتِ ومامتك السبت – اليوم ما في
متطوعيين في المعرض غير قسم واحد مكتفي- "بس" من بدري عشان تلحقي تعملي
بطاقة ويدخلوكِ ، بإذن الله يكونوا جابوا شنط، وإذا ما في على الأقل الكتب والأدوات التانيا
تتقسم في أكياس وتمشي. كمان يمديك تتطوعي مع الجامعة في جروب د.سمر سقاف، والشغل
مره بسيط ومرتب. كل الحكاية تعبية بيانات وأشياء معينة عن الحالة الصحية، إذا بدك
أبعتيلي وننزل الأسبوع الجي. وبالنسبة للتطوع في المعرض فينتهي الأسبوع
الجي للأسف.
..
بالنسبة لموضوع الهيئة، فسواءًا نفوا أو ما نفوا هما كانوا موجودين، ولا
البارتشن الأبلكاش الطويل الي مالو داعي في الحياة غير انه صرَف مبلغ
احنا أحوج ليه فحاجات تانيا أتحط عشان إيه!
كنت أتمنى انه الهيئة تكون فعـَّالة في أزمة جدة، كنت أتمنى انها ما تخيب
أملي زي جهات تانيا كتير، كنت أتمنى انها تقدر الأزمة وتساعد المنظمين
على فرض ضوابط تناسب طبيعة العمل. فقدت ثقتي في حكمة جهات
كتيير، الشي الوحيد الي ما فقدته هو رأيي في "جيلي" بإذن الله
في يوم حنعمل بدا الحماس إذا أتوجه "شي جميل".
..


ما تعرف قد ايش ممتنة لك يا حسن، شكرًا
جزيلاً :)

[DANiA]

أوسكار شي كويس والله
اذا حتروحي قوليلي
انا اذا حأروح من 3 الظهر لأنه معهد الوزارة ينتهي 2 الظهر..

ارسليلي الله يخليكي
والله جالسة ابكي من حالنا.. بس الحمدلله على كل حال

[Oscar]

أوسكار شي كويس والله
اذا حتروحي قوليلي
انا اذا حأروح من 3 الظهر لأنه معهد الوزارة ينتهي 2 الظهر..

ارسليلي الله يخليكي
والله جالسة ابكي من حالنا.. بس الحمدلله على كل حال

..
طيب، إذا فيكِ أدخلي نكمل عـ المسن أنا اون لاين ، أو
كلميني وقت ما بدك ..

[محمد بن الحسين]

وعليكم السلام ورحمة الله وبركاته
ما شاء الله عمل جميل و أعجبني
والله يتقبل من الجميع صالح أعمالهم ..
يسلمك ربي اخي حسن .. و انت بصحة وسلامة وجميع الجداويين
وجميع المتطوعين .. والله يرحم الشهداء .. والله يصبر اهلهم
والله ينصر الاسلام والمسلميين والله يخليينا لبعض
يارب

[» رَحيْـقّ "]

ماشاء الله تبارك الرحمن جَميل فيهم التكاتف ,
أسأل الله أن يعوّض كُل متضرر ويجزي مَن عاونهم خير الجزاء .

وأتمنى أن يعزلوا الفتيات عن الشباب أرى عملهم مختلط
حتى كثير من الفتيات لا خِمار على وجوههُن , قد يسبب مالا يُحمد .



باركَ الله فيك وجزاك الجنان أنتَ ومن عاونك :)

[همسة عاشق]

من جد حاجة حلوة و تشرف ..

الله يعطيكم الصحة و العافية ..

ومشكووور على اللقرير :)



يسعدك ربنا يا كاااادي :262:

كل واحد يعمل باللي يخارجوو قدام ربنا ويرمي الخير وربنا يعوضو أكيييد

يعاافيكي ربنا ويوفقك

ومشكووورة على ردك المشجع

[الكونكورد]

ما شاء الله

شئ حلو والله

بدل ما نجلس نتباكى على اللي صار

بدأنا نعمل شئ حلو << انت ايش سويت

اقصد عيال جدة http://www.dorarr.ws/forum/images/icons/icon10.gif

كان ودي اشارك بس الدوام

وفيكم الخير والبركه

ما شاء الله كثيرين وتخلصوا المطلوب بسرعه

وعدد الكراتين الموزعه كبير ومدهش

يعطيكم الف عافيه

والله يعوضكم خير على تعبكم

[همسة عاشق]

مرحبا حسن،،
جزآك الله خير عالمشاركة، والتقرير – الله يجعله في ميزان
حسناتك.


* أسمحلي أضيف كم نقطة لـدانيا والكل
..
دنو،،
أنصحك تقنعي مامتك، وتجي- ترا مرره شي يحمس ويحسسك
بآدميتك ويخليكِ تكتشفي نفسك على مستويات كتيرة. أنا اشتغلت فأعمال
تانيا بس دا العمل بالذات في قيمة نجدة "الملهوف" خصوصـًا أول كم يوم
لما كان المتطوعين ينزلوا ميداني ويرجعوا مصدومين من الي شافوا، ويقولوا
الحمدلله إننا جينا وساعدنا ووصلنا مونه قد ما نقدر. ما راح أزيد كتيير عـ
الي قاله حسن غير انه فيه أقسام ما فيها أولاد نهائي وتطلبيهم وقت ما تحتاجهيم
يشلوا الكراتين بس زي قسم "المواد المدرسية" تعالي انتِ ومامتك السبت – اليوم ما في
متطوعيين في المعرض غير قسم واحد مكتفي- "بس" من بدري عشان تلحقي تعملي
بطاقة ويدخلوكِ ، بإذن الله يكونوا جابوا شنط، وإذا ما في على الأقل الكتب والأدوات التانيا
تتقسم في أكياس وتمشي. كمان يمديك تتطوعي مع الجامعة في جروب د.سمر سقاف، والشغل
مره بسيط ومرتب. كل الحكاية تعبية بيانات وأشياء معينة عن الحالة الصحية، إذا بدك
أبعتيلي وننزل الأسبوع الجي. وبالنسبة للتطوع في المعرض فينتهي الأسبوع
الجي للأسف.
..
بالنسبة لموضوع الهيئة، فسواءًا نفوا أو ما نفوا هما كانوا موجودين، ولا
البارتشن الأبلكاش الطويل الي مالو داعي في الحياة غير انه صرَف مبلغ
احنا أحوج ليه فحاجات تانيا أتحط عشان إيه!
كنت أتمنى انه الهيئة تكون فعـَّالة في أزمة جدة، كنت أتمنى انها ما تخيب
أملي زي جهات تانيا كتير، كنت أتمنى انها تقدر الأزمة وتساعد المنظمين
على فرض ضوابط تناسب طبيعة العمل. فقدت ثقتي في حكمة جهات
كتيير، الشي الوحيد الي ما فقدته هو رأيي في "جيلي" بإذن الله
في يوم حنعمل بدا الحماس إذا أتوجه "شي جميل".
..


ما تعرف قد ايش ممتنة لك يا حسن، شكرًا
جزيلاً :)



يسعدك ربي يالينا وربنا يكتبلك في كل ما بتسويه كمان أجر إن شاء الله

الدال على الخير كفاعله
وإن شاء الله تاخذي أجر دانيا كمان :214:


وما سويت إلا الواجب والله

وياليت الشباب يفكروو في الخير وتقديمو وبعدو يفكروو في حياتهم

أقلها ينزلو ميداني ويشوفو كيف الدنيا والناس كيف عاايشيين :drr05_62:


ربي يسعدك ويخليكي أوسكار

[DANiA]

أبشركم.,
الحمدلله اليوم رحت من الصباح ل 3..
الله يسعدهـا أوسكار ماقصرت :)

في الكول سنتر :d
مكان كويس :)

بس على فكرة بأسأل: بطاقتي مكتوب الجهه مركز الإتصال أقدر انزل تحت واساعد الناس التانين؟
ولا لازم مكان جهتي تتغير؟

وشكرا حسن

[ام سلمان]

ماشاء الله تبارك لله
الله يجازيكم خير
اللهم عوض المنكوبين وانزل البركة للمعطين والمتطوعين

[ايفا مون]

تدرورا ما أخفيكم وأنا أقرأ لكم دمعتي بعيني

ليش!!

أغبطكم

( حسن .. دنو .. أوسكار )

والله حاجه مشرفة عن جد شباب ترفعوا الراااااس

الله يقويكم و ما يحرمكم أجره على جهودكم

ويجعلها خالصة لوجهه الكريم

ويكتب لكم فوووووق ما تتمنوا


( يا ليتني كن معهم فأفوز فوزا عظيما )

لكن ..... ( رب نية أبلغ من عمل ) ,,, و ( نية المؤمن خير من عمله )

وعزائنا في أهل جده أن أن شاء الله موتهم شهادة

الله يجبر مصابكم ,, ويرحم ويغفر لميتكم ,, ويجمع شملكم ,,

ويخلفكم خـــــــــير

ويا حسن الله يبارك في جهودك ولك أجر كل من سيتطوع بعد مشاركتك

لأنه ( من دعى الى هدى كان له من الأجر مثل أجور من تبعه لا ينقص من أجورهم شيئا )

[هدهد6666]

سلام عليكم

الحمدلله شاركت معاهم يوم في معرض الحارثي وبعدها صارت لخبطة في العمليات روح وتعال اكثر من مره هذا يقول تعال وهذا يقول روح ,

كانت عندي ملاحظات على طريقة العمل اكثر من شخص يوجهك لمكان مختلف .

جزاهم الله خير , واذا عندك مجال انا مستعد

[To0ofy]

أنا سجلت في اصحاب جدة

ومن زود اني متحمسه جري عند ماما

ومافي غير طربق وانا في باب الرفض

ليه ياماما خير

لا ماينفع

اكيد ماعندهم سالفه مهم رايحين يشتغلو<<<

عشان سمعت انه الهيئه جات وكرشتهم

ياهووو ياماما هذاك اول يمكن دحين اتعدل الحال

وكلن مع نفسه واحترامه لذاته وتربيته

ماما قفلت الباب قفله وحده مافي يعني مافي رغم انه نفسي اروح

[To0ofy]

من جد الله يعطيكم العافية

ويجزيكم كل خير

العمل منظم والشباب والبنات ملتزمين بشغلهم

شي يفرح

الله يوفقكم..:)

[همس الورد]

اليوم وصلني الخبر
ولا كنت ادري عنه
ماشالله عليك
حتى في الجامعه
اوراق موزعه عن الأدوات الناقصه
جعلها الله في ميزان حسناتكم

دانيا ربي يسعدك يارب
ويوفقك
ويعطيكي على مقدار نيتك
ويجعله في ميزان حسناتك
واجراك برضاك لأمك وابوك

همس الورد

[DANiA]

أمين يارب
الحمدلله شغلي تمام ..

جاني امس واحد من قويزة : تخيلو ابوه اتوفى في السيول مرة حزني قطع قلبي,, فهمتو انه ياخد ورقة الدفاع المدني ويروح حمعية البر عشان يعطوه معونة فورية + كوبونات هايبربندة .. اما المعونة الي عندنا مو فورية يستنى كم يوم..
يالله والله مرة قطع قلبي.,

والتانية تتصل وتشتكي لمن الأولاد راحو يوزعو الكراتين هيا ماكانت في بيتها خرجت .. وكل حيها جاهم المعونة الا هيا.. وعندها اطفال صغار حيموتو من الجوع وجوزها عسكري في الجنوب مع الحوثيين اصيب برصاصتين...

واللله الدنيا مأآآآآآآآآآآآآآآآآآآآآآآسسسسسس سسسي ...

إلي يبغى يستفسر عن أي حاجة يتصل على الرقم دا:
مركز اغاثة أهالي جدة : 920002285

.
وجزاكم الله خير..
الي يبغى يتبرع بأي حاجة تنفع محتاجينها للتبرع:

البوابة الخلفية رقم 4 .. :)

الله يسهل عليكم
الى اللقاء رايحة الشغل,

[To0ofy]

بت دنوو

لسا يشتغلو في الحارثي ولا لأ

لأني ابغى اروح أساعد

من جد شي يقطع القلب

[همسة عاشق]

بت دنوو

لسا يشتغلو في الحارثي ولا لأ

لأني ابغى اروح أساعد

من جد شي يقطع القلب



كان المفروض ينتهوو يوم الربوع دا

لكن أجلووه 10 أيام كماان :236:

والحمدلله وصلنا 85000 كرتووون إتوزع على المحتاجيين :)

[To0ofy]

طيب كويس

خلاص ان شاء الله راح اروح

بس دوامهم من متى يبدأ ومتى يخلص

:)

[DANiA]

بالتوفيق للجميع..

توفي اسمعي بكرة مني رايحة ..

بكرة عليا اختبار وراح كل الوقت حأنام بدون مزاكرة والله يعين..

على فكرة اشتغلي كويس لا يسحبو بطاقتك سمعت اليوم المسؤولين ( أحمد عريف)
حيكون في تقييم للمتطوعين

وممنوع لبس البرمودات للأولاد..
والبنات يلبسو طويل..

بالتوفيق للكل وصلو بس لا تقولو انا قلت:d

دوماهم ياستي من 10 ص - 9 م
حتى التبرعات وكل شي دا الوقت

[To0ofy]

تسلمي خيتوو

أمس مره هلكت بالشغل

بس كان جدا ممتع
وهناك الناس يشتغلو زي النحل الله يعطيهم العافية

واذا عالطويل لابسينو لا بسينو

<<<بس ماقلتيلي ينفع اخذ مكانك:)

[DANiA]

مكتفيين بعد المتطوعين في الكول سنتر ..
لو عليا اجيبك ماعندي مانع..

بس الله يعين
أكرهـ قومة الصباح.. جدا جدا
عندي اختبار brb وماابغا ازاكر.. مع نفسها

[To0ofy]

أمس كنت حروح من بدري

بس مدري ايش صار واتكنسلت الروحه

لكن في النهاية روحت

عالساعة 4 ونص وانا هناك

مررره كان شي حلو

خلصنا بدري

لأن سارو يقولو مافي طلبات بتوصلنا

اخر شي الشباب سووو هيصة وزمبليطة

وساروا يصرخوا ويغنوا سااااااااااااااااااارعي

وتصفيق من الفرحة بعد المجهود الجبار اللي صار

جات الام بي سي

وسوت لقاءات مع المتطوعين

الكل كان متحمس يشتغل

والكل كان تعبان بالشغل

لكن لما قالوا انه خلصنا بدري وحنقفل جانا شوية احباط لأننا كنا مستعدين كمان نشتغل


بس برضو حقول الله يعطيهم العافيه الشباب والبنات

سؤال لحسن

أمس سمعت واحد بيقول بكره مافي على اليوم صح دا الكلام...!؟

[DANiA]

توفي:

الجمعة مافي دوام
لكن نزلو قرار المتطوعين يجو من 2 الظهر ل 8 مساء فقط ...

< اعطوني جوال برافو .. مرة فرحانه طول الوقت ادق على سلطان ولد خالتي..
طي طيييييط الو سلطان .. انا رايحة
طيط طيييييط طيب مع السلامة :d

يلا نشوفك السبت ان شالله

[الجوري]

جزاك الله الف خير

تعاون رائع

تمنياتي القلبيه لي الجميع القائميه على الحمله التوفيق

ويعطيكم العافيه

تقبل مروري

[SOUTHSTAR]

جميل مايقدمونه الشباب لمعاونة المتضررين جراء السيول ..

وجميله مثل هذه المبادرات التي اتمنى ان تكون ايضا بعيده عن الشبهات والاستغلال من قبل النفوس المريضه ..

الموثق الاعلامي لهذه الحمله الاخ احمد بدره زميل لنا هنا في ماليزيا ونشاطه التطوعي والخيري ملحوظ دائما ..

الله يجزاه ويجزاكم جميعا كل خير ،،

شكرا لكم ..