المساعد الشخصي الرقمي

مشاهدة النسخة كاملة : . . . لا يمكن!! مستحيل تكوني انتي . . .


Sami96SA
24-03-2002, 05:53 PM
مساء الخير

قصه حقيقيه .....

يحكى أن في واحد حب له وحده من بلاد عربيه وهي حبته وعشقته موت والإثنين صار بينهم قصة حب عنيفه .. ومن دون ما نخش في تفاصيل قصة حبهم القدر ما ساعدهم انهم ينهو هالقصه الجميله بنهايه سعيده.

كعادة أكثر قصص الحب والعشق.

الفوارق الإجتماعيه اللي بينه وبين هالبنت كانت أقوى من إنه يحاول أكثر وأكثر من أجل حبه العنيف .. وصار هالمسكين يتعذب من كثر اشتياقه لها خاصة وانه كان يسافر لها رغم ارتباطاته العديده.

استمرت هالقصه أكثر من سنتين إلى أن توصلوا الى قرار وقرار صعب وهو أن يبتعد عنها وهي تبتعد أيضا وتختار ما يقدمه لها قدرها .. وتعاهدوا انهم يكونوا وفيين لحبهم طـــول العمر.

وبعد سنه .. والرجال صارت حالته تعبانه من زود الشوق والهيام في حبيبته لأن فعلا حبها تغلغل في الفؤاد وضرب له كم عرق على كم جذر فيذا القلب وصار يتعذب وهو يحاول يتناساها.

شاءت الظروف أن يتواجد في نفس البلد اللي فيه حبيبته .. وفي نفس المكان اللي كان يتقابل معها لمن كانو يتسامروا مع بعض على كاسات عصير وأحيانا كانوا يطلبوا كوكتيل .. المكان هذا كان كوفي شوب رومانسي خالص.

المره هذي كان معه صديق يعرف سالفته مع هالبنت من كثر ماكان يحكي له عنها .. وهم جالسين يمزمزون في عصيرهم جات لهم مدري من وين طلعت عجوز .. وطلبت من صاحبنا يفتح لها كفه عشان تقراه.

وباقي القصه يحكيها لنا هو في خنفشاريه صغيرونه .....


قالت لي هات كفك
سألتها ليه .. تبي تسلمين علي
قالت لا .. أبي أقرالك بختك
قلت .. أنا عارف بختي
قالت .. طيب أقول لك أسرار
واحكيلك عن أخبار
وأعلمك ادروبك وين
ومين يكرهك ومين يحبك
كفك يقول في وحده دوم عالبال
خطوطك تأكد لي انها هناك .. وتحبك
يللا .. حط بياضك ..

قلت لها وش بياضه
إذا قصدك بيض تلاقيه في الدكان
قالت بياضك يعني فلوسك
موقلنالك ما نبي .. زجرتها
طردتها وهججتها
لكنها ألحت وأصرت
وصارت تصارخ .. آه حلوه يا بختك

قال صاحبي حط عشره
وش ضارك خلنا نشوف
وش عندها هالمخرفه
يمكن تعلمك أخبارها
إذا هي ناسيتك
أو بعدها تفكر فيك

أوووف .. حطيت بياضي (العشره)
وقلت بشرط تعلميني
عن اللي خذت مني الروح خبريني
قولي لي وش أخبارها
نستني والا بعدها اتذكر
وفي أعياد الحب ترف عينها
وتضرب كف على كف من الحسره
علميني عن أحوالها
وعن الشوق اللي كان ذابحها

قولي لي يبنت الناس
كان تقدري تقولين
عن شمعة فؤادي هي وين
تفكر فيني ليما الحين
مثل مانا جذيه محتاس
وفوق دا البياض غيره بياضين
كانك عنها تخبرين
وعن روحي تعلمين

-
-
-
-
وقبل ما تبدأ تقراله كفه .. حدثت مفاجئه غير متــوقعه.....


---------------------------

سامي
المستشار
24-03-2002, 05:59 PM
يسعد لي مساك اخوي ابو احمد ،،

الحين هذي قصة ولا مقلب ..


اذا كان وهي قصة .. فبالله الحق علينا بالتكلمة لانها رووووعه ..

واذا كان هي مقلب :mad: :mad:

فهات بقية المقلب ..

اصل الحياة كلها صارت مقالب :MAD2:
Sami96SA
24-03-2002, 06:04 PM
مساء الخير

هلا بالرومانسي

القصه صج ولا هي مقلب بس ما قدرت أكملها لأنه حان وقت الصلاة.

انشا الله التكمله جايه وطول بالك علي شوي.

سلمت لي حبيبي.

-------------------------

سامي
المستشار
24-03-2002, 06:14 PM
هلا والله باخوي ،،


الحمد لله الله يبشرك بالجنة .. انها قصة حقيقية ..


لكن يالله عاد تراني ماراح افطر لين اكمل القصة ..


لا تتأخر :SMIL:


تحياتي لك ،،
[/c]
BackShadow
24-03-2002, 06:37 PM
يسعدلي مساك ابو احمد


يعطيك العافية على هذي القصة والخنفشارية الراااائعة


وفي انتظار بقية القصة ...


انا اتوقع انها بتقول له ان حبيبته خلاص نسيته

وانها عايشة مع زوجها في تبات ونبات ومخلفة صبيان وبنات


يعني خلاص ...

حب وانتهى ما فيه داعي يجلس يندب حظه عليه


مع تحياتي
* الـمـنـتـظـر *
24-03-2002, 06:42 PM
مساء الخير أبو حمد ..

أنا قرأت السالفه .. وبيني وبينك تراني منتظرك ومحتريك ومستنيك ..

وملطوع عشانك ابي التكمله ..

أمانه لا تتأخر .. ::]
Sami96SA
24-03-2002, 06:57 PM
مساء الخير

رومانسيكو

تسلم يالغالي .. وارجوك روح افطر ولمن تجي بتكون القصه مكتوبه.

تراها من الراس للكيبورد على طول.

--------------------

ظلاليلو

مشكوووور حبيبي

لا تستعجل .. القصه فيها مفاجئات ما تخطر على بال ولا على ظل :)

--------------------

منتظريرو

يا شيخ لا تخليني أصدق القصه حلوه لهالدرجه دي.

طيب خلاص صدقت

راح تحلو .. جايك في التكمله الحين بعد دا الرد.

احتريني لين أخلص طباعه لأني طال عمرك أدور الحروف ادواره.

---------------------

سامي
drrd2000
24-03-2002, 07:15 PM
القصه والله باين عليها سنعه

بس ودنا نعرف ابطالها اذا كان ممكن

القصه ماراح تحلى الا بهم

العجوز شكلها موغريب على اخوك علقم

والمكان بعد معروووف لدينا

مابقى الا الابطال...وبقية القصه





علقم
BackShadow
24-03-2002, 07:24 PM
هلا ابو احمد


الله يعطيك العافية ... كان كتبت القصة كاملة في ملف

وبعدين نزلتها هنا مع بعض

او على الاقل اجزاء .. بس تكون ورا بعض

يا اخي ذكرتني بايام مسابقة عزيز الرمضانية

تصدق !!! كنت اجلس اضغط على F5 طول الوقت ورا بعض

ابي اشوف متى ينزل الموضوع عشان اكون اول واحد يرد


وفي الاخير ..... طارت علي :MAD2:


المهم ... لا تتأخر


مع تحياتي
Sami96SA
24-03-2002, 07:58 PM
مساء الخير

الفصل الثاني ....

سلم يده للعجوز عشان تقراله بخته .. كان منزل راسه يتفرج على العجوز بسخريه وهي تطالع في كفه .. طول عمره ما يؤمن بشغل الشعوذه لكن عشان حبيبته وافق.

رفع راسه .. وفجأه دخلو بنتين من الباب .. الثانيه تقول للقمر قوم بقعد مكانك .. طول ورشاقه ووجه دايري جميل ورقه ونعومه اللهم صل على النبي المختار .. كانت لابسه حجاب "إشار" .. والوجه أبيض طبيعي من غير مكياج ولا أيتها لون اصطناعي .. خجوله تمشي الهوينه وهي داخله الكوفي شوب.

قام يطالع فيها عدل .. نقز قلبه من مكانه .. صرخ لصاحبه هذي هي .. هذي حبيبتي .. والله العظيم هي .. مو معقوله .. مو معقوله .. ياااربي وش هالصدف الغريبه... أنا بحلم والا بعلم .. طاير من الفرحه طاير.

هدأ حاله .. فكر شوي .. قال الأحسن ما تشوفني ألحين .. أبي أفاجئها .. أبيها تطير من الفرح لمن تشوفني .. أبي أشوف دموع فرحتها .. أبي أحس بالشوق فيها وهي تحضني .. أبي .. أبي أروح لها ألحين .. ما أقدر أصبر .. أنا رايح لها.

العرافه تسمعه ومسكت يده وقالت له لا تستعجل .. أنا عندي فكره.

فكره
انتي عندك فكره؟
وش الفكره يم العريف يا حظي؟
انتي من السما جيتي
والا ملاك من ربي
دبريني يا الطيبه دبريني
وخذي كل بياضي
واوعدك أكثر
بعد ما ارتوي منها
ومن حبي

قالت قول لي اش صار
علمني قصتك لا تحتار
انت مين وهي مين
من وين جاي ومن أي ديار
حبكم متى تم
ومتى ابتدا عذابك
ومتى انكويت بنار
خبرني ولا تخبي
والفكره!!
الفكره أقرالها البخت
بعد ما أعرف منك
بينها وبينك اللي صار

قام يعلمها كل شي .. قال لها اسمه واسمها ووين تقابلوا أول مره ووين راحو ووين ماراحو .. ووين درست ومتى خلصت .. وقال لها هو من وين وفين ووش يشتغل .. يعني ما خلى شي إلا وعرفته دي العجوز.

وطبعا قال لها بعد ما راح جلس معها بعيد عن المكان اللي كان جالس فيه مع صديقه لأن البنات اجلسوا قدامهم على طول بس عاطينهم ظهورهم .. وطلبت منه العجوز يسمع وش بيصير مع البنت.

وجت دي العجوز عند البنت وسلمت وقالت لها:

يا بنتي
ما شاالله على الحسن والدلال
ربي يحرسك ويصون هالجمال
اعطيني كفك يا أميره
اعطيه لعمتك تشوف لك الفال

غريبه .. البنت ما ترددت وقطت بياضها عشرين من عملة ديرتهم .. وقامت دي العجوز تبحلق في هالكف اللي من بياضه تشوف الدم في العروق .. ومن نعومته ما ظنيتي غسلت يوم ماعون .

مافي في هالدنيا سواك
انتي ملاك انتي ملاك
واسمك ملاك
سحرك هلاك
بحرك عدم .. وألم
فارس روحه فداك

استغربت البنت من العجوز .. عرفت اسمها واسم حبيبها فارس .. بس ما بينت للعجوز استغرابها وظلت ساكته .. قالت للعجوز :

كملي يا عمتي
والا خلاص خلصتي
قولي لي منهو فارس
ما أعرفه ولا سمعت فيه
أخاف تكوني خرفتي

لا ياملاك
فارس دا حبيبك
بس ماكان نصيبك

احمر وجه البنت وصار مثل "البنادوره" .. وقامت تطالع في صديقتها وقالت للعجوز خلاص بلاشي مو لازم .. ما أبي تقري لي كفي.

قالت لها يا بنتي مو عيب
حبك أبد مو عيب
بس اللي في خطك دا هو العيب
انتي خاينه
خنتي العهد .. خنتي الحب
عهد القطعتيه
عهدك مع فارس .. عهد الحبيب

أنا!!
ومين انتي عشان أسمع لك؟
أنا الخاينه والا هو؟
وليش أخون؟
هو اللي نسى
هو اللي قسى
هو اللي روحه فصدري
أنا ما خون يا عمه
ولعهدي العمر كله
دفنت جروحي في قلبي
يمكن يوم يمر يمي
وارتمي بصدره وقبله


فارس ... وش صار على فارس وهو يسمع كلامها؟

--------------------------

سامي
BackShadow
24-03-2002, 08:23 PM
ابو احمد


الله يعطيك العافية حبيبي


تصدق ... استمتعت كثييييييييييير والله بالقصة هذي

ومتشوق للبقية

تكفى رح صل بسرعة ولا تتأخر علي :SMIL:



مع تحياتي
Sami96SA
24-03-2002, 08:34 PM
مساء الخير

هلاااا بخوي الغالي علقم

لا .. لا يمكن أقول بالأبطال الحقيقيين.

على فكره أنا ما أعرفهم .. وسمعت القصه من واحد :)

يا أخي اعتبرها أي قصه تقراها مثل قصص الصامت الأدبيه .. بس الفرق اني أكمل القصه للنهايه.

---------------------

حبيبي الظل

يعني مو عشان تشجعني تقوم تمدح حيل في القصه وكل شوي ناط لي القصه حلوه والقصه رهيبه وبانتظار التكمله :D

أمزح معك.

آها .. F5

ونا أقول كيف الظل دايم يسبقنا في الإجابه بمسابقة عزيز!!

تعرف وش اللي يأخرني في تكملتها؟

هي ما غيرها الحوارات الخنفشاريه .. ونا مصمم أحط في القصه هذا النوع من الحوار عشان لا أنساه لأني من زمان ما كتبته.

بحاول أكملها الليله وإذا ما قدرت .. الله يصبر قرائي الأعزاء لين بكره :)

تحياتي واحتراماتي.

أوه نسيت أسألك

ليه انت خلاص عشانك في الإداره بطلت تطرح مواضيع؟

لا يا أخي نبيك تشعللها ويانا ونشوف لك موضوع من المواضيع اياهم اللي تهز بدن المنتدى هز.

---------------------

سامي
* الـمـنـتـظـر *
24-03-2002, 08:41 PM
سامي .. عيوني .. بعد شنبي انت ..

أمانه لا تتأخر ..

تعبت وانا أحتريك .. وش فيك منزلها أقساط علينا :(

بس ما عليه كل شئ منك حلو ..

يلّه عاد بسررررررعه :moh:
المستشار
24-03-2002, 09:02 PM
تصدق ابو احمد ..

والله حسيت اني عشت القصة بكل تفاصيلها ..

يعطيك العافية ..

ونحن في انتظار النهاية التي اتوقع انها مرة ..

ولك شكري ..
صامت
25-03-2002, 12:25 AM
ابو أحمد



كم مرة قلت لك لاتكتب خنفشاريات؟؟


والله القصة شكلها ...من ذكرياتك .....بس لو مافيها خنفشاريه كان تمام




صـــــــــــــامت
الشيهانة
25-03-2002, 01:57 AM
سلام أبو بريقش..


الحين ارسى لك على بر البطل فارس http://www.saqerchat.com/images/166.gif ولا فراسhttp://www.saqerchat.com/images/172.gif يعني

بالنون ولا بالبون..حولتني ياشيخhttp://www.saqerchat.com/images/178.gif



بس ان جيت للحق خنفشارية مسكته..لاقبلها ولا بعدها..




لاتطول علينا..
شعاع الأمل
25-03-2002, 03:34 AM
عرض سلس و خنفشارية ولا اروع

بليزز كملها كلها مو اجزاء مثل مسلسلات رمضان

متشوقه اعرف شو صار بعدين؟؟
:SMIL:




::*العجوز طلعت اذكى منهم صدق عرافه ولا ست العرافات


أطيب التحايا
Sami96SA
25-03-2002, 09:28 AM
صباح الخير

خوي المنتظر

خوي الرومانسي

أعزائي .. أنا آسف اني خليتكم تحترون كثير تكملة القصه لكن انشا الله بعد شوي أنزل الفصل الثالث لأنه مطبوع جاهز.

---------------------

حبيبي الصامت

لا يا عم .. ما هي من مذكراتي يا متطفل.

وبعدين مثل هالقصص ما تحلى إلا بالخنفشاري .. الله يعينك تتحمله.

وانت متى بتكمل لنا قصتك؟

----------------------

شيهونه

ما شا الله عليكي ملاحضتك جيده.

حصل خطأ مطبعي باعدله بعد شوي واسم الشاب اللطيف فارس.

-----------------------

شعاع الأمل

مشكوره على كلماتك الطيبه وسوف أحاول أن أعجل على تكملة القصه اليوم انشاء الله .. ولو اني حاسس بتأنيب الضمير للقيام بذلك وأنا في العمل لكن ما ودي أخليكم تنتظروا أكثر من كذا.

تابعي الفصل الثالث بعد قليل.

------------------------

سامي
Sami96SA
25-03-2002, 09:36 AM
صباح الخير


الفصل الثالث .....

فارس من فرحه وسعادته بغى يغمى عليه وهو يستمع لحبيبته ملاك انها مازالت على عهده وانها أبد ما فكرت تخونه .. والخيانه بالنسبه له كانت تعني فقط انها تنساه وتحب غيره .. كان يتوقعها تكون انخطبت أو حتى تزوجت .. لو دا حصل كان بيكون طبيعي وما راح يزعله في شي .. وصار يهمس بشويش لصاحبه :

كيف تقول أنا نسيتها .. أنا أنساها؟
أنا اللي قضيت ليالي سهر وما غمض لي جفن في ذكراها.
أنا اللي كنت كل يوم أموت ألف مره من تعذيب فرقاها.
أنا .. أنا يا ملاكي لو الود ودي خطفتك وطرت فيكي لأبعد مكان في الكون عشان تكوني لي أنا لوحدي.
لا يمكن !! مستحيل انتي اللي تقولي هالكلام وانتي تعرفيني اشكثر أموت واحيا بك.
آه يا ملاك .. يا شمعة ليلي ونور دنيتي .. يا حبي اللي صار قدري.

بعدها وقف وقبل ما يتحرك خطوه قام صاحبه ومسك يده وجلسه في كرسيه وقال له وين رايح؟ .. قال بروح لها وبفاجئها .. وبشوف العبره في عيونها ودموع فرحنا تختلط ونسوي منها كاس فرحتنا .. قال صاحبه لا .. اصبر اشوي خل العجوز تاخذ وتعطي معها وبنعرف أشياء ثانيه لأن الى الحين ما تدري وش صار عليها وإذا هي انخطبت والا اتزوجت ... وافق فارس على شورة صديقه وجلس وصار يصغي.

ملاك كانت تمسح دموع بللت وجناتها اللي صارن حمر .. والعرافه مصممه انها تواصل معها قرائة كفها وماسكه بيدها وهي تباوع في خطوط كفها .. وقالت لها يا بنتي أنا أعرف قصتك مع فارس من طقطق لسلامو عليكو .. وقامت تعد عليها أسماء وتواريخ وأماكن اللي خلى ملاك تستغرب وتتفاجأ كيف هالعجوز عندها هالمقدره العجيبه في معرفة تفاصيل قصتها مع فارس .. وصارت تطالع بصديقتها باندهاش تام .. والتفتت للعرافه وسألتها :

يا عمه وش أخباره؟
هو باقي في دياره؟
باقي عالعهد؟
والا اليأس صابه؟
فارس حبيب الروح وينه فيه؟
يا عمه علميني عن أسراره

يا بنتي لو قلت لك
بتصدقيني ونا عمتك؟
فارس ما عاد هو فارس
فارس تزوج ونسى حبك
بتصدقيني لو قلت لك؟

لا .. لا يمكن أصدقك
دا فارسي وعرفه
هو وعدني وقال
باقي لي على عهده
أنا يا عمه اللي ............

وسكتت ملاك عن الكلام وصارت تبكي بحرقه ودموعها أربع أربع ..

يا بنت الناس وش فيكي .. وش صار .. ليش الدموع .. كملي وش كنتي بتقولي .. انتي اللي .. انتي اللي وش هو؟ العرافه تسألها.

قالت ملاك للعرافه خلاص اتركي يدي وشكرا على خدماتك .. لكن العجوز ما رضت تتحرك إلا تعرف من ملاك وش كانت بتقول .. وملاك ظلت ساكته تمسح بقايا دموعها .. بعدين صديقة ملاك طلبت من المشعوذه انها تتركها في حالها وتروح عنهم .. وطلعت العرافه من الكوفي شوب وتركت فارس بين الصمت والإنفجار .. طالعت فيه بابتسامه كنها تقول له أنا سويت اللي علي وانت عليك الباقي.

أنا علي الباقي؟
وش تبيني أسوي؟
أروح لها واسألها وش كنتي بتقولين .. انتي اللي ..
انتي اللي .. نسيتيني وغدرتيني وعن عهدنا تخليتي وخنتيني
والا انتي اللي على ذكراي ما زلتي تحبيني


ترى .. ماذا حدث بعد خروج العرافه من الكوفي شوب؟


--------------------------

سامي
المستشار
25-03-2002, 09:37 AM
صباح الخير :mad:

اقول يابو الشباب .. تراني الحين كنت بنزل رد واقول فيه لك مهلة

50 دقيقة اذا مانزل فيها اي تكملة للموضوع .. فنحن نحتفظ بحق

الرجوع إليك بدعوى تتضمن تسمرنا امام الشاشة لإنتظارنا لهذا الجزء


مما ادى إلى إرهاق للأعصاب ومضيعة للوقت و و و و و إلخ ..

بس زين انك نزلت رد تقول انك جاي ..


لك نزلت قطاره من الموضوع .. ومازال الباقي لديكم ..

ياخي وين احنا ذكرتني بإعلانات (القادم أجمل) ..

الله يستر عليك خلصنا بس وش صار ..


تحياتي للجميع ..
Sami96SA
25-03-2002, 11:22 AM
صباح الخير

الفصل الرابع ....

وفي الوقت اللي فارس يضرب أخماسه في أسداسه وقفت ملاك وراحت التواليت اللي المدخل حقه مواجه للمكان اللي جالس فيه فارس مع صديقه .. ويوم شافها واقفه زاد نبض قلبه ونزل راسه عشان لا تشوفه وعمل حاله مشغول يسولف مع صديقه .. طولت ملاك في التواليت وبعد عشر دقايق طلعت واتجهت لمكان جلوسها .. وهي جايه كانت وجه بوجه لفارس اللي ما قدر يصبر وقعد يطالعها بطرف عين.

ملاك .. اسم على مسمى .. حسن ودلال ومشية غزال .. ابتسمت من بعيد لصديقتها وهي جايه .. ابتسامه ضافت للمكان رونق وللأجواء نكهه ..

صبيه ولا كل الصبايا
تمشي وتتمختر
وروحها الحلوه وشبابها الفتان
الكوفي شوب كله تعطر
واشلون تبي من فارس
يغض النظر عن اللي هي كل النظر
وكيف يصبر وعن شوفها الحين يتعذر

شار عليه صاحبه يروح التواليت ويسوي نفسه ما يدري انها موجوده .. وفعلا راح التواليت وغسل وجهه .. وقام يطالع بالمرايه ويتسائل .. يا ترى حبيبتي بتعرفني .. بتذكرني .. ما أدري إذا أنا تغيرت كثير عن آخر مره شافتني قبل سنه .. ما أدري ليش حاسس اني بقابلها لأول مره مع اني كنت أقضي معها ساعات طويله وصرنا روحين في جسد واحد .. كنت أقضي دقايق عيوني بعيونها .. وماظن بهالكون عيون مثل عيون ملاكي .. كنا نمسك ايدين بعض ساعات لدرجة انها تميز لمسة ايديني من غيرها .. أذكر لما طلبت منها تغمض عيونها عشان بعطيها هديه مفاجئه وطلبت من واحد كان موجود انه يحط يده في يدها .. ولما حط يده في يدها صرخت "انت مين؟!" .. كانت تزعل لما أتأخر عليها في موعد ولو ثواني .. كانت ما تبيني أتركها دقيقه حتى لو للتواليت .. كانت ترفض تسمع أغنيه احنا اثنينا ما سمعناها سوى ..

هندم حاله وضبط شعره وطلع من التواليت وجا متجه لمكانه.

ملاك كانت مشغوله ووجهها عند صديقتها تسولف معها .. فارس وهو جاي يناظر لها يبيها تشوفه .. قرب يوصل .. مازال يناظر .. ملاك وجهها من الناحيه الثانيه .. يناظر ... ويتكعبل بكرسي الطاوله اللي كانت جنب ملاك .. ويطيح.

التفتت ملاك للرجال وهي تخفي ابتسامه لأن المنظر كان مضحك بعض الشي .. وقفت عشان تقول له اذا هو بخير وسلامات وما تشوف شر .. استعاد فارس قواه .. ووقف .. وصاروا اثنينهم وجه بوجه .. الصديق يتابع .. والصديقه تلاحظ .. لحضة صمت رهيب.

عبد الحليم يغني في أصداء الكوفي شوب بينما فارس وملاك مازالا يعيشا هول المفاجئه.. عيون خضراء تبحر في عيونه العسليه

عبد الحليم يترنم ..

كل كلمة حب حلوه ألتها لي
كل همسة شوء بشوء سمعتها لي
والأمان .. والعطف
والألب الحنين
والأماني .. كلها .. نولتها لي
بس ألبي لسه خايف م الليالي
منت عارف أد ايه ظلم الليالي
يااااااا حبيبي ... ياااا حبيبي

هي نفس الأغنيه اللي كانوا مره يسمعوها وكلماتها كانت تحكي واقع حبهم المرير .. كانوا وقت سماعهم للأغنيه قبل سنه ونص انهم يعرفوا ان نهاية قصتهم ما راح تكون سعيده وبيجي اليوم اللي يفترقوا فيه عن بعض وللأبد .. ودار هذا الحوار:

ملاك

حبيبي

وحشتيني

انت أكثر

كيفك يا عمري

أنا بخير .. أنا تعبانه يا فارس

انشا الله أنا .. من إيش يا بعد طوايفي؟

أنت هجرتني ونسيتني

أنا؟

كيف يطاوعك قلبك تروح وتنساني؟
كيف فهمت اني ممكن أعيش من دونك؟
تركت ملاك كذا ومن غير ما تسأل!!

بس احنا اتفقنا يا مهجة الروح

اتفقنا على ايش؟
على العذاب .. على الألم

ماكان لنا مع بعض نصيب

وتنساني؟

والله ما نسيتك
ولا يوم مر ما تذكرتك
ولا ليله قضت من غير يمر طيفك

ونا

وانتي

تعذبت من بعدك
قلبي ذاب .. عقلي طار من حبك
فارس .. ليش جيت؟
ونا اللي عبالي ملاك انسيت

قال لها تعالي يا حبيبة العمر .. تعالي نجلس .. تراني مافي حيل أوقف .. علميني وش أخبارك .. واشلون لياليك وايامك .. وقبل ما تجاوب على أسئلته طالعت بعيونه وصارت تبكي .. البنت هذي ما تتعب بكا ...


ترى .. مالذي أبكى ملاك؟

-------------------------

سامي
بسمة الحياة
25-03-2002, 01:01 PM
السلاااااااام عليكم....:D


ماشاء الله عليك..عيني عليك باردة....بصراحة
















رررررررررررائعة خنفشاريتك هذي المرة..وكويس اني قريتهم الحين مرة

واحدة وباقي جزء واحد..لاني اتوقع اني باعصب من كثر الانتظار :mad:

الله يرحم ايام زمان ..والله اتطورنا :rolleyes:

صلوا على النبي...صلى الله عليه وسلم
المستشار
25-03-2002, 01:26 PM
اهلين ابو احمد .. ادري رجيتك ::[

بس والله روعه اخوي سامي .. والله العظيم الواحد يتخيل ان كانو

يشوف فلم مو يقرأ ..

عموماً نحن في الانتظار .. بس وش بكاها .. لاتكون تزوجت ..

ولا لا يكون صار لاهلها شيء ..


لا تكون طلعت مريضة .. لا لا ..


طيب اش صار ::]
* الـمـنـتـظـر *
25-03-2002, 01:31 PM
صباح الخير ساميووووه ...

يا بعد عمري انت .. من جد والله عيشتني جو القصة ...

بس وربي حرام عليك .. ترميها علينا أقساط ..

ياخي ريحنا ونزلها مره واحده ..

ولا أقول لك حلاوتها كذا ;)

في أنتظارك اخوي
BackShadow
25-03-2002, 01:33 PM
هلا ابو احمد


حبيبي ... انت قلبتها مسلسل مكسيكي !!!!


طيب على الاقل علمني كم حلقة انت ناوي تنشر !!؟


بصراحة كل حلقة اروع من اللي قبلها ..

بس كل مره اقول خلاص اكيد الحلقة هذي النهاية

تطلعلي انت وتمطها اكثر ::]


الله يسعدك يا شيخ

من جد تنفع سينارست :hap:


مع تحياتي وانتظاري للبقية
Sami96SA
25-03-2002, 02:51 PM
مساء الخير

أحبائي

بسمة الحياة
الرومانسي
المنتظر
الظل

أشكركم جميعا بعنف غير مسبوق على دعمكم اللامحدود وأعتذر على التأخير في انزال بقية القصه.

وإليكم الفصل الخامس والأخير بعد هذا الرد مباشرة.

وللجميع ألف تحيه.

-------------------------

سامي
Sami96SA
25-03-2002, 03:01 PM
مساء الخير


الفصل الخامس ....

تناول فارس منديل وصار يمسح دموع حبيبته ملاك .. وهالبنت ما شا الله عليها دموعها تزيدها جمال ونضاره .. وهو يمسح دموعها كان يتذكر المره الوحيده اللي بكت فيها ملاك .. كان اليوم اللي ودعها فيه قبل سنه .. ويتذكر المرات اللي كانت تمسح دموعها من بعد لحضات ضحك كانت تجمعها معها .. ذكريات كثيره وجميله قامت تلف في راسه وهو يحاول يهديها .. وفي نفس الوقت كان متخوف من اللي كان يبكيها .. تردد كثير قبل ما يسألها وش اللي يبكيك يا عمري .. يا مهجة فؤادي وقمري .. يا ليلي وسهري .. يا حبي وقدري.

فديت روحك ليه تبكين؟

يالغالي مابي شي
أبكي فرح من شوفتك
وابكي حزن لروحتك

بس أنا ما بعد رحت

أدري
وماتبرح مثل كل مره تروح


فارس كان وده يكون المكان خالي .. كان وده يشبع منها ويحضنها حضنة واحد ملهوف .. واحد كان يمني الروح بلحضة لقى .. وساعة صفا .. ومن شفاها يلمس رضا.

فارس.. بقول لك شي

نعم .. قولي كل شي يا حياتي

أنا يا فارس من بعد روحتك آخر مره ضاقت بي الدنيا وما عرفت وش أسوي .. كنت مثل الهيمانه في البراري وسط وحوش بريه تبي تنهش في لحمي .. الناس ما رحمتني .. والأهل ضاق فيهم حالي .. رفضتهم واحد ورا الثاني .. وكان عذري اني بواصل دراساتي العليا .. تعبت ومرضت .. ظليت في المستشفى شهر كامل أتعالج من انهيار عصبي .. كنت أترجى رساله منك أو مكالمه عابره مع اني عارفه انك ما راح تتصل علي بالبيت .. آه يا فارس لو تعرف اني كنت أتمنى أكون طير وطير لك .. كنت مشتاقه حيل يا عمري.

وش آخر أخبارك يا ملاك؟
مدري ليش حاس انك ناويه تقولي لي خبر مو زين!!
عيونك بحر ... وفيها سر تبي تقولين.
ارحمي حالي يالحبيبه وقولي لي .. علميني الحين.

عندها .. مسكت ملاك يد فارس بشده وطالعت فيه وحطت يدها الثانيه على خده وقالت .. أنا يا فارس من ضمن الشباب اللي تقدموا لي كان فيهم رجل أعمال في الخمسينات .. تقدم لي كذا مره ورفضته وأهلي ما اجبروني على أحد أبدا .. اعترفت لهم أخيرا بالسبب .. اعترفت لهم بحبي العنيف لك وليه كنت أرفضهم .. قلت لهم ما أقدر أعيش مع أحد غير فارس .. ومن خوفهم علي لا يصيبني انهيار عصبي مره ثانيه تمنوا لو انت تجي وتتقدم لي ويوافقون على زواجنا برضاهم .. وانتظرتك تجي .. ترسل رساله .. تكلم تليفون .. تبعث مرسال .. وبعدها فقدت الأمل.

شائت الأقدار أبوي يخسر صفقه تجاريه حطته على حافة الإفلاس ولو ما لطف الله ومساعدة دا الرجال كان أبوي الحين في السجن .. وما أدري هو ساعد أبوي لوجه الله أو لسبب ثاني .. طلبني قبل يومين ووافقت بعد ما صارت دموعي سيل .. وليلي أصبح ويل.

ظل فارس يستمع وهو ساكت وكان يشد على يدها مع كل كلمه تقولها .. وعيونه دشت غوص في عيونها .. وبينه وبين نفسه يقول : معقول انتي يا أجمل ما خلق ربي تعيشي مع واحد قد أبوكي .. وبفلوس وسخ دنيا يشتري شبابك ويحرمك من دنياك!!

ملاك
أنا لازم أسوي شي

لا يا فارس .. خلاص انتهينا

لا ما انتهينا
حبنا وجدناه عشان يعيش

حينها وقفت ملاك ووقف معها فارس وقالت له :

يا حبيب العمر
ياللي ملكت العمر
أترجاك هالمره تنساني
وقصتنا باقيه في وجداني
أنا ماعاد لي ملك في نفسي
ولا انت عاد لك رجى
غير تنساني

ونادت على صديقتها عشان خلاص يمشوا وهي تطالع فارس اللي جمد في مكانه واقف .. ولسانه تلعثم مو عارف يقول شي .. وقبل ما تمشي طبعت بوسه على خده وهمست في أذنه ..

مع السلامه يا كل الحب.


انتهت ......


--------------------------

سامي
الشيهانة
25-03-2002, 03:11 PM
سلااام سـامي..


يافرحة ماتمت خدها الغراب وطار:D :D


تدري والله حست راسي هالبطل وهالبطلة كل شوي قالبين لهجة;)

ماتدري خليجيين ولا مصريين ولا لبنانيين ..حسبي الله على شيطانك..


بس حلووووووووووة ..


امممممممممممم..


مادري بهالمنتدى فيه مقص ولا لا؟؟


اقصد مقص الرقيب :D :D







تسلم ويسلم خنفشارك ياملك الخنفشار الحلزوني المتقوقع:D
المستشار
25-03-2002, 03:29 PM
ياخي ليش ياخي :MAD2: :MAD2:

والله العظيم حرام عليك :MAD2:

كنا نبي نهاية شبه سعيدة ..


مو شرط تكون سعيدة ..


لكن النهاية اللي انت رسمت ..


نهاية لا بداية بعدها ..


ضياع أمل ..


على الأقل كان خليت عندنا شوي امل ان المستقبل ممكن

يجمعهم :MAD2:


عموماً .. مشكووور وماقصرت والله ..

فعلاً عشنا معك جو هالرائعة .. واتمنى ما تحرمنا من مثيلاتها

اخوي ابو احمد ..

يعطيك العافية ..
::] ::] ::]
BackShadow
25-03-2002, 03:47 PM
هلا سومة

يعطيك الف عافية على القصة الرائعة هذي

ورغم انك بهذلتنا في متابعة التقسيط ..

بس بصراحة سردك للقصة رائع جداً


واعتقد ان هذي البنت تنحة بمعنى الكلمة

وبكل تأكيد ما يدون زواجها اكثر من شهور قليله




مع تحياتي
* الـمـنـتـظـر *
25-03-2002, 03:54 PM
مساء الخير .. اخوي سامي من جد عيب عليك .. :(

انا مره ما كنت اتوقع النهاية ذي .. بس مشكووور ..::]

لو أدري ما قريت موضوعك ::]

هذي القصص تذكرني بأفلام الظل ..

لمن أروح أتفرج عنده فيلم .. وتصير النهاية كذا ..

وانا أقعد اسبسب وهو مبسوط ويقول كذا النهايات ولا بلااااش :MAD2:

عموما .. أستمتع بالبدايات .. ويا شين هالنهاية ..

تحياتي لك .. :)
Sami96SA
25-03-2002, 08:01 PM
مساء الخير

أهلين يم الريش يا شيهونة الوادي الشرقي

أولا مشكوره .. ونا سعيد انها أعجبتك .. وهذا غليل مما عندكم.

حلوه غليل .. مدري أي شعب يحول القاف الى غين .. مدري وينهم أصلا.

وبعدين يم الريش عجبني فيكي انك مو بس قريتي القصه هيك وخلص .. لا .. ما شا الله عليكي حولك حواليكي صرتي تدققي في اللهجات والأسامي.

عندك نظرة كولومبيه في القرائه .. شي جميل.


على فكره كنت أنتظرك تقولين حاجه .. يعني ولو مجامله .. تقولين :

ما شا الله عليك يبو بريقش مواهبك كثيره ومو محدده مثلي :D

تحياتي وتقديري

-----------------------

حبيبي الرومانسي

يا أبو الرومانس انت .. والله العظيم عرفت اسمك لايق عليك تماما قصدي معرفك .. من يوم ما كتبت أول رد فيذا الموضوع ونا أقول هالحلو يحب ويموت في السوالف والقصص الرومانسيه.

لكن وش أسوي يالغالي .. القصه وانتهت كذا .. ما أقدر أغير في النهايه شي .. أعرف انها موب نهايه سعيده لكن هذي هي دايما قصص الحب والغرام.

كنت أقدر أفربك نهايه من عندي بس للأسف للأمانه النقليه للقصه حبيت أكتبها مثل ما سمعتها وعرفتها.

تعرف حبيبي .. انك والله دفعتني بتشجيعك هذا اني أحاول أكتب قصه ثانيه من نسج الخيال وحط فيها نهايه انشا الله تكون أفضل من هذي.

كم رومانسي عندي أنا .. يا أنا.

لك حبي وتقديري.

----------------------

غالينا وحبيبنا الظل

أنا آسف .. أعتذر على البهدله اللي تسببتها بتقسيط القصه .. ولو كنت أعرف كان أول كتبتها كامله وبعدين نزلتها.

أنا كنت مفكر اني كنت أقدر أكتبها كلها مره وحده لكني اكتشفت لا يمكن وخصوصا اني كنت مرهق حبتين البارحه.

واليوم .. يا ويلي من ضميري على اللي سويته اليوم.

تقريبا ما اشتغلت ولا ساعه وحده ونا كنت أكتب باقي القصه فصل ورا فصل .. يعني باختصار ما حللت اليوميه .. عشان كذا أفكر اني أشتغل يوم الخميس وأعوض هاليوم :D

أنا أشكرك يخوي محمد بعنف على هالدعم والتشجيع اللي خلاني أستغل هالفرصه واكتب أول قصه في منتداكم الدرري الجميل.

لك كل تحياتي واحتراماتي.

-----------------------

عزيزي المنتظر

حقك علي والله .. عارف .. عارف انه عيب علي انها تنتهي النهايه المأساويه هذي بس مو بيدي.

لو كنت أدري ان النهايه بتزعلك كذا كان ما كتبتها من أصلو.

أنا سعيد انك تابعتني من البدايات حتى لو النهايه جات على غير ما تشتهي بس أهم شي انك استمتعت.

ما تلاحظ خوي أحمد اني مصدق حالي فعلا كتبت شي ممتع؟

لك كل التحايا.

------------------------

سامي
* الـمـنـتـظـر *
25-03-2002, 08:50 PM
حبيبي سامي ..

الف شكر على ردك اللطيف ..

صدقني عيوني انت كتبت شئ قمة في الروعه والله ..

حتى اني سألت الشباب ..

هذي بالله كتابات سامي :confused:

من جد شئ روعه .. بس الشئ اللي انا ابيه . مادام أنها روايه او قصه

يعني ليه ما نسوي شئ يريحنا في الأخير ..

وبعدين على فكره ترى فيه ناس يحبون النهايات اللي زي كذا ..

بس انا لا ... ودي أشوف الناهايات السعيدة ::]

حلوه نهايات سعيده ذي .. مع غيل دموع ..

عموما اخوي .. من أعماقي أشكرك على الموضوع والتواصل ..

وصدقني سعيد بان أقرأ لك شئ ..

تحياتي لك عيوني ولا عدمناك ..
hardboy
25-03-2002, 11:58 PM
السلام عليكم ورحمه الله وبركاته


سامى كيفك؟؟؟؟؟

طبعااااا كنت متابع القصه من اول وعلى اعصابى بس ماسك نفسى وما ابغى ابين علشان لا تزودهاااااااا وتتاخر زياده

الحقيقه قصه روعه
وانا اشك انها قصه واقعيه صارت معااااك يا شقى فى ايام الشقاوة ;)


تحياتى لك:SMIL:
المرهفة
26-03-2002, 12:43 AM
أخي في الله سامي

رغم النهاية المحزنة ..

إلا اني اثني على أسلوبك الرائع في سرد الوقائع والأحداث

فعلاً أبدعت في سرد القصة .. سلمت يمناك وجزاك الله كل خير


هذا حال الدنيا

وهذي هي النهاية المفجعة لكل قصة حب

تحياتي

أختك في الله

المرهفة
mjnon
26-03-2002, 05:18 AM
سلام


يا سلام عليك يا سومة كان ودي أرد بس خفتك تتغلي

وتنزل الاجزاء كل رمضان

يعنني ليالي الحلمية


طيب اتمنى انكم تسمعو هالقصة


كان مجنون و روميو صديقين

جمعتهم ضروف الحياة القاسية في متجر مساويك في سوق حراء
وكان مجنون يقدر روميو بالحيل جدا
وفي احدى المرات وبينما كان مجنون يصرخ على باب المتجر تنزيلات تنزيلات
واذا بفتاة شقراء من التكارنة تمشي كأنثى البط مشيه متمخترة وتسبل عيناها في فتنة طاغية
أعجب بها روميو وكاد قلبه أن يذوب يوم قالت: بكم هذا الله يعافيك
رد روميو من الصدمة : ببلاش يا بعد بنكرياس روميو.
بدون سبب لقيت نفسي في سيارة الاسعاف وجنبي واحد الظاهر انه روميو ملصقين بكرشته 76 خرطوم
ومغطين وجهه بمدري وشو
رحنا للمستشفى و ادخلوا روميو الى غرفة العمليات لاجراء عملية نزع زنوبة مقاس 48
وانا سولي اشعة أكس عشان يشوفوا باقي فيه مخ ولا طاح مع الضربة
وصار جنب الاثنى عشر

بعد اسبوع رجعنا انا و روميو الى الدكان و ما لبثنا نصف ساعة الى و الاخت اياه جايه تتمختر
بكل رقة وكانت ماشية زي اي ثور رقيق يدلع
عاد روميو ناظر فيها بوله و عيونه و لسانه برا راسه من التشقق
جات وقالت: اسفه معليش ضربتك.
رد روميو : ضرب الحبيب زي اكل الملوخيه........يا بعد عمري على أبقاسك
طبعا انتوا تعرفون الباقي مالها داعي نعيد نفس حكايات المستشفى

الجديد هنا نهم حاولوا نزع اصبع بشرية من عين روميو

بعد اسبوعين رجعنا للمتجر و مالبثنا نصف ساعة الا وهي لسه ما جت
طيب
المهم وحنا طالعين من المحل شفناها في نهايةالسوق تنتظرنا يوم قزها روميو عاد
من الخوف رجع المحل وشال المسدس وحطه في الحزام
اقبلت علينا بكل دلال كأنثى وحيد قرن وهي ترف عيونها من الدلع الزايد
ويم قزها روميو وهي بهذي الحال قم وشقق هدومه قدام الناس
قالت : عندك جوال
رد روميو : ايه عندي ستين جوال يا بعد عمر جوالاتي انتي.
قالت: ما هو انت اللي جنبك
تحطم رومي
ورديت انا مجنون: هلا
قالت : عندك جوال ولا امشي
رديت انا : والله الا الان ما قررت افتح ملاهي .
قالتك وش دخل الملاهي
رديت: اذا فتحت ملاهي بتصل عليكك نحطك في قلعة الاشباح
هيء هيء هيء هيء هيء
لم اكن انتبه ان روميو قد مشى حزينا مكسور الخاطر
فقلت لها : عطيني رقمك وبالله اقبلي خويي ذا ترا ما عليه حليو حبيب
صحيح ان وجهه يشبه اي صبورة بعد الحصة السابعة بس ينفع عجرة
قالت : طيب ما عليه هات رقمه
عطيتها الرقم
فقالت: نادي خويك الله لا يهينك يا حلو.
ناديت روميو وهو واقف عند محل زهور يكتب قصيد بالفرنسي مسوي رومانسي
يوم جاء ، عطتنا نفس العلقة الاول طبق الاصل لا بقس زاد ولا ركبة نقصت
بس اهم شيء يوم رحنا للمستشفى كان روميو قد حصل على الرقم
Sami96SA
26-03-2002, 06:14 PM
مساء الخير

حبيبي المنتظر

أولا إذا كان ردي لطيف مثل ما تقول فلأنك راعي اللطافه كلها.

والله ومن يوم ما عرفت المنتظر ونا ما أقرالك إلا كل لطف ومحبه واحترام .. تستاهل يا بعد جبدي.

بالنسبه للقصه فمثل ما قلت هي 90 في الميه منه حقيقي واو انها روايه من نسج الخيال فأكيد كنت بحط لها نهايه أفضل كثير من دي لأني أنا مثلك أحب النهايات السعيده أو على الأقل نهايه فيها أمل.

على فكره .. أنا وأعوذ بالله من كلمة أنا لي محاولات في كتاية القصص الصغيره يوم كنت أصغر من ألحين .. محاولات متواضعه .. ومثل منت شايف أجرب كل شي .. للتسليه والترفيه عن النفس.

شكرا خوي أحمد على تواصلك معي فيذا الموضوع وحب أبارك لك الإشراف مع الحبيب عزيز على منتدى الأصدقاء في نسيج .. أحسنوا الإختيار وقولها بكل ثقه.

تحياتي واحتراماتي.

-------------------------

الغالي هارد بوي

ازيك يا باش مهندس .. الهواء عندنا مافيه أوكسيجين كفايه لو سمحت شوف لنا ايه السبب.

أتمنى نتلاقى بالصدفه .. وشكلي بعمل لك مفاجئه مدام عرفت طبيعة شغلك وبخليها مثل الكاميرا الخفيه.

لا يا قلبي .. القصه مو أنا اللي عشتها مع اني "كنت" أتمنى أعيش قصة رومانسيه مثل هذي حتى لو انتهت نهايه تعيسه.

ما تتصور سعادتي يوم قلت انها أعجبتك.

-------------------------

أختي في الله المرهفه

أشكرك جدا على هذا الإطراء بحق شخصنا المتواضع.

وأشكرك انك أمضيتي شي من وقتك لقرائة محاولتي المتواضعه.

ومثل ما ذكرتي .. هكذا دائما القدر لا يسعد حبيبين أبدا.

لي الشرف أن أجد توقيعك في الموضوع.

------------------------

حبيب المجنون

الله يسعدك يا شيخ .. مع انك محتاج لشيخ يقرا عليك :)

يا أخي ايش هالقصه البهبهاويه اللي قلتها دي .. ومع مين؟ مع روميو؟

روميوووووووووو؟؟؟

أحد يروح مكان مع روميو يا سبب جنون البقر؟

أنا عارف .. انت كتبت قصتك مع روميو عشان تقول قصة سامي على هالنمط التعبان بس لا .. لا يا سيدي لا.

مو علينا هالحركات .. دحنا اللي اخترعنا أي شي خنفشاري ويصعب التقليد ... العب بعيد يا شاطر :D

لك كل التحايا

---------------------

سامي
عبدالرحمن الطويل
26-03-2002, 07:21 PM
الحمد لله اني قريت هالقصة الجميلة مرة وحدة ...

مرة ثانية اقولك

تسلم يدك
صامت
26-03-2002, 07:28 PM
فلـــــــم هندي




اذا القصص هكذا فانا معتزل المحاولات









صــــــــــــــامت


الصمت حكمة
Sami96SA
26-03-2002, 07:34 PM
مساء الخير

هلا بالصامت

يخوي وينك يومين ما شفناك.

كنت أنتظرك أبي أستشيرك كيف نسوي نهايه للقصه لأني تورطت وما عرفت كيف أسعد القراء اللي كانوا متابعين.

وبعدين كنت متردد في بعض شغلات أذكرها أو لا مثل البوس والتحضين والأغاني .. لأني عارفك متطرف بس بصمت :D


الحمد لله أعجبتك القصه وقلت عليها فلم هندي.

وانت متى انشا الله بتكمل قصتك؟

تحياتي يبو عبد العزيز

وبالله شوف لي وين الجني مختفي بعد .. ما صدقت على الله يرجع يقوم يختفي مره ثانيه.

------------------------

سامي
Sami96SA
26-03-2002, 07:40 PM
مساء الخير

هلا أبو رهف

اسمح لي ما شفت ردك.

يعني كان لازم ترد هنا بعد؟ ويدك سالمه حبيبي.

انتظروا الفلم الهندي القادم قريبا :)

-----------------------

سامي
صامت
27-03-2002, 06:44 PM
أقول حبيب قلبي ,,,


ياابو احمد


القصة روعة من تهبيباتك اللي ماتنتهي ....!


تبي الجني .................ارسله ايميل ...ترى ماهو بلي المعرف هذا :)


وحسب علمي انه زعل منك على شان انك تهربت
من سؤال علقم .....<<<<.....معرفه الثاني!

رح جاوب على السؤال ويرد عليك ياجبان :)


صــــــــــــــــــامت
aljenny
28-03-2002, 04:17 PM
الأخ صاحب الموضوع ..

حفظاً للحقوق الأدبيه كان من المفترض أن توضح لنا أنك "ناقل" ولست "كاتب" للموضوع

وهذا دليل صحة كلامي ..
يتجدد جرحي بلقياها (http://212.100.193.85/forums/showthread.php?threadid=40736)

كيف وصل بك الحال أن تخون الثقه التي أوليناك إياها ؟

قلمك هذا ستسأل يوماً عنه !


هيّا أكتب إعترافك وتأكد بأننا سنسامحك .. فالخطأ كل الخطأ في الإستمرار فيه

هيّا .. فقوتك في إعترافك .. لا في التكبر والتمادي في الخطأ


---------------------

هلا سامي .. بالله ماشكيت بنفسك ؟

بيني وبينك أنا رحت فيها .. تو دق التلفون وأنا في نص الرد وقمت أهاوش بالفصحى

ياخي أنا أنفع كومبارس .. صدق أعيش الدور

ودك بكره تلقاهم حاذفين معرفك لخيانتك الأدبيه !

بخييييييت تركد .. ترى هذا هو هذاك

عندك الصامت عليك بمعرفه .. إحذفه .. عااااادي في المعاااادي



بالله وشرايك في ( هيّا ) ؟ تبث روح الحماس صح ؟
Sami96SA
28-03-2002, 04:35 PM
مساء الخير

صامتووووه

وش أسوي معاك أنا؟

لا تقول تهبيبات .. اسمها تهيئات أو تهيؤات.

الجني كاهو جا رد خلني أستلمه.


---------------------

جنجون

هلا والله بكبير الجن الذي علمهم الشعوذه .. مثل اللي في القصه.

غيرنا العنوان عشان لا يتزاعلون أبو فهد وبسام.


في وحده قامت تقول لي والله أني قاريه القصه دي في مكان بس مدري وين!!

قلت لها إذا عرفتي وين تعالي قولي لي .. هههههههههههه

ما يدروا ان هالقصه تكررت في كذا فيلم عربي مثل اللي يقوم بدورها البطل الوسيم محمود المليجي ونا كل اللي سويت كتبتها بقلم خنفشاري.

هاه .. بعدك شاك؟

أوبس .. نسيت الشكاك مو انت .. واحد معروف لديكم.

هيا .. معها المفروض شده بس مدري كيف يحطونها.

اي بالله تبعث الروح والحماس للكتابه وأشياء ثانيه .. منت تعرف بنفسك كيف خلت الواحد يهيم على وجيه المنتديات.

بس هيا (بشده والا بدون شده) الحمد لله تزوجت :D


------------------------

سامي
صامت
28-03-2002, 10:33 PM
هههههههههههههههههههههههههههه


والله اني انبسطت على الخيانة الادبية ........طلعتني زعلان


قلت كفشه الجني ...يمكن القى لي واحد مثلي كل شغلة قص ولزق





يالله على مايجيب على سؤال علقم


صـــــــــامت
Sami96SA
01-04-2002, 07:06 PM
مساء الخير

يا بعد عمري يالصامت

وينك اختفيت؟ بعدك مرست في شاطي النخيل مع العيال؟

قلت يمكن خيمت هناك مع هالأجواء الحلوه.

اعذرني يبو عبد العزيز ما شفت ردك إلا الحين <------- صدقني

لا تقطعنا ترانا نحتريك على نار.

وسلم لي على أبو البراء وقول له ما يشوف شر انشا الله.

--------------------

سامي