للنقاش ][ ايش رأيكم نخلي سمنـنـا في دقـيقنـا ولا العـكـس ؟؟][ [الأرشيف]

مشاهدة النسخة كاملة : للنقاش ][ ايش رأيكم نخلي سمنـنـا في دقـيقنـا ولا العـكـس ؟؟][

*amula_beauty*

11-10-2009, 01:37 PM

http://homepage.mac.com/sp831/sisterprincess/groupphotos/grouppic2.jpg

الدنيا اتغيرت بشكل كبير

ابغى ادخل بالموضوع دووغري واشوف وجهات نظركم

قبل يومين ,, جات لماما احدى صديقاتها وكانت مكتئبه وحزينه :drr05_47:

لييييييه ؟؟؟

لأنو ولد اختها خطب بنت من برا العيله

بدون اي سابق انذار

وصاحبة ماما كانت متفائله بدا الولد وتتمناه لبنتها :139:

***********************

من جهة تانيه

اتخيلو معايا

ثلات اخوات ( س , ص , ع )

س __ عندها 3 بنات :228:

ص __ عندها بنتين :130:

وكل بناتهم اخلاق وادب وجمال وعلم

اما الأخت ع ____ عندها 4 اولاد شباب عاقلين واصحاب خلق ودين :164:

الأختين ( س و ص) يتمنوا ان اختهم (ع) تخطب لأولادها من بناتهم

من باب ( سمننـا في دقيــقنـا )

واذا ما بروهم عيال خالتهم مين بيبرهم ؟؟؟!!

قامت الأخت ( ع) خطبت لأولادها الاربع من برا العيله :249:

من جيرانها ,,, اللي بناتهم اقل علمآ وجمالآ من بنات اختها

ايش رايكم كدا كويس ؟؟؟؟

كدا حلووو ؟؟؟

كدا صح ؟؟؟؟

من وجهة نظري ,,, لو الأخت ام العيال ,و خطبت من بنات اخواتهم لو وحده بس

عشان الناس

ايش يقولوا الناس عن البنات ؟؟؟؟

تركوهم اولاد خالتهم ... اكيد شايفين عليهم شي كبير

وآآآآآآآه لو شفتوا منظر البنات في زواج اولاد خالتهم

كل الناس تبحلق فيهم :216:

وتتساااااائل

هدولا كلهم بنات خالة العريس ؟؟؟!!!!!

فيهم الطويله والرشيقه البيضا والسمرا

يعني يتنقى اللي يعجبوا

ليه ما خطب منهم ؟؟؟؟

اكيد فيهم شي

وبالتالي البنات هما الضحيه

************************

المسأله صعبه

وحده من بنات (س,ص) تقول ( الله يسامح خالتي ) ع الاقل خطبت وحده بس عشان

ما احد يتكلم فينا كدا

************************
|238|

من جهة تانيه جات وحده من خالاتي وقالت لماما

انا عاجبتني تربيتك لولدك ,, واخلاقه

واتمنى انك ما تبخلي فيه على بنتي

وماما قالتلها خلاص يا اختي ,, فين الاقي احسن منكم

انتظر ردودكم وآرائكم

لو انتو مجموعة اخوات وبنات خالات ,, وخالتكم خطبت لعيالها من برا

وسمعتوا الناس تتلكم قدامكم وتتسائل عن السبب ومن بينهم اهل زوجاتهم

:drr05_91:
ايش ردة فعلكم

وهل يحق للأخوات ( س, ص) يآخدو موقف من اختهم ( ع) ...؟؟؟

ربي يسعدكم

انا اشوف انو مافي احسن من الزواج التقليدي ,,, وخـلوا سمننا في دقيقنا :drr05_32:

:)

ام سلمان

11-10-2009, 02:05 PM

:235:
متميزة كالعادة في الموضوع والطرح
والله يا اخية هذا موضوع حساس شوية وتؤثر فيه عدة عوامل
كالبيئة والعادات ومدى قرب العائلة من بعضها
نحنا مثل في تونس قلت عندنا عادة التزوج من العائلة واتباع مثل....ابعد عالدم ليشوهك....
تحرزا فاذا لو ما نجحت الزيجة لا تنقطع الروابط الاسرية
اما هناك مجتمعات قائمة على هذه العادة
اولا ارى ان هذه قصة قدر ومكتوب
ثانيا
لا ارى داعيا لغضب س وص ولكن في نفس الوقت لا استطيع ان الومهن
ثالثا ربما كان اولاد ع يرون بنات خالتهم مثل اخواتهن....
والله هذا المجتمع لا بد ان يتغير ويكف البحث في امور الغير
اش دخلهم الناس مين يتزوج مين
هذه قسمة ونصيب
وعلى البنات الخالة ان يتحلين بالثقة في النفس ولا يبالين بالناس

اطلت اخية عليك ولكن لي عودة في نفس الموضوع انشاء الله لاحكي لكم تجربتي

jokerooo

11-10-2009, 03:14 PM

lموضوع متميز منك وتسلم اناملك

بس الجواز قسمه ونصيب ودا كل الناس عارفاه الا بقى الناس الجاهله الى مورهاش غير الكلام على الناس

لان فى ناس كتير كدا وانا بنفسى بشوف حاجات زى دى

ظـِل القمـر"

11-10-2009, 04:48 PM

ارحميني ياامل
ليه كدا
وربي اني اكتئبت انا دحين ما راح ارد عن المطلوب وراح اطلب
دحين ليش س وص وع ليش المعادله الله يسلمك <<وين جا وجتا والله لو شفتها في الموضوع ماراح ادخل المنتدى تاني مره
امل حبيبتي بليز لا تعقدي السالفه والله لو حطيتي مكان هدي الحروف نقط انو اهون وكان فهمتها طوالي

<< خلاص خلاص طلعت اللي بقلبي لازم ارد بس لاعاد تعيديها

الحقيقه مره خالتهم ع مالها داعي مابرت بنات اختها طيب ايش فيها لو خطبت من بنات اخواتها والناس معاهم حق يتكلمو ويقولوا ليه ماخطبت من بنات اخواتها اكيد فيهم عيب
الحقيقه الله يعين البنات ويكتبلهم اللى فيه الخير

To0ofy

11-10-2009, 04:52 PM

كيفك يابت زمان عنك وعن مواضيعك..

تبغي الصراحه (ع) مش مسؤوله عن أحد

يعني ماخلفت بنات اختها ونسيتهم

وبعدين افرضي الاولاد مايبغوا بنات خالاتهم

حبو ياخدو من سمن الجيران وين المشكله

حرية شخصية..ليش اغصب شخص ياخد من بنات العيله وهوا مايبغى

افرضي جاك بعد سنتين وقال انتو اللي غصبتوني عليها ما كنت ابغاها

حيسير مشاكل وخلافات بين الاخوات بسبب المجامله ..ليش الغلبة

أنا ضد الزواجات اللي جوا العيله

وأكره ماعليا يقولوا اتزوجت فلانه ولد عمها ولا ولد خالتهم

ووو بس

وكلام الناس بستين الف دهيا

لو بنلحق الناس ايش قالت وايش حيقولوا ماراح نتحرك من مكاننا شبر

وبالنسبة لخالتك مالها داعي اسمحيلي

اللي ربنا كاتبه حيسير ليش مستعجله على بنتها

وعسى ان تكرهوا شيئا هو خيرا لكم

افرضي بعد شهر جا لبنتها احسن من اخوك بمليوووون الف مررره من كل النواحي

افرضي اخوك ماكان حاط في باله بنت خالتك واخر شي يفكر فيه

انا ضد اغصب ولد على بنات قرايبه

وو ابغى اهرج كمان بس انتهى .

ظـِل القمـر"

11-10-2009, 05:03 PM

ايه ايه ايه اييييييييييه

تووووفي

الله يسلمك على حسب كلام اموله انو س و ص و ع مع بعض وحبايب

يعني المفروض تآخد منهم وهيا مغمضه عينها

ايش الكلام دا يا توفي

والله شكلك منتي مزبوطه :drr05_19:

حقيقه لالا كدا ما يصير

لاااااااااااااازم سمننا بدقيقنا اذا كان السمن مو مغشوش :drr05_22:

وانا صراحه ما احب زواج القرايب

بس شكلهم قدام الناس مو حلو

الله يكون بعونهم منجد

((كــــــــادي))

11-10-2009, 05:14 PM

هلا // اموووولة

موضوعك هذا خطيير من جميع النواحي ..

واشكر لك طرحه .:164:

وصاحبة ماما كانت متفائله بدا الولد وتتمناه لبنتها :139:

هي لأنها بنت آمال على الرمال مالها اساس جاها إكتئاب ..

وبعدين اكيد ان ام البنت شارت على ولدها ياخذ من بنات خالاته بس هو اللي ما يبغى

وصعب علينا نغصب الولد او البنت على الزواج من شخص ما يبغاه .

و الحكاية مو حكاية علم و جمال ... الحكاية حكاية توافق .

عشان كذا تلاقي عندنا في الشرع " الشوفة الشرعية " ،إذا حصل توافق كان بها

ما حصل ... صلى الله وبارك .

والنصيب ما يعرف بنت خال و بنت جار

ونصيبهم لسا ما جا ،، و إن شاء الله ،، الله يكتب لهم اللي يسعدهم و يفهمهم .

و صدقيني الناس اللي بتفكر بالطريقة اللي قلتي عليها ... ناس تفكيرها صغير و محدود

فليش نسمع لهم !!

و بالنسبة لحجز العرسان للعرايس و بالعكس ... اشوفها مو حلوة مرررررررررة

يمكن البنت ما تبغى العريس ... و يمكن الشاب ما يبغى العروسة المحجوزة !!

ندخل في مشاكل يعني .. على حساب اعطتني كلمة وما وفيت فيها !!

وبدل ما تصير افراح ،،، تصير مشاكل و اتراح

***

دمت بخير

To0ofy

11-10-2009, 05:17 PM

هذا وانتي لسا زرقه :220:تناحلي اركزي يابت

س و ص و ع مع بعض وحبايب

يعني المفروض تآخد منهم وهيا مغمضه عينها

مو شرط

الاخوات حبايب بس العيال رغبتهم تختلف يعني الاخوات اللي حيتزوجو ولا عيالهم:165:

والله شكلك منتي مزبوطه :drr05_19:

مرسي:165:

البنات ماراح يعنيهم غير تطنيشهم لكلام الناس مو واثقين من نفسهم خلاص

والواحد يتوكل على ربه لان مافي احد يعرف فين مكتوبله الخير يمكن مالهم خير مع عيال (ع)

*amula_beauty*

11-10-2009, 08:09 PM

مسا الورد غاليتي :

ام سلمان

والله يا اخية هذا موضوع حساس شوية وتؤثر فيه عدة عوامل
كالبيئة والعادات ومدى قرب العائلة من بعضها
نحنا مثل في تونس قلت عندنا عادة التزوج من العائلة واتباع مثل....ابعد عالدم ليشوهك....
تحرزا فاذا لو ما نجحت الزيجة لا تنقطع الروابط الاسرية
اما هناك مجتمعات قائمة على هذه العادة
اولا ارى ان هذه قصة قدر ومكتوب

فعلآ هو موضوع حساس ومتعب بنفس الوقت

وعلى قولتك العوامل تؤثر فيه

واكتر شي 100% هو مدى ترابط العائله ببعضها ,,,

ممكن يكون السبب في قوة الترابط ,, يعني من كتر ما الاخوات مترابطين

اولادهم يحسوا ان البنات زي اخواتهم

وهدي مشكله

يعني جاتني لحظه افكر انو الاخوات ما لازم يربطوا اسرهم بهدي القوه

عشان تتولد مشاعر الرغبه عند الابناء

يعني عشان الاولاد ع الاقل ما يحسوا ان بنات خالاتهم مجرد اخوات

طيب لمين يروحوا البنات اذا فرطنا بخيرة شباب العيله ؟؟؟

لا ارى داعيا لغضب س وص ولكن في نفس الوقت لا استطيع ان الومهن
ثالثا ربما كان اولاد ع يرون بنات خالتهم مثل اخواتهن....
والله هذا المجتمع لا بد ان يتغير ويكف البحث في امور الغير
اش دخلهم الناس مين يتزوج مين
هذه قسمة ونصيب
وعلى البنات الخالة ان يتحلين بالثقة في النفس ولا يبالين بالناس

صحيح لا داعي للغضب ,, لكن مهما كان تحز بالنفس

اسمعي دا الكلام

في زواج احد اولاد ( ع)

قامت الخالات وبناتهم بالرقص والتهييص والفرح امام الكل

الناس فسروها بأنها مجرد ردة فعل عشان يخبئوا خيبة املهم وحزنهم :165:

وبزواج الولد التاني من اولاد (ع)

الخالات وبناتهم لازموا اماكنهم بدون رقص

وكمان فسروها الناس على انه غضب وقهر وحسد << رغم انه ماكان الا ردة فعل بسبب كلام الناس في الزواج السابق

:drr05_10:

اطلت اخية عليك ولكن لي عودة في نفس الموضوع انشاء الله لاحكي لكم تجربتي

مرورك مميز ياغاليه

بالعكس لم تطيلي ’,, انما اثريتي الموضوع

اتمنى ترجعي :)

ربي يسعدك

*amula_beauty*

11-10-2009, 08:16 PM

اهلآ وسهلآ اخي /

jokerooo

اشكرك على تواجدك :)

بس الجواز قسمه ونصيب ودا كل الناس عارفاه الا بقى الناس الجاهله الى مورهاش غير الكلام على الناس

لان فى ناس كتير كدا وانا بنفسى بشوف حاجات زى دى

صحيح الزواج قسمه ونصيب

وماراح يصير الا اللي ربنا كتبه

لكن برضو الأخت (ع) لو ابدت رغبه على الاقل في بنات اخواتها ما كان يضرها دا الشي

وحتى لوما حصل نصيب يكفي احساس الاخوات ان اختهم تحبهم وتبغى الخير لهم ولبناتهم

اشكرك ع المرور

ربي يسعدك

:)

*amula_beauty*

11-10-2009, 08:26 PM

يا لهووووووووي

اقصد اهلين وسهلين بأختي الشريره /

ظـِل القمـر"

:218:

ارحميني ياامل
ليه كدا
وربي اني اكتئبت انا دحين ما راح ارد عن المطلوب وراح اطلب
دحين ليش س وص وع ليش المعادله الله يسلمك <<وين جا وجتا والله لو شفتها في الموضوع ماراح ادخل المنتدى تاني مره
امل حبيبتي بليز لا تعقدي السالفه والله لو حطيتي مكان هدي الحروف نقط انو اهون وكان فهمتها طوالي

ياعيني !!!!!!

ليه ماعجبتك ؟؟؟

هدي اسمها وسائل للشرح يا مخخخ :165:

احسلك روقي ولا ترا ماراح اذاكرلك رياضيات << :150:

الحقيقه مره خالتهم ع مالها داعي مابرت بنات اختها طيب ايش فيها لو خطبت من بنات اخواتها والناس معاهم حق يتكلمو ويقولوا ليه ماخطبت من بنات اخواتها اكيد فيهم عيب
الحقيقه الله يعين البنات ويكتبلهم اللى فيه الخير

ايوا كدا اتعدلي :drr05_22:

انا معاكِ بالرأي

او ع الأرجح انتي اللي معايا :263:

شكرآ ع المرور الحلو

ربي يسعدك يا سوسه :)

*amula_beauty*

11-10-2009, 08:40 PM

اهلآ وســهـلآ بالشقيه /

توفي

منوره يا بت

تبغي الصراحه (ع) مش مسؤوله عن أحد

يعني ماخلفت بنات اختها ونسيتهم

يا سلام ؟؟؟؟!!!!

بنات اختها تقولي ما خلفتهم ونسيتهم

الا خلفتهم ونص

بنات اختها زي بناتها :249:

والخاله أم :218:

وبعدين افرضي الاولاد مايبغوا بنات خالاتهم

حبو ياخدو من سمن الجيران وين المشكله

حرية شخصية..ليش اغصب شخص ياخد من بنات العيله وهوا مايبغى

الأولاد مناهم يآخدو من بنات خالاتهم

اصلآ بنات خالاتهم مواصفاتهم عالميه << جبتي العيد :236:

بنات خالاتهم جمال ودلال ودين واخلاق

بس المشكله بالخاله (ع) ما فكرت ولا لمحت لعيالهم عن بنات خالاتهم

يمكن نفسها تطلع عيالها برا

واحد من عيال ( ع) كان يحب وحده من بنات خالته

وسوت الخاله (ع) مشاكل لولدها

ودحين زوجته من برا

ولآخر لحظه الولد متحسر على بنت خالته

لكن الخاله ( ع) مبعده عيالها عن خالاتهم وشايله من راسهم الفكره

:165:

حرية شخصية..ليش اغصب شخص ياخد من بنات العيله وهوا مايبغى

افرضي جاك بعد سنتين وقال انتو اللي غصبتوني عليها ما كنت ابغاها

حيسير مشاكل وخلافات بين الاخوات بسبب المجامله ..ليش الغلبة

خلينا نتكلم عن الناس الطبيعين يا توفي

الناس الطبيعين الطيبين اللي قلوبهم نظيفه وصافيه ما يطلعوا عيالهم برا العيله

بالعكس الخاله لو زوجت ولدها لبنت خالتو تكسب ولدها وتكسب بنت اختها

وما يخسروا احد

وبالحالات الطبيعيه ,,,, مادام البنت حلوه وطيبه وخلوقه ودينه ليه ما يبغاها ولد خالتها ؟؟؟؟؟؟

طبيعي يعني يقول ما ابغاها بدون سبب؟؟؟؟؟؟

سخافه كدا

أنا ضد الزواجات اللي جوا العيله

وأكره ماعليا يقولوا اتزوجت فلانه ولد عمها ولا ولد خالتهم

ووو بس

وكلام الناس بستين الف دهيا

اانا عن نفسي مع زواجات العائله واشجع الزواجات التقليديه

ماجابلنا البلاوي الا الانفتاح الزايد

وكل واحد يتشرط ويقول ابغى من القبيله الفلانيه

ويترك بنات خالته

سلامات ؟؟؟؟

لو كنا لسا بسيطين ما كان اولادنا فكروا يخرجوا برا عن بناتنا

وبنات الجيران ايش بيننا وبينهم نبرهم ونعطيهم اولادنا

ع الاقل لما الولد يتزوج من العيله ما يخرج منها

يعني وهوا متزوج يفضل قريب من اهله ومحيطه اللي اتربى فيه

افرضي بعد شهر جا لبنتها احسن من اخوك بمليوووون الف مررره من كل النواحي

افرضي اخوك ماكان حاط في باله بنت خالتك واخر شي يفكر فيه

انا ضد اغصب ولد على بنات قرايبه

مين قال انها تغصب بنتها

الناس الطبيعين او بالاحرى البنات الطبيعيات البسيطات

ما يفكروا ولا يرفضوا لأسباب مجهوله

اذا الولد طيب , محترم , خلوق, ذو دين ,,, وكمان ولد خالتي اللي احبها

ايش المانع ان البنت توافق ؟؟؟؟؟؟

بالعكس توافق وهيا مبسوطه وتحمد ربنا كمان

انا ما بتكلم عن ولد بشع ولا بتكلم عن بنت بشعه

مافيها غصب ولا شي

الخاله تقول لبنتها ايش رايك بولد خالتك ؟؟؟

اذا قالت اوكي وهو الارجح لو انها بنت بسيطه ما غزتها العولمه ولا الانفتاح

واذا قالت لا ,,, تبين لها انو الاصلح لها

اذا اصرت ع الرفض يتقفل الموضوع ,, مافي شي غصب

شكرآ ع المرور

ربي يسعدك

:)

*amula_beauty*

11-10-2009, 08:53 PM

اهلآ وسهلآ بالمديره الغاليه صاحبة النكهة المميزه /

كــــــــــادي

هي لأنها بنت آمال على الرمال مالها اساس جاها إكتئاب ..

وبعدين اكيد ان ام البنت شارت على ولدها ياخذ من بنات خالاته بس هو اللي ما يبغى

وصعب علينا نغصب الولد او البنت على الزواج من شخص ما يبغاه .

و الحكاية مو حكاية علم و جمال ... الحكاية حكاية توافق .

بنت آمال على الرمال ؟؟!!

هيا تفكر بشكل طبيعي

مادام اختي حبيبتي عندها ولد ماراح تبخل فيه على بنتي

طيب لنفرض انو هيا شارت عليه يآخد من بنات خالاته ودي الفرضيه مش صحيحه

<< راجعي ردي لتوفي :236:

ليه الولد يرفض ؟؟؟

لا تقوليلي ,, يشوفهم زي اخواته .؟؟؟؟

كيف زي اخواته يعني ,,,,,,,, عشان كدا انا اقول ما نقرب العيلتين من بعض

عشان الولد لا يشوف بنات خالته كأنهم اخواته << راجعي ردي لأم سلمان :228:

واذا الحكايه مو انه يشوفهم زي اخواته ؟..

ايش فيهم بنات خالتك ..... بالعكس لو الولد سوي ومستقيم وما عندو خمبقه

ما حيقول لا ما ابغى بنت خالتي

و صدقيني الناس اللي بتفكر بالطريقة اللي قلتي عليها ... ناس تفكيرها صغير و محدود

فليش نسمع لهم !!

اكيد تفكيرهم محدود

لكن الناس كتيرين يفكروا كدا

حتى لو بنات ( س و ص) مقتنعين انو مافي نصيب بينهم وبين عيال خالتهم

اكيد بيدخلهم الحزن من نظرة الناس

ما شفتي كيف الناس يتكلموا فيهم وينظرولهم

انا من اللي سمع بعض الكلام اللي انقال

في شبكة احد اولاد (ع) اهل العروسه استغربوا وشهقوا ,, لما شافوا بنات خالات الولد مرصوصين

كتيرين وحلوين ,, تبغي بيضا ,, فيه بيضا

تبغي سمرا فيه سمرا

تبغي نحيفه ,, فيه ,, رشيقه فيه ... ,,, مربربه فيه ...

شعر طويل ,, قصير فيه

الاعمار من 17 الى 23

ايش احلى من كدا

والله اهل العروسه اتفجعوا بجد

:139:

و بالنسبة لحجز العرسان للعرايس و بالعكس ... اشوفها مو حلوة مرررررررررة

يمكن البنت ما تبغى العريس ... و يمكن الشاب ما يبغى العروسة المحجوزة !!

ندخل في مشاكل يعني .. على حساب اعطتني كلمة وما وفيت فيها !!

وبدل ما تصير افراح ،،، تصير مشاكل و اتراح

شوفي يا قمر انا زمان كنت من اكبر المعارضين لدي الحركه

اسمعي انا كنت محجوزه من اياام ماكنت بالكافوله لزوجي

كنت اكرهوا لأني كنت عارفه انهم حاجزيني له

منجد اكتأبت

تعبت

حاولت وحاولت

ورفضته

بعد ما كبرت ,,, سألوني تبغيه

؟؟؟؟؟؟؟

قلت لااااااااااا ما ابغاه

راح مشي الموضوع خلاص وكل واحد راح لحال سبيلو

وبعدين مرت السنين والسنين

الولد اكبر مني ب 7 سنين ما اتزوج ولا شي

بس هوا نصيبي

رجع خطبني ووافقت

وانا الحمدلله مبسوطه

واحمد ربي انو رجع :)

ادري انو تجربتي ما تتعمم

ومو حلو الحجز

بس انا مع زواج العائله

والزواج التقليدي

والله زواج سليم

احس فيه ببساطه وعدم تعقيد ,,, بعيد عن الانفتاح والتشرط الزايد

اشكرك ياغاليه ع المرور

ربي يسعدك

:)

ظـِل القمـر"

11-10-2009, 09:28 PM

توفي ايش قصتك بالزبط
الحقيقه امولا قالت انك مناحله بس مو لدي الدرجه
وربك انك تعبتيني من جد اكبر مناحله
رووووووووووووقي لانو الله يعينك عليا :218:

ظـِل القمـر"

11-10-2009, 09:33 PM

ياعيني !!!!!!

ليه ماعجبتك ؟؟؟

هدي اسمها وسائل للشرح يا مخخخ

احسلك روقي ولا ترا ماراح اذاكرلك رياضيات <<

اوووووووف اووف اوووووووووف حقيقه سكتتني
:drr05_91:
ياعيني على الذل
ايه ايه ايه ايه ؟؟

بالله ؟ ياامل اوريك دا كلو عشاني وحده شطوره ومجتهده واحب افهم تقومي تذليني

:drr05_47:

<< بدت تتكلم عن حالها

وانتي يا سوسه حسابك بعدين في الصرفه

To0ofy

11-10-2009, 09:41 PM

بنات خالاتهم جمال ودلال ودين واخلاق

بس المشكله بالخاله (ع) ما فكرت ولا لمحت لعيالهم عن بنات خالاتهم

يمكن نفسها تطلع عيالها برا

واحد من عيال ( ع) كان يحب وحده من بنات خالته

وسوت الخاله (ع) مشاكل لولدها

أوكي اذا كان الولد يبغى من سمن بيتهم مو مشكله بس

انتي قلتيها الام ماكانت تبغى ولدها ياخد من بنات اخواتها

أكيد في تتش بينها وبين أخواتها خلاها تعصلق مع ولدها وماتوافق له على بنت اختها

الا طالما البنات حلوين والولد يبغى والبنت تبغى ليش الرفض اكيد بين الامهات حاجه(غامضه)

عشان كدا اخذتها من قصيرها وقلت (ابعد عن الشر وغنيله)

لكن الخاله ( ع) مبعده عيالها عن خالاتهم وشايله من راسهم الفكره
شفتي الاخوات ممكن يكون بينهم حب لانهم اخوات بس صدقيني كل بيت مليان مشاكل

عشان كدا الام حبت تبعد

أو ببساطه قالت بنوع وبسوي تحسين نسل عيالها وبتفرح فيهم

الناس الطبيعين الطيبين اللي قلوبهم نظيفه وصافيه ما يطلعوا عيالهم برا العيله
أفهم من كلامك انه الناس اللي عيالهم يتزوجو من بنات برا العيله مهم طبيعين ولا قلوبهم نظيفه
ودا الشي مستحيــــــــــــــــــــــــل !!!
الزواج فقط لازم يكون من العيله وشي بطال لما يكون من برا العيله
ايش فرقت دي بنت حلوه ودي حلوه هادي اخلاق ودين وعلم ونفس الشي تانيه
بس فرقت لانها من قبيله تانيه مو كأنه هذي عصبية قبليه كانت في عصر الجاهليه وانتهت
بظهور الاسلام.....!

بالعكس الخاله لو زوجت ولدها لبنت خالتو تكسب ولدها وتكسب بنت اختها
نظريا صحيح الكلام بس بأرض الواقع مختلفه في مليون سبب وسبب خلى الأم توافق

والأم أدرى بمصلحة أولادها

وبالحالات الطبيعيه ,,,, مادام البنت حلوه وطيبه وخلوقه ودينه ليه ما يبغاها ولد خالتها ؟؟؟؟؟؟
اذا يبغاها ليش لا بس اذا مايبغاها مانجبروا عليها

طبيعي يعني يقول ما ابغاها بدون سبب؟؟؟؟؟؟

لا مو طبيعي بس اذا كان في سبب بطل العجب
يمكن البنت تفكيرها مو زي تفكيرو يمكن يشوف بنت خالته
زي اخته بحكم العشره يمكن ويمكن ويمكن

سخافه كدا
كلا ينام عالجنب اللي يريحوا

اانا عن نفسي مع زواجات العائله واشجع الزواجات التقليديه
مع الزواجات التقليديه بس مو من العائلة

ماجابلنا البلاوي الا الانفتاح الزايد
هوا لما وحده غريبه من عيله تانيه تجي تخطب فلانه من عيله أخرى هذا انفتاح!!!!!!!

وكل واحد يتشرط ويقول ابغى من القبيله الفلانيه
محد اتشرط كل شي قسمه ونصيب يا امي ابغى عروسه والام تشوفله وربك راد
انه اللي تشوفها من قبيله غير قبيلته سار هنا متشرط ومنفتح

ويترك بنات خالته
حرررررررررر

سلامات ؟؟؟؟
الله يسلمك

لو كنا لسا بسيطين ما كان اولادنا فكروا يخرجوا برا عن بناتنا

يعني الحضاره مش كويسه ومن اساليب الحضاره انه يتزوج من قبيله غير قبيلتهم

وبنات الجيران ايش بيننا وبينهم نبرهم ونعطيهم اولادنا
قسمه ونصيب والرسول وصى بسابع جار

ع الاقل لما الولد يتزوج من العيله ما يخرج منها
ياما شفت العكس

لما يتزوج من برا حرمته بيده بين اهله يعني من يحكم حرمته ولا اهله

وفي النهايه بيد الولد لو كان رجال متربي صح ولو بنت من كوكب المريخ ماراح تقدر تخرجوا من اهله

يعني وهوا متزوج يفضل قريب من اهله ومحيطه اللي اتربى فيه
ليش يفضل؟؟

مو في شي اسمه امراض جينيه متوارثه

مو في آية : ( وَجَعَلْنَاكُمْ شُعُوبًا وَقَبَائِلَ لِتَعَارَفُوا )

مين قال انها تغصب بنتها
حالات تنغصب البنت او الولد عشان مجامله

الناس الطبيعين او بالاحرى البنات الطبيعيات البسيطات
في بنات مايفكروا يتزوجوا او طموحاتهم عاليه مايبغوا يتزوجوا بدي المرحله من حياتهم فيضطروا يرفضوا
فيصادف وقتها انه قريبها بيتزوج هنا البنت معناتها مو طبيعيه وفيها خلل عقلي او مدري شوفي ايش قصدك!!!!!

ما يفكروا ولا يرفضوا لأسباب مجهوله

اذا الولد طيب , محترم , خلوق, ذو دين ,,, وكمان ولد خالتي اللي احبها

ايش المانع ان البنت توافق ؟؟؟؟؟؟
يمكن البنت ماحبتووو

يمكن وافقت لكن ما ارتاحت ماسار في موده وسكينه بينهم!!!!

بالعكس توافق وهيا مبسوطه وتحمد ربنا كمان
ليه مثلا طايح حضها وماصدقت انه جاها احد

اذا راح قدر الله وماشاء فعل واذا هوا طيب بيجي اللي اطيب منه كل حاجه قسمه ونصيب

حتى لو الولد رائع الوسامه والبنت جميله بمقاييس عالميه

مو كل حاجه الجمال اهم شي يكون في رضا داخلي في اطمئنان

الخاله تقول لبنتها ايش رايك بولد خالتك ؟؟؟
اذا قالت اوكي وهو الارجح لو انها بنت بسيطه ما غزتها العولمه ولا الانفتاح

افرضي شاورتها امها وصلت البنت صلاة استخاره وما ارتاحت كدا من ربنا

هنا معناتها انه مهي طبيعيه !!!!!

العولمه والانفتاح انها تفكر بعقل ورويه وتشاور نفسها قبل ماتتخذ اي قرار مصيري

واذا قالت لا ,,, تبين لها انو الاصلح لها
اذا اصرت ع الرفض يتقفل الموضوع ,, مافي شي غصب

وهذا المطلوب

ليش تتعقد السالفه وتصير عولمه وانفتاح!!!!

كله بيد ربك كله قسمه ونصيب

Thats my opinion
الاختلاف بالرأي لايفسد للود قضية

ام سلمان

11-10-2009, 09:48 PM

عزيزتي الغالية
موقفك واضح انت منزعجه من ع وانت ضد ان يخرج الخير لبرة
السؤال الذي يطرح نفسه بما ان بنات سو ص ما في منهن لما الخالة لم تفكر فيهن
ربما هي ترى ما لا ترين انت:263:
:216:
شوفي انا منذ سن 16 تقدم لخبطي ابن عمي ورفظته لاني لا ارتاح له ولا ارى نفسي معه
وكان كل سنة يعاود يطلب يدي وكنت ارفظه وهو لا يتوب:drr05_41:
وكانت تزداد اسباب رفضي اه وخاصة الديني منه
وكانت العائلة تلومني وتقول لي لن تجدي خيرا منه ولا يجب ان تخرجي لبره:218: علما اننا عائلة مترابطة ولكن وعندما تزوجت غيره تعكرت الامور واصبحنا لا نتقابل الا في الموت:165: وزعلت العائلة مني وكانني اتحكم في قدري
وتمنيت اني لم اخطر ابد على باله ولكني دائما اقول ااخسر نفسي كي لا تنزعج العائلة المصون مني:drr05_41:
لمل اسبابة ويجب احترامها
وحسب رايي الزواج التقليدي لا يكون الا في العائلة وحسب بل ممكن ان يكون كن بره على قولك

ام سلمان

11-10-2009, 09:51 PM

عذرا للاخطاء المطبعية فمصعب بحملتي
وهو يشاركني الراي

To0ofy

11-10-2009, 09:56 PM

عذرا للاخطاء المطبعية فمصعب بحملتي
وهو يشاركني الراي

معذورة خيتو<<امووله تقول بلا لقافه

بس كيفو مصعب ايش احواله ربي يحفظه لك ويفرحك فيه وبأحفاده

ظـِل القمـر"

11-10-2009, 10:25 PM

صراحه توفي بردتي قلب اموله على بنات س وص وع

حقيقه ماتركتي ولازاويه في الموضوع الا اتكلمتي فيها

الله يعطيكي العافيه ويزيد عنادك << بتقهر اموله

وانا ماراح اتهور واكتب موضوع نقاش عشان لا تقعديلي :165:

ظـِل القمـر"

11-10-2009, 10:27 PM

اعطوني عبايتي

بروح انادي اموله ترد عليكي

يا انننننننننننننننننننننننننك ما خليتي شي

ياويلك منها

وانا رايحه انام

اتركم تتضاربو

واشوفكم باتسر

:drr05_17:

*amula_beauty*

11-10-2009, 10:54 PM

يا سلاااااااااام يا سلاااااااام

الموضوع كبر واتشعب

جيتك يا توفي خانوم :263:

أكيد في تتش بينها وبين أخواتها خلاها تعصلق مع ولدها وماتوافق له على بنت اختها

اول شي احب ااكدلك انو س و ص و ع ما بينهم اي تتش

بالعكس يحبوا بعض

وخاصه س وع علاقتهم كانت مضرب المثل

بس دحين ما يتكلموا مع بعض تخيلي ,, ,وانا مو مع القطيعه بدا الشكل

يعني ما يحوج

يتضايقوا شويا

يتكلموا

بس ما يتقاطعوا ابدآ

بس ممكن تكون وحده من بناتها ما تبغى اخوانها يتزوجوا من بنات الخاله

وهنا المشكله

الام ممكن ماعندها مانع ,,, لكن بناتها اجبروها تشيل الفكره من راس عيالها

ودي الايام صار كلام البنات يمشي ع الام للأسف :139:

أو ببساطه قالت بنوع وبسوي تحسين نسل عيالها وبتفرح فيهم

هههههههههههههههههههه :drr05_19:

ضحكتيني ,,, تحسين نسل ؟؟؟؟؟ مافي احسن من بنات س وص :drr05_17:

أفهم من كلامك انه الناس اللي عيالهم يتزوجو من بنات برا العيله مهم طبيعين ولا قلوبهم نظيفه
ودا الشي مستحيــــــــــــــــــــــــل !!!
الزواج فقط لازم يكون من العيله وشي بطال لما يكون من برا العيله
ايش فرقت دي بنت حلوه ودي حلوه هادي اخلاق ودين وعلم ونفس الشي تانيه

لا طبعآ مو دا اللي اقصدو

انا بتكلم عن البنت اللي جاها عريس من العيله

ومافي اي شي ينعاب

والبنت طيبه وعلى نياتها

الطبيعي انو توافق ومو طبيعي انها ترفض الا اذا استخارت طبعآ

ولما قلت كلمة ( قلوبهم نظيفه ) كنت اقصد فيها البنات او الشباب اللي الشيطان مـــــا لعب بعقولهم

وخلاهم يقيموا علاقات غير شرعيه

يعني مكالمات والولد يعرف بنات

والبنت تعرف اولاد

فهمتي قصدي ؟؟؟

اذا يبغاها ليش لا بس اذا مايبغاها مانجبروا عليها

اكيد ودا ما يتعارض مع رأيي

يمكن البنت تفكيرها مو زي تفكيرو يمكن يشوف بنت خالته
زي اخته بحكم العشره يمكن ويمكن ويمكن

صحيح معاكِ حق

بس مو بحالة س وص وع لأني اعرف العيله مزبوط والاولاد ما يعتبروا البناات اخواتهم

وعشان كدا انا جا ببالي ولو للحظه انو ما يصير نقرب العيلتين من بعض اقصد بالمستقبل

ما اقرب عيالي من عيال اختي عشان ع الاقل ما يعتبروا بعض اخوان بدي الطريقه اللي

تمنع البنت او الولد من الزواج

وبعدين دا مو عائق

انا مثلآ طول عمري بقول لزوجي يا ( خالو)

كان متربي مع اخوات ماما واحسبوا اخوهم

ومادريت انو مو اخوهم الا بالمتوسط

ومع كدا دحين هوا زوجي وحبيبي

ايش فيه اكتر من خااااااااااااااال ؟؟؟؟؟

مع الزواجات التقليديه بس مو من العائلة

بنات العيله يعنسوا

كدا عادي ؟؟؟؟؟؟؟؟

:249:

هوا لما وحده غريبه من عيله تانيه تجي تخطب فلانه من عيله أخرى هذا انفتاح!!!!!!!

برضو مافهمتيني

انا اقصد بالانفتاح ( لما الام تسأل بنتها تبغي ولد خالتك ) وترفض لأسباب سخيفه سببها الرئيسي الانفتاح

يعني البنت طموحها مهند ولا يحيى

والولد طموحه لميييييييس

؟؟؟؟؟؟؟؟؟؟

هنا اقول ان الانفتاح اثر على الزواجات واخرها كتير

يعني البنت تشوف ولد خالتها ولا شي

والولد يتذكر شكل بنت خالتو اللي متربي معاها ويقارنها بلميس :drr05_41:

هنا اقول الانفتاح مغيرهم

لكن لما تكون البنت بسيطه ماعندها زي دي الافكار

تفكر بالأصلح لها

وقتها بتوافق على الزواج من ولد خالتها اللي ما يعيبوا شي

واعتقد ان بنات كتير ما يستخيروا من اول مره ( لما ينعرض عليهم الموضوع او احد يلمحلهم )

محد اتشرط كل شي قسمه ونصيب يا امي ابغى عروسه والام تشوفله وربك راد
انه اللي تشوفها من قبيله غير قبيلته سار هنا متشرط ومنفتح

ارجع وانبهك ان مو دا قصدي بالانفتاح

اقصد الولد خلاص اتشرط وصارت احلامه قد اللي يشوفهم بالتلفزيون

وما يكتفي ببنات الجيران لااااااااااا

يبغى من قبايل بعيييييده

انا مو ضد الزواج بين القبايل وعيلتنا مجمعه من القبايل الين قالت آآآآآآمين

لكن اقصد انو احلامو كبرت وطااالت وشمممممممممخت ,,, حتى صار يفكر بقابيل فووووووووووق

:236:

ليه مثلا طايح حضها وماصدقت انه جاها احد

اذا راح قدر الله وماشاء فعل واذا هوا طيب بيجي اللي اطيب منه كل حاجه قسمه ونصيب

حتى لو الولد رائع الوسامه والبنت جميله بمقاييس عالميه

مو كل حاجه الجمال اهم شي يكون في رضا داخلي في اطمئنان

لا طبعآ

بس من المفترض اننا نحمد ربنا

وغيرها كتير ما اتخطبوا ولا جالهم نصيب

بعدين انا قلت لو البنت بسيطه وما لحقها الانفتاح

طبيعي توافق

والطبيعي انها بتفرح

ليش تتعقد السالفه وتصير عولمه وانفتاح!!!!

كله بيد ربك كله قسمه ونصيب

صحيح قسمه ونصيب

لكن انا اتكلم عن البنات اللي اتأثروا بالعولمه والانفتاح

وصاروا يرفضوا لأسباب واهيه سخيفه

واعرف منهم كتيييييييييييييييييييييييييييي يييييييييييير

ولما عقلوا ندموا وعضوا اصابعهم ندم :drr05_47:

شاكره لك مرورك ومناقشتك الحلوه

اتمنى تكوني فهمتي قصدي

ربي يسعدك

:)

*amula_beauty*

11-10-2009, 10:59 PM

غاليتي /

ام سلمان

ممكن يكون كلامك صحيح وان البنات ما وافقوا مزاج الخاله

وبرضو دا شي غريب ومريب

والناس كماااااااان تتكلم وحتتكلم

وتمنيت اني لم اخطر ابد على باله ولكني دائما اقول ااخسر نفسي كي لا تنزعج العائلة المصون مني

طيب يا غاليتي

انا اتزوجت من العائله ورغم ذلك فيه مشاكل

لأن جزء من العائله الكبيره رافض زواجي لأن احد اقرابائي كان يبغاني واتقدم لخطبتي

لكني فضلت الآخر عليه

يعني المشاكل موجوده

سوااااااااااء اخدنا من جوا او من برا

اشكرك على مشاركتنا هذه التجربه

وبوسيلي مصعب العسل

ربي يباركلك فيه ويكبر وتشوفيه عريس :)

*amula_beauty*

11-10-2009, 11:00 PM

ظـل القمر

اركدي احسلك

انتي اللي حسابك عندي بعدين

حوريكي

*amula_beauty*

11-10-2009, 11:08 PM

معذورة خيتو<<امووله تقول بلا لقافه

منجد :drr05_89:

البيت بيتك غاليتي ام سلمان |238|

» رَحيْـقّ "

12-10-2009, 02:11 AM

( س , ص ) مآلهم حق يزعلون , أختهم مو مكلوفه فيهم تزوّج بنآتهم !
وَكـلآم النآس مآيخلّص سوآءً زوجت عيآلهآ بنآت أختهآ أو لأ
صرآحه الزوآج من الأقآرب مآيعجبني لأنه في الغآلب يجلب المشآكل بين الأهـل ,
وهذآ رآيي بالمختصر المفيد :236:
/

حفظكِ الله "

To0ofy

12-10-2009, 02:04 PM

صرآحه الزوآج من الأقآرب مآيعجبني لأنه في الغآلب يجلب المشآكل بين الأهـل ,
"

يسَلِم تِمــــــــــك<<<على قول اهل الشام

:drr05_19:

ام سلمان

12-10-2009, 02:21 PM

معذورة خيتو<<امووله تقول بلا لقافه

بس كيفو مصعب ايش احواله ربي يحفظه لك ويفرحك فيه وبأحفاده

مشكورة اختي تووفي الحلوة
والله مصعب الحمد لله بس متعبني شوية يحب السهر ويتاخر في الصحو:drr05_91:
بارك الله لك على السؤال|238|

ام سلمان

12-10-2009, 02:23 PM

منجد :drr05_89:

البيت بيتك غاليتي ام سلمان |238|

الله يبارك فيكي يا امولة والله وحده يعلم كم احبك|238|
:216:والله صديقتي المقربة بتغار منك

*amula_beauty*

12-10-2009, 03:04 PM

مسا الورد اختي العزيزه /

رحيق

صحيح وبالعقل س وص مالهم حق يزعلوا

لكن كمان مو من حقهم يتضايقوا او ينصدموا ؟؟؟؟؟؟؟؟

ما اعتقد انو بتمر هالحركه مرور الكراام

وصحيح الناس حقين كلام

بس احنا عايشين وسط هدولا الناس وبنسمع كلامهم شئنا ام ابينا

وس وص سمعوا الناس وهما يتهامسوا ويتسائلوا ( ليه العيال ما اخدوا بنات خالاتهم ,, اكيد بالموضوع سر او ان العيال شايفين على البنات شي )

اشكرك على المرور

ربي يسعدك

:)

*amula_beauty*

12-10-2009, 03:06 PM

يسَلِم تِمــــــــــك<<<على قول اهل الشام

توفي مو شرط انو زواج الاقارب يجيب مشاكل

مو دايمآ ,,,,

لا نعمم دا الكلام

واشوفك مستقعدتلي ع الحبه

شريره :drr05_89:

ربي يسعدك :)

*amula_beauty*

12-10-2009, 03:07 PM

الله يبارك فيكي يا امولة والله وحده يعلم كم احبك
والله صديقتي المقربة بتغار منك

يا بختي يا بختي :228:

والله يا ام سلمان اني احبك في الله زي ما تحبيني

منجد لكِ معزه وقدر خاااااااااااااااااص في قلبي

ربنا يديم الود يا غاليه

ويسعدك ويجمعني بك في جنات النعيم

ومعانا مصعب وكل من يعز على قلوبنا :)

ام سلمان

12-10-2009, 06:17 PM

اللهم امين

DANiA

12-10-2009, 08:38 PM

أمولة الله يهديكي..

عادي الموضوع عندنا

و أحسن انه الولد ماياخد من العيلة

ياخد من برا العيلة .. خلينا حبايب على قولهم مانبغى مشاكل ..
وحلو تجديد وتعارف كمان

اولاد عماتي اخدين من برا و وولد خالتي جالس يحوم الا ويبغى من العيلة بس كلهم رفضو مع انه الولد مرة كويس .. بس عشان ( مانبغا مشاكل ) كل مين ياخد من برا أحسن.. مع انه مافي مشاكل بيننا بس سبحان الله دايما زواجات الأقارب يقولو الأقارب عقارب:d لو قد ايش يكونو حبايب.. الا ويزعلو لموقف ويفتكرو مو لمن يكون وحدة من برا العيلة يسكتو..

دي الحقيقة..
لكن عند البدو شي تاني لازم بنت العم وولد العم والحاجات دي الي تمغص البطن:d
ولا نفس القبيلة..
يعني تخيلي مافي من نفس القبيلة البنت مسكينة حتعنس..
:d

تفكير البنات ماعجبني ايش يعني يقولو الناس!
هادا عند المعقدين
الزواج نصييييب
حتى لو البنت الي اخدها وحشة
لازم يعني ياخد من بنات خالتو الحلوييين

برافو عليه انه اخد من برا العيلة:)
سلميلي عليه

*amula_beauty*

13-10-2009, 07:55 PM

مساءك سكر وورد يا احلى واغلي /

دانيا

كيفك يا بت ؟؟؟؟

بكره عندي فرح بجده تجي نتقابل ؟؟؟؟

و أحسن انه الولد ماياخد من العيلة

ياخد من برا العيلة .. خلينا حبايب على قولهم مانبغى مشاكل ..
وحلو تجديد وتعارف كمان

منجد عندكم احسن ؟؟؟؟

طيب وكلام الناس ؟؟؟ ولا جده غيييير ؟؟؟؟ :165:

طيب وبنات العيله ؟؟؟؟؟

يعنسوا ؟؟؟

اولاد عماتي اخدين من برا و وولد خالتي جالس يحوم الا ويبغى من العيلة بس كلهم رفضو مع انه الولد مرة كويس .. بس عشان ( مانبغا مشاكل ) كل مين ياخد من برا أحسن.. مع انه مافي مشاكل بيننا بس سبحان الله دايما زواجات الأقارب يقولو الأقارب عقارب:d لو قد ايش يكونو حبايب.. الا ويزعلو لموقف ويفتكرو مو لمن يكون

والله ولد خالتك دا اللي يحوم ويبغى بنت من العيله ممتاز ويفهم وسلميلي عليه :)

يعني مادامو الولد كويس ليه تطيروه من يدكم

عجايب يادنيا :139:

دي الحقيقة..
لكن عند البدو شي تاني لازم بنت العم وولد العم والحاجات دي الي تمغص البطن:d
ولا نفس القبيلة..
يعني تخيلي مافي من نفس القبيلة البنت مسكينة حتعنس..
:d

انا بدويه وبنت قبيله معروفه بالمره

صحيح اننا نحبذ الزواج من نفس القبيله

بس لو البنت جالها نصيبها من برا

عاااااااادي

تتزوج

عماتي وحده آخده من الجنوب

ووحده متزوجه حضرمي

ووحده متزوجه من تبوك << ياعيني ع الشماليين

يعني الوضع عادي

لكن نفضل انو الزواج من العيله احلى

وحوالين ناس تتكلم

وتقول وتلت وتعجن

تفكير البنات ماعجبني ايش يعني يقولو الناس!
هادا عند المعقدين
الزواج نصييييب
حتى لو البنت الي اخدها وحشة

دا مو تفكير البناات

البنات ما كان يهمهم الوضع

ولا كان يجي ببالهم اصلآ

بس من بعد فرح ولد خالتهم شافوا كيف الناس بتطالع فيهم وتتكلم :216:

واتضايقوا مررررررره

انتي تعالي معايا فرح بكره وحتشوفي بعينك يا دنووو

برافو عليه انه اخد من برا العيلة
سلميلي عليه

ما اقول الا الله يوفقه ويتمم له على خير

الله يسلمك ,,, :)

الزواج بكره ,,, يعني بعد ما يفضى اسلملك عليه :236:

شكرآ ع المرور الحلو يا دنوو

ربي يسعدك

:)

DANiA

13-10-2009, 09:17 PM

أمولة,
عندي زواج في مكة الخميس..
ومافيا زواجين ورى بعض..

أقولك..
نحن عندنا كلنــا اهل ماما بفروعهم وأهل بابا ... مايزوجو من الأقارب إلا حالات نادرة..
والحمدلله كلو بنصيبو..
محد يعنس

غيري:d
يختي ماابغا اتجوز..
اليوم الصباح.. كنت بأسمع عينو رمني:d اتحمست للزواجات..

وفي الأخير..
عادي عندنا.. اهل جدة ومكة عادي عندهم.. مو مشكلة لو اخد من برا العيلة ومحد يتكلم
هما يحبو كدا :d
.
ربنا ييسرلنا يارب ويوفقنــا
تخيلي فرضا يجيني عريس ! مرة مو وقته.. عند خطط لازم أعملها أول..
بعدين الزواج وجع راس..

ورد الدرر

13-10-2009, 10:04 PM

عزيزتي (أمولة)
عذراً على طرح ردي,
بالرغم من أن أغلب اللي شاركوا نساء,
لكني أسأل الله أن يفيد بي وإن لم أُفد فعذراً أقولها على تدخلي فهو تقصير مني,
وجهة نظري....مقاربة من تلك التي طرحتها أخيتي...(TOOFY),
فعلاً,لكل رجل أو أمرأة طبيعة مختلفة وشخصية مغايرة فالناس ليسوا بسواسية,
لمجرد إرضاء أخواتي...أُضيع مستقبل شبابٍ(إذا لم يكونوا راضين),
فالزواج..يظل مرحلة انتقالية دائمة بين الزوجين(فإن لم يسدها التفاهم),
فماذا سيكون ناتج هذه الزواج...إلا المشاكل والطلاق,
فالطلاق(جنبنا الله إياه رجالاً ونساءً),مرحلة تصعب من حياة الرجل,
فكيف بالمرأة فتحتاج أو يحتاج إلى وقت ليس بقصير ليعود إلى طبيعته ونفسية ماقبل زواجه,
فلِم التعقيد والتشتيت,
فأفضل طريقة أتصورها (الشورى) فستستمع إلى الطرفين والأهل والأصحاب,
فوالله ونِعم الرأي الذي وضعتيه فاضلتي بأنك وضعتي موضوعاً للإستماع إلى أراء أخواتك وإخوانك.

قصرت في ردي ولكن ماذا أفعل (فالنقص من صفاتنا),وإنكنت لم أوف برد يليق لموضوعك فأسأل الله أن يرشدك إلى سواء السبيل(ويهديك إلى أخير الطرق وأفضل الآراء)

(اللهم أرزقها الحلم وسداد الرأي ووفقها وأصلح نيتها,اللهم إن (amula-beauty)لم تقصر معنااللهم فإن قصرت فتجاوز عنها ويسر لها دربها واشرح صدرهاوسدد مرماها)

همس الاحساس

13-10-2009, 10:21 PM

بارك لله فيك

همس الورد

14-10-2009, 09:05 AM

امولة حبيبتي
احنا صح بنات ونفهم بعض اكثر

ايش يقولوا الناس عن البنات ؟؟؟؟

تركوهم اولاد خالتهم ... اكيد شايفين عليهم شي كبير

اعتقد انه وجهت نظر خاطئه
طيب انا واخواتي البنات الوحيدين الي من اهل بابا الله يحفظه
4 بنات اثنين تزوجو وانا واختي الصغيرة
اخواتي الي تزوجو وحده تزوجت ولد عمي والثانيه ولد عم ماما الله يحفظها
قبل ما يتزوجي اخواتي ولد عمتي تزوج من وحده برا العائله وولد عمي زوج وحده من العائلة
وقالها بنات عمي اخواتي
وصعبه اعيش مع شخص تربيت معاه على هذا الأساس
حتى لمن غطيت عليه انا واخواتي نعتبره اخونا وفرحنا له
لكن الي احب اقوله الزواج مو بس قرابه الزواج مسؤليه
وحاركز على المسؤليه
اغلب البنات تفكيرهم بس الزواج لكن ماحطت في بالها الزواج مسؤليه
يجي الرجال من عمله تعبان ويحط عصبيته كلها في زوجته لانها الوحيده الي تتحمله
وتجي البنت وتزعل طيب هي نفسها لمن تكون زعلانه وتعبانه تحط حرتها في زوجها وهو يتحمل
لمن يرجع ما يلاقي اكل تقوله انا مني زي امك اقدر اطبخ لك في ساعه لازم تستنى
لمن يجيهم اطفال البنت ماتوفر الجو الهادئ بحجة انه هي مانامت ولا اولادها نامو وهذا يبكي وهذا يزعق
وتسئلو ليش البنات ما اتزوجو
ترى الزواج مو بس قر ابه مسؤليه
واعتقد الرزق من السماء
رزقكم في السماء وماتوعدون به
ممكن الغريب افضل من القريب وممكن خالتهم شايفه انه البنت ماتناسب الولد
الأهل يعرفو امور احنا مانعرفها

اعتذر على الاطاله

همس الورد

*amula_beauty*

19-10-2009, 02:00 PM

اهلين دنو :)

قلتلك لو جيتي فرحنا الخميس الللي فات حتنبسطي

بس خيرها بغيرها يا قمر

يختي ماابغا اتجوز..
اليوم الصباح.. كنت بأسمع عينو رمني:d اتحمست للزواجات..

اسمعي مني

الزواج سلاح ذو حدين

وشر لابد منه

يارب تتوفقي وتتزوجي احسن واحد

وتبسطي وترضي

:)

*amula_beauty*

19-10-2009, 02:07 PM

اخي الفاضل /

ورد الدرر

مرحبآ بك :)

عذراً على طرح ردي,
بالرغم من أن أغلب اللي شاركوا نساء,

بالعكس اسعدني وجودك ... والموضوع للجميع

فعلاً,لكل رجل أو أمرأة طبيعة مختلفة وشخصية مغايرة فالناس ليسوا بسواسية,
لمجرد إرضاء أخواتي...أُضيع مستقبل شبابٍ(إذا لم يكونوا راضين),
فالزواج..يظل مرحلة انتقالية دائمة بين الزوجين(فإن لم يسدها التفاهم),

البنات مفيهم عيب يا اخويا

وكيف تقول انو ( بيضيع مستقبل اولادي )

يا سلااااام يعني ,,,, مستقبلهم بيضيع لما يتزووا من العائله .؟؟؟؟

بالعكس العائله هي المستقبل

اي زواج من برا العائله ما له مبرر الا اذا كان مافي بنات بسن زواج بالعائله

وسبق وقلت انو بنات العيله اللي اتكلمت عنها ,,, الف مين يتمناهم

فماذا سيكون ناتج هذه الزواج...إلا المشاكل والطلاق,
فالطلاق(جنبنا الله إياه رجالاً ونساءً),مرحلة تصعب من حياة الرجل,
فكيف بالمرأة فتحتاج أو يحتاج إلى وقت ليس بقصير ليعود إلى طبيعته ونفسية ماقبل زواجه,
فلِم التعقيد والتشتيت,

لالا

مستحيل نحكم على زواج الاقارب بأنه مصيره الطلاق

ياما قرايب اتزوجو واحلى من السمن ع العسل كمان

فأفضل طريقة أتصورها (الشورى) فستستمع إلى الطرفين والأهل والأصحاب,
فوالله ونِعم الرأي الذي وضعتيه فاضلتي بأنك وضعتي موضوعاً للإستماع إلى أراء أخواتك وإخوانك.

انا سألت عن وجهات النظر وقلت رأيي بالموضوع

واتضح لي ان فيه تفاوت بالآراء

واحنا على قولتك بشر ,,,, نخطئ ونصيب

قصرت في ردي ولكن ماذا أفعل (فالنقص من صفاتنا),وإنكنت لم أوف برد يليق لموضوعك فأسأل الله أن يرشدك إلى سواء السبيل(ويهديك إلى أخير الطرق وأفضل الآراء)

الله يسعدك ويباركلك اخويا الكريم :)

(
اللهم أرزقها الحلم وسداد الرأي ووفقها وأصلح نيتها,اللهم إن (amula-beauty)لم تقصر معنااللهم فإن قصرت فتجاوز عنها ويسر لها دربها واشرح صدرهاوسدد مرماها)

آآآآمين يارب

منجد ردك لطيف ,,,,

حبيت النقاش معاك

ربي يسعدك

:)

*amula_beauty*

19-10-2009, 02:15 PM

اهلين عزيزتي الغاليه /

همس الورد

اول شي مبسوطه بشوفتك ,,, وترا مررررررره وحشتيني ,,,,

تانيآ /

مو كل الناس زي بعض بالتفكير

يمكن محيط دولا البنات ومحيطنا احنا غير عن محيطكم

اللي حوالينا غير اللي حواليكم

افكارنا غير

انا عن نفسي مع زواج العيله وبشده

يعني اخويا حبيبي ,,,

انسان ما اشوف زيو بدا الزمن

واصلآ اتحدى اشوف انسان زيو بأخلاقو وروحو وطيبة قلبو وتحمله للمسؤوليه

الله يحميه ويخليه لينا

يعني اخويا اللي احبو ,,, اخليه يتزوج من برا العيله عشان يبعد ؟؟؟؟؟

والله حتى لو كان ما يبغى يبعد حيبعد لو شويا

لكن لو زوجناه من العيله راح نحس بأنو قريب

انو ما بعد عننا

انو لسا بمحيطنا

وحتى لو بعد ,,,, فين حيروح ...؟؟؟؟

حيروح لأم البنت ,, يعني خالتي ,,, وخالتي زي ماما

بالعافيه عليها

مو زي لما يروووح لبعيد ولأهل زوجتو اللي ما نعرفهم

شي يقهر يا شيخه

اشكرك ع المرور الحلو

ربي يسعدك يا قمر

:)