المساعد الشخصي الرقمي

مشاهدة النسخة كاملة : العـادة جــــــرت


ابوفهد
14-12-2002, 02:17 PM
مع خالص التحية والتقدير للجميع

اهديكم درة من درر سمو الامير عبدالرحمن بن مساعد


العادة جرت

كل طالب مجتهد .. دمه ثقيل!..

العادة جرت ..

كل مخلص في الهوى حظه قليل!

العادة جرت

العطوف .. اللي كريم في الجرايد ..

في الأزقة .. والحواري له عوايد ..

يصبح القاسي البخيل !!..

العادة جرت

جل من يصبح ثري ..

يكتب شعر ..

والقصايد تحتري ..

أغلى سعر ..

الشعر أصبح مجلة ..

جلها غث وهزيل ..

العادة جرت ..

لما نسافر .. كلنا في الصيف .. نمشي مخشبين!

كلنا نحكي بفخامة .. نمشي بفخامة .. والابتسامة ..

لما نسلم نبتسم .. كأن فيه مصورين !..

ورغم أننا نسافر .. لجل نلقى بعض ونعرف بعض

إلا أننا .. لما انتقابل .. نلتفت متجهمين!..

ما هو جنون ولا عبط

تظهر أغاني من نمط:

(أربع سنين .. انتطالع بالعيون)

وفي المواعيد .. اللي مدري ..

من هو كان العبقري .. اللي عطاها..

نجلس فـ نفس الأماكن ..

ننتظر نفس الوجيه .. تظهر بكامل بهاها ..

ويبتدي .. ذاك الحوار السرمدي ..

شفت هذاك .. شلون لابس ..

ماهو صاحي ..

شفت هذاك .. موجود في كل النواحي ..

شفت هذيك .. شلون تضحك ..

ياخزياه .. ياعيباه .. يا الله!

شفت هذيك شلون تمشي ..

شفت هذاك شلون جالس ..

شف رفيقك .. ليش عابس؟!

خل نروح ونسأله ..

لا .. انتظر .. هذا ما شي مع هله !!

وينتهي .. هذا الحوار السرمدي .. فينا نقول:

(وش هالصخب)؟..

هالديرة مليانه عرب .. !!

كأننا متفاجئين ..

ولما نرجع بالسلامة ..

العادة جرت .. أنا نكون متنكدين ..

وما في سبب .. غير أننا .. ما كنا حنا ..

غير أننا .. لما نسافر .. دايم نكون ممثلين !!..

ون جل نطلع .. من تقمص دورنا ..

لما نرجع .. نحتاج .. نقعد ناطرين ..
أسابيع وأيام ..

ونظهر من الانفصام ..

العادة جرت ..

أنا نجل الاجنبي .. وتقصي القريب !..

العادة جرت ..

إن هالأيام تمضي .. ومسجد الأقصى سليب ..

العادة جرت ..

كلما جو الخليج .. صفى وراق ..

يبتدي العم (سام) عزف موال العراق !..

العادة جرت ..

كل ما اكتب قصيدة .. أوصف الواقع بها ..

القى جاهل ما اريده .. يعتقد أنه لها !..

العادة جرت..

كل ما اكتب .. يقيني أو ظنوني ..

(يكاد المريب .. يقول خذوني) !!
حبيبة الصوفي
14-12-2002, 02:44 PM
رائع


شكرا لذوقك الفريد يا ابا فهد

مودتي


:SMIL:
عــــزيــــز
14-12-2002, 02:49 PM
وهذا ما يؤكد كلامي ايضا..

لعبدالرحمن بن مساعد..

ودرة اخرى من الدرر..

تحياتي لك..
القلب الابيض
15-12-2002, 03:48 PM
العادة جرت على الا نرفض اي شيء مما قيل هنا
والعادة جرت الا نتوقع من اخينا ابو فهد الا الرائع
تحياتي
القلب الابيض
أمل حياتي
26-12-2002, 06:34 PM
:heart: ..كــ العادة ..:heart:
لا جديد اقوله لــ أبو فهد ;)
كــ العاده مبدع دائما.
ملكة البحار
26-12-2002, 08:09 PM
أبوفهد اختيار روعه

وعندما تسمعها بصوته تكون اروع ..:)