المساعد الشخصي الرقمي

مشاهدة النسخة كاملة : فارس الاحــــــــلام


عنـــــاد
14-12-2002, 11:32 AM
سلام

سوري شباب انا اليوم حاس اني مطفوق شوي :D مدري يمكن عشان امبارح طول الليل سهران ( اللي ماخذ عقلي يتهنى فيه ;) ( لا تصدقون مو عناد اللي ينصاد :cool: بس عن جد انا اليوم مضيع .. تصدقون المفروض هالموضوع انزله بالمنتدى اللي متعود اشارك فيه بس من تأثير الطفاقة وقلة العقل لقيت حالي عندكم هني .. قلت لحالي خلص نحط الموضوع هني وبالمرة نسلم على الحلوين اللي هنا :)

مدري الموضوع احد نزله قبلي والا لا .. اعذروني انا ما اتابع الدرر كتير ..

كلنا عارفين انو الشاب والبنت اول مايوصلوا سن الزواج بيبدأ كل واحد فيهم يرسم فارس او فارسة احلامه والموضوع بيصير صعب اكتر لما يجي وقت الجد .. تلاقي الشاب محتاس مهو بداري يخطب هذي ولا هذي .. وكل ماحط عينه على وحده اكتشف فيها شي ماعجبه وغير رأيه فيها والمشكلة كمان الانغلاق اللي في مجتمعنا بيزيد الطين بله ,, الواحد مايقدر يشوف الوحده الا اذا جاء يخطبها .. طب اذا ماعجبته وبطل منها وش بيصير في البنت .. بتتحطم نفسياً والله والعرسان بيطيروا منها .. .. وبالنسبة للبنات تلاقي الوحده فيهم لما يجيها عريس تقعد تفكر الف مرة .. توافق ولا لا .. احيانا يكون العريس شين .. بس البنت تخاف لو رفضته ما يجيها غيره .. وكذا بنتفق انو اختيار شريك العمر يعتبر اصعب قرار ممكن يتخذه الانسان في حياته .. طبعاً هذا عند الناس الجادين .. اما الانسان المستهتر فراح يتخذ القرار في ثواني لأنو في اي لحظة ماعجبته البنت وداها بيت اهلها وراح جاب غيرها ..


عموما مو هذا موضوعنا :D من الصبح ارغي وفي الأخير مو هوا الموضوع :p مو قايل لكم اني اليوم مطفوق :p



الموضوع حبايبنا هو سؤال بوجهه لكل واحد بيقرأ مشاركتي المتواضعة .. والسؤال هوا / ماهي المواصفات والمقاييس اللي رسمتها بخيالك لشريك حياتك ؟
طبعا الهدف من السؤال هو معرفة ايش اكتر المواصفات رواجاً لدى الشباب والصبايا

وبطبيعة الحال ونتيجة لحالة الطفاقة المستشرية في نافوخي قررت اني اجاوب اول واحد .. واتحدى واحد يسبقني .. والله اللي يجاوب قبلي اعطيه اعطيه اعطيه .. ياربي وش اعطيه .. :confused: بعطيه اشتراك انترنت ساعة واحده والاشتراك كمان مايفتح الا على موضوعي :D ..






ياريت المشاكرة تكون من الطرفين صبايا وبنات :p:p
عنـــــاد
14-12-2002, 11:56 AM
بسم الله نبدأ ..

اول شي المواصفات الاساسية :

الطول :من 155 الى 165 سم مكعب :D
الوزن : من 50 الى 60 كيلو متر :p
لون البشرة : بيضاء او قمحي فاتح كله بيمشي
مستوى الجمال : تكون مررررررررررررررررررررررررررررر ررررررة حلوة
المستوى المادي : افضل وحده مستواها اقل من مستواي ..
المستوى الاجتماعي : اهم شي يكون اهلها طيبين وسمعتهم كويسة
المستوى التعليمي : ثانوي او جامعي

مواصفات ثانوية : يكون شعرها طويل وناعم واسود حيل وعيونها عسلية واسعة وجسمها رشيق وصوتها ناعم وجسمها مليان
الطباع : اول شي بدياها تكون مرررررة رقيقة وحساسة ورومانسية ومشاعرها ملتهبة :D وهاديه وخفيفة دم وشقية وتحب تنطنط على السرير :D عشان انا دايما اسوي كذا .. وفنانة في الطبخ ونشطية ولهلوبة وذكية ومفتحة وتلقطها على الطاير .. ابي بس اطالع فيها على طول تعرف انا وش ابي .. :mad: وتكون مخلصة ووفية وتخاف ربها .

تصدقون اني لليوم مالقيت بنت بهالمواصفات .. قسم بالله
عشان كذا شكلي ماراح اتزوج ::]
SS1500
14-12-2002, 11:31 PM
::[


السلام عليكم


كل عام وانت بخير يا عزوووووووووووووبي

مستوى الجمال : تكون مررررررررر:D:D ررررررررررررة حلوة " بتمل من الحلاء وربي "

"اظفر بذات الدين تربت يداك "


شي علي عجل :):D
سحاب
16-12-2002, 01:02 AM
مســــــــــــــ والياسمين ـاء الورد



(F)


(F)

اهلين بك اخوي عناد معانا ... عضو بالمنتدى

موضوعك جميل جدا :)

بس برجع اجاوب بعدين :D ... حبيت الحين ابدي اعجابي

بأسلوبك :)

بسسسسسسسسسسسسسسسسسسسسس .

تحياتي ..

سحاب
عنـــــاد
16-12-2002, 11:32 PM
سلام بشكه :D

اهلين حبيبي اس اس ,, اول شي بتشكرك كتير على حضورك .. تاني شي تعال وعلمني مين بهالدنيا يمل من الحلا .. مين يقدر يستغني عن جمال الأنثى ونعومتها وفتنتها .. صحيح ممكن تمل لو استمريت على نمط معين بس دايما التغيير وكسر الروتين مهم جداً لنجاح اي مشروع .. وبعدين البنات زي بستان الفاكهة لو مليت من الموز جرب البرتئان .. ومن حكمة الله انو حلل لنا اربع حنا الرقاله ..

الحين البنات ودهم يفقعوا وجهي ببرتئانة :D


امممممممممممممممم

بصراحة عدد الردود مررة كتير عشان كذا الشباب والصبايا بدهم يعذروني اذا مارديت عليهم لضيق الوءت :D .. بس ممكن نكتب رد اخير قبل ننهي حلقة الليلة :p:p

الرد الأخير بيكون على تعقيب الأخت سحاب :D


سحوبتي ياسحابة صيفي انتي ;) .. انا من شفت الورد في ردك عرفت انو اللي كاتب الرد وحده ذووووق بتشكرك كتيير على ترحيبك وبصراحة هالمنتدى اعتبره بيتي التاني ودايما احس انو في شي بيجذبني له رغم اني احس فيه بالوحدة .. مدري ليش .. ادري انو شعور متناقض بس هادي الحئيئة شو بدي ساوي في روحي هيك انا ..:D من زيني انا وجهي قاعد اكتب لبناني :p:p لا تصدقون امزح تروني اشبه رامي عياش :p:p

وقبل الختام في كلمة اخيرة للأخ اس اس والاخت سحاب وكل اللي يقرا موضوعي .. ياريت ياريت ياريت كل واحد يتكرم ويكتب لنا الصورة اللي عم بيرسمها لشريك حياته .. بدنا نعرف الازواء وين بتفترء ووين بتتلاءا .. واللي عم بيدور على عروسة او اللي تدور على عريس ممكن يشرحوا مواصفاتهم هما كمان .. يجوز ربنا يخلي هالموضوع سبب في جمع بقرتين قصدي جمع راسين بالحلال :D:D:D:D
شوق الصبر
17-12-2002, 01:56 PM
حلو حلو حلو
:p

وين يا عمي عايش:confused:



لكن خلك اعقل ولا تتهور هالمواصفات تخوف;)

عموماً اشوفك بعد سنة زواج حتى بالمواصفات اللي تبيها::]
عنـــــاد
19-12-2002, 08:09 AM
شوق الصبر :

يسعد ألبك يارب

اول شي انا عايش في السعودية بمدينة جده في حي قريش شارع ابو لهب المتفرع من شارع ابو جهل :D

اي اسئلة تانية حنا حاضرين :)

تاني شي المواصفات اللي انا ذكرتها انا متأكد انو مو موجودة .. مستحيل احد يلاقي وحده فيها كل اللي يتمناه .. عشان كدا وقت الجد بيرجع الواحد يتنازل عن حاجات كتير ويقبل بالحد الأدنى من الشروط .


ومشكور على هالطلة .. رغم انك ما ذكرت مواصفات شريكة عمرك اللي بتتمناها .. بس انشالله تلاقي وقت ماتبخل علينا :)
بحارة
20-12-2002, 12:51 AM
موضوع جيد ...

وصحيح كل واحد له طلبات وأشياء لكن ....

يسروا ييسر الله عليكم ... ولا تزعل من كلمتي ....

ومثل ما قال الأخ ss1500

فاظفر بذات الدين تربت يداك ... وهذا طبعا ما يتعارض مع شرط الجمال ... ولا بد من

ترويض النفس على أنها مو كل شئ تتمناه بتناله ...

أنا أجد أهم شيئ الدين والفكر ... وللأسف ظهرت إنها أصعب شروط !! أتتخيل ؟!

مع تحياتي
عنـــــاد
22-12-2002, 11:12 PM
اهلين اخ بحارة .. انا معاك انو الدين والفكر صاروا اصعب شيء ممكن تضمنه في بنات اليوم ..
ملكة البحار
26-12-2002, 12:02 AM
السلام عليكم ,,
عناد
أنا جيت :)
.
.
مواصفاتك بسيطه لاتشيل وتلقاها في اغلب البنات
أنت بس شد حيلك
.
.
.
فارس الأحلام بالنسبه لي ...

الشكل والمال مايهمني كثير ,,:rolleyes:
.
.
نشوف المواصفات
.
.
متسامح و صادق و يضحي كرمالي..
يحبني بإحساس قوي ماينحني قدام اي اعصار !
ويخاف الله فيا ..
ودود عطوف ومعجب بي :)
.
.
حلم نقلته من اعماقي
.
.

ياترى طلبت المستحيل!؟
.
.
تحياتي
BackShadow
26-12-2002, 07:01 PM
يسعدلي مساكم جميعاً


هلا عنود <--- ادلعك


شوف حبيبي ... انت عارفني ما جبت هم للزواج


اصلاً اقنعت نفسي بانها ما تفكر في الموضوع هذا

ولو تركت لها الفرصة تفكر في مواصفات معينة

كان ثاني يوم تلاقيني خاطب على طوووول :hap:


اعرف نفسي ما عندها تفاهم



مع تحياتي
عنـــــاد
26-12-2002, 11:16 PM
معقووووووووووووووووووووووول :):)

لا ماني مصدق عيوني .. :rolleyes:


ملكة البحار والبكاش دو :D قصدي الباك شدو يشرفوني بموضوعي .. ايه الحلاوة دي .. دا الدنيا لسى بخييير والله :)


طولتي الغيبة ياحنان .. صرتي تتغلي ولا ايه الحكاية .. لا تبعدي كثير .. ;) اوكيه


حبيبي محمد .. اول شي اعذرني على التسمية بأعلاه .. حبيت استخف بدمي :D بس شهادة حق اقولها .. انت من اصدق الناس تعاملاً مع الآخرين :)

عموماً لي عودة لردودكم بس الليلة عندي حالة طوارئ :mad: ادعوا لي بس تعدي الليلة دي على خير .. سلام ..
عنـــــاد
28-12-2002, 04:27 PM
سلام

انا جيت :)

اول شي ابشركم انو الليلة ماعدت على خير :D صحيح والله .. بس ربكم ستر :D فسروها عاد ;)


ملكة البحار .. بصراحة فاجأتيني لما قلتي الشكل والمال ما يهموني .. وكلنا بنعرف انو الشكل والمال اكتر شيء بتفكر فيه البنت لما بتبني صورة فارس احلامها .

شكلك كتبتي ردك وانتي رايحة تنامي .. لأني ما اظن انو ممكن توافقي على عريس لا سمح الله يكون هندي او بنقالي او يكون سعودي من ذوات البشرة السوداء .. وكمان مستحيل توافقي على شخص فقير منتف مو قادر يأمن لك ابسط مقومات الحياة الزوجية الكريمة .. بالعقل نحسبها ياملكة .. وبلاش تخلي طيبة هالقلب الكبير اللي عندك تتعبك اكتر :(

باقي المواصفات اللي ذكرتيها بصراحة هي الحد الأدنى اللي مفروض تتوفر في اي ( انسان )

الله يحقق لك كل احلامك .. دعوة نقلتها من اعماقي ياحنان :)
ملكة البحار
30-12-2002, 11:02 AM
عناد كان مجرد راي كتبته :rolleyes:
.
.
ولولا أختلاف الاذواق لبارت السلع ..

الانسان مابيخلق نفسه فماينلام على شكله
والانسان مايجيب رزقه لأن الرزق مكتوب

لكن البقيه بيد ه ...
:)

والله ينولك مناك وكل الي ردو والقارئين:)
.
.
تحياتي
عنـــــاد
30-12-2002, 01:13 PM
باك شدو

شكراً على المشاركة ..



ملكة القلوب :
صحيح انو الانسان ما بيختار شكله .. بس بالنظافة والعناية بالمظهر اكيد بيختلف الحكم .. ومن ناحية الرزق بيكون له دور في تحديد رزقه .. الانسان المكافح والنشيط اكيد راح يلاقي ثمرة جهده .. لكن اللي بيروح شبابه في لعب ونوم وطلعات وسفر .. اكيد لما بيجي يأسس بيت بيتعب .. ومن الظلم انو احنا نقارن بين الحالتين .

والله سبحانه وتعالى بيقول ( وقل اعملوا فسيرى الله عملكم ورسوله والمؤمنون )
ملكة البحار
31-12-2002, 09:32 PM
عناد ياحلو "بعد شروطك:D"
.
.
النظافه والعنايه أفضل من الجمال<<زي وصايا جدتي :rolleyes:
ابويا أبيض وعيونو رمادي .... بس أخلاقو كويسه
الفقير كيف يسهرويسافر وهوا ماعندو فلوس:(
المقصود "القصه ياكريم الخلق ماهي بالمال والشكل:)"
(هذ رائيي مولازم تمشي عليه يمكن غلط ^-^)

.

.
.
تحياتي