][ دردشــة ورحلة لماضي العمالقه ( ابو فهد-زادي- ابوايمن) ][

[*amula_beauty*]

http://www.dorarr.ws/forum/uploaded/30460/7113qj2.gif


موضوعنا اليوم يا اعزائي بدأ لما بدأت اسأل خالي زادي وعمدتنا العزيز ابو فهد وعمنا الشاعر ابو ايمن

عن ماضيهم وكيف كانت الحياه ايامها


:164:

سألت وقلت يعني عشان تعيشونا بالمووود حقكم انتا يا خال وابو ايمن وابو فهد

وكل واحد يتكلم عن طفولتوو

من ناحية دي الاشياء

كيف كانت الفلوووس
الدراسه

الاساتذه

المستشفيات

الزواجات

المواصلات


يعني كدا

كنتوا تركبوا احصنه ولا كيف؟؟ :247:

ما اعتقد انو فيه سيارات

يمكن السيارات قليله

حكووونا بالله

والله اتحمس مع دي المواضيع

وكيف اول ما دخل التلفزيون حياتكم

ايش ردود الفعل

وكيف تطبخوا

وكيف تفرزنوا الاكل


وطبعآ لقيت تفاعل من خالو زادي الله يسعدو :drr05_22:

وابو ايمن :drr05_32:

وننتظر العمده ابو فهد :214:


وياريت نتكلم عن الموضوع بتشعب ^_^

واللي حابب يسأل عمالقتنا الله يسعدهم يسأل

واللي عاش ديك الحقبه من الزمن

كمان يتفضل ويدلو بدلوووه ^_^

[*amula_beauty*]

هدا هوا رد خالي العزيز ... زادي ^_^



____________________


أمولة , شوفي ياست البنتة ,,,

الأربع قروش , دي كانت مصروفي في أولى وثانية إبتدائي ,,, لأنها كانت عبارة عن عملة معدنية وحدة , زي النص ريال الآن ,,, بس كانت كمان تستخدم كسلاح , يعني تضربيبها واحد على راصو تفقشو ههههههههههههههههه :drr05_17:

كانت تجيب بارد ( كعكي كولا ) وحبة أو إتنين ( كيك ) ههههههههههه إللي يسمع كدا كيك يقول ( شيز كيك ) وهيه ( كب كيك ـ كيك الكاس ) تضربيها الكيكة في راص زميلتك ترجعلك سليمة هههههههههه

وبعدين بالله إحنا حقين فشفاش :218: ؟؟؟ يابنتي إحنا حقين بليلة ومنفوش وكربوو وحلاوة مطووووو ونارجيل ولدو ولبنية وشرشووو ,,, :236:

طفولتي زي طفولة أي واحد عاش في حارة ,,, كلها أكشن من الصبح لليل ,,,

لعب ومضاربات وأذية في بعض ,,, وكنا نلعب مع ( السحالي |238| ) بنات حارتنا ,,, ههههههههههههه والله كانوا يلعبونا معاهم وهما أكبر مننا ,,, عارفهم كلهم الآن وعارفيني ,,, والله زمان كانت براءة الدنيا كلها فينا ,,, والله مانعرف خبث ولا لؤم ولا وصاخة ,,, جيران بمعنى الكلمة ,,,

ذلحين إنتي خليتيني زي ( حبابة ) قاعد أحكي وحولي الوراعين والبزارين :249:

يابنتي أنا عمري 42 داخل على ألت 43 سنة و يعني الكلام دا مو بعيد مرا ,,, لأ , بس أنا عشت في حارة من صماصيم حواري مكة وموقعها أستراتيجي ,,,, عشان كدا ,,,

أتذكر كمان الصطوح حق بيتنا ,,, كنت محتل 70% من مساحته ,,, غرفتي , قفص الدجاج , قفص الحمام , قفص البهايم أكرمك الله , إللي هما تقولي عليهم ( الغنم ) ,,,

وماكنت أروح المدرسة قبل ما أحلب البهايم , وأجيب بيض الدجاج , وأفك الحمام , وأأكلهم كلهم ,,, شفتي العزااااااااب :drr05_22:

وكنت أروح المدرسة , بدون تأخير , لأن التأخير معناه فرش بالباكورة أو تقريص في ( الديوس ) ههههههههههه أو تمصيع آذاني إلين أحس إنها صارت زي آذاني عم سمعون من كبرها ,,,

كنا نخاف , ودا أساس التعليم زمان ,,, إللي بسببه أنجب العباقرة ,,,

وبالنسبة للفلوس , كانت أيام فقر ,,, والفقر كان قسم بالله نعمة ,,, لأنو كان لممنا على بعض , سواء أهلية أو جيران أو أصحاب ,,,
ياشيخة , إذا كانت زميلتك معاها بيبسي , تلاقيك تقعديلها فيه وهي بتشرب وتقوليلها ( بقيلي ) وذي بقيلي ماهي صدقة أو إحسان ,,, حق الصاحب على الصاحب ,,, غصب عنه ,,, دا مظهر بسيط من مظاهر التكاتف إللي كان بين الناس ,,,

الله يقطع إبليسك , إيش كنا نركب أحصنة ,,,, إيشبي جايك من أيام الكفار وقريش :218:

وبالنسبة للتلفزيون , فأنا أنولدت بعد بدء التلفزيون بسنة ,,, يعني عام 1966 , لحقت الأبيض والأسود ,,, ولحقت أول تلفزيون ملون ,,, قسم بالله ما أنسى أول تلفزيون ملون أمي الله يعزها أشترته وقعدنا نتفرج عليه , من نوع ( شارب ) ,,, كان شي زي الخيال ,,,

وماكن فيه مصطلح إسمو فرزن ونفرزن ,,, كان فيه شي إسمو أشتري ياواد أوقة لحم وحزمتين ملوخية , وتنطبخ , وكان الله بالسر عليم ,,, فين وفين لمن تلاقي أحد يقضي مقاضي الشهر كله ,,, وأصلاً ماكان فيه سوبر ماركت ,,, كان فيه الحلقة , أو شي إسمو ( الخان ) ودا عبارة عن تجمع صغير لحقين الخضرا والفاكهة واللحم ,,,

ولحقت أيام الطبخ على الطباخات ,,, هيا سويلي فيها بنت 2010 وماتعرفي الطباخة ؟؟؟

أحلى وألز وأطعم أكل كانت ستي الله يرحمها تطبخه على الطباخة ,,, هيه رايقة , والطباخة أروق ,,,

وكان فيه شي إسمو ( الدافور ) ودا أسرع وأقوى من الطباخة ,,,

_____________

أمولة ,,, الكلام في دي المواضيع يطوووووووووووول ويحلى ,,, ومحتاجة لموضوع منفصل , إيش رايك تفتحيه ويشارك فيه أبو فهد والنشمي وكل واحد ,,, وحتى ممكن نعرف عوايد الأخوان في البلدان الثانية ,,,

يسلموووووووووووو ياغامدية :214:

[*amula_beauty*]

يا سلاااام عليك يا خالو زادي

منجد الكلام بدا الموضوع حمااااااااااااااس

تبغاني افتح الموضوع دحين؟؟؟؟؟؟؟

الموضوع اتفتح هنا اهه

والكلام يجر بعضوووو

وماني قادره اصبر الين افتح موضوع


بس لو مصمم اعطيني ( عنوان الموضوع وانا افتحو)


اكيد عجبك العنوان :236:

****************************** ************



الأربع قروش , دي كانت مصروفي في أولى وثانية إبتدائي ,,, لأنها كانت عبارة عن عملة معدنية وحدة , زي النص ريال الآن ,,, بس كانت كمان تستخدم كسلاح , يعني تضربيبها واحد على راصو تفقشو ههههههههههههههههه

يعني الاربع قروش اقل من النص ريال

معناتو انو النص ريال شي كبير طب ايش تشتري بنص ريال؟؟؟؟

وبعدين نفسي اشوف شكل الاربع قروووش ,,, لو فاكر شكلها اوصفها



كانت تجيب بارد ( كعكي كولا ) وحبة أو إتنين ( كيك ) ههههههههههه إللي يسمع كدا كيك يقول ( شيز كيك ) وهيه ( كب كيك ـ كيك الكاس ) تضربيها الكيكة في راص زميلتك ترجعلك سليمة هههههههههه


كل دا بس بأربع قرووووش

منجد نعمه



وبعدين بالله إحنا حقين فشفاش ؟؟؟ يابنتي إحنا حقين بليلة ومنفوش وكربوو وحلاوة مطووووو ونارجيل ولدو ولبنية وشرشووو ,,,

يا قلبي عليكم ,,, معناتو ماعشتو طفولتكم


منجد طفوله بدون فشفاش ماتسوى

اما المنفوووش الين دحين ناكلو ^_^

وايش ديه شرشووو كمان ؟؟؟؟


:165:



طفولتي زي طفولة أي واحد عاش في حارة ,,, كلها أكشن من الصبح لليل ,,,

لعب ومضاربات وأذية في بعض ,,, وكنا نلعب مع ( السحالي ) بنات حارتنا ,,, ههههههههههههه والله كانوا يلعبونا معاهم وهما أكبر مننا ,,, عارفهم كلهم الآن وعارفيني ,,, والله زمان كانت براءة الدنيا كلها فينا ,,, والله مانعرف خبث ولا لؤم ولا وصاخة ,,, جيران بمعنى الكلمة ,,,


منجد تحس كان لكل شي طعم

طيب يا ترى ليه دحين القلوب اتغيرت

ولا على قولتك الفقر هوا اللي يجمع الناس ع الطيب

يعني لازم نفقر دحين عشان ندوق طعم السعاده اللي كانت زماان

تتوقع يا زادي لو الزمن كدا اخدني على سفينة الزمن ورجعني بأفكاري دي لعصركم زمان

تتوقع بنبسط

ولا بعصب ؟؟؟؟؟؟؟؟ :249:


بس انتا اوصفلي الحمامات ( الله يكرمك) وكيف كنتوا تتحمموا وانا اقيم الموضوع :228:



يابنتي أنا عمري 42 داخل على ألت 43 سنة و يعني الكلام دا مو بعيد مرا ,,, لأ , بس أنا عشت في حارة من صماصيم حواري مكة وموقعها أستراتيجي ,,,, عشان كدا ,,,


ياعيني ياعيني
اتاريك لسا صغنتووووت

زمان كنت اشوووف الاربعين كبير


دحين والله حتى الخمسينات اشوووفو شباب


^_^



أتذكر كمان الصطوح حق بيتنا ,,, كنت محتل 70% من مساحته ,,, غرفتي , قفص الدجاج , قفص الحمام , قفص البهايم أكرمك الله , إللي هما تقولي عليهم ( الغنم ) ,,,



طيب ممكن توصفلي غرفتك

يعني عندك سرير ؟؟؟؟

مسجل ؟؟؟؟

وياريت بالمره تقولي شعورك اول ما شفت الآله الحاسبه ^_^



وماكنت أروح المدرسة قبل ما أحلب البهايم , وأجيب بيض الدجاج , وأفك الحمام , وأأكلهم كلهم ,,, شفتي العزااااااااب


يا خااااااااااااااااااااااااااااا ااال


ما تتخيل شعوووووري وانا اقرا دا الكلاااام

مدري احزن ولا ابكي ولا احس بحماااس

والله شي يخووووف انك تنام قريب من دي الكائناااات

طيب ما عمرك شاركت بولادة غنمه ؟؟؟؟؟

:drr05_22:



وكنت أروح المدرسة , بدون تأخير , لأن التأخير معناه فرش بالباكورة أو تقريص في ( الديوس ) ههههههههههه أو تمصيع آذاني إلين أحس إنها صارت زي آذاني عم سمعون من كبرها ,,,

كنا نخاف , ودا أساس التعليم زمان ,,, إللي بسببه أنجب العباقرة ,,,


انا اشهد انها جابت عباقره ماشاء الله

شوف حضرتك وابو ايمن وابو فهد

منجد لا اله الا الله

وبعدين ايش هيا الباكوره هدي؟؟؟؟



ياشيخة , إذا كانت زميلتك معاها بيبسي , تلاقيك تقعديلها فيه وهي بتشرب وتقوليلها ( بقيلي ) وذي بقيلي ماهي صدقة أو إحسان ,,, حق الصاحب على الصاحب ,,, غصب عنه ,,, دا مظهر بسيط من مظاهر التكاتف إللي كان بين الناس ,,,


ماشاء الله

والله دحين ما احد يقدر يقوووول لأحد اعطيني

لو كنت بالجامعه ومعايا فشفاااش ... ولما اضيف اللي حولي يستحووووا :218:


منجد النفووووس اتغيرت




الله يقطع إبليسك , إيش كنا نركب أحصنة ,,,, إيشبي جايك من أيام الكفار وقريش



هههههههههههههههههههه

والله ما كنت اتوقع يعني انو لحقت ع السيارات

بس يمكن انتا صغير

بس اكيد ابو فهد وابو ايمن لحقوا ايام ماكان فيه سيارات

^_^


ولحقت أيام الطبخ على الطباخات ,,, هيا سويلي فيها بنت 2010 وماتعرفي الطباخة ؟؟؟


يا عيني على بالك اعرف الطباخه ؟؟؟؟؟؟؟؟

من يوم اتولدت ما اعرف الا البوتجاز

ايش هيا الطباخه؟؟؟؟

معليش حلمك عليااااا انا مواليد 1407 ونهايتو كمان



:130:



أمولة ,,, الكلام في دي المواضيع يطوووووووووووول ويحلى ,,, ومحتاجة لموضوع منفصل , إيش رايك تفتحيه ويشارك فيه أبو فهد والنشمي وكل واحد ,,, وحتى ممكن نعرف عوايد الأخوان في البلدان الثانية ,,,


اي والله منجد

الكلام بدي المواضيع يجنن

^_^

يلا فتحنا موضوع ^_^

[*amula_beauty*]

ودا رد شاعرنا العزيز ( ابو ايمن ) ^_^


000
00
0
السلام عليكم ورحمة الله وبركاته








مساؤكم عسل

الاربعة قروووش كانت تجيب صامولي(حجر) يشبه الفرنسي اليوم

ويحشيه جبنه وزيتون وانبه او طرشي

يعني تقعد تاكل فيه طووول اليوم


الاقة كانت بمثابة كيلو وربع بالوزن اليوم

واتذكر ابي الله يرحمه عندما دك يدي بالاقة لاني غلطت في الوزن لاحد الزباين

بس (كل دقة بتعليمه) رحمة الله عليه واسكنه فسيح الجنان


اما المواصلات ياست الكل امووله

فكانت ايام الابتدائي عالرجوووول

اما لما رحت للاعدادية

فقد اشتريت ( بسكليته) من سب يدي

يعني اجيب حمص وادقه مع السكر وابيعه (يسمى سويق) هذا اذا مانسيت

وكان سعرها 28 ريال ولبستها مشمع اصفر واسود (اتحادي)

وشلشلتها بشلاشل من نفس المشمع كشرايط

وكأني راكب كدلك

توصلني من حارة المظلوم الى الهنداوية في متوسطة البحر الاحمر

عندما كانت بالهنداوية بجوار ثانوية الشاطي

المستشفيات

كان هناك بحارة الشام بعثة طبية الله اعلم انها باكستانية كانت تعالج

بالاضافة لمستشفى باب شريف الى تم هدمه

بس كان شي فضيع من حيث النظافه والاهمال

الله يرحم ايام زمااان

المعلمين

كان لايفهمون الا بطريقة العصى والفلكة

يعني جادين اوي

مافيش ضحك وتنكيت

يدخل المعلم مكشر انيابه ويخرج عبووووووس الوجه

مافيش دلع زي هالايام


التلفزيون اول مادخل في اول عهد الملك فيصل الله يرحمه

اسود وابيض

كان النا ملتمين عند البخاري بجوار بيت الشيخ محمد الافندي نصيف

وبعدين انتشر في القهاوي

والبيوت

والكل يشاهد اما في القهاوي والا يجتمعون عند الجيران الي عندهم تلفزيون


اما المقاضي

فماكان عند الكل كهرباء ولا ثلاجة

كان كل يوم بيومه

نروح عند اللحام وبيسال بتطبخوا ايه

ملوخية او بامية او فاصولية

لان كل طبخه ولها لحمتها من الخروف وبسعر الاقة ثلاثة ريال

والخظار تعبي الزنبيل كله بريال


ايام البابور قبل الدافور والطباخه

والبابور عالفحم

بس وش الطبيخ كان رائع

مش زي اليوم البوتقاز يحرق كل شي

وبعده جاء الدافور

والطباخه بعين واحده وبعدها عينين وتطور حتى وصلنا للبوتقاز



كنت من المدرسة للدكان ومن الدكان للمسجد مثلث لايمكن يتغير حتى ترك ابي رحمة الله عليه جدة

ورجع للديره وخلاني وحدي

عندها اعتمدت على نغس لانهاء دراستي الاعدادية بالليل واشتغل بالنهار




على البساطة

كان كل شي جميل وحلو

وله طعم ونكهة غير اليوم

ياترى هل هي ايام الشباب حلاوتها

ام تغيير الحااال

واصبحت الحياة كلها تقنيات وتكنولوجيا وما صار لها طعم



الى ان نلتقي


تشاااااااااااااااااااااااااااا اااااو

[*amula_beauty*]

مسا الورد يا شاعرنا ^_^


الاربعة قروووش كانت تجيب صامولي(حجر) يشبه الفرنسي اليوم

ويحشيه جبنه وزيتون وانبه او طرشي

يعني تقعد تاكل فيه طووول اليوم


والله منجد كانت معاناه

بس مطرووح فيها البركه


الاقة كانت بمثابة كيلو وربع بالوزن اليوم

يعني الريال يشتري اقه ؟؟؟؟

والله لو اسعار زمان موجوده دحين ,,, كان احنا في العلالي


اما المواصلات ياست الكل امووله

فكانت ايام الابتدائي عالرجوووول

اما لما رحت للاعدادية

فقد اشتريت ( بسكليته) من سب يدي


الرجول لابد منها في مرحله من مراحل الحياه

^_^

بس اللي مو متخيلتو انك تروح بالبسكليته من حارة المظلوم للهنداويه

منجد مشوووووووووووووووووووووووووااا ار
الله يعينك




يعني اجيب حمص وادقه مع السكر وابيعه (يسمى سويق) هذا اذا مانسيت

وكان سعرها 28 ريال ولبستها مشمع اصفر واسود (اتحادي)

وشلشلتها بشلاشل من نفس المشمع كشرايط

وكأني راكب كدلك


الله الله ع الذوووق والاناقه اصفر واسود

هوا كان فيه نادي الاتحاد ايامها؟؟؟؟؟؟

معناتو انتا كنت فاااحش الثراء اياامها ماشاء الله عليك لو البسكليت ب 28 ريال

^_^



يدخل المعلم مكشر انيابه ويخرج عبووووووس الوجه

مافيش دلع زي هالايام

بس كان الاحترام موجود

مو دحين دلع وقلة ادب كمان
:249:



التلفزيون اول مادخل في اول عهد الملك فيصل الله يرحمه

اسود وابيض

كان النا ملتمين عند البخاري بجوار بيت الشيخ محمد الافندي نصيف


طيب على طاري التلفزيون

ما تفجعتوا ؟؟؟؟

ما حسسيتوا السالفه فيها سحر وشعوذه وجن والعياذ بالله

؟؟؟؟؟؟؟؟؟؟

كانوا يحكوني اهلي عن جدة ماما

يقولوا اول مادخل التلفزيون

وهيا تتابع المصااارعه يومآآآآآآآآ

وكانت لما تجي الاخبار ( تتغطى) عن المذيع

الله الله من التفكير

الله يرحمها ^_^


ايام البابور قبل الدافور والطباخه

والبابور عالفحم

بس وش الطبيخ كان رائع


ياعيني

وانا اللي كنت فاكره انهم طبخوا اول شي ع الحطب

بعدين الفحم

وبعدين البوتجاز

وايش هوا دا البابور كمان؟؟؟؟؟؟؟



عندها اعتمدت على نغس لانهاء دراستي الاعدادية بالليل واشتغل بالنهار

ماشاء الله تبارك الله

الله يعطيك العافيه


منجد انبسطت بالهرجه هدي

وراح نسأل ونكمل ونتشعب بكل المواضيع


بس انتو شدو حيلكم معانا

^_^


ربيي يسعدكم

واللي عندو اي سؤال من باقي الاعضاء يطب معايا :drr05_19:

[سارونه]

http://forum.lahaonline.com/moderators/SummerCloud/reeshah/ECSS/LAHA%20(76).gif




ليه انتي ابوك اي جيل ؟؟

اما النشمي وزادي نفس كلام اخواني
يالله

وباب شريف صرعتنا امي فيه
كل شي سووه داخل هالاسم فيه

حارة المظلوم !!
نفس الحقبة الزمنية هههههه


الاربع قروش شي خطير
والربع ريال يجيب لحم ورز

دخل ابوي كان خمسمية ريال ببداية الثمانينات عربي
يقول كنا تجاااااااار وعندنا ثلاجة وشرينا تلفزيون

والتلفزيون له قصة والفرن له قصة والسيارات قصص

الحين نشتري ونكب ونغير مانتذكر وش شرينا :220:

بس وحتى
فيه حكمة مرة قريتها
نتمنى الماضي ونحبه ولو عاد لكرهناه


مااتخيل نرجع لورى
ونترك هالدنيا المريحة :drr05_10:


يسلمو امولة
شكلك منبهرة بالذكريات

[» رَحيْـقّ "]

الله شـ الحركـآت يآ أمولـه |364|
تسلم لنآ أفكـآرك آلحـلوَه ^^
؛

أهـآ يعني أنتم قديمين مره أيآم القروش :drr05_19:
إستمتعت بـ قرآءة حيآتكم زمآن , والله أحسن من شبآب اليوم شبآب البلآستيشن !
وَ بـ إنتظآر عمدتنـآ ^^"

والشكر لكمْ أيضـاً =)

[ألنشمي]

000
00
0
السلام عليكم ورحمة الله وبركاته

اولا اشكرك امووولة الغالية

على اهتمامك بهالموضوع

وثانيا معذرة في النقص الحاصل في بعض الكلمات

لان الاذان اذن وزي ماقلت في مسحراتي الفرق بين المغرب والعشاء

هنا في القاهرة ساعة ونصف

وعندنا بالسعودية ساعتين

استعجلت في الكتابة وبدون ان اراجع

وحملت ورحت للصلاة

اعتذر عن الي صار

المهم ياستي ولا يهووون الاحبة

الي اعتقده ان اي مرحلة شبابية

هي المرحلة الجميلة الحلوة الرائعة في حياة كل انسان

مهما كانت قاسية او خلاف ذلك

ولن تعووود باي حال من الاحوال تلك الفترة وان كانت قاسية

وهالفترة نعمة وثراء

ونحمدالله سبحانه وتعالى ان وهبنا الصحة والعافية والقناعه في كل شي

وزمااان ياستي ماكان فيه سيارات كثر اليوم

الي اذكره كانت سيارة للجمجوم

وسيارة لبيت الشيخ محمد نصيف رحمة الله عليه

وسيارة لابن عمه الشيخ يوسف نصيف

هاي السيارات الي كانت في برحة نصيف وبرحة الجمجوم من جهة المظلوووم

والعربيات الي تجرها الحمير (اعزكم الله ) كانت فقط لنقل الحمولات بكل اشكالها

وكان هناك بعضهم لديه حمير يزينوها ويحنوها ويضعون عليها زينه ويركبها البعض

في تنقلاته من حارة لحارة هاي بالنسبة لسكان جدة


الريال في وقتها كان له شنه ورنه

وانا اول ما اشتغلت في وزراة الصحة عام 89هـ

كان راتبي 250 ريال اكل واشرب منه وادفع 50 ريال للمدرسه

ويبقى منها وارفعه حتى خطبت من التوفير


الاتحاد من زمااان هو والوحدة كان التنافس بينهم

حتى تم تاسيس النادي الاهلي

واصبحت سجال بينهم

واي سواال مستعد للاجابة


يمكن احد يستفيد

[*amula_beauty*]

مسا الورد عزيزتي :

سارونه



ليه انتي ابوك اي جيل ؟؟


بابا من جيل القروش كمان
بس ماعمري اتكلمت معاه بدي الاشياء

مدري يحكيني عن اشياء تحزن

واقفل السالفه ..


يقول كنا تجاااااااار وعندنا ثلاجة وشرينا تلفزيون

والتلفزيون له قصة والفرن له قصة والسيارات قصص

الحين نشتري ونكب ونغير مانتذكر وش شرينا


ياااااااااه

على قولة بابا

كانوا الوحيدين اللي عندهم سياره بتبوك

يا بنتي لأنهم يشوفوا اشياء جديده عليهم

عشان كدا يفتكروها

احنا اتولدنا وقدامنا كل شي



يسلمو امولة
شكلك منبهرة بالذكريات


الله يسلمك حبيبتي

والله مررررررررررره احب اسمع دي الحكاوي

^_^

اشكرك ع المرور

ربي يسعدك

وياريت تستمري وتسألي وتشاركي ^_^

[*amula_beauty*]

اهلين عزيزتي :

رحيق

نورتي ^_^

وعلى قولتك ايامها كان شبابهم غير اكيد


اصليين

مو احنا تقليييييييييييد

وننتظر عمدتنا ابو فهد يكمل ويحكي يا عن الرياض يا عن القصيم

عاد الله اعلم فين عااااش طفولتو ^_^


اشكرك ع المرور

ربي يسعدك

^_^

[*amula_beauty*]

مسا الورد يا عمو النشمي

^_^

منور


الي اعتقده ان اي مرحلة شبابية

هي المرحلة الجميلة الحلوة الرائعة في حياة كل انسان

مهما كانت قاسية او خلاف ذلك


اكيد ,,, وكلنا راح نحس دا الاحساس ^_^



وزمااان ياستي ماكان فيه سيارات كثر اليوم

الي اذكره كانت سيارة للجمجوم

وسيارة لبيت الشيخ محمد نصيف رحمة الله عليه

وسيارة لابن عمه الشيخ يوسف نصيف


طيب اول ماشفت السياره

ماخفت؟؟؟؟

ما حسيت انها وحش او شي


معقوله استقبلتوها كدا عادي

؟؟؟؟؟؟؟



وانا اول ما اشتغلت في وزراة الصحة عام 89هـ

كان راتبي 250 ريال اكل واشرب منه وادفع 50 ريال للمدرسه

ويبقى منها وارفعه حتى خطبت من التوفير



سبحان الله

250 ريال ؟؟؟؟!!!!

طيب المدارس كانت بفلووس

ولا انتا كنت بمدرسه خاصه؟؟؟؟؟

وكيف كانت اشكال الكتب ؟؟؟؟؟

وهل صح انو كنتو تدرسوا بدون طاولات وكراسي على الحصير؟؟؟؟؟!!!



الاتحاد من زمااان هو والوحدة كان التنافس بينهم

حتى تم تاسيس النادي الاهلي

ماشاء الله تبارك الله

يعني الاتحاااااااد كان من ديك الايام ؟؟؟؟؟؟

طيب اول ما وعيت ع الدنيا كان فيه كرة قدم ؟؟؟؟

ولا انتا اتولدت وهيا موجوده من اول ؟؟؟؟


^_^

اتحملني يا ابو ايمن

حتعبكم بالأسئله

^_^

[زيزو]

ان شاء الله ربنا يديم العافيه









مع خالص
تحياتي

[zadi]

__________________


شايف يا أيو أيمن ,,, أمولة تبغانا نسير زي ( حبابة ) مريم الغضبان الله يرحمها في تمثيلية ( الإبريق المكسور ) إذا كنت ذاكرها ,,, يالله , ماعليه ,,, حبابة حبابة ,,, أهو أحسن من حليمة بولند :drr05_17:

يعني الاربع قروش اقل من النص ريال

معناتو انو النص ريال شي كبير طب ايش تشتري بنص ريال؟؟؟؟

وبعدين نفسي اشوف شكل الاربع قروووش ,,, لو فاكر شكلها اوصفها

الأربع قروش يعني أربع قروش , يعني 20 هللة , مصيبة غذا أشرح أكثر من كدا يا أمولة , لاتقولي ماتعرفي القرش كم يساوي هللة ؟؟؟

ياستي كان فيه القرش وهو جزء من العملة , ويساوي 5 هلل , ودا كمان برضو له قيمة ,,,

النص ريال , دا ياطويلة العمر كان مصروفي في سنة ثالثة إبتدائي ,,, وكان يعني يعتبر محترم ,,, تصوري نص ريال لطالب في سنة ثالثة وياخده ويبوس يدك وش وقفا ويقول الحمد لله , واليوم أعطي لولدي خمسة ريال في سنة أولى يشيلني ويحطني بطرف عينو وإذا كانت بنت ( تشمق ) وتاخدها بعصبية !!!


يا قلبي عليكم ,,, معناتو ماعشتو طفولتكم


منجد طفوله بدون فشفاش ماتسوى

اما المنفوووش الين دحين ناكلو ^_^

وايش ديه شرشووو كمان ؟؟؟؟

بالعكس يا أمولة و إنتو إللي ماعشتوا طفولتكم ,,, مسجونين بين أربع جدران , خايفين عليكم من الهوا الطاير ,,, بينما إحنا كنا جن في الشوارع والأزقة , وماكان ينخاف علينا ,,,
طفولتنا كانت حركة وجري وصحة ,,, ماكان فيه مرض ,,, أتخن مرض كان زكمة أو كحة أو صخونة ,,, ودي كلها علاجها واحد ,,, فيكس وزيت زيتون وليمون , وقوم شم العافية ياولد ,,, ماكان بيت يخلى من الفكس وأبو فاس ,,, دي زي ماتقولي ( الأنتيبيوتك ) حق اليومين دي ,,,

الشرشو ياوخيتي من الأكلات الخفيفة المشهورة في الغربية ,,, وبسيطة جداً ,,, عبارة عن ( قثاء ) إللي نسميها بالعامية ( قتة ) مقطعة شرايح طولية , وتتغمس في الخل المخفف , ودوقيها , قسم بالله راح تعجبك , وأسألي عنها الوالدة والوالد الله يحفظهم لك ,,, مية في المية يعرفوها ,,, جربيها وراح تفتكريني بخير ,,,

ولا على قولتك الفقر هوا اللي يجمع الناس ع الطيب
يعني لازم نفقر دحين عشان ندوق طعم السعاده اللي كانت زماان
تتوقع يا زادي لو الزمن كدا اخدني على سفينة الزمن ورجعني بأفكاري دي لعصركم زمان
تتوقع بنبسط
ولا بعصب ؟؟؟؟؟؟؟؟
بس انتا اوصفلي الحمامات ( الله يكرمك) وكيف كنتوا تتحمموا وانا اقيم الموضوع

فعلاً الفقر كان يجمع الناس على كل المثل والمبادئ الطيبة ,,, كان فيه حب بين الناس , ودا أهم المفتقدات الآن ,,,
كانت الجيرة جيرة , بمعنى الكلمة ,,, والله لو صار أي شي في بيت من بيوت الحارة , تلاقي الحارة كلها معاهم , لو فرح أو حزن ,,,
كان معظم الناس على مستوى واحد ,,, الأكل واحد , اللبس واحد , كل شي ,,, والله أحياناً ماتعرفي بيت أفقر واحد من بيت المتوسط من الناس ,,,
كان في حارتنا واحد يعتبر من الموسورين , وكان من السادة ( السيد علوي جفري ) الله يرحمه ,,, لكن تعالي شوفي لبسه ,,, عادي جداً إلين مات وهو يلبس الفوطة على قميص وينزل المحل حقو في البلد ,,, كان عنده محل حق دهب ,,, حرمته خالة خيرية ما أدري عايشة أو ماتت الله يرحمها في الحالتين , كانت تفتح لنا البيبان نلعب مع عيالها وبناتها بدون أي تفرقة ,,, وكانو ناس بسيطين في كل شي ,,,

بالنسبة للحمامات , كل الحمامات كانت عربي ,,, عارفة الكرسي العربي ؟؟؟ ماكان فيه شي إسمو كرسي أفرنجي أو بانيو أو مغطس ,,, كان في كل حمام على جنب شي إسمو حنفية , ودي تتملا موية عشان إللي يتروش يلاقي الموية باردة ,,, وطبعاً الترويش بالمغراف ,,, :214: وصدقيني لو عشت ديك الأيام راح تشعري بفرق كبير ورهيب , لصالح ديك الأيام بالطبع ,,,

طيب ممكن توصفلي غرفتك
يعني عندك سرير ؟؟؟؟
مسجل ؟؟؟؟
وياريت بالمره تقولي شعورك اول ما شفت الآله الحاسبه ^_^


أبد الله يسلمك , يعني ويش تتوقعين فيها؟؟؟ غرفة نوم بدولاب ست درف وتلفزيون LCD ويدات بلاي ستيشون وديفيدي ؟؟؟ ههههههههههههه

يابنتي ماكان فيها غير مفرشة من مفارش زمان إللي يوم تقعدي عليها تقومي تلاقيها مؤمرة في جسمك من خشونتها ( عجمي مدري فارسي مدري رومي والله مدري إيش يسمونها بس تعيش مية سنة زي اللوز :152: ) و( طراحة )قطن أتحداكي تحركيها من محلها , ومخدة شرحو ,,, وصور لاعبين الكورة مسمرة على الجدار ( دابو وأحمد الصغير ومعتمد خوجلي وعادل رواص وماجد عبد الله والنعيمة وغيرهم ) وتلاقي أهم شي عندي دولابي حق القصص والكتب , إللي أعتبره كنزي ,,, ومروحة قعادي تلطش فيا رايح جاي ههههههههههه

وكان الله بالسر عليم ,,,

طبعاً شعور لايوصف وإنتي قاعدة في الغرفة بتقري قصة أو رواية , والغنمة برات الغرفة تلحنلك أغنيتها المشهورة ( مااااااااااااااااااااء ماااااااااااااااااااااء ماااااااااااااااااااء ) والدجاج جنبها ( بكبكيييييييييييييك ) والديك طول الوقت يأدن ,,, أما الحمام ياقلبي عليهم , ماتسمعيلهم صوت |238|

آلة حاسبة إيه دي ؟؟؟ يابنتي الآلة الحاسبة كانت في دماغنا ,,, من سنة تالتة إبتدائي حفظت جدول الضرب ( بالضرب ) والله ,,, وماسك معايا لحد الآن ,,, جيبيلي واحد في الثانوي وأسأليه خمسة في 6 بكام ؟ يقولك طااااااااااااااااااش :drr05_22: ماطااااااااااااااش :drr05_91:


يا خااااااااااااااااااااااااااااا ااال
ما تتخيل شعوووووري وانا اقرا دا الكلاااام
مدري احزن ولا ابكي ولا احس بحماااس
والله شي يخووووف انك تنام قريب من دي الكائناااات
طيب ما عمرك شاركت بولادة غنمه ؟؟؟؟؟

يوم ماتولد الغنمة يوم عيد , لأنها راح تجيب تيس أو غنمة صغنونة ,,, طبعاً أمي كانت خبيرة , وكانت هي إللي تولد الغنمة وتساعد أبويا فيها ,,, وكان أبوي الله يرحمو يحب الحيوانات , وكان بنفسو يرضع الغنم الصغار ويسويلهم رضاعة مخصوصة لمن مايكون فيه حليب في صدر أمهم ,,, وكان يأكل الحمام يطحن الحب في فمو ويأكلهم فمو في فم الحمام الزغاليل ,,, أما الدجاج دا ماشاء الله عليه زي الحراثة , حطي لو أي شي يفرمو ,,, كان يحفظ نعمة البيت ماتترمي ,,,

وفيه شي مهم , بعد ماتولد الغنمة و تنحلب وينزل منها شي إسمو ( لبا ) دا كانت أمي تسويه على النار وتحطله سكر وقسم بالله ولا أطعم من كدا مافيش ,,, أسألي عن ( اللبا ) :drr05_52:

_____________

فاصل ونواصل بعدين , دحين خلينا نروح المركاز ,,,

[*amula_beauty*]

اهلين بيك زيزو


سعيده بمرورك

ربي يسعدك
^_^

[ألنشمي]

000
00
0

مسا الورد يا عمو النشمي

صباح الخير امووولة


طيب اول ماشفت السياره

ماخفت؟؟؟؟

ما حسيت انها وحش او شي


معقوله استقبلتوها كدا عادي

اول ماشفت السيارة كان عمري وقتها خمس سنوات في مدينة بالجرشي

ثلاثة طن وركبتها من بالجرشي مع عمي ليوصلني لابي في جدة وكانت مدة السفر ثلاثة ايام

مافيش ايامها اسفلت ومن الطائف الى جدة يوووم عن طريق اليمانية(السيل )

وما افتكرش اني خفت منها لان عمي معي

سبحان الله


250 ريال ؟؟؟؟!!!!

طيب المدارس كانت بفلووس

ولا انتا كنت بمدرسه خاصه؟؟؟؟؟

وكيف كانت اشكال الكتب ؟؟؟؟؟

وهل صح انو كنتو تدرسوا بدون طاولات وكراسي على الحصير؟؟؟؟؟

لما سافر ابي رحمة الله عليه وتركني في جدة

عملت وقتها وقلبت دراستي من النهار لليل

ودخلت مدرسة اهليه بعدما كنت بمتوسطة البحر الاحمر الحكومية

المناهج اكيد مختلفة

و المدرسين معظمهم غير سعوديين

سوري وعراقي وسوداني واردني ومصري

و50 ريال اشتراك شهري

ايام الكتاتيب وانا درست فيها كانت عالحصير فعلا

بس بقية المدارس الحكومية والاهلية ماصات مشتركة يجلس عليها اربعة طلاب


ماشاء الله تبارك الله

يعني الاتحاااااااد كان من ديك الايام ؟؟؟؟؟؟

طيب اول ما وعيت ع الدنيا كان فيه كرة قدم ؟؟؟؟

ولا انتا اتولدت وهيا موجوده من اول ؟؟؟؟

الاتحاد قديم جدا

والكورة كنا نلعبها في المدرسة بحصة الرياضة

يعني الكورة قديمة وبالذات في جدة ومكة

بانتظار اي سوال تاني

وحاروح المركاز


واعووود ان شاء الله

ارق التحايا

[*amula_beauty*]

اهلآ يا خالي العزيز ^_^



الأربع قروش يعني أربع قروش , يعني 20 هللة , مصيبة غذا أشرح أكثر من كدا يا أمولة , لاتقولي ماتعرفي القرش كم يساوي هللة ؟؟؟

ليه الاحراااااااااج

:228:

حسب معلوماتي اللي مدري ايش تبغى بالحياه

انو القرش 100 او 60 هلله

وحده فيهم

لا تدقق كتير

دروووس تانيه ابتدائي نسيتها :236:




بالعكس يا أمولة و إنتو إللي ماعشتوا طفولتكم ,,, مسجونين بين أربع جدران , خايفين عليكم من الهوا الطاير ,,, بينما إحنا كنا جن في الشوارع والأزقة , وماكان ينخاف علينا ,,,

اي والله انك صادق

ماعمري طلعت الشارع الا مررررره وحده وانا صغيره مع خالي

وطلعت ادور سلسلتي اللي طاحت مني وانا نازله من السياره

:249:



طفولتنا كانت حركة وجري وصحة ,,, ماكان فيه مرض ,,, أتخن مرض كان زكمة أو كحة أو صخونة ,,, ودي كلها علاجها واحد ,,, فيكس وزيت زيتون وليمون , وقوم شم العافية ياولد ,,, ماكان بيت يخلى من الفكس وأبو فاس ,,, دي زي ماتقولي ( الأنتيبيوتك ) حق اليومين دي ,,,

ههههههههههههههههه

ياعيني

جدتي الى الآن ماعندها الا الفكس ولا ابو فاااااس لكل الامرااااض :165:

وماتشم بالبيت الا البخور الجاوي



الشرشو ياوخيتي من الأكلات الخفيفة المشهورة في الغربية ,,, وبسيطة جداً ,,, عبارة عن ( قثاء ) إللي نسميها بالعامية ( قتة ) مقطعة شرايح طولية , وتتغمس في الخل المخفف , ودوقيها , قسم بالله راح تعجبك , وأسألي عنها الوالدة والوالد الله يحفظهم لك ,,, مية في المية يعرفوها ,,, جربيها وراح تفتكريني بخير ,,,


وي وي

خل وقته ؟؟؟؟؟؟؟؟؟؟؟؟؟؟؟؟؟؟

عجيب والله



يابنتي ماكان فيها غير مفرشة من مفارش زمان إللي يوم تقعدي عليها تقومي تلاقيها مؤمرة في جسمك من خشونتها ( عجمي مدري فارسي مدري رومي والله مدري إيش يسمونها بس تعيش مية سنة زي اللوز ) و( طراحة )قطن أتحداكي تحركيها من محلها , ومخدة شرحو ,,, وصور لاعبين الكورة مسمرة على الجدار ( دابو وأحمد الصغير ومعتمد خوجلي وعادل رواص وماجد عبد الله والنعيمة وغيرهم ) وتلاقي أهم شي عندي دولابي حق القصص والكتب , إللي أعتبره كنزي ,,, ومروحة قعادي تلطش فيا رايح جاي ههههههههههه


ايش اقولك؟؟؟؟

اخلع قبعتي مدري طرحتي احترامآ لك

طيب ايش كان نوع الكتب اللي تقراها؟؟؟

وهل كان فيه جمعة شباب يتجمعوا عندك؟؟؟؟؟؟؟؟؟

ولا ممنوع ؟؟؟؟؟؟

آلة حاسبة إيه دي ؟؟؟ يابنتي الآلة الحاسبة كانت في دماغنا ,,, من سنة تالتة إبتدائي حفظت جدول الضرب ( بالضرب ) والله ,,, وماسك معايا لحد الآن ,,, جيبيلي واحد في الثانوي وأسأليه خمسة في 6 بكام ؟ يقولك طااااااااااااااااااش ماطااااااااااااااش


طيب اول ما شفت الآله الحاسبه بحياتك

ايش كانت ردة فعلك؟؟؟؟



,,, وكان يأكل الحمام يطحن الحب في فمو ويأكلهم فمو في فم الحمام الزغاليل ,,, أما الدجاج دا ماشاء الله عليه زي الحراثة , حطي لو أي شي يفرمو ,,, كان يحفظ نعمة البيت ماتترمي ,,,

الله يرحم والدك يا خااال

مررررررره شكلوو رحيم ,, الله يرحمو




وفيه شي مهم , بعد ماتولد الغنمة و تنحلب وينزل منها شي إسمو ( لبا ) دا كانت أمي تسويه على النار وتحطله سكر وقسم بالله ولا أطعم من كدا مافيش ,,, أسألي عن ( اللبا )


قصدك المضير يا خال؟؟؟؟؟؟؟؟

*************************

يلا حتى انا بروح للمركاز حقنا ^_^

[*amula_beauty*]

يا خاااال ما قلتلي ايش يعني طباخه

ويا ابو ايمن ما قلتلي ايش يعني باكوره والتاني اللي قلت عليه اللي يجي قبل الطباخه مدري نسيتووو

[*amula_beauty*]

اهلين يا عمو ^_^


اول ماشفت السيارة كان عمري وقتها خمس سنوات في مدينة بالجرشي

ثلاثة طن وركبتها من بالجرشي مع عمي ليوصلني لابي في جدة وكانت مدة السفر ثلاثة ايام

مافيش ايامها اسفلت ومن الطائف الى جدة يوووم عن طريق اليمانية(السيل )
3 ايااام سفررررررر

يا لهووووووووووووووووووووووووي

طيب اكيد مو بنزين .... اكيد السياره بمحرك ديزل

ولا تلاقيها زي الماطووور



المناهج اكيد مختلفة

بابا يقووول كان يدرس ( جبر)

سبحان الله ,,,, دحين مايدرس الجبر اللي اللي تخصصوا رياضيات

وبعدين كيف شكل الكتب

زينا ورق عادي

؟؟؟؟؟؟؟؟؟

[zadi]

___________________


بكرا النهار نكمل ,,, الموضوع دا يبغالو رواااااااااااااااااااااق على الآخر ,,,

[*amula_beauty*]

حاااااااااااااضر يا خال

كلامك يمشي

بكره نكمل


انا بروح للمركاز

انحولت وانا ماسحه الطريق من المركاز لهنا

يلا

سي يو
^_^

[ألنشمي]

000
00
0

ويا ابو ايمن ما قلتلي ايش يعني باكوره والتاني اللي قلت عليه اللي يجي قبل الطباخه مدري نسيتووو

الباكوورة يعني العصى

والعصى لمن عصى كان هذا شعار كل معلم

البابور وعاء يوضع فيه الفحم

دائري الشكل له ثلاثة فواصل يتوضع عليها الحلة او براد الشاهي

او اي شي للطبيخ

وطبقتين

الطبقة العليا يتوضع فيها الفحم ومخرومة لسهولة سقوط الرماد

وله فتحه في الطبقة السفلية لدخول الهواء لاشعال الجمر

وعند الاشتعال يمكن قفلها بباب حديد مركب عليه صغير على قدها

وناس يسمونه (كانون)

تشاااااااااااااااااااو

[*amula_beauty*]

اهاااااااااااااااااااااااااااا ااااااااااااااااااااا


يعني البابوووور هوا نفسوووووووووو اللي عند ( هايــدي)

والله شفتو بفيلم كرتون ( هايدي)

لونو اسووود


ونفتح الباب حقو ونحرك الفحم


عماااااااااااااار يا افلام الكرتون

منجد يا بختكم

عندكم زي فرن هايدي

[ألنشمي]

000
00
0

3 ايااام سفررررررر

يا لهووووووووووووووووووووووووي

طيب اكيد مو بنزين .... اكيد السياره بمحرك ديزل

ولا تلاقيها زي الماطووور

تصوري كيف تكون الثلاثة ايام

حفر وبطناج ومطبات وطلوع جبال ونزول اودية

والسيارة تتمايل يمين وشمال

وحبة حبة

مافيش صيانة للطريق

والامطار بتخرب

معاناة ولكن كانت كرحلة

اليوم اربع ساعات ونصف من بالجرشي لجدة

ومع الازدواج امسح الطبلون 260 بي ام دبليو تصل في ساعتين

الله المستعان


السيارة كانت تسير بالبنزين

وفيه براميل كبيرة يعبونها احتياط لاي انقطاع في الطريق

ماكان وقتها محطات الا بالطائف وجدة وبالجرشي فقط

تحياتي

[*amula_beauty*]

والله انو السفر كان معاناه

والبنزين تعبوه بجكات وتشيلوه معاكم؟؟؟؟

قسم بالله تعب ومخاطره

[ROMEO]

الله الله

ايش الإبداع دا


لي عوده بس اضربلي كأستين سوبيا الخشة وأجيك

[((كــــــــادي))]

V
V
V
V



قروش زماااااان (http://www.kingsaud.net/ara/almktbah/alamlat/alamlat_almadneah)

[*amula_beauty*]

الله الله على طلتك يا روميــو


منور

^_^


يلا شد حيلك واحكيلنا عن ماضيك من وجهة نظرك طبعآآآآآآآآآ

اهه اكتشفنا طفولة الخاال زادي فوق السطووح

ياترى ايش مخبيلنا يا روميـو

^_^

[*amula_beauty*]

تسلمي يا نكهة مميزه

تسلمي يا كــادي


منجد شي حلووو لما نشوووف شي من الماضي


بس ياترى

انتي لحقتي زمن القرووش؟؟؟؟؟؟

<< ما اعتقد :228:

[ألنشمي]

000
00
0


والله انو السفر كان معاناه

والبنزين تعبوه بجكات وتشيلوه معاكم؟؟؟؟

قسم بالله تعب ومخاطره

لم نكن نشعر بالمعاناة لاننا كنا كيد واحدة على السطح

السيارة من دورين

الدور التحتاني لنقل البضائع

وفوقها سطح خشبي

يركب عليها الركاب

يكون مجموعتهم مابين 15 الى 20

تصوري الفطور معا

والغدا الكل يشترك فيه

الي يذبح والي يجيب الحطب

والي يجيب الماء من بئر او وادي

وكل هالايام الثلاثة تعتبر ذكرى

شوفي شباب اليوم يطلعوون رحلة يوم او يومين يجون متزاعلين


سلام عليك يادنيا اول


البنزين ياستي في براميل كبيرة من الحديد

ماكان وقتها جكات

[((كــــــــادي))]

لا .... مالحقت


بس لحقت زمن الأتاري :)

[*amula_beauty*]

ايوااااااااااا


شفت يا ابو ايمن دي السياره ام دورين

بابا حكاني عنها

بس الله يسامحهم كانوا يخلوا الحريم فوق مع الغنم

منجد مأساه

لوانا عاااايشه داكالزمن كان انتحرت


تخيل يسافروا من ينبع لتبوووك
بدي السياره والغنم

ورجال وحريم

منجد شي يبكي

[*amula_beauty*]

كـــادي حتى انا شفت الاتاري

وصخر كمان


شكلك من نفس حقبتي

حولين 1407

^_^

[اختكم الكبيره]

الله الله عليكم

ذكريااات رائعه

وماااضى اروع

يمكن ديك الفتره اغلبنا عاشهاااا

لكن بطريقتووو

ذكرياتكم اللى تحكووووووها

نفس الذكرياات اللى عشتهاااا

[*amula_beauty*]

تسلمي ع الطله الحلوه يا اختنا الكبيره


^_^

ربي يسعدك يا قمر

[ROMEO]

الله الله على طلتك يا روميــو^_^


يلا شد حيلك واحكيلنا عن ماضيك من وجهة نظرك طبعآآآآآآآآآ

اهه اكتشفنا طفولة الخاال زادي فوق السطووح

ياترى ايش مخبيلنا يا روميـو

^_^

ابشري طال عمرك




والف شكر لحاتميتك

[*amula_beauty*]

ابشري طال عمرك




والف شكر لحاتميتك


ماتقصر يا عزيزي

^_^


ربي يسعدك

[» رَحيْـقّ "]

كأني أسمع أتآري وصخر :drr05_19:
يآقدمكم يآنآس أذكر كنت صغيرونه :130:
؛

أستمتعنــآ ^^

[zadi]

_____________________


مساكم الله بالخير ,,, والله أبتلشنا في هالأمولة ,,, تروح ( ترقد ) وتخلينا نطاحن في هالموضوع ,,, يالله , معليش ,,, إنتو تستاهلو كل التعب عشان خاطر عيونكم ,,,

نكمل ما بدأناه أمس ,,,

_______________



انا اشهد انها جابت عباقره ماشاء الله
شوف حضرتك وابو ايمن وابو فهد
منجد لا اله الا الله
وبعدين ايش هيا الباكوره هدي؟؟؟؟

الله يجزاك خير على حسن ظنك ,,, دا بس من ذوقك الطيب ياطيبة ,,,

الباكورة دي الله يسلمك عصا مخصصة للضرب , تلاقيهاألحين في بعض المحلات في السوق طويلة ونحيفة وراصها ملبس قطعة جلد , عند بياعين الخردوات , قيمتها بريالين أو خمسة حسب طولها ,,, دي الله يسلمك ماكانت تخلى من يد أي أستاذ ,,, كانو ( يشحطونا ) بها شحط , شي يجي على اليد وشي على الرجل وشي على الظهر وشي على ..... مايفرقو بين أماكن حساسة وأماكن مو حساسة ,,, كانو جبارين ,,, بس قسم بالله , من قلبي أدعيلهم وأحبهم لأنهم عاملونا بدي القسوة لأنهم كانوا يحبونا وتهمهم مصلحتنا , ولو ماسو كدا , كان زماني داشر في الشوارع ,,,

هههههههههههههههههههه
والله ما كنت اتوقع يعني انو لحقت ع السيارات
بس يمكن انتا صغير
بس اكيد ابو فهد وابو ايمن لحقوا ايام ماكان فيه سيارات

لحقنا على أحلى سيارات ,,, صحيح زمان ماكان فيه سيارات كثير زي ألحين , لكن كان للسيارات قيمة ,,, يعني كان أكشخ سيارة الكدلك والمرسيدس ( البنز ) وإللي يركب السيارات دي , أووووووو نعتبرو من الأغنياء ,,,
طبعاً كان فيه سيارات مميزة ,,, أفتكرها , زي الونيت الفورد , دا كان من قوته يهد جبال ,,, والبيجو 404 كانو يسمونه ( شنيور الجبل ) لأنه زي الفشكة في طريق الهدا ,,, وكانت السيارات الشفر الإمباله , دي كانت ( أسطول ) على قولتهم أول ,,, حديد ولا أتخن دبابة ,,, ولحقت شوي الخنفسانة !!! ودي إللي هيا الفولكس واجن وكانت سيارة غريبة لأن ماكينتها ورا وشنطتها قدام ,,,

وبعد كدا لحقت السيارات المازدات لأنها كانت تعتبر الدلوعة في السبعينات من السيارت اليابانية , يعني موديل 1974 و 77 وبعدين جت موديل 1981 إللي يسمونها ( بنز الفقير ) لأنها شبه المرسيدس ومقاعدها مخمل فخمة وسقفها جلد , شي كانت كشخه ,,, وفيها كومبيوتر ماحد يعرفلوا ,,, وطبعاً مسكت الزمام تويوتا من 1980 بسيارتها الشهيرة كرسيدا 1980 ,,, طبعاً في منها من موديل 1977 وطالع ,,,

أشوفنا كثرنا في السيارات , بس لأنها كانت هوايتي أتابعها وأحبها ,,,


على طاري البسكليته حقت أبو أيمن ,,, أنا كانت من أحلام حياتي وعمري ومهجة قلبي إني أشتري دراجة أو بسكليته ,,, بس أمي كانت معارضة معارضة شديدة حكاية الدراجة لأنها خايفة عليا كثير ,,, إلين وصلت سادس إبتدائي , وأخويا الصغير كان أولى إبتدائي ونجح طلع ثانية , فشافه صاحب أبويا الله يرحمه وعرف إنو نجح , أخده لمحل بسكليتات وأشترالو بسكليته صغيرة على قدو ,,, أنا ماكنت أدري , وطبعاً أنا كنت ناجح لأولى متوسط ,,, طبقت البيت على إللي فيه وصوتي وصل لآخر الحارة ,,, أفا , كيف المفعوص إللي أصغر مني يركب دراجة وأنا رجال البيت وسبع البرمبة ما تشترولي دراجة ؟؟؟
مين سمع بالموضوع ؟ عمي أخو أبويا , جاني من جدة والله مخصوص وأخدني على جدة مخصوص عشان يشتريلي دراجة 24 فليبس عامودين موديل سنتها :drr05_91: كانت من أروع وأجمل الهدايا إللي جتني في حياتي ,,, أشتراها لي بـ 330 ريال من باب شريف , وطلعنا بيها على مكة ,,, وكان يوم من أسعد أيام عمري ,,, لفيتبهاالحارة في إستعراض , زي الصعايدة لمن يمسكو الحسان ويلفو بيه في المناسبات كيف ؟؟؟ نفس الشي ,,, خليت عيال العارة تنفقع مراراتهم ,,, وكنت والله ماتصدقي , أنومها معايا في البيت , خايف عليها تنصرق وأقعد ألطم أنا :drr05_22: ونفس ماسوى أبو أيمن , لأنو دا كان فن ,,, دندشة وتلبيس وتقطيب وتنكيل ونسافات ولمبات ودعامة وبواري , شي شي , قسم بالله مصروفي كله يروح عليها ,,, :228:
___________________

فاصل ونواصل بعدين , تعبت شوية ,,, خلني أشرب عصير , أووووووووووووووووووب , صيام يا ولد ,,, معليش نسيت , وقربعت جك عصير بالغلط ( لعنبو الكدب , جك بالغلط ؟؟؟ أجل كيف لو بالصح , تنكة ؟ ) :drr05_89:

[zadi]

________________


نواصل ,,,

__________

من حسن حظي وسعدي , إني عشت مع ( ستي ) إللي هي أم أمي , فترة من الزمن ,,, وكانت تحبني كثير الله يرحمها ,,,

ستي كانت ساكنة في ( المبيت ) حق بيت خالي ,,, والمبيت بمعناه زمان هو قبل سطح البيت , فيه غرفتين وحمام ومطبخ ,,, وقدامه فسحة متوسطة , نسميها ( الخارجة ) ,,, في دي الخارجة قضيت أحلى أيام طفولتي ,,, كنت ألعب فيها مع عيال خالي ,,, كنا ننام فيها في الليل , تنصب ستي ( النامسية ) وتفرش الفراش وننام كدا تحت القمر في جو حر ,,,

كانت ستي حريفة طبخ زي حريم أول كلهم ,,, بس ميزتها إلين قبل ما تتوفى بسنين بسيطة قدروا بناتها ( أمي وخالاتي ) يقنعوها بالتلاجة والبوتجاز ,,, كان طبخها على الطباخة و كنت أشتريلها القاز من دكاكين الحارة ,,, كان عندها ( زير ) نشرب منو الموية ,,, أحلى موية ,,, لاهي باردة تكسر الأسنان ولاهي حارة ماتروي ,,, موية طعمة بمعنى الكلمة ,,,
ماكان عندها مكيف ,,,, مروحة السقف تلف ويلف الهوا معاها ,,, كنا ( نبل ) الشرشف بالموية ونلفه حوالين جسمنا ونعيش أحلى سنتر إير كونديشن :236:

كانت تشرب دخان , سجاير لف ,,, بورق ( البستاني ) أشتريلها علبة الدخان ماني فاكر قيمتها ,,, والدفتر بقرشين ,,, وتعمر الطاسة ,,, كتير من حريم أول كانو يشربو دخان , يعني ماهو موضة جديدة زي مايقولوا ,,,

كانت كل ملابسها في شي إسمو ( كوبر ) وهو عبارة عن صندوق حديد تحط فيه الحرمة أشيائها الخاصة مكاييجها والكحل وذهبها وإكسسواراتها وملابسها , هذاالكوبر كان لوحده تحفة ,,,

كان عند ستي شي إسمه ( الجزة ) ودي عبارة عن نصبة شاي صغيرة يكون فيها الفناجيل حقت الشاي والقهوة والبراريد الصغيرة وصحون التقديم والمعالق ( المعالق مو الملاعق !!! ) ,,, الله على جزة ستي يوم تضبط الشاي وتولع السيجارة وتقعد رجل على رجل تفك معايا سالفة قديمة عن مكة زمان وحياة أهلها وأشياء عن أبوها إللي كان من التجار إللي يسافروا الهند ,,,

ستي كانت تطبخ كل يوم بيومه ,,, لأنه ماكان فيه ثلاجة ولا فريزر ولاهم يحزنون ,,, إللي ينطبخ اليوم يتاكل اليوم ,,, كانت ترسلني أجيب مقاضي الطبخة حقت اليوم بس ,,, وكانت بعد المشوار دا , تبخششني بأربع قروش أو خمسة أو ستة , حسب المتيسر ,,, وأنزل الحارة أكشخ بيها وأشتري بها بارد أو ( برجون ) إللي يسمونها أهل نجد ( الصقل ) ,,,

أرجوكم , ممكن تدعولها بالرحمة وإنتو صايمين ,,, الله يرحمها ويسكنها فسيح جناته ,,,

________________

حنواصل ,,, بعدين

[ألنشمي]

000
00
0

أرجوكم , ممكن تدعولها بالرحمة وإنتو صايمين

الله يرحمها ويسكنها فسيح جناته

[zadi]

_______________


الله يرحم والدينا و والديك يا أبو ايمن ,,, جزاك الله خير

[ألنشمي]

000
00
0
السلام قبل الكلام

يحلى بعدها الهرج والمرج

ايام زمااان يعني قبل اربعين او خمسين عام مش قبل التاريخ والعصر الحجري

لا دا كان اجمل عصر

عصر الشباب والصبا

اذا جاء رمضااان كان له فرحه غير فرحة اليوم

ماكان هناك اجانب كثير وكل القاطنين في الحواري القديمه في البلد هم سكانها الاصليين

مش زي هالحين ساكنيها مختلفي الجنسيات

المهم

كانت الطراطيع تفرقع ابتهاجا بقدومة

ونسمع المدافع تنطلق ترحيبا

وكانت البساطة هي الحاجة الحلوووة اللزيزة

مافيش مكيفات ولا مرواح

كانت هناك مراوح تجي من المدينه من سعف النخل

والزير المغربي الكبير في الحمام اللي يشيل ماء اكثر من عشر زفات

وكان شايل الزفة يطلع للدور الثالث وكأنه البرق من خفته وقوته

اليوم الواحد ياخذ كيلوا بيده ويطلع لثاني دوور تجدونه يلهث من التعب

والماء يجلب من العيون الي في الحارة

في حارة المظلووم عين في سوق الجامع قريبة من مدرسة الفلاح

وفي برحة الجمجوم عين ملاصقة لمسجد المعمار

وهذه الي كانت قريبة من دكاكين عمي وابي وساكنين ببيت الشيخ يوسف نصيف

وكان المطبخ ( يسمونه المركب) في الدور العلوي قرب السطوح

وش كان فيه ؟؟؟

فقط الطباخه وشوية صحون وقدور

والقدور الهندية الي مخروطة الشكل ( من تحت واسع وتضيق كلما ارتفعت للاعلى )

بس وش كان الطبيخ فيها 00روووعة ولزيز

الكهرباء دخلت معظم البيوت بعد عام 80 هـ

وبدات المرواح والي عنده مروحه كان زي الي عنده تكييف مركزي الان

والزير والشراب للماء

زي ماقال اخي ابو عبدالله يامحلى الماء فيها له طعم اخر

لانهم كانوا يبخرون الزير والشراب بالمستكة

الاسواق برمضان شي ثاني

ترى البهجة والفرح بعيون كل الناس

الكرم والجووود يظهر في هذا الشهر الفضيل

وتبادل الاطباق بين الجيران سمة في رمضان

بالرغم من ان عادة تبادل الاطباق في غير رمضان مستمرة

الا انها في رمضان تتنوع

وكل بيت تجدة متنوع الاطباق الرمضانية من صنع صاحبة البيت

او ما يجيها من الجيران

الله يازمن اوووول

كل شي تحووول

حتى النفوووس


ماكان في الحارة شي يفرق بين ولدي وولد فلان

الكل يعتبرون الولد او البنت ولدهم

يعني بالفصيح يخافون على اولاد حارتهم

وما نسميه النخوة والشهامة

وينها اليووووووم ياحمد


ماتجي تسمع سواليفنا

والا خصصك ابو عبدالله في مركاز المسحراتي فقط

المهم ذكريات حلوووة

وفكرني يابو عبدالله

خلي القلم يكتب

ارق التحايا

[zadi]

______________


خليني بس أقفل موضوع مرحلة حياتي مع ستي الله يرحمها ,,,

مثل ما أتفضل أبو ايمن , المطبخ كان إسمو ( مركب ) على وزن مدبل بضم الميم ,,, وفعلاً كل إللي فيه مايزيد عن الطباخات والدوافير وشوية صحون وقدور و ( معالق ) ودولاب صغير يسمونه ( نملية ) ودا يشيل الأغراض البسيطة دي ,,,

الحمام في بيتونا القديمة كنا نسميه ( بيت الما ) والبعض يقول ( بيت الراحة ) ,,, الترويش فيه بمغراف والغسيل فيه بمغراف ,,, يعني مافي دوش ولافيه بانيو ولاحتى مراية ,,,

كانت الله يرحمها وخاصة ً وقت الكوي , أجلس قدامها وهاتك ياحكاوي على مكة وأهل مكة وأيام حكم الأشراف , وبداية دخول الملك عبد العزيز ,,, تاريخ رهيب , الله كان المفروض عليهم يسجلوه ديك الأيام :236:

بمناسبة الكوي والمكوة ,,, كانت فيه مكاوي تتحمى وتتسخن بالجمر , بس مالحقتها لأني جيت على عصر الكهربا ,,, بس شفتها عند ستي ,,,

كمان ستي كانت من إللي يربو بهايم في البيت , كان عندها دجاج ,,, تحبهم ,,, وأستفدت منها كثير في علوم الدجاج ,,,

يمكن كدا خلصنا ,,,

سلام

[ألنشمي]

000
00
0
شوف حبيب قلبي ابو عبدالله

النملية ماظهرت الا بعد ماجات الطباخه

والبابور ( او الكانون الفحم ) كما يسميه البعض

كان يمتلي بالفحم ويولعونه

واذا اصبح جمر يضعون علية الي يبون

بعد انا لما جيت جدة

فعلا كان اغلب النساء يشربن الدخان

وزي ماقلت حبيب قلبي بطريقة اللف

يعني دخان ابو وردة والا ابو جنيه

ماكان يعجبهم

والشي الي لفت انتباهي شخصية المرأة القوية

الي كانت اذا تظرت في الولد او البنت ( يشخ على حاله) من الخووف

يعني الرجاال كان شغلهم خارج البيت زي ما انت عارف

الست هي ملكة البيت بمعنى الكلمة

حتى كلمتها ماشية عالكل حتى على بعض الازواح ( لايروح فكر البعض بعيد) ان الرجل ماله شخصية

لا هذه حدود متعارف عليها وهي الامرة الناهية في البيت ( بس ستات اول كلهن حكم وراي سديد)

وينكم بنات اليوووووووووووووووم

المكوى اول ماجاء االي يضعون بداخله فحم :-

http://www.reefnet.gov.sy/wiki/dmayrweb/images/mikwat%20fahm.JPG

بعده جاء الي يسخن عالدافووور:

http://www.houla.org/photos/ANTIQ/IMG_0460.jpg

الدافووور الي مايعرفه :

http://www.mekshat.com/pix/upload03/images103/mk23101_p1040897.jpg

الطباخه ام عين واحده وتعمل عالقاز:

http://up.arab-x.com/pic/1Um31599.jpg

وللحديث بقية

تشااااااااااااااااااااو ياعسل

[ألنشمي]

ايوااااااااااا


شفت يا ابو ايمن دي السياره ام دورين

بابا حكاني عنها

بس الله يسامحهم كانوا يخلوا الحريم فوق مع الغنم

منجد مأساه

لوانا عاااايشه داكالزمن كان انتحرت


تخيل يسافروا من ينبع لتبوووك
بدي السياره والغنم

ورجال وحريم

منجد شي يبكي

000
00
0
شوفي ست الكل

مش المسألة يضعون النساء مع الغنم

مو كله ايام زمااان وخاصة في البادية يعيشون وسط ( حلالهم ) غنم او جمال

وزين اذا ركبت المرأة مع غنم احسن ماتركب مع الرجاال ابتعاد عن الفتنة

او يضحكوون عليهن لاسيما وان البعض كان يدوووخ من السيارة

واستفراغ وحالته او حالتها صعبة اوي

والشي بالشي يذكر


شوفي نسيت انك اشرتي الى بعض النساء كن يتغطين من المذيع في التلفاز

شوفي هالحكاية صارت امامي

كنت ازور عائلة جاو من الديرة عند ولدهم

ودخلت اسلم عليهم ( كان صلة الرحم افضل بكثير من الان)

المهم فتح التلفزيووون وهالمذيع طالع

الا اشوف النساء يتغطين

عندها متنا من الضحك انا وولدهم رحمة الله عليهم ماتوا جميعا


لا وازيدك من الشعر بيت:

واحدة جاب لها زوجها سمك

قامت رمته في الزبالة

تفكره ( زي الي في الصورة )

http://www.mongabay.com/images/grandcanyon/0619_spiney_lizard_rock.jpg

والسلام

[zadi]

___________________


الله يعطيك الصحة والعافية يا أبو ايمن ,,, والله إضافة ولا أجمل من كدا ,,, بجد كان نفسي أشوف طباخة من زمان ,,, ذي إللي كانت تخرجني من البيت في عز الظهرية عشان اروح أجيبلها قاز ههههههههههههه

الحمد لله على كل حال ,,,

الله يردك بالسلامة يارب ,,,

[*amula_beauty*]

ياعيني ياعيني على خالي زادي زعمي ابو ايمن


منجد ما قصرتوووووو


قرأت كلامكم دحين

وبرجع اقرأو كدا مررررررررره


والله ما ينمل منوووو

بعد الصلاه ان شاء الله برجع وافصفصووو فصفصه


ربي يسعدكم

^_^


ليا رجعه

مع خالو زادي وابو ايمن مش حتقدر تغمض عينيك

^_^

[*amula_beauty*]

مسا الورد يا خالي العزيز ^_^


وبعد كدا لحقت السيارات المازدات لأنها كانت تعتبر الدلوعة في السبعينات من السيارت اليابانية , يعني موديل 1974 و 77 وبعدين جت موديل 1981 إللي يسمونها ( بنز الفقير ) لأنها شبه المرسيدس ومقاعدها مخمل فخمة وسقفها جلد , شي كانت كشخه ,,, وفيها كومبيوتر ماحد يعرفلوا ,,, وطبعاً مسكت الزمام تويوتا من 1980 بسيارتها الشهيرة كرسيدا 1980 ,,, طبعاً في منها من موديل 1977 وطالع ,,,

ياعيني عليك يا خاااال ... منجد شرح وافي لتاريخ السيارات

والاحلى من كدا انوو مدعم بالتواريخ

يا شيخ ربي يستر عليك ويوفقك فين مارحت

^_^




أشتراها لي بـ 330 ريال من باب شريف , وطلعنا بيها على مكة ,,, وكان يوم من أسعد أيام عمري ,,, لفيتبهاالحارة في إستعراض , زي الصعايدة لمن يمسكو الحسان ويلفو بيه في المناسبات كيف ؟؟؟ نفس الشي ,,

وي وي وي

والله غااااااااااااااااااليه

منجد غاليه

اذا بزمننا دا اشوفها غاليه

كيف زمان

منجد انتا مفتري ,,,, وعمك طيب والله ,,,^_^


وكنت والله ماتصدقي , أنومها معايا في البيت , خايف عليها تنصرق وأقعد ألطم أنا ونفس ماسوى أبو أيمن , لأنو دا كان فن ,,, دندشة وتلبيس وتقطيب وتنكيل ونسافات ولمبات ودعامة وبواري , شي شي , قسم بالله مصروفي كله يروح عليها ,,,

ههههههههههههههههههههههه

مصيرو ( فجر) يسويها .... وتتقلب الذكريات عندك

هههههههههههه

متخيلتك منومها معاك ,,,, والله مساكين عيال حارتكم كانوا بيعانوا منك ...



****************************** *******************

عــــــــــــُدنـــــــــا




كان عندها ( زير ) نشرب منو الموية ,,, أحلى موية ,,, لاهي باردة تكسر الأسنان ولاهي حارة ماتروي ,,, موية طعمة بمعنى الكلمة ,,,
ماكان عندها مكيف ,,,, مروحة السقف تلف ويلف الهوا معاها ,,, كنا ( نبل ) الشرشف بالموية ونلفه حوالين جسمنا ونعيش أحلى سنتر إير كونديشن


اول شي الله يرحم ستك ويغفرلها ويغمد روحها الجنه

تاني شي ياعزيزي

بالنسبه للزير الين دحين بابا حاط بغرفة المكتب زير

ونشرب منو من وقت للتاني ,,, على قولتك طعمو لزيز ,,, ما عمري حسيت للمويا طعم الا منو

^_^



كانت تشرب دخان , سجاير لف ,,, بورق ( البستاني ) أشتريلها علبة الدخان ماني فاكر قيمتها ,,, والدفتر بقرشين ,,, وتعمر الطاسة ,,, كتير من حريم أول كانو يشربو دخان , يعني ماهو موضة جديدة زي مايقولوا ,,,

يا خاااااااااال والله وانا كمان جدتي تشرب دخان
واخت جدي تشرب دخان

والكل دخنه على قولة اخويا

بس جيلنا ما يدخن ^_^


كان عند ستي شي إسمه ( الجزة ) ودي عبارة عن نصبة شاي صغيرة يكون فيها الفناجيل حقت الشاي والقهوة والبراريد الصغيرة وصحون التقديم والمعالق ( المعالق مو الملاعق !!! ) ,,,

لا يكون زي هدي اللي يحطوها اكتر شي بالافراح اللي الفناجين مع الكاسات

مدري يمكن

وبعدين تعال هيا ملاعق ولا معالق ؟؟؟؟؟؟؟؟؟؟؟؟

انا اقولها ملعقه ... بس كتير يقولولها معلقه

واحس كلها صح :)



وأنزل الحارة أكشخ بيها وأشتري بها بارد أو ( برجون ) إللي يسمونها أهل نجد ( الصقل ) ,,,

على بالك فهمت ؟؟؟؟؟؟؟؟؟؟

من حفره لدحديره وياقلبي لا تحزن

ايش يعني برجون؟؟؟؟


أرجوكم , ممكن تدعولها بالرحمة وإنتو صايمين ,,, الله يرحمها ويسكنها فسيح جناته ,,,


الله يرحمها ويغفرلها ويسكنها فسيح جناته


ربي يسعدك يا خال والله ما قصرت ^_^

[*amula_beauty*]

مسا الورد ياعمو النشمي ^_^



والزير المغربي الكبير في الحمام اللي يشيل ماء اكثر من عشر زفات


ايش يعني زفه ؟؟؟؟؟؟



وكان شايل الزفة يطلع للدور الثالث وكأنه البرق من خفته وقوته

اليوم الواحد ياخذ كيلوا بيده ويطلع لثاني دوور تجدونه يلهث من التعب


اي والله صااادق

شياب ايام زمان ممكن ييغلبوا شباب اليوم رغم فارق السن




لانهم كانوا يبخرون الزير والشراب بالمستكة

والله دقتو يا ابو ايمن

وانا اللي احسبو طعم الزير ,, اتاريها مستكه

!!!!!!!!!!!



وتبادل الاطباق بين الجيران سمة في رمضان

بالرغم من ان عادة تبادل الاطباق في غير رمضان مستمرة

الا انها في رمضان تتنوع


تصدق زماااااااااااااااااااااان ما احد ارسلنا صحن وزمااااااااااان ما ارسلنا لأحد

قهررررر والله

:(

**************************

ربي يسعدك يا ابو ايمن

امتعتنا ^_^

[*amula_beauty*]

عـــــــدنا مع الخال زادي ^_^


الحمام في بيتونا القديمة كنا نسميه ( بيت الما ) والبعض يقول ( بيت الراحة ) ,,, الترويش فيه بمغراف والغسيل فيه بمغراف ,,, يعني مافي دوش ولافيه بانيو ولاحتى مراية ,,,

سبحان الله ,,, منجد كانت اللغه العربيه لسا موجوده وقتها

طيب وكيف المرايات ؟؟؟؟؟

مررررررررره مافي ؟؟؟؟




طيب ما تعرف كيف كانوا العرايس عندكم يتجهزوا ؟؟؟؟؟؟؟



*************************


والله يا خال صراحه عندي اسئله كتيره

بس ما ينفع اسألك هيا ,,,, من باب الحياء ^_^



الله يسعدك دنيا وآخره يارب ^_^

[*amula_beauty*]

عــــدنا مع العم ابو ايمن ^_^



حتى كلمتها ماشية عالكل حتى على بعض الازواح ( لايروح فكر البعض بعيد) ان الرجل ماله شخصية

احلى شي لما تكون الام لها كلمتها بالبيت

مو دحين اللي البنات يمشوا كلامهم على امهم :(



****************************** **********


الله عليك يا ابو ايمن والله ما قصرت

منجد شرح رهيب مدعم بالصور ^_^


****************************** *




واحدة جاب لها زوجها سمك

قامت رمته في الزبالة



هههههههههههههههههه

والله ما تنلام ,,و ايش عرفها
^_^
ربي يسعدك ^_^

[قمر الغربية]

ذكرتوني بعريس الشباب الشيبة اللي أحبوا ( بابا ) من عهد العمالقة كل ما طفش نزل البلد وراس مندي ويشم ريحة حارة المظلوم ومدرسة الفلاح ويمر على باب مكة ويشتري الشابورة والشريك ويرجع كأنه راح المريخ ورجع ويجينا مبسووط
وعلى فكرة يخرج من العمل قال أذن يجيب الصغار وهو من جمبها عالبلد والسواق يكمل المشاوير
بس والله حياتهم كانت حلوة طول اليوم في الشارع يعني عندكم كيف طريقة القضاء على البسة
( امسكها من ذيلها وأرميها على واحد من الفوانيس ) .... شقاوة
والقضاء على الحشرات ( غراء فيران في السقف وتعال أتفرج اللي يصير )
وياسلام آخر الليل ( بنات الجيران في السطوح وياهرج ) .... وفي الأخير بنت الجيران مدرسة أختي وتقولها يابت انتي بنت هاداك اللي كنا نلعب معاه
( من جد حياتهم وناااااااااااااسه )
أما جيلنا جيل الرد سي ومجمع العرب والكباين وبدل الخمسة ريال 100 ريال لولد عمره 8 سنين
ومن السيارة السدريك لل بي ام وغيره وغيره

[zadi]

__________________


السلام عليكم ورحمة الله وبركاته ,,,

كيفك أمولة ,,, إن شاء الله بخير ,,,

نواصل الحديث :

__________

قبل كل شي سألتيني قبل كدا عن إللي كنت أقرأه في ذيك الأيام ,,,

ذيك الأيام كنت في المتوسط ,,, أنا بدأت معايا هواية القراءة من رابعة إبتدائي , والسبب كنا في سوريا ودخلت مكتبات هناك وشدني الكتب والقصص الخاصة بالصغار ,,, فأشتريت مجموعة منها , وعجبتني , ومن هنابدأت معايا الهواية ,,, تصوري في سنة خامسة إبتدائي كنت أقرأ مجلدات عنترة إبن شداد , وسيف بن ذي يزن , والأمير حمزة البهلوان , والزير سالم ,,, والله كانت فترة ممتعة في حياتي , وخاصة في رمضان ,,,
ولكل جيلنا إللي كان يحب القراءة و كان هناك قصص بوليسية إسمها ( المغامرون الخمسة ) ودي كانت في منتهى الروعة والجمال , مشوقة لأبعد الحدود , وهي عبارة عن قصص بوليسية مصرية بسيطة أبطالها مغامرون خمسة مع كلبهم , وهم : محب ـ عاطف ـ نوسة ـ تختخ ـ لوزة ـ والكلب إسمه زنجر ,,, كانت يعني إيش أقولك , كأنها باب الحارة في متابعة الشباب لها , أول ماينزل عدد جديد في السوق كان صاحب المكتبة صاحبي يحجزلي نسخة منها ,,, مؤلفها الكاتب محمود سالم ـ مصري الجنسية ـ رحمه الله ,,,
كمان كانت قصص ميكي وبطوط وميكي جيب وتان تان وقصص سلسلة العملاق وأبطالها سوبرمان والبرق والوطواط , الله عليها , قسم بالله كانت بالنسبة لنا في ذيك الأيام شي خيالي خرافي ,,, كبرت شوي في المتوسطة كنت أتابع مجلات ( سمر ) وهي عبارة عن قصص مصورة رائعة , لأنها بالصور الفوتغرافية , وكانت مشهورة جداً , لأنها رومانسية وأكشن , زي المدبلجات بس صور ,,,
وكان في أواخر ديك الأيام ظهرت سلسلة برضو مصرية إسمها ( الشياطين الـ 13 ) ودي كانت عبارة عن تجمع شباب من كل الدول العربية أذكر منهم ( قيس من السعودية ـ أحمد من مصر ـ فادي من لبنان ) والباقين نسيتهم ,,, دول كانت مغامراتهم البوليسية ضد المافيا والعصابات الدولية ,,, كان رئيسهم إسمه ( رقم صفر ) شخصية غامضة جداً وهو إللي كان يوجههم للإنتصارات , ويؤمن لهم كل مايحتاجونه من سيارات وسفر وتذاكر ,,, كانت عالم ثاني ,,,
وفي نفس الوقت كنت أقرأ الأدب العالمي , وبالذات الأدب الأوروبي والأمريكي والروسي ,,, أذكر بعض الروايات العالمية إللي قرأتها مثل : ذهب مع الريح ـ جين إير ـ الفرسان الثلاثة ـ أحدب نوتردام ـ قصة مدينتين ـ بركان فيزوف ـ هنيبعل ـ الإسكندر المقدوني ـ وغيرها كثير جداً لاتحضرني الآن ,,,
ومن كتاب الأدب العالمي أتذكر ـ فيكتور هوجو ـ شارل ديكنز ـ أجاثا كريستي ـ ونسيت الباقين , بس كثير ,,,
وطبعاً قرأت كثيراً للأدب العربي وبالذات المصري , لمصطفى لطفي المنفلوطي ( العبرات ـ النظرات ) ولإحسان عبد القدوس روايته الرائعة الجميلة , ولعميد الأدب العربي طه حسين , ولصاحب جائزة نوبل نجيب محفوظ وأخص بالذكر ( دنيا الله ) التي عملت ضجة كبرى وقتها وتم منعها ثم أصبحت في الأسواق الآن ,,, ولتوفيق الحكيم الذي كنت أحب القراءة له كثيراً ,,, وغيرهم كثير ممن لم تسعفني الذاكرة في إستحضارهم ,,,
إلى أنني في الفترة الأخيرة أصبحت أميل أكثر للكتب الدينية والتاريخية , فأنا أحب التاريخ جداً ,,,

________________

نجي هنا لبعض تساؤلاتك ,,,

بالنسبة لسعر البسكليت , فعلاً كانت غالية , بس كانت من أجود الأنواع , ولاتنسي إنو الصناعة أول أصلي مو زي دحين كلو صيني في صيني ماتوصلي البيت غير تلاقيها طاحت كفراتها وأتفككت مساميرها وحالتها صعبة ,,,

وفعلاً والله كنت أنوم البسكليت في البيت في الصالة وكمان أقفلها بقفل الدراجات :drr05_32: وفي الصباح ألبس وأروح بها المدرسة , وكان في المدرسة في الحوش مكان نحط فيه الدراجات لأنها كانت كثيرة ,,, كداااااااااااالك والله كانت ,,, |238|

الجزة , أسألي بابا أو ماما , أكيد يعرفوها , لأنه ماكان فيه بيت يخلى منها ,,, لأن جلست الحريم كانت قعادي على الأرض , وهذي الجزة قدام ست البيت إللي كانت تقعد تصب الشاي لضيوفها وتمده لهم , تلاقي في الجزة علبة السكر والفناجين وصحون الفناجين ,,, هي شكلها حلو بالمرة ,,, لقيتها بالصدفة في محل في جدة في سوق البوادي يبيعها أخذت وحدة وحطيتها منظر في البيت :236:

وبالنسبة للبرجون , دا كنا نلعب به لعبة شعبية , إسمها من إسمو ,,, على الأرض الترابية نحفر تلات حفر ونلعب , وهو عبارة عن كرة من الزجاج صغيرة قد الشوكلاتة الصغيرة أو الحلاوة اللوزية إذا كنت تعرفيها ,,, وفي وسطها شكل وردة أو شي كدا بالألوان ,,, ودي اللعبة فيها ربح وخسارة , ممكن أنزل ألعب ومعايا عشرين حبة أطلع ولاشي أو أكسب أكتر ,,, مو كأنها ربا ؟؟؟؟ الله أعلم !!!

وبالنسبة للملعقة , فهي بالفعل إسمها ملعقة , لكن كان الكثير من الناس مايقولون عليها غير ( معلقة ) هههههههههههه والله تحف ,,,

وفي شي إنتي سألتيه أبو ايمن , وهو عن الزفة ,,, عن إذنك أبو ايمن ,,, هذي الزفة عبارة عن تنكة ( ماتعرفي التنكة ؟؟؟ ) كانو العمال اليمنيين بالذات يشتغلون في توصيل الموية للبيوت عن طريق تنكتين مربوطة بسلسلة حديد مع عصاية ويشيلها العامل من الوسط على كتفه ويوصلها البيت وينكتها في براميل الموية أو الحنفيات إللي في الحمامات حقت البيوت ,,, لأنه الموية أول كانت شحيحة وكل حارة فيها ( بازان ) وهذا البازان عبارة عن ( بزبوز ) موية من العين يتناوبو عليه أهل الحارة , كل واحد يمد لي بلستيك من بيته لحد البازان ويستني دوره لحد ماجاره يخلص ويشبك اللي ,,, حياة كانت صعبة , وعلى صعوبتها لكنها كانت أحلى من العسل ,,, لأنها كانت حياة نظيفة , مافيها حسد ولا كره ولا بغضا ولا حقد ,,,

_______________

ألحين خلنا نروح المركاز ,,, سلام يا صايمين |238|

[*amula_beauty*]

مسا الورد غاليتي :

قمر الغربيه


ذكرتوني بعريس الشباب الشيبة اللي أحبوا ( بابا ) من عهد العمالقة كل ما طفش نزل البلد وراس مندي ويشم ريحة حارة المظلوم ومدرسة الفلاح ويمر على باب مكة ويشتري الشابورة والشريك ويرجع كأنه راح المريخ ورجع ويجينا مبسووط


يارب يخليه لكم ويحميه ولا يحرمكم منه ^_^


وياسلام آخر الليل ( بنات الجيران في السطوح وياهرج ) .... وفي الأخير بنت الجيران مدرسة أختي وتقولها يابت انتي بنت هاداك اللي كنا نلعب معاه
( من جد حياتهم وناااااااااااااسه )


زمان بنات الجيران كانو اخوات واهل بالمرررررره

مو دحين يدورا لبعض الفضايح


الله المستعان

اشكرك غاليتي ع المرور

ربي يسعدك

^_^

[*amula_beauty*]

السلام عليكم ورحمة الله وبركاته ,,,

كيفك أمولة ,,, إن شاء الله بخير ,,,


وعليكم السلام ورحمة الله وبركاته


مسا الورد يا خال^_^


الحمدلله انا بخير ونعمه ^_^ ربي يسعدك




ذيك الأيام كنت في المتوسط ,,, أنا بدأت معايا هواية القراءة من رابعة إبتدائي , والسبب كنا في سوريا ودخلت مكتبات هناك وشدني الكتب والقصص الخاصة بالصغار ,,, فأشتريت مجموعة منها , وعجبتني , ومن هنابدأت معايا الهواية ,,, تصوري في سنة خامسة إبتدائي كنت أقرأ مجلدات عنترة إبن شداد , وسيف بن ذي يزن , والأمير حمزة البهلوان , والزير سالم ,,, والله كانت فترة ممتعة في حياتي , وخاصة في رمضان ,,,


ماشاء الله تبارك الرحمن

شفتوا انكم عباقره لا اله الا الله

الكتب هدي سابقه سنك ماشاء الله

^_^



ولكل جيلنا إللي كان يحب القراءة و كان هناك قصص بوليسية إسمها ( المغامرون الخمسة ) ودي كانت في منتهى الروعة والجمال , مشوقة لأبعد الحدود , وهي عبارة عن قصص بوليسية مصرية بسيطة أبطالها مغامرون خمسة مع كلبهم , وهم : محب ـ عاطف ـ نوسة ـ تختخ ـ لوزة ـ والكلب إسمه زنجر ,,, كانت يعني إيش أقولك ,


ماشاء الله عليك يا خال

فاكرها؟؟

والله هدا النوع من القصص شي عجيب

وبعدين حلوه حكاية انو صاحب المكتبه يحجز لك نسخه

كان فيه اقبال ع القراءة ايامها

منجد زمن يتوزن بالدهب




كمان كانت قصص ميكي وبطوط وميكي جيب وتان تان وقصص سلسلة العملاق وأبطالها سوبرمان والبرق والوطواط , الله عليها , قسم بالله كانت بالنسبة لنا في ذيك الأيام شي خيالي خرافي ,,,

هدي تخصصي ^_^

الين دحين ماتفقد جمالها


وفي نفس الوقت كنت أقرأ الأدب العالمي , وبالذات الأدب الأوروبي والأمريكي والروسي ,,




برضك تقووول الروسسسسسسسسسسسسسسسسي :218:




الجزة , أسألي بابا أو ماما , أكيد يعرفوها , لأنه ماكان فيه بيت يخلى منها ,,,


اكيد حسأل عنها ^_^


وبالنسبة للبرجون , دا كنا نلعب به لعبة شعبية , إسمها من إسمو ,,, على الأرض الترابية نحفر تلات حفر ونلعب , وهو عبارة عن كرة من الزجاج صغيرة قد الشوكلاتة الصغيرة أو الحلاوة اللوزية إذا كنت تعرفيها ,,, وفي وسطها شكل وردة أو شي كدا بالألوان ,,, ودي اللعبة فيها ربح وخسارة , ممكن أنزل ألعب ومعايا عشرين حبة أطلع ولاشي أو أكسب أكتر ,,, مو كأنها ربا ؟؟؟؟ الله أعلم !!!


اهاااااااااااااااااااااااااااا اااااااااااااااااا


عرفتها

كان قلتلي ( البرجــونـا )

كدا اعرفها ^_^

حلوه لونها فستقي على اخضر فااااااااتح

افتكر زمان كانوا البزوره يحطوها بفمهم وينخنقوا :drr05_47:

خطيره هدي يا خال

وبعدين من جد شكلو زي القمار

دحين افتكر صوتها وهيا تطقطق ببعض ^_^


ربي يسعدك على هدي الدرر اللي قاعد تكتبها هنا

منجد احلى الذكريات

وانا مرررررررررره مبسوووووووووووطه

والود ودي يستمر الكلام بكل شي

بالله كل ما تفتكر شي قول ^_^

ربي يسعدك

^^

حروح للمركاز

[اختكم الكبيره]

متاااااابعه معاااااااااااااكم

الله يعطيكم الف عااااااااافيه

امووووووله انتى روووعه بصراااحه

[ابوفهد]

السلام عليكم ورحمة الله وبركاته
ما شاء الله تبارك الرحمن على هالنخبة المتميزة من العتاق
صراحة كنت أتمنى أشارك معكم لكن للأسف الشديد الذاكرة ما تساعد :drr05_91:
وغير كذا فشيله كيف يكون شكلي عند هالفطاحلة ما شاء الله تبارك الله
إلا أنني من المتابعة شفت أن هناك طاري للسيكل أيام زمان
فتذكرت أن عندي صورة لي مع الروز رايز الخاصة بي في ذلك الزمان
فقمت بالبحث عنها والحمد لله وجدتها ويسرني أن أعرضها ليعرفها من لا يعرفها
وإن كانت غير واضحة المعالم إلا أن شكلي معاها تحفه
إليكم الصورة وبلاشي فضائح وتعليقات :200:
وللعلم الصورة أخذت بتاريخ 12/8/1390هـ :216:

http://www.dorarr.ws/forum/uploaded/3/12-8-1390.jpg

وللعلم أيضا الصورة ستبقي هنا لمدة 24 ساعة فقط
دمتم بخير

[zadi]

____________________


ههههههههههههههههههههه


طبق الأصل ياعمدة من دراجتي الأربع والعشرين ,,,

بس ماشاء الله عليك مرتب كنت , يعني توب وشبشب أكرمك الله !!!

دا الشارع والدراتجة ماكانت تحلى غير ( حاااااااااااافي ) وإذا شفت الحافي قل ياكاااااااااااافي :drr05_17:

ورمضان يجمعنا على قولة الإم بي سي :236:

[((كــــــــادي))]

تم حفظ الصورة يابو فهد:drr05_17:

[» رَحيْـقّ "]

ههههههههه رهيــب يآالعمـده http://img154.imageshack.us/img154/2065/96266500.gif
/

أمتعتمونـــآ جميعاً ^^

[*amula_beauty*]

اتشرفت بمرورك اختنا الكبيره

^_^

منوره حبيبتي

ربي يسعدك وترا خجلتيني

^_^

[*amula_beauty*]

وعليكم السلام ورحمة الله وبركاته


يا حيااا الله عمدتنا وعمدة الكل


نور المكان يا ابو فهد

^_^


والله انبسطت بجيتك


ياعيني ع الصوره يا عمدتنا

والله اني مبسووووطه انها انحطت هنا برايفت ^_^

واكسكلوسف

ياعيني عليك يا عمدتنا

والله ما كنت اتوقع فيه كميرات وقتها


اشكرك على الصوره وع المشاركه الحلوووه

وخساااااره راح تفوت ابو ايمن

يارب يدخل ويشوفها

^_^


ربي يسعدك

[صدق الوفاء]

انتي يا بنت يا اموووله

ايش هذا فاتحه رباط خيري هنا وأنا ما ادري :drr05_17:

بسم الله ماشاء الله مثلث برمودا

والحمد لله انه نواشف بيك مو هنا وإلا كان قلبها برحة القزاز وشارع قابل ايام عزها :drr05_22:

شارع قابل = على الأيام هذي عزيز مول + رد سي مول + الراشد مول + كل المولات ما تجي وحده من لياليه :150:


تعالي هنا اقول لك حاجه :216:

الله يسعدك مبدعة في الإنتقاء والطرح والمناحلة


فاكس للعمدة/

من يومك عمدة يخزي العين ,, التكوه على الطاره تعب مرررررره :drr05_22:



متاااابع

الله يعطيكم طولة العمر وبركة الرزق والعمل

صدق الوفاء

[*amula_beauty*]

مسا الورد لأخي العزيز :


صدق الوفا


شارع قابل = على الأيام هذي عزيز مول + رد سي مول + الراشد مول + كل المولات ما تجي وحده من لياليه


اهه عرفت منك شارع قابل ,,,, بمكه مو ؟؟؟؟


والله مرورك اسعدني بالمره

وانتا واحد من الناس اللي لما اشوفهم بمواضيعي انبسط واحس ان الموضوع حلو ^_^

اشكرك من قلبي ع المرور

ربي يسعدك

وصدقني الموضوع ما كان له طعم بدون وجود الخال العزيز زادي وابوايمن وعمدتنا العزيز ^_^

ربي يسعدهم

[zadi]

____________


أمول , شارع قابل من أشهر الشوارع القديمة في جدة ,,, ومن أشهر الأسواق القديمة في جدة ,,, يقابله في مكة أسواق المدعى وسوق الليل والشامية وشارع عبد الله الفيصل والغزة ,,,

للتصحيح : )

[*amula_beauty*]

يا حليلك يـاخال

اغلط يا اخويا ماعليك


تمــون

****************************



أمول , شارع قابل من أشهر الشوارع القديمة في جدة ,,, ومن أشهر الأسواق القديمة في جدة ,,, يقابله في مكة أسواق المدعى وسوق الليل والشامية وشارع عبد الله الفيصل والغزة ,,,

للتصحيح : )


مشكــور ع التصحيح

مع اني اول مره اسمع فيه

دايمآ اسمع من جدتي حاره وحده

( قويزه) وبس

نفسي اشوفها

يقولوا زمان كانت جدتي ساكنتها

بس دحين صار كووولها بنقاليه

************************

على فكره كفشتك وانتا غلطان غلطه مطبعيه

^_^

[zadi]

______________


ماتدقيش : ) هههههههههههههههه

كنت أحاول أنزل صور من بريدي لقيتها مرا حلوة , بس المحاولة فشلت فشلاً ذريعاً بسبب الجهل المستفحل في عمليات سحب الصور إللي مو راضية تدخل دماغي ولا حتى على قولهم بالطبل البلدي :236:

_____________


إللي أعرفه إنو قويزة مو من الحارات القديمة المشهورة في جدة ,,, لأنها خارج حدود جدة القديمة ,,, وألله ورسوله أعلم : )

[*amula_beauty*]

كنت أحاول أنزل صور من بريدي لقيتها مرا حلوة , بس المحاولة فشلت فشلاً ذريعاً بسبب الجهل المستفحل في عمليات سحب الصور إللي مو راضية تدخل دماغي ولا حتى على قولهم بالطبل البلدي


لو تبغى مساعده يا خال

مايردك الا لسااانك ^_^



إللي أعرفه إنو قويزة مو من الحارات القديمة المشهورة في جدة ,,, لأنها خارج حدود جدة القديمة ,,, وألله ورسوله أعلم : )


والله ما ادري يا خال

ترانا زيكم انتو جيتو من زمان لجده من الباحه واحنا من ينبع :drr05_19:

[نسمة رضا]

اقولكم حتى حنا لنا ذكريات مب بس هالشيبان..

وترى ماضينا ماهو بعيد عن ماضيكــم..

طيب بقولكم شي ابي اشوف كنتم تسوونه او لا

كنا زمان اذا نجح الواحد فينا بالمدرسة

يشتري صندوق بيبسي ويوزعه تعبيرا عن الفرحه

هيااااا قولولي كنتم تسوون مثلنا

:( ياخوفي تطلعون ديناصورات وتقولون ماكان عندكم بيبسي زمان

[zadi]

________________


نسمة , مسا الخير ,,, خذي العلم من أول ديناصور على وجه الكرة الأرضية ولساعه عايش :drr05_41:

صح , كنا نوزع بيبسي على عيال الحارة ,,, ودا كان تقليد حلو ,,, أنتهى للأسف ,,,

والأجمل من البيبسي ,,, كنا نسوي شي إسمو ( قهوة حلوة ) إللي هيه يسمونها البعض ( قهوة ملوزة ) أو قهوة اللوز , لأنها باللوز الحجازي أو البجلي ,,,

ودي لليوم أمي الله يطول في عمرها لازم تسويها لمن تنتهي الإختبارات وعيالي وعيال أختي ينجحو ,,, ولها يوم مخصوص نجتمع فيه ونشربها ,,,

مزمزي ميرندا يانسمة :236:

[نسمة رضا]

طيب اسمع بما انك مكاوي

مره سمعت من زميله لنا تقول انه زمان في مكه وقت الحج كل الرجال يطلعو منها ويبقى الحريم بس

ومافهمت منها ليش وكيف..

فــ عمو حبــاب ( من حبابه )

احكيلي هي

[zadi]

________________


هذي أيام الحج , لأنه الله يسلمك كان الرجال في مكة كلهم يشتغلوا في الحج مع الحجاج ,,, فيطلعوا معاهم منى ثم عرفة ثم مزدلفة ثم منى لثلاثة ايام ,,, فمكة تفضى فعلاً من الرجال , وكانو يسمونها ( أيام الخليف ) وكانت المحلات تقفل لأنه البياعين في عرفة ومنى , فكنا صغار نشتري العيش والمونة حقت الأيام دي من بدري لأنه بعد كدا ماتلاقي أحد باسط ,,,

,كانت أحلى أيام ,,, لأننا كنا ننزل مع الحريم حقين الحارة كلهم , يوم العيد ننزل الحرم ونلعب وهم يصلوا العيد ونفرح مرااااااا باليوم دا ,,,

[نسمة رضا]

:)

:)


والله روعه مدينة كاملها مافيها رجال وناااسه

[*amula_beauty*]

هههههههههههههههههههههههههه

تجنني يا نسمه


تجنني

ههههههههههههه

انا والله ما لحقت ايام التوزيع حقة البيبسي

اذا نجحنا كان بابا يودينا لمحل اسمو ( قطار الالعاب هنا بالمدينه)

الله يازمن بس


وحلوووه دي عجبتك انو مدينه مافيها رجال

بالعكس

مو حلوه :(

[*amula_beauty*]

يشاهد الموضوع حاليآ



‏*amula_beauty*, ‏صدق الوفاء, ‏عاشق البيت, ‏zadi, ‏نسمة رضا


قسم بالله خجلت :228:

[zadi]

_____________


ليه ؟

[*amula_beauty*]

ليه ؟


لاتزغر يا خااااااااااال

[صدق الوفاء]

افاااااااااا

ليه يا اختي بالعكس ونااااسه


كبيرهم فلفل وصغيرهم زنجبيل واللي في الكوفلة يقول من العايدين

هي حليها يا فهيمه خخخخخخخخخخخخ

.............................. .............................. ..........

ازيد من الشعر بيت يا نسمة

لحد الأن يوم عرفه هذا الحرم يكون شبه محتل من الحريم وين تلاقي راجل في الحرم

كله سواد في سواد

والرجال حتى اللي ما حج تلاقيه طلع عرفة يتصدق وإلا يساعد وإلا يدور على رزقه

[نسمة رضا]

اذا نجحنا كان بابا يودينا لمحل اسمو ( قطار الالعاب هنا بالمدينه)

هذا انتم اولاد المدن .. حنا طول عمرنا عايشين بديرتنا صغيره وماعندنا سوالفكم
بس حكاية البيبسي اعتقد وصلتنا يا من مكة او الطائف



انا والله ما لحقت ايام التوزيع حقة البيبسي
تراني مب عجوز ولا ديناصوره بس لازلنا محافظين على العادات القديمة

[نسمة رضا]

ازيد من الشعر بيت يا نسمة

لحد الأن يوم عرفه هذا الحرم يكون شبه محتل من الحريم وين تلاقي راجل في الحرم

كله سواد في سواد

والرجال حتى اللي ما حج تلاقيه طلع عرفة يتصدق وإلا يساعد وإلا يدور على رزقه

وربي وناسه.. اشوف الحريم متمسكين في مكة اتاريهم يتنفسون الصعداء ايام الحج :)

[نسمة رضا]

اموله ...!!

وش يعني تزغــر ...؟؟

[صدق الوفاء]

شارع قابل هذا يا اموووله

اللي بدات فيه مطلع اغنية توحه <<اشر لي بالمنديل >>

ما كان فيه كيلينكس ولا فاين كل واحد في جيبه خرقه يسمونها منديل

وحركات لأنه على ايامهم ما كان فيه بلوتوووث خخخخخخخخخخخخخخ

[صدق الوفاء]

اقول لك يا خال مشينا المركاااز هناك

لا نبوز الموضوع

وخلينانشوف هرجة السر اللي البارح قبل ما تجي اللي على بالك اهي اهي اهي اهي خخخخخخخخخخخخخ

اموله ربي يسعدك واعتذر عن الهظرة الزايده هووون

سلمنتري

[*amula_beauty*]

منورين والله


صدق الوفا كل ما اشوفك متكي اقول بقلبي ( والله دا الرجال يقرا الموضوع بقلب , الله يستر بس

لا يهاجمني برشاش ولا شي ,, عواديووو مفتري )


والله منوووووووووور ^_^
****************************** ******


عزيزتي :

نسمة رضا

ياقلبي تزغر يعني ( يبحلق فيا وهوا مفنجل عيونو :179: )


^_^

[*amula_beauty*]

شارع قابل هذا يا اموووله

اللي بدات فيه مطلع اغنية توحه <<اشر لي بالمنديل >>

ما كان فيه كيلينكس ولا فاين كل واحد في جيبه خرقه يسمونها منديل

وحركات لأنه على ايامهم ما كان فيه بلوتوووث خخخخخخخخخخخخخخ
__________________


صدق الوفاااا

منجدك؟؟؟

لا يكون قصدك ( اشرلي بالمنديل ياهوووو,, وقال انا مااااشي ,, فسستان كحلي طويل ,,ياسيدي)


:236:

[ألنشمي]

000
00
0

ابو فهد

زادي

امووولة

وكل من شارك في

رحلة الماضي مع العمالقة

افتقدناكم؟؟ ولرحلة الماضي بقية ....1

تحياتي

[ألنشمي]

000
00
0


ايام زماااان


وذكريات :


طحن الدقيق عالرحى
http://esyria.sy/sites/images/daraa/community/085596_2009_01_14_14_31_57.ima ge3.jpg
7
7
7
http://esyria.sy/sites/images/daraa/community/085596_2009_01_14_14_31_57.jpg



في كل بيت او معظم البيوت يوجد حجر الرحى


ويتم طحن القمح بيد خشبية في الحجر الاعلى


وهناك ثقب في الحجر الاعلى يتم وضع الحبوب


للطحن


وباحتكاك الحجر الاعلى المتحرك


والثاني ثابت يتم اخراج الدقيق من الاطراف ناعم


وجاهز



تحياتي

[ألنشمي]

000
00
0


ومن الماضي



1- نجر


http://algale2007.jeeran.com/نجر.jpg


2-قدر فخار


يطبخ فيه جميع الاكلات


والذ طبخ فيه


http://algale2007.jeeran.com/قدر%20فخار.jpg



http://www.up.al7nan.com/get-4-2009-al7nan.comcwbw3fcr.bmp



3- مصنوع من الخشب ويقدم فيه الطعام مثل الصحن اليوم


http://algale2007.jeeran.com/حكره.jpg


4- سفرة الطعام
http://alhomran.net/images/IMG_1272.JPG



تحياتي