()( سِـتـّـي )()

[جف البحر]

مساء الططلي والسحلب بالجمبري

هدا الموضوع برعاية جبنة البهيمة الضاحكة

نخش على طول في الموضوع ..

يعني دغري

يعني الزبدة

يعني الكدادة


ستي طبعا كلمة عامية مأخوذة عن كلمة (سيدتي)

وهو الاسم الذي يطلقه اهل الحجاز على جدتهم (والدة الأم)

طبعا الحريم العواجيز هدوله عليهم تأويل في الكلمات بعضها يضحكني ..

او بعض ردود الفعل لموقف معين ..

انا حأضيف بعض التآويل حقت ستي وكل واحد يخش يحاول يضفلنا شي..



شجرة = سجرة

مايونيز = ماييز

كاتشب = كييشب

أرامكو = أرانكو

عزرائيل = إزراعين



أغرب التصرفات :

* عندما تعدي من تحت كوبري وهيه جوة السيارة ترخي راسها

خخخخخخخخخخخخ


في انتظاركم


جف..!

[سارونه]

http://up1.m5zn.com/photo/2009/2/11/06/vkm05e9bw.gif/gif

البهيمة
الشرهة والله مو عليك

صح رانكو !! يقولونها

باكستاني = سكتاني
سلحفاة = سحلبة


ياكثرها
بس نسيت لما جيت اكتب من رعاية البهيمة اللي ماادري وين :drr05_17:
اقصد اللي رعت الموضوع


نشف .. !! :150:

[To0ofy]

كمبيوتر = كمبتوتر

لعبه = لعبيبه

دكتوره = دختوره

دفتر = تفتر

لبن = بخه<<<<<<< لما افتكرها :268:

يعني ايش جاب لجاب مافي اي تشابه

[وردة وردية]

جف البحر

الله يحفظ ستي الغالية

انا جدتي يا دوووووووب تسمع لذلك ما اسمعها تتكلم

يعني ما تحضرني اي كلمة

[zadi]

________________


مساء الططلي والسحلب بالجمبري

بيئة معليش لاتاخدو عليه ,,, :236:

نخش على طول في الموضوع ..

أحسن :drr05_17:

يعني دغري

ماقلنالك خش بلا مناحلة

يعني الزبدة

أووووووووووووو :249:

يعني الكدادة

يااااااااااااكلك :150:

ستي طبعا كلمة عامية مأخوذة عن كلمة (سيدتي)

إعتراض , مين قال كدا ؟ إنتا تألف من راصك ؟ ستي كلمة عامية نقولها للست الكبيرة أو حتى الصغيرة من باب الدلع , وجرى العرف , لاحظ العرف على إنها تخص أم الأم ,,, مالها أي دخل في ( سيدتي ) بلا سيدتي بلا سيدي , شكلك تشوف مجلات كتير ,,, أحضرنا يا أخ ثاااااامر وأفتينا يامولانا :drr05_17:

وهو الاسم الذي يطلقه اهل الحجاز على جدتهم (والدة الأم)

وضحناها فوق و أكيد يعني مو في نجد ولا تبوك ولا الطايف ,,, يدبحوك لو قلت كدا ؟؟؟

طبعا الحريم العواجيز هدوله عليهم تأويل في الكلمات بعضها يضحكني ..

مو هم إللي أولو الأسماء أو شكلوها ,,, المجتمع القديم بكامله , أنا أتذكر جيراننا في الحارة في مكة , جاوات من أهل مكة المبلدين ,,, دول كان كل واحد منهم عنده إسم غير إسمو , يعني عبد الله ( دله ) عديلة ( دولا ) وزي كدا وإنتا رايح :236:

او بعض ردود الفعل لموقف معين ..

في دي صح , كنا زمان نسمي بعض على حسب المواقف إللي حصلت أو بتحصل ,,,

انا حأضيف بعض التآويل حقت ستي وكل واحد يخش يحاول يضفلنا شي..

شجرة = سجرة

مايونيز = ماييز

كاتشب = كييشب

أرامكو = أرانكو

عزرائيل = إزراعين

وخود عندك ,,, ( سخام البرك ) الله يرحمها ستي لمن كانت تتكلم عن واحد ونسيت إسمو أو زعلانة منو عشان ( فشخلها ) ريالين من حق المقاضي أو سيجارة من بكتها ( حزرتونا ) :drr05_22:

أغرب التصرفات :

* عندما تعدي من تحت كوبري وهيه جوة السيارة ترخي راسها

خخخخخخخخخخخخ

خخخخخخخخخخخخخخخخخ , قديمة !!!

في انتظاركم

ماراح تلاقي أحد غيرك وغيري معتقين ولساعهم يتكلمو عن ستي وستك الله يرحمهم ,,, ( يواد ) خليك مطور زي زيت سبيشل ,,, العالم دحين ( تيتا ) و( نينا ) وإنتا لساعك في ستي :218:

جف..!

زادي:drr05_89:

[DANiA]

انا أقولها ستو ..
حتى خالو
مدري ليه انا كدا :d

دانيا = جنا
كزبرة = كبزرة

نسيت البقية., راجعة اذا افتكرت..

[To0ofy]

الولاعه = زند

برضو ايش جاب لجاب

[جف البحر]

http://up1.m5zn.com/photo/2009/2/11/06/vkm05e9bw.gif/gif

البهيمة
الشرهة والله مو عليك

صح رانكو !! يقولونها

باكستاني = سكتاني
سلحفاة = سحلبة


ياكثرها
بس نسيت لما جيت اكتب من رعاية البهيمة اللي ماادري وين :drr05_17:
اقصد اللي رعت الموضوع


نشف .. !! :150:




اهبل وسهلا شارونه نتن ياهو

نقي اي شي في اللي فوق يلبقلك :drr05_22:

بس السحلبة دي فين درسوها !!

ولا فين شافوها

يعني عادي تتفرج السحالب النينجا :drr05_32:

يسلمو شرشورة

وربي يخليلك ستك


جف..!

[جف البحر]

كمبيوتر = كمبتوتر

لعبه = لعبيبه

دكتوره = دختوره

دفتر = تفتر

لبن = بخه<<<<<<< لما افتكرها :268:

يعني ايش جاب لجاب مافي اي تشابه



كولللو كوم وبخه كوووم :drr05_19:

يعني تمر وبخه

ولا صبيلي بخة يابنت

وييييييي

مشكلة والله

ربي يحفظلكم هيه يارب

منورة تفتف


جف..!

[جف البحر]

جف البحر

الله يحفظ ستي الغالية

انا جدتي يا دوووووووب تسمع لذلك ما اسمعها تتكلم

يعني ما تحضرني اي كلمة

اهلين ورده

الله يشفيلكم هيه يارب

ويخليلكم هيه

توافيق ياستي


جف..!

[جف البحر]

________________


مساء الططلي والسحلب بالجمبري

بيئة معليش لاتاخدو عليه ,,, :236:

نخش على طول في الموضوع ..

أحسن :drr05_17:

يعني دغري

ماقلنالك خش بلا مناحلة

يعني الزبدة

أووووووووووووو :249:

يعني الكدادة

يااااااااااااكلك :150:

ستي طبعا كلمة عامية مأخوذة عن كلمة (سيدتي)

إعتراض , مين قال كدا ؟ إنتا تألف من راصك ؟ ستي كلمة عامية نقولها للست الكبيرة أو حتى الصغيرة من باب الدلع , وجرى العرف , لاحظ العرف على إنها تخص أم الأم ,,, مالها أي دخل في ( سيدتي ) بلا سيدتي بلا سيدي , شكلك تشوف مجلات كتير ,,, أحضرنا يا أخ ثاااااامر وأفتينا يامولانا :drr05_17:

وهو الاسم الذي يطلقه اهل الحجاز على جدتهم (والدة الأم)

وضحناها فوق و أكيد يعني مو في نجد ولا تبوك ولا الطايف ,,, يدبحوك لو قلت كدا ؟؟؟

طبعا الحريم العواجيز هدوله عليهم تأويل في الكلمات بعضها يضحكني ..

مو هم إللي أولو الأسماء أو شكلوها ,,, المجتمع القديم بكامله , أنا أتذكر جيراننا في الحارة في مكة , جاوات من أهل مكة المبلدين ,,, دول كان كل واحد منهم عنده إسم غير إسمو , يعني عبد الله ( دله ) عديلة ( دولا ) وزي كدا وإنتا رايح :236:

او بعض ردود الفعل لموقف معين ..

في دي صح , كنا زمان نسمي بعض على حسب المواقف إللي حصلت أو بتحصل ,,,

انا حأضيف بعض التآويل حقت ستي وكل واحد يخش يحاول يضفلنا شي..

شجرة = سجرة

مايونيز = ماييز

كاتشب = كييشب

أرامكو = أرانكو

عزرائيل = إزراعين

وخود عندك ,,, ( سخام البرك ) الله يرحمها ستي لمن كانت تتكلم عن واحد ونسيت إسمو أو زعلانة منو عشان ( فشخلها ) ريالين من حق المقاضي أو سيجارة من بكتها ( حزرتونا ) :drr05_22:

أغرب التصرفات :

* عندما تعدي من تحت كوبري وهيه جوة السيارة ترخي راسها

خخخخخخخخخخخخ

خخخخخخخخخخخخخخخخخ , قديمة !!!

في انتظاركم

ماراح تلاقي أحد غيرك وغيري معتقين ولساعهم يتكلمو عن ستي وستك الله يرحمهم ,,, ( يواد ) خليك مطور زي زيت سبيشل ,,, العالم دحين ( تيتا ) و( نينا ) وإنتا لساعك في ستي :218:

جف..!

زادي:drr05_89:



يييييه

جينا في الفلاسفة

ياعمي انا ابصملك بالعشرة انك حجازي

بس انته ايش عرفك في الاشياء دي

انته اصلا غامدي

وكنت تبغى تصير حجازي

بس ما اتوفقت

اصلا هيا من سيدتي

وستيته اللي هيه الاخت الكبيرة برضو من السيدة الصغيرة

وهادي كلها مأخوذة من التركية <<< هادي تأليف ميه بالميه

وبعدين مين تامر عشان تستشهد بيه

ثامر ينادي جدته "يابنت"

ولا يناديها "هيه انتي"

ثامر بني ادم زبالة وبدون غطا كمان


منور يا سخام البرك انته

وانا متأكد انه مع اختلاف الثقافات الا انه الابداع العواجيزي موجود

منور يا زادي زبادي


جف..!

[جف البحر]

انا أقولها ستو ..
حتى خالو
مدري ليه انا كدا :d

دانيا = جنا
كزبرة = كبزرة

نسيت البقية., راجعة اذا افتكرت..

دانيا

هادي مشكلتك الشخصية

بس كبزرة دا شي ولا في الخيال :drr05_17:

يعني لو اروح الحلقة اقولهم ادوني كبزرة راح يدوني بالشبشب


منورة


جف..!

[جف البحر]

الولاعه = زند

برضو ايش جاب لجاب

لا تفتف

في دي معاها حق

هدا مسمى تاني مو كلجة

يعني زي اللي يقلك حبحب او بطيخ او جح

الولاعة يقولوها زند

مو الزند اللي تشوفيه في المراية لا يختي

زند من القدح <<< خشي في عبي من اوسع ابوابه لو فهمتي ايش يعني


منورة تفتوفة


جف..!

[To0ofy]

كولللو كوم وبخه كوووم :drr05_19:

يعني تمر وبخه

ولا صبيلي بخة يابنت

وييييييي

مشكلة والله

ربي يحفظلكم هيه يارب

منورة تفتف


جف..!


:268:

عارف متى تقول ستي الله يطول بعمرها بخه

لما زماااان قبل عشرمية طعشر سنة

لما كنت نونو احبي

تجي تشربني لبن

تدلعه بخه عشان اشرب<<< لاحظ تدلعه:268:

بس اخويه غير الدلع من لبن = الى ببن واسمع انواع التحريف من احفادها:drr05_19:

الا انا اصيله ومحتفظه بالبخه:220:

[عمتووووووو]

سلااااام
الله يرحمك ياستي دا كانت أيامك أيام العز:drr05_47:
ايام كانت تطبق الفولوس جوة منديل وتطبق المنديل وتخشووو في المخبأ السري المكهرب خخخخخخ:220:

افتكرلك كم كلمه كدا
الملعقه = المعلقة
الزرفونه = الترباس
النمل = الضر
غيري القناة = ديري<<< مثال :(ديري يابت على جده خلينا نشوف ايش في) طبعا المقصود بجده هي القناه السعودية الاولى
علبة الألوان = تشاكيل <<<< هادي مررره مدري ايش جاب لجااااب:139:
اطبع الباب طبعتين = اقفل الباب بالمفتاح مرتين
علبة = حق <<< بضم الحاء وتسكين القاف
كيس = زنبيل <<< والله ناااس فلله:262:

جف شكرا عالجو المعتق دا


عمتووووووو

[أرسطوالعرب]

وبعدين مين تامر عشان تستشهد بيه

ثامر ينادي جدته "يابنت"

ولا يناديها "هيه انتي"

ثامر بني ادم زبالة وبدون غطا كمان



الحين أنا آخر الزمن أطلع زبالة وبدون غطا...

إنت يا سيكل أبو ثلاث ......<=== اتحدى أحد يكمل الفراغ الصحيح

يا عم أنا أقول لجدتي الله يرحمها ( جدة) أو ( أم أحمد ) ولمن أكون فايق وابغى اتغزل أناديها ( يا ريحة الجنة )

ستي ما نقولها أصلاً لو أناديها ستي تطالع وراها تدور

أنا يعتبروني إنسان حداثي ومستشرق عشان أنادي أمي وأبوي

المفروض أقول ( يُمه ) ( يبه )

بس لأني اتربيت في حارة كلها حضر وشوام طلعت معايا أمي وأبويا

بس السجرة دي

كلجة ماسكة مع أمي

عمرها ما قالتها إلا وحشيتها ...

وشوف الزمن دوار

عابد ولدي يقول ( سجرة )

وصارت أمي اللي تلقطني بالمحشات ( يا تربية جدة )

إلا صحيح

إيش فيها تربية جدة ...؟:drr05_52:

[zadi]

_______________


ثاااامر , شايفك أون لاين , تعال ياقلبي هنا شوي , خلينا نفرغ شحنات الحش في بعض ,,, :249:

قبل كم يوم بحاول في ولدي الصغير فجر أعلمو ( يبا ) و ( يما ) :236:,,, طبعاً أول مين أستغرب قبلو هي أمو ,,, إيش هوه دا يمه ؟؟؟ تحسبو لبن مراعي جديد نزل السوق قبل رمضان ,,, :228:

ماعلينا , قلت ياولد لازم ترجع لأصلك بلا بابا بلا ماما ,,, :drr05_19:

وأقعد أفهم في الواد ساعة إنو ينطقها زي الناس مافي فايدة :249:,,, أخر شي سخط عليه هوه على أبوه على أمو وقلت جيل فاشل حق ممتي وبابتي و( هوت دوق ) مع إنو إسمها الأصلي سجق أو سجك كلها واحد ,,, :drr05_17:

لاتروح لساع الهرجة ماخلصت ,,,

المصريين يقولو للسجك ( سجوء ) بالجيم المصرية المدلعة وتلوي فمك في آخر الكلمة ,,, المهم مرة كنت مع واحد من حبايبنا المصريين وعازمني على ( سجوء ) ونا بيني وبينك نفسي في ( الممبار ) أموت فيه ,,, لاتقول ماتعرف الممبار ؟؟؟

المهم وداني على مطعم مية مية ونا سبلت أمري لله وقلت سجوء سجوء إيش يعني , قد سمعت أحد أكل سجوء ومات ؟؟؟

وطلع ياحبيبي السجوء هوه الممبار بس الممبار مشوي :200: ولقيتو قدامي وعينك ماتشوف إلا النور ,,, هاتك ياطحن وتكريع ونفر يجر نفر ,,, :drr05_22:

نجي على تربية جدة ,,, :drr05_91:

طبعاً تربية جدة غييييييييييير عن أي تربية ,,, ولدك عابد الله يطرحلك فيه البركة , إن كان تربية جدة , قول عليه السلام قدام ( خوياه ) في المدينة :drr05_89: ,,, دا إذا كان يعرف معنى كلمة ( خوياه ) :drr05_62: ,,, يعني راح تلاقيه يضيع بينهم وأنتبه لاياكلووو ,,, ترا العيال عندكم في المدينة مجرمييييييييييين ويعظو :218: أعرفهم من أيام كنت ساكن في أبي ذر وبعدين في قبا , عيال البدو هناك مجرمييييييييييييييييييييين وقتالين قوتلا كل يوم أضارب معاهم أفرش وأنفرش إلين صاحبتهم غصباً عنهم عشان نوقف الضرب والتحريش وكش التراب :drr05_41: ,,,

الموهم ,,, بإختصار كدا ,,, تعال خلينا نكمل الهرجة طالما الأخ إللي فتح الموضوع ( فقع ) :249: وسابو ,,,

[أرسطوالعرب]

_______________


ثاااامر , شايفك أون لاين , تعال ياقلبي هنا شوي , خلينا نفرغ شحنات الحش في بعض ,,, :249:

قبل كم يوم بحاول في ولدي الصغير فجر أعلمو ( يبا ) و ( يما ) :236:,,, طبعاً أول مين أستغرب قبلو هي أمو ,,, إيش هوه دا يمه ؟؟؟ تحسبو لبن مراعي جديد نزل السوق قبل رمضان ,,, :228:

ماعلينا , قلت ياولد لازم ترجع لأصلك بلا بابا بلا ماما ,,, :drr05_19:

وأقعد أفهم في الواد ساعة إنو ينطقها زي الناس مافي فايدة :249:,,, أخر شي سخط عليه هوه على أبوه على أمو وقلت جيل فاشل حق ممتي وبابتي و( هوت دوق ) مع إنو إسمها الأصلي سجق أو سجك كلها واحد ,,, :drr05_17:

لاتروح لساع الهرجة ماخلصت ,,,

المصريين يقولو للسجك ( سجوء ) بالجيم المصرية المدلعة وتلوي فمك في آخر الكلمة ,,, المهم مرة كنت مع واحد من حبايبنا المصريين وعازمني على ( سجوء ) ونا بيني وبينك نفسي في ( الممبار ) أموت فيه ,,, لاتقول ماتعرف الممبار ؟؟؟

المهم وداني على مطعم مية مية ونا سبلت أمري لله وقلت سجوء سجوء إيش يعني , قد سمعت أحد أكل سجوء ومات ؟؟؟

وطلع ياحبيبي السجوء هوه الممبار بس الممبار مشوي :200: ولقيتو قدامي وعينك ماتشوف إلا النور ,,, هاتك ياطحن وتكريع ونفر يجر نفر ,,, :drr05_22:

نجي على تربية جدة ,,, :drr05_91:

طبعاً تربية جدة غييييييييييير عن أي تربية ,,, ولدك عابد الله يطرحلك فيه البركة , إن كان تربية جدة , قول عليه السلام قدام ( خوياه ) في المدينة :drr05_89: ,,, دا إذا كان يعرف معنى كلمة ( خوياه ) :drr05_62: ,,, يعني راح تلاقيه يضيع بينهم وأنتبه لاياكلووو ,,, ترا العيال عندكم في المدينة مجرمييييييييييين ويعظو :218: أعرفهم من أيام كنت ساكن في أبي ذر وبعدين في قبا , عيال البدو هناك مجرمييييييييييييييييييييين وقتالين قوتلا كل يوم أضارب معاهم أفرش وأنفرش إلين صاحبتهم غصباً عنهم عشان نوقف الضرب والتحريش وكش التراب :drr05_41: ,,,

الموهم ,,, بإختصار كدا ,,, تعال خلينا نكمل الهرجة طالما الأخ إللي فتح الموضوع ( فقع ) :249: وسابو ,,,

يا زادي إنت علم من أعلام البلد

إلا طلعت تربية أبي ذر

إيش وداكم عند البخارية ؟

كنا نفصل السروايل من هناك :P

أنا اديك الذكريات اللي هيه

بس أول شي بننزل الجمعة الجاية نفسي أشتري نملية قبل ما أموت

ونفسي اشتري براد شاي اللي يجي منه ثلاث ألوان ( أزرق - أحمر - أخضر )

تصدق لي عشر سنوات في جدة...... ما شفت فوق أي سطوح برج حمام ؟

إذا نزلت المدينة بس شيك على أي سطوح وشوف الحمام كيف.... زي الرز :165:


اتذكر وانا صغير ما دخلت الكهرباء في أبيار علي.....شغلهم كله بالفوانيس.... ويوم الخميس هذا يوم ونسة..... نازل من ربنا على طبيعته

العصر نلعب كورة ومطاردات

وفي الليل نلتم حول فانوس في الحوش

عشان جدتي تطبخ الذبيحه هناك

وتعال شوف الأكل

ناكل أكل كأننا عمرنا ما أكلنا

ولا تدري أصلاً إيش تاكل مع الظلمة

ما تدري هي لحمة ولا يد اللي جنبك

ولا أم عابد الله يرحمها إذا كانت ميتة

عجوز كانت تبيع تماتيك وحلويات كانت الحلويات اللي تبيعها اللي بالكيلو

12 حبة حلاوة نعناع بريال

و 4 تماتيك بريال

وفي البلد 2 بريال


يا عمي هذيك أحلى أيام

وبعدين إذا رجعت البيت لازم انقطع عن الحارة كم يوم

لين ارجع الولد الحضري المرستك

فكنت عايش عالمين في نفس الوقت

عالم بدوي بحت .... عند أعمامي أجري فيه حفيان <=== ليش ما ادري !
وناكل دوم...... أكيد تعرف الدوم ؟
احنا كنا نتسلق نخلته وننزل الدوم بأنفسنا


وكنت عايش عالم حضري هاي كلاس في حي المستراح
الدكة حقت الشيبان بسور المسجد وشيشة عم إبراهيم كردي الله يرحمه
وكانوا عيال بن لادن يعزمونا سنوياً في مزرعتهم الحارة كاملة
ماني مفتكر مين منهم بس أخوهم الكبير اعتقد....

وأي واحد من أهل الحارة عنده شبكة أو عزيمة كبيرة يطلع لمزرعة بن لادن مفتوحة للحارة 24 ساعة

وبعدين كل الأبهات في الحارة مسؤولين عننا

وكل الأمهات في الحارة ينتبهولنا

ما نفكر نقول لواحد فيهم ( مالك شغل )

ننفرش نتكسر بس عمرنا اشتكينا

والملابس

كنا نتوارثها يا زادي !!

كانت تجي البلد ملابس إنجليزية أصلية

تعيش أكثر من بني آدم

كانت الملابس إذا صغرت على أخوي الكبير يعطيها تركي ( روميو )

وملابس تركي ( روميو ) إذا صغرت عليه أخذها أنا

وتعيش زي ماهي

هذا الزمن ولا بلاش


وعلى طاري القديم

يوم ما اتزوجت أمي أهدتني هدية.....

أغلى هدية جاتني بحياتي

أعطتني ( الكفولة ) حقتي :drr05_52:

كفلنا فيه عبود وفصولي

وشوفها إلى الآن عندي


أما على طاري البدو

شوف يا سيدي

المدينة فيها صنفين من البدو

في البدو المتربين

زيي :drr05_52:

وفي بدو سلق....ذولي تنطبق عليهم مواصفات الأعراب ( أشعث أغبر )

هم أول كديش في العالم

ذولي أهاليهم مايعرفوهم طول الوقت بالشارع

فذولي اقتحموا حارتنا في التسعينات

عيال حارتنا كلهم أتراك وشوام وتوانسة

يعني مو أبيض...أحمر يا ولي

فمن يوم اقتحموها نظموا عمليات اختطاف واغتصابات شي مو طبيعي

فذولي ما تضاربهم ولا شي


صاحبهم على طول..... وتعلم الفنون القتالية معهم:218:

لأن مستقبلهم محدد.... 1 من 2

إما يتوب أحلى توبة....ويصير صاحب مرجلة بمعنى الكلمة

أو يموت مع شلة الإرهابيين

أصلاً قائمة الإرهابيين نصها من عندنا

كلهم كانوا ملوك بلوت

كل واحد شايل الورقة بجيبه اليمين وباكتين مالبورو أحمر في جيبه اليسار

....


لكن قولي يا زادي


عيالنا إيش ذكرياتهم لمن يكبروا ؟

:drr05_49:

[zadi]

________________


أهلين ياثااااااامر باشا ,,,

ياحبيبي أنا عشت في المدينة سنتين ودرست فيها رابعة وخامسة إبتدائي في مدرسة عبد الله بن رواحة وكانت في طريق المطار ونقلت في سلطانة ونقلت منها لمدرسة محمد إبن مسلمة في قباء النازل على ما أذكر , لأنه رجلي أنكسرت وأنا بألعب سلة <<< جوردن الغامدي :drr05_17:

المهم ياحبيب , أخوك كان ورور وهو صغير , بس شرررررررررا وحق مضاربات , طبعاً جايهم من مكة أم المضاربات والشكل ,,, وكنت دايم أتقادح مع عيال تشادية مدري من فين , كل يوم ,,, إلين روقنا بعض وتعبنا ,,, بس كانوا عيال الهرمة يقعدولي في الصرفة على طريق البيت , وانا كنت ساكن في شارع أبي ذر قدام فندق الجزيرة ورا باب المجيدي إذا كان تذكر قبل الهدد ,,, فكانت المسألة مسألة حياة أو موت ,,, يا إني أعدي , يا إني أروح في الرجلين ,,, والخايف لاتقرب منو , لأنو عندو إستعداد فطري يضرب بأقوى ماعندو , ودا كان بالضبط شعوري ,,,

البدو وعيال البدو ,,, كنا نأجر بيتنا في أبي ذر ونروح وقت الحج في بيت عمي في قباء , يم المزارع هناك , وطبعاً كمية ( سلق ) هناك من النوعين , سلق أوادم وسلق سلق ,,,

فكان واحد من جيراننا سلق مدري ويش يعود , كل يوم ألعب بالدراجة عند البيت وهادا يرميني بالحجار , ومرات يجي ومعاه خوياه بس يرمون بالحجار ويروحو ,,, ويوم ياحبيبي خبطولي الدراجة بحجر ,,, طبعاً كان أهون علي إن الحجر يجي في خلقتي ولايجي في الدراجة ( 24 فليبس أسود ومقطبة تقطيب مكاكوة ) ,,, سبت الدراجة وروحتلهم بجرأة والله مدري كيف جتني , لأنهم ثلاثة سلقان وأنا واحد ,,, المهم مسكت إللي ضرب الدراجة بالحجر , رحتلوا مباشرة ,,, وقعدت اضرب فيه وخوياه مدري قرايبه يضربون فيا ,,, مافكني منهم غير زميل لي من المدرسة كان جايني نلعب سوا , بس هو حجم لارج شوي ,,, وقعد يفقع فيهم معايا ,,,
المهم خرجت من دي المضارية متهرشم ,,, لكنها جات بنتيجة فتاااااااااااكة !!! ماعاد شفت السلقان هادولاك مرة ثانية ,,, الظاهر إنو جمال خوي كانت يدو ثقيلة شوي ,,,

على سيرة النملية ,,, الله يرحمك ياستي , إيه والله ماكانت تسميها غير نملية ,,, وكانت والله ياثامر إلين قبل ماتموت بكم سنة ,,, رافضة رفضاً قاطعاً حكاية الثلاجة !!!
المويه في الزير ,,,
المقاضي كل يوم بيومه طااااااازه ,,, الخضار اللحمة كل شي ,,,
ماشاء الله عليها ماتت فوق التسعين الله يرحمها ,,,

بيتنا في مكة كان السطوح كله تقريباً ملكي ,,,
كنت أربي حمام ,,,
وكان عندي دجاج ,,,
وأبوي الله يرحمه كان يحب الغنم ,,, وكانت برضو في السطوح والصباح أسرحها وقبل المغرب أروح ( ألمها ) من الشارع ,,,
ألحين ياولد الحلال بناتي شافوا ( حمار ) البعيد عنك في طريق الجنوب يوم كنت رايح أبها , كنهم شافوا مخلوق فضائي أو فلم مرعب , ومو عارفين ويشو دا ؟؟؟

وعلى ذكر الشباشب الله يكرمك ويكرم السامعين ,,, كان فيه نوع شباشب صيني إبن كلب , لايمكن ينقطع مستحيل ,,, رخيص وكويس للخدمة الشاقة ,,, فكنت أطفش منو وأروح أدور على موس في الشارع وأقطعه من ناحية الأصباع على أساس أبويا يشتريلي واحد غيرو ( باتا ) |238| ,,, يقوم أبويا الله يرحمو من دكان في طرف الحارة يشتريلي نفس النوع الصيني دا ,,, يخليني شوي وأموت من القهر , شايف الخلق لابسة باتا وأنا بالصيني دا :drr05_62: الله يرحمك يابويا ,,,

وصدقت والله ياثامر ,,, كل الأبهات في الحارة كانوا أبهات للكل ,,, يخاصمونا ويضربونا ويتسافهو علينا , بس والله كانت محبة وغيرة ورجولة , ماكانت حقد أو بلاوي زي دحين , ولا كان أي أم أو أبو يزعل أو يخاصم ,,, كان بالعكس الجواب المعروف , لو ماسويت شي ماكان ضربك أو خاصمك ,,, والموضوع يتنسى ويروح في الرجلين ,,,

وحتى في الملابس , والله صادق ,,, كانت أجيال ورا أجيال ,,,

اليوم تلاقيه عليا , بكرا على أخويا أو ولد خالي ,,, ماكنا نتأفف أو نزعل ,,, ألبس وأمشي ومشي حالك , غيرك ماحصل :200:

تصدق دي الحاجة لليوم فينا بس مع أختي وعيال أخوي ,,, على خفيف , يعني العملية والله إذا تبغيه بدل ما أرميه أو أصدقه خذيه ,,,

أما عيالنا ويش ذكرياتهم لمن يكبروا ؟؟؟ ممممممممممم ؟؟؟

يقول لخويه ,,,

تتزكر لمن رحنا الرد سي مول وأشترينا البوب كورن وطاح مني في الأرض ورحت اشتريت بدالو باسكن روبنز وإنتا رحت اشتريت كون زون ؟؟؟
والله زكريات لايمكن أنساها ,,,
كمان تتزكر لمن رحنا حراء أفنيو ولقيت داك الولد إللي لابس البنطلون ( البورش ) وأنقهرت منو ورحت اشتري واحد زيو من faces ؟؟؟

هادي ياسيدي هي ذكرياتهم ,,,

______________

للحديث بقية يا أبو عابد ,,,

كلمة على جنب :
في أحد اليوم يقول بدي أروح المستشفى أضرب ( شرنقة ) ؟؟؟ :drr05_19:

[أرسطوالعرب]

الله يرج إبليسك يا شيخ


إلا إنت درست في عبدالله بن رواحة ؟


أجل أبوي درسك بالراحة

مين درسك علوم ؟

قولي من تذكر هناك

عدنان أوزبك ولا المفتي ؟
عبدالرحمن الشريف ولا الدباغ ولا بشناق ولا محمد العايق ؟

هذي مدرستنا يا وحش

أنا وأخواني تخرجنا منها

تدري يا زادي ما عمري نزلت المدينة إلا وافتح بربيكان ساااااادة قدام المدرسة

عبدالله بن رواحة وعم أبو علي اليماني اللي كان صاحب العربية يبيع بساكيت وحلويات قدام المدرسة

والبرحة اللي قدام المدرسة هذيك ياما شهدت على مضارباتي والسلاسل ترفرف في يدي

فاكر مطعم طباق أول ما فتحوه جمب المدرسة كان مطعم جديد ولا أحد معطيه وجه

العالم كلها طايحة على رز جلال وقتها اللي عند بقالة البيعة

افتكر في سنة أولى إبتدائي كان يدرسنا رياضيات الأستاذ محمد العايق الله يطول بعمره

وهو حضري قح

فكان يدخل علينا ويقول ( ولا نفس ...يا ويل اللي اسمعه يتنفس ولا يتكلم )

وأخوك في الله بريء وغلبان

وأبويا وقتها كان يكمل دراسة في الطايف

يعني بحكم اليتيم

وأحاول اكتم نفسي لين اتخنقت والدنيا لفة فيني

والطلاب راح جري على رائد فصلنا الأستاذ محمد هاشم ( الشنب ) وجا وحطني تحت برادة الموية لين فقت

قالي إيشبك يا ولد

قلت له الأستاذ قال اكتم ولا نفس

فأنا كتمت نفسي زي ما قال

الله يستر عليهم ويطول بأعمارهم كلهم جيراننا الآن كل ما قابلت أحد فيهم أسلم على راسه ويده


بس كان مديرنا اسمه غلط

كانت فشلة

كنت مقسمه على قسمين فطالع قلة أدب


اسمه عدنان أوزبك

شكلهم أتراك أو مصارية ما أدري بس الإسم غلط

كنا نحط فاصلة وسط اسم عيلته

فطالع اسمه تحفة



الله يسعدهم ويطول بأعمارهم الأحياء منهم ويغفر للأموات منهم

ولا مدرس الدين الشيخ الشنقيطي

بهذلنا بالتقريص وشلاليت

هو والمدرس الفلسطيني الله يرحمه حق القواعد

تمرمطت كرامتنا على يديهم يا رجل

حاول تتذكر من درسك علوم :p

.....

بس قلي يا زادي

فاكر آيسكريم الربيع اللي كان قدام الحرم ؟

اللي كان ماسكه واحد تركي يعجن الآيسكريم ويخبط فيها كأنه يسوي مطبق ؟

فاكر شاورما الكتكوت ؟

ولا أول مطعم وجبات سريعة فتح في المدينة كان برجر الديوان

الله يسعدك يا شيخ

رجعتني 25 سنة ورا

أيام ما كنا نلبس العقال القصب

بالله شوف أي وحدة من درة حواء خليها تكنس الغبرة اللي هنا

أما لو تسأل أبو فهد

كل ذكرياتهم محلات الكليجا

افتكر مرة أنا والشدو طلعنا الجنادرية عند أبو فهد المحل الوحيد اللي افتكره أخذنا له أبو فهد ركن الكليجا

حتى محل الحلويات حقه اللي في الرياض

تدخله تقول محل فخم متعوب عليه اللهم صلي على النبي

حلويات اشكال وأنواع

وفيه ركن في صدر المحل <=== واخذ بالك ركن في صدر

الكليجا

......

على طاري الشرنقة

إنت رحت مع جف المستشفى ؟

جف مشغل عنده في المحل عمالة فلبينية

وماسكة معاه على فلبيني

تلقاه يتكلم ( موشكل كتييير ) ومن هذا القبيل

وذيك الليلة اللي تواعدنا فيها عند ليمو

الفلبيني قعد يرطن مع جف بعدين غمزله

طبعاً فلبيني والثاني ينبعاوي

أنا أحسنت النية برضه يا وحش الواد مخلف وابوه راجل محترم

بكرة يكسر باب بيتنا ويقولي إيش تقصد بكلامك على جف ؟

بس حكاية الشرنقة لخبطت علي ظنوني...

وتقول فيروز في هذا المقام ( سلملي عليه )


أرسطوالعرب ( طول مانت راجع....انا راجع...لين تعشق بالأول وتمشي )

[سارونه]

http://forum.lahaonline.com/moderators/SummerCloud/reeshah/ECSS/LAHA%20(76).gif



بدا الحش في البدووووو :drr05_19: نفسي مرة موضوع مافي طارينااا وسيل من الكلمات وكأن مايمشي حافي الا بدوي :drr05_62:
وتراني مسالمة للحين يازبادي والزي منووو :150:


مشكلة دايم اللي مو بدوي يسب وكبده تتقطع يبي البداوة بس ياشين .. :150: عيال الحواير :drr05_17: المتبدوين :drr05_10:
حنا ماركة مسجلة ماينفع التقليد والتبدوي


كأني شفت الطائف بس الجملة في صالحنا مافي تعليم الا هناا :drr05_17: لان البدو متعلمين


ويوم الفقر فينا البداوة سبوبة *&*&* واليوم صرتوا مثلنا بدو واعراب

صح لسان ابو بندر :228:


وصح لسان ابوي
اللي مهوب بدوي مهوب رجال :150: قوية يازبادي مو :drr05_22:

[zadi]

__________________


ياسارونة , سلام يابت العم ,,,

ترا إللي عندك هنية كلهم ( بدوين ) من غامدي لحربي ياقلبي لاتحزن :drr05_17:

يعني الحش في بيتو :236: نحش فينا ولا نحش في الغريب :150:

ولا تبغينا نحش في غريبي أو نمري أو سفياني أو ثبيتي أو عتيبي أو أو ؟؟؟ من سكان الطايف :220: وماحولها :drr05_32:

وصح لسان الوالد , على الأقل من وجهة نظري ( عنصرررررررررررري موت ) :drr05_41:

والطايف على العين والراص ,,, الطايف أم المصايف :200: بس أهلها صايرين ( جزارين ) شوي خاصة بالصيف ,,, يذبحونا ذبح في الأجارات ويداون الجرح بالبرشومي :150: إلا ما ألاقي عندك شوي برشومي عتري :drr05_22:أو مشمش أو بخارى بلدي أو حماط أو حتى تولة ورد طايفي ؟؟؟ خلينا نستفيد منك في أي شي :218:

__________________


ثامرووووووووو

أول حاجة ( بوس الواوا ) |238| على هيك شخبط شخابيط :drr05_32:

تصدق لو إن بنت وهبي هيفاء وبنت العجرم نانسي هذول بنات حارتنا , كان يكون لينا معاهم ذكريات شييييييييييييييي ,,,

لأن كل بنات الحارة الكبار عننا , كانو يلعبون معانا وبالتالي هن ( صديقات ) :drr05_52: لنا

مرة كنت عند واحد من عيال حارتي مدير مدرسة هنا في جدة , وقاعد اشرب الشاي معاه وشوي جاه طالب , وأول مادخل الطالب المكتب قالي صاحبي المدير , وائل عارف دا ولد مين ؟ دققت في الولد ماني عارفة , قلت ولد مين ؟ قالي ولد نجوى بنت .... !!! طالعت في الولد وفتحت عيني إلا والله فعلاً لقيت فيه شبه من أمو ,,,
الولد مسكين دينو طلع من السالفة كلها ( المدرسة متوسطة يعني بالغ عاقل يعرف السفاهات كلها :drr05_41: ) إيش إللي المدير ومع واحد قاعدين يجيبون في سيرة أمه ؟؟؟

لا , وزدت أنا عميتها وقلت للولد إيش إسمك ؟ قال : أحمد وهو شكله قرفان مني موطايقني ,,, قلتله بالله ( سلملي على أمك نجوى ) وقلها وائل ولد ( فلانة ) جاركم في الحارة يبلغك السلام !!!

طبعاً الولد مارد , وقال للمدير يا أستاذ تبغا مني شي ؟ فالمدير صاحبي قالو لأ , بس كمان سلم على أمك وقلها ( هاشم ) ولد فلانة يسلم عليكم ,,,

الولد خرج دينو طالع وشوي بيبكي ,,, ناديته يا أحمد تعال ياولدي ,,, ترا لاتحسب إننا بنتمهزء بيك أو نهينك ,,, لا والله ,,,, بس أسأل أمك الله يحفظها عننا وعن أيام الحارة لمن كنا نلعب مع بعض ( هي كانت أكبر مننا ) فكانو يلعبونا معاهم على إننا ( بزورتهم ) ونسوي ( بيت ) صغير بـ ( الكراكب ) وهي عبارة عن أشياء نجمعها من البيت أو من الشارع ( الزقاق ) :214:

المهم الولد مانطق وراح ,,, تاني يوم أتصلبي المدير صاحبي ويقول إن أم أحمد ( نجوى ) أتصلت بو وبتسلم عليك وتسلم على أمك ,,,

والله العظيم فرحت لأنه علاقتنا كجيران في ديك الأيام أقوى من علاقة الأهل ,,, ما أنسى تجمع حريم الحارة في بيت خالي , وكل وحدة منهم جايبه شغلها معاها إللي بتقطع بصل وإللي بتنقي رز وعدس , وإللي بتخرط ملوخية ,,, ويقعدوا طول ( الضحوية ) يلقلقو بالكلام وبعدين قبل الظهر كل وحدة تسرح على بيتها تكمل الطبخ وتستني جوزها وعيالها ,,,

وعلى فكرة , سبحان الله الدنيا دي ضيقة على كبرها و وسعها ,,,

كلنا من مكة ومن حارة في مكة ( الحجون ) ,,, بس كيف أتقابلنا في جدة أنا وصاحبي المدير و ولد جارتنا ؟ دا علمه عند الله ,,, :drr05_91:

نرجع للمدينة الله يعمرها بأهلها وبالجسد الشريف إللي فيها ,,,

كل إللي ذكرتهم في عبد الله بن رواحة ما أذكرهم , لأنه كنت صغير وقضيت فيها سنة واحدة بس , ويمكن دول جو بعدي ,,, والسنة الثانية في محمد إبن مسلمة ,,,

أتذكر الحرم زمان ,,, أتذكر باب المجيدي والمكتبات إللي كانت فيه ,,,

أتذكر العينية , أتذكر باب التمار ,,, أتذكر المناخة ,,,

أتذكر كنا نتمشى عند موقف السيارات حق المطار ,,,

أتذكر المظلات حقت الحرم , وكنت ألعب تحتها ,,,

كانت من أجمل أيام عمري ,,,

كنت أعتبر نفسي متغرب عندكم ,,, فكنت دايم ( أتقادح ) مع العيال هناك ,,, مكاوي عاااااااااد ,,,

والعيال في المدارس هلكوني إنت أُحدي ولا أنصاري ؟؟؟

دا السؤال الأول للي بدو يخش معاك خانة وصحبة ,,,

ذبحوني بيه ,,,

ونا كنت في بداية معرفتي بشي إسمو كورة ,,, فكنت أشجع وأحب الأهلي :214: مالت عليه دحين ,,,

أقولك , كفاية عليك كدا اليوم ,,, للحديث بقية ياجدع :drr05_89:

[سارونه]

حلوة جزارين

دمهم حار ههههههه

طيب
اجل حنا كل اللي يقول دحين عندنا مو بدوي ههههه

كم دحين قلت ؟؟

طيب تعرف طبعا درست تاريخ تعرف الفرق بين البدوي والحضري؟

مو شرط قبيلي والا لا لاتدخلها فيها لان الموقبيلي خلقة مو داخل التصنيف ايام الملك عبدالعزيز
وتوطين البادية

يالله جاوبني بعدين اجيك بجوابي انا

عشان نكون على بينة

ناوية المحارش اليوم هههههه بأفك غلقة السوق فيك

[zadi]

___________________


طيب ياسارونة ( خوينم ـ بالبدوي ) :drr05_19: هههههههههههه


ألحين من صدقك إنت ؟؟؟

فيه بدو ألحين ؟؟؟

أي بدو ذول إللي يرقدون تحت مكيفات ويكنسون البيت بالمكنسة الكهرب ؟؟؟

أي بدو ذول إللي يحطون قروشهم في البنك ويستخدمون الفيزا والماستر ؟؟؟

أي بدو ذول إللي يركبون الفياجرا واللينكون تاون كار ؟؟؟

أي بدو ذول إللي يطالعون النت ( دي في صماصيم الصميم على الهدف مباشرتن :drr05_41: )

أي بدو ذول إللي إسمهم ثامر و وائل ؟ ههههههههههههههههههه :150:

أي بدو ذول إللي يغيرون ثوبهم كل يوم ( بعد ماكانو من الشهر للشهر ) ؟؟؟

أي بدو ذول إللي ثيابهم تنقع بياض ؟؟؟ ( بدل ماكانت كنها منقوعة بصفار البيض ) :220:

دحين هادي يا أوختي جايبها من الحارة من عندنا ,,, شسوي كل عيال الحارة كانو حضران وجاوة تحديداً يعني :drr05_62:

ويوم كنت أقلب لهم لساني على الجهة الثانية يقولون لي ( سافاج ) :drr05_17:

وبعدين كنا نزعل من كلمة ( روح يابدوي ) ههههههههههههههه :drr05_22: تروح فيها رقااااااااب ,,, يا واد أنا مني بدوي ( تهمة البعيد عنك ) :150:

أروح اصل العصر وأعود ( هيا خذيها بدوية صرررررفة ) :218:

[سارونه]

تقبل الله
دعاويك لنا



اي انا اقول لك الفرق

مو الان

انا مثلا امي وابوي
رعوا غنم وخيام وبعارين
وماسكنوا جدة مثلا الا من اربعين سنة لا والله خمسين بعمر اخوي الكبير
!! صاروا مو بدو ؟ لاهم بدو واحنا بدو للحين
ومااحس ابوي تغير كثير رغم المكنسة والانترنت


اوك انا ماقلت انا وجيل البلاي ستيشن << اكبر بشوي هههههه ايام اتاري

انا قلت لك البدو والحضر

مثلا لما جاء الملك عبدالعزيز
وطنهم مين اللي وطنهم ؟؟
اللي كانوا رعاة وسكنهم بالقرى
تاريخ رابع ابتدائي

بس الحضر الحضر
اللي هم قبائل وسط نجد والقصيم والشمال وشوية شرقية وشوي هنا مايعتبرون بدو
بالمعنى المعتبر لها
لانهم الحين حاسبين قبيلي بدوي مو قبيلي حضري لا الموقبيلي اصلا مايعتبر بأي صنف مالحق الملك خالد بيلحق المؤسس والتوطين :drr05_17: كبرتهاااا :drr05_19:


مثلا سفيان اللي انت اتكلمت عنهم
مايعتبرون بدووو

ليه لان من خلقت الدنيا وهم في بيوت طين !! واحجار بعوالي الشفا

مو كل غامد كانوا بخيام ورعاة والا ؟؟

كانوا ماسكين مدن ايام التوطين


وبس فهمت ؟

انا ماقلت انا انا اقول ابوي
امي
جداني
ايه كلهم كانوا بخيام
ماكانت عيب ولا عيارة كل من طق عود بحصاة قال البدو والبدو
مو عيارة ولا اازعل الحمد لله

يكفيني شرف اني اولاا بنت هذا الرجل
ويكفيني انتسابي لقبيلتي ويكفيها فخر اني منها
وعادي بدوية
مو شيء مخل بالادب


حبيت تفهم الفرق بين بدوي وحضرررررررري وبس


واذا عودت يمكن أعود ههههههههه

[همسة عاشق]

اممممم

متى ستو تتوكل علشان يكون لها زكرى عندنا <<< أبووو المفااولة الي ع العصريه دي خخخخخخخ

أول شي ستي نقولها أني << مسوين أتراك بوجهكم خخخ
والمشكلة ياليتها تركيه ستي يمنيه من بيت الجديري

بس تعااال أعمام وعمات أبويا كلهم من مكة << والله لا يوريك على لسانهم
ما شاء الله لسانهم زي حلاوة حلقوم لزييزة بس لووو زعل منك يقلب لسانو على حنضلة ولا مررره يعميييك وإنتا واقف خخخخخخخ

زادي كان يعرف ولد عم أبويا ودرس معاه << مدري قد جرب كلام سيدي إسماعيل ولا لأ

عاد الكلمات الصعبة حقتهم ::

أندر << أقدم كلمة في الدنيا خخخخ = أطلع بره = أخرج من هنا
الكورته = الجيبه = تنورة
حمبص = قصدها حمص
زمبيل = كيس
القومامه = الزبالة
إنجر = تعال
قوام = بسرعة
فقده تفقعك يا بعيد = زي الله ياخدك


عاااد انا عشت في جده ومكة وينبع والشرقية وشقرنا فترة ع القصيم بس الحمدلله ما طولنا فيها << على قولتهم ساحب من كل منطقة لهجة


ما أبغى ادخل نفسي في موضوع البدو والحضر علشان لا أتورط خخخخخ

زادي تخيل بعد دا كلو يقوولك الفارسي يصير حربي << كل من تغرب تحرب
اما أجي بشكلي دا وأقوولهم إيشبك أنا بدوي خخخخخخ <<< مرره ما تركب عليا :p

[zadi]

_________________


إييييييييييييييه , صحيح , مو كلي مدردم بدنجان :drr05_17: ههههههههههههههههههه

هذا المثل كان يقولو ليا مدرس الإجتماعيات في الثانوي ,,, :249: لمن كنت أخبص في الجغرافيا ,,,

الموووووووهم يا أخت العرب ,,,

أربعين سنة إيه وخمسين سنة إيه ؟؟؟ ماشاء الله تبارك الله !! والله طلعتوا بدو ( من حقين زمااااااان ) :150:

هذا إللي أقصده أنا ,,, ماعاد فيه بدو ,,, الكل ألحين تحت سقوف طين ,,,

البدو إللي صح بدو , هم الرحل ,,, وذول أكثر ماتلاقيهم على الحدود ,,, من كل إتجاه ,,,

ذول حقين ( الذلول ) والقهوة وشبة النار ,,,

أما إللي داخل ( الخط الدايري ) ذول طال عمرك bedwin from thailand :drr05_22:

وبعدين أبي أسألك سوعال ,,, كيف تعرفين البدوي ال ( قح ) من البدوي ال ( طيحة ) من كرسي ؟؟؟

هل , بالشكل ؟

هل , بالريحة ؟

هل , بالإسم ؟

أبي جيم جواب ,,,

وبكرا لنا كلالالالالالالالامن ثاني لأنه ألحين خلاص ,,, قفلت :drr05_89: جيعاااااااااااااااان |238|

[سارونه]

هههههه

جيم جواب

بالاسم \ الطباع \ الكلام \ الشكل \ التصرف \ يعني كثيررر


مثلا بأقول لك ولكل قاعدة شواذ

مرة كنا بجدة وبالتخصصي تحديدا

وتجي وحدة لثمة لفوق الخشم بشوي لا مو مسدود الا فتحتين الخشم الباقي الزنار باين
والجبهة كأنها مشروع الكر كلها مفتوحة ونامصة وشوي من بداية الغرة باين
بعيدا عن البدو والحضر حرام :220: والدين امر بالحجاب الكامل


وتجي تسولف ونحنا وتاريخنا والقبايل

انتي وش ؟ سألتها امي
قالت انا من الفلاينة !! بدو

قبيلة و أصل !!

بس الشكل والكلام ياستااار :drr05_19:

وهذي قد تكون شذوذ ع اللي متعودين عليه من قبيلتها
مع التطور والنت والمكانس والمجمعات والفيس بوك :150:

دخلتك بموضوع اخر ههههههههههههه

اوك مو مشكلة
البتروكيم طلعت عيوني اليوم :drr05_19:

[أرسطوالعرب]

سارونة....

الحمدلله ما تخميت فيك

طلعتي تسجيل 2006

يعني مو سارونة خويتنا القديمة

شوفي يا ستي

البدو والحضر ما تحتاج لفلسفة وتاريخ سنة رابع

كل قبائل الجزيرة العربية بدو عدا الفلاحين.....

وأشهر الفلاحين بالجزيرة العربية هم الزهارين فذولي يعتبروا حضر ولا ينقال لهم بدو

أما باقي القبائل كلها رعت غنم وجمال

طبعاً الكلام هذا من قديم الزمان

الآن لا يوجد شي اسمه بدوي....

واللي بدو للحين ماخذينها فسحة ....اشتراله كم ناقة وشب قدامها النار يشكي صبابة وذكريات زمان

لكن جواله في جيبه وأمه اعطته 4 جنيه عشان يشتري بيرة بعد الامتحان

فذولي ماهم بدو

أما اللي ماهم قبليين أصلاً فذولي من خارج الجزيرة ومالنا عليهم كلام ولا لهم دخل في موضوعنا

وائل الله يسلمك هذا على قول جف مشروع حضري بس فشل

ليه ...؟

لأنه غامدي .... والغمد بدو وما زالو إلى الآن متصلين بديارهم والبداوة...

أما حكاية كل من تغرب تحرب .....فهذي عبارة غير صحيحة
حرب ليست قبيلة.... حرب حلف لمجموعة قبائل كانت تساند بعضها البعض

فأي حربي....لا يعرف فخذه ....فهذا عبد من عبيد أحد قبائل الحروب.

مثال....
فلان بن فلان الصاعدي الحربي...<=== هذا حربي
فلان بن فلان الحربي <==== هذا من عبيد الحروب


لأن الملك فيصل أمر بإلغاء العبودية واعطاء العبيد ألقاب القبائل ولكن يكونون درجة ثانية

فأصبح فيه دوسري مافيه دم الدواسر... وهذا عبد للدواسر
وفيه جهني ماهو جهني.....وهذا عبد للجهنان
وهكذا...
ولا يشترط أن يكون العبد أسود....

واستثنى الملك فيصل من هذا الأمر السادة والأشراف .....

فتم استحداث لقب خاص بعبيدهم وهو ( المولد )


في يومنا الحاضر.... لا يوجد بدو.....
كل أبونا حضر

عني أنا اصنف نفسي حضري

لأني ما قد رعيت ولا زرت ديرتنا ولا مرة .....

عايش بالمكيفات والدلع الله يديمها علينا من نعمة

لكني اعرف بدوي ...كان ينزل عندنا يوم الأربعاء من ديرته.....يلعب معي أو وولد عمي بلاي ستيشن ويبيع حليب النياق ويرجع ديرته

وكانت مسكته ليد البلاي ستيشن عجيبة

كان يحطها على الأرض ويطقطق عليها بيده كأنه يكتب كي بورد

بس والله يلعب :d

[سارونه]

http://alfrasha.maktoob.com/up/110206874938356052.gif



كل القبايل بدو ؟

نفس المنطق اللي قلت لزادي عليه

لا
اجل من سكن الدرعية وعمرها ؟؟؟ البيوت للحين من وقت التوطين
من سكن الاحساء وشقراء والخرج وهالمناطق واثارهم باقية

لا مو بدو هالقبايل اللي هنا
تميم والخوالد وغيرهم

ذولا كانوا يعتمدون عالزراعة والتمر وحتى البذنجان عندهم << امي قالت لي سالفة عليه
وعندهم سوق
حتى لما ابوي يحكينا عنه وعن جدي
يقول ننزل السوق نجيب تمر ونعطيهم لبن وسمن وناس معروفة واسمائهم للحين انه من قبايل نجد


اوك هالزمن مافي بدو وحضر طيب مو مشكلة
لكن انا اقول لك الاصل ولمن نطلق بدوي وحضري

فيه قبائل حضرر والحضر هم اللي مااعتمدوا الرعي قبل التوطين وبس

ولعلمك تقول بعيرين وشبة ووناسة ويدعون البداوة

لا فيه افخاذ من عتيبة ومن ربعنا للحين بخيام ويرعوون
مو بطرة
لا والله شغلهم وحياتهم بدون مكيفات بس واصلهم التطور ماعاد يشبون نار
عندهم غاز وثلاجة بالغاز


انقهر بشدة لما يقال عن جداوي او طائفي عندنا مثلا من الحضر !!
وانقهر اكثر لما تكون البداوة معايرة من نفس ذولا اللي ماجوا الا امس !!


واللي يقهر زوود ان فيه اشخاص من قبايل ماتعرف تعد سابع جد ولمين تدخل ولوين توصل
ولا يقول انا الفلاني ياعمي طيرررر

هذي الفئة تقهرني بقوووة



رهيبين انتم بالشلة
سبحان الله ماجمع الا وفق
زادي وارسطو وجف
نفس تركيبة المخ والكلمات هههههه


يعطيكم العافية
احد عنده واسطة في امارة مكة طيب ؟

[zadi]

___________________


أقول ياشباب الطعوووووووووس وكتاف الجبال :236:

أقول ياباالله صبوها القهوة وزيدوها هيل :drr05_19:

خلونا من سواليف العربان , ترا ماعنكم ماعن ( ستي ) صاحبة الموضوع وراعية الهمر فيه :150:

تراني لو أبي جف قبيلي أخليه قبيلي قح أعلمه كم كلمة وأفلته على الخلق وتراه يبدع :drr05_22: وخاصة إنه من ينبع يعني مجاور جهينة :drr05_19:

ثاااااامر

ياخي ويش صار في الميموري حقتك ؟؟؟ أشوفك قاعد تخبص في الخلق , جبت سيرة القلب الدافي هناك , والرجال مو يمك ,,, وذلحين بغيت تخبط في سارونة ,,, أخاف تحسبني ( نجلا ) ههههههههههههه فاكر موضوع النجلا ؟؟؟؟؟؟؟؟

كانت أيام معفنة , بس كنت إنتا محليها ياشوكلت ( يلعن أم الدلع إمكن حرمتك مادلعتك زي كدا عشان لاتحس إنها كدابة وتخش النار ) :drr05_22:

ركزززززززززز وهات المفيد :drr05_52:

سلام ياحمام :drr05_32:

[أرسطوالعرب]

هلا سارونة....

اللي قالت لك عليه جدتك هو نفسه إللي أنا وزادي نقولك عليه من الصبح

اقريه من جديد بتركيز....لا تصيري مفجوعة ... وراح تلاقي كلامنا واحد

....

والعتبان من أرجل الناس اللي عارفتهم وصاحبتهم

بس فيهم مشاكل إنهم يدورون مشاكل بشمعة.... زي مشاركتك :p

.....

زادي

إنت فاكر نجلا

يمين بالله إنك مغبر....

مو نحتاج وحدة من درة حواء

إلا يبغالنا نكلم أبو فهد ينقل الموضوع بكبره هناك عشان ينفضوه ويكنسوه وينشروه

أديك اللي أقدم منها

قبل ما اتزوج كانت لي كنية ايام نسيج

كنت ( أبو جاكلين )

وهذي يا سيدي قصتها قصة

عام 21 كنت في الشام وأداوم للسعودية :d

بحكم إن الشام كانت 250 كلم عن القريات

فكنت ساكن في الشام واداوم للقريات شايف الشقلبة كيف

المهم بيوم من الأيام كانت ماسكة معاي على قفلة

تعرف الإنسان المزاجي متقلب ولا حق صحبة

بس العيال كانوا يداروا علي كثير الله يستر عليهم وين ما كانوا

المهم كنا مع الشوفير تبعنا والعيال يحاولوا وهو يحاول إنهم يفكو القفلة اللي معاي

ولا عندك أحد

مرينا جنب أسوار في الحارات القديمة

وتعرف الشباب شباب فين ما كانوا

فلقينا عبارات مكتوبة على الجدران

( ذكريات أبو سمر )
( ذكريات فتى الشام )
( ذكريات جوزيف وهايدي )

وحاجات زي اللوز

قلت للشوفير بالله وقف هنا

وطلعت الكامير وصورت الأسوار

الشوفير سألني ما لقيت من الشام كلها شي يستاهل التصوير غير هالشخابيط

قلت له تعال شوف أسوارنا

( ذكريات منص وزملاؤه )
( ذكريات أبو جلمبو والشلة )
( مركاز أبو خليل لبيع أبو قوسين )
ما عندنا نعومة تدل على عبارات الحب زيكم
فقالي إيه يا أبو جاكلين

بس ومسكوها علي العيال أبو جاكلين أبو جاكلين

بعضهم إلى يومك هذا ما يناديني غير أبو جاكلين

فجاكلين يا سيدي أول حب بحياتي... حب اسوار يا وحش

السنة اللي بعدها عام 22هـ ربك كانت له حكمة

ونقلت من الشام العتيقة ...إلى ديرة اسمها الغريفين ....هذي يا سيدي بعد الكامل بـ30 كلم بعدها القعور بـ10 كلم

منطقة حرة بين جدة ومكة

ديار السلمان جمع ( سلمي )

هذي يا سيدي كنا نطلع لها من جدة الساعة 2 ونص بالليل أو 3 قبل الفجر عشان نلحق الحصة الثانية

وقتها كانت كلها جلد ونقطع 7 أو 8 وديان 3 منها وديان كبيرة

ولا في كهرباء ولا تلفون ولا جوال ولا أي حاجة

فكنا نطلع أنا وأحمد النجار وواحد اسمه مشعل من جدة

ومن مكة كان يطلع واحد لهيبي ومعبدي ونتقابل عند عسفان ونكمل الطريق إلى المدرسة !!!

فكانت نقلة نوعية في غاية الغرابة !!

من الشام إلى ربوع ديار بلادي

كتبت استقالتي مرتين..... وابوي حلف علي اقطعها

وانقلب فيني جيب...... تخيل جيب وينقلب !!!

وجيب ثاني طار الكفر والهوب بالكامل

حاجة مستحيلة... كنت فيها 007 جيمس بوند

وقبل نهاية السنة

وصلت مرحلة متقدمة في سواقة الرالي ....صرت زي حقون الفورميلا

أجي مطير بالصابونة وأنا نازل من الجبل وقدامي لفة حادة

أضرب بريك وألف الدركسون

تزحف السيارة وتتعدل على قد اللفة

واكمل

هذا كله عشان اكسب وقت 5 دقايق بدل ما أهدي ويضيع الوقت

حتى العيال صاروا يتمنوا تكون كل الأيام أنا اللي اسوق فيها عشان نلحق صلاة العصر في عسفان :d

فمرة من المراريت

كان آخر السيل يعدي من الوادي

وآخر السيل يجيك صافي والحجار تحته زي اللولو

فسألت النجار إيش رايك في الموية والجو

قالي الماء الصافي في آخر السيل يسمى نجل

وقبل ما يخلص كلامه

عدت عجوز متبرقعة مدرعة مصفحة من النحاس وحاجات معدنية

كأنها اصدار جديدة من البرمائيات حقت الجيش

بس قلت له وهذي نجل

وأول ما رجعت جدة كتبت خاطرة نجلا

[zadi]

______________


يا أبو جاكلين ,,, إلا على طاري جاكلين ,,, ياخي نفسي أعرف هالقنوات الفضائية أعادو كل المسلسلات القديمة سواء عربي أو ( إفرنجي ـ على قولة ستي الله يرحمها ) بس ماعادو مسلسل واحد ,,, ستيف أوستن ( رجل الستة مليون دولار ) تذكره ؟؟؟

نفسي يعيدوه ثاني ,,, والله كان رهيب ,,, يوم تشوفه ينطلق بالسرعة البطيئة وحنا ( ننطلق ) معاه من أي سرير أو طرابيزة هههههههههههه :150: وعلى روصنا على الأرض , وياما تشوف الفقشات في الروص بسببه :drr05_62:

ولا مسلسل الترانزام الأسود :214: بجد مغببببببببر بقوة أنا :drr05_32:

بس والله أحسن من المدبلجات التركي والمكسيكي والسعودي ( طاش ماطاش ) :drr05_17:

أقول يا أبو جاكي ( يلعن أم الدلع :218: ) إلا ويش رايك نسوي شركة إنتاج ؟؟؟

البطل موجود ( جفو ) والكومبارس موجود ( كوبري العمال في النزلة ) :150: والتجهيزات موجودة في حراج الصواريخ :drr05_52:

وأول مسلسل نسويه بإسم ( علوم العرب بين ثامر وجف الجرب ) :262:

____________

ياشيخ شوفلنا سالفة ننزل فيها حش وتقطيع , ترا ماتلاقي أحد يتحملك قدي :220: ولا ألاقي أحد آخذ راحتي فيه قدك :drr05_39:

هات :drr05_91:

[عاشق البيت]

اهلا بالمشاكسين الاشقياء
زادى وجف وسارونة وارسطو
رغم ان لهجتكم ذات طعم ورائحة ولون
لا يسيغة الا القليل من العرب الا ان مذاقه
طيب لذيذ ممتع لمجرد ان تقع على حروفه العين
احس كانى اسمعه فقد كان لى صديق سعودى
من اهل المدينة يدرس بالاكاديمية البحرية بالاسكندرية
اسمه هشام محمد ذاكر كان له الفضل ان تعلمت منه
الكثير ولان لغتنا العربية ( يسر لا عسر . . لنا ان نضيف
اليها ما نحتاج اليه من الفاظ لم تكن مستخدمة . .
( كالشباشب وخلافه )
على كل حال
كان اساس الموضوع ( ستّى ) ان نتذاكر الغريب
من كلماتهن المباركة فانقلب الموضوع بفعل
زادى وارسطو الى ذكريات شبابية حلوة
بين طيور لاقت بغيتها
لذلك انا اقترح ان نسمى الموضوع

( شات × ذكريات )
معظم ذكرياتكم الجميلة تشبه لحد بعيد
الماضى والمستوى المعيشى التعبان
الذى كان لنا منه الحظ الاوفر
والجيران ونخوتهم ومسئوليتهم
عن الجميع والبساطة والبركة والامان
اين نحن الآن ؟

[zadi]

__________________


أبو محمد السلام عليكم ورحمة الله وبركاته ,,,

شكراً أخي الفاضل لحسن ظنك ,,,

أنا الحقيقة لفت نظري الجملة دي وحاب أعلق عليها , لأنها مهمة وتدخل في سياق الموضوع ,,, إنت قلت هنا :
( والمستوى المعيشى التعبان
الذى كان لنا منه الحظ الاوفر
والجيران ونخوتهم ومسئوليتهم
عن الجميع والبساطة والبركة والامان
اين نحن الآن ؟ )
جملة بسيطة لكنها تغني عن عشر صفحات ,,,

بالفعل ياعاشق البيت ,,,

المستوى المعيشي التعبان أو مايسمى بالفقر المعيشي ,,, كانت له من الحسنات والبركات مالا يعد ولايحصى ,,,

يكفي إنو الناس كلهم تقريباً كانوا في مستوى واحد ,,,

يكفي حسن جيرتهم لبعض وخوفهم على بعض وحبهم لبعض ,,,

يكفي الأواصر العائلية والترابط الأسري الذي كان عنوانهم جميعاً ,,,

ياسيدي إستفدنا إيه من ( جري ) الفلوس في يدينا ؟؟؟

إيه إللي نابنا غير إن الناس أتغيرت وطلعت من الحواير وسكنت بعيد عن بعضيها وصارت تشوف بعض في السنة حسنة ,,,

الأخلاق أتغيرت والنفوس أتغيرت والفروقات في الطبقات بين الناس زادت ,,,

أشياء كتير وكتير ,,,

إللي كنت أشوفه كل يوم , الآن باشوفه كل سنتين مرة ,,, والله بدون مبالغة !!!

أشكرك يا أبو محمد ,,, للحديث بقية

[همس المشاعر]

الله الله .. يا جفوو ..

لك وحشة يا همام.. و خرابيطك المتخربطة ..


و إنت بعد يا أرسطو .. أخبارك يا ثامر ؟؟

....

أما ستي ..

الأولى، متوفية ..
الله يرحمها .. ويفسح لها في الجنة ..


و الثانية، ماشاء الله .. إذا قعدنا جنبها، تحكيلنا حكاوي عام الفيل ..
و حكاوي أبو لهب، و عكاشة و مادري مين ...
أحدث حكاويها، يمكن قبل 100 سنة..
و الصراحة، حكاوي لا تمل و حلوة..

وبالتالي.. في كده جو .. أنسى إنك تجمع أي كلمة غريبة ..
لأنه يمكن الحكاية و الكلمات كلها غريبة :d :D


..

رجعت لنا ذكريات كثثثثثثثثثثثثثثير يا همام بهالموضوع..

يسلمواااااااااااااااا