المساعد الشخصي الرقمي

مشاهدة النسخة كاملة : للنقاش ][ هدي آخرتها يا ابو عبدالله .... تخونني !!! :( ][


*amula_beauty*
30-07-2009, 02:32 AM
http://www.dorarr.ws/forum/uploaded/30460/ثثثث.jpg


صباحكم سكر يا حلووووين

بما اني انثى غصبآ عن اللي يرضى واللي ما يرضى


وبغض النظر عن تأثير الانثى بحياة الرجل


وتأثير الزوجه بحياة زوجها


وتضحية المرأه في سبيل انو تخلي البيت جنه للمحروس عتريس


تحمل وتولد وتكتأب وتمرض ,,, وهوا مو حاسس

بالعكس يشوفها مقصره ناحيتووو



:228:
****************************** ****


بعد دي المقدمه ,,, طبعآآ اعذرني يا زادي دايمآ انتا كبش الفداء بمواضيعي :drr05_19:


تخيلوا انو انا لا سمح الله زوجة زادي

:263:

اللي هوا ابو عبدالله

طبعآ ( العذر لأبو عبدالله وام عبدالله) انا بنت من بنات خالو زادي :236:


لكن لنفرض ذلك


وفجأه جيت وفتشت جوالو ولقيت انو يكلم بنت


ويعشقها في الظلاااام


يعني باختصار خانني


ايش راح تكون ردة فعلي

غير اني انفجع منو وابتعد عنو


وبعدها اواجهو بكل قووووه واقولو اني عرفت انو خاين


*****************************

دايمآ بتصير دي الحاجه

ودي الحكايه صارت مع احد اقاربي


ومره رحنا للملاهي مع وحده من خالاتي


وللأسف لقينا زوجها هناك مع وحده في قممممممممة الانسجاااااااام
:153:
***************

ايش رأيكم بدي المواقف اللي تصير


:139:


وايش تفسيركم للخيانه الزوجيه


خاصة من الزوج


وايش هوا الحل

وهل الحل اني اطلب الخلع من ابوعبدالله :218:

ولا اكمل حياتي واساامحو زيي زي اي بنت تقليديه عبيطه وهبله ؟؟؟؟؟:drr05_49:


ليا وجهة نظر بالموضوع ماراح اقولها الا بنهاية المناحله مع سيادتكم

:150:

يلاااااااااا

اتلحلحوا


ربي يسعدكم

^_^
المسآفر
30-07-2009, 06:11 AM
السلام عليكم
صباح الخير امولة

ماشا الله عليكِ :drr05_19:
آيا بو عبدالله تكلم بنات :drr05_89:

صحيح تكون صدمة للزوجه ربي يكون بعونها
بعد اخلاصها ومحبتها لزوجها وخصوصاً إن الحياة الزوجية تقوم على المحبة والتفاهم

تكتشف ان زوجها يخونها .. ومصير أي خائن الخساره
أمل صحيح بتكون صعبة على المرأة ان تتقبل مثل هذه الاشياء
ولكن ترجع لنفسها في البداية وتشوف التقصير يكون منها ولا لا ؟

ولا تنسين ان خيانه الزوج يكون سببها تقصير الزوجات
مثلاً تهمل الزوجة زوجها أو ما تظهر أمامه بالمظهر المطلوب والاسباب كثيرة يا شقيقتي

واذا بدك حل نظيف تفاهمي مع زوجك وفكري في مستقبل العيال ولا تهدمي بيتك من الحين
وصارحيه بكل شي :150:

واذا بدك راي المسافر العبيط اطلبي الخلع من بو عبدالله
كله ولا كرامتك وعزة نفسك بس يا ويلك لو جيتي هالصوب هذا يكون في الاخير
اذا مافي حل نهائياً


وأخيراً ما نزكِ المرأة يا شقيقتي لانها غير منزهه وهي الاخرى تخون :drr05_32:


وبس ما بتفلسف خلي الـ مجربين يقولولك
شكراً ومتابع
جف البحر
30-07-2009, 12:00 PM
يابنتي انا مني فاهم انتو ليش فاهمينها خيانة

الموضوع طالما للزوج عادي

كل واحد يصلح سيارته

هادي وحده اعجبته

بيتناقش معاها في امور كده مالها مرته دخل فيها

يعني صديق ملاهي


زي زواج المصياف والمقحاف والمضراب والي معدي

واللي رايح البقاله وهلم جر


اما انته غريب ياهااني !! << متأثر باللمبي


جف..!
جف البحر
30-07-2009, 12:02 PM
نسيت اقلك

انا اتغاضيت انه الموضوع فيه تشبيه بابو عبدالله

لأنه لو اخدت الكلام دا بعين الاعتبار راح تتنكب الدنيا كلها

والموضوع راح يصير سلطة

توافيق


جف..!
zadi
30-07-2009, 12:26 PM
________________


صباحكم سكر يا حلووووين

وصباحك سكاكر وشوكلاتات

بما اني انثى غصبآ عن اللي يرضى واللي ما يرضى

أنثى العنكبوت أخطر من العنكبوت باشا بزاتو :236:

وبغض النظر عن تأثير الانثى بحياة الرجل
وتأثير الزوجه بحياة زوجها

خراب ـ دمار ـ تسمم ـ هلوسة ـ بس آخرتها نكبة لاااااااابد منها :228:

وتضحية المرأه في سبيل انو تخلي البيت جنه للمحروس عتريس

نفسي أعرف إيش هيه التضحية إللي فلقتونا بيها؟؟؟ مو يكفي أتجوزناكم ؟؟؟ هذي مو أكبر من كل تضحة في التاريخ ؟؟؟ :218:

تحمل وتولد وتكتأب وتمرض ,,, وهوا مو حاسس

شوفي دايماً إنتو كدا و تاكلو وتنسو , تقتلو القتيل وتمشو تغطرفو في جنازتو ـ تمضغو على جنب ,,, طيب مين إللي بيوديكم المستشفيات ؟؟؟ مين إللي بيدفع حساب الولادة من دم قلبو ؟؟؟ مين إللي بيشتري حليب وحفايظ من ( النوعين ) ؟؟؟ مين إللي بيتحمل الأربعين :150: ؟؟؟ ها , كمان ولا يكفي ؟؟؟

بالعكس يشوفها مقصره ناحيتووو

كتييييييييييييير , والحرمة واقفة على الرجال بخصارة إلين تكمل معاه عشرين سنة , يادوب تجيب مصاريفها !!! :220:

بعد دي المقدمه ,,, طبعآآ اعذرني يا زادي دايمآ انتا كبش الفداء بمواضيعي

خلونا كبووووووش وكمان مو عاجب , طيب ياستي بس عشني مشرف :drr05_19:

تخيلوا انو انا لا سمح الله زوجة زادي

اللي هوا ابو عبدالله

طبعآ ( العذر لأبو عبدالله وام عبدالله) انا بنت من بنات خالو زادي
( لو صحيح كان فعصتك تفعيصاً وعزبتك عزاباً مهولاً بحرمانك من كافةأنواع الجلاكسي والكيتكاتات والمرقوووووق ) :drr05_41:
لكن لنفرض ذلك

فرضنا

وفجأه جيت وفتشت جوالو ولقيت انو يكلم بنت

ويعشقها في الظلاااام

يعني باختصار خانني

بس بس أووووووووب , وقفي هنا , أصلاً مين أعطاك الحق تفتشي الجوال ؟؟؟ يالله ياماما , يالله على بيت أبوكي بدون اي كلمة ولا نفس ولا حرف <<< هذا الجواب المفترض والواقعي :249:

ايش راح تكون ردة فعلي

غير اني انفجع منو وابتعد عنو

وأغنيلو إبتعد عني ماحبك ويش تبيبي × قدرك الغالي رميته في الثرى ههههههههههه

وبعدها اواجهو بكل قووووه واقولو اني عرفت انو خاين

بدري !!! :220:

دايمآ بتصير دي الحاجه

ودي الحكايه صارت مع احد اقاربي

علمناها اللقافة في المنتدى , سبقتنا على بيوت الأهل والجيران :drr05_17:

ومره رحنا للملاهي مع وحده من خالاتي

يادي خالاتك , يبغالهم دكتور ميسرة لحالهم :drr05_62:

وللأسف لقينا زوجها هناك مع وحده في قممممممممة الانسجاااااااام

في قممممممممممة الإنسجااااااااااااااام :153: , وإنتو قطعتو عليهم الإنسجاااااااااااام , ملاقيف ؟ :drr05_22:


ايش رأيكم بدي المواقف اللي تصير

شوفي تبغي كلام العقل ولا كلام المجانين ؟؟؟

كلام العقل : ترجع البيت وتفكر مع نفسها ليييييييييييه ؟؟ أكيد في سبب !!! ويمكن السبب دا منها هيه !!! وتراجع نفسها وتشوف تصرفاتها وإذا مالقت نفسها مقصرة ( بس تكون صادقة مع نفسها ) تواجهو بالموضوع بهدوء وبدون تلطيش وكفوف وملاعق تطير وصحون تتكسر , يعني تسويلو ليلة فوشي وتطبخ له أكلة يتدردب عندها وتولع كم شمعة وتلبسلو أحمر وأخضر , وتشربه شمبانيا سعودية ( تعيشو الدور ) وبعدين تفتح الموضوع برواااااااااااااااق على الآخر , والأفضل قبل دا كلو تاخدلها حبة فاليوم أو بندول ليلي عشان تكون هااااااااااادية .

كلام المجانين : بشويش تخرج برات الملاهي تلاقي حقين الهيئة في الجمس وتقولهم عليه ويجو ( يشتلو ) بريشو وبعراميشو , وبعدين ترسلو أخوها كفيل يطلعو ويبقالها الفضل عليه :drr05_39:

وايش تفسيركم للخيانه الزوجيه

تحصل في أحسن العايلات , بس أنا دايماً ليا رأي , يمكن يعجب أو مايعجب ,,, الخيانة تبدأ أول ما تبدأ من الحرمة , يعني هي السر في خيانة الرجل ,,,

خاصة من الزوج

إشمعنى من الزوج يعني ؟؟؟ يعني مافي زوجة تخون ؟؟؟ :218:

وايش هوا الحل

كل واحد يراجع نفسو وحياتو ويشوف فين الخلل !!!

وهل الحل اني اطلب الخلع من ابوعبدالله

خلع الله راص الشيطان ,,, يابت إنتي إيش طالع معاكي على الخلع اليومين دول ؟؟؟ :249:

ولا اكمل حياتي واساامحو زيي زي اي بنت تقليديه عبيطه وهبله ؟؟؟؟؟

العبيطة والهبلة هيه إللي تعيش وتعمر واسألي ماما وبابا وقوليلهم هبلة وعبيطة في بيت زوجي ولا مفتحة ومدردحة في بيتكم رايحة جاية من زوج للتاني ؟؟؟ المفتحة تلاقيها ( معددة ) أنتبهي :236:

ليا وجهة نظر بالموضوع ماراح اقولها الا بنهاية المناحله مع سيادتكم

عارفة وقسم بالله كنت أفكر في الموضوع دا البارح إني أنزلو وألعب فيه بخطة هجومية برازيلية بحتة ( 4 ـ 2ـ 4 ) وأسجل ستة أهداف في الشوط الأول ,,, بس حرقتيلي المباراة ,,, يالله قدامنا كاس فيصل نعوض عن القارات :drr05_17:

يلاااااااااا

بينا

اتلحلحوا

قوم ياواد منك لو و لها

ربي يسعدكم

ويسعدك

^_^

^_^
عاشق البيت
30-07-2009, 01:32 PM
صباح الفل والياسمين
والصفح والتسامح والتفاهم والاعتذار
وصفحة جديدة وعهد الامان والصلح خير
موضوع يستحق المناقشة الواقعية على
اساس الشرع والعرف والواقع المؤلم

بداية . للوقاية . يجب اختيار الزوج على الدين والخلق
وحسن النشأة والفراسة والشفافية لفهم جوهره وفكره
وميوله وثقافته واهتماماته

اهتمام الزوجة من بداية اليوم الاول بكل ما يحب الزوج
من امر نفسها اجمالا والعناية بتجميل البيت والتجديد
تجنبا للرتابة التى هى سبب الفتور غالبا
وخلق الجو الجذاب الباعث على الرضا والسعادة
دون تكلف او تصنع لكن بالبساطة والود والحب
لا تكرر خطأ نبهها اليه مرة ولتكن حذرة يقظة حساسة
لا تهمل ولا تتوانى فى طلب ما يحب لا تلح عليه كثيرا
فى تحقيق رغبة لها واذا وعدها بما تريد تصبر حتى
تسمح ظروفه بتلبية ما تريد
لا تكذب ولا تفعل شيئا يبغضه
تستنصحة وتستشيره ولا تخفى عليه امرا يهم حياتهم

حال واحدة يصبح للزوجة كل الحق فى اتخاذ ما تراه
نافعا لحياتها اذا خان الزوج بسبب جشع نفسه وهواه
وقلة عقله ودينه وتعلقه باخرى دون مبرر اللهم الا
الرومانسية المزعومة وضعف نفسه وميله للحرام
ويمكن اعطائه فرصة لاصلاح سلوكه من باب الصفح
لاستمرار الحياة مع اشعاره بعظم الجرم دون تعنيف
مفرط ولا سلبية تتركه يتمادى فى غيه
ولاشك ان هذا يكون كرما منها وصفحا محمودا
فكل ابن آدم خطاء
اما فضل النساء علينا لانكفره ولا نزدريه
--------
كل الاحترام والشكر للمبدعة امولة
والمعلم المشاكس ابى عبد الله زادى
سارونه
30-07-2009, 02:10 PM
http://fantasyflash.ru/anime/love/image/love235.gif


مشكلة انهم يعانون من الذكورة فقط

اذا لقيتي رجل يخون !! هنا خلل ولازم له حل

كل اللي يخونون ذكور لاغير


الدكتور الكبيسي امس بالـ mbc

قال من كان رجلا فهو يعامل بالدين والاسلام
لايخون ولايتلفظ ولايضرب وكامل والكامل وجه الله
مع امه واخته وزوجته وبنته



من عامل بالذكورة
فهو يضرب ويتصرف غلط بغلط مع الجميع
لانه تفكيره محصور مابين السرة والركبة




اذا لقيتي رجل تقدرين تحاسبين
والدليل ايه كريمة (( الرجال قوامون على النساء .......... ))

ومشكلة الدولة بجلالة قدرها واهلنا معاها ومسايرينها
فاهمين القوامة غلط
وفاهمين الولاية غلط
فاهمين الرجولة غلط

بالاخير فاهمين الذكورة صح



امولة
ابتدا الشغل :228:
عاشق البيت
30-07-2009, 02:54 PM
سارونه
---

اذا لقيتي رجل يخون !! هنا خلل ولازم له حل

كل اللي يخونون ذكور لاغير
----------
كيف ذلك يا اختى العزيزة
مع من يخون الرجل
اليس لابد من خائنة تشاركة
كى تتم الخيانة
مع كل احترامى لوجهة نظركم المعتبرة
zadi
30-07-2009, 03:02 PM
__________________


ضربة معلم يا أستاذ عاشق البيت ,,, والله ضربة معلم !!!

أيوا كدا , أكويييييييييي :drr05_41:
*amula_beauty*
30-07-2009, 03:02 PM
صباحك / مساك سكر اخويا :


المسافر




آيا بو عبدالله تكلم بنات


شفت اللي جرااااااااااالي ؟؟؟ :165:




صحيح تكون صدمة للزوجه ربي يكون بعونها
بعد اخلاصها ومحبتها لزوجها وخصوصاً إن الحياة الزوجية تقوم على المحبة والتفاهم

تكتشف ان زوجها يخونها .. ومصير أي خائن الخساره



والله انها اكبر صدمه بالحياه ,,, وممكن ماتفوق منها الحرمه

في الاوساط النسائيه يقولوا ,,, الرجال لازم يغلط مهما كاااااااااااااااان


واللي ماغلط حيغلط

:218:



أمل صحيح بتكون صعبة على المرأة ان تتقبل مثل هذه الاشياء
ولكن ترجع لنفسها في البداية وتشوف التقصير يكون منها ولا لا ؟

ولا تنسين ان خيانه الزوج يكون سببها تقصير الزوجات
مثلاً تهمل الزوجة زوجها أو ما تظهر أمامه بالمظهر المطلوب والاسباب كثيرة يا شقيقتي

واذا بدك حل نظيف تفاهمي مع زوجك وفكري في مستقبل العيال ولا تهدمي بيتك من الحين
وصارحيه بكل شي

:drr05_19:

حلوووه هدي اصااارحو بكل شي من دحين


تصدق من دحين صرت اقوولو اشياء زي كدا

صار يقولي انتي ليه كدا تفترضي الاسوأ ؟؟؟؟؟؟؟؟؟

خجلت من نفسي وقفلت الموضوع

:228:

والله اذا كان تقصير من الزوجه تصطفل

صح فيه زوجات ماعندهم سالفه ,,,, خي ازواجهم يخونوهم يستاهلو

هما اللي نايمين في الطراوه


لكن في بالمقابل زوجات ما ينقصهم شي


ليييييييييييه الخياااانه ؟؟؟

ممكن افهم




واذا بدك راي المسافر العبيط اطلبي الخلع من بو عبدالله
كله ولا كرامتك وعزة نفسك بس يا ويلك لو جيتي هالصوب هذا يكون في الاخير
اذا مافي حل نهائياً


هووووووووووووووووو داااااااااااا الكلااااااااااام الحلوووو

^_^



وأخيراً ما نزكِ المرأة يا شقيقتي لانها غير منزهه وهي الاخرى تخون



ادري انو المرأه غير منزهه ولكن لما تكون متزوجه ,,, حالات الخيانه قليله

مو زي الرجال

اشكرك ع المرور الحلو اخوياا

منجد عجبتني المحاوره معاك


ربي يسعدك

^_^
*amula_beauty*
30-07-2009, 03:09 PM
مساااا الورد اخويا :

جف



يابنتي انا مني فاهم انتو ليش فاهمينها خيانة

الموضوع طالما للزوج عادي

كل واحد يصلح سيارته

هادي وحده اعجبته

بيتناقش معاها في امور كده مالها مرته دخل فيها


يا سلااااااااااااام ... :249:


يتناقش معاها في امووور مرتو مالها دخل فيها هاااااا ؟؟؟؟؟


لا تقولي انو صداقه بس



انو هوا ماشاء الله مافي احد يفهموا الا دي البنت اللي يكلمها

مررررررررره مع نفسسسسسسسسك


اعرف بنت بالجامعه تكلم رجال متزوج

والله بس تتمسخر عليه وتضحك على راسووو

وآخدتو مسخره ومصلحه

تطلبو يشتريلها جوالات ويشحنلها

وتلاقيه مطلع عين مرتوووو

اما دي البنت يجيبلها لبن العصفووور

دا حلال ولا حرام يا شمام ؟؟؟؟؟؟؟؟



يعني صديق ملاهي


يا عيني علييييييييييك

اصلآ لو انتا بمكانو كان اتصفقت مزبووووط


ماعندي لعب انا


اخلع على طووووووول

****************************** **



انا اتغاضيت انه الموضوع فيه تشبيه بابو عبدالله

لأنه لو اخدت الكلام دا بعين الاعتبار راح تتنكب الدنيا كلها



لالا تكفى لا تتغاضى


انا مصررررررررررررره انك ما تتغاضى عن ابو عبدالله ,,كبش الفداء بمواضيعي

دي تاني مره اسسويها فيه


بس المرأه الاولى كان الموضوع يقول ( اتمنى اتزوج واحد زي ابو عبدالله) :drr05_19:

وللأسف بعد ما خطبتو خانني


:236:


اشكرك ع المرور الحلووو

ربيي يسعدك

^_^
*amula_beauty*
30-07-2009, 03:25 PM
مسا الورد يا خالو وكبش الفداء :

زادي



خراب ـ دمار ـ تسمم ـ هلوسة ـ بس آخرتها نكبة لاااااااابد منها

مفتررررررررري من يووومك


:249:


نفسي أعرف إيش هيه التضحية إللي فلقتونا بيها؟؟؟ مو يكفي أتجوزناكم ؟؟؟ هذي مو أكبر من كل تضحة في التاريخ ؟؟؟


التضحيه اننا فنينا شبابنا وعمرنا ليكم

وفقدنا اجسامنا ورشاقتنا واحنا حاملين بعيالكم

وكمان بنفقد صحتنا بتربية العيال ومراعاتكم

وبالطبخ والنفخ وشغل البيت << دا اذا اشتغلت ,, لازم شغاااااله :150:


وكمان بنشارك معاكم بمصروف البيت (للي تشتغل)

وفوق دا كولو ,,, منتو يغمش عابد ,,, قصدي منتو معبرينا

ومو حاسين بينا

لا حب

لاحنان

لا رومنسيه

وحبكم ورومنسيتكم
تصرفوها برااااااااااااااااااا لوحده ماتسوى



شوفي دايماً إنتو كدا و تاكلو وتنسو , تقتلو القتيل وتمشو تغطرفو في جنازتو ـ تمضغو على جنب ,,, طيب مين إللي بيوديكم المستشفيات ؟؟؟ مين إللي بيدفع حساب الولادة من دم قلبو ؟؟؟ مين إللي بيشتري حليب وحفايظ من ( النوعين ) ؟؟؟ مين إللي بيتحمل الأربعين ؟؟؟ ها , كمان ولا يكفي ؟؟؟


هي دي الكلمتين اللي يقولوها دايمآآآ

قولولي انتو بس حافظينها ومتفقين عليها بأي مقهى عشان اروووح احرقووووو :249:



خلونا كبووووووش وكمان مو عاجب , طيب ياستي بس عشني مشرف


والله يا خالو انو قدرك كبير ,,, سامحني بس المخرج عاوووز كدا

انتا عارف اني احترمك ومستحيل اقلل من قدرك

^_^


( لو صحيح كان فعصتك تفعيصاً وعزبتك عزاباً مهولاً بحرمانك من كافةأنواع الجلاكسي والكيتكاتات والمرقوووووق )


عاااااااااااااااااارفه والله

عشااان كدا قلت (لاسمح الله)

وقرأت قبلها المعوذات :drr05_19:



بس بس أووووووووب , وقفي هنا , أصلاً مين أعطاك الحق تفتشي الجوال ؟؟؟ يالله ياماما , يالله على بيت أبوكي بدون اي كلمة ولا نفس ولا حرف <<< هذا الجواب المفترض والواقعي


اهااااااااااااااا

يعني ليه ما تبغاني افتش جوالك ؟؟؟؟؟

ايش مخبي ؟؟؟؟؟

انا ما فتشتو

كان مع عبدالله وفتح ع الرساله ( دا اقرب عذر)

وشفتها

لا تحاول تهاجمني عشان تدافع عن نفسك

صحيح انو الهجوووم افضل وسيله لدفاع بس مو معااياااا صحصحححححح :218:




في قممممممممممة الإنسجااااااااااااااام , وإنتو قطعتو عليهم الإنسجاااااااااااام , ملاقيف ؟



ما قطعنا ولا شي

خالتي زغرتلوووو بس :249:


وطلعنا :220:



كلام العقل : ترجع البيت وتفكر مع نفسها ليييييييييييه ؟؟ أكيد في سبب !!! ويمكن السبب دا منها هيه !!! وتراجع نفسها وتشوف تصرفاتها وإذا مالقت نفسها مقصرة ( بس تكون صادقة مع نفسها ) تواجهو بالموضوع بهدوء وبدون تلطيش وكفوف وملاعق تطير وصحون تتكسر , يعني تسويلو ليلة فوشي وتطبخ له أكلة يتدردب عندها وتولع كم شمعة وتلبسلو أحمر وأخضر , وتشربه شمبانيا سعودية ( تعيشو الدور ) وبعدين تفتح الموضوع برواااااااااااااااق على الآخر , والأفضل قبل دا كلو تاخدلها حبة فاليوم أو بندول ليلي عشان تكون هااااااااااادية .

لالا ابدآآآ

انا الف واحد يتمناني

يجي زوجي اللي فضلتوو على كل العرسااان يخونني مع وحده اقل مني بكل شي


؟؟؟؟؟؟؟؟؟؟؟؟؟؟؟؟؟؟؟

دا اكيد مريض

وايش رايك لو كانت البنت صحبتو من قبل الزواج؟؟؟؟؟؟؟

ايش تعمل بدي الحاله يا خال؟؟؟؟ يلا حلنننننننني



:165:


كلام المجانين : بشويش تخرج برات الملاهي تلاقي حقين الهيئة في الجمس وتقولهم عليه ويجو ( يشتلو ) بريشو وبعراميشو , وبعدين ترسلو أخوها كفيل يطلعو ويبقالها الفضل عليه


خساااااره ,, والله فاتتني دي


منجد اني هبله :150:


تحصل في أحسن العايلات , بس أنا دايماً ليا رأي , يمكن يعجب أو مايعجب ,,, الخيانة تبدأ أول ما تبدأ من الحرمة , يعني هي السر في خيانة الرجل ,,,

لا مو دايمآآآآ

انتو ما تشوفو اللي بنسويه


إشمعنى من الزوج يعني ؟؟؟ يعني مافي زوجة تخون ؟؟؟


البنت لما تتزوج تركز على بيتها وعيالها وزوجها


ماعندها وقت تخووون

اصلآ الخيانه عند الحريم المتزوجات قليله مرررررررره بالمقارنه مع ازواجهم


دايمآ الزوج اللي يخربهااا


وعلى ماقالو الرجال لازم يغلط

:drr05_47:



خلع الله راص الشيطان ,,, يابت إنتي إيش طالع معاكي على الخلع اليومين دول ؟؟؟


ايوا انا ماعندي تفاااااااااااهم مررررررررررررررررررره

تلاقيني على لساني

شرطه, خلع , محكمه


وخاااصه لو فكر يمد يدوو علياااا


والله لأتبلاااه ببلوووه



العبيطة والهبلة هيه إللي تعيش وتعمر واسألي ماما وبابا وقوليلهم هبلة وعبيطة في بيت زوجي ولا مفتحة ومدردحة في بيتكم رايحة جاية من زوج للتاني ؟؟؟ المفتحة تلاقيها ( معددة ) أنتبهي


ما ادري

بس ببيت اهلي اصررررررف بمية مره




عارفة وقسم بالله كنت أفكر في الموضوع دا البارح إني أنزلو وألعب فيه بخطة هجومية برازيلية بحتة ( 4 ـ 2ـ 4 ) وأسجل ستة أهداف في الشوط الأول ,,, بس حرقتيلي المباراة ,,, يالله قدامنا كاس فيصل نعوض عن القارات


اهه جاااك ع الجاااااااااااااااااااااهز يا خالووو

ايش تبغى كماان

:236:


اشكرك ع المرور الحلوووو كالعاده يا سعاده


ربي يسعدك

^_^
*amula_beauty*
30-07-2009, 03:44 PM
مسا الورد اخويا :

عاشق البيت


صباح الفل والياسمين
والصفح والتسامح والتفاهم والاعتذار
وصفحة جديدة وعهد الامان والصلح خير
موضوع يستحق المناقشة الواقعية على
اساس الشرع والعرف والواقع المؤلم

صباح الورد ياعمي

من المقدمه كدا حسيت انك تبغانا احنا بنات حواااا نصفح نسامحح

ليه دايمآ احنا اللي بنسامح ونصفح

والكمال تبغوه مننا بدي الامور

؟؟؟؟؟؟


اهتمام الزوجة من بداية اليوم الاول بكل ما يحب الزوج
من امر نفسها اجمالا والعناية بتجميل البيت والتجديد
تجنبا للرتابة التى هى سبب الفتور غالبا
وخلق الجو الجذاب الباعث على الرضا والسعادة
دون تكلف او تصنع لكن بالبساطة والود والحب
لا تكرر خطأ نبهها اليه مرة ولتكن حذرة يقظة حساسة
لا تهمل ولا تتوانى فى طلب ما يحب لا تلح عليه كثيرا
فى تحقيق رغبة لها واذا وعدها بما تريد تصبر حتى
تسمح ظروفه بتلبية ما تريد
لا تكذب ولا تفعل شيئا يبغضه
تستنصحة وتستشيره ولا تخفى عليه امرا يهم حياتهم



كدا حسستني انو الموضوع كلوووووو بسبب الزوجه

ومايصير كدا

احنا اللي علينا كل شي

نرضيكم

نفرحكم

نبسطم

ونجيبلكم عيال

ونطبخلكم

ونرتبلكم بيوتكم

ونتعب معاكم

كل شي كل شي احنا اللي نعملووو

ولااااااااااااازم نمووووت نفسنا عشان ترضووو

:249:


شي يطقق


حال واحدة يصبح للزوجة كل الحق فى اتخاذ ما تراه
نافعا لحياتها اذا خان الزوج بسبب جشع نفسه وهواه
وقلة عقله ودينه وتعلقه باخرى دون مبرر اللهم الا
الرومانسية المزعومة وضعف نفسه وميله للحرام



دا الشي ودا الوضع اللي بنتكلم عنوووووو


لما يكون كدا يبغى يتكلم مع فلانه ويخرج مع علاااانه

والمسكينه بالبيت تداريه واتشوووف عيالو

:249:


اما فضل النساء علينا لانكفره ولا نزدريه


الله يسعدك يا شيخ دنيا وآآآآآآخره


اشكرك ع المرور الحلووو

كلامك جميل

لكن مو دايمآ الصفح هوا الحل


ممكن الزوج يتمادى


ربي يسعدك

^_^
*amula_beauty*
30-07-2009, 03:50 PM
مسا الورد والرضااااا عزيزتي :

ساروووونه


تعجبيني بكل مداخلاتك ^_^



مشكلة انهم يعانون من الذكورة فقط

اذا لقيتي رجل يخون !! هنا خلل ولازم له حل

كل اللي يخونون ذكور لاغير



هما اكيد بيعانو من الذكوووره ومن بلاوي متلتله غيرها


لكن ما ننكر انو الخيانه صفه يشترك بيها الجنسين

لكنها غالبآ ماتكون مصاحبه للرجل وخاصة بعد الزواج





من عامل بالذكورة
فهو يضرب ويتصرف غلط بغلط مع الجميع
لانه تفكيره محصور مابين السرة والركبة

والله فناااااااااااااااااااااااااااا اااااااااااانه



لكن مشكلتهم لما يجوا يقولولك

البنت اللي اكلمها تفهمني

تسمعني


تحس فياااا عكس زوجتي

طيب يا مخ زوجتك مشغوله بعيالك

قدر دا الوضع

خد العيال وديهم عند اهلها

وخدولكم اسبوع تجددوا فيه الحب

وتروووقوووو سوووووووا


لمتى بعلمكم انا ؟؟ :139:


فاهمين القوامة غلط
وفاهمين الولاية غلط
فاهمين الرجولة غلط

بالاخير فاهمين الذكورة صح


صح بارك الله فيكي


الذكوره ,, الفحوووله اي شي

وعلى قولتك حتى الحياه الزوجيه والمشاركه فاهمينها خطأ


حتى واجباتهم فاهمينها خطأ

حتى علاقتهم بزوجاتهم فاهمينها غلط


( طبعآ مو الكل )
:236:



امولة
ابتدا الشغل


ياريتووو ما ينتهي بس

استمررررررري وعين الله ترعاكِ

منجد تعجبني اجاباتك داااايمآآآآآآآىى :)


اشكرك من قلبي ع المرور الحلوووو جدآآآآآآآ


ربي يسعدك

^_^
*amula_beauty*
30-07-2009, 03:52 PM
مسا الورد مره تانيه اخويا :


عاشق البيت



كيف ذلك يا اختى العزيزة
مع من يخون الرجل
اليس لابد من خائنة تشاركة
كى تتم الخيانة


احنا بنتكلم عن الرجل المتزوج

وغالبآ يخون مع فتاه غير متزوجه وفتاه لعوووب



الزوجه نادرآ ماتخووون

لأن الرباط المقدس (الزواج) يعني لها الشئ الكثير
*amula_beauty*
30-07-2009, 03:54 PM
ضربة معلم يا أستاذ عاشق البيت ,,, والله ضربة معلم !!!

أيوا كدا , أكويييييييييي


يلا طيب ياغرانديزر

اطلع من دكة الاحتياط والتشجيع


وشارك بالهجوووووووم

غرانديزر ,,, انطلللللللللللللللللللق


:236:
ألنشمي
30-07-2009, 04:33 PM
000
00
0
نفسي اعرف ليش الموضوع

على ابو عبدالله

والموضوع الي قبله

يعني ممكن نطرح الموضوع بدون اشارة الى احد

مش كذا اموولة

والا انا غلطان؟؟

معليش حبيب قلبي اخي الغالي ابو عبدالله

يمكن تعتبرها لقافة

او شي ثاني

بس ممكن يعالج اي موضوع

ويطرح بدون اسناده لشخص

اخر في المنتدى

او الاشارة اليه

دمتم سالمين
سارونه
30-07-2009, 05:06 PM
http://fantasyflash.ru/anime/love/image/love235.gif


انا افرق لكم بين معنى كلمة رجل و معنى ذكر

فقط الرجل المذكور بالقران
نموذج ماشفناه

ولا ااتوقع بنشوفه


كل من حولنا غريزتهم تحكمهم الا من رحم ربي
ويصنفون ذكور والا فيه عاقل مؤمن بالله يغازل ويرقم ويلفلفبها بالشقق ؟
وين الدين
وين
الزنا دين ان استقرضته كان الوفاء من اهل بيتك فاعلم
من يزني بقوم بألفي درهم في داره يزنى بربع الدرهم


تفكير رجولي لدقائق هل هناك رجل بيخون وهو عارف هذا العقاب ؟ من محارمه ؟؟
فقط من يخون ويزني ويبصبص ذكر مافكر في العقوبة انها بتكون جزاء من اهل بيته



مثال

ليه العقوق اللي يصير يرمون امهاتهم \ يعنفون اخواتهم \ ورى المدام في كل شي
ليه الشباب الجديد والقديم يقدرون زوجاتهم تقدير ملائكي الا شوي ؟؟

الجيل الجديد من صغره متربي ان الزواج عملية كذا وكذا وتتم وانتهينا


بس الرجل
المذكور بالقران
قال وجعلنا بينهم مودة ورحمة
وقال الرسول خيركم خيركم لاهله

وترى الدين يخاطب الرجال فقط
ويربي فيهم الغريزة الذكورية وماتتحكم فيهم يتحكمون فيهاا

الذكور شوف وش يتحكم فيهم

كل رجل ذكر وله فطرة
ولكن ليس كل ذكر رجل

فيه ذكور تيوس ونعيمي وبعارين وغربان وديكة :236:
*amula_beauty*
30-07-2009, 05:45 PM
مسا الورد يا عمو :

النشمي


لا تعصب بالله


نفسي اعرف ليش الموضوع

على ابو عبدالله

والموضوع الي قبله

يعني ممكن نطرح الموضوع بدون اشارة الى احد

مش كذا اموولة

والا انا غلطان؟؟

معليش حبيب قلبي اخي الغالي ابو عبدالله

يمكن تعتبرها لقافة

او شي ثاني

بس ممكن يعالج اي موضوع

ويطرح بدون اسناده لشخص

اخر في المنتدى


كل واحد له طريقته بالطرح


شفت كيف الصحافه تجذب الناس للقراءه


؟؟؟؟


زي كدا

اعتبرها ذكاء في الجذب

وليه ابو عبدالله مو غيرو ؟؟؟

انا اقولك ,,, لأنو خالو زادي اكتر واحد بيهتم بمواضيع النقاش الاجتماعيه

ولأنو اكتر واحد اقدر اسند اليه الموضوع وانا متأكده انو ما حيتضايق


لأن قلبو ابيض ولو اتضايق بيقولي


واكيد المنتدى ماراح يقيدني بأسلوب معين في الطرح

كل واحد له طريقته الخاصه


اشكرك ع المرور


كنت اتمنى اتك تشارك في لب الموضوع



ربي يسعدك
صدق الوفاء
31-07-2009, 08:07 PM
احم احم

السلام عليكم ورحمة الله وبركاته

شوفي يا بنت حواء

لو عاملتي رجلك على انه ولدك >> طيب ما هوا ولدك من الرضاعه غصب عن عينك منك لها :drr05_17:

تأثير الأحتكاك مع الرعيل هههههههههههههههههه

ولبيتي حوائجه وعودتيه على الأشياء الحلوة

واعنتيه على امور دينه ودنياه وكنتي بالنسبة له الزوجه والأخت

والصديقة والعشيقه وكل حاجه كان ما صار اللي صار واللي قاعد يصير


ولدك لو ما اعطيتيه فلوس يشتري اللي يبغاه

لا تلوميه لو راح سرق من الحجا دقة أو سرق من البقالة حلاوه

ولدك لو ما اعطيتيه فرصه يغير جو ويعطلع مع اصحابه

لا تلوميه لو نسخ على مفتاح البيت وتسلل اخر اللليل

ولدك محتاج حنان وكلام حلو >> مو بس وقت ما تكوني تبغي تروحي لصاحباتك وتقفلي عليه البيت

او لما يكون نفسك تشتري فستان جديد >> يعني بلاش بكش وشغل من الرخيص :drr05_41:

وبعدين حتى الناس لها مخ يا مح البيض انتي :drr05_52:وتعرف وتلاقيها على طول لما تشوف

الولد يلعب برا البيت انه امه ما عرفت تربيه أو أو أو >> كلام يعور |238|

اتفق مع مع كلام خالو في المعالجة

وازيدك من الشعر بيت

على طاري تقليب الجوال

مرة واحده استغلت نوم زوجها واشتغل فيها عرق النساء >> الشر برا وبعيد

واخذت تقلب ولقت رسائل حلا زيادة

ولما صحي زوجها المسكين لقي البراطم اكبر من براطم كوفي عنان :150:

خير عسى ما شر ويش فيك اصلاً ما اعطته فرصه يتكلم من هذي وووووو

بكل برود قال لها اسألك سؤال جاوبيني وبعدين اجاوبك قالت هااااات اشوووووف


قال لها شوفي يا بنت الناس الذاكره عندي في الجوال 5 غ يعني فيه مساااااااح كبيرررره

السؤال متى اخر رسالة حلوه ارسلتيها لي

انا ما اسألك عن رسائل الخبر واللبن والغداء اللي غثيتيني فيها لا اسألك عن الرسائل الحلوه |238|

إذا افتكرتي ارد عليك :drr05_52:


خلص الفصل الأول فاصل ونواصل

-------------------------------------
صدق الوفاء
31-07-2009, 08:27 PM
اتفق معك يا سارونه في الفروقات

بس خذي عندك كمان

انه لولا انه هناك ذكور >> لاحظي ذكور وليس رجال

كان نسبة العنوسه عندنا تجاوزت ثلاثة ارباع الناتج المحلي من الأناث

تقولي ليه ؟؟

اجاوبك لأنه الرجال اللي هم ذكور بالفطرة لا تقبل الحال المايل

ولايمكن بحال من الأحاول ان يقبل بشغل المخصر والمفتح والمنمص وووو

ولا يمكن ان يرضى بشغل فين الهانم .... راحت مع السواق معزومه

وينام الطلي من كثر ما انتظر الشاة وهي ما جات .

وبيني وبينك ترا

مو كل انثى حرمه

وكل حرمة انثى بالفطرة

فيه افياش كهرباء انثى :drr05_17:


عرفتي الأن انه حتى وجود الذكور يساهم في حل مشكلة العنوسه لدينا .



وطزززززززززززززز في الذكوووووور و الأناااااث وكل من في حكمهما

رحاااااااااااااال يا خالي انا رحال >>> |238|

نسخة مع السلام لجف



صدق الوفاء
zadi
31-07-2009, 08:35 PM
______________________


ينصر دينك يا أستاذ نفيييييييييييييييييييييييييسة :drr05_17:

إيوه , أكوييييييييييييييييييييييي :drr05_41:

ورا , ورا , ورا , ياهوووووووووووووووووووووي :drr05_19:

شي طرب يا كبتن أحمد , أموااااااااااااااااااااه ( بوسة ببراطم عم كوفي ) |238|:200:

أنا قلت لأمولة , لسا ماكملت فرقة الأنس :214: ولمن تكمل راح تشد في شعرها :drr05_62:

مبسوووووووووووووووووط بالزات في سارونة دحين :150: هههههههههههههههههههه

ها , إيش عندك ياسارونة ( ترا سارونة تصغير لشارون :drr05_89: ) ههههههههههههههه

الليلة أُنس :drr05_22:
جف البحر
01-08-2009, 12:53 AM
صدق الوفا

انته مو من الاخر وبس

انته من مابعد الاخر

والل يقلك غير كده .. طززززززززز فيه

منور يابلوتو


جف..!
سارونه
01-08-2009, 11:43 PM
http://up1.m5zn.com/photo/2009/2/11/06/vkm05e9bw.gif/gif



اهلين ياعم وافي

شوف لو اللي بيتزوج رغبة للذكورة ؟
فماطبق الشرع !!

لان الشرع أمر بالزواج كزواج بكل مافيه ومنها الذكورة
والذكورة مو كل الزواج

الزواج قلتلك امن
سكينة
مودة ورحمة

مو باخر الليل غترته على جنبه من الاستراحة ريحته عفن وذكورة !!!!!!!!!!!!!!!!!



تلبس وتتدلع وطايحين في سوق الخيمة على محل دلعني ورقصني واصفقني ولعبة الكاكاو واخرتها ذكورة
وقزاز والبودي شوب وبقشان والحالة ميح :165: اغسل يدك

لا رضاعة ولا ببرونة :150:

ماينفعش

والدليل لما تجي تناقش بنت
لا حرمة مو حتى انثى !!

تقولون ناقصة عقل ودين
وانتهى النقااش !! مو

ارجع واقول السبب من الاثنين مافي دين !! مااحد طبّق الدين لاذكر ولا حرمة !! والذكر اقوى لانه حاسب عمره سي السيد ابو شوارب
وين الشوارب الحين :150:


رهيبة جملتك اي والله الانثى :drr05_52: << كأنها قلبت عليهن ههههههه


على طاري الحق

دايم اهزأ اللي اسمعه يكلم الطرف الاخر وهو الزوج

ماشفت الا اخواتي واخواني وزوجاتهم

مااحد يقول مساء الخير اخباركم وحشتونا

وين انت ؟ اخواتي اول مايدق عليها
واخوي يقول اطلعي انا عند الباب

ياخي السلام ههههههه


ويأكلوني ماجربتي ماتشوفين

بأسألكم تسلمون على زوجاتكم لما تتصلون ؟؟

والا وينك اطلعي

نشوف الذكورة والرجال !! والتعامل الادبي
zadi
02-08-2009, 03:49 PM
________________


سارونة خانوم , يو ولكمو :236: تعالي :

الزواج قلتلك امن
سكينة
مودة ورحمة

بس ؟؟؟ فين أصرفها دي ؟؟؟ ومين من الحريم إللي يفهم كدا ؟؟؟ :249:[/
color]

[color=#FF1493]مو باخر الليل غترته على جنبه من الاستراحة ريحته عفن وذكورة !!!!!!!!!!!!!!!!!


ترا الرجال عنوان مرتو !!! يعني لو هو مزيون ومعتني بنفسو , يعني مرتو مهتمة فيه , والعكس صحيح :263:

تلبس وتتدلع وطايحين في سوق الخيمة على محل دلعني ورقصني واصفقني ولعبة الكاكاو واخرتها ذكورة
وقزاز والبودي شوب وبقشان والحالة ميح اغسل يدك

قوة فراغ عاطفي الله يسلمك , لو مليتوه مراح الرجال يسيبوكم :249:

ارجع واقول السبب من الاثنين مافي دين !! مااحد طبّق الدين لاذكر ولا حرمة !!

الحمد لله , إعتراف صريح بأنو لكم يد في الموضوع , وكمان يد ( طوييييييييييييييلة ) :drr05_52:

اخواتي اول مايدق عليها
واخوي يقول اطلعي انا عند الباب

لأن مكالمات الجوال غاااااااااااالية , ومافي داعي للقرقرة الكتير :drr05_22: كل يوم وهي في وجهو , يعني حبكت ليه مايكلمها في الجوال :drr05_32:

والا وينك اطلعي

وبعد مايقفل ( طلعت الروح ) خخخخخخخخخخخخخخخخ |238|

:drr05_22: