تبغي تتعرفي وتحبي .... تعالي أساعدك

[عمتووووووو]

سلاااااااااام
عدنا بعد غيبه والحاله جديده



الكلام دا قلتو لبناتي (طالباتي) في وحده من الحصص والبنات انفجعو

البنات دبحهم الحـــــــــــــب عندهم طاقات لامتناهيه في الحب ويغو أحد يحبهم بالمقابل ,,,
ومعذورين والله سنهم متطلباتو كدا
واحنا لما كنا في سنهم كانت نفس المشكله تواجهنا:165:
تلاقي الجدران مكتوب فيها أحبك يافلان/ه ... في الحمامات الله يكرمكم , على الماصات, واللي خلاني اكلمهم انو حتى في معملي على الكيبورد والماوسات بيكتبو دا الكلام , طبعا غير شاشات التوقف اللي فجأه ألاقي شاشه تقول أحبك يا أبله فلانه ,, ولا أحبك يافلان/ه .. الحب عذاااب.. الحب قطع قلوب البعارين .....!!!؟؟


كان الدرس عن الانترنت ومساوئ التعامل معاه <<<< اللي سنه تالت عارفه الدرس دا حسأل آخر الموضوع هاا:220:

طبعا أكتر سيء أتكلمنا عنه هوا العلاقات اللي بتنشأ بين البنات والأولاد

قلتلهم بناتي حبيباتي <<<< مررره أحبهم عشان:drr05_19:
اذا تبغي تحبي حبي دا حقك الطبيعي لكن قبل ماتتوحلي في العلاقه روحي لربك واستخيري
طبعا البنات قامو عليا , استخاره والموضوع اصلا حرااام؟؟:139:
اذا انتي تبغي تسوي علاقه محد راح يمنعك واذا احد منعك راح ترجعي بسبل ملتويه أصلا اللي يبغى يسوي شي حيسويه حتى لو حطوه في سجن وقفلو عليه .... صح ولا لأ ؟
فاستخيري عشان قلبك يرتاح, عشان ربنا راح يوريكي الصح فين , انتي محتاجه احد معاكي يوجهك ومافي أحد في الدنيا داري عن كل بلاويكي غير ربك
وخليكي معاه على طول . صلي كتير وادعي وعلقي قلبك بيه وهوا أبدا ماراح يخيب ظنك:153:

والله يزوجكم ويسعدكم دنيا وآخره


:216: ***رساله لكل من لديه ابنه/ أخت / أم / عمه / خاله .....الخ :
أرجوكم أحبو بناتكم , أحتووهن , أغرقوهن في الكلام المعسول , اذا عملت عمل ولو كان بسيطا" جميل أن تسمع منك (الله يعطيكي العافيه)
إذا أخطأت والأخطاء كثير لا تعاتبوهن بقسوه ,
إذا لبست واتجملت (ايش الحلاوة دي ....):228:

بناتنا لديهم جفاف عاطفي كبير سدوه بالطريق الحلال لأنه في النهايه نحن المستفيدون

عمتوووووو

[To0ofy]

من جد كلامك 100%

البنات اللي في السن داعندهم فراغ عاطفي بحجم السماء

انتي لو تسمعي كلامهم وبلاويهم

تقولي مستحيل اعمارهم 15 و14 سنة

تحسي الوحده فيهم عارفه الدنيا وخباياها

من جد هنا دور الاهل ودور الاب والاخوه بالذات اكبر من دور الأم طبعا مانهمش دور الام هوا بدوره مهم كمان

بس لأن البنت تحتاج حنان وعطف ابوها اكتر من امها

لأن البنت مياله بطبعها للأب ((كل فتاة بأبيها معجبه))

يعني يا ابهات لا تصرخو على بناتكم

شيلو من قاموسكم كلمة لا وافتحوا باب الحوار بينكم وبينهم

حسسوهم انه انتو سندهم وعزوتهم

قلولهم كلام حلو وامدحوهم على اي حاجه يعملوها حتى لو كانت مشي حالك

تابعوهم لما ينامو بناتكم روحولهم غرفهم وسلمو عليهم خليهم يعشقوكم

ويتملى كاس العاطفه عندهم

عشان لا يدخل دخيل خارجي على قلوبهم ويلعب فيهم لعب

عمتووووووو ياعمتووووووو

من جد حلووووه برسالتك

الله يعطيك الف عافيه ويرزقك ببنت صالحه ترفع راسك

دمتي بووود

تحياتي..

[محمد بن الحسين]

***رساله لكل من لديه ابنه/ أخت / أم / عمه / خاله .....الخ :
أرجوكم أحبو بناتكم , أحتووهن , أغرقوهن في الكلام المعسول , اذا عملت عمل ولو كان بسيطا" جميل أن تسمع منك (الله يعطيكي العافيه)
إذا أخطأت والأخطاء كثير لا تعاتبوهن بقسوه ,
إذا لبست واتجملت (ايش الحلاوة دي ....):228:

بناتنا لديهم جفاف عاطفي كبير سدوه بالطريق الحلال لأنه في النهايه نحن المستفيدون



عمتووووووو متفق معك 100/100

لكن بدل مانعسلهم بعدما يكبروا ليش

مانعسلهم مند الصغر (بحبك) |238|

[*amula_beauty*]

آآآآآآآآآآآآآآآآآآآآآه ياعمه

يضرب الحب شو بيزل

<< ههههههههههههههههه لا تنفجعي بس حبيت اجرب مودهم :236:

صباحك سكر وعسل ياعزيزتي :


عمتووووووو << سبعه واوات عدآ نقدأ

الفراغ العاطفي مشكلتو مشكله


خاصة انو ما يعرف عمر معين

ولا يتقيد بفئه معينه

تقدري تسميه جنون بلا قيود

يا عزيزتي بدي السن ,,,, البنات مرررررررررره يكونوا خاويااات عاطفيآ


يعني سن مراهقه الوحده بدا السن يادوب تستحمل اهلها وكأنها البنت الوحيده المبتلاه على وجه الارض

وتقعد تتشكوى وتقووول القول المأثور ( انا ما احد يحبني ,,, ما احد يبغاني )

<< عشنا دي المرحله المنيله بستين الف نيله :drr05_19:


انا دايمآ اقول للي حوليا البنات اهم شي بحياتها دا السن

اذا احتواها اهلها بيقدروا يحتوها طول عمرها

اما اذا فلتت من يدهم بدي السن ,,,, على الدنيا السلام

يعني تعتبر هدي المرحله بمثابة صمام الامان لعمر البنت


****************************** *****


شوفي انا بصراحه والكل عارف مع الحب


خاصة الحب العذري الشريف اللي ما وراه اي شي ولا فيه اي خبث


حب البراءه

بس ان شاء الله ربي ما يضطرهم يحبوا حتى وان كان ببراءه


لا نقعد نتكلم ونقول دحين مايصير وعيب

حيحبوا حيحبوا

شئنآ ام ابينا حيحبوا

انا عن نفسي اخواتي يقولولي عن كل شي

ولو جبنت بنات لازم يرتاحوا ويقولولي كل شي,,, حتى لو عن الحبحبان

بس اهم شي انها ما اتعدت الحدود ولا تسوي شي غلط


فهمتوني ؟؟؟؟؟؟؟

حتى لوما فهمتوا انا فاهمتني :)


اشكرك يا عمتووووو ع الموضوع الحلووو

الله يكثر من امثالك الواعيين


ربي يسعدك

^_^
واتوقع انو فيه احد بيناحلني

بانتظار مناحلاتكم :165:

[zadi]

________________


أهلين عمة الكل ,,, والله أنا سعيد جداً جداً بوجودك ,,, الله يديمك يارب ,,, :drr05_32:

ثانياً موضوع ولا أجمل من كدا ,,, بس خليني أفضاله وأرجع تاني ,,, :drr05_22:

_______________


فاااااااااااااكس سريع :

( أموت في المواضيع إللي تخص السحالي ) :drr05_17:

[*amula_beauty*]

تعقيب << مو كان عدلتي احسن ؟؟؟ :165: ,, لا ما ابغى اعدل احب اعقب :236:


طبعآ انا لما اقول حب براءه ما اقصد ان البنت تروووح تدور واحد تحبووو

يعني حبت حبت

بس مو تروووح تدور هنا وهناك

هدي بكسر راسها ترا :drr05_89:

[عمتووووووو]

تابعوهم لما ينامو بناتكم روحولهم غرفهم وسلمو عليهم خليهم يعشقوكم

ويتملى كاس العاطفه عندهم

عشان لا يدخل دخيل خارجي على قلوبهم ويلعب فيهم لعب


تووووووووفي
روحي ياشيخة إلهي يسعدك دنيا وآخره:181:
هوا دا بالزبط اللي بأتكلم عنوو
نبغى ندلع البنات بحب من بدري من قبل لا يفوت الفوت وماينفع الصوت:drr05_47:




عمتووووووو ياعمتووووووو

من جد حلووووه برسالتك

الله يعطيك الف عافيه ويرزقك ببنت صالحه ترفع راسك



آميييييييييين يارب , ويرزقك ويعطيكي إلين يرضيكي:228:


عمتووووووو

[عمتووووووو]

عمتووووووو متفق معك 100/100

لكن بدل مانعسلهم بعدما يكبروا ليش

مانعسلهم مند الصغر (بحبك) |238|




أخ medblhocine
الاهتمام بالبنت منذ الصغر مطلوب جدا
لكن أنا أتكلم لما يوصلو لمرحلة حرجه وخطيره زي سن المراهقة يحتاجو اهتمام ودلع مكثثثف



شكرا لمرورك

عمتووووووو

[عمتووووووو]

يعني سن مراهقه الوحده بدا السن يادوب تستحمل اهلها وكأنها البنت الوحيده المبتلاه على وجه الارض

وتقعد تتشكوى وتقووول القول المأثور ( انا ما احد يحبني ,,, ما احد يبغاني )

<< عشنا دي المرحله المنيله بستين الف نيله :drr05_19:



اهلا أموووله
والله صدقتي يافتاة
البنت في دا السن مشاعيرها متقلبه جدا
ممكن اليوم تحب أمها وتاني يوم الصبح ولسا الناس مافطرو تقلب على أمها :drr05_17:
عشان كدا يبغالهم شوية مراعاه مع عدم اغفال الحزم في التعامل عشان لا تفلت زمام الأمور







لا نقعد نتكلم ونقول دحين مايصير وعيب

حيحبوا حيحبوا

شئنآ ام ابينا حيحبوا

انا عن نفسي اخواتي يقولولي عن كل شي

ولو جبنت بنات لازم يرتاحوا ويقولولي كل شي,,, حتى لو عن الحبحبان

بس اهم شي انها ما اتعدت الحدود ولا تسوي شي غلط

فهمتوني ؟؟؟؟؟؟؟



يادي النيله على الحب وسنينوووو هوا ماهو موضوعنا الأساسي هنا لكنه يمتزج به بشكل أو بآخر :drr05_19:

هما حيحبو حيحبو على قولك فأفضل شي يكون في أحد كبير واعي داري عنهم عشان يحميهم من نفسهم المتقلبه

تعالي هنا ....
ايش الحبحبان دا؟؟؟:228:


شكرا كتييير على تفاعلك معايا
عمتووووووو

[عمتووووووو]

________________


أهلين عمة الكل ,,, والله أنا سعيد جداً جداً بوجودك ,,, الله يديمك يارب ,,, :drr05_32:

ثانياً موضوع ولا أجمل من كدا ,,, بس خليني أفضاله وأرجع تاني ,,, :drr05_22:

_______________


فاااااااااااااكس سريع :

( أموت في المواضيع إللي تخص السحالي ) :drr05_17:


عموو زادي
اول شي انا عمة 3 حتت صغيره بس واحد منهم لسا يادوووب مايحبي حتى :236: <<< شويةتواضع:130:
تاني شي شوكران كتيره انتا اللي شجعتني ارجع اكتب:262: <<< اللي يسمع يقول الكتابة قطعت بعضها:drr05_19:

وياكتر السحالي المهيضات الجناح
في الانتظار

عمتوووووو

[DANiA]

ضحكتوني
رجعتوني ايام المتوسط,,

صح كلام عمتو.. بس كمان يبغالهم ضرب ورقابة ..
الحمدلله ماعندي اخوات بدا السن .. كان انتحرت من زمان
انا دحين ومني مستحملة اطفال العيلة.. كيف لمن اكبر!:(

ابشرك يا عمة الجيل الجاي شكلو البنت تقول لأمهـا ابغا اتجوز الولد دا.. والام تروح تخطب وتنقلب الموازيين..
مدري ايش دخلني في الكلام دا,
:d
بس فكرة جميلة وكويسة منك انك بتتكلمي كدا بالذات بالأسلوب دا .. بعيدا عن الروتين ( محاضرة)
الله يقويكي..

[عمتووووووو]

تعقيب << مو كان عدلتي احسن ؟؟؟ :165: ,, لا ما ابغى اعدل احب اعقب :236:


طبعآ انا لما اقول حب براءه ما اقصد ان البنت تروووح تدور واحد تحبووو

يعني حبت حبت

بس مو تروووح تدور هنا وهناك

هدي بكسر راسها ترا :drr05_89:

أموووله لا كان عدلتي أحسن:drr05_17:

يعني تبغي البنت تقعد تستنى أحد يحبها :139:
صدقيني ازا مالقيت الحب في البيت راح تروح لولد الجيران أو ولد العم أو من في مقامهم وازا مافي مرررره رح تروح تدور في أي مكان تاني زي السوق زي الانترنت زي المدرسة وحب البنات لبعض يالطيف:165:

البنت أي أحد "صدقوني أي أحد" يقولها ياقمر ولا ياست البنات ولا انتي مظلومه بين أهلك ولا يبتسملها حتى ويحسسها انو مهتم بيها ولو نقطه راح تروووووووووووووح فيها وتحب ... مين يعترض؟:218:

على قول بلبل "ياقلبي والله البنات تسحرهم بكلمتين" جابها ابو شعيل من الآخر:drr05_52:

السن دا سن مجنووووون مايفكر بعقلو أبدا ...!!!!

شكرا أمووله ياعسل ياقمر شكلي راح أحبك خخخخخخخخخخخخخخخخخخخخخخ:drr05_4 8:




عمتووووووو

[To0ofy]

والله فكرتوني ايام الحب البريء

وما أدراك ما الحب البريء

ااااااااااه أيام

كنت وقتها اولى متوسط

والمشاعر فياضه:228:

انا وبنت خالتي اضاربنا على واد:drr05_49:

خقوقي لزيز طعوم ياااربي عليه يجنن

لو موجد دحين كان حبيتو مره تانيه

عارفه كونان وايام كونان:drr05_52:

ولما يكبر ويسير سينشي

ياااربي عليه كنت بعشقه وبشيل صوره بكل مكان:228:

ياقلبي انا|238|

الله ياخد شياطينكم يابت ياعمتهم ويا امووله

قلبتو عليا مواجع الماضي البعيد:152:

مو دا يا اموووله اللي قصدك الحبحبان البريء

[وردة وردية]

عمتووووووو

يا سلام على الناس اللي بتفهم

ايوه هذا الكلام الصح

نحن نلاحظ ان البنت الصغيرة تتعلق بالأب أكثر من الأم وذلك لأنها تريد الدلال:153:

الكلام الحلو لا يكلف شيئا بل بالعكس تربح من وراءه الكثير والكثير

والله يهدي بنات المسلمين اجمعين

http://www5.0zz0.com/2009/07/25/12/574050788.jpg (http://www.0zz0.com)

[درب الهوى]

كلامك كله صحيح

يعني البنت إذا ما لقت الحب والحنان في الجو الأسري اللي عايشته بتبحث عنه في الخارج
ويمكن تقع في الخطأ تحت مسمى البحث عن الحب أو الحب بذاته ..

تقبلي مروري

[*amula_beauty*]

خقوقي لزيز طعوم ياااربي عليه يجنن

لو موجد دحين كان حبيتو مره تانيه


ههههههههههههههههههههههه


:drr05_19:
توفي الله يرجك


لو كان حبحبان برئ ما كان قلتي لو يرجع دحين ححبوا


الله يقطع ابليسك موتتيني ضحك

على ايه تتضاربوا يا حسره انتي وبنت خالتك


****************************** ***********

انا بالمتوسسط حبيت والله

والله يا اني حبيت حب مو طبيعي


والله اني كنت احب واحد اسمو ( عماد) هوا بطل فييلم كرتون اسمو (شوت)

:228:

وكنت اجيب صورو من مجلة ماجد :236:

وحاطتها بدرجي مخبيتها

وعندي اشرطه الفديو حقتووو كلها ... الين الحلقه اللي يموت فيها :139:

والله كنت حنتحر لما مات

منجد متت بكا

والين دحين الصوره عندي << من باب الذكرى بسسسسسسسسس :262:


فاكس لأحلى عمه : :216:


هوا انتي لسا حتحبيني ؟؟؟؟؟ :drr05_47:

من ايااام سين في خمسين قلتي ححبك والين دحين ماحبيتيني

:236:


:

[To0ofy]

والله اني كنت احب واحد اسمو ( عماد) هوا بطل فييلم كرتون اسمو (شوت)

:drr05_17:

ايوا افتكرتوا

ايوا دا اعجبت فيه لما كنت بحب سيبنشي:220:

وكنت حخون سينشي بس ربك ستر:drr05_19:

وقتها ضيعت القناة اللي يجي فيها بس وضاعت اراضيه عني

وطرق الاتصال عليه والسنتره معاه:220:

بس فكملة مشوار حبي مع سينشي:220:

اااااااااه اياااام

من جوا الدولاب عندي صورة سينشي ملصقتها:drr05_17:

[*amula_beauty*]

يا بت يا توفي


ااتاري حالتنا كانت صعيييييييييييبه


:drr05_19:

[عمتووووووو]

صح كلام عمتو.. بس كمان يبغالهم ضرب ورقابة ..




هلا دانااو
يبغالو قرص وعين حمرا, لما يعرفو ان لهم كبير يحسبو حسااب
لكن ضرب ضرب لا ماينفع:153:





بس فكرة جميلة وكويسة منك انك بتتكلمي كدا بالذات بالأسلوب دا .. بعيدا عن الروتين ( محاضرة)
الله يقويكي..


آمييين يارب الله يقوينا ويدينا الصحه عشان نستحمل اللي بنشوفووو:165:
شكرا دندن


عمتووووووو

[عمتووووووو]

انا وبنت خالتي اضاربنا على واد:drr05_49:



تووفي

هوا دا اللي بتكلم عليه
البنات حالتهم بالهم والعدم
يحبولك فلم كرتون ....خخخخخخخخخخخ
انا صراحه كنت أحب دايسكي (في قول آخر دوك فليييييت) واموووت عندو لما يعزف عالجيتار ياااي ياااي :228:

احم احم :262:

الحمدلهه مرحلة وعدت على خييير

شكرا توفي على التعقيب:drr05_22:

عمتوووووووو

[*amula_beauty*]

عمتوووو ما تنلامي والله

دايسكي كان رمز للرجوله

:228:

واحلى مافيه غموضه

[عمتووووووو]

نحن نلاحظ ان البنت الصغيرة تتعلق بالأب أكثر من الأم وذلك لأنها تريد الدلال:153:

الكلام الحلو لا يكلف شيئا بل بالعكس تربح من وراءه الكثير والكثير

والله يهدي بنات المسلمين اجمعين

http://www5.0zz0.com/2009/07/25/12/574050788.jpg (http://www.0zz0.com)


آمييييييين ياوردة الورد انتي

فعلا البنات ربنا قال عنهم { (أومن ينشَّأ في الحلية وهو في الخصام غير مبين) } الزخرف (18)

اشكرك على مروورك


عمتووووووو

[عمتووووووو]

كلامك كله صحيح

يعني البنت إذا ما لقت الحب والحنان في الجو الأسري اللي عايشته بتبحث عنه في الخارج
ويمكن تقع في الخطأ تحت مسمى البحث عن الحب أو الحب بذاته ..

تقبلي مروري


درب الهوى اوافق كلامك , الأفضل ان تحتوى الفتاه من البداية من قبل أهلها

أشكررلك مروورك

[عمتووووووو]

عمتوووو ما تنلامي والله

دايسكي كان رمز للرجوله

:228:

واحلى مافيه غموضه


بت يا أموووله اختشي
أنا أنكسففففففففففف:228:

يخرب عقلك والله كسفتيني يوووووووووووووو :130:

يلا روحي اجري سوي أي شي


عمتووووووو

[جف البحر]

يسعد ايامك عمتو


حبك قنيبل ان شالله

...

اروق من الشغل وارجعلك



جف..!

[zadi]

_______________


عمتو خانوووووووووم ,,, رجعنا ,,, :drr05_39:

شوفي ياعمة الكل ,,, :236:

أصلاً البنت تولد من بطن أمها وفي يدها دفتر مذكرات غرامية , وماوس كومبيوتر , وشريحة جوال سوا , ومنقية إسم خطييييييييييير للبلوتوث ,,, :150:

هيه نازلة جاهزة , ومستعدة للإستقبالات والإرسالات ,,, :220:

بينما شوفي التماسيح الله يرضى عليهم ,,, مساكين ,,, تلاقي الواحد فيهم ينولد وفي يده كم ملف أخضر علاقي مجهزهم من دحين عشان يرمي واحد في سابك و واحد في أرامكو و واحد في الخطوط السعودية , ومخلي تلاتة ملفات على جنب لشركات الليموزين وحراس الأمن وحلقة الخضار عند البياع الكبير غازي القصيبي ,,, :218:

وفوق دا كلو تلاقي أبوه فرحان بيه ,,, مالت ,,, على إيه ياحسرة ,,, :drr05_47:

البنت تجيب وجع الدماغ إلين تتجوز وتدفيها على بيت جوزها , ويمكن شهر وترجع ومعاها إستمارة ستة ,,, :249:

و الولد إزا خلصت ملفاته وماحصل وظيفة , يمكن يجيك إتصال من قسم شرطة يقولك ولدك مشرف عندنا حرامي سيارات ,,, :drr05_63:

والله حالة , الواحد بلاشي يتجوز ويشوف المآسي دي كلها ,,, :130:

فاصلة صغطوطة ,,, :drr05_89:

أنا كنت أموووووووووووووت في هيكاروووووو , والله كانت مرة حلوة : ) |238|

حتى ماوفرت ياسمينة حقت سندباد , من صوتها حبيتها : ) بس الله يقلعه سندباد مدري فين وداها ,,, :drr05_22:

با أدحدر التماسي والسلامات :200:

________________

[سارونه]

http://www.te3p.com/vb/uploaded3/30893_01180144472.gif


اه من احد الاسباب اللي خلتني اترك التدريس هالسالفة

انا وحدة عصبية مرة واتكرن من التربية العدم واثور واستثور وماعاد ابرمج

فلما اشوف كذا مو انقهر بس لو عندي بنت ماوديتها المدرسة من كثر مانشوف


الله يصلح الجيل اللي ننتظر منهم صلاح دين يحرر القدس ويسترجع العراق



شكرا عمتووو