المساعد الشخصي الرقمي

مشاهدة النسخة كاملة : __ (( سين في 50 مع amula_beauty )) __



zadi
15-07-2009, 10:15 AM
__________________


السلام عليكم ورحمة الله وبركاته ,,,

لقاؤنا اليوم طال إنتظاره ,,, مع شخصية جميلة من شخصيات منتدانا الغالي الدرر ,,,

أمولة ,,, الإنسانة البسيطة الشفافة الرائعة خلقاً وأدباً ,,,

خلال فترة وجيزة , أصبحت من ألمع الأعضاء ,,, فما إن ترى موضوعاً جديداً في قسم الإستراحة إلا وتجد لها توقيعاً مميزاً فيه ,,,

تميزها , في سهولة توصيل الفكرة بأسلوب بسيط عامي يصل للقلوب قبل العقول ,,,

لاتتفلسف في طرح أفكارها ,,, لاتقول شيئاً وتقصد شيئاً آخر ,,,

تكتب عما يدور في فكرها وفي قلبها ,,,

يتضح ذلك جلياً من مواضيعها بالذات في درة الخواطر وأيضاً في الإستراحة ,,,

أحبت المنتدى وأحبت أخوانها وأخواتها الأعضاء وبادلوها حباً بحب ,,,

يعجبني فيها سرعة البديهة التي تتضح في الكثير من مشاركاتها ,,,

ذكية , لماحة , عفويةً , تتميز أيضاً بلون الخط الوردي الذي يعبر عن إنفتاح جميل على الحياة والناس ,,,

أحيناً تشعر بأنها طفلة شقية مشاكسة ,,,

وأحياناً تشعر معها بأنها راشدة تعرف أين تضع قدمها بالتحديد ,,,

شخصياً أكن لها كل محبة وتقدير , لأخلاقها العالية أولاً , وأدبها الرفيع ثانياً , ثم لكونها أصبحت ( المحرك ) الفعال للإستراحة لتنوع مواضيعها وعذب ردودها , وكثافة مشاركاتها الجميلة التي لايستغني عنها عضو في موضوع وأنا أولهم ,,,

أعتذر عن طول المقدمة , فالحقيقة أن أختنا الغالية أمولة تستحق الكثير من الثناء ,,,

أترككم مع الغالية أمولة ,,,

_________________




:228:اسئله حلوه والله ...
يلا start

:236:


ـ في سطر واحد , من أنت ؟

أمل .*amula_beauty*,

مجرد انثى

:228:



ماهو توجهك ( أدب ـ سياسة ـ رياضة ـ إقتصاد ـ معارف ـ تجارة ـ غير ماذكر ) ؟

أدب
وعلوم

عمومآ انا احب كل شي ... وكل مجال

بس اكتر شي (الأدب)



ـ ماذا تعمل ( مهنتك ) ؟

طالبه في مجال كنت اجهله تمامآ :165:

(information systems)

وقبل ما ادخل دا المجال ... كنت اميه في الحاسب ... وما افتح الكمبيوتر الا
عشان العب لعبه (ولد يتزلج)... وبس:drr05_53:



ـ صحيفتك المفضلة ؟ ومن أين تبدأ تصفحها ؟

لو عليا ما اشتري جرايد :134:

بس بالبيت ما نجيب الا جريدة المدينه

وتلاقيني ابدأ بالصفحه الاخيره (افصفصها)

والصفحه الاولى اقرأها ع الطاير

اما المحتوى واللي بالنص ما اطالع فيه نهائيآ :301:




ـ هل تقرأ الأدب ؟ أي أدب تقرأ ( العربي ـ الإنجليزي ـ الأمريكي ـ الهندي ـ آخر ) ؟

طبعآ ... الادب شي اساسي بحياتي
احب الادب العربي .. وبعدو الانجليزي يادوب ^_^



لمن قرأت ؟ ولمن تحب أن تقرأ دوماً ؟

قرأت معظم مؤلفات ومترجمات الكاتب (مصطفى لطفي المنفلوطي)

وقرأت لداون براون
واحب اقرأ
للكاتبه الامريكيه (eleanor h. Porter )
وعبدالله ابن المقفع ,

ورواد مدرسة المجددين وعلى رأسهم (عباس محمود العقاد)



هل تحتفظ بمكتبة في منزلك ؟

فيه مكتبه حقة ماما وبابا ...

وانا ليا مكتبتي الخاصه بغرفتي :drr05_10:



ـ متى تضحك بملئ شدقيك ؟ ومن يضحكك ؟

والله دايمآ اضحك

بس اكتر شي يضحكني .. الاطفال :246:

وافلام الكرتون :268:

يعني (توم وجيري ) يضحكوني .. حتى لو كنت شايفه الحلقه 100 مره



ـ متى تبتسم إبتسامة عريضة ؟ ومن يمنحك الإبتسام ؟

لما اخجل ابتسم ابتسامه عريضه |78|

^_^

اشياء كتير تمنحني الابتسامه

ممكن ورده تخليني ابتسم |44|



متى تبكي بحرارة ؟ وما الذي يبكيك ؟



ابكي لما احس اني غلطت على احد اعزه

وخاصة ماما وبابا ... وان شاء الله ما يزعلوا مني بيوم ^_^

وابكي لما اشوف احد انظلم

ولما اشوف عجوز او مسكين

اشياء كتير تبكيني

حتى اللحظات السعيده تبكيني

وابكي بحراره ... لما اغلط او احس بالذنب


ماهو أجمل يوم في السنة تنتظره بفارغ الصبر ؟ ولماذا ؟

اليوم اللي اكون فيه مع اهلي كلنا مجتمعين بسفره حلوه ^_^ ..

يعني اليوم اللي نسافر فيه كووولنا



ماذا يمثل لك الأخ / الأخت ؟

اهم شي بالحياه (الاسره )

الام والاب والاخوان
وهما نعمه من الله ^_^



كم تجعل من نقود دوماً في محفظتك ؟

بطاقة الصراف المصفره غالبآ

وكاش .. حوالي 300 او 400 ريال ..

الكاش اخليه بالبيت ما احب اشيل معايا فلوس كتير

لسببين ... عشان لا تضيع وابكي ... وعشان لا اصرف كتير :drr05_16:



متى قلت ( سامحني أخطأت في حقك )آخر مرة ؟ ولمن ؟ وهل كان الخطأ يستدعي الإعتذار وطلب السماح ؟


قبل امس اعتذرت من ماما ... مع انو الموضوع ما كان يستاهل الاعتذار

بس الا الام والاب

ما اتحمل اني ما اعتذر لهم لأي سبب ولو كان تافه


ـ
أين تشعر بأنك تمضي وقتك الخاص الجميل الذي تحتاج إليه ؟

فوق السطوح :183:
يعني اطلع فوووووق عند الخزان ... اعلى شي بالسلم اللي بالسطوح

هناك بس ... احسني رايقه ومروووقه


****************************** *******


( تعبت من الأسئلة ؟ معليش خد نفس لسا المشوار طويل )

الله يعيننا عليك بس :drr05_22:



فزت بمسابقة جائزتها الأولى مليون دولار , ماذا ستفعل بها ؟

اعطيها ماما وبابا

وهما يتصرفوا فيها ^_^



هل تشرب الشاي ـ القهوة ـ العصير ؟ وماهو بالتحديد ؟

لا شاي ولا قهوه عربيه

اشرب عصير ...(احب كل انواع العصاير) وخاصة عصير المنجا لما يكون فرش

ولو بشرب قهوه احب ( الموكا ) والقهوه بالبندق

طبعآآآآ من غير سكر .. لأني ما احب اي شي فيه سكر زياده
****************************** **


لو عاد بك الزمن لتختار التخصص , هل ستختار نفس تخصصك العلمي الحالي ؟


لا
عمومآ ابن آدم ما يعجبو العجب


أيضاً لو عاد بك الزمن مرة أخرى , فهل ستبقي على ماضيك كما هو ؟

راح ابقيه زي ماهوا ... بس مع بعض التغيرات الطفيفه



ما هو الموقف الذي شعرت فيه بندم شديد ؟ وهل تكرر معك ؟

موقف احتفظ بيه لنفسي .... وماراح يتكرر باذن الله



من وجهة نظرك , ماهو عدد الأطفال الأمثل في الحياة الزوجية ؟ ولماذا ؟


العدد الأمثل 4

لأنو شي معتدل ... الكثره مو حلوه ... ولا القله

لو كانوا كثير ... ماراح نقدر نعطيهم الاهتمام اللي يستاهلوه

ولو كانوا قليل ... حنحس بفراغ ..ولما يكبروا ابغاهم يحسوا انهم جماعه معقولين :135:

يعني حلو 4

*****************


ماهو نوع سيارتك ( للذكور ) ؟ وماهو نوع السيارة المفضلة ( للإناث ) ؟

اممممممممم ما اعرف

بس اهم شي تكون نظيفه وتلمع :drr05_23:



من هو صديقك المقرب ؟ ( ليس بالأسماء ولكن بالصفات )


صديقي اللي يبغالي الخير ... في غيابي وحضوري

ويفقدني

ويذكرني بالخير ... وما ينتظر مني اي مقابل


ـ هل تستهويك الشهرة و الأضواء ؟


اكيد :drr05_98:


ـ ماهو الرقم المفضل لديك ؟ وما سر ذلك ؟

رقم 8

ما ادري ليه ... بس دايمآ كل ما اعد شي
اوصلو لل 8 واوقف

ممكن اعد البلاطات اللي بالبيت .. بس اوصل لرقم 8 ... ارجع اعد من 1

يعني ارقامي تبدأ ب1 وتنتهي ب8
:drr05_83:
ومالو سبب

**********************


هل تحفظ تاريخ ميلاد والديك ؟

احفظ السنه فقط

وتاريخ زواجهم عشان نحتفل بيهم ^_^




لو عرض عليك/ي زوج/ة كفيف البصر , فهل تقبل هذا الزواج ؟ ( بدون تعاطف )

لا



ما هو إسم الدلع أو لقبك أو كنيتك الحالية والقديمة والمفضلة لديك ؟

بالبيت ينادوني (ميمي)
:256:
واذا عصبوا مني ينادوني (خوخه) عشان الناني حقتي اللي ولدت ماما فيا
:drr05_08:
كان اسمها خوخه وكانت من عبيد بريطانيا ... يعني الحرمه شكلها مجرررررررم


*****************************


ماهي أغلى وأثمن هدية تلقيتها في حياتك ؟ و مِن من كانت ؟


اغلى هديه كانت (لاب توب) من بابا حبيبي
وكمان ماما اهدتني لاب توب تاني

***************************
واي هديه بسيطه اتلقيتها من خطيبي .... غاليه على قلبي بالمره

وكمان خاتم حلو من احد قرايبي


عمومآ اي هديه جاتني ... اشوفها ثمينه
********************


هل تحب الحيوانات الأليفة؟ هل تربي أحد أنواعها في منزلك ؟


شوف ياعزيزي

انا اخاف من الحيوانات(البسس.الأحصنه والخرفان, العصافير)
:drr05_20:
واموووت خوف من الحمام ... تجيني نوبات هلع اذا مرت من عندي حمامه:148:

لكن
ما اخاف من الحشرات ابدآآآآآآآآآآآ
واحب امسك الجراد ... العب فيه :drr05_02:
************
عندي (هامستر) ... اسمو همتارو ...صغير وحلو
:245:
وسلحفاه صغره ^_^


( شكلك تعبت , بس معليش , أهو بندردش ونتساير مع بعض )

منجد ^_^ باقي شويا



ماهي نوعية الوظائف المفضلة لك ؟


اي وظيفه خارج العاده
بس اهم شي تكون لهدف ورساله اقتنع فيها


ماهو معدل ساعات نومك اليومي ؟

من 6 الى 9 ساعات بالصيف

بس ايام الجامعه من 4 الى 5



ثلاث وردات بيضاء وثلاث قوارير عطر فاخر , لمن تهديها مع أرق إبتسامة ؟

لبابا وماما وخطيبي :230:


ماهو نوع الحلويات الشرقية أو الغربية المفضلة لك ؟

اممممممممم ما احب الحلويات

احب المرقوق ^_^



متى تشعر بأنك حر وبدون أية قيود ؟

بالاجازه



هل شرط على زوجك/تك شرطاً عند الزواج أو في فترة الخطبة أو بداية الزواج , وماهو ( إن أمكن ) ؟

كان شرطي انو ما يتدخل بأي شي يخص مستقبلي ودراستي وعملي
ويكون ليا مطلق الحريه بقرارات دراستي ( وهوا وافق)

:drr05_15:



ما هو إسمك الحركي في البلو توث ؟ وهل له معنى لديك ؟

*ستيلا عطري*

لأنو كتير قالولي انهم لما يشموا ريحة (ستيلا) يفتكروني ... لأنو عطري المفضل


متى تشعر بالملل ؟

لما اكون محتاره ,, ولما ما اخرج من البيت لمدة اسبوع

اكره نفسي بجد



عمدتنا أبو فهد , طلب منك كتابة موضوعاً في الإستراحة , عن ماذا سيكون الموضوع ؟


مدري ... اللي يجي براسي واللي يقهرني... بس اكيد بكون بانتظار عن المقاوحه والمقاوحين امثالك يازادي
احب اكتب مواضيع عن الاشياء اللي ترفع ضغطي واحط قدامها 100 استفهام

يمكن اكتب عن ( الاعضاء من وجهة نظري)

:289:



علامة إستفهام , لمن توجهها بدون تعليق ؟


لنفسي ^_^


هل حقدت على شخص ما , ودعوت عليه ؟ ولماذا ؟ ( بإختصار ) .

حتى الحقد عندي يكون لحظي ويروح

ما اكره ولا احقد
وما ادعي على احد لأني عارفه انو فيه ملائكه تقول(ولك مثلها)
وغير كدا ربنا كبير ... عندي ثقه كبيره بالله

حتى لما الدكاتره يظلموني بالدرجات... اكون متأكده انو ربنا ما حيسيبني واكيد راح يعوضني بش تاني بحياتي

^_^


هواية غريبة تمارسها , ماهي ؟


الطبخ << اعتبرها غريبه لأنو البنات ما صاروا يحبوها

ومشاهدة وتجميع افلام الكرتون القديمه

:drr05_09:


لديك سفر بطريق طوله 1000 كيلومتر لقضاء عطلة , هل تفضل السفر بالطائرة ـ القطار ـ السيارة ـ ليموزين ـ جمل ؟ ( حدد ) ؟

على حسب ... لو الطريق حلووو وفيه زرع وخضاااار اكيد بالسياره

اما اذا كان طريق صحرا ... افضل الطياره ^_^



ماذا تعني لك الساعة الثانية عشر ظهراً كل يوم ؟

انو الغدا قرب ...:201:


من أي مدينة أنت ؟ وأي بلد ؟

المملكه العربيه السعوديه- المدينه المنوره


( أدري إنك خلاص وصلت معاك للآخر , بس خلاص باقي على الحلو ( دقة ) مشينا )

يعطيك العافيه والله ^_^


رسائل sms قصيرة جداً من كلمتين إلى : جارك ـ زميلك في العمل ـ والديك ـ زوجك/ي ـ أبناؤك .


بابا: وحشتني ... يارب ترجعلنا بالسلامه
ماما: الله يخليكي لنا
اخواني : الله لا يحرمنا من بعض ...
خطيبي : يارب يجمعنا على خير



أنجبت زوجتك طفلاً ذكراً أو أنثى , ماذا ستسميه ؟ وبالنسبة للإناث ماذا تسمي مولودك ذكراً أو أنثى ؟

عندي اسم مشترك بسميه للذكر او للأنثى (سِــوار)
وعمومآ انا (ام راكان)


لو كان لديك ألـ green card للهجرة من بلدك , هل تهاجر ؟


لا طبعآ



بصراحة هل ترغب/ي في الزواج مرة أخرى بدون ذكر الأسباب ؟ ( أتوقع من الجميع أن يكون الجواب ـ لاتعليق ) هههههههههه سين محرج , صح ؟


هههههههههههههههه
يا شيخ احنا يادوب مشينا الزواج دا

بس نفسي اعرف جوابك يا عتريس

^_^



السين الأخير , معك صحن بسبوسة بالقشطة و عصا للضرب و قلم فاخر , وأمامك ( زادي ) ,,, ماذا ستعمل ؟؟؟

آكل البسبوووسه ... والله دي الوحيده اللي احبها من الحلويات
واهدي القلم لزادي << مجامله يعني :134:

وبعدها اضربو بالعصايه :289:

****************************** *********
صراحه حبيت الاسئله يازادي الخير.... بس ماشاء الله عليك حابكها مزبوط
احب اقولكم انو نفسي اروح انط من على طياره باستخدام البراشوت

منجد نفسي ... << ايش حكايتك ؟؟؟

يعطيك الف عافيه يا مشرفنا العزيز ^_^


وترا اخدت مني ساعه :200:



_____________________



كلمة خارج النص : :drr05_22:

أفرموها بالأسئلة :drr05_41: لأنها مناحلة :150: وحتفرمكم لمن يجي دوركم :drr05_89:

همسة عاشق
15-07-2009, 10:31 AM
حلوه المقابلة حقتك يا أمل

بس عاد ما قلتينا إيش راح تتوظفي ولا ما تفكري تتوظفي بس تاخذي الشهادة كدا

ويسعدك ربي :)

ابن العميد
15-07-2009, 10:48 AM
زادي

الله يعطيك العافية

كنت متوقع مقابلة اسخن، يعني فيها ضرب وشد شعر

_______

أموووولة

كلامك زي العسل، واجوبتك رائعة ( لزيزة)

بس الله يسامحك..... تخافين من الحمام .... رمز السلامة والوداعة .

بعدين الطبخ هواية غريبة .... الله يعين خطيبك ويرحم حاله خصوصا اذا كان من النوع اللي يحب الأكل كتير

سؤال على الهامش ..

ما رأيك بـ ( أقرب طريق لقلب الرجل معدته )

-------------

لقاء رائع ( لزيز)

وشكرا

SOUTHSTAR
15-07-2009, 11:26 AM
الغاليه اموله ..

صلة القرابه التي بيننا ومعرفتي بها جعلني تقريبا اتوقع جميع اجوبتها ..

لقاء جميل ويوسع الصدر

شكرا لك يا زادي ..

عاشق البيت
15-07-2009, 12:43 PM
زادى و اموله
كلاكما يدفع الآخر للمشاكسة
والابداع

وردة وردية
15-07-2009, 01:17 PM
ام راكان


حلوووو الاسم واااااااااااايد


زادي االله يعطيك العافية على الاسئلة الحلوة وعرفنا اشياء تجنن عن الاعضاء الحلووووووووووووين

ألنشمي
15-07-2009, 01:41 PM
000
00
0

كلمة خارج النص :

أفرموها بالأسئلة لأنها مناحلة وحتفرمكم لمن يجي دوركم
زادي

لا عليك ابو عبدالله 00مهما يكون 000 رفقا بالقوارير (حديث شريف)

اموولة الغالية

ربي يسعدك في الدارين

الاحظ قلة مشاركاتك بالدرة الادبيه 00

هل استراحة الدرر ومواضيعها

اشغلتك عن مشاركاتك بالدرة الادبيه ؟

وهل فعلا تحبي تناحلي في المواضيع ( زي ماقيل 000)


حفظكم ربي جميعا

*amula_beauty*
15-07-2009, 05:28 PM
مسا النور

^_^

وحشتوني

احب اشكرك ياعمو زادي على المقدمه الحلوه


منجد اخدت مقلب بنفسي

ياشيخ حسيت نفسي (هايدي ) مو امل :228:


ربي يسعدك

اشكرك من الاعماق



كلمة خارج النص :

أفرموها بالأسئلة لأنها مناحلة وحتفرمكم لمن يجي دوركم


حرام عليييييييك
انا مسكينه وطيوووبه يا مفتري :drr05_89:

*amula_beauty*
15-07-2009, 05:31 PM
اهلآ وسهلآ بيك اخويا :

همسة عاشق


حلوه المقابلة حقتك يا أمل

بس عاد ما قلتينا إيش راح تتوظفي ولا ما تفكري تتوظفي بس تاخذي الشهادة كدا


شكرآ ... من ذوقك ^_^


يا عزيزي انا حاليآ ما افكر بالوظيفه

بعد ما اتخرج راح اكمل دراستي


مابراسي اشتغل نهائي

ابغى ادرس

وبعد ما احس نفسي خلااااااااص درست كفايه

اشوف وظيفه تناسب دراستي


اهم شي عندي ادرس لأن الاقي نفسي بدراستي وبس

تشكر ع المرور


ربي يسعدك

*amula_beauty*
15-07-2009, 05:37 PM
اهلآ وسهلآ بيك اخويا العزيز :


ابن العميد


كنت متوقع مقابلة اسخن، يعني فيها ضرب وشد شعر


ههههههههه ,, ضحكتني

شوف كان ممكن يصير فيه ضرب ومضروب صراحه

بس زادي ذكي

صار مشرف

وانا من عادتي ما اقدر اضرب المشرفين :218:


<< محترمه جدآآآ :drr05_19:




كلامك زي العسل، واجوبتك رائعة ( لزيزة)

بس الله يسامحك..... تخافين من الحمام .... رمز السلامة والوداعة .




كلك ذوق ياعزيزي ^_^

وبعدين تعال هنا


الحمام رمز الوداعه ؟؟؟؟
يا ابني اللي خلاه رمز السلام مدري كيف كان يفكر

انا بالنسبه ليا هوا رمز التناحه والخوووف

لا تفكرني فيه ... جسمي كلوووو يتقشعر لما افتكر شكلو وطريقتو بالمشي

قال ايه ؟... واحد بيغازل ..يقول (ايش المشيه دي .. مشية حمام):139:

بالله ديك مشيه ؟؟؟؟؟

:249:


ما رأيك بـ ( أقرب طريق لقلب الرجل معدته )



والله الرجل زي الطفل

تقدر تدخل قلبو من كدا مدخل

الطبخ كان لرجال زمان

دحين الوضع اتغير


الحمدلله خطيبي ما يحب الا(بسكوت ابو ولد)

فطور غدا عشا ان شا الله :drr05_19:


بس ترا انا احب اطبخ

^_^



اشكرك عزيزي على المرور

ربي يسعدك
^_^

*amula_beauty*
15-07-2009, 05:39 PM
اهلآ وسهلآ بيك عزيزي:

southstar

اشكرك على المرور الحلو ^_^


وطبعآ اللقاء معايا يوسع الصدر ,,,, تقدر تقول غير كدا ؟؟؟:249:


ربي يسعدك

^_^

*amula_beauty*
15-07-2009, 05:40 PM
اهلآ بيك اخي العزيز :

عاشق البيت


زادى و اموله
كلاكما يدفع الآخر للمشاكسة
والابداع


والله هوا اللي يشاكسني

انا مالي شووووغووووووول :236:

اشكرك على المرور الحلو

ربي يسعدك

^_^

*amula_beauty*
15-07-2009, 05:43 PM
ملاحظه :


زادي ...
شفت المقدمه الحلوه اللي تمدحني فيها


ترا دا سلاح ضدك :150:


عشان لما تشاكسني وتشكك بقدراتي


اقتبس من كلامك

و اوريك


انتا قلت كداااا

انا ما قلتش حااااااااجه :drr05_19:


^_^

*amula_beauty*
15-07-2009, 05:45 PM
اختي الغاليه :


ورده ورديه

عجبك اسم (ام راكان) ترا عادي خديه ^_^

اشكرك ع المرور والاهتمام


ربي يسعدك عزيزتي

^_^

*amula_beauty*
15-07-2009, 05:50 PM
اهلآ بيك يا عمو العزيز :


النشمي



لا عليك ابو عبدالله 00مهما يكون 000 رفقا بالقوارير (حديث شريف)


اتعلمو من عمنا الرفق ^_^





الاحظ قلة مشاركاتك بالدرة الادبيه 00

هل استراحة الدرر ومواضيعها

اشغلتك عن مشاركاتك بالدرة الادبيه ؟

والله يا عمو الدرر الادبيه صارت راكده بالمره

شي يقهر

والمشاركه فيها ما تشجع

قلة المشاهدات وقلة الردود

للأسف

لكن مو دا السبب

انا عن نفسي اتوقفت عن الكتابه دي الفتره

وصرت اكتب بشكل نادر

بس كل ماكتبت شي انزلو على طول

تقدر تسميه جفاف ادبي

او جفاف بالاحساس

او قحط قلبي

اي شي

عشان كدا ما صرت اكتب

بس يلا يدي بيدك وبيد زادي الخير

ونرجع الحياه للدرر الادبيه

^_^





وهل فعلا تحبي تناحلي في المواضيع ( زي ماقيل 000)




اشاااااعااااااااااااات مغرضه اطلقها علي زادي

هوا يقول كدا

بس انا احس انو انا مررررررره طيبه وعلى نياتي << يا شيييييييييييخه ؟؟؟ :218:



اشكرك على المررو الجميل

وعلى االاسئله الحلوه


ربي يسعدك

^_^

zadi
15-07-2009, 05:51 PM
انا ما قلتش حااااااااجه :drr05_19:


___________

هههههههههههههههههههه :150:

الأخت صعيدية من الصعيد الجوااااااااااني هههههههههههههههههههههه :drr05_17:

صيييييييييييييييييييييييدة :drr05_89:

راجعلك شوي , بس أتغدا وأملي بطني و ( أكرع ) ههههههههههههههههه :drr05_22:

وبعدين لكل حدسن حديس : )

همس الورد
15-07-2009, 09:14 PM
امولة حبيبتي
توقعت اجابتك حتكون دلوعة زيك ونعومه
وتوقعتك ماتحبي الطبخ
ربي يسعدك ياقلبي
مقابتك حلوه

همس الورد

*نجـ سهيل ـم*
16-07-2009, 01:12 PM
اهلين ميمي ..

مقابلة لذيذة فيها من البساطة والطيبة الكثير ..

الله يرضى عليك أختي الفاضلة ..

وتشرفت بمعرفة المزيد عنك ..يا خوخة :p

*amula_beauty*
16-07-2009, 03:54 PM
مسا الخير يا زادي الخير



راجعلك شوي , بس أتغدا وأملي بطني و ( أكرع ) ههههههههههههههههه

وبعدين لكل حدسن حديس : )


من امس الين اليوم تتغدى ؟؟؟؟؟


ماشاء الله تبارك الله :236:

*amula_beauty*
16-07-2009, 03:57 PM
اهلآ بيكِ حبيبتي :

همس الورد


توقعت اجابتك حتكون دلوعة زيك ونعومه

:228:



وتوقعتك ماتحبي الطبخ


الطبخ هوايه ومزااااااااااج


بس مو يوميآ ولا اسبوعيآ اطبخ

متى ما طنت براسي ادخل اطبخ وامخمخ كمان

^_^


اشكرك ع المرور الحلووووو زيك

ربي يسعدك

dawaimeh
16-07-2009, 03:58 PM
أمولة ،،، متميزة كالعادة ،،

في مشاركاتك ومواضيعك وردودك كمان ،،،

مقابلة حلوة ،،، وردود رااااااااااااااااااائعة كثير ،،،،

بجد استمتعت وأنا بقرأ فيها وكأني بسمعها مو بقرأها ،،،

أتمنى لكِ دوام التقدم والنجاح ،، تقبلي مروري ،،،

دمتِ بخير وعافية ،،،،،

وزادي ،،، الله يعطيك الف عافية على جهدك المباركة ما قصرت ....

*amula_beauty*
16-07-2009, 03:59 PM
اهلآ وسهلآ بيك اخويا العزيز :

نجـــ سهيل ـــم


انا اللي اتشرفت بمرورك الحلو

ربي يسعدك ^_^



وتشرفت بمعرفة المزيد عنك ..يا خوخة


يا شييييييييخ ؟؟؟؟
بدييييييييينا ؟؟؟ :drr05_89:

*amula_beauty*
21-07-2009, 03:33 AM
صباح الخير اخويا :


محمد

اشكرك ع المرور



بجد استمتعت وأنا بقرأ فيها وكأني بسمعها مو بقرأها ،،،


منجد حماااااااس ^_^


اشكرك من الاعماق

ربي يسعدك


*************************

mouffaq
21-07-2009, 08:52 AM
أهلاً أهلاً

أموووولة المحبوووبة

بس معقووولة يمضي عليكي أسبووع بالبيت

والله لما أكمل 12 ساعة بالبيت ما أرجعلو لبعد 3 أيام

بصراحة أسئلة أكثر من رائعة من شخص أكثر من رائع

وإجابات موزوونة ومدروووسة أيضاً وشفافة

جميلة جداً مثل هذه الأسئلة عند طرحها لتفتح لنا نحن الأعضاء

باب واسع للتعرف على بعضنا البعض

ألف شكر لك أختي أموولة على أجوبتك

وشكر خاص لأستاذنا زادي على طرحها

أخوووكم موفق

*amula_beauty*
22-07-2009, 03:06 AM
صباح الورد اخويا :


موفق


اشكرك من قلبي لحضورك


انبسطت بجد




بس معقووولة يمضي عليكي أسبووع بالبيت

والله لما أكمل 12 ساعة بالبيت ما أرجعلو لبعد 3 أيام


ايوا معقولتين كمان



احيانآ ما اخرج من البيت الا للجامعه بس


واحيانآ بالاجازات زي دي الايام ممكن تمر اسبوع ,, اسبوع ونص ,,,


وانا ماخرجت من البيت


******************

لو انا ولد كان سافرت ماجلست بالبيت

بس لأني بنوته


البنات مساكين


بس بابا واخويا ما يقصروا ... يخرجوننا

لكن ممكن تمر اوقات كتير بدون طلعه

^_^


اشكرك ع المرور


ربي يسعدك

^_^

درب الهوى
22-07-2009, 07:40 PM
مقابلة حلوة وأخيرا تعرفنا عليك عن قرب بس شكلك دلوعة ماما وبابا ..

*amula_beauty*
22-07-2009, 11:31 PM
مسا الورد عزيزتي :


درب الهوى

والله يشرفني انك شرفتي وقرأتي عني

^_^




شكلك دلوعة ماما وبابا ..


شايفه كيف ؟؟؟؟

قلبت الموازين مع اني بنتهم الكبيره ,,,, بس كأني آخر العنقود ^_^


اشكرك ع المرور


ربي يسعدك

عمتووووووو
23-07-2009, 07:10 PM
سلااااااااااااام أموله
ماشاء الله عليكي كلك نعومه ورقه

عندي سوعال
إيش اللي ماتبغي تسويه في يوم فرحك في زفتك بالتحديد؟؟

يارب يجمعك انتي وعتريس على خير ويسعدكم ويهديكم لبعض


عمتووووووو

*amula_beauty*
23-07-2009, 08:11 PM
مسا الورد يا عمتوووووو ^_^ العزيزه



منجد مبسوووووطه بوجودك ^_^


فرحتيني مررررره



إيش اللي ماتبغي تسويه في يوم فرحك في زفتك بالتحديد؟؟


امممممممممممم ؟؟؟؟


ما ابغاه يتزف معايا

وما ابغى اتزف واطلع


حجلس مع المعازيم ,,, ابسط حقوقي اني احضر فرحي ^_^


**************


اقولك سر,,,, خطيبي مجنووون

رافض يلبس بشت,,, قال ايه مو ستايل

:139:


اشكرك ع الطله الحلوه

وع السؤال الغير متوقع ,,,^_^

ربي يسعدك

نجم الثريا
24-07-2009, 12:45 AM
احلى شي خوخه عجبتني..

*amula_beauty*
24-07-2009, 04:54 AM
اهلآ وسهلآ بيكي عزيزتي :

نجم الثريا


احلى شي خوخه عجبتني..


ههههههههه ,,, يعني تبغي تقهريني ؟؟؟؟ :165:


اشكرك ع المرور والاهتمام

ربي يسعدك عزيزتي

^_^

To0ofy
24-07-2009, 10:39 AM
سلاااااااااااام يابت يا اموووله

لسه دوبي وصلت..

بس من جد دخلت اقرا ردودك بشوف ايش رديتي عليا

اتاريني ما لي رد

شكلي رديت بس ما نزلل دوبي انتبهت والله او وقتها فيوزي ضارب

العذر والسمووووحه منك امووووله خانووووم

...بالله مافقدتيني يادوووبه

يلا على بر كة الله

نفسي اجيب حمامه واطيرها في الخواطر والاستراحه بشوف نوبة هلعك كيف تكون>>>انواع النذاله

ياخووووخة يا احلى مشمشه

اتاريك من الناس اللي ماتشيل فلووس زي حضرتي <<<صرفييين وااايد

اربعه وربي احلى عدد كل اللي يقولوا اربعه احوووبهم

بنتين وولدين يزننووو واذا حيزيدوا حيسيروا تمنيه لانك تحبي رقم تمنيه

ربي يرزقك بتمنيه تحبيهم ويحبوك

ويرزقك بسوار وسواره وراكان وراكانه

ايوا بت عندك ليدي

احووووبها مووووووووووووووت اذا عندك ابغاها

مرره احوب الكرتون القديم اخر فيلم كرتون شووفته كان ابطال الديجتال الجزء التالت

مررررررره حماااااااااس

مو كرتونات الجيل دا تجيب المرض

يلا يابت يا اموووله اشوووووفك ان ذا مسن

دمتتتي ياطباخه صغيرووونه

*amula_beauty*
24-07-2009, 02:45 PM
اهلين حبيبتي :


توفي

صراحه انا فقدتك بس من باب الذوق ماقلتلك ادخلي ردي << لا يااشييييييخه ؟؟؟ :236:




شكلي رديت بس ما نزلل دوبي انتبهت والله او وقتها فيوزي ضارب

العذر والسمووووحه منك امووووله خانووووم



هدا من الحساسيه حقتك

عشان تشوفي انك مهويه واني انا التابغه :drr05_17:


نفسي اجيب حمامه واطيرها في الخواطر والاستراحه بشوف نوبة هلعك كيف تكون>>>انواع النذاله

ياخووووخة يا احلى مشمشه


شكلو الشر يجري بعروقك

ايش الفكره الجهنميه هدي

والله يجيني هبوووط مفاجئ ,,, والله لا يوريكي حالات الهلع


اقعد اصرخ صرخات متتاليه تفصل بينهم ثواني بسيطه وبتكرار ومن قلللللللللب :165:




ويرزقك بسوار وسواره وراكان وراكانه



:drr05_19:


سوار وسواره


لا مو كدا

لو جاني ولد بسميه سوار

ولو بنت برضو سوار

لأنو الاسم يركب ع الاتنين

بس نفسي يكون ولد اسمو سوار




ايوا بت عندك ليدي

احووووبها مووووووووووووووت اذا عندك ابغاها


مافي شي مو عندي

بس اشرطه فيديوووو


شكرآ ياقمر انك افتكرتي تردي علياااا:218:



^_^


ربي يسعدك

حبيبة ابوها
25-07-2009, 10:56 PM
ويرزقك بسوار وسواره وراكان وراكانه
توفي لاتتحمسين تكفين ـهههههههههه

...
ماشااء اللـه امولــه اجوبه خفيفه وواضحه (=
أجـل خوخـه :262:
اللـه يوفقك في دراستـك وزواجك وكـل دنياك وآخرتك ..

مالقيتي الا حمااام تخافين منه وحـشرات عاادي !
غـريبه والله ‘
عـموما استمتعنا والله يا أم راكان :262:
..
ملاحـضه بس
>> زادي لوسمحت لا تخلي الاجوبه اقتباس تطلع مايله وتعور العييون http://img182.imageshack.us/img182/6199/seko.gif
متأكدين انـك ماراح تعدل في الاجابات P:

*amula_beauty*
25-07-2009, 11:14 PM
اهلآ وسهلآ بحبيبة ابوها وحبيبتنا :

حبيبة ابوها


كأنو لغز :236:


مالقيتي الا حمااام تخافين منه وحـشرات عاادي !
غـريبه والله ‘
عـموما استمتعنا والله يا أم راكان


والله الحماااام منجد يخووفني واكتر شي بالحياه يخوفني هوا الحمااااام

اما الحشرات والله انها ماتخوف

حلوه مافيها شي

اقولك الحشرات كووووووولها ما اخاف منها


اشكرك ع المرور الحلووو

ربي يسعدك

^_^

جف البحر
28-07-2009, 10:35 PM
يوم نفسي غير طبيعي

شعب نفسية ومنتدى نفسية

أمولة

انا بحطلك كم شغله كده

وابغى اعرف ايش احساسك وانتي تقوليها

يعن كون انك انثى << المفترض يعني


فوق السطوح
يعني اطلع فوووووق عند الخزان ... اعلى شي بالسلم اللي بالسطوح

هناك بس ... احسني رايقه ومروووقه

مدري ليش حسيت انك نوع من الوزغ البري ولاصقة في السقف كده :139:






بالبيت ينادوني (ميمي)

واذا عصبوا مني ينادوني (خوخه) عشان الناني حقتي اللي ولدت ماما فيا

كان اسمها خوخه وكانت من عبيد بريطانيا ... يعني الحرمه شكلها مجرررررررم

يعني انتي بالزبط زي زكريا لمن يدلعوه ينادوه ياحسن

وممكن في الليل يقولوله مرعي :236:






شوف ياعزيزي

انا اخاف من الحيوانات(البسس.الأحصنه والخرفان, العصافير)

واموووت خوف من الحمام ... تجيني نوبات هلع اذا مرت من عندي حمامه

لكن
ما اخاف من الحشرات ابدآآآآآآآآآآآ
واحب امسك الجراد ... العب فيه ************

شوفي ياعزيزتي

انتي اساسا كنتي تبغي تكوني ولد بس ما اتوفقتي

فيه بنت في الدنيا تخاف من الحمام وتحب تمسك الجراد !!

يعني ما اقول غير يالطيف يارب

جيل انثوي مضروب منتهي





لأنو كتير قالولي انهم لما يشموا ريحة (ستيلا) يفتكروني ... لأنو عطري المفضل

انا خبصت ولا ايه

انا اعرف الستيلا دي بيره 7 %

صح ولا لا يا خال تعال بسرعه صححلي المعلومة




عندي اسم مشترك بسميه للذكر او للأنثى (سِــوار)
وعمومآ انا (ام راكان)

شوفي يا صيته انتي

انا حسيبك تتخلصي من امراض التناقض دا اللي انتي تحسي بيها بعدين اتفاهم معاكي

يعني ايش بسمي ولدي ولا بنتي سوار بس انا ام راكان !!

ولا برضو اسمعه سوار وتدلعوه راكان

ترى فاهمه الدلع غلط

ما اخدتي دلع 101 في الجامعة !!

عارف انك كرهتيني

بس حسيتك خرجتيني من جو الهدووووووووء اللي كنت فيه

واستفزيتي قريحتي



توافيق امولة واتمنى لك الشفاء العاجل

( الله يخليلك ابوكي وامك) انتي ومسلسل اصابع الزمن اللي كتبتيه



جف..!

» رَحيْـقّ "
28-07-2009, 11:28 PM
مقآبلَـه ممـتعه مع الغآليه / أمـوله http://img154.imageshack.us/img154/169/66768428.gif
نـأسف ع التـأخير حسبتني رآده :$
\

فوق السطوح يعني اطلع فوووووق عند الخزان
من جد حلوَه السـطوح تحسين إنك في عآلم ثآني ^^"
بس عـآد مو فوق الخزآن |181|
/
الله يحفـظكِ وَيسعدكِ بزوآجكِ , خآيفه تـنسيننآ بس |345|

*amula_beauty*
28-07-2009, 11:31 PM
مسا التناحه والناس اللي حاطه الناس الطيبه براسها


يعني واحد هيمان مدري همام مدري شمام

وكمان قاعد يتنقور الاعور


:139:

يوم نفسي غير طبيعي

شعب نفسية ومنتدى نفسية



دا اكبر دليل اني انثى ^_^


يعن كون انك انثى << المفترض يعني


انا انثى اصليه 100%

وبما انك رجل ,,, قدرت استفزك لأني انثى :236:




مدري ليش حسيت انك نوع من الوزغ البري ولاصقة في السقف كده


كيييييييييد عــُزالك

:drr05_17:


عادي مو مشكله اتخيل اللي تتخيلو

تدري يا عمو شمام انو الانسان لما توصفلو شي

راح يتخيل شي متصل وقريب من واقعه بشكل او بآخر


يعني انتا اكيد تمت للوزغات بصله ولا ماكان اتخيلت المنظر الفززززززززززيع دا


وعمومآ ايش فيها الوزغه ,, على ما قالوا اجدادنا كانت من حواري الجنه

بس مغضوب عليهاااا :150:



والناس مزاجات

وانا مزاجي كدا ^_^

ولالا يالخيزرانه بالهواااا ميلوووكي ,,, ولالا وان ميلوووكي مالت الرووووح معااااكي

:220:




يعني انتي بالزبط زي زكريا لمن يدلعوه ينادوه ياحسن

وممكن في الليل يقولوله مرعي


تعديل بسيط ,,, انا كتبت خوخه ... وهما بينادوني يا (بنت خوخه )

مو خووخه

خطأ مطبعي عبيط مو مشكله




شوفي ياعزيزتي

انتي اساسا كنتي تبغي تكوني ولد بس ما اتوفقتي

فيه بنت في الدنيا تخاف من الحمام وتحب تمسك الجراد !!

يعني ما اقول غير يالطيف يارب

جيل انثوي مضروب منتهي




لالا انا انثى استثنائــــيه


ايوا انا اكره البسس والاحصنه والحيوانات والحمام

بس مرررررررره ما اخاف من الحشرات

والجراده تعجبني لأنو ملمس بطنها رهيييييييييييييب :236:


والدنيا مزاجات يا مُــخ

^_^


واصلآ سخافه لما البنت تخاف من الجراد والحشرات

بالله تخافي من شي صغير ما يآذي

مو الحمممام الشررير اللي يطير ويتبهلل

:165:



انا خبصت ولا ايه

انا اعرف الستيلا دي بيره 7 %

صح ولا لا يا خال تعال بسرعه صححلي المعلومة


ستيلا ,,, تيكيلا ,,,, اي شي


ستيلا عطر نسائي حلووووو وراقي


لسا لساااا لما تفوق من غبرة الماضي اللي رجعتلنا منو راح اعرفك عليه

:drr05_89:




شوفي يا صيته انتي

انا حسيبك تتخلصي من امراض التناقض دا اللي انتي تحسي بيها بعدين اتفاهم معاكي

يعني ايش بسمي ولدي ولا بنتي سوار بس انا ام راكان !!

ولا برضو اسمعه سوار وتدلعوه راكان

ترى فاهمه الدلع غلط



يا مــُخ ,, انا ام راكان ولدي الكبير اسمو راكان

والتانيين ( سوار) سواء بنت او ولد


فتح مخك شويا

منجد الفورمالين عامل عمايلووو


سبحان الله

الرعيل الاول دا مشكككككلتو مشكله بالتفاهم مع الجيل الجديد

:drr05_91:




ما اخدتي دلع 101 في الجامعة !!


دي الماده على ايامكم بس

لأنو معروف عنكم التناحه والذي منوووو

فغصبآ عنكم يراعوا حالتكم العقليه


:200:





عارف انك كرهتيني

بس حسيتك خرجتيني من جو الهدووووووووء اللي كنت فيه

واستفزيتي قريحتي



لالا بالعكس

ماكرهتك ولا شي

واجب علينا احنا الصوووغار نراعي الكبار بالسن

ونداري الشيبان

وخاصة القادمين من الماضي ,,, دول حاله خااااااااااااااصه


اكيد ماراح اكرهك ,, بس حآخدك حبه حبه الين تقدر تنخرط بالمجتمع


:263:





توافيق امولة واتمنى لك الشفاء العاجل


من بؤك لباب السما


****************************** ******

ولالا يالخيزرانه بالهوى ميلوووووووووووووكي

لالا وان ميلوووكي ,,مالت الرووح معااااااااااااكي


**********************

على فكره يا عمو شمام


بلييييييييييز ارجع اقرأ التعبير اللي كتبو عني خالو زادي بالمقدمه

يمكن تراجع نفسك وتعرف قدري :218:



***********************

اشكرك من صماااصييييييييييييم قلبي ع المرور الحلووو


بجد انبسطت وضحكتني من قلبي

^_^


يارب تشوفني مريضه نفسيآ دايمأ عشان ترد وتتلحلح


ربي يسعدك

^_^

جف البحر
29-07-2009, 12:19 AM
يعني واحد هيمان مدري همام مدري شمام

شوفي يا امبولة مدري ياسعد << الدلع حقه

الاسم دا لو تأدني ماتجيبي زيه

ولو جبتي زيه ما تقدري تجيبي شي زيي

انا حبه وحده نزلت تجربة ونجحت بكل المقاييس









تدري يا عمو شمام انو الانسان لما توصفلو شي

راح يتخيل شي متصل وقريب من واقعه بشكل او بآخر


يعني انتا اكيد تمت للوزغات بصله ولا ماكان اتخيلت المنظر الفززززززززززيع دا


وعمومآ ايش فيها الوزغه ,, على ما قالوا اجدادنا كانت من حواري الجنه

بس مغضوب عليهاااا :150:

اكيد كلامك 100 %

يعني السطوح مافيه اي شاعرية

كله حشرات من اللي تحبيها

واكثرها الوزغ

اكثر شي ارتباطا بالحوش والسطوح

واعتقد انك مستمتعة بالشي دا :drr05_19:







تعديل بسيط ,,, انا كتبت خوخه ... وهما بينادوني يا (بنت خوخه )

مو خووخه

خطأ مطبعي عبيط مو مشكله

هده مشكلتك الشخصية تحليها مع نفسك









لالا انا انثى استثنائــــيه


ايوا انا اكره البسس والاحصنه والحيوانات والحمام

بس مرررررررره ما اخاف من الحشرات

والجراده تعجبني لأنو ملمس بطنها رهيييييييييييييب :236:


والدنيا مزاجات يا مُــخ

^_^


واصلآ سخافه لما البنت تخاف من الجراد والحشرات

بالله تخافي من شي صغير ما يآذي

مو الحمممام الشررير اللي يطير ويتبهلل

:165:

ملمس بطن الجرادة رهيب

والحمام شرير يطير ويتبهلل

على اساس انه في سيرك

..

شوفي

هادا مرض معروف بيتعالج

في امريكا عالجوه

وفي اليابان عالجوه برضو

بس هادا شكله النوع السعودي الفاخر اللي ما بيطلع :218:







يا مــُخ ,, انا ام راكان ولدي الكبير اسمو راكان

والتانيين ( سوار) سواء بنت او ولد

انتو بتخلفو قبل الزواج :drr05_52:

اخدين الدنيا من ورا ولا ايش

وتزوجي بنتك وانتي مخطوبة لسع !!

امورك غير مسددة

فاهمه الحياة غلط صدقيني

يعني كل كلامك تقولي خطيبك

دحين جيه تقولي ولدك اسمه راكان

اش تبغي انتي





فتح مخك شويا

منجد الفورمالين عامل عمايلووو


سبحان الله

الرعيل الاول دا مشكككككلتو مشكله بالتفاهم مع الجيل الجديد

:drr05_91:

ممكن كلامك يكون صح

بس مشكلة الرعيل الجديد الله يرعلك بالعافية انه اصلا مافيه مخ الله يسلمك














على فكره يا عمو شمام


بلييييييييييز ارجع اقرأ التعبير اللي كتبو عني خالو زادي بالمقدمه

يمكن تراجع نفسك وتعرف قدري :218:

وهوه زادي دا مقياس

انا مني عارف كيف البني ادم دا اقنعكم انه ادمي اصلا

استفرد بيكم وضحك عليكم !!

يابنتي صدقيني ما اتوفقتو فيه


***********************


اشكرك من صماااصييييييييييييم قلبي ع المرور الحلووو

حتى انا اشكرك من صماصيم قلبي على الرد الاحلى

الله يصمصمك بالعافية


جف..!

*amula_beauty*
29-07-2009, 12:57 AM
مسا الورد يا عزيزتي :


رحيق


ماعليكي يا قمر ^_^


تمووووني

اهم شي اني شفت طلتك الحلوه




من جد حلوَه السـطوح تحسين إنك في عآلم ثآني ^^"
بس عـآد مو فوق الخزآن



احلى شي فوووووووووووق بالمرررررررره

تحسي باحساس انتحاري رهيييييييب

يعني مو انتحاري سلبي

انتحاري ايجابي ,, شي ما حتحسيه الا بداك المكان :drr05_19:




الله يحفـظكِ وَيسعدكِ بزوآجكِ , خآيفه تـنسيننآ بس


انسااااااااااااكم ؟؟؟

دا كلاااااااااام ؟؟؟

اكيد حنساكم ,,,, وبنشغل بالبزوووره وابووهم

بسي لا تخافي نسياني لحظي يعني شهر العسل وارجعلكم

:236:

اشكرك ع المرور

ربي يسعدك

^_^

*amula_beauty*
29-07-2009, 01:30 AM
مسا الوزغات والجرادات وكل حاجه بتعايرني بيها ياشمام بيك



شوفي يا امبولة مدري ياسعد << الدلع حقه

الاسم دا لو تأدني ماتجيبي زيه

ولو جبتي زيه ما تقدري تجيبي شي زيي

انا حبه وحده نزلت تجربة ونجحت بكل المقاييس



اكيد انتا تمزح دحين :drr05_19:


ولا قاعد تقنع نفسك باسمك ( محاوله فاااشله ترا)

طب بسألك يا شمام

هوا اسم (همام) كيف يتنطق ؟؟

يتنطق زي كدا على وزن ( شمام)

ولا يتنطق على وزن ( عــُضال ) ولا ( هــُلام)

منجد مشكله الاسم دا



انا حبه وحده نزلت تجربة ونجحت بكل المقاييس


اكيد مافي منك الا نسخه وحده منيله بستين نيله

نسخه فشلت على كل الاصعده لدرجة انهم ما نزلوا غير دي النسخه

ومن بعدها قالوا ( توبه من دي النوووووبه)

:165:



اكيد كلامك 100 %

يعني السطوح مافيه اي شاعرية

كله حشرات من اللي تحبيها

واكثرها الوزغ

اكثر شي ارتباطا بالحوش والسطوح

واعتقد انك مستمتعة بالشي دا


اكيد مستمتعه


بكون بمحميه للحشرات وما استمتع؟؟؟

بس خساره سطوحنا ماشفت فيه حشرات الا النمل :236:




ملمس بطن الجرادة رهيب


جرب المسها وراح تدعيلي :150:



بس هادا شكله النوع السعودي الفاخر اللي ما بيطلع

اهه اعترفت بعضمة لسانك اللي صارت عضله من كتر هرجك

اني انثى استثناااائيه




انتو بتخلفو قبل الزواج

اخدين الدنيا من ورا ولا ايش

وتزوجي بنتك وانتي مخطوبة لسع !!

امورك غير مسددة

فاهمه الحياة غلط صدقيني

:drr05_19:

يا مــُخ

انا مخطوبه بس من دحين متفائله اني بجيب (راكان حبيبي)

انا وخطيبي عايشين الجووو وجبنااا احفاااااااد كمان





بس مشكلة الرعيل الجديد الله يرعلك بالعافية انه اصلا مافيه مخ الله يسلمك



صراحه لازم نعالج الفجوه بين الجيلين

رعيلكم ورعيلنا

ونشوف سبب انعدام ال connection between us





وهوه زادي دا مقياس

انا مني عارف كيف البني ادم دا اقنعكم انه ادمي اصلا

استفرد بيكم وضحك عليكم !!

يابنتي صدقيني ما اتوفقتو فيه



صحيح خالو زادي شرير

ويرفع ضغطي

ويقهرني

ويوترني

ويجيبلي المرررررض

ويحب يناااحل

ولسااانو طوووويل


وما احد سلم منووووو


لاااااااااااااكين << بالسوووداني للمره الالف

هوا انسان طيب ورائع ,,,, وانسان بكل معنى الكلمه << لازم نمدحو شويا حاكم هوا اتهززززأ

:drr05_19:


وعلى قولتهم ( انا واختي على خالي زادي ,,, وانا وخالي على شمام)

:drr05_41:



اشكرك ع المرور اللي يرفع الضضضضضغط


صار عندنا اتنين من خالو زادي بالمنتدى


ياربي الهمني الصبر

,,,,

ربي يسعدك

^_^

» رَحيْـقّ "
29-07-2009, 02:10 AM
احلى شي فوووووووووووق بالمرررررررره
طيب , بس إذآ جربتـهآ وطحت ترآ الذنـب عليـكِ !
/
وَبعديت شـ الي كآتبته بالإهدآءآت لآ تسببي فتـنه |345| <~ على بآلهآ مُصـلحه |391|
/

يآحبيلكِ والله http://img154.imageshack.us/img154/169/66768428.gif

محمد بن الحسين
29-07-2009, 03:09 AM
http://www.abunawaf.com/members/dukefleet/01/J11.jpg

*amula_beauty*
29-07-2009, 03:29 AM
اهلين غاليتي :


رحيق

اقولك ,,, لا تجربي بس

هدي انا عادي

لكن انتي لاااااا , اللي مايعرف الصقر يصبر على خرابيشووو :drr05_19:

^_^

ربي يسعدك حبيبتي

وانا كمان احبك :)

وعلى فكره اللي بشريط الاهدائأت

مو فتنه ,, بس من باب الاخوه اننا نذب عن اخونا المسلم :drr05_32:

*amula_beauty*
29-07-2009, 03:56 AM
اخويا العزيز

محمد


الصوره اللي حطيتها لها اكتر من تفسير

منجد تحير بس شوف

1- انو جف البحر وكدا شي مررررره يتعب ,,, عشان كدا انتا حبيت تهون عليا وتونسني وتقولي

انو دا طبيعي انو نحس بهم لما يجف البحر = انو جف البحر موجود :165:


2- انو الدنيا بدوني صحرا ,,, وانا زي المويا اللي بقيت والناس متلهفه عليا

عشان كدا بتناقرني ,, ولا يمكن الدنيا تبغاني ارويها بطيبة قلبي وانوثتي اللي يشككوا فيها


3- انو الناس عطشانه وتعبانه واحنا هنا جالسين بنضحك ومو حاسيين ودا التفسير يعور القلب

والله

******************************

منجد ابغى اعرف ايش تقصد

دايمآ كدا ردودك تدوخني بغموضها

ما افهم المعاني اللي تقصدها واللي تضمنها ببعض الصور


ياريت تشرحلي قصدك وتريحني

حاسه بتأنيب الضمير

:(


اشكرك ع المرور

ربي يسعدك

أرسطوالعرب
29-07-2009, 04:11 AM
لقاء ممتع

بس لفت انتباهي حكاية الجراد !

لازم تحلي المشكلة هذي بأسرع وقت...


أما الباقي ماشاء الله عليك

اعجبتني شفافيتك ....سعادتك وصلت للقراء بشكل كبير

تحياتي لك

واتمنى لك كل التوفيق يارب

محمد بن الحسين
29-07-2009, 08:45 AM
اخويا العزيز


محمد



الصوره اللي حطيتها لها تفسير


انتا حبيت تهون عليا وتونسني وتقولي




اختي امولة


معدرة ادا فهمت الصورة بما ليس القصد


تعرفين انك انسانة عزيزة على الجميع


وهدا لا نستطيع اخفائه ..


دخلت الموضوع وكان المشهد بالنسبة لي مش تمام


واستعملت الصورة لأقولكي انو فعلا جف النهر métaphorique


اماالصور الاخرى فجلها للترفيه فقط


حياك الله اختي امل


اشكرك ربي يسعدك



ادخل المنتدى http://img154.imageshack.us/img154/3336/9712576.gif فقط للتسلية http://img195.imageshack.us/img195/3844/lolost.gifواسعاد الاخر وليس العكس


اضحك دائما http://img195.imageshack.us/img195/3844/lolost.gif لأن الضحك ليس مفيداً للصحة الجسدية والنفسية فقط


وإنما هو شرط أساسي لجمال الشخصية.


فالابتسامة والوجه البشوش جوازات سفر مجانية لدخول القلوب


ربي يسعدك اختي امولة


http://img195.imageshack.us/img195/3844/lolost.gifhttp://img195.imageshack.us/img195/3844/lolost.gifههههههههههههه

zadi
29-07-2009, 08:59 AM
___________________



( انا خبصت ولا ايه

انا اعرف الستيلا دي بيره 7 %

صح ولا لا يا خال تعال بسرعه صححلي المعلومة )

أسألني عن الزمزم والشربيت :218:

( الاسم دا لو تأدني ماتجيبي زيه

ولو جبتي زيه ما تقدري تجيبي شي زيي

انا حبه وحده نزلت تجربة ونجحت بكل المقاييس )

تجربة إستنساخ وفشلت في كوبا فشل ذريع وصدروه للسعودية في كرتون موز كوبي , عشان كدا يستحيييييييييييييل نسخة تانية إلا طفل أنابيب !!! مومكن ! :236:

( وهوه زادي دا مقياس

لاتنسى يوم أعطيتك بنطلوني بدل حقك المخروق , وكان نفس مقاسك :150:
انا مني عارف كيف البني ادم دا اقنعكم انه ادمي اصلا

مشكلتي إني صاحبتك , عشان كدا نزل مستوى الآدمية عندي للحضيظ :drr05_22:
استفرد بيكم وضحك عليكم !!
ههههههههههههه مع نفسك ياكبتن , كييييييييييييييييدك :drr05_49:
يابنتي صدقيني ما اتوفقتو فيه )
|238| أموووووووت في سفالتك :220:


أستنوا سين في خمسين مع جف ,,, بس رجاءاً الدخول لسن +18 فقط :262:

*amula_beauty*
29-07-2009, 06:21 PM
مسا الورد اخويا :

ارسطو العرب


بس لفت انتباهي حكاية الجراد !

لازم تحلي المشكلة هذي بأسرع وقت...


لا يكون انتا كمان تشكك بأنوثتي

ياعمي والله من صغري علاقتي حلوه مع الحشرات

ما اخاف منهاا ودي نعمه من ربنا ^_^


بس ممكن اراجع نفسي لو غيرت صورة( العنكبوت ) حقتك




أما الباقي ماشاء الله عليك

اعجبتني شفافيتك ....سعادتك وصلت للقراء بشكل كبير

الله يسعدك ويوفقك

منجد انا اللي اتشرفت بمرورك

ربي يسعدك ^_^

*amula_beauty*
29-07-2009, 06:26 PM
مسا الخير اخويا :

محمد


ماعليك ولا تشيل هم

^_^


اشكرك ع المرور

وادري انك تحترمني زي ما بحترمك ^_^


ربي يسعدك

:)

جف البحر
29-07-2009, 08:15 PM
زادي

مع نفسك

وراح اكون اعقل منك كالعادة وماراح ارد عليك


جفووو ديناميك


جف..!

المسآفر
29-07-2009, 09:07 PM
ام راكان مسا الخير يا شقيقتي

ماشا الله عليكِ أجوبة حلللوة
وآفــآأ كده تخافي من كل شي حتى العصافير << :150:
شو بيصير بك اذا شفتي صرصوور :drr05_52:



وأنا بعد عندي اشرطة الكرتون القديمه
اذا بدك بعطيكِ .. غرانديزر - فارس الفتى الشجاع - كعبوول ووفي بعد
:drr05_19:


اسعدتني المقابلة اختي ولك كل الخير والله يوفقكِ ويسعدكِ
وزادي ماشا الله عليك يعجبني فيك وصفك في كل بدايه للشخصية
تضبطهــا ياخي

جف البحر
29-07-2009, 09:15 PM
وزادي ماشا الله عليك يعجبني فيك وصفك في كل بدايه للشخصية
تضبطهــا ياخي


انا

انا

بالله ما اعرف اوصف

<< ميت ضحك وهو يكتب

نسبة الحاشاشين في الدم مرتفعة اليوم

صاير فاغر اضحك على اي شي

*amula_beauty*
30-07-2009, 01:43 AM
نسسسسسسسسسسسسسسسسسسسسيت اقول شي مهم


زادي وجف


يلا بوووشكم على ( شات الاستراحه)

اردحوا فيه على كيف كييييفكم



ترا انا انسانه بريئه ومتصفحي سيرتي تحت ال 18 لأني احب افلام الكرتون

يلا قبل ما تقلبوا موضوعي ويصير ( ردح على كبري عباس)


:drr05_17:

*amula_beauty*
30-07-2009, 01:46 AM
اهلآ وسهلآ بيك اخويا العزيز:

المسافر



وآفــآأ كده تخافي من كل شي حتى العصافير <<
شو بيصير بك اذا شفتي صرصوور

اخاااف من كل شي الا الحشرات


والصرصووور حشره ^_^


ما اخاف منو :228:


وأنا بعد عندي اشرطة الكرتون القديمه
اذا بدك بعطيكِ .. غرانديزر - فارس الفتى الشجاع - كعبوول ووفي بعد



يا سلااااااااااااام عليك

شكلي حتفق معاك ^_^

طيب روووح على درة التجارب فيه موضوع ليا اسمو

البيت بيتي ^_^ (http://www.dorarr.ws/forum/showthread.php?t=45909)

حاطه فيه كل شي احبووو بالحيااااه

وافلام كرتوني المفضله


ياريت تزورني هناك وتشاركني

^_^


ربي يسعدك