المساعد الشخصي الرقمي

مشاهدة النسخة كاملة : للنقاش ][ ليه ..ليه يا جاره..ماتردي الزياره ؟؟؟][



*amula_beauty*
11-07-2009, 01:11 PM
http://www.dorarr.ws/forum/uploaded/30460/rrrrr.jpg


مساء الخير والورد

|238|

رجعنا بموضوع حلو يا حلوين :214:


بينما كنت اتفرج ع التلفزيون .... كانو يتكلموا عن الفلكلور العراقي :164:

وجابوا موال يقول (ليش ليش يا جاره ..ماتردين الزياره... زعلانه انتي علينا ؟؟)


فأنا استغربت بالحقيقه ؟؟

:266:

يعني لازم الواحد يرد الزياره ؟؟؟؟؟

طيب ...

انا صاحبتي زارتني .. وماقدرت ازورها

راحت البنت تقول ما اجيكي مره تانيه الا لما تجيني :151:

****************

ليه طيب الوضع ماشي كدا ؟؟؟

طيب لو زارك شخص مره

هل يعني دا الشي انك لازم عليك ترد الزياره :301:

؟؟؟؟؟؟؟؟؟؟؟

قبل فتره .. بالاختبارات ... جات جارتنا جايبه قهوتها العصريه :244:

والله فرحت من قلبي ... صحيح احنا مازرناها لكن هيا واصلتنا وتزورنا

مو شرط ننتظر رد الزياره عشان تستمر العلاقات
:217:
****************

وبنفس الوقت الواحد ما يحب الارتباط

دحين لما يجونا ضيوف ... بابا يخليهم على راحتهم وما يلزم عليهم يتعشوا :drr05_03:

ماما تزعل من بابا تقول ما اصر ع الناس ولا عزمهم ع العشا :175:

لكل واحد وجهة نظر .. بابا شايف انو بكدا مخلي الضيف على راحتو والبيت بيتو

حب يتعشى الله يحييه :269:
ماحب خلاص

وماما تقول لااا . لازم تصر وتحلف عليه :161:


اشياء كتير تحكم علاقاتنا

والنفسيات تختلف

اش رأيكم بالموضوع؟؟

هل انتو من النوع اللي يرد الزياره ؟؟:230:

واذا زرتوا احد تتوقعوا وتطالبوه برد الزياره ؟؟؟

واذا مارد الزياره تزعلوا ؟؟؟:drr05_87:
واذا جاكم ضيف .. كيف تتعاملوا معاه


******************
يلا فكوووها بقاااااااااااا

واتكلموا وافصحوا عن مكنونات انفسكم

ربي يسعدكم

^_^

zadi
11-07-2009, 01:42 PM
________________


أولاً , شكراً يا أمولة على تجاوبك السريع في موضوع الخمسين , حقيقي أشكرك بعنف :drr05_41:

تاني حاجة ,

طبعاً أكيد من باب المجاملة إني أرد زيارة أحد جاني لبيتي وأتكلف تعب المشوار وبهدلة المواصلات :218:

وحاجة حلوة إن الزيارات تكون متبادلة بين الناس , سواء عوائل أو جيران أو أصحاب ,,,

وإذا صاحبتك زارتك وإنتي ماقدرت تزوريها أكيد فيه عندك ظرف معين و ممكن تعتذريلها بكلمتين حلوين و وعد بزيارة في المستقبل ( المنظور ) :drr05_52:

لأنه بعض الناس ممكن يفسرها إنه تكبر منك إنها جاتك وإنتي ما تتنازلي تروحيلها وتزوريها :249:

وبعدين عند الستات الكبار الله يطول في أعمارهم ويخليهم لنا , عندهم مصطلح جميل وحلو ويدل على الترابط الإجتماعي إللي كان سائد في البلد , وبالذات في مكة الله يعمرها ,,,

المصطلح دا يقول ( وي يا أختي , كيف , لازم نروحلها و ( نرد ) رجلها ) |238|

كلمة بسيطة سهلة لكنها تتضمن معاني الدنيا الحلوة كلها إللي تعبر عن الترابط الإجتماعي إللي للأسف بدأ يتفكك ويتحل ولا عاد بنشوف مظاهره زي أول ,,,

على ذكر الجارة يا أمولة ,,,

الجارة كانت في منزلة أمي , يعني لو كلمتني أو خاصمتني أو عملت معايا أي حاجة , أبداً أمي ماكانت تزعل , لأن القلوب كانت على بعض , وكل واحد يفكر في نفسه وأخوه أو جاره أو ولد حارته ,,,

زمان وأنا صغير يا أمولة , كنت أتضايق يوم العيد إني لازم أقعد في البيت أستقبل المعيدين إللي هم غالباً من أهلنا ومعارفنا وجيراننا , ودا كان بإعتباري كبير البيت ,,, كنت أبغى أخرج مع أصحابي أعيد وألحق على العيديات :drr05_62:

اليوم ياطويلة العمر و من صبح الله خير يوم العيد تكون القهوة جاهزة والحلاوة وأنا لابس وقاعد مستني ,,, إنو أحد يطل في وجهي أو يقولي كل عام وإنت بخير ؟؟؟ ييييييييييييييوك , مافي ,,, :249:

كل واحد الآن يتصل بالجوال ويهني ويبارك ,,, أو يرسل سرالة جوال , وكان الله بالسر عليم ,,,

الأغنية دي إللي تقولي عليها من الأغاني الجميلة العراقية القديمة المعروفة ,,, ياسلام , حتى الأغاني القديمة كان فيها حكمة وترابط , مو زي أغاني اليومين دي إللي مافيها غير سفالة وقلة أدب .

يعطيك العافية أمول ,,, موضوع جميل ,,,

تحياتي

الماسي
11-07-2009, 01:55 PM
العضوة المميزة امولة سلام جاوبيني على ،،،

1/ اذا اتصلت عليك صديقة في جوالك وكنتي بعيدة من الجوال لما تشوفي
الجوال تتصلي عليها وله لا ؟
2/ اذا جاتك رسالة خاصة من عضوة في المنتدي تردي عليها ولا طناااش ؟

اكيد اجاباتك ( ايجابية ) وهذي ابسط الاشياء فما بالك بوحدة جاتكم زيارة

اذا تبغوا تحافظوا عليها ردو الزيارة اما اذا ما تبغو تشوفو وجهها طنشووو :220:

الناس تعاملك ذي ما انتي تعامليهم ومافي حدا في الزمن ده فاضي يعيد المحاولة والزياراات

واذا طنشتي الناس حا تعاملك بنفس الطريقة حتي يجي يوم تلقي نفسك لووووحدك ،،،

اما انا من الناس بخصوص الزيارات احب يكون في اتصال قبل الذهاب يعني تنثيق

اما الوجبات وعشاء وغيرة لايمكن الا بعزيمة ،،،:216:

مشكورة على الزيارة ياجارة :drr05_52:

*amula_beauty*
11-07-2009, 02:04 PM
مساء الورد يا عزيزي :

زادي


أولاً , شكراً يا أمولة على تجاوبك السريع في موضوع الخمسين , حقيقي أشكرك بعنف
اولآ : لا شكر على ولا شي ^_^



طبعاً أكيد من باب المجاملة إني أرد زيارة أحد جاني لبيتي وأتكلف تعب المشوار وبهدلة المواصلات

وحاجة حلوة إن الزيارات تكون متبادلة بين الناس , سواء عوائل أو جيران أو أصحاب ,,,

صحيح هوا من باب المجامله .. لكن مايعني اني اشيل هم اردلها الزياره

عن نفسي اذا قدرت بزورها

واذا ماقدرت خلاص

فيه ناس تشوفها شي واجب مررررره



وإذا صاحبتك زارتك وإنتي ماقدرت تزوريها أكيد فيه عندك ظرف معين و ممكن تعتذريلها بكلمتين حلوين و وعد بزيارة في المستقبل ( المنظور )

لأنه بعض الناس ممكن يفسرها إنه تكبر منك إنها جاتك وإنتي ما تتنازلي تروحيلها وتزوريها

اكيد
بس فيه اهل متشددين من ناحية الزيارات بين الصاحبات

يعني اهلي ما يسمحولي ازور صاحبتي لمجرد الزياره

نجتمع عشان دراسه وشغل اوكي

غير كدا لا


ودا من باب الحرص علينا ..جزاهم الله خير ^_^


وبعدين عند الستات الكبار الله يطول في أعمارهم ويخليهم لنا , عندهم مصطلح جميل وحلو ويدل على الترابط الإجتماعي إللي كان سائد في البلد , وبالذات في مكة الله يعمرها ,,,

المصطلح دا يقول ( وي يا أختي , كيف , لازم نروحلها و ( نرد ) رجلها )



منجد كلام من دهب

سبحان الله .. كل ما كبرت ..كل ما اتأكدت انو كلام جداتنا والحريم الكبار صح 100%

وكلو حكم وماقالوه الا من تجربه


على ذكر الجارة يا أمولة ,,,

الجارة كانت في منزلة أمي , يعني لو كلمتني أو خاصمتني أو عملت معايا أي حاجة , أبداً أمي ماكانت تزعل , لأن القلوب كانت على بعض , وكل واحد يفكر في نفسه وأخوه أو جاره أو ولد حارته ,,,

منجد اول اتحول

دحين لو جاره خاصمت ولد جارتهم بتآكلها الجاره (ام الولد) بقشووورها

:drr05_41:

الله على ايام زمان

على قولة بابا ...ايام القلوب النظيفه

يقول بابا كانوا الجيران يفطروا سوا

بس كانوا فالينها شويا

يعني خليطي ... رجال مع حريم :236:


اليوم ياطويلة العمر و من صبح الله خير يوم العيد تكون القهوة جاهزة والحلاوة وأنا لابس وقاعد مستني ,,, إنو أحد يطل في وجهي أو يقولي كل عام وإنت بخير ؟؟؟ ييييييييييييييوك , مافي ,,,

منجد كلنا نفقد اعياد زمان

دحين ما في شي زي كدا

والله يا زادي تعفن وانتا تنتظر احد يجيك :249:

بس البركه بصاحبات جدتي ... الين دحين بينهم زيارات ^_^



كل واحد الآن يتصل بالجوال ويهني ويبارك ,,, أو يرسل سرالة جوال , وكان الله بالسر عليم ,,,

والله مالها طعم



الأغنية دي إللي تقولي عليها من الأغاني الجميلة العراقية القديمة المعروفة ,,, ياسلام , حتى الأغاني القديمة كان فيها حكمة وترابط , مو زي أغاني اليومين دي إللي مافيها غير سفالة وقلة أدب .


بجد كل شي زمان له قيمه

مو دحين اللي الدنيا ماشيه سخافات في سخافات

******************************

اشكرك من كل قلبي يا اخي على الرد الحلو

ومو غريبه عليك ابدآ

ربي يسعدك ويجننك بجيران من حقون زمااااااااااااااان

يصحوووك من عز نووومك ع القهوه الساعه 7

ووقتها بشوف ردة فعلك :drr05_19:

SOUTHSTAR
11-07-2009, 09:33 PM
حي الله الست اموله الثرثاره .. ما تقدري تتركي هالطبع .. لكن لاتتركيه .. لاني اول مره اشوف ثرثرة جميله ..

بالنسبه لموضوعك طال عمرك .. كنت مجهو رد طويل عريض لكن مدري وش فيه الكمبيوتر علق وحاس ام الدنيا ..

علشان كذا باختصر ردي واخليه نقاط ..

بالنسبه لرد الزياره .. انا صراحه ما اتعامل معها على مبدا الرد بالمثل .. يعني ازور الناس لمجرد التواصل والوناسه .. لكن علشان انه زارني ارد له هالشي ماعندي ..

وبالنسبه لموضوع الضيف .. فوالله اللي يجيني يزورني لشخصي وعلشاني .. احطه فوق راسي .. وما انسى له هالشي .. وشي طبيعي اني اقوم بواجبه احسن قيام .. والزم عليه .. وغالبا يكون واجبه ذبيحه مسدوحه .. خاصه اذا كان ديره بعيده .. لكن اذا كانوا من خوياي القريبين .. فهذولي اعتبرهم اهل بيت .. وعشاهم غالبا يكون من اكل البيت نفسه ..

بجيتي الجايه للسعوديه بازور البابا .. وخلني اشوفه ما يسدح الذبيحه ولا يلزم .. << نشبه هالادمي وبقوه ..

يعطيكي العافيه يا الغاليه على هالمواضيع الحلوه ..

دمتم بخير ،،

ورد الدرر
11-07-2009, 10:25 PM
بسم الله الرحمن الرحيم

موضوع جميل ياأختي الفاضلة ويستحق النقاش الجاد,فعلا,ربما الكثير تراوده الوساويس ويلعب

الشيطان براسه إذا على سبيل المثال زار أحد وسلم عليه رغبة منه أن الشخص واجب عليه أيرد

الزيارة كأنه يعتقد أن الأمر مثل الفيزياء (لكل فعل رد فعل ساويه في القوة ويعاكسه في الإتجاه),وهذه

حقيقة ,ويبدأ يشك في الناس على أساس أنهم لم يقدروا زيارته بعدم زيارته لاحقا وهذا للأسف خطأ

شائع عند الكثيرين ويتسبب في قطع الكثير من العلاقات بين الناس بسبب التفكير من زاوية واحدة وهو

الذي يدل على قصر مدى تفكير الشخص نفسه.


أنا عن نفسي:أزور بعض الأشخاص وأكلمهم وأوسافر أحيانا لأجل أوصلهم وأكلمهم وكل حاجة من

دون على الأقل أن يبادلونني نفس الشعور بالضبظ إلا أنهم يتواصلون لكن ليس بنفس طريقتي وأنا أصلا

لاأنتظر من الشخص أن يصلني لأصله أوليتصل فيني إذا اتصلت فيه إذ لكل منا أعماله وأشغاله

فلايشعر وهذا إحساس يجب على الكل مراعاته يا أختي (amula)موضوع جميل من دررية أجمل

وأرجو أن نكون وفقنا في إختيار ردود جميلة لتدعيم هذا الموضوع الجميل

*amula_beauty*
12-07-2009, 02:56 PM
مساء الخير اخويا :

الماسي


الناس تعاملك ذي ما انتي تعامليهم ومافي حدا في الزمن ده فاضي يعيد المحاولة والزياراات

واذا طنشتي الناس حا تعاملك بنفس الطريقة حتي يجي يوم تلقي نفسك لووووحدك ،،،


صح كمان تدين تُدان


وحلوه صلة الناس

لكن مو معناتو ابدآ اني ازعل نفسي لو وحده ماردتلي الزياره

اشكرك اخي على المرور

ربي يسعدك

*amula_beauty*
12-07-2009, 03:19 PM
مساء الورد عزيزي :

سهيل


بالنسبه لموضوعك طال عمرك .. كنت مجهو رد طويل عريض لكن مدري وش فيه الكمبيوتر علق وحاس ام الدنيا ..

علشان كذا باختصر ردي واخليه نقاط ..

يا شيييييييييييييييخ ؟؟؟؟؟:drr05_89:




وبالنسبه لموضوع الضيف .. فوالله اللي يجيني يزورني لشخصي وعلشاني .. احطه فوق راسي .. وما انسى له هالشي .. وشي طبيعي اني اقوم بواجبه احسن قيام .. والزم عليه .. وغالبا يكون واجبه ذبيحه مسدوحه .. خاصه اذا كان ديره بعيده .. لكن اذا كانوا من خوياي القريبين .. فهذولي اعتبرهم اهل بيت .. وعشاهم غالبا يكون من اكل البيت نفسه ..


هوا اكيد لازم نقوم بواجب الضيافه

بس ايش هوا دا كل ماجانا ضيف بنسدحلوا دبيحه ؟؟؟؟

ليه ؟؟؟ فاتحين زريبه احنا ... وعلى كيفنا متى مانبغى نشحط الغنمه وندبحها ؟؟؟؟؟؟

شوف مهما كان الضيف انا عندي مو لازم ندبحلو

ندبح بالعيد .. لما يكون عندنا مناسبه كبيره

لكن يجيلي ضيف وادبحلو ؟؟؟؟؟

هزلت

مثلآ انا لو يجوني ضيوف :

ضيافتهم

شيبس(فشفاش) وعصير

ومع الشاي فطاير .. ومع القهوه حلى

وانتهينا

واذا يبغوا يتعشوا

نجيب اي شي من برا بس مو دبيحه

جيب (البيك) وحط جنبو صحن تبوله

:drr05_17:

**************************



بجيتي الجايه للسعوديه بازور البابا .. وخلني اشوفه ما يسدح الذبيحه ولا يلزم .. << نشبه هالادمي وبقوه ..


ههههههههههههه

من ناحية نشبه انتا نشبه منجد

وبابا ماراح يسدحلك دبيحه ترا قلتلك من دحين

انتا مننا وفينا

قهوه وشاي واحمد ربك

لو جلست لآخر الليل ... آخرتها بنضيفك عيش تُست بجبنه :218:

***********************

اشكرك ياعزيزي ع الطله الحلوه

ربي يسعدك

^_^

*amula_beauty*
12-07-2009, 03:24 PM
مساء الخير اخي :

العلمي




كأنه يعتقد أن الأمر مثل الفيزياء (لكل فعل رد فعل ساويه في القوة ويعاكسه في الإتجاه),وهذه

حقيقة ,ويبدأ يشك في الناس على أساس أنهم لم يقدروا زيارته بعدم زيارته لاحقا وهذا للأسف خطأ


على قولتك ... الموضوع مو فيزيائي

ووحده بوحده

الحكايه انسانيه اكتر من انها واجب بين الناس

وحكاية عدم التنازل والتكبر هدي حكايه تانيه اكبر


أنا عن نفسي:أزور بعض الأشخاص وأكلمهم وأوسافر أحيانا لأجل أوصلهم وأكلمهم وكل حاجة من

دون على الأقل أن يبادلونني نفس الشعور بالضبظ إلا أنهم يتواصلون لكن ليس بنفس طريقتي وأنا أصلا

لاأنتظر من الشخص أن يصلني لأصله أوليتصل فيني إذا اتصلت فيه إذ لكل منا أعماله وأشغاله

والله عين العقل

الواحد يسوي اللي يقدر عليه بدون ما ينتظر اي مقابل


اشكرك اخي الفاضل على المرور والرد الجميل

ربي يسعدك

^_^

To0ofy
12-07-2009, 03:41 PM
أمووووله دوبي رديت رد ياطوله..

بس ربك مو رايد تقرينه ..

طار مع الشبكه..

الموووهم..

راجعه ارد لك سوووون..

موووضوعك جميل جدا..

تحياتي..

*amula_beauty*
12-07-2009, 05:16 PM
اهلين حبيبتي :


توفي

بانتظار ردك يا بنتي

بس انتبهي من الشبكه المره الجايه

^_^

To0ofy
13-07-2009, 03:39 AM
ها انا هنااااا..

شوفي يابنت الناس..

صحبتك زارتك رديلها الزيارة..

لان هذا راح يسبب لها ولاهلها احراج انها ترجع تزورك..

والسبب ياطويلة العمر!!

انه اهلها إئتمنو اهلك على بنتهم وخلوها تزورك..

بس اهلك ماصار وخلوكي تزوري صحبتك..

يعني ما إئتمنو اهل صحبتك وهذا يسبب الزعل..

وحكاية الجاره..

لا موشرط تزوريها على طول وقت مافضيتي رديلها الزياره واللي يتعبلي

اشيلو فوق راسي واتعبله واضرب مشوار لبيته..

وماشربت قهوتك ولا اكلت حلاك ثاني مره شيلي نصيبي من القهوه على جنب لغاية

ما اجي عشان امخمخ في الرد..

دمتي بود..

تحياتي..