عروس سعودية تهدي زوجها مهرها صباح زفافها ؟؟

[الماسي]

فاجأت عروس سعودية عريسها في صباح اليوم الاول لزواجهما ، بصندوق صغير
تزينه ورود ، احتوى على مفاجاة أذهلت العريس ،
وهو جميع ما دفعه من مهر ،
هدية منها له ، وعزت الزوجة ذلك إلي " أن حبه وتقديره
اثمن من جميع كنوز الدنيا " (واااااووو ياعيني )
ولم يجد الزوج الذي رفض بداية قبول المبلغ ( لا ياشيخ ،،، ) إلا الخضوع لرغبة زوجتة وقال " لم اكن اعتقد بأن هذه الحكاية
يمكن تحدث ( ولا انا كمان ،،، عقبالي )
لكنها وقعت معي ، وحين سألتها عن السبب إرجاعها المهر
الذي كانت تستحقة واكثر ( والله انك محظوظ ) ، اكدت انها لا تريد من الدنيا سوي حبي وتقديري لها
( يلا حطها في عيونك ياقمر )
وهذا يجعلني في موقع كبير جداً
( ايوووة العين عليك حبيبي وعلى كل تصرفاتك معاها ) وانا اعدها بالحب
والاحترام والتقدير لانها اثبتت انها زوجه من عملة نادرة ( كفووو )،،، الزوج لم يتمالك دموعه ، أبلغ جميع افراد اسرتة
بهدية الزوجه على الرغم تشديدها على ان يبغي الامر بينها (
ياهوو صار فلم هندي دموع وما دموووع ) واستقبلت الاسرة الموقف بالاشادة
وسرعان ما انتشرت القصة في قريتها الصغيرة في محافظة الاحساء ( شرق السعودية ) :236:

عندي احساس انو الزواج ذا راح يكون من اسعد الزواجات للهدية القيمة بمعناها لا بقيمتها ؟؟

وله ايش رايكم ؟؟؟

يلا يابنات خلوها عادة ثابتة ونبدا صفحة جديدة في موضوع المهر ذاااا :drr05_17:

تقبلوا تحياتي

[ابن العميد]

الماسي

شكرا لك

اتمنى ان تصبح هذه الحركة الجميلة عادة عند الكل .


ملاحظة

الخط الأبيض غير واضح

دمت بخير

[سارونه]

http://www.te3p.com/vb/uploaded3/30893_01180144472.gif


تصدق انها تكذب عليه :drr05_17:
اجل حبه مايتقدر بثمن ومن اول يوم
قال من متى بالقصر قال امس العصر

وشلون تقضت ستي :150: اجل من حبه مامرت محلات عطور ولا شرت ولا خلقة تلبسها

هذا اللي كتب القصة زوج زوجته ماكله الابيض واليابس :drr05_19:
قام حطت حرته بالمتزوجين الجدد

مافي وحدة تعطي مهرها ابدا لاتصدقون

ان ماشرت به هي
شروا به اهلها قطعة ارض والا سيارة لاخوها الصغير هههههه
والا خلته في البنك ادخار


عقبال ماتلاقي وحدة ماتطلب مهر من اصله :drr05_32: اي هنا يقدرون الرجال ويشترونه
لكن تعطيه المهر عقب الزواج وبأول يوم لانها تحبه

ياعيني

يسلمو ع الخبرية
وبأقول لك خبرية ثانية بعد بالاحساء

وحدة انزفت في كفن وخلت الطقاقة تطق الى جهنم التي توعدون قال لها ليش
قالت ماابيك وانجبرت عليك :drr05_47:

هذي الخطيرة ههههه

[*amula_beauty*]

ماشاء الله ؟؟؟؟؟

ما مداها عرفت خيرو من شروووو

ما اسرع حبتو وصارت تغليه لدي الدرجه

ماعندها سالفه

منجد البنت هدي هبلا حبتين


لسسسسسسسسسا ماشافت شي

لما تنكرف ويرفعلها ضغطها

ساعتها بس بتتندم ع الهلله اللي رجعتها له

****************************** **************




ولم يجد الزوج الذي رفض بداية قبول المبلغ

<< طب عيني بعينك ؟؟؟:drr05_17:

****************************** **


تحليلي للحاله النفسيه للبنت :

وحده من الحالات التاليه ولايمكن تطلع عنهم :

1- تعبانه نفسيآ
2- مآكله هوا ببيت اهلها وماصدقت تنفك منهم
3- متدينه جدآ واخلاقها عاليه

والله اعلم

[*amula_beauty*]

جا على بالي تحليل منطقي كمااااان


ايش دراكم يمكن هدي دقه للعريس


يعني يمكن ماعجبها المهر

وتبغى تبين لو انو اللي قدمو آخرو يتقدم زيو زي الهدايا مو مهر



فاجأت عروس سعودية عريسها في صباح اليوم الاول لزواجهما ، بصندوق صغير


شفت انو مهر اي كلام ... اهه مكتوب (صندوق صغير) :150:

[To0ofy]

هذي الزوجه..

ممكن إلا أكيد تكون وحده طيبه على نياتها والطيبه عندها وصلت لحد ((السذاجه))

كيف تأمن على واحد من اول يوم..

مداها الأخت..

على قول اموووله ..

بكره لما تنكرف ..

تعرف ان الله حق..

ومافي رجال في الزمن دا يستاهل الكرم دا..

أموووله الحالة النفسية برأيي:
ساذجه..
زوجها على قد حاله حبت تساعده..من باب الطيبه..((ملعون حال الطيبه هادي))
بسم الله عليها على بالها بيحبها كدا ..
.............

الله يحميها ويعطيها على قد نيتها اذا كانت الهرجه صح..

[zadi]

___________________


الماسي , يعطيك العافية على الخبر الجميل دا ,,,

معليش خليني أشوف شغلي مع سلاحف الننجا دول إللي هنا ,,, :218:


يابنات أتغطوا , ووسعولي الطريق , إحم إحم , يالله دستور طريق ( طبعاً لازم ندستر عشان إللي في راصها شر يخرج ) :236:

يالزلاحف البشرية إنتو ,,, تعالوا هنا , إيش تبغوا إنتو ؟؟؟ :drr05_89:

دحين البنت أتصرفت تصرف نبيل ونادر وعمرنا ماسمعنا عن شي زي كدا ,,, ومن حبها في جوزها وتقديرها له و وقفتها معاه حبت تقوله إن أنا وإنتا واحد طول العمر وإن مهري دا فداك وبين يدك ( كأني عايش معاهم :drr05_22: )

على طول لحفتوها وكفنتوها برشاشاتكم ,,, :drr05_42:

دا دليل على إن أبوها وأهلها ناس طيبين ومية مية ومو محتاجين وكلفوها وجهزوها من عندهم ومن جيبهم مشترين رجال ,,, وهي كملت الباقي ,,, طب والله برافو عليها وألف برافو عليها ,,, :200:

إذا كانت تقصد توقف معاه , فهي بنت رجال وبنت أبوها والله ,,, وإذا هي عطته من باب المحبة , فكمان كثر الله خيرها ,,,

تجوا إنتوا ياحزب ( تلاتة فواحد :150: ) وكل وحدة فيكم مسكتها وهاتك يا جلد وسلختوها سلخ :263:

إيش تبغوا إنتوووووووووووووو :152:

ناس ماتجي غير بالعين الحمرا :243:

ول عليكم , ول :drr05_64:

____________

أسمعي يابت إنتي وهيه , خلو المخلوقة في حالها مع جوزها ومع نفسها :drr05_97:

__________________

كلمة بيني وبينكم , أبغا أرجع على أم عبد الله وأقولها ليش ما أعطتني المهر ؟؟؟ |581|

يمكن كان ديك الأيام فك زنقة :123:

هههههههههههههههههههه الله يطولي في عمرها |238|

سلالالالالالالالالالالالالامين وحتت :drr05_19:

[((كــــــــادي))]

هلا // الماسي ..









يلا يابنات خلوها عادة ثابتة ونبدا صفحة جديدة في موضوع المهر ذاااا :drr05_17:



8
8
8
0
0

:drr05_19:احلام عزوبي :220:

في المشمش ..

هذه وحدة هبلة انضربت فيوز مخها .. ما صدقت تتزوج :153:



صدقني ما يخلص شهر العسل إلا تلاقيه متزوج وحدة تانية ... مو المهر موجود :150:

تستاهل .. تاخذ على راسها ..

هي اللي جابته لنفسها :drr05_89:

[*amula_beauty*]

يا سلااااااااااااااااام

وسع وسع

زادي يبغى يقاوح :150:


شوف يا عمو زادي


البنت هدي عبيطه حبتين مع احترامي الشديد لشخصها الكريم

بالله تعطي مهرها لجوزها ؟؟؟؟

صدقني اكتشفت شي جديد

ممكن تكون البنت تعبانه ...ياحبة عيني

او بنت عبيطه ..يعني مخها ابو مشي حالك :drr05_47:


******************************


يالزلاحف البشرية إنتو ,,, تعالوا هنا , إيش تبغوا إنتو ؟؟


بسم الله عليكم انتو ....:218:

وبعدين يا عتريس بيك:165:

احنا قصدنا شريف

وتصرفنا نبيل


لازم ننتشل البنت هدي من الضياع والضلال الفكري

ايشبك اننتتا ... هدا فكر شاذ عن المجتمع الانساني... وانا خايفه صراحه على النسل الانساني

من امثال البنت المتهوره هدي




دا دليل على إن أبوها وأهلها ناس طيبين ومية مية ومو محتاجين وكلفوها وجهزوها من عندهم ومن جيبهم مشترين رجال ,,, وهي كملت الباقي ,,, طب والله برافو عليها وألف برافو عليها ,,,


لا يا شيخ ؟؟؟؟؟

ومين قال اصلآ ان البنت تتجهز من مهرها

يا قلبي المهر دا للبنت ... تحطوا بحسابها

والجهاز طبيعي على الاهل :drr05_17:



إذا كانت تقصد توقف معاه , فهي بنت رجال وبنت أبوها والله ,,, وإذا هي عطته من باب المحبة , فكمان كثر الله خيرها ,,,

والله يا عمي العزيز ... ما نقول شي ... ونعم بالبنت واهلها

لكن انا اتكلم عن الوضع والحركه الانتحاريه اللي سوتها

توقف معاه ؟؟؟؟ << مامداه يشتكي لها الحال :153:

من باب المحبه ؟؟؟؟ << يكفي اعطتو نفسها دا اكبر دليل ع المحبه :drr05_41:




تجوا إنتوا ياحزب ( تلاتة فواحد ) وكل وحدة فيكم مسكتها وهاتك يا جلد وسلختوها سلخ


ايوا واجبنا ننقذ الجنس البشري من الفئآت المتهوره

يا ابويا انتا ما طحتلك بواحد شرير ... يفسرها على انها حركه عبيطه

يعني لو بنت تانيه متزووجه واحد سوووسه ... واعطتو المهر بتسوي نفسها (البنت التي مؤدبه):drr05_19:

وراح اعطاها على راسها

وخلى حياتها جحيم ... ولا اتزوج عليها بمهرها

فيه رجال عيونهم فارغه وماتنفع فيهم الفعله الطيبه

وقتها بس بتندم البنت على كل هلله دفعتها له

اذا الحريم دحين ندمانين لأنهم فنو عمرهم لواحد ما يستاهل

فما بالك المهر ؟؟؟؟؟؟


ول عليكم , ول

اليوم نفسي اتكرن على احد ترا :drr05_89:



كلمة بيني وبينكم , أبغا أرجع على أم عبد الله وأقولها ليش ما أعطتني المهر ؟؟؟


ههههههههههههههههههههه

الله يطولك بعمرها ولايحرمكم من بعض

بس نصيحه من اخت

لا تسألها .... لا تشك انك ناوي ع التانيه بس

:236:

ربي يسعدك ياشرير

[طالبة الجنة]

والله البنت دى باين عليها كدا هبلة وعبيطة ..
أو على نياتها أوى،،
جاتها خيبة البنت دى متعرفشى ان الرجاااااال دولا ما يطمر فيهم الخير ،،
أول ما القرش يجرى فى إيدهم يروحو جرى يتزوجو واحدة تانية
بدل ما يشكرو ربنا على الرزق اللى جالهم
قال ايه هى فاكرة انه كدا حيحبها >> كان غيرك أشطر يا حلوة
انا ما أضمنهم بتعريفة
والله الواحد لو كان يضمنكم يا معاشر الرجال
كان إتنازل عن المهر والشبكة وكل حاااااجة
وبعدين فى حاجة مهمة ،،
البنت لو تنازلت مثلا عن المهر او أى شئ زى كدا
زوجها يحسب إنها كدا رخيصة فعشان ما يحسب
إنها رخيصة فلازم يدفع دم قلبه فيها عشان يعرف قيمتها
يعنى لا تتعبوا نفسكو فى مواضيع زى كدا ها ؟
حتدفعوا المهر يعنى حتتدفعوه:drr05_17:
أخى الفاضل
الماسى
جزاك الله خيرا
بارك الله فيك
حفظك ربى ورضى عنك

[قمر الغربية]

طيبة بقوة تأمن على واحد بطريقة غريبة

المفروض تاخد المهر وتخليه يحس بقيمتها لمن يدفع زي الطيبين والله لو كانت بنت أغنى الاغنياء

زي حكاية صارت قريب مننا قال ايه اعطاها المهر وابوها مبسوط قام رجع المهر للولد وزوجها بريال والاب ياحرام مايدري الولد قبلها بيومين بيحاول يخطب بنت اخوه ويرسل أخواته يكلموا البنت ولو وافقت يكنسل البنت الطيبة دي .

رجال مصايب

[الجوري]

عذرا هذي ما عندها سالفه

طيب العروس لها متطلبات ياكثرها

الى اذا كانت بنت نعمه مو محتاجه المهر

جات تبي تسوي فيها حركه

انا بنسبه لي رفعت ضغطي وبس

يسلمو على الموضوع

[سارونه]

http://www.te3p.com/vb/uploaded3/30893_11180210622.gif


عمو زادي
والا عتريس بيك :249:

مو قصة حب وزلاحف ههههه
مو حب انها تعطيه اول يوم وش هالحب الا لو يعرفون بعض من قبل !!
او بينهم اتفاق


لو مقدرينه جد كان من اول ماطلبوا مهر
قالوا ريال وشيمة رجال << مسلسل بدوي

مو بعد يطلبونه ويتسلف ويتقسط
يرجعونه له

شكلو مادخل من الزفة الا كاذب عليها بسالفتين هالخبلة
نفسي اعرف حيكمل معاها الحياة ؟؟ والا بنو ادم شيمتهم يخونوا بس
ويروح يتزوج عليها وحدة توريه نجوم القايلة :235: وقولوا ساره قالت



الاخو وهو اخو ماينوثق فيه
شلون رجال ومن اول يوم تعطيه الحل والحلال

الحمد لله ع العقل

[To0ofy]

___________________

معليش خليني أشوف شغلي مع سلاحف الننجا دول إللي هنا ,,, :218:

سلاحف برضو طيب طيب


يالزلاحف البشرية إنتو ,,, تعالوا هنا , إيش تبغوا إنتو ؟؟؟ :drr05_89:

يازلاحف اسمعو عمكم زادي ايش بيقول..


دحين البنت أتصرفت تصرف نبيل ونادر وعمرنا ماسمعنا عن شي زي كدا ,,, ومن حبها في جوزها وتقديرها له و وقفتها معاه حبت تقوله إن أنا وإنتا واحد طول العمر وإن مهري دا فداك وبين يدك ( كأني عايش معاهم :drr05_22: )

طيب اوكي تصرف نبيل لكنه ينم عن قمة الغباء..وسوري عالمصطلح



على طول لحفتوها وكفنتوها برشاشاتكم ,,, :drr05_42:


من زود خوفنا عليها وعلى بني جنسنا



دا دليل على إن أبوها وأهلها ناس طيبين ومية مية ومو محتاجين وكلفوها وجهزوها من عندهم ومن جيبهم مشترين رجال ,,, وهي كملت الباقي ,,, طب والله برافو عليها وألف برافو عليها ,,, :200:


على بالك بالعصر الحجري تجهز من مهرها ياعيب الشوم:165:

البنت اهلها يجهزوها ومهرها في الحساب ...



إذا كانت تقصد توقف معاه , فهي بنت رجال وبنت أبوها والله ,,, وإذا هي عطته من باب المحبة , فكمان كثر الله خيرها ,,,

توقف معاه ماقلنا شي بس عاد مو من اول ليله بس كثر منها..

هيا خليها تقول ياهادي بالاول..

واية محبه هذي الحمدلله والشكر..

ما اعرف دي البينت فيوزها ضاربه ولا في فيروس بمخها..

وبعدين دي البنت مستحيل تكون حابته من زمان لانه في قرية في الاحساء يعني مكان محافظ..

برضو اقول فيها حاجه..



تجوا إنتوا ياحزب ( تلاتة فواحد :150: ) وكل وحدة فيكم مسكتها وهاتك يا جلد وسلختوها سلخ :263:

ايش قالو لك بونكس تلاته في واحد



إيش تبغوا إنتوووووووووووووو :152:

نبغى مصلحتها



ناس ماتجي غير بالعين الحمرا :243:

ول عليكم , ول :drr05_64:


ايه والله مايجيبكم غير العين الحمرا..



أسمعي يابت إنتي وهيه , خلو المخلوقة في حالها مع جوزها ومع نفسها :drr05_97:


ايوا الله ياداخل بين البصله وقشرتها ماينوبك غير ((ريحـ.....))

واحنا مالنا..



كلمة بيني وبينكم , أبغا أرجع على أم عبد الله وأقولها ليش ما أعطتني المهر ؟؟؟ |581|

يمكن كان ديك الأيام فك زنقة :123:

هههههههههههههههههههه الله يطولي في عمرها |238|

سلالالالالالالالالالالالالامين وحتت


الله يخليها لك..

انتبه عاد تفتح الموضوع معاها:drr05_19:


ياشعب البنوتات..

أناشدكم..

عرسان لاتعطوهم وجه..

كلهم زي بعض بوجهين اول يوم وجه ياحبي ياروحي ثاني يوم كلي هوا..

انتبهو تطيحوا في فخهم..

مالهم أمان..

حطي عينك في عينه ولا توريه غير العين الحمرا..

ولاتتنازلي عن حق من حقوقك مهما كان..

وشو ماصار لاتقولي طيب الا بعد تفكير دقيق..

واذا قال لك يمين شمال قولي له انا اشوف ..

ولا يسير واسمع عنكم تعطون مهركم لعرسانكم لأفشفشكم :drr05_41:عن بكرة ابيكم..

فاهمين..

وسلااااامتكم..

[الماسي]

الماسي

شكرا لك

اتمنى ان تصبح هذه الحركة الجميلة عادة عند الكل .


ملاحظة

الخط الأبيض غير واضح

دمت بخير



هلا باخوي ابن العميد ،،،

انشاء الله تصير عادة على شان الواحد يدبر مليون ريال

ويرشها رش في العرس والمهر وخلافة وينتظرها في صباحية الزفاف

ترجع مليون ومية الف هههههه طبعا المية هدية من العروس ،،،،:236:

الخط الابيض هيا تعليقاتي ما ابغي اخبص كلام المعرس ،،،

مرر عليها بالماوس راح تبان ،،،

شاكر حضورك وتعليقك

[الماسي]

شروا به اهلها قطعة ارض والا سيارة لاخوها الصغير هههههه
والا خلته في البنك ادخار



اهلين سارونة ،،،

طيب هيا ما رمتهم في البحر عطتهم زوجها

وابو عيالها انشاء الله وحايستفيدوا منها مع بعض

غير كدة كما صرح المعرس " ما حاينسي دة الموقف طول حياته "

يعني البنت ذكية كسبت الزوج من اول يوم وما راح يشوف غيرها بالكون ،،،

اسعدني حضورك ،،،،

[الماسي]

1- تعبانه نفسيآ
2- مآكله هوا ببيت اهلها وماصدقت تنفك منهم
3- متدينه جدآ واخلاقها عاليه

والله اعلم



اهلين اموله ،،،

مشكلتك انك اختي الموضوع من اتجاه واحد فقط

ليش ما تكون البنت كالتالي :

1/ ذكية جدا

2/ ترمي لبعيد " شايفة الطلاقات والمشاكل المالية الدنيا تبغي تكسب زوجها من البداية

3/ انها ما تهتم بالمال بل الاستقرار والهناء والسعادة ،،،

عيدي النظر في الاتجاة الاخر وراح تغيري موقفك وممكن تعملي مثلها :153: ،،،

[الماسي]

ومافي رجال في الزمن دا يستاهل الكرم دا..



waaaaaaaaw

كلام كبير ياتوفي ،،،،

اصابع اليد الواحدة تختلف شكلها :220:

ما بالك بالناس كلهم فيهم الزين والشين والقوي عين :216:

الرجال ( ابوك ،، اخوك ،،، زوجك ،،، ابنك ،،،، ) مو كلهم مشاكل

بس للاسف الناس تسمع قصة طلاق ولة مشكلة واحد تعم على الجميع

لاالالالالا ياهوووووووو في اسر عايشة احلي عيشة وتفاهم ومحبة ووووو :214:

اسعدني حضورك اختي توفي ،،،

كوني بسعادة ،،،

[zadi]

________________


عتريس عتريس , مو مشكلة , المهم إني عاجب أم العيال |238| ومتخشش معاها والحمد لله , كيييييييييييييدكم , فلفل شطة :drr05_77:


يافرقة حسب الله إنتو :298:

ألحين يعني قيمة المهر ذي هي إللي بتخليه يروح يتجوز عليها ؟؟؟

يابت إنتي وهيه , إللي فراصو شي مايعيه شي :150: يعني كلها شغلة سلفة من البنك وراتب كم شهر قدام وجاب ( الرديفة ) للأولانية :181:

دحين إنتو بتسو دا كلو عشان لمن يجيكم الدور ماتتعطو الرجال شي ؟ :218: كيفكم , مو شرط , بس لاتقعدي ( تجعصي ) عليه بالفلوس وهيه أصلاً حقتو :220:

يعني خلينا ناخدها حتة حتة على قولة أخواننا المصريين ( ولو إنهم ماعاد ياخدوها حتة حتة صاروا ياخدوها هبرة هبرة :drr05_76: والدليل , ألولووووووووو :drr05_60: في رد طالبة الجنة )

دحين الناس بتشجع إللي يسهل المهر ويعمل ( ديسكاونت على القطعة من 25 إلى 75% ) :134: بس شيل وأتوكل ,,, وإللي بيسوى كدا نصفق له ونقول والله رجال يبغا يستر بناته ,,,

طيب أوكي , كويس ولو إني مو مع هادا التوجه , لأنه في نظري لازم العريس يتعب ويقدم مهر معقول عشان البنت تفرح وهو يشعر بأنه تعب فيها مو آخدها جائزة من سوق النجار في مهرجان إم بي سي :drr05_51:

طيب البنت أتصرفت تصرف قريب ومشابه للي ممكن يحصل في الخطبة , يعني بدل ما أبوها يقوله ( ياوليدي هات ريال وخذ قشك وامشي :150: ) قامت هي أتصرفت بس بعد الجواز :257: بنفس المعنى والهدف ,,, بل بالعكس , سجلت قووووووووول ولا ماجد عبد الله في عز أيامه مايسجله :236:
لأنه لو ابوها سوى كدا , كان يبقى الجميل لأبوها ,,, لكن هيه الآن صاحبة الجميل والمعروف ,,, يعني لو عنده نية مشاكل مايقدر يقولها ( إنتي راس مالك عندي ريال ) يعني خذيه وكدا خالصين :drr05_17:

بل بالعكس هيه لها الكلمة عليه ( ياشحات يامئشف يا واخد مهري :243: وعامل فيهاا سبع البرمبة :drr05_18: )

يعني عروصتنا هنا كسبانة من جميع النواحي ,,,

أتعلموها بئا , إلين متى تعيشو تقليديين وعلى سنة أباؤنا الأولين :143:

العالم طلعوا ونزلو من القمر وصارو يروحولو بالدبابات وإنتو لساعكم ( كم المهر ؟؟؟ ) :220: وفين المهر ( يابويا ) :150:

تتمسو على خير ,,, ويارب نشوف موضة ( إسترجاع المهور للعرسان ) في كل مكان :200: وثابتة في بين الناس ,,, وديك الساعة أشوف إيش راح تسوي السحالي وهم ( طفرانيين ):204: وحالتهم حااااالة .

على فكرة سألت أم عبد الله يابت فين وديتي المهر وليش ما ساهمت في حل أزمة بداية الجواز بـ 50% على الأقل :218:

قالتلي : إنت نسيت غدا عشا غدا عشا برا وكنت تسوي إنك مرة نسيت الشنطة :150: ومرة تروح تغسل يدك وقت الجرسون يجيب الفاتورة :drr05_22: ومرة تقولي ماعندهم مكينة فيزا عشان حضرتك ماتمشي غير بالبطاقة :drr05_89:

مدري , أنكتمت وحسيت إنها ( زلتني ) وقعدت بيني وبين نفسي أقول حسبي الله عليكم يازلاحف الدرر :152: سمعتوني كلمتين خرقت جنابي وزكرتني بأيام الطفر بداية الجواز :drr05_62:

________________

المشكلة مافي غيري والماسي من الفصيلة ( الأخرى ) ؟؟؟ وين الباقين ؟

ياشباب تعالو دافعو عن أنفسكم , ترا نفسي قصير معاهم والكترة تغلب أم الشجاعة :drr05_43:

[*amula_beauty*]

ماما تقول

مو لو اتصدقت فيها ابركلها


في مساكين يستاهلوا الصدقه

مو تديها جوزها البنت التووووحفه هدي




:drr05_17:


الله يخليكي ليا يا ماما دنا تربييييييتك :150:




على فكرة سألت أم عبد الله يابت فين وديتي المهر وليش ما ساهمت في حل أزمة بداية الجواز بـ 50% على الأقل

قالتلي : إنت نسيت غدا عشا غدا عشا برا وكنت تسوي إنك مرة نسيت الشنطة ومرة تروح تغسل يدك وقت الجرسون يجيب الفاتورة ومرة تقولي ماعندهم مكينة فيزا عشان حضرتك ماتمشي غير بالبطاقة

مدري , أنكتمت وحسيت إنها ( زلتني ) وقعدت بيني وبين نفسي أقول حسبي الله عليكم يازلاحف الدرر سمعتوني كلمتين خرقت جنابي وزكرتني بأيام الطفر بداية الجواز


والله ماشاء الله عليها ام عبدالله ... مره عسل

عجبتني طريقتها بالرد


يا شيخ ما يعرفلك الا هيا ... تآخد حقوقنا منك :218:


تصدق لو زوجي سألني دا السؤال

بقولو : انتا ايش دخل اهلينك ؟؟؟؟؟

منجد اعور ويتنقور

[*amula_beauty*]

ياشعب البنوتات..

أناشدكم..

عرسان لاتعطوهم وجه..

كلهم زي بعض بوجهين اول يوم وجه ياحبي ياروحي ثاني يوم كلي هوا..

انتبهو تطيحوا في فخهم..

مالهم أمان..

حطي عينك في عينه ولا توريه غير العين الحمرا..

ولاتتنازلي عن حق من حقوقك مهما كان..

وشو ماصار لاتقولي طيب الا بعد تفكير دقيق..

واذا قال لك يمين شمال قولي له انا اشوف ..



توفي لا توصي حريص


تدري انا بيوم شوفتي ايش عملت ؟؟؟؟؟


الولد جالس ومؤدب ....

رحت جيت قدامو وطالعت فيه

قلت يا (فلان) طالع فيا مزبوووط

عشان بعدين ماتقول ماشفتها

:drr05_19:


شفتي الذكاء والحنكه

:236:

[zadi]

________________


( توفي لاتوصي حريص ) :249:

ماشاء الله عليكم , دحين أجتمعتو :drr05_39: وحدة تقول ورا :drr05_19: والتانية عاااااااااااااشو :200:

أصلاً لو أنا من خطيبك :218: أخليك أول حاجة تروحي وتجي قدامي خمسة ستة مرات :220: لايكون تمشي على جنب :249: ولا قصيرة , أخليكي تقومي وتقعدي زي تمارين المنتخب :150:

وبعدين أقلك أفتحي فمك وأقيس ( طول ) لسانك :drr05_52: من اللغلوغ إلين يطلع برا , أشوف كم إنش :220: ويصلح معايا ولا أسويلو عملية ( تدبيس ) :236:

وبعدين أجي في يوم تاني من صباح الله خير , عشان أشوفك بدون أي بويات ومكايج ومسكرات :drr05_91:
إيوه يا أختي , دا جواز مو لعب :drr05_22: وحدة راح تشاركني العمر كلو :drr05_41:

وبعدين أسويلك الإختبار الأخير , أحط جنبك تلفون وأشوف كم مرة تمسكيه :drr05_63: عشان لاتجيبيلي فواتير ولا الدفاع المدني مايطفي حرارة نارها :drr05_62:

نرجع لموضوعنا , إحنا فين وصلنا ؟؟؟

إيوه , طيب قولي لماما العريس دا في الحال دا في اليوم دا وفي الوضع دا والله أمسك من أقل مسكين :139: مسكين تلاقيه وصل ليوم الجواز وكان صارف آخر مية ريال في جيبه أعطاها ( تيبس ) للطقاقة إللي أمتحنوه بها ,,,
يعني من الآخر , تلاقيه كان حايس في حق الفطور يوم الصبحة ( 10 ريال فول وتميس ونفر معصوب بالقشطة عشان القشطة إللي معاه بس العين بصيرة واليد قصيرة :drr05_17: )

وجات هيه وأسعفتو وفكت الزنقة من وسع :200:

برضو أقولها برااااااااااااااااافو عليها ,,,

أما إنتو ,,, والله لو أنا من عرسانكم , غير أقولكم إللي تبغى تفطر ( تشخشخ جيبها ) شوية :drr05_91: هيه تكية :drr05_32:

__________________

شكلي خبصت وراح يجو ينتفوني :263:

باااااااااااااااااااااي

[الماسي]

الماسي , يعطيك العافية على الخبر الجميل دا ,,,

معليش خليني أشوف شغلي مع سلاحف الننجا دول إللي هنا ,,,


خذ راحتك عمو zadi

اصلا وقفتك معاي في الموضوع ده ريحتني خالص

،،، مشكوووور وما قصرت ،،،

تقبل تحياتي ،،،

[*amula_beauty*]

زادي انتا رايح تخطب ولا تشتري سياره ؟؟؟؟


لو واحد بيسويلي كدا

وربي لأنسيه الحليب اللي شربو من مامتو

:drr05_41:

[الماسي]

احلام عزوبي

في المشمش ..

هذه وحدة هبلة انضربت فيوز مخها .. ما صدقت تتزوج



صدقني ما يخلص شهر العسل إلا تلاقيه متزوج وحدة تانية ... مو المهر موجود



اهلين مراقبتنا العام ( كـــــــــــــــادي )

لا لا لا ياكادي البنت ذكية ولعبتها صح ،،،

إحنا رجال ونعرف وش تسوي الحاجات الذي كده فينا:228:

إلا واحد ما عنده اصل ولا فصل ،،،:218:

واكيد البت ايام الملكه عرفت معدنه :200:

تخلي الواحد يمشي عدل ولا لف ولا دوران :drr05_22:

اسعدتني مشاركتك ،،،

تحياتي ،،

[الماسي]

البنت لو تنازلت مثلا عن المهر او أى شئ زى كدا
زوجها يحسب إنها كدا رخيصة فعشان ما يحسب


ياهووو ماهوب تنازل البنت اعطته هدية ،،،

يعني العريس دفع مهرة وكل شي والبت هدته كل الصرفه:drr05_19:

وهيا حرة تعمل التبغاه ،،،

شاكر حضورك ودعواتك الجميلة اختي طالبة الجنه ،،،

تحياتي ،،،

[الماسي]

زي حكاية صارت قريب مننا قال ايه اعطاها المهر وابوها مبسوط قام رجع المهر للولد وزوجها بريال والاب ياحرام مايدري الولد قبلها بيومين بيحاول يخطب بنت اخوه ويرسل أخواته يكلموا البنت ولو وافقت يكنسل البنت الطيبة دي .

رجال مصايب



اختي الفاضلة قمر الغربية ،،،

مووو كل الشباب والبنات واحد ،،،:218:

الناس تختلف وانشاء الله البنت هذي تكون حياتها سعيدة ،،،،

شاكر حضورك ،،، تحياتي ،،،

[الماسي]

عذرا هذي ما عندها سالفه

طيب العروس لها متطلبات ياكثرها

الى اذا كانت بنت نعمه مو محتاجه المهر

جات تبي تسوي فيها حركه

انا بنسبه لي رفعت ضغطي وبس

يسلمو على الموضوع


مشرفتنا الجوري ،،،

الواضح انو البنت بنت نعمه ،،،

وما طماعة يعني تحب تستمتع بحياتها معنويا اكثر من مظهريا

وانشاء الله راح تتوفق في حياتها ،،
شاكر حضورك ،،