للنقاش ][ اللي يشك بالناس اكيد وراه بلااااوي ][ [الأرشيف]

مشاهدة النسخة كاملة : للنقاش ][ اللي يشك بالناس اكيد وراه بلااااوي ][

*amula_beauty*

03-07-2009, 11:05 PM

http://www.dorarr.ws/forum/uploaded/30460/ثص.jpg

اكبر مصيبه في الدنيا

الرجال لما يشك بزوجتو

********************

ممكن يكون شك الرجل بمحلو

وممكن لا

بس بالأغلب احنا نتكلم عن البنات العفيفات الطاهرات اللي ازواجهم يشكوا فيهم

الشك المرضي

******************

يعني لما الرجال يقعد يراقب زوجتو بكل شي:165:

ويفتش جوالها

انا عن نفسي لو زوجي بيفتش جوالي ارضى لو كان بس كدا بيتونس وطفشان

لكن لو حسيت انو براسو نوايا اخرى ... وشك

راح اخد الجوال من يدو:218:

واللي يصير يصير

**********************

الشك لما يكون بالبيت يحولو لجحيم :249:

امس كنت ببيت وحده من قرايبنا

بنتهم كانت لابسه فستان قصير بتستقبلنا فيه :228:

المهم جا ابوها ناداها

البنت خافت ابوها يشوفها بدا الفستا ويضربها:139:

راحت سكتت وما ردت

قام الاب يصررررخ بصوت عااالي

شويا ويدخل علينا غرفة الضيوف

راحت امها قالت ( قلانه بالحمام) ....

قام الاب راح الحمام وفتحوا ... مالقيها:150:

قام يصررخ ويقول فينها

على بالو اننا بالغرفه مدخلين اخويا معانا

منجد سخااافه

انا شويا واقوم عليه :263:

بس مسكت نفسي لأن صوت المرأه عوره

رحت فكيت بنطلوني وخليت البنت تلبسو وتروح لأبوها المريض:drr05_89:

منجد استحقرت بعض التصرفات امس

مدري هوا شاكك بتربيتو ولا ايه ؟؟؟

اللي يشك بالناس اكيد مو واثق بنفسووو:165:

**************************

ايش رايكم بالشك عند بعض الآباء والازواج
............

وهل هو مبرر في بعض المواقف؟؟؟

ادري فيه بنات مو كويسين

بس البنت اللي انا اتكلم عنها هدي

حافظة قرآن واخلاقها عاليه

ودا الرجال هوا نفسو الرجال اللي قلت بأحد مواضيعي اني بغتالو
:200:
بس ما حبيت اقول مين هوا عشان خلااااص انا فضحت الرجاااال بقوووه

وهل تعتقدوا انو اللي يشك بالناس وراه بلاووي ؟؟؟؟

انا اعتقد كدا ^_^
ربي يسعدكم

To0ofy

04-07-2009, 12:35 AM

اموووله لسا دوبي ..

كنت بتفرج على ساكنات في قلوبنا..

فقع قلبي الرجال اللي اول ما شك شك بمرته انها مدخله رجال غريب في البيت..

والمصيبه انه مرته تشتغل طول فترة الصباح والشغاله هيا الموجوده في البيت..

يعني ليش الهبل دا تشك بمرتك ام عيالك عشرت عمر وماتشك بالشغاله شي يفقع القلب..

وبالنسبه لدا الرجال قريبك ..

مو طبيعي ..

لا بالعكس هوا طبيعي جدا لنه عارف نفسه ايش يسوي..

وكل يشوف الناس بعين طبعه..

انا استغرب في واحد خالتي تحكي عنه

الرجال اول ماسمع واحد يتكلم وجاب سيرة ((كأني شفت بنتك بالسوق ذاك اليوم))

تلاقي الرجال لونه سار احمر ..

وحط ثوبه في فمه وجرى عالبيت عشان يضرب بنته..

سئل الام قالها صح راحت السوق ..

الام تقولوا ايوا راحت السوق معايه انا واخوها يوم وديتنا ذاك اليوم..

وقتها سلم علينا رجال سئل عنك وقلنا نوصلك السلام..

كلم صاحبه..

قال له صاحبه ايش بك شلت نفسك وطلعت ..

انا بقولك شفت بنتك واخوها وسلمت على ولدك ماشاء الله عليه..

وبنتك طلعت صحبة بنتي في المدرسة جلسوا هرجوا مع بعض بنتي وبتك..

<<<<<<<<<تتوقعي في عقل ضيق أضيق من عقل هالرجال

اللي يشك في بنته وهي عفيفه طاهره..

هذا انسان مريض مايعرف تربيته..

وزي ماقلت اول كل يشوف الناس بعين طبعه..

وهالرجال وراه بلاوي..

حسبي الله ونعم الوكيل فيهم..

أمووووله حلى الفيمتو سويته مع ماما بساعه الا ربع..

بس الى الان ماذقته في التلاجه يبرد..

شفتي كيف انا اشطر منك..

دمت بخير..

ورد الدرر

04-07-2009, 01:22 AM

بسم الله الرحمن الرحيم

السلام عليكم ورحمة الله وبركاته

على الرغم من أن الموضوع نسائي نسبيا إلا أني حبيت أضيف رايي

الذي بمكن يضيف شي على الموضوع مقولتك أختي صحيحة

(الذي يشك أكيد وراه بلاوي) نظرا للأسف أختي من سفر الشباب للخارج والتجارب الدنيئة قبل الزواج
تشوه صور الشباب في عيون النساء(طبيعي ) بسبب هذه الأفعال

كما أن للمجتمع دور كبير في الحفاظ على كيان الرجل في حال خطأه(عفا الله عما سلف) يحفظه أما لو أخطأت المرأة (تقوم الدنيا ولاتقعد):drr05_41::drr05_41:
ماأقول إلا الله يهدي شبابنا ويحفظ بناتنا من عيال الحرام
والسموحة على الإطالة أو التدخل.......................ه ذا ولك جزيل الشكر على الموضوع الجميل

((كــــــــادي))

04-07-2009, 02:03 AM

" يا ايها الذين امنوا إن جاءكم فاسق بنبإٍ فتبينوا أن تصيبوا قوماًبجهالةٍ فتصبحوا على ما فعلتم نادمين " الحجرات (آية:6)

والله عندي كلام كثير .. بس اليومين هذه مشغولة كثير ..

استشهدت بالآية هذه .. حباً في مشاركتك الموضوع :)

*amula_beauty*

04-07-2009, 03:48 AM

صباح الرضا لحبيبتي :

توفي

اموووله لسا دوبي ..

كنت بتفرج على ساكنات في قلوبنا..

فقع قلبي الرجال اللي اول ما شك شك بمرته انها مدخله رجال غريب في البيت..

والمصيبه انه مرته تشتغل طول فترة الصباح والشغاله هيا الموجوده في البيت..

يعني ليش الهبل دا تشك بمرتك ام عيالك عشرت عمر وماتشك بالشغاله شي يفقع القلب..

يا بنتي خلاص انا اعتزلت المسلسلات اللي تفقع القلب

ايش باقي من العمر .... << :236:

وبالنسبه لدا الرجال قريبك ..

مو طبيعي ..

لا بالعكس هوا طبيعي جدا لنه عارف نفسه ايش يسوي..

وكل يشوف الناس بعين طبعه..

والله يا توفي انا انفجعت ....

ايش فيه دا ؟؟؟

يعني شاكك اننا مدخلين اخويا عندنا بالعرفه

يا مخ مرتك معانا كمان

يعني هوا مو شك ببنتو بس

لا شك بأمانه مرتو

قسم بالله حارق دمي

تدري قلت لمرتو ...آآآآآآآه ياريتني اقدر اعطيكي قلبي وروحي ادخلهم بجسمك بس اسبوع

والله لأربيلك البزر دا :249:

الرجال اول ماسمع واحد يتكلم وجاب سيرة ((كأني شفت بنتك بالسوق ذاك اليوم))

تلاقي الرجال لونه سار احمر ..

وحط ثوبه في فمه وجرى عالبيت عشان يضرب بنته..

سئل الام قالها صح راحت السوق ..

الام تقولوا ايوا راحت السوق معايه انا واخوها يوم وديتنا ذاك اليوم..

وقتها سلم علينا رجال سئل عنك وقلنا نوصلك السلام..

كلم صاحبه..

قال له صاحبه ايش بك شلت نفسك وطلعت ..

انا بقولك شفت بنتك واخوها وسلمت على ولدك ماشاء الله عليه..

وبنتك طلعت صحبة بنتي في المدرسة جلسوا هرجوا مع بعض بنتي وبتك..

<<<<<<<<<تتوقعي في عقل ضيق أضيق من عقل هالرجال

هما كدا عجولين

بس الحمدلله مو كلهم

فيه ناس من كتر ما هما واثقين من اهلهم ... كدا تحسي نفسك تعطيهم هديه ياشيخه

يعجبوني مررررررره

اللي يشك في بنته وهي عفيفه طاهره..

هذا انسان مريض مايعرف تربيته..

وزي ماقلت اول كل يشوف الناس بعين طبعه..

وهالرجال وراه بلاوي..

منجد ... انا صرت دحين اصدق دي المقوله

انو كل مين يشوف الناس بعين طبعووو

اللي قالها والله دكتووور وفنااان

أمووووله حلى الفيمتو سويته مع ماما بساعه الا ربع..

بس الى الان ماذقته في التلاجه يبرد..

شفتي كيف انا اشطر منك..

:drr05_89:

يابنت فضحتيني امام الملأ

ايش معنى انا قعدت اسويه من العصر لقريب العشا

:139:

لالا يا توفي اكيد انتي غلطانه :drr05_91:

بالعافيه عليكم

ومره تانيه لا تفضحيني دحين يقعدوا يتشمتوا ... ما يمديني اتفقعن عليهم واقول اعرف اطبخ:216:

بس انا اصلآ تخصصي مو حلويات << مرررررررره ما تترقع :drr05_19:

ربي يسعدك

^_^

*amula_beauty*

04-07-2009, 04:06 AM

صباح الخير اخي العزيز :

العلمي

على الرغم من أن الموضوع نسائي نسبيا إلا أني حبيت أضيف رايي

بالعكس يا اخويا ... الموضوع مو نسائي .. بس انا كدا دايمآ اتكلم من زاويه وحده

لكن برضو النساء ... لازم كمان ما يشكوا بأزواجهم

مو حلو الشك من الطرفين .. يعني راح نتناقش عن شك الزوجه بزوجها كمان

وانا اتكلمت عن شك الرجل .. لأنو شك مدمر بعكس شك المرأه الضعيفه

الذي بمكن يضيف شي على الموضوع مقولتك أختي صحيحة

(الذي يشك أكيد وراه بلاوي) نظرا للأسف أختي من سفر الشباب للخارج والتجارب الدنيئة قبل الزواج
تشوه صور الشباب في عيون النساء(طبيعي ) بسبب هذه الأفعال

شي يقهر والله

يجي الزوج حقل تجارب ساااابق

منتهي من مجاميعوووو:249:

محتك بفلانه ومناحل علااانه

ويحسب ان زوجتو طبعها زي طبعهم

ومن هنا تبدأ المأساه

يقعد يقارن بين افعال زوجتو وافعال رفيقته السابقه

ممكن لو اتكلمت زوجتو بالليل بالجوال ... يشك فيها ويشوف بخيالووو صورة صاحبة الماضي :150:

لما كانت تكلمو بأنصاص الليول

منجد الدنيا خربطيشن

كما أن للمجتمع دور كبير في الحفاظ على كيان الرجل في حال خطأه(عفا الله عما سلف) يحفظه أما لو أخطأت المرأة (تقوم الدنيا ولاتقعد

اي والله

تُحاسب المرأه ولا يُحاسب الرجال

واللي يقهر لما يجي رجال صايع ... يتفلسف ... ويقول (الرجال مايعيبوا الا جيبو)

والبنت لااااااا

ماأقول إلا الله يهدي شبابنا ويحفظ بناتنا من عيال الحرام
والسموحة على الإطالة أو التدخل.......................ه ذا ولك جزيل الشكر على الموضوع الجميل

آمين يارب

اشكرك اخي العزيز على هذه المشاركه الرائعه

جعلت للحديث محاور اخرى جميله وقابله للنقاش

ربي يسعدك

^_^

zadi

04-07-2009, 11:01 AM

___________________

أمولة صباح الخيرات ,,,

شك الزوج في زوجته غير شك الأب في إبنته !!

شك الزوج نابع من غيرة ( مرضية ) ويمكن على قولتك إنه عامل بلاوي أو كان عامل بلاوي وخايف إن دا الشي يتكرر فيه ومعاه ,,,

متى مادخل الشك في الحياة الزوجية , قلبها جحيم أحمر ,,, ونتائجه ( فتاكة ) ممكن توصل للحد الأعلى ( القتل ) أو بالحد الأدنى للطلاق !!!

الشك يصل عبر مراحل متدرجة ,,, تبدأ بمرحلة ( الإستغراب ؟؟؟ ) ثم مرحلة الظن ( وهي المرحلة التي يأخذ فيها العقل ويعطي ويوسوس الشيطان ) ثم المرحلة النهائية ( الشك ) وهي التأكد من معلومة معينة ويبحث عن الدليل , وقد لايحتاج إلى دليل ,,,

طب , ليه توصل الأمور لدي الدرجة بين الزوجين ؟؟؟

ليه مايكون كل واحد واضح في حياته وتصرفاته ويبعد عن أي شبهة أو شيئ يسبب القلق والوسواس والظن للطرف الثاني ؟؟؟

ترا على فكرة , أحيانا من ( صغر ) عقل المرأة , تتسبب لحالة ظن أو شك لزوجها بتصرف معين لغرض ( إكتشاف ) مدى حبه لها !!! ؟؟؟
يعني تغمغم وتهمهم في الجوال وهي قاعدة تتكلم قدامه مع صاحبتها مثلاً وهو مو داري إن دي صاحبتها وتقوم الدنيا ولاتقعد وتكون هي صادقة لأنها قاعدة تتكلم مع صاحبتها ويتأكد هو بنفسه من الرقم والصاحبة , وتطلع حرمته مسكينة وعلى نياتها وهو المفتري الظالم المؤلم !!!
طب دي بزمتك إيش نسوي فيها :218: ؟؟؟ الخنق قليل عليها :drr05_41:

أما شك الأب في بنته ,,, أنا أعتبره مو شك قد ماهو خوف وقلق ,,,

طبعاً في حالات شك بس دي تكون مبنية على حالات سابقة حقيقية حصلت وخلته يشك بعد كدا في تصرفاتها ومتابته لها من باب لاتكرر الخطأ ,,,

في موضوع صاحبتك دا إللي حكيتي عنه ,,,
الأب معاه حق في المراقبة والتشديد ,,, مو قسوة منه قد ماهو خوف ,,, ليه ماتفهموها بالشكل دا ؟؟؟

الآن إحنا قاعدين نتكلم في موضوع توفي حق البويات ,,, بذمتك كيف يعرف الأب إيش صاير في الجامعة ؟؟؟
فلمن يسمع عن دي المصايب , من حقه يخاف على بنته ,,, من حقه يحاول يحميها من شر نفسها وشر إللي حواليها ,,,
والمشكلة إنه في دي الأحوال ( الشر يعم ) !!!
يعني يقول في نفسه ( أقطع عرق وسيح دمه ) ولاتضيع مني بنتي !!! صح ؟؟؟

المشكلة إن البنات يعتبروها قسوة من الأباء , ومايفهموها على إنها خوف ,,,

طب أبو صاحبتك دا , إيش عرفو بمين إللي عند بنته ؟؟؟ حتى لو قالتله إنهم صاحباتها , طيب ليه مايفكر إن دول الصاحبات خربانات زي مثلاً البويات ؟؟؟
يفضل عقله يودي ويجيب , وممكن في دي الحالة يسيئ التصرف , لكن الغاية نبيلة ,,,

خليكي مع صاحبتك دي وأنصحيها إن تصرف أبوها دا طبيعي , وإن دورها إنه تطمنه تماماً بكل الطرق , وراح تلاقيه صار حاجة تانية معاها ,,, صدقيني .

لازم نعذر الأباء لأنه مافي أب تهون عليه بنته , بينما الزوج ممكن يقطع كل شك بإنه يطلقها ويتجوز وحدة تانية ,,, هل يقدر الأب يرمي بنته ويجيب وحدة تانية ؟؟؟

سين سؤال أبغى جيم جوااااااااااااااب ,,,

يعطيكي العافية أمولة

سلامين وحتة ,,,

وردة وردية

04-07-2009, 11:39 AM

*amula_beauty*

الله يبعدنا عن الشك والشاكيين

الصراحة ان هذه الصفة تجيب العلة والمرض

وطبعا كل شك يختلف عن الاخر

يعني الزوج وزوجته هذا نوع من الشك

ولكن الاب وابنته هذا خوف وحرص

موضوع رااااااااااائع

تسلمين يالغالية

*amula_beauty*

04-07-2009, 04:07 PM

*amula_beauty*

04-07-2009, 04:20 PM

صباح \مساء الورد يا اخويا العزيز :

زادي

شك الزوج في زوجته غير شك الأب في إبنته !!

قد يكون كلامك صحيح في بعض المواقف

اقنعتني هدي الجمله نوعآ ما

شك الزوج نابع من غيرة ( مرضية ) ويمكن على قولتك إنه عامل بلاوي أو كان عامل بلاوي وخايف إن دا الشي يتكرر فيه ومعاه ,,,

المشكله لما يجيك العريس خاربها و مسوي السبعه وذمتها

ويجي يتفقعن على مرتوووو ويطلع امراضو النفسيه عليها

الشك يصل عبر مراحل متدرجة ,,, تبدأ بمرحلة ( الإستغراب ؟؟؟ ) ثم مرحلة الظن ( وهي المرحلة التي يأخذ فيها العقل ويعطي ويوسوس الشيطان ) ثم المرحلة النهائية ( الشك ) وهي التأكد من معلومة معينة ويبحث عن الدليل , وقد لايحتاج إلى دليل ,,,

الله لا يجعلني اعيش هدي المراحل

ولا يجعل اي احد يحبني يعيشها

طب , ليه توصل الأمور لدي الدرجة بين الزوجين ؟؟؟

هنا مربط الفرس

ليه توصل الامور لدي الدرجه

اتوقع لما يكون الزوجين بعيدين عن بعض ... ممكن يصير كدا

الزوج لازم يكون مو بس زوج ... لازم يكون اخ وصديق وابن وكل شي

مو زوج وبس

هيا مو وظيفه يأدي عملو فيها وانتهينا

لما الزوجين يكونوا قريبين من بعض

يحبوا بعض

بينهم موده ورحمه

صدقني عمر الامور مابتوصل للدرجه دي

****************************** *******

طيب برا الموضوع شويتين بسألك

الزوج بالغالب ليلة الدخله مالت عليه

يسأل مرتو عن ماضيها

ويقولها قوليلي وصارحيني ..... انا ستر وغطا ... وما حسويلك شي

وعفا الله عما سلف

لكن اذا البنت صارت تفضفض لو ... بينفر منها وممكن يكرهها ويطلقها

منجد يقهروا

يعني الزوجه مهما كان زوجها عسل ... تحذذذذذذذذذر

ليه مايكون كل واحد واضح في حياته وتصرفاته ويبعد عن أي شبهة أو شيئ يسبب القلق والوسواس والظن للطرف الثاني ؟؟؟

صح معاك حق

على فكرة , أحيانا من ( صغر ) عقل المرأة , تتسبب لحالة ظن أو شك لزوجها بتصرف معين لغرض ( إكتشاف ) مدى حبه لها !!! ؟؟؟
يعني تغمغم وتهمهم في الجوال وهي قاعدة تتكلم قدامه مع صاحبتها مثلاً وهو مو داري إن دي صاحبتها وتقوم الدنيا ولاتقعد وتكون هي صادقة لأنها قاعدة تتكلم مع صاحبتها ويتأكد هو بنفسه من الرقم والصاحبة , وتطلع حرمته مسكينة وعلى نياتها وهو المفتري الظالم المؤلم !!!

وفي حريم هما يبغوا ازواجهم يشكوا فيهم

كدا يتلذذوا

تفتكر مسلسل ( جميل وهناء) ... لما جميل كان نفسو انو هناء تشك فيه .... وسوا السبع وذمتها

الين ماصارت توووسووووس شك ... وخنقتوووو وكرهتو حياتو

طب دي بزمتك إيش نسوي فيها ؟؟؟ الخنق قليل عليها

ممكن تكون بريئه او عبيطه

أما شك الأب في بنته ,,, أنا أعتبره مو شك قد ماهو خوف وقلق ,,,

طبعاً في حالات شك بس دي تكون مبنية على حالات سابقة حقيقية حصلت وخلته يشك بعد كدا في تصرفاتها ومتابته لها من باب لاتكرر الخطأ ,,,

في موضوع صاحبتك دا إللي حكيتي عنه ,,,
الأب معاه حق في المراقبة والتشديد ,,, مو قسوة منه قد ماهو خوف ,,, ليه ماتفهموها بالشكل دا ؟؟؟

ممكن بس بحالات

الآن إحنا قاعدين نتكلم في موضوع توفي حق البويات ,,, بذمتك كيف يعرف الأب إيش صاير في الجامعة ؟؟؟
فلمن يسمع عن دي المصايب , من حقه يخاف على بنته ,,, من حقه يحاول يحميها من شر نفسها وشر إللي حواليها ,,,
والمشكلة إنه في دي الأحوال ( الشر يعم ) !!!
يعني يقول في نفسه ( أقطع عرق وسيح دمه ) ولاتضيع مني بنتي !!! صح ؟؟؟

المشكلة إن البنات يعتبروها قسوة من الأباء , ومايفهموها على إنها خوف ,,,

بدي الحاله صح

الواحد ما يأمن والله

طب أبو صاحبتك دا , إيش عرفو بمين إللي عند بنته ؟؟؟ حتى لو قالتله إنهم صاحباتها , طيب ليه مايفكر إن دول الصاحبات خربانات زي مثلاً البويات ؟؟؟
يفضل عقله يودي ويجيب , وممكن في دي الحالة يسيئ التصرف , لكن الغاية نبيلة ,,,

خليكي مع صاحبتك دي وأنصحيها إن تصرف أبوها دا طبيعي , وإن دورها إنه تطمنه تماماً بكل الطرق , وراح تلاقيه صار حاجة تانية معاها ,,, صدقيني .

اصلآ ابوها يعمل كدا حتى مع بنات خالاتها ... ومع خالاتها وجدتها

يعني خايف عليها من جدتها وخالتها؟؟؟؟؟؟

لا تحاول تقنعني ابدآ... ابو البنت منتهي مرررررررره

لازم نعذر الأباء لأنه مافي أب تهون عليه بنته , بينما الزوج ممكن يقطع كل شك بإنه يطلقها ويتجوز وحدة تانية ,,, هل يقدر الأب يرمي بنته ويجيب وحدة تانية ؟؟؟

انا عمومآ اقدس الآباء واحبهم كووولهم

ربي يسعدك يا زادي الخير

والله انبسط بردودك

^_^

*amula_beauty*

04-07-2009, 04:42 PM

ملحق ثقافي :236:

الآن إحنا قاعدين نتكلم في موضوع توفي حق البويات ,,, بذمتك كيف يعرف الأب إيش صاير في الجامعة ؟؟؟
فلمن يسمع عن دي المصايب , من حقه يخاف على بنته ,,, من حقه يحاول يحميها من شر نفسها وشر إللي حواليها ,,,

اساسآ البويات يبان عليهم ,,,, وهنا الأم لازم تقوم بدورها

وترا البنت ممكن تكون ماشيه مزبوط طووول عمرها

لكن توصل الجامعه يخربوها البنات بالجامعه

اعرف بنت والله كانت السبحه بيدها دايمآ .... ومررررره ملتزمه

دخلت الجامعه ... واتعرفت على شله فسااااااااد

صارت البنت حالتها صعبه

من العبايه اللي تفضح اكتر ما تغطي

والمكالمات والعلاقات

والخرجات من الجامعه ...

ووصلوا للشقق كمان

اللهم لا شماته

البنت صار قلبها حجر

وانا صرت اشوفها (طاغوت) اعوذ بالله

هوا لازم الحرص

بس برضو ترا الثقه حلوه

لكن متى ؟؟؟

اهم شي تحسسها بالثقه

مع الحرص كمان

الحديث ذو شجووون

برب

همسة عاشق

04-07-2009, 04:46 PM

بسم الله الرحمن الرحيم

أختي أمل أحسك دخلتي شعبان في رمضان
شك الرجال لحرمتو غير تمام لشكو في بنتو

قبل دا كلو يقولك المثل مافي دخان من دون نار
أكييد فيه سبب يخليه يشك ولا يقعد يترصد لحركات اللي عندو في البيت

نرجع تاني للشك

أول شي شك الرجال لزوجتو
إما يكون دا الرجال مريض أو بعيد عنك بيلعب ويخاف هيا كمان بتلعب أو يكون زمان كان لعاب وفيه حركات ولا مواقف بتصير مع زوجتو تخليه يشك إنها بتلعب
أو الحاجة التانيه ممكن تكون الحرمه هيا اللي تجيب لنفسها الشبهه ولا الكلام وتخلي زوجها يفكر مية تفكير (( على قولتهم مخليه الفار يلعب في عبو )) بكرة خرجاتها ولا بتصرفاتها الغريبة .

في كلا الحالات يقوولك الشك لو دخل من الباب طلع الحب من الشباك << يعني بالعربي مافي أمل يتوافقو إلا إذا ربنا أراد لهم يتصالحو ويهدي بينهم

أما البنت
ممكن تسموه شك لكن هوا خوف أكثر من شك خاصة لوو كانت مراهقة فيحاول إنو تتعود على أسلوب ونمط معين علشان تكون متربية على أسس معينه مو هشك بشك وعلى كيفها تطلع ولا على كيفها تلبس خاصة الزمن دا ينخاف على البنت من صاحباتها أكثر من الأولاد اللي في الشوارع
وممكن البنت لا سمح الله أبوها قد مسك عليها شي ولا صار موقف خلى أبوها يفرض العقاب والتشديد دا << طبعا إنتي ما راح تعرفي ولا أحد راح يقولك لإنو الموضوع ح يكون بينهم
وممكن يكون وبالفعل الأبو متسلط ومتجبر في بيتو ويهلك البنت وبصراحة ياما أسمع عن بنات هربو من بيوتهم ولا سوو جرايم في أهلهم ولا جابو العار لبيتهم بس علشان التشديد والتعصب دا
ربنا العالم بالأسباب

بس فوق دا كلو
لو كان الآدمي اللي على قولتك شكاك
لو مع حرمته أكيد راح يكون بينهم موقف يوقفو عندو ويتفاهمو إما يعيشو مع بعض براحه وبدون شكوك أو يفترقو ويادار ما دخلك شر وعندك لجنة إصلاح البين دي تتناقش مع الزوجين وتحاول تصلح بينهم إن شاء الله

أما على البنت لو كان فيه حاجة صارت قبل كدا أكيد بعد فترة الأب راح يهدى ونتبه عليها ويداري فيها بدون ما يكمل بأسلوب الشده
وإن كان متسلط وظالم ممكن أحد الأقارب ولا يقدر يقنعو ويهدييه وإذا والله الطريق مسدود معاه وعلى قولتهم متفرعن الله يخلي جمعية حقوق المرأه فيه عالم تجي تشتكلي وهما ياخذو بحقهم

<< إن شاء الله ما أكون إتفلت بزياده ووصلت اللي أبغى أقولو :)

*amula_beauty*

04-07-2009, 04:46 PM

مساء الخيرغاليتي :

ورده ورديه

والله منوره

زمااااااان عنك

اشكرك على الرد الحلو

وفعلآ الشك احساس مقيت

ونظريتك انتي وزادي مقنعه نوعآ ما

ولكن زي ما قلت مو بكل الحالات

ربي يسعدك

^_^

عاشق البيت

04-07-2009, 05:07 PM

سال احدهم بعض الاخصائين
كيف احرس خطيبتى ؟
قال لا تحاول
فان كانت ذات اخلاق ودين وتربية فحسبك
وان كانت تريد ان تغافلك الى شئ قبيح فان الاسطول السادس
الاميريكى لن يقوى على حراستها

------------------------

قال احدهم لصديقه ان زوجتك كانت اليوم تمشى مع فلان الكهربائى
فقال له الزوج غاضبا و مؤكدا : ان فلانا هذا لا يفقه شيئا فى الكهرباء